នៅប៉ុន្មានថ្ងៃចុងក្រោយនេះ ខ្យល់ពុល កើនឡើងទៀតហើយ ដោយមានកំហាប់ខ្យល់ពុល (PM 2.5) នៅភ្នំពេញ ហើយសន្ទស្សន៍គុណភាពខ្យល់ដល់ទៅ១៦៤ ដែលអាចផ្តល់ផលប៉ះពាល់ដល់សុខភាពក្រុមមនុស្សមួយចំនួន ជាពិសេស ស្ត្រីមានផ្ទៃពោះ និងកុមារ។ នេះបើយោងទៅតាមគេហទំព័រវាស់សន្ទស្សន៍កំហាប់ខ្យល់ពុល iqair.com។

ជាធម្មតា សន្ទស្សន៍គុណភាពខ្យល់ដែលល្អសម្រាប់សុខភាព គឺស្ថិតក្នុងចន្លោះពី ០ ទៅ ៥០ ស្របពេលដែលសន្ទស្សន៍មធ្យមគឺស្ថិតក្នុងចន្លោះពី ៥០ ទៅ១០០ ប៉ុណ្ណោះ។

ផលប៉ះពាល់នៃខ្យល់ពុលចំពោះកុមារមានអ្វីខ្លះ?

ផលប៉ះពាល់រយៈពេលខ្លី

ក្អក កណ្តាស់ និងមានបញ្ហាផ្លូវដង្ហើម ដូចជា ផ្តាសាយ និងរលាកបំពង់ក ជាដើម
ជំងឺហឺតធ្វើទុក្ខឡើងវិញ
មានការបង្ករោគផ្សេងៗ

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ផលប៉ះពាល់រយៈពេលវែង

ការអភិវឌ្ឍយឺតយ៉ាវ
មានហានិភ័យនៃការកើតជំងឺបេះដូង និងជំងឺសួត
ប្រព័ន្ធភាពស៊ាំចុះខ្សោយ។

គន្លឹះល្អៗការពារកូនពីខ្យល់ពុល

១. ពិនិត្យគុណភាពខ្យល់

ជំហានដំបូងបង្អស់ដើម្បីការពារកូន ប៉ាម៉ាក់គួរដឹងពីកម្រិតគុណភាពខ្យល់ ប្រសិនបើខ្យល់ពុលមានកម្រិតខ្ពស់ ប៉ាម៉ាក់គួរឲ្យកូនលេងនៅក្នុងផ្ទះ ឬជៀសវាងបញ្ចេញសកម្មភាពរាងកាយខ្លាំងក្លាជ្រុលពេក។

២. បង្កើនគុណភាពខ្យល់នៅក្នុងផ្ទះ

ទន្ទឹមនឹងនេះដែរ ប៉ាម៉ាក់គួរបើកម៉ាស៊ីនបន្សុទ្ធខ្យល់នៅក្នុងបន្ទប់គេង ឬកន្លែងដែលកូនចូលចិត្តលេង ដើម្បីកាត់បន្ថយភាគល្អិតតូចៗដែលមានគ្រោះថ្នាក់នៅក្នុងខ្យល់។ មួយវិញទៀត យើងក៏ចាំបាច់បិទបង្អួចឲ្យជិតផងដែរ ដើម្បីកុំឲ្យខ្យល់កខ្វក់ឆ្លងចូលបាន។

៣. បង្កើតទម្លាប់ល្អ

បន្ថែមពីនេះ ប៉ាម៉ាក់គួរណែនាំឲ្យកូនបង្កើតនូវទម្លាប់ល្អមួយចំនួន ដើម្បីកាត់បន្ថយការស្រូបយកខ្យល់ពុល ដូចជាជៀសវាងការធ្វើដំណើរនៅតាមផ្លូវដែលមានមនុស្សអ៊ូអរច្រើន ពីព្រោះខ្យល់ពុលពីផ្សែងម៉ូតូ ផ្សែងឡានមានកម្រិតខ្ពស់។

៤. បង្កើនការទ្រទ្រង់រាងកាយកូនដោយបញ្ចូលសារធាតុចិញ្ចឹមល្អៗ

របបអាហារដែលសម្បូរដោយសារធាតុចិញ្ចឹមល្អៗ អាចជួយពង្រឹងប្រព័ន្ធភាពស៊ាំ និងការពារកូនតូចពីការប៉ះពាល់ដោយផ្សែងពុល ហេតុនេះ ប៉ាម៉ាក់គួរបញ្ចូលពពួកផ្លែប៊ឺរី បន្លែស្លឹកបៃតង និងពពួកផ្លែក្រូច ដែលផ្ទុកទៅដោយសារធាតុប្រឆាំងនឹងអុកស៊ីតកម្ម ជួយកូនក្នុងការប្រឆាំងនឹងការឆ្លងមេរោគផ្សេងៗ ដែលបណ្តាលមកពីផ្សែងពុល។

ពេលណាគួរនាំកូនទៅជួបនឹងគ្រូពេទ្យ?

ប្រសិនបើកូនមានអាការដូចខាងក្រោម ប៉ាម៉ាក់គួរនាំកូនទៅជួបជាមួយនឹងគ្រូពេទ្យជាបន្ទាន់

ក្អកមិនបាត់ក្នុងរយៈពេល៣ថ្ងៃ
ពិបាកដកដង្ហើម ឬល្ហិតល្ហៃ
ណែនទ្រូង

ចំណុចសំខាន់

ផលប៉ះពាល់នៃខ្យល់ពុលចំពោះកុមារមានអ្វីខ្លះ?
ផលប៉ះពាល់រយៈពេលខ្លី

ក្អក កណ្តាស់ និងមានបញ្ហាផ្លូវដង្ហើម ដូចជា ផ្តាសាយ និងរលាកបំពង់ក ជាដើម
ជំងឺហឺតធ្វើទុក្ខឡើងវិញ
មានការបង្ករោគផ្សេងៗ

ផលប៉ះពាល់រយៈពេលវែង

ការអភិវឌ្ឍយឺតយ៉ាវ
មានហានិភ័យនៃការកើតជំងឺបេះដូង និងជំងឺសួត
ប្រព័ន្ធភាពស៊ាំចុះខ្សោយ។

អត្ថបទពាក់ព័ន្ធ៖

ខ្យល់ពុលកើនឡើងទៀតហើយ អាចធ្វើឱ្យកុមារផ្តាសាយ និងឈឺបំពង់ក

ចំណុចសំខាន់