បញ្ហាភ្នែកផ្សេងទៀត

ក្រោយបាញ់ឡាស៊ែរបំបាត់ភ្នែកមីញ៉ូប បញ្ហាភ្នែកមីញ៉ូបអាចត្រឡប់មកវិញអត់?

ការបាញ់ឡាស៊ែរបំបាត់បញ្ហាភ្នែកមីញ៉ូប ឬ Lasik អាចជួយឲ្យកញ្ចក់ភ្នែកវិលត្រឡប់មករកសភាពដើម និងកែតម្រូវបញ្ហាភ្នែកមីញ៉ូប។ យ៉ាងណាមិញ គ្នាយើងមួយចំនួនតូច អាចនឹងប្រឈមនឹងការប្រែប្រួលកញ្ចក់ភ្នែកដែលពាក់ព័ន្ធនឹងអាយុ (age-related changes)។ ការប្រែប្រួលនេះ អាចបណ្តាលឲ្យយើងប្រឈមនឹងបញ្ហាភ្នែកព្រឹល ក្រោយបាញ់ឡាស៊ែរពីរបីឆ្នាំក្រោយ។ កត្តាមួយចំនួនដែលអាចបណ្តាលឲ្យបញ្ហាភ្នែកមីញ៉ូបវិលត្រឡប់មកវិញ មានកម្រិតមីញ៉ូបខ្លាំង (លើសពី-៦.០០D) ធ្វើការងារដែលត្រូវការប្រើភ្នែកខ្លាំង ទ្រង់ទ្រាយកញ្ចក់ភ្នែកប្រែប្រួល ឧស្សាហ៍ចុករួយភ្នែក សម្លឹងអេក្រង់កុំព្យូទ័រ ឬទូរស័ព្ទច្រើនជ្រុល មានអាយុច្រើន កង្វះសារជាតិចិញ្ចឹមល្អៗចំពោះសុខភាពភ្នែក កង្វះវីតាមីនA ប្រឈមនឹងជំងឺភ្នែកផ្សេងៗ ដូចជាជំងឺភ្នែកឡើងបាយ មានជំងឺទឹកនោមផ្អែម។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! តើបញ្ហាមីញ៉ូបបង្កឡើងដោយមូលហេតុអ្វី? កត្តាបង្កនៃបញ្ហាមីញ៉ូបរួមមាន៖ ធ្វើការងារដែលទាក់ទងនឹងការប្រើភ្នែកមើលវត្ថុជិតៗ មានប្រវត្តិគ្រួសារកើតជំងឺភ្នែកមីញ៉ូប។ [embed-health-tool-heart-rate] ការបាញ់ឡាស៊ែរបំបាត់បញ្ហាភ្នែកមីញ៉ូបមានផលវិបាកអ្វីខ្លះ? ស្ងួតភ្នែកបណ្ដោះអាសន្ន ពិបាកមើលភ្នែកនៅទីងងឹតបណ្ដោះអាសន្ន រំញោចទៅនឹងពន្លឺ បញ្ហាភ្នែកមីញ៉ូបកើតឡើងវិញ ប្រែប្រួលគំហើញ។ល។ អត្ថបទពាក់ព័ន្ធ៖ ផ្លែល្ពៅមានប្រយោជន៍ដល់បេះដូង ភ្នែក និងស្បែក មើលអេក្រង់យូរ ភ្នែកអាចមានបញ្ហា! ប៉ុន្មានរបៀបស្រួលៗនេះ ជួយភ្នែកច្រើនណាស់ ទឹកភ្នែក មានអាថ៌កំបាំងច្រើន គ្រប់គ្នាគួរដឹង ចង់ឲ្យភ្នែកភ្លឺច្បាស់ល្អ សាកល្បងញ៉ាំកំពូលអាហារទាំងនេះ អ្នកភ្នែកខ្សោយ ញ៉ាំអាហារទាំងនេះ អាចជួយបាន

បញ្ហាភ្នែកផ្សេងទៀត

ចង់ឲ្យភ្នែកមានសុខភាពល្អ កុំរំលងការហាត់ប្រាណ

ការធ្វើលំហាត់ប្រាណជាប្រចាំមិនត្រឹមតែធ្វើឲ្យរាងកាយយើងមានសុខភាពរឹងមាំ និងជួយឲ្យមានអារម្មណ៍ល្អប៉ុណ្ណោះទេ តែការសិក្សាថ្មីៗនេះបានរកឃើញថាការហាត់ប្រាណបានជួយកាត់បន្ថយហានិភ័យកើតជំងឺខ្សោយគំហើញនៅវ័យ៥០ឆ្នាំ ឬចាស់ជាងនេះ។ ដូចគ្នាដែរ ការហាត់ប្រាណក៏ជួយឲ្យមនុស្សយើងកាត់បន្ថយហានិភ័យកើតជំងឺបេះដូង និងជំងឺទឹកនោមផ្អែម ដែលជំងឺទាំងនេះសុទ្ធតែអាចធ្វើឲ្យភ្នែកមានបញ្ហាដែរ។ ១. ហាត់ប្រាណជួយដល់សុខភាពសរសៃឈាមក្នុងភ្នែក ការសិក្សាមួយធ្វើឡើងលើសត្វកណ្ដុរ ដោយកណ្ដុរមួយក្រុមត្រូវអ្នកស្រាវជ្រាវដាក់នៅលើម៉ាស៊ីនរត់ និងមួយក្រុមទៀតឲ្យនៅស្ងៀមធម្មតា។ បួនសប្ដាហ៍ក្រោយ ក្រុមអ្នកស្រាវជ្រាវបានពិនិត្យលើភ្នែករបស់កណ្ដុរទាំងពីរក្រុម។ ក្រោយការពិនិត្យ អ្នកស្រាវជ្រាវបានរកឃើញថាកណ្ដុរដែលបានរត់លើម៉ាស៊ីនហាត់ប្រាណជាប្រចាំ មានការខូចខាតភ្នែកដល់ទៅ៤៥ភាគរយទាបជាងកណ្ដុរដែលមិនធ្វើសកម្មភាពរាងកាយ។ ការសិក្សាបានលើកឡើងការការហាត់ប្រាណបានជួយដល់ភាពធន់របស់ភ្នែក។ ការហាត់ប្រាណអាចប្រឆាំងនឹងការលូតលាស់ខុសធម្មតារបស់សរសៃឈាម ដែលកើតឡើងក្នុងភ្នែកដូចជាខូចសរសៃឈាមក្នងបាតភ្នែក ខូចបាតភ្នែក ខូចសរសៃឈាមបាតភ្នែកដោយសារទឹកនោមផ្អែមនិងជំងឺទឹកដក់បាតភ្នែក។ ២. ហាត់ប្រាណជួយសុខភាពភ្នែក អ្នកវិទ្យាសាស្រ្តកំពុងសិក្សាបន្ថែមទៀត ថាហេតុអ្វីបានជាការធ្វើលំហាត់ប្រាណអាចការពារភ្នែករបស់មនុស្សយើងបាន។ របកគំហើញថ្មីៗអាចនឹងដោះស្រាយបញ្ហាព្យាបាលភ្នែកជាច្រើនផ្សេងទៀត។ ប៉ុន្តែពេលនេះ អ្វីដែលអ្នកវិទ្យាសាស្រ្ដបានដឹងច្បាស់គឺថាការធ្វើលំហាត់ប្រាណបានជួយកាត់បន្ថយបញ្ហាភ្នែក។ បើសិនជាយើងកំពុងមានបញ្ហាភ្នែក ការហាត់ប្រាណនឹងជួយឲ្យស្ថានភាពជំងឺប្រសើរឡើង។ ការសិក្សាបានរកឃើញថាអ្នកធ្វើលំហាត់ប្រាណកម្រិតមធ្យមមានការវិវត្តកើតជំងឺទឹកដក់បាតភ្នែក២៥ភាគរយតិចជាងអ្នកមិនហាត់ប្រាណ។ ការធ្វើលំហាត់ប្រាណក៏ជួយដល់ការគ្រប់គ្រងជំងឺទឹកនោមផ្អែម សម្ពាធឈាមខ្ពស់ និងកូលេស្តេរ៉ូលខ្ពស់។ ជំងឺទាំងនេះ អាចធ្វើឲ្យភ្នែក ឬគំហើញរបស់យើងមានបញ្ហា។ ដូចនេះ ការហាត់ប្រាណបានជាប្រចាំនឹងជួយយើងកាត់បន្ថយហានិភ័យជំងឺភ្នែកដោយសារបញ្ហាសុខភាពទាំងនេះ។ ៣. គួរហាត់ប្រាណកម្រិតណា? ការសិក្សាជាច្រើនបានរកឃើញ និងបានណែនាំថាមនុស្សយើងហាត់ប្រាណកម្រិតមធ្យមមានប្រយោជន៍ល្អចំពោះសុខភាព។ អង្គការសុខភាពពិភពលោក និងCDC អាមេរិកបានណែឲ្យយើងហាត់ប្រាណដូចជាដើរ ជិះកង់ ហែលទឹក រាំ ឬរត់ត្រឹកៗឲ្យបាន៣០នាទីក្នុងមួយថ្ងៃ ឬប្រហែល១៥០នាទីក្នុងមួយសប្ដាហ៍។ ការហាត់ប្រាណជាប្រចាំនឹងជួយឲ្យសុខភាពរាងកាយ និងភ្នែកយើងមានសុខភាពល្អ។