ជំងឺទឹកនោមផ្អែម

ត្រួតពិនិត្យវេជ្ជសាស្ត្រដោយ វេជ្ជបណ្ឌិត ប៊ុន សុជាតិ នៅ 03/05/2022

ជំងឺទឹកនោមផ្អែម - មាតិកា​នេះ​ បងប្អូន​នឹង​ស្វែងយល់​ពី​ប្រភេទ​ជំងឺ​ទឹកនោមផ្អែម (ប្រភេទ​ទី១ ប្រភេទទី២ ​ ទឹកនោមផ្អែម​កើត​លើ​ស្ត្រី​ពពោះ) និងផលវិបាក​ដែល​បង្ក​ដោយ​ជំងឺទឹកនោមផ្អែម ព្រម​ទាំង​វិធីសាស្ត្រ​ឆ្លើយ​តប​ទៅ​នឹង​​បញ្ហា​មួយៗ​ជា​ជំហានៗ​យ៉ាង​លម្អិត​បំផុត

ចំណេះដឹងទូទៅ

ជំងឺទឹកនោមផ្អែម

ញ៉ាំអាហារល្អសម្រាប់សុខភាពដែរ តែហេតុអ្វីជាតិស្ករនៅតែឡើង?

គ្នាយើងខ្លះ ខំព្យាយាមតមពពួកអាហារចៀន បំពង ហើយនិងគ្រឿងកំប៉ុង ក៏ដូចជាភេសជ្ជៈផ្អែមៗហើយ ប៉ុន្តែជាតិស្ករក្នុងឈាមនៅតែឡើងមិនឈប់! នេះមកពីមូលហេតុអ្វីទៅ? ជួនកាល អាហារដែលមានសារធាតុចិញ្ចឹមល្អៗ និងអាហារដែលមិនធ្វើឱ្យឡើងជាតិស្ករក្នុងឈាម អាចមានភាពខុសគ្នា។ ខាងក្រោមនេះ ជាអាហារដែលមើលទៅល្អសម្រាប់សុខភាព ប៉ុន្តែអាចធ្វើឱ្យជាតិស្ករក្នុងឈាមកើនឡើងយ៉ាងឆាប់រហ័ស៖ ១. ស្ករធម្មជាតិ ដូចជាទឹកឃ្មុំ និងស្ករត្នោត គ្នាយើងភាគច្រើន ចូលចិត្តញ៉ាំពពួកទឹកឃ្មុំ ស្ករត្នោត ឬស្ករដូង ជំនួសឱ្យស្ករស ដោយគិតថាស្ករទាំងនោះ មិនធ្វើឱ្យជាតិស្ករក្នុងឈាមកើនឡើង។ តែផ្ទុយទៅវិញ ស្ករជំនួសទាំងនោះ ផ្ទុកទៅដោយវីតាមីន និងជាតិរ៉ែ ដែលរាងកាយយើងអាចស្រូបយកយ៉ាងឆាប់រហ័សស្ទើរតែដូចស្ករស និងជាហេតុនាំឱ្យជាតិស្ករក្នុងឈាមកើនឡើងលឿនដូចគ្នា។ ចង់ពិនិត្យជំងឺបម្រុងទឹកនោមផ្អែម ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ២. បន្លែមានឫស និងគ្រាប់ធម្មជាតិ ចំពោះអាហារមួយចំនួន ដូចជាដំឡូងជ្វា ពោត ល្ពៅ ត្រាវ និងស្រូវសាឡី Oats សុទ្ធតែសម្បូរទៅដោយវីតាមីន សារធាតុប្រឆាំងអុកស៊ីតកម្ម និងជាតិសរសៃ ហើយពួកវាក៏សម្បូរទៅដោយជាតិម្សៅ (Starch) ផងដែរ។ ដូច្នេះហើយ ទើបការញ៉ាំពោតស្ងោរ ឬដំឡូងជ្វា បន្ថែមពីលើអាហារប្រចាំថ្ងៃ អាចធ្វើឱ្យរាងកាយយើងទទួលបានជាតិកាបូអ៊ីដ្រាតក្នុងបរិមាណច្រើន ជាហេតុនាំឱ្យកម្រិតជាតិស្ករក្នុងឈាមកើនឡើង។ ៣. ភេសជ្ជៈ Cereal […]

អត្ថបទផ្សេងទៀតពី ជំងឺទឹកនោមផ្អែម

ស្វែងរក ជំងឺទឹកនោមផ្អែម

ជំងឺទឹកនោមផ្អែមប្រភេទ២

តែបៃតង ស័ក្ដិសមសម្រាប់​អ្នក​ជំងឺ​ទឹក​នោម​ផ្អែម

ពិត​ណាស់​ តែ​បៃតង​ ក៏​មាន​អត្ថប្រយោជន៍​​យ៉ាង​ច្រើន​ដល់​អ្នក​ជំងឺ​ទឹក​នោម​ផ្អែម​ប្រភេទ​២ ដែរ។​ ហេតុ​ដូច្នេះ​ហើយ​ អ្នក​ជំងឺ​ទឹក​នោម​ផ្អែម​គួរ​ញ៉ាំ​តែ​បៃតង​នៅ​ពេល​ព្រឹក​​ យ៉ាង​ហោច​ណាស់​ឲ្យ​បាន ​៤​ពែង/​ថ្ងៃ​ ដោយ​មិន​ដាក់​ស្ករ​ ឬ​ទឹក​ដោះ​គោ។​ ប៉ុន្តែ​ ការ​ញ៉ាំ​តែ​បៃតង​តែ​មួយ​មុខ​មិន​ទាន់​​គ្រប់គ្រាន់​ឡើយ​ យើង​ចាំបាច់​ត្រូវហាត់​ប្រាណ​ជា​ប្រចាំ​​ ញ៉ាំ​អាហារ​ត្រឹមត្រូវ​ និង​ញ៉ាំ​ថ្នាំ​ឲ្យ​បាន​ទៀង​ទាត់​​​។ យ៉ាង​ណា​មិញ​ អត្ថប្រយោជន៍​ខាងក្រោម​នេះ​​ហើយ​ ដែល​ធ្វើ​ឲ្យ​តែ​បៃ​តង​ក្លាយ​ជា​ភេសជ្ជៈ​ដ៏​ពេញ​និយម​បំផុត​​សម្រាប់​អ្នក​​ជំងឺ​ទឹក​នោម​ផ្អែម​។ ១. ជួយ​បង្កើន​ការ​ផលិត​អាំងស៊ុយលីន​ ​ពេល​ដែល​យើង​មាន​​ជំងឺ​ទឹក​នោម​ផ្អែម​ប្រភេទ​១​ រាងកាយ​យើង​​មាន​ការ​ពិបាក​ក្នុង​ការ​ផលិត​អាំង​ស៊ុយលីន​។​ បើ​យោង​តាម​ការ​សិក្សា​មួយ​ចំនួន​ បាន​បង្ហាញ​ថា​ ​តែ​បៃ​តង​អាច​ជួយ​ជំរុញ​ឲ្យ​​រាងកាយ​យើង​ផលិត​អាំងស៊ុយលីន​ ក៏​ដូចជា​​គ្រប់គ្រង​​កម្រិត​ជាតិ​ស្ករ​បាន​ល្អ​​ និង​បំប្លែង​សារជាតិ​បំប៉ន​នៅ​ក្នុង​អាហារ​​ឲ្យ​ទៅ​ជា​ថាមពល​ថែម​ទៀត​ផង​​។​ បន្ថែម​ពី​នេះ​ វា​ក៏​អាច​បង្កើន​មុខងារ​របស់​លំពែង​ ​ដែល​មាន​សារៈសំខាន់​ក្នុង​ការ​ផលិត​អាំងស៊ុយលីន​​​ និង​ការពារ​កោសិកា​បេតា​លំពែង​ពី​ការ​បំផ្លាញ​​ផង​ដែរ​។ ២. ជួយ​គ្រប់គ្រង​ការ​ឡើង​​កម្រិត​ជាតិ​ស្ករ បញ្ហា​ជាតិ​ស្ករ​ក្នុង​ឈាម​​ខ្ពស់​ (Hyperglycemia) រួនជាមួយការ​មិន​ទទួល​យក​ជាតិ​ស្ករ​​​ គឺ​ជា​មូលហេតុ​ចម្បង​ដែល​ធ្វើ​ឲ្យ​យើង​កើត​ជំងឺ​ទឹក​នោម​ផ្អែម​។ ប្រសិនបើ​យើង​មិន​ព្យាបាល​​ទេ​នោះ​ វា​​នឹង​បញ្ចេញ ​Oxidative Stress ​(ជា​បញ្ហា​អតុល្យភាព​រវាង​រ៉ាឌីកាល់​សេរី និង​សារធាតុ​ប្រឆាំង​អុក​ស៊ីតកម្ម​នៅ​ក្នុង​ខ្លួន) ដែល​នាំ​ឲ្យ​កើត​មាន​បញ្ហា​មួយ​ចំនួន​ដូចជា​ ខូចសរសៃឈាមបាតភ្នែកដោយ​សារ​ជំងឺ​ទឹកនោម​ផ្អែម​ ដែល​អាច​បណ្ដាល​ឲ្យ​ងងឹត​ភ្នែក​ និង​ថ្លង់​​ជាដើម​ ប្រសិនបើ​យើង​មិន​ព្យាបាល​ឲ្យ​ទាន់​ពេល​វេលា​ទេ​នោះ​។ ៣. EGCG Catechins កាត់​បន្ថយ​ជាតិ​ខ្លាញ់​លើស​ពី​ក្នុង​រាងកាយ​ ​ជាមួយ​គ្នា​នេះ​ដែរ​ តែ​បៃតង​មាន​ផ្ទុក ​EGCG ដែល​​អាច​ជួយ​ដុត​បំផ្លាញ​ជាតិ​ខ្លាញ់​ពី​រាងកាយ​ និង​បង្កើន អុកស៊ីដកម្ម​ជាតិ​ខ្លាញ់​។​ EGCG Catechins ​បង្កើន​ការ​ទទួល​យក​ជាតិ​ស្ករ​ […]


ជំងឺទឹកនោមផ្អែមប្រភេទ២

​វិធីសាស្ត្រ​ងាយៗ​ ៥យ៉ាង ជួយការពារជំងឺទឹកនោមផ្អែម

ប្រសិនបើ​យើង​ចង់​ការពារ​ខ្លួន​ពី​ជំងឺ​ទឹក​នោម​ផ្អែម​ យើង​ត្រូវ​តែ​យក​ចិត្ត​ទុកដាក់​ចំពោះ​ការ​ថែទាំ​សុខ​ភាព​​ឲ្យ​បាន​ដិតដល់​។​ ​តើ​គ្នា​យើង​​​ធ្លាប់​ដឹង​ទេ​ថា​​ជំងឺ​ទឹក​នោម​ផ្អែម​៧០% គឺ​អាច​ជៀសវាងបាន​ ​ប្រសិន​បើ​យើង​​​ថែទាំ​​​សុខភាព​ឲ្យ​​ល្អ​​? ​ជា​ទូទៅ​ ដោយ​សារ​​តែ​បែប​បទ​រស់នៅ​​ប្រចាំ​ថ្ងៃ​​របស់​យើង​​មិន​សូវ​​​សកម្ម​ ​​ជាមួយ​នឹង​ការ​ធ្វើ​ការងារ​ដោយ​ប្រើ​​​បច្ចេកវិទ្យា​ជឿនលឿន​​ ​​ព្រម​ទាំង​​ការ​គេង​មិន​បាន​​គ្រប់​គ្រាន់​ ក៏​ដូចជា​ការ​ផ្លាស់ប្ដូរ​ទម្លាប់​​ហូប​ចុក​ផង​នោះ​សុខភាព​របស់​យើង​​កំពុង​តែ​ប្រឈម​​នឹង​ការ​គំរាមកំហែង​យ៉ាង​ធ្ងន់ធ្ងរ​។​ អត្រា​ ឬ​ល្បឿន​ដែល​រាងកាយ​យើង​ដុត​រំលាយ​ ឬ​ប្រើប្រាស់​កាឡូរី​ ដើម្បី​បង្កើត​ថាមពល​ហៅ​ថាមេតាប៉ូលិស​។ នៅ​ពេល​ដែល​​ស្ថានភាព​នៃ​ភាព​ធន់​នឹង​អាំងស៊ុយលីន​ (ស្ថានភាព​រំលាយ​អាហារ) ​និង មេតាប៉ូលិស​​ ត្រូវ​បាន​​រាំងស្ទះ​ ​ហានិភ័យ​សុខភាព​ និង​ជំងឺ​ជាច្រើន​នឹង​​អាច​​ប៉ះពាល់​ដល់​សុខភាព​​របស់​យើង​។​ ​បញ្ហា​សុខភាព​ដែល​​កើត​មាន​ជាទូទៅ​ ដែល​ពាក់ព័ន្ធ​ទៅ​នឹង​ភាព​ធន់​នៃ​​អាំងស៊ុយលីន​ មាន​ដូចជា​​ការ​ធាត់​ជ្រុល​ ទឹក​នោម​ផ្អែម​ កូលេស្តេរ៉ូល​ខ្ពស់​ ជំងឺ​បេះដូង​ សម្ពាធ​ឈាម​ខ្ពស់​ និង​គីស​ទឹក​នៅ​ក្រពេញ​អូវែ​ (PCOS) ជាដើម​។ ​​ដូច​នេះ​ហើយ ដើម្បី​ចៀសវាង​កើតជំងឺ​ទឹក​នោម​ផ្អែម​យើង​ត្រូវ៖ ​​​​១. ​រក្សា​ទម្ងន់​ឲ្យ​បាន​ត្រឹមត្រូវ​​​ ​​​យើង​ប្រហែល​ជា​បាន​ដឹង​ហើយ​ថា​ ការ​ស្រក​ទម្ងន់​ ​ផ្ដល់​នូវ​អត្ថប្រយោជន៍​ជាច្រើន​ដល់​សុខភាព​របស់​យើង​។ ​​នៅ​ពេល​ដែល​យើង​ស្រក​ទម្ងន់​ចាប់​ពី​៥% ទៅ​១០%​ វា​នឹង​ជួយ​សម្រួល​ដល់​ប៉ារ៉ាម៉ែត្រ​សុខភាព​​បាន​យ៉ាង​ច្រើន។ លើស​ពី​នេះ​ វា​ថែម​ទាំង​​ជួយ​ឲ្យ​ប្រសើរឡើង​នូវ​ភាព​ប្រែប្រួល​អាំងស៊ុយលីន​ និង​កម្រិត​ថាមពល​​​ថែម​ទៀត​ផង​។​​​​​​ ២. របប​អាហារ​ត្រឹមត្រូវ ​​​ការ​ញ៉ាំ​អាហារ​ត្រឹមត្រូវ​ និង​មាន​​តុល្យភាព​​ គឺ​ពិតជា​មាន​សារៈសំខាន់​ណាស់​។​ ចូរ​ញ៉ាំ​អាហារ​ស្រស់ៗ ដោយ​ទំពា​យឺតៗ​​ ​ក៏​ដូចជា​​ទៀងទាត់​ពេល​វេលា​​។​ ចៀសវាង​ញ៉ាំ​អាហារ​ច្រើន​ជ្រុល​ ឬ​តិច​ជ្រុល។​ ​ជា​ធម្មតា​ រាល់​អាហារ​ដែល​មាន​រសជាតិ​ឆ្ងាញ់​ ​គឺ​មិន​សូវ​ជា​ល្អ​ចំពោះ​សុខភាព​​ប៉ុន្មាន​ទេ​។​ ជាមួយ​គ្នា​នេះ​ដែរ​ ​យើង​ត្រូវ​ចៀសវាង​អាហារ​ប្រភេទ​រលាក​ ឬ​មិន​មាន​សុខភាព​ល្អ ដែល​សម្បូរ​​ទៅ​ដោយ​ជាតិ​ខ្លាញ់​​មិន​ល្អ​ ឬ​ជាតិ​ខ្លាញ់​ខ្ពស់។​ […]


ជំងឺទឹកនោមផ្អែម

កត្តាទាំង ៧ យ៉ាង អាចធ្វើឲ្យកើតជំងឺទឹកនោមផ្អែម

ការ​មិន​អើពើ​នឹង​បែបផែន​រស់នៅ​ និង​មិន​ខ្វល់ខ្វាយ​ពី​របប​អាហារ​នឹង​ធ្វើ​ឲ្យ​យើង​ងាយ​កើត​ជំងឺ​ទឹក​នោម​ផ្អែម។ ជាក់​ស្ដែង​ កត្តា​ ៧យ៉ាង​​ខាង​ក្រោម​នេះ​ហើយ​ ជា​ឫស​គល់​នៃ​ការ​កើត​មាន​ជំងឺ​ទឹក​នោម​ផ្អែម និង​ជា​អ្វី​ដែល​យើង​​ត្រូវ​ដឹង។ ពិត​ណាស់​ ជំងឺ​ទឹកនោម​ផ្អែម​ មិនមែន​កើតឡើង​ភ្លាម​ៗ​នោះ​ទេ វា​វិវត្ត​ទៅ​តាម​ពេល​វេលា។ យ៉ាង​ណា​មិញ​ របប​អាហារ​​បាន​ជះឥទ្ធិពល​ដ៏​សម្បើម​ចំពោះ​​ការ​កើត​មាន​នូវ​ជំងឺ​ទឹកនោមផ្អែម។ ​ជំងឺ​ទឹកនោម​ផ្អែម ​មាន​ចំនួន​៣​ប្រភេទ​គឺ៖ ជំងឺ​ទឹកនោម​ផ្អែម​ប្រភេទ​១ ជំងឺ​ទឹកនោម​ផ្អែម​ប្រភេទ​២ ជំងឺ​ទឹកនោម​ផ្អែម​ពេល​ពពោះ​​​ ក្នុង​ចំណោម​ប្រភេទ​ទាំង​នេះ​ ជំងឺ​ទឹកនោម​ផ្អែម​ប្រភេទ​២ យើង​ឃើញ​មាន​កើត​ឡើង​ញឹក​ញាប់​ជាង​គេ។ យោង​តាម​អ្នក​ជំនាញ​ ករណី​ធ្ងន់ធ្ងរ​នៃ​ជំងឺ​ទឹកនោម​ផ្អែម​ អាច​គំរាម​កំហែង​ដល់​អាយុ​ជីវិត​យើង​ថែម​ទៀត​ផង​ ដែល​បង្ក​ជា​បញ្ហា​ជាច្រើន​ ដូចជា​បំផ្លាញ​តម្រង​នោម សរសៃ​ប្រសាទ និង​កើត​មាន​នូវ​បញ្ហា​បេះដូង​ជាដើម​។ ហេតុដូច្នេះ​ ដើម្បី​កាត់បន្ថយ​ការ​វិវត្ត​ទៅ​រក​ស្ថាន​ភាព​ធ្ងន់ធ្ងរ​ យើង​គប្បី​ស្វែង​យល់​អំពី​កត្តា​ដែល​បណ្ដាល​ឲ្យ​កើត​មាន​នូវ​ជំងឺ​ទឹក​នោម​ផ្អែម​ជា​មុន​សិន។​ ១. ញ៉ាំ​កាហ្វេ យើង​​ប្រហែល​ជា​ងឿងឆ្ងល់​ថា​ តើ​កាហ្វេ​មួយ​ពែង​អាច​បង្ក​គ្រោះថ្នាក់​ដល់​កម្រិត​ណា? តាម​ពិត​ទៅ វា​មិន​បង្ក​គ្រោះថ្នាក់​ភ្លាម​ៗ​នោះ​ទេ ប៉ុន្តែ​បើ​យើង​នៅ​តែ​បន្ត​ញ៉ាំ​កាហ្វេ​យូរ​ៗ​ទៅ វា​នឹង​វិវត្ត​ទៅ​រក​ជំងឺ​ទឹកនោម​ផ្អែម។​​​​​​​ វេជ្ជបណ្ឌិត​ Vinoda Kumary អនុប្រធាន​បុគ្គលិក​សុខាភិបាល​ ប្រចាំ​នៅ​វិទ្យាស្ថាន​Jindal Naturecareបាន​លើក​ឡើង​ថា ការ​ញ៉ាំ​កាហ្វេ​១ពែង​ ឬ​២​ពែង​ក្នុង​មួយ​ថ្ងៃ​ មិន​បង្ក​ជា​បញ្ហា​អ្វី​ឡើយ។ យ៉ាង​ណា​មិញ ការ​ញ៉ាំ​កាហ្វេ​ក្នុង​បរិមាណ​ច្រើនលើស​លប់​ អាច​បណ្ដាល​ឲ្យ​មាន​ភាព​ធន់​នឹង​អាំង​ស៊ុយ​លីននៅ​ក្នុង​រាង​កាយ ដែល​​ជំរុញ​ការ​ផលិត​គ្លុយកូស​ ជា​ហេតុ​បង្កើន​នូវ​ហានិភ័យ​នៃ​ជំងឺ​ទឹកនោមផ្អែម​ប្រភេទ​២។ ២. អង្គុយ​រយៈពេល​យូរ ​​យើង​តែង​តែ​ចំណាយ​ពេល​ភាគច្រើន​​អង្គុយ​នឹង​មួយ​កន្លែង​ជាមួយ​នឹង​កុំព្យូទ័រ​ ឬ​មើល​ទូរទស្សន៍​​។ ការ​ពិត​ទៅ ការ​ចំណាយ​ពេល​​បែប​នេះ នឹង​ធ្វើ​ឲ្យ​យើង​ប្រឈមមុខនឹង​ជំងឺ​ទឹក​នោម​ផ្អែម​ដល់​ទៅ​៣,៤​ភាគ​រយ។ ៣. កត្តា​ភេទ​ ​​​​​​វេជ្ជបណ្ឌិត​Kumary បាន​ពន្យល់​ថា ស្ត្រី​យើង​តែង​តែ​ឆ្លងកាត់​នូវ​ការ​ផ្លាស់​ប្ដូរ​អ័រម៉ូន ចាប់ពី​ដំណើរ​មាន​រដូវ​ មាន​ផ្ទៃពោះ​ និង​រហូត​ដល់​ពេល​អស់​រដូវ​ ដែល​កត្តា​នេះ​ធ្វើ​ឲ្យ​​​ប៉ះពាល់​ដល់​កម្រិត​អាំង​ស៊ុយ​លីន​នៅ​ក្នុង​រាង​កាយ​។ […]


ផលវិបាកជំងឺទឹកនោមផ្អែម

ចង់ឲ្យសុវត្ថិភាពខ្ពស់ អ្នកជំងឺទឹកនោមផ្អែម គួរធ្វើម៉េចខ្លះ?

ទឹក​នោម​ផ្អែម​ជា​ជំងឺ​រ៉ាំរ៉ៃ មិន​អាច​ព្យាបាល​ជា​សះ​ស្បើយ​នោះ​ទេ ប៉ុន្តែ​ក្នុង​លក្ខខណ្ឌ​អ្នក​ជំងឺ​ទទួល​បាន​ការ​ព្យាបាល​​​ត្រឹម​ត្រូវ ធ្វើ​តាម​ការ​ណែនាំ​របស់​គ្រូពេទ្យ​ទៀត​នោះ អ្នកជំងឺទឹកនោមផ្អែមអាច​ធ្វើការ និង​រស់នៅ​បាន​យូរ​ដូច​មនុស្ស​ធម្មតា។ ផេក​ផ្លូវការ​របស់​មន្ទីរពេទ្យ​កាល់​ម៉ែត បាន​ផ្តល់​ដំបូន្មាន​សម្រាប់​អ្នក​ជំងឺ​ទឹក​នោម​ផ្អែម ធ្វើ​តាម​ប៉ុន្មាន​ចំណុច​ខាង​ក្រោម​នេះ។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! តើអ្នកជំងឺទឹកនោមផ្អែមគួរអនុវត្តអ្វីខ្លះ? - ហាត់​ប្រាណ​យ៉ាង​តិច ៣០ នាទី/ថ្ងៃ - បរិភោគ​អាហារ​មួយ​ថ្ងៃ​យ៉ាង​តិច ៣ ដង និង​ទៀង​ពេល - លេប​ថ្នាំ​ឲ្យ​បាន​ទៀង​ទាត់ និង​តាម​ពេល​ដែល​បាន​កំណត់ - ញ៉ាំ​គ្រាប់​ស្ករ និង​ផ្លែឈើ​ភ្លាម បើ​ឈឺ​ក្បាល ញ័រ​ដើម​ទ្រូង បែក​ញើស ពេល​ល្ងាច​មុន​បាយ ពាក់​កណ្តាល​អធ្រាត្រ ឬ​ជិត​ភ្លឺ - កុំ​ផឹក​ស្រា​ច្រើន​ពេក - ហាម​ជក់​បារី - កុំ​ញ៉ាំ​ប្រៃ​ពេក - កុំ​ដើរ​ជើង​ទទេ និង​ត្រូវ​សម្អាត​ជើង​រាល់​ថ្ងៃ - ត្រូវ​ពិគ្រោះ​ជាមួយ​គ្រូពេទ្យ​ឲ្យ​បាន​ទៀង​ទាត់។ ជំងឺ​ទឹក​នោម​ផ្អែម​ប្រភេទ ២ កើត​មាន​នៅ​ពេល​ដែល​រាងកាយ​មិន​អាច​ប្រើ​អាំង​ស៊ុយ​លីន ដែល​​អ័រម៉ូន​បម្លែង​ជាតិ​ស្ករ​ក្នុង​ឈាម​ទៅ​ជា​ថាមពល​បាន​ត្រឹម​ត្រូវ។ បើ​មិន​បាន​ព្យាបាល ឬ​ព្យាបាល​មិន​បាន​ត្រឹម​ត្រូវ​បណ្តាល​ឲ្យ​អ្នក​ជំងឺ​មាន​ផល​វិបាក​ធ្ងន់ធ្ងរ​ជា​ច្រើន​ដូចជា៖ - ខ្សោយ​តម្រង​នោម - ស្លាប់​សាច់ដុំ​បេះដូង - ដាច់ ឬ​ស្ទះ​សរសៃ​ឈាម​ខួរក្បាល - ភ្នែក​ចុះ​ខ្សោយ ឬ​ងងឹត - ឡើង​ដំបៅ ឬ​កាត់​ជើង។   ពីជំងឺទឹកនោមផ្អែមផ្សេងទៀត៖ អ្នកជំងឺទឹកនោមផ្អែមប្រភេទ២ ឡើងជាតិស្ករពេលព្រឹកគួរធ្វើបែបណា? បើមិនព្យាបាលត្រឹមត្រូវ! ទាំងនេះជាផលវិបាកជំងឺទឹកនោមផ្អែមប្រភទ២ ជំងឺទឹកនោមផ្អែម […]


ផលវិបាកជំងឺទឹកនោមផ្អែម

កែទម្លាប់ប្រចាំថ្ងៃ ៣ នេះ អាចបញ្ចៀសជំងឺទឹកនោមផ្អែម

កត្តា​ប្រឈម​ធ្វើ​ឲ្យ​យើង​កើត​ជំងឺ​ទឹកនោម​ផ្អែម មាន​ដូចជា តំណពូជ អាយុ​ច្រើន ធាត់​លើស​ទម្ងន់ មាន​បញ្ហា​លើស​សម្ពាធ​ឈាម លើស​ជាតិ​ខ្លាញ់ មិន​សូវ​មាន​សកម្មភាព​រាង​កាយ ជា​ដើម។ ទោះ​បី​ជា​យើង​មិន​អាច​ផ្លាស់​ប្តូរ​ប្រវត្តិ​គ្រួសារ​ក៏​ពិត​មែន តែ​យើង​អាច​ផ្លាស់ប្តូរ​ទម្លាប់​រស់​នៅ​ប្រចាំ​ថ្ងៃ​មួយ​ចំនួន​ដែល​អាច​ឈាន​ទៅ​កើត​ជំងឺ​ទឹកនោម​ផ្អែម​បាន។ ១. សម្រក​ទម្ងន់ យើង​ដឹង​ហើយ​ថា ការ​ធាត់​លើស​ទម្ងន់ ជា​កត្តា​ប្រឈម​មួយ​ធ្វើ​ឲ្យ​យើង​កើត​ជំងឺ​ទឹកនោម​ផ្អែម​ប្រភេទ ២ ដូច្នេះ​ហើយ​យើង​ម្នាក់ៗ​ត្រូវ​បន្ថយ​ទម្ងន់​ដែល​លើស​នោះ​ឲ្យ​បាន ទោះ​តិច​តួច​ក៏​ដោយ ក៏​អាច​កាត់​បន្ថយ​គ្រោះថ្នាក់​ដែរ។ ចង់​ដឹង​ថា យើង​ធាត់​លើស​ទម្ងន់​អត់ លោក​វេជ្ជបណ្ឌិត ប៊ុន សុជាតិ គ្រូពេទ្យ​ជំនាញ​ជំងឺ​ទឹកនោម​ផ្អែម​ក្នុង​សហគមន៍ ណែនាំ​ឲ្យ​​គណនា​សន្ទស្សន៍ BMI ដោយ​យក​កម្ពស់​គិត​ជា​ម៉ែត្រ គុណ​នឹង​កម្ពស់ បន្ទាប់​មក​ទម្ងន់​មក​ចែក​នឹង​លទ្ធផល​កម្ពស់ បើ​សិន​ជា​ឃើញ​លទ្ធផល​តូច​ជាង ១៨.៥ មាន​ន័យ​ស្គម​ពេក តែ​បើ​លទ្ធ​ចេញ​មក​ចន្លោះពី ១៨.៥-២២.៩៩ មាន​ន័យ​ថា​គីឡូ​ត្រឹម​ត្រូវ មាន​សុខភាព​ល្អ ផ្ទុយ​ទៅ​បើ​គីឡូ​ចាប់​ពី ២៥ ឡើង​ទៅ​មាន​ន័យ​ថា ធាត់​លើស​ទម្ងន់។ ២. ហាត់​ប្រាណ​ជា​ប្រចាំ យើង​ត្រូវ​ឆ្លៀត​ពេល​ថែទាំ​សុខភាព​ដោយ​ការ​ហាត់​ប្រាណ។ ការ​ហាត់ប្រាណ​ដែល​ត្រឹម​ត្រូវ គឺ​ការ​ហាត់​ប្រាណ​ជា​ប្រចាំ យ៉ាង​ហោច​ណាស់​ក៏ ៣០នាទី/ថ្ងៃដែរ។ ការ​ធ្វើ​បែប​នេះ​មិន​ត្រឹម​កាត់​បន្ថយ​ការ​ប្រឈម​នឹង​ជំងឺ​ទឹកនោម​ផ្អែម​នោះ​ទេ សុខភាព​ក៏​ល្អ ជំងឺ​ផ្សេងៗ​ទៀត​ក៏​មិន​សូវ​ហ៊ាន​មក​បៀត​បៀន​។ ៣. ផ្លាស់​ប្តូរ​របប​អាហារ ក្នុង​របប​អាហារ​យើង​ម្នាក់ៗ​ត្រូវកាត់​បន្ថយ​ជាតិ​ប្រៃ អាហារ​ផ្អែម និង​អាហារ​មាន​ជាតិ​ខ្លាញ់ ហើយ​កុំ​ជក់​បារី ចៀស​វាង​គ្រឿង​ស្រវឹង ដោយ​ជំនួស​មក​វិញ​នូវ​ការ​ញ៉ាំ​បន្លែ ផ្លែ​ឈើ […]


ជំងឺទឹកនោមផ្អែមប្រភេទ២

៥ ចំណុច បើធ្វើបាននឹងជួយកាត់បន្ថយហានិភ័យការកើត​ជំងឺទឹកនោមផ្អែមប្រភេទ២

ជំងឺ​ទឹកនោមផ្អែម​ប្រភេទ​២​ គឺជា​ជំងឺ​ឧស្សាហ៍​ជួបប្រទះ និង​កើត​មាន​ផង​ដែរ ហើយ​ការ​បង្ការ​ជំងឺនេះ​គឺ​សំខាន់ណាស់​ជាពិសេស​សម្រាប់​អ្នក​ងាយ​ប្រឈម​នឹង​ជំងឺ​នេះតែម្ដង​។ អ្នក​ងាយ​ប្រឈម​មាន​អ្នក​ដែល​លើស​ទម្ងន់ មាន​សមាជិក​គ្រួសារ​ដែល​មាន​ជំងឺ​នេះ ឬ​មាន​រោគសញ្ញា​បម្រុង​ទឹកនោមផ្អែម។ យ៉ាង​ណា​មិញ​យើង​អាច​ធ្វើ​ការ​បង្ការ​ជំងឺ​ទឹកនោមផ្អែម​ប្រភេទ​២​បាន​តាម​រយៈ​វិធី​មួយ​ចំនួន​​នេះ។ ១. ហាត់ប្រាណ ការ​ហាត់ប្រាណ​ជា​ប្រចាំ​មាន​ប្រយោជន៍​ច្រើន​ដូចជា​ជួយ​សម្រក​ទម្ងន់ បញ្ចុះ​ជាតិ​ស្ករ​ក្នុង​ឈាម និង​បង្កើន​ការ​គ្រប់គ្រង​កម្រិត​ជាតិ​ស្ករ​ក្នុង​ឈាម​ឲ្យ​ស្ថិត​ក្នុង​កម្រិត​ធម្មតា (Insulin Sensitive)។ យើង​អាច​ធ្វើ​លំហាត់​ប្រាណ​បែប Aerobic exercise ដូចជា​ការ​ដើរ រាំ ហែលទឹក និង​ជិះកង់​ជាដើម។ ២. ញ៉ាំ​ជាតិ​សរសៃ​ឲ្យ​បាន​ច្រើន ជាតិ​សរសៃ​អាច​ជួយ​បន្ថយ​ហានិភ័យ​ជំងឺ​ទឹកនោមផ្អែម​បាន​ដោយ​បង្កើត​ការ​គ្រប់គ្រង​កម្រិត​ជាតិ​ស្ករ​ក្នុង​ឈាម ជួយ​សម្រក​ទម្ងន់​ និង​កាត់បន្ថយ​ហានិភ័យ​ជំងឺ​បេះដូង​ដែរ។ អាហារ​ដែល​សម្បូរ​ជាតិ​សរសៃ​រួមមាន​ផ្លែឈើ បន្លែ គ្រាប់​សណ្ដែក គ្រាប់​ធញ្ញជាតិ និង​គ្រាប់​ផ្លែឈើ (nuts)។ ៣. បញ្ចុះ​ទម្ងន់​ដែល​លើស ប្រសិនជា​យើង​លើស​ទម្ងន់ ការ​បង្ការ​តម្រូវ​ឲ្យ​មាន​ការ​បញ្ចុះ​ទម្ងន់។ ការ​សិក្សា​ធំ​មួយ​បាន​រក​ឃើញ​ថា​អ្នក​ចូលរួម​ដែល​បាន​បញ្ចុះ​ទម្ងន់​ប្រហែល​៧%​នៃ​ទម្ងន់​រាងកាយ​ទាំង​អស់ និង​ហាត់ប្រាណ​ជា​ប្រចាំ​កាត់បន្ថយ​ហានិភ័យ​ការ​វិវត្ត​ជំងឺ​ទឹកនោមផ្អែម​រហូត​ដល់​៦០%។ ចង់ដឹងថា​គ្នា​យើង​លើស​ទម្ងន់ឬយ៉ាងណា​អាចគណនាតាម​BMI។ ៤. របប​អាហារ របប​អាហារ​ប្រចាំ​ថ្ងៃ​គួរ​មាន​បរិមាណ​តិច និង​មាន​បរិមាណ​ខ្លាញ់ និង​ស្ករ​តិចដែរ​។ យើង​គួរ​ញ៉ាំ​គ្រាប់​ធញ្ញជាតិ ផ្លែឈើ និង​បន្លែ​ឲ្យ​បាន​ច្រើន ហើយ​កំណត់​បរិមាណ​ពពួក​សាច់​ក្រហម និង​ចៀស​វាង​អាហារ​កែច្នៃ។ ក្រៅពីអាហារ យើង​ក៏​គួរ​យកចិត្តទុកដាក់​ទៅ​លើ​ភេសជ្ជៈ​ដូចគ្នា។ ភេសជ្ជៈ​មាន​ជាតិ​ផ្អែម​ដូចជា​ទឹកក្រូច ទឹក​ផ្លែឈើ ឬ​ភេសជ្ជៈ​កីឡា​គួរ​​កំណត់​បរិមាណ​ញ៉ាំ​ឲ្យ​បាន​​ត្រឹមត្រូវ។ ភេសជ្ជៈ​ដែល​ល្អ​បំផុត​គឺ​ទឹក​ធម្មតា។ ៥. ឈប់​ជក់បារី បើ​គ្នា​យើង​ជា​អ្នក​ជក់​បារី គួរពិចារណាឈប់ទៅ​បើ​មិនចង់ឲ្យ​អ្វីៗហួសពេល។​ ការ​ជក់​បារី​អាច​បង្ក​ឲ្យ​អាំងស៊ុយលីន​មិន​អាច​ដំណើរការដឹក​ជាតិ​ស្ករ​ចូល​ក្នុង​កោសិកា​​បាន​ល្អ​ដែលបញ្ហា​​នេះ​អាច​វិវត្ត​ទៅ​ជា​ជំងឺ​ទឹកនោមផ្អែម​ប្រភេទ​២។ ដូចនេះ​សម្រាប់​អ្នក​ជក់បារី​គួរ​ផ្ដាច់​បារី​ដើម្បី​សុខភាព និង​កាត់បន្ថយ​ហានិភ័យ​ជំងឺ​ទឹកនោមផ្អែម​ប្រភេទ២។


ជំងឺទឹកនោមផ្អែម

ដុសធ្មេញញឹកញាប់ទំនងកាត់បន្ថយអត្រាកើតជំងឺទឹកនោមផ្អែមប្រភេទ២

ការ​សិក្សា​មួយ​ធ្វើ​ឡើង​នៅ​ប្រទេស​កូរ៉េ​ខាង​ត្បូង​បាន​ទាញ​ទំនាក់​ទំនង​ថា​​​ការ​សម្អាត​ធ្មេញ​បាន​ញឹក​ញាប់​អាច​កាត់​បន្ថយ​ហានីភ័យ​កើត​ជំងឺ​ទឹក​នោម​ផ្អែម​ប្រភេទ​២។ ការសិក្សា​នេះ​ធ្វើ​ឡើង​ដោយ​សាកល​វិទ្យាល័យ ​Ewha Womans និង​បានចុះផ្សាយ​នៅ​ដើម​ឆ្នាំ​២០២០​នេះ​ ដោយ​បាន​ប្រ​មូល​ទិន្ន័យ​ពី​ក្រុម​ហ៊ុន​ធានា​រ៉ាប់​រង​លើ​សេវា​ថែ​ទាំ​មាត់​ធ្មេញ​លើ​មនុស្ស​ជាង​១៨​ម៉ឺន​នាក់​។ ការសិក្សា​បាន​រក​ឃើញ​ថា​ការ​មាន​ជំងឺ​លើ​អញ្ចាញ​ធ្មេញ និង​ការ​បាក់ធ្មេញ​ច្រើន​មាន​ទំនាក់​ទំនង​នឹង​ការ​កើន​ឡើង​នៃ​ឱកាស​វិវត្ត​ទៅ​កើត​ជំងឺ​ទឹក​នោម​ផ្អែម​ប្រភេទ២។​ ​ការ​សិក្សា​ដដែល​រក​ឃើញ​ថា​ការ​ដុស​សម្អាត​ធ្មេញ​បាន​ញឹក​ញាប់​បី​ដង ឬ​លើស​ពី​នេះ​​ក្នុង​មួយ​ថ្ងៃ​​ទំនងជា​អាច​កាត់​បន្ថយ​ហានីភ័យ​កើតជំងឺ​ទឹក​នោម​ផ្អែម​បាន​៨​ភាគរយ​។ ទោះ​យ៉ាងណា ការសិក្សា​នេះ​មិន​បាន​បង្ហាញ​ឲ្យ​ចំ​ទេ​ថា​ការ​ដុសធ្មេញ​ច្រើន​ដង និង​ជំងឺ​ពុក​ធ្មេញ​មាន​ទំនាក់ទំនង​ដោយ​ផ្ទាល់​នឹង​ការ​កើត​ជំងឺ​ទឹក​នោម​ផ្អែម​នោះ​ទេ​។ បើ​តាម​ការសិក្សា​នេះ​ទំនង​ជា​មាន​កត្តា​សុខ​ភាព និង​របៀប​របប​រស់នៅ​ផ្សេង​ទៀត​ដែល​នាំ​​ឲ្យ​មាន​បញ្ហា​មាត់​ធ្មេញ គឺ​មា​ន​ទំនាក់ទំនង​នឹង​ហានីភ័យ​កើតជំងឺ​ទឹក​នោម​ផ្អែម​ប្រ​ភេទ​២។ ឧទាហរណ៍​ថា មនុស្ស​យើង​ញ៉ាំ​ជាតិ​ស្ករ​ច្រើន​អាច​នាំ​ឲ្យ​ពុក​ធ្មេញ ហើយ​ក៏​នាំ​ឲ្យ​ប្រឈម​នឹង​ការ​កើត​​ជំងឺ​ទឹក​នោម​ផ្អែម​ដែរ​។ ដូច​គ្នា​ដែរ អ្នក​ដែល​គិត​ពី​សុខ​ភាព​មាត់​ធ្មេញ តែងតែ​ញ៉ាំ​អាហារ​ដែល​មាន​សុខភាព មិន​សូវ​ញ៉ាំ​របស់​ផ្អែម​ច្រើន​ជា​ដើម​។ ការ​ញ៉ាំ​​អាហារ​មាន​ជាតិ​ស្ករទាប និង​ខ្លាញ់​ឆ្អែត​ រួម​ទាំង​ការ​ហាត់​ប្រាណ​ជា​ប្រ​ចាំ និង​ការ​រក្សា​ទម្ងន់​ឲ្យ​ថេរ​ល្អ គឺ​មាន​ប្រ​យោជន៍​ច្រើន​ក្នុង​ការ​កាត់​បន្ថយ​ហានីភ័យ​កើត​ជំងឺ​ទឹក​នោម​ផ្អែម​ប្រភេទ​២។​ យ៉ាងណា ការ​រក្សា​សុខ​ភាព​មាត់​ធ្មេញ​បាន​ល្អ គឺ​ជួយ​​ការ​ពារ​យើងពី​ជំងឺ​អញ្ចាញ​ធ្មេញ​បាន​។


ជំងឺទឹកនោមផ្អែមប្រភេទ២

កើតទឹកនោមផ្អែម គួរស្គាល់អាហារមានជាតិស្ករទាប-ខ្ពស់អស់នេះ

ចំពោះ​អ្នក​ជំងឺ​ទឹក​នោម​ផ្អែម ត្រូវ​ជ្រើស​រើស​អាហារ​ឲ្យ​បាន​ត្រឹម​ត្រូវ មិន​អាច​ញ៉ាំ​អាហារ​ដែល​មាន​ជាតិស្ករ​ខ្ពស់​បាន​ទេ តែ​សូម្បី​អាហារ​ធម្មជាតិ​យើង​ខ្លះ ក៏​មាន​ផ្ទុក​ជាតិ​ស្ករ​ច្រើន​ដែល​យើង​គួរ​ចាប់​អារម្មណ៍​ដែរ។ តែ​កុំ​បារម្ភ! ខាង​ក្រោម​នេះ​ជា​អាហារ​មាន​សន្ទស្សន៍​ជាតិ​ស្ករ​ទាប និងមាន​ជាតិ​ស្ករ​ខ្ពស់ណែនាំ​ពី​អ្នក​ជំនាញ ។ បើ​តាម​ការ​ឲ្យ​ដឹង​ពី​លោក​សាស្ត្រាចារ្យវេជ្ជបណ្ឌិត សេង សេរី ឯក​ទេស​ជំងឺ​ទឹក​នោម​ផ្អែម បាន​ពន្យល់​ឲ្យ​ដឹង​ថា  ចំណី​អាហារ​ទាំង​អស់​ដែល​មាន​ជាតិ​ស្ករ​តិច ឬ​ច្រើន ពេល​យើង​ញ៉ាំ​ចូល​ទៅ ជាតិ​ស្ករនេះស្រូបចូលទៅក្នុងឈាមយើង មានល្បឿនលឿន ឬយឺត មិនដូចគ្នាទេ។ ដើម្បី​កុំ​ឲ្យ​អត្រា​ស្ករ​ក្នុង​ឈាម​ឡើង​ខ្ពស់​ខ្លាំង អ្នក​ជំងឺ​ទឹក​នោម​ផ្អែម​ត្រូវ​ចេះ​ជ្រើស​រើស យក​ចំណី​អាហារ​ដែល​មាន​សន្ទស្សន៍​ជាតិ​ស្ករ​ទាប ហើយ​ចៀស​វាង​អាហារ​ដែល​មាន​សន្ទស្សន៍​ជាតិ​ស្ករ​ខ្ពស់។ ពពួក​អាហារ​មាន​សន្ទស្សន៍​ជាតិ​ស្ករ​ទាប៖ បន្លែ៖ ផ្កា​ខាត់ណា ជី​វ៉ាន់ស៊ុយ ម្ទេស​ប្លោក ផ្សិត សណ្ដែក​បណ្ដុះ ននោង ម្រះ ឃ្លោក ត្រប់ ស្ពៃ​ស ស្ពៃ​ចង្កឹះ ខ្ទឹម​បារាំង ទំពាំង ប៉េងប៉ោះ ស្ពៃ​ក្ដោប មើម​ឈូក ត្រសក់ ត្រឡាច សណ្ដែក​បារាំង ត្រកួន ពោត។ ផ្លែ​ឈើ៖ ប៉ោម សារី ទទឹម ទំពាំងបាយជូរ ស្ត្រប៊ើរ៊ី ល្ហុង ស្វាយ ល្មុត ចេក ទៀប​បារាំង […]


ជំងឺទឹកនោមផ្អែមប្រភេទ២

ទឹកនោមផ្អែមប្រភេទ២ ប៉ះពាល់សរីរាង្គច្រើន អាចធ្វើឲ្យពិការ និងគ្រោះថ្នាក់ដល់ជីវិត

ជឿ​ថា​គ្នា​យើង​ដឹង​បាន​ច្រើន​ហើយ ទាក់​ទង​នឹង​ជំងឺ​ទឹក​នោម​ផ្អែម។ ជំងឺ​ទឹក​នោម​ផ្អែម​ប្រភេទ​ទី២ កើត​មាន​ភាគ​ច្រើន​លើ​មនុស្ស​ធំពេញ​វ័យ​ដោយ​ស្ងប់ស្ងាត់​បំផុត និង​​ប្រើ​ពេល​វេលា​ច្រើន​ឆ្នាំ បន្តិច​ម្ដងៗ ដោយ​មិន​មាន​ចេញ​រោគ​សញ្ញា​អ្វី​ទាំង​អស់។ នេះ​បើ​តាម​ការ​ផ្សព្វផ្សាយ​របស់​មន្ទីរពេទ្យ កាល់ម៉ែត។ យើង​ត្រូវ​ដឹង​ថា គ្រាន់​តែ​បញ្ហា​លើស​ជាតិ​ស្ករ​ក្នុង​ឈាម​តែ​មុខ នាំ​ទៅ​ដល់​ផល​ប៉ះពាល់​ស្ទើរ​គ្រប់​សរីរាង្គ​ទាំង​អស់ ដែល​អាច​នាំ​ទៅ​ដល់​ទាំង​ពិការភាព និង​អាយុ​ជីវិត។ ក្នុង​ករណី​ដែល​អ្នក​ជំងឺ​ទឹក​នោម​ផ្អែម​ប្រភេទ​២​ មិន​បាន​ព្យាបាល​ត្រឹម​ត្រូវ និង​ឲ្យ​ទាន់​ពេល​វេលា ជំងឺ​នេះ​បណ្ដាល​ឲ្យ​មាន​ផល​វិបាក​ធ្ងន់ធ្ងរ​ជា​ច្រើន​ដូច​ជា៖ - ខ្សោយ​តម្រង​នោម - ខូច​សាច់​ដុំ​បេះ​ដូង ដោយ​មក​ពី​ស្ទះ​សរសៃ​ឈាម​បេះដូង - ដាច់ ឬ​ស្ទះ​សរសៃ​ឈាម​ខួរក្បាល - ពិការ​ភ្នែក - បាត់​បង់​ការ​ដឹង​ប្រព័ន្ធ​ប្រសាទ​អវយវៈ (ងាយ​ប្រឈម​នឹង​ការ​របួស​ជើង ឬ​វះកាត់​ជើង)។ កម្មវិធីពិនិត្យជំងឺបម្រុងទឹកនោមផ្អែមអនឡាញ ចង់គណនារង្វាស់ចង្វាក់បេះដូង ចុចទីនេះ! ហេតុ​បែប​នេះ​ហើយ ទើប​យើង​ត្រូវ​ពិនិត្យ​សុខភាព​ឲ្យ​បាន​ទៀង​ទាត់ ពិនិត្យ​កម្រិត​ជាតិ​ស្ករ​នៅ​ក្នុង​ឈាម​ដោយ​គ្រូពេទ្យ​គឺ​ជា​វីធី​ល្អ​បំផុត ដើម្បី​ចៀសវាង ក៏​ដូច​ជា​ទប់​ស្កាត់​កើត​ជំងឺ​ទឹក​នោម​ផ្អែម​។ ដូច​គ្នា​នេះ ដើម្បី​ធានា​បាន​នូវ​សុខភាព​ល្អ មិន​ថា​គ្នា​យើង​ណា​កើត​ទឹក​នោម​ផ្អែម ឬ​គ្នា​យើង​ដែល​មាន​សុខភាព​ធម្មតា​ទេ គួរ​ផ្លាស់​ប្ដូរ​របៀប​រស់​នៅ​តាម​ការ​ណែ​នាំ​ខាង​ក្រោម​នេះ៖ ១. ហាត់​ប្រាណ​យ៉ាង​តិច ៣០-៤៥​នាទី/ថ្ងៃ ២. ញ៉ាំ​អាហារ​យ៉ាង​តិច​ ៣ដង/ថ្ងៃ ឲ្យ​ទៀង​ពេល (អាហារ​គ្រប់​ពេល​គួរ​មាន​បន្លែ​ចម្រុះ​) ៣. ចៀស​វាង​អាហារ​ប្រៃ​ឲ្យ​បាន​ច្រើន ៤. ឈប់​ជក់​បារី ៥. កាត់​បន្ថយ​អាហារ​កាឡូរី​ខ្ពស់ មក​ពី​ប្រភព​ស្ករ ខ្លាញ់ និង​សាច់​ក្រហម ៦. កាត់​បន្ថយ​គ្រឿង​ស្រវឹង​ឲ្យ​បាន​ច្រើន​បំផុត ៧. ពិសេស ត្រូវ​កាត់​បន្ថយ​អារម្មណ៍​តាន​តឹង​ឲ្យ​បាន​ច្រើន (ដែល​ជា​មូលហេតុ​ចម្បង​នាំ​ឲ្យ​មាន​វិបត្តិ​មេតាបូលិក)។ អត្ថទ​ពាក់ព័ន្ធ​៖ សារសំខាន់នៃការរក្សាទុក និង​គុណភាព​របស់អាំងស៊ុយលីន​ ទម្លាយមូលហេតុធំៗ […]


ជំងឺទឹកនោមផ្អែមប្រភេទ២

មិនចង់ថ្ងៃឡើងល្វើយធ្វើការមិនកើត​ កុំភ្លេចតិចនិកបង្កើនថាមពលនេះ

តើ​គ្នា​យើង​​ឧស្សាហ៍​មាន​អារម្មណ៍​ថា​អស់​កម្លាំង​នៅ​ពេល​រសៀល​ដែរ​ឬ​ទេ? ទោះ​បី​ជា​បន្ទាប់​ពីយើង​បាន​គេង​ស្កប់​ស្កាល់​​ពេញ​​មួយ​យប់​ហើយ ​ក៏​នៅ​តែ​មាន​អារម្មណ៍​ថា​មិន​មាន​ថាម​ពល​គ្រប់គ្រាន់​​នៅ​ពេល​ថ្ងៃ​ដែរ។ ដូច្នេះ​អ្វី​ដែលយើង​​ត្រូវ​ការ​ធ្វើ​នោះ​ គឺ​ត្រូវ​រក​ដំណោះ​ស្រាយ​ដើម្បី​ពន្យា​ការ​អស់​កម្លាំង​នេះ​។ ខាង​ក្រោម​នេះ​ជា​វិធី​មួយ​ចំនួន​ ដែល​អាច​ជួយ​ឲ្យ​យើង​​មាន​អារម្មណ៍​ស្រស់​ស្រាយ និង​​មាន​ថាម​ពល​បាន។ ១- ញ៉ាំអាហារពេលព្រឹក ចំពោះ​គ្នា​យើង​​ដែល​មិន​បាន​ញ៉ាំ​អាហារ​ពេល​ព្រឹក​នឹង​ឆាប់​អស់​កម្លាំង និង​មាន​ភាព​តាន​តឹង​​ជាង​អ្នក​ដែល​បាន​ញ៉ាំ​អាហារ​ពេល​ព្រឹក​ជា​ប្រចាំ​។ ជាមួយ​នឹង​អាហារ​ដែល​មាន​ជាតិ​សរសៃ​ខ្ពស់​ អាច​ជួយ​ការពារ​ខ្លួន​យើង​​ពី​ការ​ឃ្លាន​​ ដែល​អាច​នាំ​ឲ្យ​យើង​​អស់​ថាមពល​​តិច​​តួច​​បាន​។​ ២- ផឹកទឹក ការ​ខ្វះ​ជាតិ​ទឹក​អាច​បណ្តាល​ឲ្យ​គ្នា​យើង​​មាន​អារម្មណ៍​ថា​ហត់ និង​អស់​កម្លាំង​បាន។ យើង​មិន​ចាំបាច់​ផឹក “ប្រាំបី​កែវ​ក្នុង​មួយ​ថ្ងៃ” ទេ ​ប៉ុន្តែ​យើង​​ត្រូវ​ផឹក​ទឹក​ឲ្យ​បាន​គ្រប់​គ្រាន់​ដើម្បី​ឲ្យ​រាង​កាយ​​​មាន​ជាតិ​ទឹក​គ្រាប់​គ្រាន់​​ល្អ។ ការ​ដែល​យើង​មិន​មាន​អារម្មណ៍​ថា​ស្រេក​ទឹក និង​ការ​នោម​មក​ទឹក​នោម​មាន​ពណ៌​ថ្លា​ គឺ​ជា​សញ្ញា​បង្ហាញ​ថា​មាន​ជាតិ​ទឹក​ក្នុង​ខ្លួន​គ្រប់​គ្រាន់។ យើង​គួរ​តែ​ព្យាយាម​​​​ផឹក​ទឹក​​រៀង​រាល់​ពីរ​បី​ម៉ោង​ម្តង។ អត្ថបទពាក់ព័ន្ធ៖ វីតាមីន D ល្អដល់ថ្នាក់ហ្នឹងផង? អាចបង្ការទឹកនោមផ្អែម វីតាមីន C ជួយ​កាត់បន្ថយ​ហានិភ័យពីជំងឺផ្សេងៗជាច្រើន​មុខ ពេលខ្លះអស់កម្លាំង តែមិនឃ្លានអីសោះ អាចមកពីបញ្ហាសុខភាពទាំងនេះ អ្នកជំងឺទឹកនោមផ្អែម អាចគ្រប់គ្រងកម្រិតជាតិស្ករបានល្អ ឯឆ្អឹងក៏រឹងមាំ គ្រាន់តែធ្វើតាមប៉ុន្មានចំណុចនេះ ៣- ញ៉ាំគ្រាប់ធញ្ញជាតិ ការ​ញ៉ាំ​គ្រាប់​អាល់​ម៉ុន ឬ​សណ្តែក​ដី​មួយ​ក្តាប់​ជា​រៀង​រាល់​ថ្ងៃ​គឺ​ល្អ​សម្រាប់​សុខ​ភាព​យើង​ ​ព្រោះ​វា​មាន​ផ្ទុក​នូវ​ជាតិ​ម៉ាញ៉េស្យូម និង​ហ្វូលាត (អាស៊ីតហ្វូលិក) ក្នុង​កម្រិត​ខ្ពស់។ សារធាតុ​ចិញ្ចឹម​ទាំង​នេះ​ គឺ​ចាំបាច់​ក្នុង​ការ​ជំរុញ​ថាម​ពល និង​ផលិត​កោសិកា​ថ្មី។ កង្វះ​ខាត​​នៃ​ពពួក​អាហារ​ទាំង​នេះ​អាច​បណ្តាល​ឲ្យ​យើង​​មាន​អារម្មណ៍​ថា​នឿយ​ហត់​បាន។ ៤- ធ្វើ​ចលនា ការ​ធ្វើ​លំហាត់​ប្រាណ​ត្រូវ​បាន​គេ​ចាត់​ទុក​ថា​ជា​ឧបករណ៍​ដើម្បី​បង្កើន​ថាម​ពល​បែប​ធម្ម​ជាតិ​ ព្រោះ​វា​ធ្វើ​ឲ្យ​​​ឈាម​​សម្បូរ​​ទៅ​ដោយ​អុក​ស៊ីសែន ហូរ​ទៅ​កាន់​បេះ​ដូង សាច់​ដុំ និង​ខួរ​ក្បាល​បាន​ច្រើន។ ការ​ធ្វើ​លំហាត់​ប្រាណ​ជា​រៀង​រាល់​ថ្ងៃ​រយៈពេល ១០ នាទី​អាច​ជួយ​រក្សា​ថាម​ពល​យើង​បាន​​។ យើង​អាចឆ្លៀត​​ពេល​ធ្វើ​លំហាត់​ប្រាណ​ងាយ​​​ដូច​ជា​ការ​ដើរ​​ជុំវិញ​កន្លែង​ធ្វើការ ឬសួន​​ជា​ដើម។ ៥- ត្រូវពន្លឺព្រះអាទិត្យ​ ការ​ស្រាវ​ជ្រាវ​បាន​បង្ហាញ​ថា​អារម្មណ៍ ការ​ចង​ចាំ […]

ad iconផ្សព្វផ្សាយពាណិជ្ជកម្ម
សំណួរដែលសួរញឹកញាប់
ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មាតិកា
ឧបករណ៍សុខភាព
សុខភាពរបស់ខ្ញុំ