ជំងឺមហារីក Archives - Page 13 of 31

សញ្ញាព្រមានទាំង៥នៅលើផ្ទៃមុខ និងក អាចបញ្ជាក់ពីជំងឺមហារីកសួត

ជំងឺមហារីកសួត កកើតឡើងនៅក្នុងសួត នៅពេលដែលកោសិកាលូតលាស់ដោយមិនអាចគ្រប់គ្រងបាន ហើយបង្កើតជាដុំសាច់ទៅរារាំងមុខងារទូទៅនៃសួត ព្រមទាំងធ្វើឲ្យយើងពិបាកក្នុងការដកដង្ហើម។ ពិតណាស់ មានកត្តាជាច្រើនដែលនាំឲ្យកើតជំងឺដ៏កាចសាហាវនេះ តួយ៉ាងដូចជាការជក់បារី ការស្រូបយកផ្សែងបារីពីអ្នកជក់ ឬកត្តាបរិស្ថានជាដើម។ រោគសញ្ញានៃជំងឺមហារីកសួតដែលកើតនៅលើផ្ទៃមុខ និងក ទាំងនេះជាសញ្ញាព្រមានទាំង៥ នៃជំងឺមហារីកសួតដែលកើតនៅលើផ្ទៃមុខ និងក គ្នាយើងគួរប្រយ័ត្នឲ្យមែនទែន! ១. ហើមមុខ និងក រោគសញ្ញាទូទៅមួយនៃជំងឺមហារីកសួត គឺការហើមមុខ និងកដោយមិនដឹងមូលហេតុ ហើយក្នុងករណីដែលបញ្ហានេះកើតឡើងដដែលៗមិនបាត់សោះ គ្នាយើងគួរពិគ្រោះយោបល់ជាមួយនឹងគ្រូពេទ្យជំនាញ។ ចង់គណនា BMR ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ២. ប្រែប្រួលពណ៌ស្បែកភ្លាមៗ ជាទូទៅ ជំងឺមហារីកសួត អាចបណ្តាលឲ្យមានការប្រែប្រួលពណ៌សម្បុរស្បែកភ្លាមៗ ដែលធ្វើឲ្យយើងសង្កេតឃើញស្បែកចាប់ផ្តើមប្រែទៅជាពណ៌លឿងខុសប្រក្រតី។ ៣. ឈឺចាប់នៅលើផ្ទៃមុខ ជាមួយគ្នានេះដែរ សញ្ញាព្រមានមួយទៀតគឺជាការឈឺចាប់នៅលើផ្ទៃមុខ ដែលអាចកើតឡើងនៅបរិវេណណាមួយ ឬរាលដាលពាសពេញផ្ទៃមុខ។ ៤. ហើមកូនកណ្តុរត្រង់ក ចំពោះការហើម និងឈឺចាប់នៅកូនកណ្តុរត្រង់ក ជាពិសេសនៅជុំវិញថ្គាម និងក្រោមត្រចៀក អាចបង្ហាញពីសញ្ញានៃជំងឺមហារីកសួត។ ដូច្នេះ រាល់ការហើមដែលកើតឡើងដោយគ្មានមូលហេតុ គប្បីធ្វើការពិនិត្យជាមួយនឹងគ្រូពេទ្យ។ [embed-health-tool-bmr] ៥. បបូរមាត់ប្រែពណ៌ ទន្ទឹមនឹងនេះដែរ ស្បែកបបូរមាត់មានស្នាមជាំ ឬពណ៌ស្វាយ អាចបង្ហាញពីកង្វះអុកស៊ីហ្សែនក្នុងឈាម ដែលអាចពាក់ព័ន្ធនឹងជំងឺមហារីកសួត ហើយចំពោះអ្នកជំងឺមហារីកសួត ច្រើនតែសង្កេតឃើញបបូរមាត់ប្រែពណ៌មិនប្រក្រតី ជាពិសេសអមជាមួយនឹងរោគសញ្ញាផ្សេងៗទៀតដែលបានរៀបរាប់ខាងលើ។ ចំណុចសំខាន់ ជំងឺមហារីកសួត កកើតឡើងនៅក្នុងសួត នៅពេលដែលកោសិកាលូតលាស់ដោយមិនអាចគ្រប់គ្រងបាន ហើយបង្កើតជាដុំសាច់ទៅរារាំងមុខងារទូទៅនៃសួត ព្រមទាំងធ្វើឲ្យយើងពិបាកក្នុងការដកដង្ហើម។ ពិតណាស់ មានកត្តាជាច្រើនដែលនាំឲ្យកើតជំងឺដ៏កាចសាហាវនេះ […]

មហារីកពោះវៀនធំ

Colon cancer (មហារីកពោះវៀនធំ)

និយមន័យតើមហារីកពោះវៀនធំជាអ្វី? មហារីកពោះវៀនធំគឺជាមហារីកកើតឡើងលើសរីរាង្គពោះវៀនធំដែលជាផ្នែកចុងក្រោយនៃផ្លូវរំលាយអាហាររបស់មនុស្ស។ ភាគច្រើននៃជំងឺនេះគឺចាប់ផ្ដើមពីសាច់ដក់នៅតាមប្រហោងពោះវៀនដែលយូរៗទៅវិវត្តទៅជាមហារីកបាន។ រោគសញ្ញាអ្នកជំងឺដែលនៅដំណាក់កាលដំបូងគឺមិនមានរោគសញ្ញាសសម្គាល់ទេ ហើយអាការៈគឺអាស្រ័យលើទំហំនិងទីតាំងនៃមហារីក។ ជាទូទៅមានរោគសញ្ញាដូចជា៖ ចលនាពោះវៀនធំមានការប្រែប្រួលដូចជាទល់លាមក ឬរាកខុសប្រក្រតីជាច្រើនសប្ដាហ៍ មានការហូរឈាមតាមរន្ធគូថ ឈឺពោះចុក និងឆ្អល់ណែនជាប្រចាំ មានអារម្មណ៍ថាពោះវៀនមានស្ទះអ្វីមួយ នឿយហត់ និងអស់កម្លាំង ស្រកទម្ងន់ជាដើម មិនមែនមនុស្សគ្រប់គ្នាសុទ្ធតែអាចមានសញ្ញាទាំងអស់ខាងលើទេដូចនេះប្រសិនបើមានករណីមិនធម្មតាណាមួយកើតឡើងសូមប្រញាប់មកជួបគ្រូពេទ្យ។ មូលហេតុមិនទាន់មានការសិក្សាច្បាស់ពីមូលហេតុរបស់វានៅឡើយ ។ ជាទូទៅកោសិកា គឺស្វ័យដំឡើងទ្វេតាមធម្មតាតែនៅពេលមានកោសិកាមហារីកកើតឡើង ការស្វ័យដំឡើងទ្វេនេះនឹងចាប់កើនឥតឧបមាទៅជាដុំមហារីក។ ហ្សែនតំណពូជអាចជាមូលហេតុ អ្នកដែលមានផ្ទុកសែនមានមហារីក គឺមានហានិភ័យខ្ពស់ក្នុងការកើតមហារីកប្រភេទនេះជាងអ្នកដទៃប៉ុន្តែមិនមែនបានន័យថា១០០%នោះទេ។ ប្រភេទមហារីកពោះវៀនធំតាមតំណពូជមានដូចជា៖ មហារីកគ្មានសាច់ដក់ ដោយតំណពូជគឺងាយនឹងបង្កជាមហារីកពោះវៀនធំនិងមហារីកផ្សេងទៀតមុនអាយុ ៥០ឆ្នាំ មហារីកមានសាច់ដក់លើកោសិកាក្រពេញដែលដុះរាប់រយក្នុងប្រហោងពោះវៀន គឺងាយនឹងបង្កមហារីកពោះវៀនធំមុនអាយុ ៤០ប្រសិនបើមិនព្យាបាលឲ្យទាន់ពេល។ ប្រភេទមហារីកខាងលើ គឺអាចរកឃើញតាមការធ្វើតេស្តសេនេទិច របបអាហារ ការសិក្សាបានបង្ហាញថាប្រជាជនលោកខាងលិចគឺមានរបបអាហារមានជាតិខ្លាញ់ច្រើន និងមានជាតិសរសៃតិចដែលមានទំនាក់ទំនងទៅនឹងមហារីកពោះវៀនធំគួរឲ្យកត់សម្គាល់។ ម្យ៉ាងទៀតអ្នកដែលមានការប្ដូររបបអាហារទៅជាជាតិខ្លាញ់ច្រើន និងជាតិសរសៃតិច ដូចរបបអាហារលោកខាងលិច គឺមានអត្រាកើតមហារីកខ្ពស់។ អ្នកវិទ្យាសាស្ត្របានសន្និដ្ឋានថាប្រហែលមកពីបម្រែបម្រួលរបបអាហារនេះអាចមានអំពើទៅលើមេរោគក្នុងពោះវៀន និងបង្កជាការរលាក ហើយយូរៗទៅកើតជាមហារីក។ ទោះជាយ៉ាងនេះក៏ដោយការសិក្សាក៏កំពុងតែបន្តជាដរាប។ កត្តាប្រឈម មានអាយុលើសពី ៥០ឆ្នាំ។ អាយុតិចជាងនេះក៏មានដែរតែកម្រ ជនជាតិអាមេរិកកាត់អាហ្វ្រិក អ្នកដែលធ្លាប់មានសាច់ដក់ក្នុងប្រហោងពោះវៀន និងមានមហារីកពោះវៀនធំពីមុនមក មានការរលាកពោះវៀនរ៉ាំរ៉ៃដូចជាជំងឺដំបៅពោះវៀន និងជំងឺ Crohn ជាដើម អ្នកមានផ្ទុកសែនមហារីក និងអ្នកដែលមានគ្រួសារបងប្អូនធ្លាប់មានមហារីកពីមុនមកនិងមានប្រភេទដូចបានរៀបរាប់ខាងលើ អ្នកដែលមានរបបអាហារមានជាតិសរសៃតិច និងមានជាតិខ្លាញ់ច្រើន គឺងាយនឹងមានមហារីកជាងអ្នកដទៃ អ្នកអង្គុយធ្វើការច្រើនមិនសូវបញ្ចេញកម្លាំងកាយ អ្នកមានជំងឺទឹកនោមផ្អែម និងមិនមានការឆ្លើយតបជាមួយថ្នាំអាំងស៊ុយលីន អ្នកជំងឺធាត់ដែលជាអកុសលអីគេរកឃើញថាពួកគាត់ងាយកើតមហារីក និងងាយមានគ្រោះថ្នាក់ដល់ជីវិតជាងគេ អ្នកជក់បារីនិងផឹកស្រាច្រើន អ្នកដែលធ្លាប់មានការព្យាបាលដោយវិទ្យុសកម្មពីមុនមក រោគវិនិច្ឆ័យនិងការព្យាបាលរោគវិនិច្ឆ័យ ការកំណត់បាននូវរោគវិនិច្ឆ័យដែលល្អគឺធ្វើឡើងនៅក្រោយពេលធ្វើការពិនិត្យកាយសម្បទា សាកសួរពីប្រវត្តិជំងឺក៏ដូចជាព័ត៌មានក្នុងគ្រួសារទាក់ទងនឹងជំងឺ។ បន្ទាប់ពីនេះគ្រូពេទ្យនឹងស្នើធ្វើការអង្កេតវិភាគបន្តដូចជា៖ ការថតសុងពោះវៀនតាមគូថដើម្បីរកភាពមិនប្រក្រតីរបស់ពោះវៀន និងអាចច្រឹបយកសាច់ដែលសង្ស័យទៅពិនិត្យរកមើលមហារីកថែមទៀតផង តាមរយៈការមើលកោសិកាក្រោមមីក្រូទស្សន៍ ការផឹកសូលុយស្យុងបារ្យ៉ូមដែលមានសារធាតុពណ៌ដើម្បីថតយករូបតាមរយៈកាំរស្មីវិទ្យុសកម្មដើម្បីរកមើលដុំមហារីកនិងសាច់ដក់ក្នុងពោះវៀន បន្ទាប់ពីកំណត់រកវិនិច្ឆ័យរួចហើយគ្រូពេទ្យអាចនឹងត្រូវធ្វើការអង្កេតវិភាគផ្សេងទៀតដូចជាអេកូសាស្ត្រ ថតស៊ីធីសួត ថ្លើម និងសរីរាង្គក្នុងពោះដើម្បីរកមើលការរាលដាលរបស់មហារីក។ អាចមានតេស្តឈាមរកមើលអង់ទីស្សែន CEA( carcinoembryonic antigen ) ដែលកើតឡើងដោយសារកោសិកាមហារីក។ ការព្យាបាល ព្យាបាលមហារីកគឺអាស្រ័យលើប្រភេទនៃមហារីកនិងដំណាក់កាលរបស់វាព្រមទាំងចូលរួមទាំងករណីអាយុសុខភាពរាងកាយទូទៅ និងរបៀបរស់នៅជារៀងរាល់ថ្ងៃផងដែរ។ មហារីកគឺមិនអាចព្យាបាលតែវិធីតែមួយមុខនោះទេ វាត្រូវការចូលរួមព្យាបាលតាមវិធីជាច្រើនដូចជាការព្យាបាលតាមគីមី វះកាត់ និងវិទ្យុសកម្មជាដើម […]