​ការ​ប្រើ​ថ្នាំ​ពន្យារ​កំណើត​បន្ទាន់ ជា​ជម្រើស​តែ​មួយ​គត់​ ដើម្បី​បញ្ចៀស​ការ​មាន​ផ្ទៃពោះ​ដោយចៃដន្យ នៅ​ពេល​ដែល​យើង​​ខកខាន​មិន​បាន​ប្រើ​ស្រោម​អនាម័យ​ ឬ​វិធីសាស្ត្រ​ពន្យារ​កំណើត​ដទៃ​ទៀត​។ យ៉ាង​ណា​មិញ​ តើ​ថ្នាំ​ពន្យារ​កំណើត​បន្ទាន់​ មាន​សុវត្ថិភាព​ចំពោះ​គ្នា​យើង​ដែរ​ឬ​អត់​? ១. ប្រែប្រួល​វដ្ដ​រដូវ​ ​​​​ផល​ប៉ះពាល់​ទូទៅ​បំផុត​នៃ​ការ​ប្រើ​ថ្នាំ​ពន្យារ​កំណើត​បន្ទាន់​​ មិន​ថា​ប្រើ​លើក​ដំបូង ឬ​ប្រើ​​ច្រើន​​លើក​នោះ​ទេ យើង​អាច​​ប្រឈម​នឹង​ការ​ប្រែប្រួល​វដ្ដ​រដូវ​។ បញ្ហា​នេះ​កើត​ឡើង​ដោយ​សារ​តែ​ថ្នាំ​ពន្យារ​កំណើត​បន្ទាន់​ផ្ទុក​សារធាតុ​ដែល​រារាំង​អ័រម៉ូន​ភេទ​ស្រី និង​ការពារ​ការ​បញ្ចេញ​ពង​អូវុល​។ អាស្រ័យ​តាម​ស្ថានភាព​សុខភាព​ស្រី​ៗ​យើង​ វដ្ដ​រដូវ​ខ្លះ​អាច​មក​យឺត ឬ​លឿន​ជាង​ធម្មតា​។ ​ក្នុង​ករណី​វដ្ដ​រដូវ​មក​យឺត​​ប្រហែល​១​សប្ដាហ៍ ​យើង​គួរ​ពិគ្រោះ​ជាមួយ​គ្រូពេទ្យ​ និង​ប្រើ​តេស្ត​ពិនិត្យ​ផ្ទៃពោះ​ ឬ​តេស្ត​ឈាម​ ​ដើម្បី​ដឹង​ថា​យើង​មាន​ផ្ទៃពោះ​ឬ​អត់​។ ២. ​ការ​​ធ្លាក់​​ឈាម​តាម​​ស្បូន​មិន​ធម្មតា ទន្ទឹម​នឹង​នេះ​ដែរ មាន​ស្រី​ៗ​ជា​ច្រើន​ប្រឈម​នឹង​ការ​ធ្លាក់​ឈាម​​​ ក្រោយ​ប្រើ​ថ្នាំ​ពន្យារ​កំណើត​បន្ទាន់​ ដែល​នេះ​ជា​ផល​ប៉ះពាល់​ដ៏​ចម្បង​មួយ​។ យ៉ាង​ណា​មិញ គ្នា​យើង​មិន​គួរ​បារម្ភ​ពេក​ឡើយ​ ពីព្រោះ​ករណី​នេះ​មិន​​ប៉ះពាល់​សុខភាព​ធ្ងន់ធ្ងរ​ឡើយ​។ ប៉ុន្តែ បើ​​យើង​​ធ្លាក់​ឈាម​​លើស​ពី​​២​ថ្ងៃ​ ក្រោយ​ប្រើ​ថ្នាំ​ពន្យារ​កំណើត​បន្ទាន់​ យើង​គួរ​ទៅ​ជួប​គ្រូពេទ្យ​ ដើម្បី​​ធ្វើការ​ព្យាបាល​ ពីព្រោះ​​វា​អាច​ជា​សញ្ញា​ព្រមាន​នៃ​បញ្ហា​សុខភាព​ធ្ងន់ធ្ងរ​។ ៣. វិល​មុខ​ និង​ក្អួត​ ប្រមាណ​៥០​%​ នៃ​អ្នក​ប្រើ​ថ្នាំ​ពន្យារ​កំណើត​​បន្ទាន់​ អាច​មាន​អាការៈ​ចង្អោរ។ ផល​ប៉ះពាល់​មួយ​នេះ អាច​នឹង​បាត់​ទៅ​វិញ​ក្រោយ​រយៈពេល​ ១​ទៅ ​២​សប្ដាហ៍ ឬ​អាច​ឆាប់​រហ័ស​ជាង​នេះ។ ​ប៉ុន្តែ បើ​អាការៈ​ចង្អោរ​​​នៅ​តែ​បន្ត គ្នា​យើង​គួរ​​ផ្លាស់ប្ដូរ​របប​អាហារ ទើប​ជា​ការ​ប្រសើរ​។ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ៤. អស់​កម្លាំង មួយ​វិញ​ទៀត ​ការ​ប្រើ​ថ្នាំ​ប្រភេទ​នេះ​ក៏​អាច​ធ្វើ​ឲ្យ​យើង​អស់​កម្លាំង​ដូច​គ្នា​។ […]

ការលើសទម្ងន់ ឬធាត់មុនពេលពពោះអាចប៉ះពាល់ដល់ការមានផ្ទៃពោះ សុខភាព​​ទារក​ក្នុងផ្ទៃ សុខភាព​ម៉ាក់ៗ​ពេលពពោះ និងក្រោយពេលសម្រាល។ តើការ​សម្រក​ទម្ងន់​មុនយកកូនផ្តល់ប្រយោជន៍អ្វីខ្លះដល់ម៉ាក់ៗ និងកូនក្នុងផ្ទៃ? នៅពេលយើងមានសន្ទស្សន៍ម៉ាស់រាងកាយ ឬហៅកាត់ថា BMI ចាប់ពី ២៥​ ឡើងទៅចាត់ទុកថាយើងធាត់ហើយ។ ដូច​នេះ ការ​សម្រក​ទម្ងន់​មុន​ពេល​យក​កូន អាច​ជួយ​ម៉ាក់ៗ និងកូនក្នុងផ្ទៃ​ចៀស​ផុត​​ពី​​ផលវិបាកមួយ​ចំនួន​។ ចង់គណនា BMI ចុចទីនេះ! ១. ឱកាសមានកូនតិច ការមាន BMI ខ្ពស់ប៉ះពាល់ដល់មុខងារអូវែ ដែលបណ្តាលឱ្យស្រីៗមករដូវមិន​ទៀង និង​ជាហេតុអាច​រារាំង​ដល់​ការបញ្ចេញមេជីវិតញី។ លើសពីនេះទៅទៀត ជាតិខ្លាញ់ដែលកកនៅក្នុងពោះ​របស់ស្រីៗអាចផលិត​អ័រម៉ូន​ដែល​រារាំងដំណើរទុំរបស់ផូលីគុល (ថង់តូចៗស្ថិតក្នុងអូវែ​ដែលជាកន្លែង​​មេជីវិត​ញី​លូតលាស់) ដែលបណ្តាលឱ្យការបញ្ចេញមេជីវិតញីមានការថយចុះ។ ស្រីៗដែលមាន BMI កាន់តែខ្ពស់ កាន់តែពិបាកមានកូន។ BMI ដែលល្អចំពោះ​សុខភាព និងការមានផ្ទៃពោះគឺនៅចន្លោះពី ១៨,៥ ទៅ ២៤,៩។ ២. ផលវិបាកពេលពពោះ ការមាន BMI ខ្ពស់អំឡុងពេលមានផ្ទៃពោះ​បង្កើនហានិភ័យ​ម៉ាក់ៗមាន​ផល​វិបាក​ពេល​ពពោះដូចជា៖ រលូតកូន ឬកូនស្លាប់ក្នុងផ្ទៃ មានជំងឺទឹកនោមផ្អែមពេលពពោះ ​សម្ពាធ​ឈាម​ខ្ពស់ (ជំងឺបម្រុងក្រឡាភ្លើង) ខូច​ថ្លើម និង​តម្រងនោម ខ្សោយបេះដូង គេងបាត់ដង្ហើម ត្រូវសម្រាលដោយវះកាត់ ដុំកំណកឈាមក្នុងសរសៃឈាមវ៉ែន ឈឺពោះសម្រាលយូរ ធ្លាក់ឈាមច្រើនបន្ទាប់ពីសម្រាល ៣. ទារកក្នុងផ្ទៃមានបញ្ហាសុខភាព ប្រសិនបើយើងមាន BMI ខ្ពស់មុនពេលមានផ្ទៃពោះ ឬក្នុងអំឡុងពេលមាន​ផ្ទៃពោះ […]

ប្រសិន​បើ​គ្នា​យើង​ណា​ទើប​រៀប​ការ​ថ្មីថ្មោង និង​កំពុង​ត្រៀម​យក​កូន អត្ថបទ​នេះ​ជា​ជំនួយ​ដ៏​សំខាន់ ដើម្បី​ជួយ​ឲ្យ​ប្រាកដ​ថា គ្នា​យើង​មាន​គភ៌​ប្រកប​ដោយ​សុវត្ថិភាព សុខភាព​ល្អ​ទាំង​ម្ដាយ និង​កូន។ ខាង​ក្រោម​នេះ ជា​ដំបូន្មាន​ល្អៗ អ្នក​ទើប​ក្លាយ​ជា​ប្ដី​ប្រពន្ធ​ក្ដៅៗ អាច​អនុវត្ត​តាម។ គណនាថ្ងៃសម្រាលកូន ១. សុខភាព​ទូទៅ ការ​ហាត់​ប្រាណ​ឲ្យ​ទៀង​ទាត់​ក្នុង​កម្រិត​មធ្យម​មួយ គឺ​ជា​រឿង​សំខាន់​មួយ ដែល​ស្ត្រី​ត្រៀម​យក​កូន​គួរ​ធ្វើ​ជា​ប្រចាំ។ ការ​ចាប់​ផ្ដើម​ហាត់​ប្រាណ​មុន​ពេល​ពពោះ ជួយ​ឲ្យ​ម៉ាក់ៗ​មាន​រូបរាង​សមរម្យ​ពេល​ពពោះ មាន​កម្លាំង​គ្រប់​គ្រាន់​ត្រៀម​សម្រាប់​ពេល​សម្រាល និង​ថែ​ទាំ​ទារក។ គ្នា​យើង​ក៏​គួរ​តែ​មាន​របប​អាហារ​ល្អ និង​មាន​តុល្យភាព​ដោយ​ព្យាយាម​ញ៉ាំ​បន្លែ និង​ផ្លែ​ឈើ​ឲ្យ​ច្រើន។ ពិសេស​ យើង​គួរ​បន្លែ​ស្លឹក​បៃតង ញ៉ាំ​អាហារ​ដែល​មាន​ជាតិ​ម្សៅ​ច្រើន​ដូច​ជា នំបុ័ង Pasta អង្ករ និង​ដំឡូង ញ៉ាំ​អាហារ​សម្បូរ​ប្រូតេអ៊ីន​ដូច​ជា សាច់​គ្មាន​ខ្លាញ់ សាច់​មាន់ ត្រី ស៊ុត និង​គ្រាប់​ធញ្ញជាតិ ញ៉ាំ​អាហារ​ផលិត​ពី​ទឹកដោះគោ​ដូចជា ទឹកដោះគោ ឈីស និង​ទឹកដោះគោជូរ ដែល​មាន​ជាតិ​កាល់ស្យូម។ មួយ​វិញ​ទៀត យើង​គួរចៀសវាង​អាហារ​កែច្នៃ និង​អាហារ​សម្បូរ​ជាតិ​ខ្លាញ់​អាក្រក់ ឬ​អាហារ​ផ្អែម​ខ្លាំង។ ២. ទម្ងន់​រាងកាយ ទម្ងន់​ដែល​បញ្ជាក់​ថា​មាន​សុខភាព​ល្អ​ត្រូវ​បាន​កំណត់​ដោយ BMI ។ ទម្ងន់​ដែល​មាន​សុខភាព​ល្អ​គឺ BMI​គឺ​មាន​ចន្លោះ​ពី ២០ ទៅ ២៥ ។ ការ​មាន​ផ្ទៃ​ពោះ អាច​ចំណាយ​ពេល​យូរ ប្រសិន​បើ​ស្ត្រី​ស្គម​ពេក […]

ចំពោះ​ស្រីៗ​គ្នា​យើង អ្វី​ដែល​យើង​ញ៉ាំ​អាច​ជះ​ឥទ្ធិពល​ដល់​ឱកាស​នៃ​ការ​មានផ្ទៃពោះ ហើយ​អាហារ​ដែល​ល្អបំផុត​សម្រាប់​ស្ត្រី​កំពុង​ព្យាយាម​យក​កូន គឺ​មិន​ខុស​គ្នា​នឹង​អាហារ​សម្រាប់​យើង​ញ៉ាំ​ទូទៅដែរ​។ ចុះ​អាហារ​ល្អ​សម្រាប់​គ្នា​យើង​ព្យាយាម​យក​កូន​មាន​អ្វី​ខ្លះ? គណនាថ្ងៃមេជីវិតញីទុំធ្លាក់ យោង​តាម​ការ​សិក្សា​របស់​អ្នក​ស្រាវជ្រាវ​ពី​សាកលវិទ្យាល័យ Harvard T.H. Chan School of Public Health និង Harvard Medical School កាល​ពី​ឆ្នាំ​២០២០ បាន​បង្ហាញ​ថា សម្រាប់​ស្ត្រី​ដែល​ព្យាយាម​យក​កូន​ដោយ​ធម្មជាតិ (ដោយ​មិន​ប្រើ បច្ចេកវិទ្យា​ជំនួយ​បន្ត​ពូជ​វេជ្ជសាស្ត្រ) វីតាមីន និង​សារធាតុចិញ្ចឹម​ខាងក្រោម​ត្រូវ​បាន​ផ្សារ​ភ្ជាប់​ទៅ​នឹង​ឥទ្ធិពល​វិជ្ជមាន​ទៅ​លើ​ការ​មាន​កូន​ដូច​ជា៖ អាស៊ីតហ្វូលិក វីតាមីន B12 អាស៊ីតខ្លាញ់អូមេហ្គា ៣ ឬDHA ។ ឬ​អាច​អនុវត្ត​ជ្រើស​អាហារ​តាម​ដំបូន្មាន​ដ៏​ល្អ​បំផុត​ខាង​ក្រោម​រួម​មាន៖ ១. ជ្រើសរើស​អាហារ​ដែល​មាន​ជាតិ​សរសៃ​ខ្ពស់ (ដូចជា​នំបុ័ង គ្រាប់​ធញ្ញជាតិ អង្ករ​សម្រូប និង Pasta) ២. ញ៉ាំ​ផ្លែឈើ និង​បន្លែ​ឲ្យ​បាន​ច្រើន ពិសេស​គឺ​ពពួក​សណ្ដែក ៣. ចៀសវាង​អាហារ​ខ្លាញ់​អាក្រក់​ដូច​ជា អាហារ​បំពង ឬ​នំ​ខេក​ជាដើម ៤. ញ៉ាំ​ខ្លាញ់ ល្អ បាន​កាន់​តែ​ច្រើន​ដូចជា​ផ្លែបឺរ គ្រាប់​ធញ្ញជាតិ ឬ​ត្រី​ខ្លាញ់ ៥. ចៀសវាង​អាហារ និង​ភេសជ្ជៈ​ដែល​មាន​ជាតិ​ស្ករ ​បង្អែម នំខេក និង​ភេសជ្ជៈ​មាន​ជាតិ​ហ្គាស។ ចុះ​ត្រូវ​បន្ថែម​ថ្នាំ​បំប៉ន​មុន​ពេល​មាន​ផ្ទៃពោះ​ទេ? ប្រសិន​បើ យើង​កំពុង​ព្យាយាម​យក​កូន ការ​ញ៉ាំ​អាហារ​ដែល​មាន​សុខភាព​ល្អ ពិសេស​គឺ​របប​អាហារ​ចម្រុះ​គ្រប់​មុខ​នឹង​ជួយ​ឲ្យ​គ្នា​យើង​ទទួល​បាន​វីតាមីន […]

ពិការភាពពីកំណើត ឬកូនកើតមកពិការអាចប៉ះពាល់ស្ទើរតែគ្រប់ផ្នែកនៃរាងកាយទារកដូចជា បេះដូង ខួរក្បាល ឬជើង​ជាដើម ដែលធ្វើឱ្យប៉ះពាល់ដល់រូបសម្បត្តិ និងសុខភាពទារក។ ម៉ាក់ៗគួរធ្វើបែបណា​ដើម្បី​កាត់​បន្ថយ​​ហានិភ័យកូនពីពិការភាព​ពី​កំណើត? ពិការភាពពីកំណើតមានដូចជាមាត់ឆែប ជើងខ្វេរ បេះដូងចំហ គថ្លង់ ឆ្អឹង​ខ្នងបិទមិនជិត ទារកអត់​លលាដ៏​ក្បាល ឬខ្សោយបញ្ញាជាដើម។ ពិការភាពពីកំណើតមួយចំនួនអាចបង្ការបាន ខណៈពិការភាពពីកំណើត​មួយចំនួនទៀត​មិនអាច​បង្ការ​បានទេ ព្រោះអ្នកវិទ្យាសាស្រ្តមិនទាន់ដឹងពីមូលហេតុបង្កនៅឡើយ។ យ៉ាង​ណាមិញ មានរឿង​មួយ​ចំនួនដែលម៉ាក់ៗអាច​ធ្វើបាន ដើម្បីគ្រប់គ្រងសុខភាព និងកាត់បន្ថយហានិភ័យ​កូនពី​ពិការភាព​ពីកំណើត៖ ១. ញ៉ាំអាហារ​សម្បូរ​អាស៊ីដហ្វូលិក អាស៊ីដហ្វូលិកគឺជាវីតាមីន B9 ។ ប្រសិនបើម៉ាក់ៗមានជាតិអាស៊ីដហ្វូលិក​គ្រប់គ្រាន់នៅក្នុងខ្លួន​យ៉ាង​ហោចណាស់មួយខែមុន និងអំឡុងពេលមានផ្ទៃពោះ នោះជាតិអាស៊ីដហ្វូលិក​អាចជួយការពារ​ទារក​ពីពិការភាពខួរក្បាល និងឆ្អឹងខ្នងដូចជា ការអត់លលាដ៏ក្បាល និងជំងឺពកឆ្អឹងខ្នង។ អាហារ​សម្បូរអាស៊ីដ​ហ្វូលលិក​មាន​ដូច​ពពួកសណ្ដែក ស្ពៃក្ដោប ខាត់ណាខៀវ និង​ថ្លើម​សត្វ(គួរ​ញ៉ាំមាន​កម្រិត​សម្រាប់​ស្រ្តីមាន​ផ្ទៃពោះ) ​ជា​ដើម​។ ដូច​គ្នា​ដែរ ស្រី​ៗយើង​ត្រៀម​យក​កូន​ក៏​អាច​ពិភាក្សាជាមួយ​គ្រូ​ពេទ្យ​ដើម្បី​បាន​ឱសថ​បំប៉ន​អាស៊ីដហ្វូលិក​ផង​ដែរ​។​ ២. គ្រប់គ្រងជំងឺទឹកនោមផ្អែម និងជំងឺលើសឈាម ស្រីៗដែល​មាន​ជំងឺ​ទឹក​នោម​ផ្អែម ឬជំងឺលើសឈាមគួរ​ទៅជួបគ្រូពេទ្យ​ជំនាញ​​​ដើម្បីពិគ្រោះ​ពីរបៀប​រស់នៅ ឬការផ្លាស់ប្តូរថ្នាំដើម្បីជួយគ្រប់គ្រងស្ថានភាពជំងឺ មុនពេលព្យាយាមមានផ្ទៃពោះ។ ម៉ាក់ៗ​ដែលមានជំងឺទឹកនោមផ្អែម​ដែល​មិន​អាច​គ្រប់​គ្រង​បាន​មាន​ហានិភ័យ​ខ្ពស់ក្នុងការមានកូន​ដែល​មានពិការពីកំណើត។​ លើសពីនេះទៅទៀត ម៉ាក់ៗដែលមានសម្ពាធឈាម​ខ្ពស់មានហានិភ័យ​ខ្ពស់ក្នុងការធ្វើឱ្យលំហូរឈាមក្នុងសុករត់មិនល្អ ដែលអាចប៉ះពាល់ដល់ការលូតលាស់​​សរីរាង្គ​ខាងក្នុង​មួយចំនួនរបស់គភ៌។ ៣. ចាក់វ៉ាក់សាំងកញ្រ្ជិល ស្អូច និងអុតស្វាយមុនពេលពពោះ ជំងឺកញ្រ្ជិល ស្អូច និងអុតស្វាយអាចបណ្តាលឱ្យទារកមានគ្រោះថ្នាក់ ឬពិការ​ពីកំណើត ប្រសិន​បើ​ម៉ាក់ៗ​ឆ្លងអំឡុងពេលមានផ្ទៃពោះ។ ៤. ពិនិត្យរកជំងឺកាមរោគ ជំងឺកាមរោគអាចបណ្តាលឱ្យទារកមាន​ពិការភាពពីកំណើតធ្ងន់ធ្ងរ។ ការ​ព្យាបាល​​​ជំងឺកាមរោគ​មុនពេល​អ្នក​មាន​ផ្ទៃពោះអាច​ការពារ ឬ​កាត់បន្ថយ​គ្រោះថ្នាក់​ដល់​ទារក។ ៥. គ្រប់គ្រងទម្ងន់ ស្រីៗដែលធាត់ […]

ក្រៅពីរ​បៀបរស់នៅ បញ្ហា​សុខ​ភាពមួយចំនួនក៏អាចបណ្តាលឱ្យស្រីៗពិបាកមានកូនដែរ។ តើជំងឺណាខ្លះអាចជះឥទ្ធិពលដល់ការមានគភ៌របស់ស្រ្តី? យោង​តាម​គ្រូពេទ្យជំនាញបានឱ្យដឹងថា ​លក្ខខណ្ឌ​សុខភាព​មួយ​ចំនួន​​អាច​ប៉ះពាល់​ដល់​ឱកាស​នៃ​ការ​មាន​ផ្ទៃពោះ​របស់ស្រីៗ។ ១. អូវែបញ្ចេញមេជីវិតញីមិនទៀងទាត់ លក្ខខណ្ឌនេះធ្វើឱ្យស្រីៗមានអាការៈដូចជាក្តៅក្រហល់ក្រហាយ ស្ងួតទ្វារមាស និងរាំងរដូវ ដែល​ស្រដៀងនឹងការអស់រដូវមុនអាយុ។ គ្រូពេទ្យអាច​ធ្វើការព្យាបាល​ដោយចេញ​វេជ្ជបញ្ជា​ថ្នាំជំនួយ​អ័រម៉ូន​​ វីតាមីន D និងកាល់ស្យូម។ ២. ជំងឺរលាកអាងត្រគាក លោកវេជ្ជបណ្ឌិត Corey Burke ឯកទេសសុខភាពបន្តពូជ បានលើកឡើងថា ជំងឺរលាកអាង​ត្រគាក​កើតឡើងនៅពេលស្បូន និងបំពង់ដៃស្បូនឆ្លង​រោគដោយសារ របួស កើតជំងឺប្រមេះទឹកបាយ ឬ​ជំងឺប្រមេះទឹកថ្លា។ បន្ទាប់មក បំពង់ដៃស្បូនមានសម្លាក ឬអាប់សែ និងបណ្តាល​ឱ្យ​ខូច​សរីរាង្គ​បន្តពូជ និងគ្មានកូន។ ប្រសិនបើស្រីៗរលាកអាងត្រគាកអាចមានអាការៈដូចជា ឈឺចាប់​ពេល​​រួមភេទ គ្រុនក្តៅ ឬគ្រុនរងា និងមករដូវច្រើន​ជាង​ធម្មតា​ជាដើម។ ជាទូទៅគ្រូពេទ្យធ្វើ​ការព្យាបាល​ជំងឺរលាក​អាង​ត្រគាកដោយប្រើថ្នាំផ្សះ។ ៣. ក្រពេញទីរ៉ូអ៊ីតអសកម្ម លោកស្រីវេជ្ជបណ្ឌិត Jolene Brighten ឯកទេសព្យាបាលរោគតាមធម្មជាតិ និងជាអ្នកនិពន្ធសៀវភៅ Beyond the Pill បានលើកឡើងថា ក្រពេញទីរ៉ូអ៊ីត​អសកម្ម​មិនត្រឹម​តែអាចធ្វើឱ្យពិបាកក្នុង​ការមាន​គភ៌​ប៉ុណ្ណោះ​ទេ ថែមទាំងបង្កើនហានិភ័យនៃការរលូតកូនទៀតផង។ ចង់គណនាថ្ងៃមេជីវិតញីទុំធ្លាក់ ចុចទីនេះ! ៤. ការរលាក លោកស្រីវេជ្ជបណ្ឌិត Brighten បានបន្ថែមថា ការរលាកក៏អាចធ្វើឱ្យស្រីៗពិបាកពពោះដែរ។ ការ​ធ្វើ​តេស្ដ C-Reactive Protein (CRP) អាចជួយស្រីៗដឹងថាមានការរលាកឬអត់។ ស្រីៗគួរសាកល្បង​ញុំា​ត្រីទឹកជ្រៅដូចជា ត្រីសាល់ម៉ុន […]

ពេល​យើង​វិវត្ត​វ័យ​កាន់​តែ​ចាស់​ទៅ គោល​បំណង​ចាំ​បាច់​មួយ​ដែល​អាច​ផ្ដល់​សុភមង្គល​ដល់​ជីវិត​របស់​យើង​គឺ​ការ​បង្កើត​គ្រួសារ​ដ៏​កក់​ក្ដៅ​មួយ មានគ្រួសារ មានកូនតាមបំណង ប៉ុន្តែ មនុស្ស​ស្រី​មួយ​ចំនួន​មិន​អាច​បំពេញ​គោល​បំណង​នេះ​បាន​ដោយ​សារ​តែ​មាន​បញ្ហា​បង្ក​កំណើត ឬុមិន​មាន​ផ្ទៃ​ពោះ​បាន រហូតមានម៉ាក់ខ្លះអស់សង្ឃឹម ដើររកពេទ្យព្យាបាលដើម្បីសមបំណង។ បើម៉ាក់កំពុងស្ថិត​ក្នុងស្ថានភាពពិបាកនេះ កុំទាន់អាលបាក់ទឹកចិត្ត បើច្បាស់ថារៀបការហើយមិន​អាច​មាន​កូនបាន មកពីសុខភាព​ម៉ាក់​ពិតប្រាកដ ១០០% ខាងក្រោម​នេះ អាច​ជា​មូលហេតុ​រាំងស្ទះចម្បងៗ​ចំពោះ​ស្រីៗយើង។ ម៉ាក់ខ្លះ​គិត​ដំបូងបំផុត​គឺ បញ្ហា​ស្បូន ឬ​យើង​និយម​ហៅ​ភាសាអ្នកស្រុក​ថា អារអត់កូន​ជា​ដើម។ ក្រៅពីនេះ តើ​នៅ​មាន​បញ្ហាអ្វីខ្លះ​ទៀត ទើបបណ្ដាលឲ្យស្រីៗអត់កូន ឬពិបាកបង្កកំណើត? ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ការ​មិន​អាច​មាន​ផ្ទៃ​ពោះ ឬ​មាន​បញ្ហា​បង្ក​កំណើត​តាម​បំណង គឺ​ជា​ផល​រំខាន​យ៉ាង​ធំ​មួយ​ក្នុង​ចំណោម​ផល​រំខាន​ផ្សេងៗ​ទៀត ដែល​ជះ​ឥទ្ធិពល​មិន​ល្អ​ចំពោះ​សុភមង្គល​គ្រួសារ។ នេះ​បើ​តាម​ការ​ឲ្យ​ដឹង​ពី​លោក​វេជ្ជបណ្ឌិត ច័ន្ទ រស្មី ឯក​ទេស​ផ្នែក​សម្ភព និង​រោគ​ស្ត្រី។ មូល​ហេតុ​ធម្មជាតិ​ខ្លះៗ ធ្វើ​ឲ្យ​មាន​បញ្ហា​បង្ក​កំណើត ឬ​ពិបាកពពោះ ១. វិបត្តិ​មិន​អាច​ទម្លាក់ស៊ុតញី៖ កត្តា​ស្ត្រី​មិន​អាច​ទម្លាក់​ពង​បាន ឬ​មាន​រដូវ​មិន​ទៀង​ទាត់​អាច​បណ្ដាល​មក​ពី​មូលហេតុ​ជា​ច្រើន ប៉ុន្តែ​ក្នុង​ចំណោម​មូល​ហេតុ​ទាំង​នោះ ការ​មិន​មាន​តុល្យភាព​អ័រម៉ូន​គឺ​ជា កត្តា​ចម្បង​មួយ​ក្នុង​ចំណោម​កត្តា​បញ្ហា​បង្ក​កំណើត​ផ្សេងៗ​ទៀត។ ២. វិបត្តិ​កោសិកា​បន្ត​ពូជ​ឈ្មោល​មិន​គ្រប់​គ្រាន់៖ កត្តា​នេះ​បណ្ដាល​ឲ្យ​មិន​អាច​មាន​កូន​ប្រមាណ​ជា ២៥% ក្នុង​ចំណោម​មូល​ហេតុ​ផ្សេង​ៗ​ដែល​ប៉ះពាល់​ទៅ​លើ​បុរស។ ៣. វិបត្តិ​ស្ទះ​ដៃ​ស្បូន៖ ដៃ​ស្បូន​ដែល​ភ្ជាប់​ទំនាក់​ទំនង​រវាង​កន្សោម​ពង​ទៅ​នឹង​តួ​ស្បូន​មាន​តួ​នាទី​យ៉ាង​សំខាន់ និង​ជា​ផ្លូវ​ក្នុង​ការ​ធ្វើ​ដំណើរ​របស់​ស៊ុត​របស់​ស្ត្រី​មក​កាន់​តួ​ស្បូន ដើម្បី​ទទួល​ការ​បង្ក​កំណើត។ ៤. កម្រាស់​ភ្នាស​ខាង​ក្នុង​ស្រទាប់​ស្បូន៖ គឺ​ជា​ការ​កើន​ឡើង​នៃ​កម្រាស់​ខាង​ក្នុង​ស្រទាប់​ស្បូន​ដែល​ដុះ​ក្រាស់​លើស​ធម្មតា […]

​ពេល​និយាយ​ដល់​របបអាហារ​សម្រាប់​ស្រ្តី​មាន​ផ្ទៃពោះ វា​ដូច​ជាតឹង​រឹង​បន្តិច​សម្រាប់​ម៉ាក់ៗ ដូច​ជាមិន​ត្រូវ​មានជាតិ​កាហ្វេអ៊ីន ប្រយ័ត្ន​គ្រឿង​សមុទ្រ និង​អាហារ​កែច្នៃ ជាដើម​។ ម៉ាក់​ត្រូវ​ប្រយ័ត្ន​ចំពោះ​អាហារ​​ដែល​ត្រូវ​ញ៉ាំ ព្រោះ​ថា​វា​អាច​ប៉ះពាល់​ដល់​ការ​លូតលាស់ និងការ​វិវដ្ដ​របស់​កូន​នៅ​ក្នុង​ផ្ទៃ​។​ ប៉ុន្តែ​ផ្លែ​ឈើទាំងនេះ ​អាច​ផ្ដល់​ឱ្យ​ម៉ាក់ៗ​នូវ​វីតាមីន​ និង​សារ​ធាតុ​រ៉ែ​​​ល្អ​ៗ ផ្ដល់​អត្ថ​ប្រយោជន៍​យ៉ាង​ច្រើន​កូន​ផង​ដែរ​។ គណនាថ្ងៃសម្រាលកូន នៅទីនេះ អត្ថ​ប្រយោជន៍​របស់​ផ្លែឈើ ផ្លែ​ឈើ​ពិត​ជា​ផ្ដល់​នូវ​វីតាមីន ​និង​សារ​ធាតុ​រ៉ែ​ដែល​អាច​ជួយ​ដល់​កូន​ក្នុង​ផ្ទៃ​។ ម៉ាក់ៗក៏​​ត្រូវ​ការ​អាហារ​ដែល​សម្បូរ​​ជាតិ​សរសៃ​ ប៉ូតាស្យូម ​វីតាមីន A និង C អាស៊ីត​ហ្វូលិក ​និង​សារ​ធាតុ​ចិញ្ចឹម​ផ្សេងៗ​ដើម្បី​រក្សា​រាង​កាយ​ឱ្យ​រឹង​មាំ​រហូត​ដល់​ពេល​សម្រាល។ ទាំង​នេះ​គឺ​ជា​ផ្លែ​ឈើ​ដែល​ល្អ​សម្រាប់​សុខភាព​​ម៉ាក់ៗ និង​គួរ​​ញ៉ាំ​ពេល​កំពុង​ពពោះ៖ ១.ផ្លែ​ប៉ោម ផ្លែ​ប៉ោម​មាន​ជាតិ​សរសៃ​ខ្ពស់​ដែល​អាច​ជួយ​ដល់​ការ​គ្រប់​គ្រង​ក្នុង​ការ​រំលាយ​អាហារ​​ និង​ការពារ​ពី​ជំងឺ​ឫស​ដូង​បាត​ដែល​ជា​បញ្ហា​ទូទៅម៉ាក់ៗ​ភាគ​ច្រើន​​ជួប​ប្រទះ។ ២.ក្រូច ផ្លែ​ក្រូច​ដូច​ជា ​ក្រូច​ឆ្មារ ​និង​ផ្លែ​ក្រូច​ គឺ​សម្បូរ​ដោយ​វីតាមីន ​C ហើយ​វា​ក៏​អាច​ជួយ​ដល់​ការ​រំលាយ​អាហារ​របស់​ម៉ាក់ៗ ​និង​ជួយ​ទប់​ស្កាត់​ដល់​ការ​ចាញ់​កូន​ពេល​នៅ​ពេលមាន​ផ្ទៃ​ពោះ​​ផង​ដែរ។ ៣.ផ្លែ​ចេក ផ្លែ​ចេកទុំ​ គឺ​ជា​ប្រភព​ប៉ូតាស្យូម​ដ៏​អស្ចារ្យ ដែល​វា​អាច​ជួយ​យ៉ាង​ច្រើន​ដល់​ការ​គ្រប់​គ្រង​សារ​ធាតុ​រាវ​ និង​សម្ពាធ​ឈាម​នៅ​ក្នុង​រាង​កាយ​របស់​ម៉ាក់​ៗ និង​ការ​ពារ​ពី​ការ​រមួល​ក្រពើ​ ឬ​ការ​ឈឺ​ចាប់​អំឡុង​ពេល​មាន​ផ្ទៃ​ពោះ។ ៤.គីវី ផ្លែ​គីវី​វា​មាន​ផ្ទុក​សារធាតុ​អាស៊ីត​ហ្វូលិក​កម្រិត​ខ្ពស់​ ហើយ​ក្រៅ​ពី​នេះ​វា​មាន​រសជាតិ​ឆ្ងាញ់​ផង​ដែរ និង​អាច​រួម​ចំណែក​កាត់​បន្ថយ​ហានភ័យ​​ពិការ​ភាពរបស់​គភ៌​ពី​កំណ់ត​ផង​ដែរ​។ លើស​ពី​នេះ ​គីវី​អាច​ជួយ​ម៉ាក់ៗ​​ដែល​កំពុង​ពពោះ​ក្នុង​ការ​ស្រូប​យក​ជាតិ​ដែក​បាន​យ៉ាង​មាន​ប្រសិទ្ធ​ភាព​ ដែល​​ចាំ​បាច់​សម្រាប់​ធានា​ថា​ឈាម​របស់​ម៉ាក់​មាន​ផ្ទុក​អុក​ស៊ី​សែន​គ្រប់​គ្រាន់​ដល់​ទារក​ក្នុង​ផ្ទៃ។ គណនាទម្ងន់ស្ត្រីពពោះ នៅទីនេះ ៥.ផ្លែ​ឪឡឹក ផ្លែ​ឪឡឹក​មាន​​វីតាមីន A  C និង B6 ក៏​ដូច​ជា ​ប៉ូតាស្យូម ​និង​ម៉ាញេស្យូម​ សម្រាប់​ការពារ​ពី​ការ​រមួល​ក្រពើ។ ម៉ាញ៉េស្យូម ​អាច​ជួយ​សម្រួល​ដល់​សាច់​ដុំ​ដែល​អាច​ការពារ​ពី​ការ​កន្ត្រាក់​ស្បូន​កំឡុង​ពេល​មាន​ផ្ទៃ​ពោះ។ លើស​ពី​នេះ​ផ្លែ​ឪឡឹក​ក៏​អាច​ប្រឆាំង​នឹង​ការ​ចាញ់​កូន​ ដោយ​ជួយ​កាត់​បន្ថយ​ក្នុង​ការ​ក្រហាយ​ទ្រូង ​និង​ការពារ​ពី​ការ​ខ្សោះ​ជាតិ​ទឹក។ ៦.ផ្លែ​ប៊ឺរី ផ្លែ​ប៊ឺរី​ […]

ស្វាមី​ភរិយា​កំពុង​ត្រៀម​យក​កូន និង​ចង់​បាន​កូន​ត្រូវ​ដឹង​ថា​ការ​ទទួល​បាន​អាហារូបត្ថម្ភ​ត្រឹម​ត្រូវ សុខភាព​រាង​កាយ​ល្អ សុទ្ធ​តែ​មាន​ឥទ្ធិ​ពល​លើ​ការ​ចង់​បាន​កូន​របស់​យើង​។ ជាមួយ​​គ្នា​នេះ​ដែរ​វី​តាមីន​សំខាន់​មួយ​ដែល​ទាំង​ស្វាមី​ និង​ភរិយា​ត្រូវ​តែ​មាន​គ្រប់​គ្រាប់​សម្រាប់​ត្រៀម​យក​កូន​ដែរ​នោះ គឺ​អាស៊ីដ​ហ្វូលិក។ អាស៊ីត​ហ្វូលិក ជា​វីតាមីន​មួយ​ប្រភេទ​ស្ថិត​ក្នុង​ក្រុម​វីតាមីន B ដែល​ស្វាមី​ភរិយា​ទាំង​ឡាយ​អាច​រក​បាន​ក្នុង​របប​អាហារ​ជាក់​លាក់​មួយ​ចំនួន​។ អាស៊ីដ​ហ្វូលិក​ ត្រូវ​ការ​ដើម្បី​ជួយ​ដល់​ការ​បង្កើត​កោសិកា​ឈាម​ក្រហម និង​ការ​ផលិត​DNA។ អាស៊ីដ​ប្រភេទ​នេះ ក៏​ដើរ​តួ​សំខាន់​ក្នុង​ការ​បែង​ចែក​កោសិកា​ផង​ដែរ។ ដូច​គ្នា​ដែរ បើ​សិន​ជា​មាន​កម្រិត​អាស៊ីដ​ហ្វូលិក​ក្នុង​ឈាម​ទាប ក៏​មាន​ទំនាក់​ទំនង​នឹង​ការ​កើត​ជំងឺស្លេក​សាំង​ដែរ​។​​​ ១. អាស៊ីដហ្វូលិក​និង​សុខភាព​បង្ក​កំណើត​បុរស កន្លង​មក​គេ​ដឹង​ច្បាស់​ណាស់​ថា​ស្រ្តី​ក្នុង​វ័យ​បន្ត​ពូជ​ត្រូវ​ការ​អាស៊ីដ​ហ្វូលិក ប៉ុន្តែ​អាស៊ីដ​នេះ មាន​ប្រយោជន៍ ឬចាំ​បាច់​សម្រាប់​បុរស​ក្នុង​វ័យ​បន្ត​ពូជ​ដែរ​ទេ? មុន​នឹង​មាន​ការ​បង្ក​កំណើត​បាន​ជា​អំប្រ៊ីយ៉ុង ចាំ​បាច់​ត្រូវ​មាន​ការ​រួម​គ្នា​រវាង​ស៊ុត​ញី និង​មេជីវិត​ឈ្មោល​។ ក្នុង​ដំណើរ​ការ​ចេញ​ពី​កោសិកា​បន្ត​ពូជ​ដើម​​ទៅ​ជា​កោសិកា​មេជីវិត​ឈ្មោល​គឺ​ត្រូវ​ការ​រយៈពេល​៦០​ថ្ងៃ​។ អាស៊ីដ​ហ្វូលិក​ជា​សារធាតុចិញ្ចឹម​សំខាន់ នៅ​ពេល​មាន​ការ​បែង​ចែក​កោសិកា​ និង​សំយោគ​DNA។​​​ កម្រិត​អាស៊ីដ​ហ្វូលិក​នៅ​ក្នុង​ទឹក​កាម​មាន​ទំនាក់​ទំនង​ទៅ​នឹង​ចំនួន​មេជីវិត​ឈ្មោល និង​សុខភាព​មេជីវិត​ឈ្មោល​។ ការ​សិក្សា​មួយ​បាន​រក​ឃើញ​ថា កម្រិត​អាស៊ីដ​ហ្វូលិក​ទាប​ក្នុង​ទឹក​កាម​មាន​ទំនាក់​ទំនង​នឹង​ការ​ចុះ​ខ្សោយ​របស់​DNA​មេជីវិត​ឈ្មោល​។​ ដូច​នេះ​ហើយ បានជា​ប្រុសៗ​ក៏​ចាំ​បាច់​ត្រូវ​ការ​អាហ៊ីដហ្វូលិក​នេះ​ដែរ​ សម្រាប់​សុខភាព​មេជីវិត​ឈ្មោល​របស់​ខ្លួន។ ចង់ពិនិត្យសុខភាពឆ្អឹង ចុចទីនេះ! កម្មវិធី​ពិនិត្យ​​ជំងឺ​មហារីក​មាត់​ស្បូន​​អន​ឡាញ កម្មវិធី​ពិនិត្យ​​ជំងឺ​មហារីក​សុដន់​​​អន​ឡាញ ការ​វាយ​តម្លៃ​មុន​/អំឡុង​ពេល​/​និង​ក្រោយ​ពេល​​អស់​រដូវ កម្មវិធី​ពិនិត្យ​​ជំងឺ​មហារីក​​ក្រពេញ​អូវែ​​​អន​ឡាញ ​២. អាស៊ីដហ្វូលិក​និង​សុខភាព​បង្ក​កំណើត​ស្រ្តី ​ស្រ្តី​ដែល​មាន​កម្រិត​អាស៊ីដហ្វូលិក​ទាប​ក្នុង​របប​អាហារ​មាន​ហានិភ័យ​ខ្ពស់​មាន​កូន​ខូច​ប្រព័ន្ធ​ប្រសាទ ទាក់ទង​នឹង​ខួរ​ក្បាល និង​ឆ្អឹង​ខ្នង​។ ពេល​យើង​និយាយ​ដល់​ការ​ចាប់​ផ្ដើម​លូត​លាស់​របស់​ទារក​ វា​នឹង​មាន​ហេតុ​ផល​សមរម្យ​ដែល​យើង​និយាយ​ដល់​អាស៊ីដ​ហ្វូលិក​​អាច​ជួយ​ដល់​ការ​បែង​ចែក​កោសិកា ក៏​ដូច​ជា​ការ​លូត​លាស់​កូន​ក្នុង​ផ្ទៃ​។ ថ្វី​ត្បិត​ដែរ​អាស៊ីដ​ហ៊ូលិក​មិន​អាច​ការពារ​កូន​ពី​បញ្ហា​ខូច​ប្រព័ន្ធ​ប្រសាទ​បាន​ទាំង​ស្រុង តែ​ថា​អាស៊ីដ​ហ្វូលិក​បាន​រួម​ចំណែក​ដល់​ទៅ​៦០​ភាគរយ ការពារ​កូន​មិន​ឲ្យ​ជួប​បញ្ហា​​នៅ​ក្នុង​ផ្ទៃ​។ ក្រៅ​ពី​នេះ អាស៊ីដ​ហ្វូលិក​ក៏​អាច​មាន​ប្រយោជន៍​ផ្សេង​ទៀត​ដូច​ជា​៖​ កាត់​បន្ថយ​ហានិភ័យ​ខូចបេះដូង​កូន​ក្នុង​ផ្ទៃ​ពីកំណើត កាត់​បន្ថយ​ហានិភ័យ​កូន​កើត​មិន​គ្រប់​ខែ និង​បន្ថយ​ហានិភ័យ​កូន​កើត​មិន​គ្រប់​គីឡូ​ បង្កើន​កម្រិត​អ័រម៉ូន​តេស្តូស្តេរ៉ូន និង​កាត់​បន្ថយ​បញ្ហា​វដ្ដ​រដូវ​មិន​ទៀងទាត់ នៅ​មាន​ហេតុ​ផល​ជា​ច្រើន​ផ្សេង​ទៀត ដែល​ស្រ្តី​កំពុង​ចង់​បាន​កូន ឬ​ព្យាយាម​យក​កូន​ត្រូវ​ប្រាកដ​ថា​បាន​ទទួល​កម្រិត​អាស៊ីដ​ហ្វូលិក​គ្រប់​គ្រាន់​។ ៣. ប្រភព​អាស៊ីដ​ហ្វូលិក​ ជា​ការ​ណែ​នាំ បរិមាណ​អាស៊ីដ​ហ្វូលិក​ត្រូវ​ទទួល​បាន​ក្នុង​មួយ​ថ្ងៃ​​រួម​មាន​៖ ៤០០មីក្រូក្រាមសម្រាប់​បុរស […]

ការ​សម្រេច​ចិត្ត​យក​កូន មិន​មែន​ជា​រឿង​គួរ​ធ្វើ​ភ្លាម​ៗ​ទេ ប្ដី​ប្រពន្ធ​ត្រូវ​ពិភាក្សា និង​រៀប​ចំ​គម្រោង​យក​កូន​ឲ្យ​បាន​ហ្មត់ចត់ ទើប​ពេល​អា​អូន​កើត​មក យើង​មិន​បារម្ភ​មុខ​ក្រោយ។ ទន្ទឹម​នឹង​នេះ លោក​វេជ្ជបណ្ឌិត សឿច័ន្ទ​ វិសាល ឯកទេស​ផ្នែក​សម្ភព និង​រោគ​ស្ត្រី​បាន​ពន្យល់​ឲ្យ​ដឹង​ពី​រឿង​រ៉ាវ ៧យ៉ាង​ដែលប្ដី​ប្រព័ន្ធ​ត្រូវ​ដឹង​នៅ​ពេល​ចង់​បាន​កូន​ដូច​ជា៖ ទី១. ចំនួន​អូវុល​របស់​ស្ត្រី​មាន​កំណត់ ដើម្បី​បន្ត​ពូជ។ អត្រា​បង្ក​កំណើត​នឹង​ធ្លាក់​ចុះ​យ៉ាង​ច្រើន​នៅ​ចាប់​ពី​អាយុ​៣៥​ឆ្នាំ​ឡើង​ទៅ។ ដល់​អាយុ​ ៣៧​ឆ្នាំ ស្ត្រី​ប្រើ​ប្រាស់​អូវុល​អស់​៩០% (នៅ​សល់​១០%​សម្រាប់​បន្ត​ពូជ) ខណៈ​នេះ​ដែរ បុរស​ចាប់​ផ្ដើម​ផលិត​ស្ពែម៉ាតូសូអ៊ីត នៅ​ពេល​ពេញ​វ័យ​រហូត​ដល់​ជីវិត​ចុង​ក្រោយ។ ទោះ​ជា​យ៉ាង​ណា គុណភាព​ស្ពែម៉ាតូសូអ៊ីត​នឹង​ថយ​ចុះ​ពេល​វ័យ​កាន់​តែ​ច្រើន។ ទី២. ក្នុង​ពេល​បញ្ចេញ​ទឹក​កាម​ម្ដង បុរស​បញ្ចេញ​ប្រហែល​ ១០០​លាន​ស្ពែម៉ាតូសូអ៊ីត។ ស្ត្រី​ភេទ​បញ្ចេញ​ពង​ទុំ (អូវុល) ក្នុង​១ខែ​ចំនួន​តែ​១​គត់។ ក្នុង​១​ជីវិត​មនុស្ស​ស្រី​មាន​ប្រហែល ៥០០​អូវុល។ ទី៣. បុរស និង​ស្ត្រី​គួរ​តែ​យក​ចិត្ត​ទុក​ដាក់​សុខភាព​មុន​ពេល​កំណត់​ថា ​យក​បេប៊ី​ដូច​ជា ត្រូវ​មាន​គីឡូ​សម​ស្រប (BMI) មិន​ជក់​បារី កាត់​បន្ថយ​គ្រឿង​ស្រវឹង និង​កាហ្វេ ហាត់​ប្រាណ​ដើម្បី​បង្កើន​នូវ​លទ្ធភាព​មាន​កូន ទាំង​នេះ​ជា​កត្តា​សំខាន់​អាច​ប៉ះពាល់​ដល់​សុខភាព​កូន​ពេល​កើត​មក។ ទី៤. ពេល​វេលា​មាស (ពេល​វេលា​ល្អ​បំផុត) ដើម្បី​បង្ក​កំណើត​ក្នុង​១​ខែ មាន​ចំនួន​៦​ថ្ងៃ​គឺ ៥​ថ្ងៃ​មុន​និង​ថ្ងៃ​ពង​ទុំ (អូវុល​ជ្រុះ) (មាន​ន័យ​ថា ពី​ថ្ងៃ​ទី​៩-ទី១៤​នៃ​រដូវ សម្រាប់​វដ្ដ​រដូវ​ទៀង ២៤​ថ្ងៃ) រួម​ភេទ​រាល់​ថ្ងៃ ឬ​២​ថ្ងៃ​ម្ដង​នឹង​បង្កើន​ឱកាស​មាន​កូន។ ទី៥. […]