ម៉ាក់ប៉ាសាកប្រាប់កូនថា “តោះកូន! ទៅលេងសួនទឹក។” ច្បាស់ជាអាអូនលោតកញ្ឆេង សប្បាយចិត្តពេញមួយថ្ងៃមិនខាន។ ក្មេងៗចូលចិត្តលេងទឹកណាស់ តែម៉ាក់ប៉ាមិនសូវបណ្ដោយឲ្យលេងតែអាច ព្រោះខ្លាចមានគ្រោះថ្នាក់កើតឡើង។ យ៉ាងណាក៏ដោយ យើងក៏ត្រូវដឹងតែថា ការឲ្យកូនលេង ឬហែលទឹក ផ្ដល់ប្រយោជន៍ដល់ការលូតលាស់ និងអភិវឌ្ឍរបស់កូនដែរ មិនមែនបានតែសប្បាយមួយមុខទេ។
ការឲ្យកូនលេង ឬហែលទឹក ជាសកម្មភាពរីករាយមួយសម្រាប់កូនៗ និងផ្ដល់គុណសម្បត្តិច្រើនយ៉ាងដែលនឹកស្មានថានឹងទទួលបានដោយគ្រាន់តែហែលទឹកសោះ។ ទោះជាយ៉ាងនេះក្ដី ពេលកូនលេងទឹក ម៉ាក់ប៉ាត្រូវតែតាមដានកូនឲ្យជាប់ជានិច្ច ឬបើអាច ចុះទៅលេងជាមួយដើម្បីសុវត្ថិភាព។
