បញ្ហាស្ត្រីផ្សេងទៀត

ធ្លាក់ទឹករម្អិលទ្វារមាសខុសធម្មតា និងនោមឈឺ អាចមកពីកត្តា ៥ យ៉ាងនេះ

ពិតណាស់ ការធ្លាក់ទឹករម្អិលទ្វារមាស ជារឿងធម្មតាប៉ុណ្ណោះ ប៉ុន្តែប្រសិនបើយើងសង្កេតឃើញមានការប្រែប្រួលភ្លាមៗ ជាមួយនឹងអាការៈនោមឈឺ នោះអាចជាសញ្ញានៃបញ្ហាសុខភាពមួយចំនួន ដែលគួរតែតាមដានឲ្យបានដិតដល់។ មូលហេតុបង្កនៃការធ្លាក់ទឹករម្អិលទ្វារមាស និងការឈឺពោះអំឡុងពេលនោម ១. ការឆ្លងមេរោគផ្សិត មូលហេតុទូទៅមួយនៃការធ្លាក់រម្អិលទ្វារមាសមិនប្រក្រតី គឺជាការឆ្លងមេរោគផ្សិត។ ជាក់ស្តែង នៅក្នុងទ្វារមាសយើង មានពពួកបាក់តេរី និងផ្សិត ហើយនៅពេលដែលតុល្យភាពនៃសមាសធាតុទាំង២មានការរំខាន ស្រីៗយើងអាចនឹងឆ្លងមេរោគផ្សិត។ រោគសញ្ញារួមមាន នោមក្រហាយ និងរមាស់ ព្រមជាមួយនឹងការធ្លាក់ទឹករម្អិលទ្វារមាសមិនប្រក្រតី ដែលអាចមានសភាពខាប់ និងមានពណ៌ស។ ប៉ុន្តែ យើងអាចព្យាបាលបញ្ហាមួយនេះបាន ជាមួយនឹងការប្រើថ្នាំផ្សះ ឬថ្នាំប្រឆាំងនឹងមេរោគផ្សិត។ ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ២. អតុល្យភាពបាក់តេរីក្នុងទ្វារមាស នៅពេលដែលបាក់តេរីលូតលាស់ឆាប់រហ័សពេក ស្រីៗយើងអាចប្រឈមនឹងបញ្ហាអតុល្យភាពបាក់តេរីក្នុងទ្វារមាស។ រោគសញ្ញានៃការបង្ករោគនេះ អាចមានការធ្លាក់ទឹករម្អិលមិនប្រក្រតីនៅទ្វារមាស ដែលអាចមានពណ៌សបែកប្រផេះ ហើយមានក្លិនមិនល្អ។ ការបង្ករោគនេះ ក៏អាចព្យាបាលជាសះស្បើយតាមរយៈការប្រើថ្នាំផ្សះផងដែរ។ ៣. ការឆ្លងជំងឺកាមរោគ ជំងឺកាមរោគមានច្រើនប្រភេទណាស់ ដូចជាជំងឺប្រមេះទឹកបាយ និងប្រមេះទឹកថ្លា ដែលអាចនាំឲ្យមានការធ្លាក់ទឹករម្អិលទ្វារមាសមិនប្រក្រតី និងឈឺពោះនៅពេលនោម។ ក្នុងករណីដែលយើងសង្ស័យថាបានឆ្លងជំងឺកាមរោគ គួរទៅពិនិត្យសុខភាព ក៏ដូចជាទទួលយកការព្យាបាលឲ្យបានឆាប់រហ័ស ទើបជាការប្រសើរ។ [embed-health-tool-due-date] ៤. ការបង្ករោគលើផ្លូវទឹកនោម ការបង្ករោគលើផ្លូវទឹកនោម គឺជាមូលហេតុចម្បងនៃការចុកពោះ អំឡុងពេលនោម។ បញ្ហាមួយនេះ កើតឡើងដោយសារមូលហេតុជាច្រើន ដូចជាការរួមភេទដោយមិនបានការពារ កង្វះអនាម័យ និងបញ្ហាសុខភាព ដូចជាជំងឺទឹកនោមផ្អែមជាដើម។ ៥. […]

បញ្ហាស្ត្រីផ្សេងទៀត

ស្រីៗពាក់អាវទ្រនាប់គេងពេលយប់ ប៉ះពាល់អ្វីខ្លះ?

គ្នាយើងមួយចំនួនតែងតែគិតថាការពាក់អាវក្នុងពេលគេងអាចមិនមានអ្វីកើតឡើងចំពោះសុខភាពនោះទេ តែតាមពិតទៅការពាក់អាចទ្រនាប់ពេលគេងយប់ក៏អាចមានផលមិនល្អចំពោះសុខភាពមួយចំនួនដែរ ដែលស្រដីៗយើងអាចពិចារណាបាន។ខាងក្រោមនេះគឺជាអត្ថប្រយោជន៍នៃការគេងមិនពាក់អាវក្នុង និងផលប៉ះពាល់នៃការពាក់អាវក្នុងពេលគេង។ ផលប៉ះពាល់ពីការពាក់អាវក្នុងគេង ១. ធ្វើឲ្យឈាមដំណើរការមិនប្រក្រតី ប្រសិនបើអាវក្នុងរបស់យើងតឹងនោះអាចនឹងរឹតសង្កត់លើចរន្តឈាម ហើយអាចប្រឆាំងនឹងស្បែកធ្វើឱ្យសាច់ទ្រូងរបស់យើងឡើងតឹង។ ការពាក់អាវក្នុងរឹតខ្លាំងក៏អាចធ្វើឲ្យរារាំងលំហូរឈាមទៅកាន់សរសៃប្រសាទនៅក្នុងដៃរបស់យើង និងរាងកាយថែមទៀតផង។ ការពាក់អាវរឹបខ្លាំង ក៏អាចរារាំងមិនឲ្យឈាមរត់ទៅដល់ជាលិកាដើមទ្រូង និងធ្វើឲ្យចរន្តឈាមខ្សោយនាំឱ្យវិលមុខនិងរមួលសាច់ដុំ។ ២. រំខានដល់ការគេង និងរលាកស្បែក យើងប្រហែលជាដឹងហើយថាការគេងក្នុងសំលៀកបំពាក់ដែលតូចជាងខ្លួនពិតជាអាចធ្វើឲ្យយើងពិបាកក្នុងការគេង ហើយការពាក់អាវក្នុងពេលគេងដោយភាពរឹតតឹងក៏ដូចគ្នាដែរ។ ក្រៅពីការរំខាន អាចទ្រនាប់ក៏អាចធ្វើឲ្យស្បែកយើងរលាក ដោយសារតែទំពក់ និងខ្សែនៃអាវរឹបទៅលើផ្ទៃស្បែកដែលអាចបង្កឱ្យមានការឈឺចាប់ និងរលាកផងដែរ។ ៣.ធ្វើឲ្យស្បែកឡើងខ្មៅ ស្បែកឡើងខ្មៅមកពីការកើនឡើងកម្រិតមេឡានីននៅក្នុងរាងកាយរបស់យើង។ សារធាតុពណ៌មេឡានីនកំណត់ស្បែករបស់យើង ក្នុងស្រទាប់ខាងក្រៅនៃស្បែក។ ការពាក់អាវក្នុងនៅពេលយប់អាចបង្កើតការកកិត ដែលជាការផលិតមេឡាណូស៊ីតនិងបង្កើតចំណុចខ្មៅ និងធ្វើឲ្យពណ៌ស្បែកមិនស្មើគ្នា។ ៤. បង្កើនការឆ្លងមេរោគផ្សិត និងផ្លាស់ប្ដូររូបរាងទ្រូង ក្នុងបរិយាកាសក្ដៅយើងបែកញើស នោះអាវក្នុងយើងនឹងសើមហើយហប់ ដែលអាចបង្កើតជាការបង្ករោគផ្សិត។ មូលហេតុដែលល្អនោះយើងគួរតែចៀសវាងការពាក់អាវក្នុងនៅពេលគេង ប្រសិនបើអាកាសធាតុក្ដៅ។ ម្យ៉ាងវិញទៀត តាមការសិក្សាបង្ហាញថាការពាក់អាវក្នុងនៅពេលយប់ជះឥទ្ធិពលអវិជ្ជមានដល់ប្រព័ន្ធ ឡាំហ្វាទិច ដែលយកជាតិពុលចេញពីសុដន់យើងតាមរយៈកូនកណ្ដុរនៅក្រោមក្លៀក។ ការពាក់អាវរឹប ឬដែលមានខ្សែរឹបអាចរារាំងប្រព័ន្ធ ឡាំហ្វាទិច មិនឱ្យហូរ និងរាំរាំងការច្រោះជាតិពុលដែលជាហេតុអាចធ្វើឱ្យយើងងាយកើតអាការហើម និងរលាកសុដន់រ៉ាំរ៉ៃផងដែរ។ អត្ថប្រយោជន៍នៃការមិនពាក់អាវក្នុងគេងយប់ អ្នកជំនាញណែនាំពីអត្ថប្រយោជន៍ទាក់ទងនឹងការគេងមិនពាក់អាវក្នុង មានដូចជា៖ ១.ដកដង្ហើមស្រួលជាងពេលពាក់ នៅពេលដែលគេងផ្លូវដង្ហើមផ្នែកខាងលើរាងចង្អៀត ដែលធ្វើឱ្យខ្យល់ពិបាកទៅដល់សួត។ ការស្លៀកពាក់តឹងៗ អាចធ្វើឲ្យចលនាខ្យល់នៅក្នុងទ្រូងពិបាកដំណើរការ ដោយរឹបតឹងខ្លាំងធ្វើឲ្យឆ្អឹងជំនីរមិនអាចពង្រីកបានពេញលេញ និងដោយសេរី។ ការពាក់អាវក្នុងគេងអាចធ្វើឲ្យយើងមានអារម្មណ៍ថាហត់ និងទទួលយកអុកស៊ីសែនមិនបានគ្រប់គ្រាន់។ ប្រសិនបើយើងគេងដោយមិនពាក់អាវក្នុងនោះអាចនឹងល្អជាងការដែលពាក់អាវក្នុងគេង។ ២.អនាម័យកាន់តែប្រសើរ ការគេងដោយពាក់អាវក្នុងក្នុងអាកាសធាតុក្ដៅអាចធ្វើឱ្យបែកញើសខ្លាំង។ ការបែកញើសនៅក្នុងអាវទ្រនាប់ក៏ជាហេតុនាំឱ្យមាន ក្លិនខ្លួននិងកើតមុន។ ដើម្បីឱ្យស្បែកបានស្អាតគួរជៀសវាងការពាក់អាវក្នុងនៅពេលគេង។ ៣.ការពារពីការមានរបួស អាវក្នុងក៏ជាមូលហេតុបង្កឲ្យមានរបួសស្រាលដែរ។ ដោយសារតែ ទំពក់និងខ្សែរឹបទៅលើស្បែកយើងនិងបណ្ដាលឲ្យស្បែកឡើងក្រហម និងក្រហាយ។ […]