ជំងឺទឹកនោមផ្អែមប្រភេទ២

ជំងឺទឹកនោមផ្អែម​ប្រភេទ២ - មាតិកាជំងឺ​ទឹកនោមផ្អែមប្រភេទ​ទីពីរ នឹង​លម្អិត​ពី​មូលហេតុ​បង្ក ផលប៉ះពាល់ ផលវិបាក និង​​វិធីសាស្ត្រ​ដោះស្រាយ​បញ្ហា​មួយៗ​ជា​ជំហានៗ​យ៉ាង​លម្អិត​បំផុត

ចំណេះដឹងទូទៅ

ជំងឺទឹកនោមផ្អែមប្រភេទ២

ការផឹកតែ ឬ កាហ្វេអាចកាត់បន្ថយហានិភ័យស្លាប់លឿនដោយ​ទឹក​នោម​ផ្អែម បាន ២៥%?

ការសិក្សាមួយបានរកឃើញថា អ្នកជំងឺទឹកនោមផ្អែមប្រភេទ២ ដែលនិយម ផឹកតែ ផឹកកាហ្វេ ដោយមិនបានបន្ថែមជាតិស្ករជាមួយ អាចកាត់បន្ថយហានិភ័យឆាប់ស្លាប់ បានដល់ទៅ ២៥%។ កម្មវិធីពិនិត្យជំងឺបម្រុងទឹកនោមផ្អែមអនឡាញ ចង់គណនារង្វាស់ចង្វាក់បេះដូង ចុចទីនេះ! លោកវេជ្ជបណ្ឌិត Qi Sun អ្នកសិក្សាស្រាវជ្រាវអំពីសុខភាពអ្នកជំងឺទឹកនោមផ្អែម បានមានប្រសាសន៍ថា ចំពោះអ្នកជំងឺទឹកនោមផ្អែមប្រភេទ២ ការទម្លាប់ញ៉ាំតែ កាហ្វេ និង ទឹកថ្នាំពីរុក្ខជាតិ អាចកាត់បន្ថយ​ហានិភ័យឆាប់ស្លាប់បាន ២៥%។ ហើយមូលហេតុចម្បងបំផុតរបស់អ្នកជំងឺ ដែលអាចប្រឈមការស្លាប់លឿននោះក៏ដោយសារការប៉ះពាល់សុខភាពបេះដូង ដែលវិវត្ដពីជំងឺទឹកនោមផ្អែមនោះតែម្ដង។ ប្រភពដដែលបានបញ្ជាក់បន្ថែមទៀតថា ផ្អែកលើមូលដ្ឋានគ្រឹះនៃការសិក្សាបានចង្អុលបង្ហាញពីអត្ថប្រយោជន៍ នៃកាហ្វេខ្មៅ តែ ទឹកថ្នាំរុក្ខជាតិ ទឹកដោះគោគ្មានជាតិខ្លាញ់ ឬទឹកផ្លែឈើដែលគ្មានជាតិស្ករ ដោយភេស្ជជៈ​ដែល​គ្មាន​ជាតិស្ករទាំងនេះ នឹងមិនប៉ះពាល់ដល់សុខភាពដល់អ្នកជំងឺនោះទេ។ ពពួកភេសជ្ជៈ មានជាតិផ្អែម គឺជាកត្ដាហានិភ័យខ្ពស់ប៉ះពាល់ដល់សុខភាព មិនថាអ្នកជំងឺទឹកនោមផ្អែម ឬអ្នកមានសុខភាពធម្មតា ឡើយ ដោយ​បន្ថែមពីនេះវាក៏ប៉ះពាល់ដល់សុខភាពបេះដូង ផង​ដែរ។ ស្រដៀងគ្នានៃការស្រាវជ្រាវនេះ មជ្ឈមណ្ឌល​ត្រួត​ពិនិត្យ និង​បង្ការ​ជំងឺ​ឆ្លង​(CDC) អាមេរិក​បាន ក៏បានចុះផ្សាយអំពីការប្រឈមគ្រោះថ្នាក់ យ៉ាងខ្លាំងបំផុតរបស់អ្នកជំងឺទឹកនោមផ្អែមប្រភេទ២ ផង​ដែរ ដោយ​អ្នក​ជំ​ងឺនឹងងាយកើតជំងឺបេះដូង ទ្វេដង បើធៀបនឹងអ្នកគ្មានជំងឺទឹកនោមផ្អែម។ ការសិក្សានេះធ្វើឡើង ដោយមានអ្នកចូលរួម ១៥ ៥០០នាក់ ជាអ្នកជំងឺទឹកនោមផ្អែមប្រភេទ២ ក្នុងនោះមានស្ដ្រីប្រហែល ៧៥% […]

ស្វែងរក ជំងឺទឹកនោមផ្អែមប្រភេទ២

ជំងឺទឹកនោមផ្អែមប្រភេទ២

អ្នកជំងឺទឹកនោមផ្អែមគួរដឹងរឿងទាំងនេះ មុនពេលញ៉ាំផ្លែឈើ

ការ​ញ៉ាំ​ផ្លែឈើ​ជា​ជម្រើស​ល្អ​សម្រាប់​សុខភាព​ ដោយ​អាច​ជា​អាហារ​សម្រន់ និង​ជា​ផ្នែក​មួយ​នៃ​របប​អាហារ​មាន​តុល្យភាព​។ ផ្លែ​ឈើ​មាន​ផ្ទុក​សារធាតុ​ចិញ្ចឹម​ច្រើន​យ៉ាង​ រួម​ទាំង​ជាតិ​សរសៃ​ផង​ដែរ​។ ​យ៉ាងណា ផ្លែ​ឈើ​មួយ​ចំនួន​មាន​ផ្ទុក​ជាតិ​ស្ករ​ខ្ពស់ ដែល​អាច​បណ្ដាល​ឲ្យ​កម្រិត​ជាតិ​ស្ករ​ក្នុង​ឈាម​យើង​ឡើង​ខ្ពស់​ដែរ ហើយ​អ្នក​​មាន​ជំងឺ​ទឹក​នោម​ផ្អែម គួរ​ប្រុង​ប្រយ័ត្ន​ក្នុង​ការ​ញ៉ាំ​ផ្លែ​ឈើ​ទាំងនោះ​។ កម្មវិធីពិនិត្យជំងឺបម្រុងទឹកនោមផ្អែមអនឡាញ ចង់គណនារង្វាស់ចង្វាក់បេះដូង ចុចទីនេះ! ចង់គណនា BMR ចុចទីនេះ! ១. ផ្លែ​ឈើ និង​កម្រិត​ជាតិ​ស្ករ​ក្នុង​ផ្លែឈើ​ ​ផ្លែ​ឈើ​ជា​ច្រើន​មុខ​មាន​ជាតិ​សរសៃ​ខ្ពស់ ហើយ​ជាតិ​សរសៃ​ជួយ​បន្ថយ​ល្បឿន​នៃ​ការ​រំលាយអាហារ ជួយ​ការពារ​កុំ​ឲ្យ​ជាតិ​ស្ករ​ក្នុង​ឈាម​ឡើង​ខ្ពស់។ ក្រៅពី​នេះ ជាតិ​សរសៃ​ក៏​ជួយ​ឲ្យ​យើង​មាន​អារម្មណ៍​ថា​ឆ្អែត​បាន​យូរ និង​ជួយ​ឲ្យ​រក្សា​ទម្ងន់​បាន​ល្អ​ទៀត​ផង​។ យ៉ាង​ណា សម្រាប់​អ្នក​មាន​ជំងឺ​ទឹក​នោម​ផ្អែម​ក៏​ត្រូវ​ដឹង​ដែរ​ថា​ នៅ​ក្នុង​ផ្លែ​ឈើ​មាន​កាបូអ៊ីដ្រាត អាច​នឹង​ធ្វើ​ឲ្យ​កម្រិត​ជាតិ​ស្ករ​ក្នុង​ឈាម​កើន​ឡើង​ដែរ។ ដូច​នេះ វា​ជា​ការ​សំខាន់​ណាស់​ក្នុង​ការ​កំណត់​បរិមាណ​កាបូអ៊ីដ្រាត​ ឬ​ជាតិ​ស្ករ​ក្នុង​ផ្លែ​ឈើ​​ឲ្យ​ស្រប​តាម​ថ្នាំ​ដែល​យើង​កំពុង​ប្រើ របប​អាហារ និង​របៀបរបប​រស់​នៅ​របស់​អ្ន​ក​ជំងឺ​។ មួយ​វិញ​ទៀត បើ​អ្នក​ជំងឺ​ទឹក​នោម​ផ្អែម​មាន​​បញ្ហា​ពិបាក​គ្រប់​គ្រង​កម្រិត​ជាតិ​ស្ករ​ក្នុង​ឈាម ត្រូវ​ពិភាក្សា​ជាមួយ​គ្រូពេទ្យ​ភ្លាម​ដែរ​។​ [embed-health-tool-bmi] ផ្លែ​ឈើ​មាន​កម្រិត​ជាតិ​ស្ករ​ទាប៖ ផ្លែ​ស្វាយ ផ្លែ​ប៉ោម ផ្លែ​ក្រូច ផ្លែ​ចេក (មិន​ទុំ​ជោរ) ផ្លែ​សារី ល្ហុង និង​ ទំពាំង​បាយ​ជូរ ជា​ដើម​។​​ ផ្លែ​ឈើ​មាន​កម្រិត​ជាតិ​ស្ករ​ខ្ពស់៖ ផ្លែ​ឪឡឹក ផ្លែ​ម្នាស់ ផ្លែ​ចេក​ទុំជោរ និង​ ផ្លែ​លម៉ើ​ក្រៀម ជាដើម​។​​​ ២. វិធី​ញ៉ាំ​ផ្លែ​ឲ្យ​សុវត្ថិ​ភាព​ ការ​អនុវត្ត​វិធី​តូចៗ​មួយ​ចំនួន​ជួយ​ឲ្យ​យើង​ទទួល​បាន​ផល​សុខភាព​ច្រើន​ដែរ។ ពេល​ញ៉ាំ​ផ្លែឈើ​អ្នក​ជំងឺ​ទឹក​នោម​ផ្អែម​គួរ​ដឹង​រឿង​នេះ៖ ​ញ៉ាំ​ក្នុង​កម្រិត​សម​ល្មម ពិសេស​ផ្លែ​ឈើក្រៀម​។ ទំពាំង​បាយ​ជូរ​ក្រៀម​ត្រឹម​ពីរ​ស្លាប​ព្រាកាហ្វេ​មាន​កម្រិត​ជាតិ​ស្ករ​ស្មើ​នឹង​ផ្លែ​ប៉ោម​មួយ​ផ្លែ​តូច​។ ជ្រើស​រើស​ញ៉ាំ​ផ្លែ​ឈើ​ស្រស់ ប្រសើរ​ជា​ផ្លែឈើ​កែច្នៃ។ ផ្លែឈើ​កែច្នៃ […]


ជំងឺទឹកនោមផ្អែមប្រភេទ២

អ្នកជំងឺទឹកនោមផ្អែមងាយដំបៅជើង ពេលខ្លះឈានដល់កាត់ជើង មកពីមូលហេតុទាំងនេះ

ដំបៅជើងជាផលវិបាកមួយក្នុងចំណោមផលវិបាកផ្សេងទៀតរបស់ជំងឺទឹកនោមផ្អែម ហើយមិនមែនអ្នកជំងឺដែលមានដំបៅ សុទ្ធតែព្យាបាលមិនជា ត្រូវតែកាត់ជើងចេញនោះទេ។ ប្រភេទដំបៅជើងលើអ្នកជំងឺទឹកនោមផ្អែម បើសិនជាអ្នកជំងឺទឹកនោមផ្អែមមានដំបៅជើង ហើយដំបៅជើងនោះប៉ះពាល់ផ្នែកខាងក្រៅ បានន័យថា ដំបៅនោះកើតឡើងដោយការប៉ះរបស់រឹង ឬមានគ្រោះថ្នាក់អ្វីមួយ ចេញជាដំបៅ។ ដំបៅនោះអាចព្យាបាលជាធម្មតាវិញ ក្នុងករណីអ្នកជំងឺគ្រប់គ្រងជាតិស្ករក្នុងឈាមបានត្រឹមត្រូវ។ ផ្ទុយទៅវិញ បើសិនជាអ្នកជំងឺទឹកនោមផ្អែមកើតដំបៅជើងដោយសារស្ទះសរសៃឈាម ឬប៉ះពាល់ខ្លាំងទៅលើប្រព័ន្ធប្រសាទ ដំបៅនោះតម្រូវឲ្យមានការព្យាបាលស៊ីជម្រៅ គ្រូពេទ្យនឹងសិក្សាសរសៃឈាមដែលមកផ្គត់ផ្គង់ជើង បើសិនមិនធ្ងន់ធ្ងរ អាចព្យាបាលដំបៅជា ដោយមិនតម្រូវឲ្យកាត់ជើងនោះទេ។ [embed-health-tool-bmr] អ្នកជំងឺទឹកនោមផ្អែមតោងមានការប្រយ័ត្ន និងត្រូវចេះថែទាំជើង ពេលខ្លះក្នុងភាសាទឹកនោមផ្អែម គេប្រើពាក្យមួយថា "ស្រលាញ់ជើងឲ្យដូចកែវភ្នែក" អ្នកជំងឺត្រូវចេះថែទាំជើង ត្រូវពាក់ស្រោមជើងទោះបីជាដើរនៅក្នុងផ្ទះ ចេញក្រៅផ្ទះត្រូវពាក់ស្បែកជើងឲ្យត្រឹមត្រូវ មិនតឹងពេក រលុងពេក ឬក៏រឹងពេក ហើយត្រូវពិនិត្យមើលស្បែកជើង តើមានដុំថ្ម ដុំក្រួស ឬសារធាតុមុតស្រួចណាមួយចូលក្នុងស្បែកជើង ឬអត់? ត្រូវសម្អាតជើងឲ្យបានទៀងទាត់ បើមានរលាក ឬចេញជាដំបៅត្រូវប្រញាប់ទៅជួបគ្រូពេទ្យជំនាញ។ ចង់ពិនិត្យសុខភាពប្រព័ន្ធរំលាយអាហារ ចុចទីនេះ! កម្មវិធីពិនិត្យជំងឺបម្រុងទឹកនោមផ្អែមអនឡាញ ចង់គណនារង្វាស់ចង្វាក់បេះដូង ចុចទីនេះ! ចំពោះអ្នកជំងឺទឹកនោមផ្អែមដែលចេញជាដំបៅជើង ឈានចូលដល់កាត់ជើង ច្រើនតែមានអ្នកជំងឺផ្អែមរយៈពេលយូរ អាច ១៥ ឬ២០ឆ្នាំ គ្រប់គ្រងជាតិស្ករក្នុងឈាមមិនបានល្អ ឬមានជំងឺពាក់ព័ន្ធផ្សេងៗទៀត ដូចជា លើសជាតិខ្លាញ់ លើសសម្ពាធឈាម ឬក៏ខ្សោយតម្រងនោម កត្តារួមផ្សំទាំងអស់នេះ ធ្វើឲ្យដំបៅជើងមានលក្ខណៈធ្ងន់ធ្ងរ គ្រូពេទ្យមិនអាចជួយបាន ឈានដល់ការកាត់ជើង។ មូលហេតុអ្នកជំងឺទឹកនោមងាយមានដំបៅជើង ចំពោះមូលហេតុនាំឲ្យអ្នកជំងឺទឹកនោមផ្អែមងាយកើតដំបៅជើង មាន ២ […]


ជំងឺទឹកនោមផ្អែមប្រភេទ២

គ្នាយើងអង្គុយ​ធ្វើការ​យូរ​ម៉ោង ងើប​ដើរ​ខ្លះ​​ កុំឲ្យប្រឈមជំងឺទឹកនោមផ្អែម

បើ​សិន​ជា​គ្នា​យើង​ជា​អ្នក​ចំណាយ​ពេល​យូរ​ក្នុង​ការ​អង្គុយ​ធ្វើ​ការ​ ឬ​សិក្សា​នៅ​មួយ​កន្លែង យើង​កំពុង​ប្រ​ឈម​នឹង​ឱកាស​កើត​មាន​ជំងឺ​ទឹក​នោម​ផ្អែម​ប្រភេទ​២ដែរ​។ ជា​ការ​ចាំ​បាច់​ណាស់​ដែល​គ្នា​យើង​ត្រូវ​ដឹង​ថា​​ទោះ​បី​ជា​យើង​បាន​ហាត់​ប្រាណ​ត្រឹម​ត្រូវ​តាម​ការ​ណែ​នាំ​ក៏​ពិត​មែន តែ​បើ​យើង​ជា​មនុស្ស​ចំណាយ​ពេល​ច្រើន​ដោយ​នៅ​ស្ងៀម ដូច​ជា​ការ​អង្គុយ​ធ្វើការ ឬ​រៀន​សូត្រ ក៏​យើង​នៅ​អាច​ប្រឈម​នឹង​ការ​កើន​ឡើង​ឱកាស​មាន​ជំងឺ​ទឹក​នោម​ផ្អែម​ដូច​គ្នា​។ [embed-health-tool-bmi] ​ ការ​​នៅ​ស្ងៀម​​មួយ​កន្លែង​មាន​ន័យ​ថា​យើង​ចំណាយ​ពេល​ច្រើ​ន​អង្គុយ ឬ​ដេក​ស្ងៀម​ក្នុង​រយៈពេល​យូរ ខុស​ពី​រាងកាយ​មិន​សូវ​សកម្ម ដែល​​មនុស្ស​យើង​បាន​បញ្ចេញ​សកម្មភាព​រាង​កាយ​ដែរ តែ​មិន​ទាន់​ត្រឹម​ត្រូវ​តាម​ការ​ណែនាំ​។ ជា​ការ​ណែ​នាំ​មនុស្ស​យើង​ក្នុង​មួយ​ថ្ងៃ​គួរ​ធ្វើ​លំហាត់​ប្រាណ​បែប​ស្រាល​ៗ​ឲ្យ​បាន​យ៉ាងតិច​៣០នាទី​។ កម្មវិធីពិនិត្យជំងឺបម្រុងទឹកនោមផ្អែមអនឡាញ ចង់គណនារង្វាស់ចង្វាក់បេះដូង ចុចទីនេះ! សកម្មភាព​ចាត់​ទុក​ថា​នៅ​ស្ងៀម​មួយ​កន្លែង​ សកម្ម​ភាព​មួយ​ចំនួន​ខាង​ក្រោម​នេះ ត្រូវ​ចាត់ទុកថា​ជា​សកម្មភាព​នៅ​ស្ងៀម​មួយ​កន្លែង​៖ អង្គុយ​ធ្វើការ​ដោយ​មិន​ងើបឈរ​ ឬដើរ​ក្នុង​ពេល​យូរ​ម៉ោង​ អង្គុយ​នៅ​ស្ងៀម​ពេល​រៀន​នៅ​ក្នុង​ថ្នាក់ ឬ​នៅ​ផ្ទះ អង្គុយ​ ឬ​ដេក​មើល​ទូរទស្សន៍ ឬ​លេង​ហ្គេមយូរ​ អង្គុយ​បើកបរ​យូរ​ម៉ោង​ជា​ប្រចាំ​​ បើ​យើង​​ជា​មនុស្ស​ត្រូវ​អង្គុយ​ធ្វើ​ការ​យូរ​ម៉ោង​ក្នុង​មួយ​ថ្ងៃៗ យើង​គួរ​រក​ពេល​ងើបឈរ ឬ​ដើរ​ខ្លះ​ៗ។ ដោយ​អាច៖ ងើប​ដើរ​ទៅ​និយាយ​ជា​មួយ​អ្នក​រួម​ការ​ងារ ជា​ជាង​ផ្ញើ​សារ ​​​ងើប​ដើរ​ទៅ​ចាក់​ទឹក​ញ៉ាំ​ឲ្យ​បាន​ញឹក​ញាប់​ ដើរ​ទៅ​ធ្វើ​ការ ឬ​ដើរ​ខ្លះ​ពេល​ចេញ​ពី​ធ្វើការ ដោយ​អាច​ចត​យាន​ជំនិះ​នៅ​ឆ្ងាយ​បន្តិច​ គ្នា​យើង​​រស់​នៅ និង​ធ្វើ​ការ​នៅ​ស្ងៀម​មួយ​កន្លែ​ង​ច្រើន​មាន​លទ្ធភាព​វិវត្ត​ទៅជា​ជំងឺ​ទឹក​នោម​ផ្អែម​​ប្រភេទ​២។ កង្វះ​លំហាត់​ប្រាណ កើត​ស្ត្រេស ចូល​ចិត្ត​ញាំ​អាហារ​ច្រើន​ៗ ពិសេស​អាហារ​មិន​ល្អ​ចំពោះ​សុខភាព ផឹក​គ្រឿង​ស្រវឹង​ច្រើន និង​ជក់​បារី ជា​ដើម សុទ្ធ​តែ​ជា​ដើម​ចម​ អាច​នាំ​ឲ្យ​មនុស្ស​យើង​ប្រឈម​នឹង​ការ​កើន​ជំងឺ​ទឹក​នោម​ផ្អែម​ប្រភេទ​២​។ ការ​ផ្លាស់​ប្ដូរ​របៀបរស់នៅ​ប្រចាំថ្ងៃ និង​របប​អាហារ​ត្រឹម​ត្រូវ​នឹង​ជួយ​គ្នា​យើង​កាត់​បន្ថយ​ហានិភ័យ​កើត​ជំងឺ​ទឹក​នោម​ផ្អែម​ប្រភេទ​២​។​​ អត្ថទ​ពាក់ព័ន្ធ​៖ សារសំខាន់នៃការរក្សាទុក និង​គុណភាព​របស់អាំងស៊ុយលីន​ ទម្លាយមូលហេតុធំៗ បណ្ដាលឲ្យជាតិស្ករក្នុងឈាមឡើងខ្ពស់ពេលព្រឹក តិចនិកញ៉ាំបាយស កាត់បន្ថយហានិភ័យកើតជំងឺទឹកនោមផ្អែម អ្នកមានជំងឺទឹកនោមផ្អែម ធ្វើសកម្មភាពទាំងនេះជាប្រចាំជួយដល់សុខភាព អ្នកជំងឺទឹកនោមផ្អែមគួរដឹងរឿងនេះ ពេលញ៉ាំផ្លែឈើ


ជំងឺទឹកនោមផ្អែមប្រភេទ២

៥ យ៉ាង ថែទាំសុខភាពអ្នកទឹកនោមផ្អែម ពេលផ្ទុះកូវីដ-១៩

បច្ចុប្បន្ន តាម​ទិន្នន័យ​របស់​មជ្ឈមណ្ឌល​គ្រប់គ្រង និង​បង្ការ​ជំងឺ​ឆ្លង (CDC) អាមេរិក​បញ្ជាក់​ថា មនុស្ស​ពេញ​វ័យ​ដែល​មាន​ជំងឺ​ប្រចាំ​កាយ​ដូច​ជា មហារីក ទឹក​នោម​ផ្អែម​ទាំង​ពីរ​ប្រភេទ​ជាដើម ប្រឈម​នឹង​ការ​ធ្លាក់​ខ្លួន​ឈឺ​ខ្លាំង ឬ​អាច​គ្រោះ​ថ្នាក់​ដល់​ជីវិត​បើ​ឆ្លង​កូវីដ-១៩។ អ្នក​ដែល​មាន​បញ្ហា​សុខភាព​ទាក់ទង​នឹង​ជំងឺ​ទឹក​នោម​ផ្អែម ភាគ​ច្រើន​ទទួល​បាន​លទ្ធផល​អាក្រក់​ច្រើន​ជាង​ល្អ បើ​ឆ្លង​កូវីដ-១៩ ជា​ហេតុ​ដែល​អ្នក​ទឹក​នោម​ផ្អែម​ត្រូវ​ថែទាំ​សុខភាព​ខ្លួន​កាន់​តែ​ដិត​ដល់។ ៥ យ៉ាង​ខាង​ក្រោម​នេះ ជា​តិចនិក​ដែល​អ្នក​ជំងឺ​ទឹក​នោម​ផ្អែម គួរ​អនុវត្ត​ជា​ប្រចាំ​អំឡុង​ពេល​នេះ ដើម្បី​ធានា​បាន​នូវ​សុខភាព​ល្អ ដើម្បីប្រយុទ្ធនឹង​វីរុស​កូវីដ-១៩។ ១. ញ៉ាំ​ថ្នាំ​ទៀងទាត់ មាន​ព័ត៌មាន​មិន​ពិត​ខ្លះ​និយាយ​ថា ការ​ញ៉ាំ​ថ្នាំ​ទឹក​នោម​ផ្អែម ឬ​លើស​សម្ពាធ​ឈាម​ធ្វើ​ឲ្យ​អ្នក​ជំងឺ​ងាយ​នឹង​ឆ្លង​វីរុស។ តែ​នេះ​មិន​មែន​ជា​ការ​ពិត​ទេ ប្រសិន​បើ​យើង​ឈប់​ញ៉ាំ​ថ្នាំ​តាម​គ្រូពេទ្យ​ចេញ​វេជ្ជបញ្ជា​ឲ្យ យើង​ច្បាស់​ជា​ប្រឈម​នឹង​បញ្ហា​សុខភាព​ស្មុគ​ស្មាញ​ផ្សេង​ទៀត​ជា​មិន​ខាន។ ២. ហាត់ប្រាណ​នៅ​ផ្ទះ លំហាត​ប្រាណ​ដូច​ជា ការ​ដើរ និង​លើក​ទម្ងន់ មាន​សារៈ​សំខាន់​សម្រាប់​ការ​គ្រប់​គ្រង​ជំងឺ​ទឹក​នោមផ្អែម ។ វា​អាច​ជួយ​ឲ្យ​យើង​រក្សា​ទម្ងន់​សុខភាព​ល្អ ជា​ហេតុ​អាច​ជួយ​ដល់​ការ​គ្រប់​គ្រង​ជាតិ​ស្ករ​ក្នុង​ឈាម។ ការ​ហាត់​ប្រាណ​ក៏​អាច​កាត់​បន្ថយ​ហានិភ័យ​ចំពោះ​ជំងឺ​រ៉ាំរ៉ៃ​ផ្សេង​ទៀត ដូច​ជា​លើស​កូឡេស្ដេរ៉ូល និង​លើស​សម្ពាធ​ឈាម។ លើស​ពី​នេះ ការ​ហាត់​ប្រាណ​ក៏​អាច​ឲ្យ​យើង​តាម​ដាន​សុខភាព​ជើង​យើង ព្រោះ​បើ​មាន​សភាព​ស្ពឹក​ជើង ឬ​មុត​ជើង​ដោយ​មិន​ដឹង​ខ្លួន​អាច​ក្លាយ​ជា​ដំបៅ​ជើង​បាន។ ហាត់ប្រាណ​ក៏​ជួយ​ដល់​សុខភាព​ផ្លូវ​ចិត្ត​យើង​ដែរ សូម្បី​តែ​ដើរ​ហាត់ប្រាណ​តិចតួច​ក៏​រាងកាយ​បង្កើត​អ័រម៉ូន endorphin ជួយ​ឲ្យ​យើង​មាន​អារម្មណ៍​ល្អ។ ៣. ញ៉ាំ​អាហារ​ត្រឹម​ត្រូវ និង​រក្សា​សំណើម ការ​គ្រប់​គ្រង​សារធាតុ​ចិញ្ចឹម​ឲ្យ​មាន​តុល្យភាព​គ្នា​ជា​រឿង​ចាំ​បាច់​សម្រាប់​អ្នក​ជំងឺ​ទឹក​នោម​ផ្អែម។ យើង​ត្រូវ​ការ​បរិមាណ​អាហារ និង​ជាតិ​ស្ករ​ត្រឹមត្រូវ ដើម្បី​រក្សា​កម្រិត​ជាតិ​ស្ករ​ក្នុង​ឈាម​ឲ្យ​មាន​សុខភាព​ល្អ​ពេញ​មួយ​ថ្ងៃ។ អាហារ​គួរ​ញ៉ាំ៖ ផ្លែ​ឈើ សណ្ដែក គ្រាប់​ធញ្ញជាតិ ប្រូខូលី ប៉េងប៉ោះ ។ល។ អាហារ​គួរ​ចៀសវាង៖ បង្អែម អាហារ​បំពង […]


ជំងឺទឹកនោមផ្អែមប្រភេទ២

អ្នកស្ថិតក្នុងដំណាក់កាលមួយ​នេះ ងាយ​កើត​ជំងឺទឹកនោមផ្អែមបំផុត!

ត្រៀម​កើត​​ជំងឺទឹក​នោម​ផ្អែម​ ឬ​ជំងឺបម្រុងទឹកនោមផ្អែម ​មាន​ន័យ​ថា​កម្រិត​ជាតិ​ស្ករ​ក្នុង​ឈាម​​របស់​យើង​ឡើង​ខ្ពស់​ជាង​កម្រិត​ធម្មតា​។ ដំណាក់​កាល​ត្រៀម​កើត​ទឹកនោម​ផ្អែម​ ជា​ពេល​មួយ​ដែល​កម្រិត​ជាតិ​ស្ករ​ក្នុង​ឈាម​យើង​ឡើង​ខ្ពស់​ពេក តែ​មិន​ទាន់​ដល់​ដំណាក់​កាល​មួយ​ហៅ​ថា​ទឹក​នោម​ផ្អែម​នោះ​ទេ​។ អ្នក​​ដែល​វិវត្ត​ទៅ​ជា​ជំងឺ​ទឹកនោម​ផ្អែម​ប្រភេទ​២ តែងតែ​​ឆ្លង​កាត់​ដំណាក់​កាល​ត្រៀម​ឬ​បម្រុង​ជំងឺ​ទឹក​នោម​ផ្អែម​ជាមុន​សិន​។ បើ​សិន​ជា​គ្នា​យើង​ស្ថិត​ក្នុង​ដំណាក់​កាល​ត្រៀម​កើត​ទឹក​នោម​ផ្អែម គឺ​យើង​កំពុង​តែ​ប្រឈម​ខ្ពស់​​ក្នុង​ការ​កើត​មាន​ជំងឺ​ទឹក​នោម​ផ្អែម​ប្រភេទ​២។ ក្រៅពី​នេះ​នៅ​ប្រឈម​​នឹង​កើត​ជំងឺ​​​បេះដូង​និង​គ្រោះ​ថ្នាក់​សរសៃឈាម​ខួរ​ក្បាល​ផង​ដែរ​។ ​អ្វី​ដែល​ជា​ដំណឹង​ល្អ​គឺ​​យើង​អាច​ពន្យារ​ពេល ឬ​ការ​ពារ​ខ្លួន​ពី​ការ​កើត​ជំងឺ​ទឹកនោម​ផ្អែម​ប្រភេទ​២​នេះ បាន​ទោះជា​យើង​ស្ថិត​ក្នុង​ដំណាក់​កាល​ត្រៀម​កើត​ទឹក​នោម​ផ្អែម​ក៏​ដោយ។ ទម្លាប់​រស់នៅប្រចាំថ្ងៃ ​របបអាហារ​អាក្រក់មួយចំនួនដែលជាចំណង់ចំណូលចិត្តខ្លាំង​បង្ក​បញ្ហា​ដល់​សុខភាព ​ ការ​គ្រប់​គ្រង​ទម្ងន់​ឲ្យ​បាន​ល្អ ​ជាពិសេសកុំឲ្យឡើងគីឡូ ​និង​ទម្លាប់​បញ្ចេញ​ញើស​ហាត់​ប្រាណ​ជា​ប្រចាំ​ ពិត​ជា​អាច​ជួយ​បាន​។ គណនា BMI គណនា BMR កម្មវិធីពិនិត្យជំងឺបម្រុងទឹកនោមផ្អែមអនឡាញ ១. មូលហេតុ​ ដំណាក់​កាល​ត្រៀម​កើត​ទឹក​នោម​ផ្អែម កើត​ឡើង​បាន​ដោយ​សារ​តែ​អ័រម៉ូន​អាំង​ស៊ុយ​លីន​ ឬ​កម្រិត​ជាតិ​ស្ករ​នៅ​ក្នុង​រាង​កាយ​យើង​ធ្វើ​ការ​មិន​បាន​ល្អ​តាម​ប្រក្រតី។ អាំងស៊ុយ​លីន​ ជួយ​កោសិកា​ប្រើ​ប្រាស់​ជាតិ​ស្ករ​ពី​ក្នុង​ឈាម​។ នៅ​ពេល​មួយ​ដែល​អាំង​ស៊ុយ​លីន​ធ្វើ​ការ​មិន​ត្រឹម​ត្រូវ​ កម្រិត​ជាតិ​ស្ករ​អាច​កើត​ឡើង​ច្រើន​នៅ​ក្នុង​ឈាម​។ នៅ​ពេល​កម្រិត​ជាតិ​ស្ករ​ឡើង​ច្រើន​ក្នុង​ឈាម​ខ្ពស់​​ជាង​ធម្មតា អាច​បង្ហាញ​ថា​មនុស្ស​យើង​នៅ​ក្នុង​ដំណាក់​កាល​ត្រៀម​ទឹក​នោម​ផ្អែម​។ បើ​សិន​ជា​កម្រិន​ជាតិ​ស្ករ​នេះ​ ឡើង​ដល់​កម្រិត​ខ្ពស់​​ជាក់​លាក់​មួយ​ យើង​នឹង​ត្រូវ​ចាត់​ទុក​ថា​មាន​ជំងឺ​ទឹក​នោម​ផ្អែម​។ កម្រិត​ជាតិ​ស្ករ​ក្នុង​ឈាម​ខ្ពស់​ អាច​បំផ្លាញ​សរសៃឈាម និង​ប្រ​ព័ន្ធ​ប្រសាទ​។ ការណ៍​នេះ​នឹង​ធ្វើ​ឲ្យ​យើង​ប្រ​ឈម​នឹង​ជំងឺ​បេះដូង និង​បញ្ហា​សុខ​ភាព​ផ្សេង​ៗ​ទៀត​។ បើ​យើង​​​កំពុង​ស្ថិត​ក្នុង​ស្ថាន​ភាព​ខាង​ក្រោម​នេះ អាច​ប្រ​ឈម​ចូល​ក្នុង​ដំណាក់​កាល​ត្រៀម​ទឹក​នោម​ផ្អែម​៖ លើស​ទម្ងន់ ឬ​ធាត់​ មាន​ឪពុក ម្ដាយ ឬ​បងប្អូន​មាន​ជំងឺ​ទឹក​នោម​ផ្អែម​ ធ្លាប់​មាន​ជំងឺ​ទឹក​នោម​ផ្អែម​ពេល​ពពោះ​ ឬ​មាន​កូន​ពេល​កើត​មាន​ទម្ងន់​លើស​ពី​៤គីឡូក្រាម​ អ្នក​មាន​សម្ពាធ​ឈាម​ខ្ពស់​ ស្រ្តី​មាន​ជំងឺ​​ដុំ​គីស​ទឹក​លើ​ក្រពេញ​អូវែ​(PCOS) ២. រោគ​វិនិច្ឆ័យ​ គ្រូពេទ្យ​អាច​ធ្វើ​តេស្ត​កម្រិត​ជាតិ​ស្ករ​ក្នុង​ឈាម ដើម្បី​ដឹង​ថា​យើង​ស្ថិត​ក្នុង​ដំណាក់​កាល​ត្រៀម​ទឹក​​នោម​ផ្អែម​ឬ​យ៉ាងណា​។ ការ​ធ្វើ​តេស្ត​កម្រិត​ជាតិ​ស្ករ​ភ្លាមៗ​អាច​ធ្វើ​មុន​ពេល​យើង​ញ៉ាំ​អាហារ​ពេល​ព្រឹក​។ សុខភាព​​ធម្មតា​៖ ជាតិ​ស្ករ​ចន្លោះ​ពី​ ៧០​ទៅ​៩៩​មិល្លីក្រាម​/ដេស៊ីលីត្រ​ ត្រៀម​ទឹក​នោម​ផ្អែម​៖ ជាតិ​ស្ករ​ចន្លោះ​ពី​១០០ […]


ជំងឺទឹកនោមផ្អែមប្រភេទ២

ឮ​តែ​និយាយ​ពី​ជំងឺ​ទឹក​នោម​ផ្អែម តើ​កើត​ឡើង​បាន​យ៉ាង​ម៉េច?

ជំងឺ​ទឹក​នោម​ផ្អែម​កើត​ឡើង​នៅ​ពេល​លំពែង​មិន​បាន​​ផលិត​អ័រម៉ូន​អាំងស៊ុយលីន​គ្រប់​គ្រាន់ ឬរាង​កាយ​មិន​អាច​ប្រើ​អាំងស៊ុយ​លីន​ត្រឹមត្រូវ​។ អាំងស៊ុយលីន​ជួយ​ដឹក​នាំ​ជាតិ​ស្ករ​ក្នុង​ចរន្ត​ឈាម​ចូល​ទៅ​ក្នុង​កោសិកា​។ ពេល​ចូល​ទៅ​ក្នុង​កោសិកា ជាតិ​ស្ករ​នឹង​ត្រូវ​បំប្លែង​ភ្លាម​ៗ​ទៅជា​ថាមពល​សម្រាប់​ប្រើ​ប្រាស់ និង​ទុកបម្រុង​ប្រើ​ប្រាស់។ ថាមពល​ទាំង​នេះ ជំរុញ​ដល់​គ្រប់​ដំណើរ​ការ​នៃ​រាង​កាយ​របស់​យើង​។ ១. ជំងឺ​ទឹកនោម​ផ្អែម​ប្រភេទ​១ ជំងឺ​ទឹក​នោម​ប្រភេទ​១ កើត​ឡើង​ពេល​លំពែង​ផលិត​អាំង​ស៊ុយ​លីន​បាន​តិច​តួច ឬ​មិន​អាច​ផលិត​បាន​ទាល់​តែ​សោះ​។ អ្នក​មាន​ជំងឺ​ទឹក​នោម​ផ្អែម​ប្រភេទ​១ ត្រូវ​ចាក់​អាំង​ស៊ុយ​លីន​​រាល់ថ្ងៃ ដើម្បី​ជំនួស​អាំង​ស៊ុយ​លីន​ដែល​រាង​កាយ​មិន​អាច​ផលិត​បាន​។​ ជំងឺ​ប្រភេទ​នេះ ភាគច្រើន​ឃើញ​កើត​មាន​ច្រើន​លើ​កុមារ ប៉ុន្តែ​វា​នៅ​តែ​អាច​កើត​លើ​មនុស្ស​គ្រប់​វ័យ​ដែរ​។ ២. ជំងឺ​ទឹក​នោម​ផ្អែម​ប្រភេទ២​ ជំងឺ​ទឹក​នោម​ផ្អែម​ប្រភេទ​២ ជា​ជំងឺ​កើត​ច្រើន ហើយ​​អ្នក​ជំងឺ​ទឹក​នោម​ផ្អែម​ប្រហែល​ពី​៩០​ទៅ​៩៥​ភាគ​រយ ជា​អ្នក​មាន​ជំងឺ​ទឹក​នោម​ផ្អែម​ប្រភេទ​២​។ ជំងឺ​នេះ ធ្វើ​ឲ្យ​​រាង​កាយ​របស់​យើង​ធន់​ទៅ​នឹង​សកម្មភាព​របស់​​អាំង​ស៊ុយ​លីន មាន​ន័យ​ថា​រាង​កាយ​​មិន​អាច​ប្រើ​អាំង​ស៊ុយ​លីន​បាន​ត្រឹម​ត្រូវ​ ជា​ហេតុ​នាំ​ឲ្យ​មិន​អាច​នាំ​ជាតិ​ស្ករ​ក្នុង​ឈាម​ទៅ​កាន់​កោសិកា​បាន​។ មនុស្ស​យើង​ទំនង​អាច​វិវត្ត​ទៅ​ជា​មាន​ជំងឺ​ទឹក​នោម​ផ្អែម​ប្រ​ភេទ២ ប្រសិន​ជា​យើង​ជា​មនុស្ស​លើស​ទម្ងន់ មាន​ប្រវត្តិ​សមាជិក​គ្រួសារ​មាន​ជំងឺ​ទឹក​នោ​ម​ផ្អែម ឬ​មាន​ប្រវត្តិ​មាន​ជំងឺ​ទឹក​នោម​ផ្អែ​ម​ពេល​ពពោះ​។ សម្រាប់​ក្រុម​មនុស្ស​ខ្លះ​ទៀត ក៏​អាច​ប្រឈម​នឹង​ជំងឺ​នេះ​ដែរ​ពេល​មាន​វ័យ​លើ​សពី​៤៥​ឆ្នាំ។ វីធី​សាមញ្ញ​មួយ​អាច​បញ្ជាក់​ថា​យើង​មាន​ជំងឺ​ទឹក​នោម​ផ្អែម​ឬ​អត់ គឺ​ការ​ធ្វើ​តេស្ត​ជាតិ​ស្ករ​ក្នុង​ឈាម​។​ ​​៣. ជំងឺ​ទឹក​នោម​ផ្អែម​ពេល​ពពោះ ជំងឺ​ទឹក​នោម​ផ្អែម​ពេល​ពពោះ គឺ​​ជា​​ប្រភេទ​ជំងឺ​ទឹក​នោម​ផ្អែម​កើត​មាន​ជា​បណ្ដោះ​អាសន្ន ពេល​ស្រី​ៗ​មាន​ផ្ទៃពោះ​។ ជំងឺ​ទឹក​នោម​ផ្អែម​ពេល​ពពោះ មិន​មាន​រោគ​សញ្ញា​នោះ​ទេ ដូច​នេះ​ស្រ្តី​ភាគ​ច្រើន​ត្រូវ​ធ្វើ​តេស្ត​ជាតិ​ស្ករ​​នៅ​ពេល​ណា​មួយ​ក្នុង​អំឡុង​ពេល​ពពោះ​។ បើ​សិន​ជា​ស្រ្តី​កំពុង​ពពោះ​មាន​កម្រិត​ជាតិ​ស្ករ​ក្នុង​ឈាម​ខ្ពស់ គឺ​ត្រូវ​អនុវត្ត​របប​អាហារ​ពិសេស​រហូត​ដល់​សម្រាល​កូន​រួច​​។ ក្នុង​ករណី​ខ្លះ ស្រ្តី​កើត​ជំងឺ​ទឹក​នោម​ផ្អែម​ពេល​ពពោះ អាច​ត្រូវ​ការ​ចាក់​អាំង​ស៊ុយ​លីន​ដែរ​។ ជំងឺ​ទឹក​នោម​ផ្អែម​ពេល​ពោះ​អាច​កើត​លើ​ស្រ្តី​មាន​ប្រវត្តិ​គ្រួសារ​មាន​ជំងឺ​ទឹក​នោម​ផ្អែម និង​ជា​អ្នក​លើស​ទម្ងន់​ជា​ដើម។ ជំងឺ​នេះ​នឹង​បាត់​ទៅ​វិញ​នៅ​ពេល​ស្រ្តី​យើង​សម្រាល​កូន​រួច ហើយ​ក៏​មានដែរ​​ស្រ្តី​ជាង​ពាក់​កណ្ដាល​នៃ​អ្នក​កើត​ជំងឺ​ទឹក​នោម​ផ្អែម​ពេល​ពពោះ អាច​វិវត្ត​ទៅជា​ជំងឺ​ទឹក​នោម​ផ្អែម​ប្រ​ភេទ​២​ នៅ​ពេល​ក្រោយ​មក​ទៀត​។ ៤. ត្រៀម​កើត​ជំងឺ​ទឹក​នោម​ផ្អែម​ ត្រៀម​កើត​ជំងឺ​ទឹក​នោម​ផ្អែម កើត​ឡើង​នៅ​ពេល​កម្រិត​ជាតិ​ស្ករ​ក្នុង​ឈាម​ឡើង​ខ្ពស់​ជាង​ធម្មតា ប៉ុន្តែ​មិន​ទាន់​ឡើង​ដល់​កម្រិត​ដែល​ត្រូវ​ចាត់​ទុក​ថា​កើត​ជំងឺ​ទឹក​នោម​ផ្អែម​នោះ​ទេ​។ បើ​បញ្ហា​នេះ​នៅ​តែ​បន្ត​កើត​ឡើង យូរៗ​ទៅ ​យើង​អាច​មាន​ឱកាស​ប្រឈម​ខ្ពស់​ក្នុង​ការ​កើត​ជំងឺ​បេះដូង បញ្ហា​សរសៃឈាម​ខួរ​ក្បាល និង​អាច​ប្រឈម​នឹង​ការ​វិវត្ត​ទៅជា​ជំងឺ​ទឹក​នោម​ផ្អែម​ប្រភេទ​២​ […]


ជំងឺទឹកនោមផ្អែមប្រភេទ២

សកម្មភាពល្អៗសម្រាប់អ្នកជំងឺទឹកនោមផ្អែម ក្រៅពីហាត់ប្រាណ

ក្រៅពី​ហាត់​ប្រាណ​សកម្មភាព​រាង​កាយ​​មួយ​ចំនួន​ផ្សេង​ទៀត​ក៏​មាន​ប្រយោជន៍​ដល់​អ្នក​មាន​ជំងឺ​ទឹក​នោម​ផ្អែម​ដូច​គ្នា​។ ការ​បង្កើន​សកម្ម​ភាព​រាង​កាយ​ប្រចាំ​ថ្ងៃ​ឲ្យ​បាន​ច្រើន​​នឹង​ធ្វើ​ឲ្យ​រាង​កាយ​មាន​សុខ​ភាព​ល្អ។​ ១. ប្រយោជន៍​នៃ​ការ​បញ្ចេញ​សកម្មភាព​រាង​កាយ​ ការ​បញ្ចេញ​សកម្មភាព​រាង​កាយ​បាន​ជា​ប្រចាំ​មាន​ប្រយោជន៍​ច្រើន​ដល់​អ្នកមាន​ជំងឺ​ទឹក​នោម​ផ្អែម​។ ជួយ​គ្រប់​គ្រង​កម្រិត​ជាតិ​ស្ករ​ក្នុង​ឈាម​ គ្រប់​គ្រង​ទម្ងន់បានល្អ ជួយ​ឲ្យ​បេះដូង សួត និង​សរសៃឈាម មាន​សុខ​ភាព​ល្អ​ ២. សកម្មភាព​រាង​កាយ​ផ្សេងៗ​ក្រៅពី​ហាត់​ប្រាណ​ ពេល​នៅ​ផ្ទះ យើង​អាច​ធ្វើ​កិច្ច​ការ​មួយ​ចំនួន​ ជួយ​ឲ្យ​យើង​មាន​សកម្មភាព​រាង​កាយ​បាន​ដូច​គ្នា​។ ការ​ងារ​ផ្ទះ​ដូច​ជា​លាង​រថយន្ត សម្អាត​ផ្ទះ ដើរ​ជុំវិញ​ផ្ទះ លេង​ជាមួយ​កូន​ចៅ គឺ​សុទ្ធ​តែ​ជា​សកម្ម​ភាព​មាន​ប្រយោជន៍​ដល់​រាង​កាយ​របស់​អ្នក​ជំងឺ​ទឹក​នោម​ផ្អែម។ មួយ​វិញ​ទៀត បើ​គ្នា​យើង​ត្រូវ​អង្គុយ​ធ្វើ​ការ​មុខ​កុំព្យូទ័រ​យូរ​ម៉ោង យើង​គួរ​ក្រោក​ដើរ​បន្តិច​រាល់​​៣០នាទី​ម្ដង​។ អ្នក​ជំនាញ​ចាត់​ទុក​ថា​ការ​ដើរ​បាន​​ប្រហែល​១ម៉ឺន​ជំហាន​ក្នុង​មួយ​ថ្ងៃ​បាន​ផ្ដល់​ផល​ល្អ​ចំពោះ​សុខភាព​។ ​ដូច​គ្នា​ដែរ បើ​យើង​ជិះ​រថយន្ត​ទៅ​ផ្សារ ឬ​អាហារដ្ឋាន យើង​អាច​សាក​ល្បង​ចត​រថយន្ត​នៅ​ឆ្ងាយ​ពី​ផ្សារ ឬ​អាហារដ្ឋាន​ទាំង​នោះ​បន្តិច ដើម្បី​ឲ្យ​យើង​បាន​ដើរ​ឆ្ងាយ​បន្តិច​មុន​ដល់​គោល​ដៅ​។ មួយ​វិញ​ ការ​ដើរ​ចុះ​ឡើង​ក្នុង​ផ្សារ​ទំនើប ក៏​អាច​ជា​ការ​រួម​ចំណែក​ឲ្យ​គ្នា​យើង​បាន​បញ្ចេញ​សកម្មភាព​រាង​កាយ​ដែរ​។ ក្រៅពី​នេះ បើ​យើង​មាន​ការិយាល័យ​ការងារ​នៅ​អាគារ​ខ្ពស់ យើង​អាច​សាក​ល្បង​ប្រើ​ជណ្ដើរ​ជើង​សម្រាប់​ឡើង​ចុះ​ ត្រឹម​តែ​ពីរ​ជាន់​ ក៏​អាច​ជួយ​ឲ្យ​យើង​បាន​បញ្ចេញ​សកម្មភាព​រាង​កាយ​ដូច​គ្នា​។​ យ៉ាងណា មុន​ធ្វើ​លំហាត់​ប្រាណ​ណា​មួយ​ក្ដី ឬ​សកម្មភាព​រាង​កាយ​មួយ​ចំនួន​ទៀត​ក្ដី អ្នក​មាន​ជំងឺ​ទឹក​នោម​ផ្អែម​គួរ​សុំ​យោបល់​ពី​គ្រូពេទ្យ​ជាមុន​សិន​។​​​​ មួយ​វិញ​ទៀត អ្នក​មាន​ជំងឺ​ទឹក​នោម​ផ្អែម​ដែល​លើស​ទម្ងន់ ឬ​ធាត់​ខ្លាំង អាច​ប្រឈម​នឹង​ការ​រលាក​សន្លាក់ ឬ​បញ្ហា​សន្លាក់​ផ្សេង​ៗ។ ដូច​នេះ ជា​ការ​ល្អ ដែល​អ្នក​មាន​ជំងឺ​ទឹក​នោម​ផ្អែម​ត្រូវ​ពិភាក្សា​ជាមួយ​គ្រូពេទ្យ បើ​យើង​មាន​បញ្ហា​សន្លាក់ ពេល​ធ្វើ​សកម្មភាព​រាង​កាយ​ណា​មួយ​។


ជំងឺទឹកនោមផ្អែមប្រភេទ២

កុំ​​ចាំ​តែ​ពេទ្យ កើត​ទឹក​នោម​ផ្អែមត្រូវ​ចេះ​វិធី​តេស្ត​ជាតិ​ស្ករ​ខ្លួន​ឯង

ពិត​ណាស់ មាន​ជំងឺ​ច្បាស់​ជា​ត្រូវ​ការ​ពេទ្យ ប៉ុន្តែ​រឿង​ខ្លះ​ក៏​មិន​ចាំបាច់​ពឹង​ពេទ្យ​ទាំង​អស់​ដែរ ពិសេស​ម៉ាក់​ប៉ា អ៊ំៗ​គាត់​មាន​ទឹក​នោម​ផ្អែម គួរ​តែ​ដឹង​ពី​វិធី​តេស្ត​ជាតិ​ស្ករ​ក្នុង​ឈាម​ខ្លួន​ឯង ព្រោះ​វា​មិន​ត្រឹម​ចំណេញ​ពេល​វេលា​ប៉ុណ្ណោះ​ទេ ថែម​ទាំង​អាច​ដឹង​ និង​បង្ការ​ហានិភ័យ​សម្រាប់​សុខភាព​យើង​ផ្ទាល់​ទៀត​ផង។ អត្ថបទ​នេះ “Hello គ្រូពេទ្យ” នឹង​ណែនាំ​ខ្លះៗ​ពី​របៀប​ពិនិត្យ​ជាតិ​ស្ករ​ក្នុង​ឈាម​ដោយ​ខ្លួន​ឯង ឲ្យ​ម៉ាក់​ប៉ា អ៊ុំៗ​បាន​ដឹង​ច្បាស់។ ១- តាមដានជាតិស្ករក្នុងឈាម មាន​ជំងឺ​ទឹក​នោម​ផ្អែម អ្វី​ចាំបាច់​បំផុត​ត្រូវ​ដឹង គឺ​កម្រិត​ជាតិ​ស្ករ​ក្នុង​ឈាម​សមស្រប​មួយ​សម្រាប់​យើង ហេតុ​នេះ​ត្រូវ​ពិគ្រោះ​ជាមួយ​គ្រូពេទ្យ​ជា​មុន ថា​តើ​កម្រិត​ជាតិ​ស្ករ​ប៉ុណ្ណា ទើប​ធ្វើឲ្យ​យើង​មាន​សុខភាព​ល្អ អ្វី​គួរ​ដឹង​មាន​ដូចជា៖ - កម្រិត​ជាតិ​ស្ករ​ក្នុង​ឈាម​ទាប - គ្រប់​គ្រង​ជាតិ​ស្ករ​ក្នុង​ឈាម​មិន​បាន​ល្អ - កម្រិត​ជាតិ​ស្ករ​ទាប​ដោយ​គ្មាន​សញ្ញា​គ្រោះ​ថ្នាក់ - ស្ត្រី​មាន​ផ្ទៃ​ពោះ ​កំពុង​ប្រើ​អ័រម៉ូន​អាំង​ស៊ុយ​លីន - មាន​សារ​ធាតុ​សេតូន (Ketone) ក្នុង​ឈាម​ដោយ​សារ​ជាតិ​ស្ករ​ក្នុង​ឈាម​ឡើង​ខ្ពស់។ ២- របៀបពិនិត្យជាតិស្ករ សូម​ធ្វើ​តាម​ជំហ៊ានដូច​ខាង​ក្រោម៖ - សម្អាត​ដៃ​រួច យក​បន្ទះ​តេស្តដាក់​ចូល​ក្នុង​ឧបករណ៍ - យក​ម្ជុល​ចាក់​ផ្នែក​ចំហៀង​ម្រាម​ដៃ ដើម្បី​យក​ឈាម​មួយ​តំណក់ - បន្ទក់​ឈាម​លើ​បន្ទះ​តេស្ត ហើយ​រង់​ចាំ​លទ្ធផល - កម្រិត​ជាតិ​ស្ករ ​នឹង​បង្ហាញ​លើ​ឧបករណ៍។ សូម​អាន​ក្រដាស​ណែ​នាំ​ការប្រើ​ប្រាស់នៃ​ឧបករណ៍​នីមួយៗ ព្រោះ​វា​អាច​មាន​ចំណុច​ខុស​គ្នា​ខ្លះៗ។ ៣-លទ្ធផល សមាគម​ជំងឺ​ទឹក​នោម​ផ្អែម​អាមេរិក (ADA) បាន​ណែ​នាំ​ពី​កម្រិត​បរិមាណ​ជាតិ​ស្ករ​សម្រាប់​មនុស្ស​ពេញ​វ័យ​​កើត​ទឹក​នោម​ផ្អែម ​លើក​លែង​ស្រ្តី​មាន​ផ្ទៃ​ពោះ គួរ​មាន​ត្រឹម៖ - មុន​ញ៉ាំ​អាហារ (Preprandial plasma glucose)៖ គួ​រត្រឹម ៧០-១៣០ មិល្លីក្រាម/ដេស៊ីលីត្រ​ឈាម - ១- ២ ម៉ោង​ក្រោយ​ញ៉ាំ​អាហារ (Postprandial […]


ជំងឺទឹកនោមផ្អែមប្រភេទ២

អ្នកជំងឺទឹកនោមផ្អែមវ័យចំណាស់ អាចត្រូវកំណត់កម្រិតជាតិស្ករផ្សេងគ្នា

មន្ទីរ​ពេទ្យ​កាល់​ម៉ែត​ឲ្យ​ដឹង​ថា​ការ​កំណត់​គោល​ដៅ​កម្រិត​ជាតិ​ស្ករ​លើ​អ្នក​ជំងឺ​ទឹកនោមផ្អែម​ដែល​មាន​វ័យ​ចំណាស់​ក៏​ត្រូវ​ពិចារណា​ទៅ​លើ​កត្តា​មួយ​ចំនួន​ រួម​មាន​ស្ថាន​ភាព​ជា​ទូទៅ​របស់​អ្នកជំងឺ​ កម្រិត​នៃ​ការ​ចងចាំ​ ជីវភាព​ប្រចាំថ្ងៃ និង​​ស្ថាន​ភាព​សេដ្ឋកិច្ច​ជាដើម​។ មន្ទីរ​ពេទ្យ​បាន​បែង​ចែក​ការ​កំណត់​កម្រិត​ជាតិ​ស្ករ​សម្រាប់​មនុស្ស​វ័យ​ចំណាស់​មាន​ជំងឺ​ទឹកនោម​ផ្អែម​ដូច​ខាង​ក្រោម​។ ១. អ្នក​ជំងឺ​នៅ​មាន​សុខ​ភាព​មាំទាំ​ មន្ទីរ​ពេទ្យ​កាល់​ម៉ែត​បញ្ជាក់​ថា អ្នក​ជំងឺ​ទឹកនោម​ផ្អែម​ខ្លះ​នៅ​មាន​សុខភាព​មាំទាំ​អាច​ចូល​រួម​កិច្ចការ​ក្នុង​សង្គម​នានា​ និង​នៅ​អាច​ធ្វើ​ដំណើរ​ទី​ជិត​ទី​ឆ្ងាយ​បាន​​ជាដើម។ បើ​តាម​មន្ទីរ​ពេទ្យ​គោល​ដៅ​នៃ​ការ​ព្យាបាល​ គ្រូ​ពេទ្យ​កំណត់​កម្រិត​ជាតិ​ស្ករ​ បាន​ប្រហាក់​ប្រហែល​នឹង​អ្នក​ជំងឺ​ទឹក​នោម​ផ្អែម​ទូទៅ ពោល​គឺ​មធ្យម​ភាគ​ជាតិ​ស្ករ HbA1c នៅ​ចន្លោះ​ពី៦,៥%ទៅ​៧,៥​% ឬ អាច​កំណត់​ម៉្យាង​ទៀត​បាន​ថា ជាតិ​ស្ករ​ពេល​ព្រឹក​មុន​ពិសា​អាហារ​ ≤​១២៦mg/dl​។​ ២. អ្នក​ជំងឺ​មាន​ជំងឺ​ប្រចាំ​កាយ​ មន្ទីរ​ពេទ្យ​កាល់​ម៉ែត​ថា ចំពោះ​អ្នក​ជំងឺ​ខ្លះ​ទៀត​ក៏​មាន​ជំងឺ​ប្រចាំ​កាយ ​តែ​នៅ​អាច​ចាត់​ចែង​កិច្ចការ​ប្រចាំ​ថ្ងៃ​ដោយ​ខ្លួន​ឯង​បាន​។ អ្នក​ជំងឺ​វ័យ​ចំណាស់​ដែល​មាន​បញ្ហា​សុខ​ភាព​ប្រចាំ​កាយ​ ហើយ​ងាយ​ធ្លាក់​ខ្លួន​ឈឺ ​ការ​កំណត់​គោល​ដៅ​មធ្យម​ភាគ​ជាតិ​ស្ករ​មិន​តឹង​រឹង​ពេក​នោះ​ទេ​ ព្រោះ​អ្នក​ជំងឺ​ក្នុង​ក្រុម​នេះ​ងាយ​ប្រឈម​នឹង​ការ​ខ្វះ​សារ​ជាតិ​ចិញ្ចឹម​រាង​កាយ​ ការ​ចុះ​ជាតិ​ស្ករ​ខ្លាំង​ ការ​ចុះ​សម្ពាធ​ឈាម​ភ្លាមៗ​ពេល​ក្រោក​ឈរ​។ ករណី​បែប​នេះ មន្ទីរពេទ្យ​ថា​មធ្យម​ភាគ​ជាតិ​ស្ករ​ HbA1c ចន្លោះ ៧,៥%​ទៅ៨% ឬ​កំណត់​ម៉្យាង​ទៀត​ ជាតិ​ស្ករ​មុន​អាហារ​ពេល​ព្រឹក នៅចន្លោះ១២៦mg/dl ទៅ១៦០ mg/dl។ ៣. អ្នក​ជំងឺ​ស្ថាន​ភាព​ជរា​ ប្រភព​ដដែល​ឲ្យ​ដឹង​បន្ថែម​ថា​ ផ្ទុយ​ទៅ​វិញ​មាន​​អ្នក​ជំងឺ​មួយ​ចំនួន​ដែល​មាន​ស្ថាន​ភាព​ជរា​ គឺ​តែង​តែ​ត្រូវ​ការ​អ្នក​បីបាច់​ថែរក្សា​ជា​ប្រចាំ។​ ករណី​អ្នក​ជំងឺ​ជរា​ ត្រូវ​ការ​អ្នក​ថែ​ទាំ​វិញ​ គោល​ដៅ​នៃ​មធ្យម​ភាគ​ជាតិ​ស្ករ HbA1c​ ​គឺ​​ចន្លោះ​ពី​៧,៥​%​ទៅ​៨,៥​%។


ជំងឺទឹកនោមផ្អែមប្រភេទ២

​អ្នក​ចេញ​សញ្ញា ៧យ៉ាង​នេះ ជិត​កើត​ជំងឺទឹក​នោមផ្អែម​ហើយ

អ្នក​ស្ថិត​ក្នុង​ស្ថា​ន​ភាព​​ត្រៀម​កើត​ជំងឺ​ទឹក​នោម​ផ្អែម មាន​កម្រិត​ជាតិ​ស្ករ​ខ្ពស់​ជាង​ធម្មតា ប៉ុន្តែ​គ្រូពេទ្យ​មិន​ទាន់​ចាត់​ទុក​អ្នក​ទាំង​នោះ​ថា​មាន​ជំងឺ​ទឹកនោម​ផ្អែម​ទេ​។ បើ​តាម​ CDC អាមេរិក អ្នក​ស្ថិត​ក្នុង​ស្ថានភាព​ត្រៀម​កើត​ជំងឺ​ទឹក​នោម​ផ្អែម នឹង​វិវត្ត​ទៅ​ជា​អ្នក​ជំងឺ​ទឹក​នោម​ផ្អែម​នៅ​ប្រាំ​ឆ្នាំ​បន្ទាប់ បើ​សិន​ជា​មិន​បាន​ព្យា​បាល​ទាន់​ពេល​។ រោគសញ្ញា​ដំណាក់កាល​ដំបូងៗ​នៃ​ការ​វិត្ត​ទៅ​រក​ជំងឺ​ទឹកនោម​ផ្អែម​ប្រភេទ​២ ចាប់​ពី​កម្រិត​ស្រាល​ ហើយ​ជា​លទ្ធផល​អ្នក​មាន​បញ្ហា​នេះ មិន​ចាប់​អារម្មណ៍​ថា​ខ្លួន​ស្ថិត​ក្នុង​ដំណាក់​កាល​ត្រូវ​ព្យាបាល​នោះ​ដែរ​។ ខាង​ក្រោម​នេះ​ជា​សញ្ញា និង​រោគ​សញ្ញា​ដំណាក់​កាល​ដំបូងៗ​នៃ​ជំងឺ​ទឹក​នោម​ផ្អែម​ប្រភេទ​២​៖ ១. នោម​ញឹក​ នៅ​ពេល​ដែល​កម្រិត​ជាតិ​ស្ករ​ក្នុង​ឈាម​យើង​ខ្ពស់ តម្រង​នោម​នឹង​ព្យា​យាម​បញ្ចេញ​ជាតិ​ស្ករ​ដែល​លើស​ចោល ដោយ​ចម្រោះ​ចេញពី​ក្នុង​ឈាម​។ ការណ៍​នេះ​ធ្វើ​ឲ្យ​មនុស្ស​យើង​ត្រូវ​ទៅ​នោម​ញឹក​ញាប់ ពិសេស​នៅ​ពេល​យប់​។ ២. ស្រេក​ទឹក​ ពេល​យើង​ត្រូវ​នោម​ញឹក​ញាប់ ដើម្បី​បញ្ចេញ​ចោល​ជាតិ​ស្ករ​លើស នឹង​នាំ​ឲ្យ​រាង​កាយ​យើង​បាត់​បង់​ជាតិ​ទឹក​ និង​ធ្វើ​ឲ្យ​យើង​ចាប់​ផ្ដើម​ស្រេក​ទឹក​ខ្លាំង​ដែរ​។ ៣. ឃ្លាន​ អ្នក​មាន​ជំងឺ​ទឹក​នោម​ផ្អែម​តែងតែ​មិន​បាន​ទទួល​ថាមពល​គ្រប់​គ្រាន់​ពី​អាហារ​ដែល​ខ្លួន​ញ៉ាំ​នោះ​ទេ​។ ប្រ​ព័ន្ធ​រំលាយ​អាហារ​យើង​បំបែក​អាហារ​ទៅ​ជា​គ្លុយ​កូស ដើម្បី​បំប្លែង​ជា​ថាមពល។ អ្នក​មាន​ជំងឺ​ទឹកនោម​ផ្អែម​ មិន​ទទួល​គ្លុយ​កូស​ទាំង​នោះ​បាន​គ្រប់​គ្រាន់​ ​នៅ​ក្នុង​ចរន្ត​ឈាម ដើម្បី​បញ្ជូន​ទៅ​កាន់​កោសិកា​រាង​កាយ​នោះ​ទេ​។ ជា​លទ្ធ​ផល​ អ្នក​មាន​ជំងឺ​ទឹក​នោម​ផ្អែម​ប្រភេទ​២ តែង​តែ​មាន​អារម្មណ៍​ឃ្លាន​ជា​ប្រចាំ មិន​ថា​ទើប​តែ​ញ៉ាំ​​រួច​ហើយ​ក៏​ដោយ​។ ៤. អស់​កម្លាំង​ខ្លាំង ​ជំងឺ​ទឹកនោម​ផ្អែម​ប្រភេទ​២ អាច​មាន​ឥទ្ធិ​ពល​លើ​កម្រិត​ថា​ម​ពល​ និង​ធ្វើ​ឲ្យ​អ្នក​មានជំងឺ​នេះ​មាន​អារម្មណ៍​ហត់នឿយ ឬ​អស់កម្លាំង។​ ការ​មាន​អារម្មណ៍​អស់​កម្លាំង​នេះ កើត​ឡើង​ដោយ​សារ​ស្ករ​​ក្នុង​ចរន្ត​ឈាម​មិន​អាច​ផ្ដល់​ទៅ​កោសិកា​រាង​កាយ​បាន​គ្រប់គ្រាន់​។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ៥. ស្រវាំង​ភ្នែក កម្រិត​ជាតិ​ស្ករ​ក្នុង​ឈាម​លើស​តម្រូវ​ការ អាច​ធ្វើ​ឲ្យ​ខូច​ខាត​សរសៃ​ឈាម​តូចៗ​ក្នុង​ភ្នែក ដែល​នាំ​ឲ្យ​យើង​ជួប​បញ្ហា​ស្រវាំង​ភ្នែក​។ ការ​ស្រវាំង​ភ្នែក អាច​កើត​មាន​ឡើង​នៅ​លើ​ភ្នែក​ម្ខាង ឬ​ទាំង​សង្ខាង​ និង​អាច​បាត់​ទៅ​វិញ និង​កើត​មក​វិញ​ដែរ​។ អ្នក​មាន​ជំងឺ​ទឹក​នោម​ផ្អែម​ដែល​ជួប​បញ្ហា​ភ្នែក ហើយ​មិន​ព្យា​បាល​នឹង​អាច​បង្ក​ទៅ​ជា​បញ្ហា​ធ្ងន់​ធ្ងរ […]

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មើល​បន្ថែម​ពី​គ្រូពេទ្យ​ឯកទេស