ក្រោយសម្រាល

អ្នក​ម៉ាក់​មួយ​ចំនួន​ អាច​សង្កេត​ឃើញ​ដុំ​ពក​​​​នៅ​ក្នុង​សុដន់​ម្ខាង ឬ​ទាំង​សង​ខាង​ អំឡុង​ពេល​បំបៅ​ដោះ​កូន។ ជាក់ស្ដែង មាន​កត្តា​​ជា​ច្រើន​ដែល​នាំ​ឲ្យ​កើត​មាន​ដុំ​ពក​ទាំង​នេះ ហើយ​ការ​ព្យាបាល​ក៏​អាស្រ័យ​លើ​មូលហេតុ​បង្ក​ផង​ដែរ។ ជួន​កាល​ ដុំ​ពក​អាច​បាត់​ទៅ​វិញ​ដោយ​ខ្លួន​ឯង ឬ​​ដោយ​​​មាន​ការ​ថែទាំ​ផ្ទាល់ខ្លួន។ ប៉ុន្តែ​ ក្នុង​ករណី​ខ្លះ​ទៀត ម៉ាក់​ៗ​ចាំបាច់​ត្រូវ​ទៅ​ជួប​ជាមួយ​នឹង​គ្រូពេទ្យ​ផ្ទាល់។ ​មូលហេតុ​បង្ក​នៃ​ដុំ​ពក​ អំឡុង​ពេល​បំបៅ​ដោះ​កូន ១. ស្ទះ​ថង់​ទឹក​ដោះ​ បញ្ហា​ដុំ​ពក​ដោយ​សារ​តែ​ស្ទះ​ថង់​ទឹក​ដោះ​ កើត​ឡើង​ជា​ទូទៅ​ អំឡុង​ពេល​បំបៅ​ដោះ​។ ម៉ាក់​ៗ​អាច​ស្ទះ​ថង់​ទឹក​ដោះ​ ដោយ​គ្មាន​មូលហេតុ​ ឬ​ដោយ​សារ​កត្តា​មួយ​ចំនួន​ រួម​មាន៖ កូន​ជញ្ជក់​ទឹក​ដោះ​មិន​អស់​ ​ទើប​ធ្វើ​ឲ្យ​ហៀរ​ទឹក​ដោះ សំលៀក​បំពាក់​​នៅ​បរិវេណ​សុដន់​រឹប​តឹង​ពេក​ រោគសញ្ញា​នៃ​ការ​ស្ទះ​ថង់​ទឹក​ដោះ​មាន​ដូចជា ដុំ​ពក​​​បង្កឲ្យឈឺចាប់​ និង​មាន​ទំហំ​ប៉ុន​គ្រាប់​សណ្ដែក​ ឬ​ផ្លែ​ប៉េស្ត​ ព្រម​ទាំង​ពង​​ស​ៗ​នៅ​លើ​ចុង​សុដន់។​ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ ២. ស្ទះ​ទឹក​ដោះ ការ​ស្ទះ​ទឹក​ដោះ កើត​ឡើង​នៅ​ពេល​ដែល​​កូន​មិន​បៅ​ញឹកញាប់ ហើយ​ទឹក​ដោះ​នៅ​ស្ទះ​ក្នុង​សុដន់​ម៉ាក់ៗ ក្នុង​ករណី​នេះ​ ម៉ាក់​អាច​សង្កេត​ឃើញ​ដុំ​ពក​​កើត​មាន​នៅ​ជុំវិញ​ក្លៀក និង​មាន​រោគសញ្ញា​ដូចជា សុដន់​មាន​ការ​ឈឺចាប់​ រឹង និង​តឹងណែន ឬ​ចុង​សុដន់​លឹប​ចូល​ក្នុង ព្រម​ទាំង​មាន​អាការៈ​គ្រុន​ក្ដៅ​តិចតួច។ [embed-health-tool-due-date] ៣. រលាក​​សុដន់​ ជាមួយ​គ្នា​នេះ​ដែរ ការ​រលាក​សុដន់​កើត​ឡើង​​​មក​ពី​ការ​បង្ក​រោគ ស្ទះ​ថង់​ទឹក​ដោះ ឬ​អាលែកហ្ស៊ី។ រោគសញ្ញា​រួម​មាន​ ដុំ​ពក​នៅ​លើ​សុដន់​ ហើម​​ ឬ​ឈឺ​សុដន់​ ក្រហាយ​នៅ​ពេល​បំបៅ​ដោះ​កូន គ្រុន​រងា និង​ឈឺក្បាល​។ ៤. អាប់សែ អាប់សែ ជា​ដុំ​ពក​ដែល​ហើម​ ​ឈឺចាប់​ និង​វិវត្ត​នៅ​ពេល​ដែល​យើង​មិន​បាន​ព្យាបាល​ការ​រលាក​សុដន់​ ឬ​ការ​ស្ទះ​ទឹក​ដោះ​ភ្លាម​ៗ […]

ពិត​ណាស់​ ម៉ាក់​ៗ​អាចប្រឈម​នឹង​ការ​ប្រែប្រួល​រាងកាយ​ ក្រោយ​សម្រាល​កូន​រួច​ ហើយ​ការ​ប្រែប្រួល​​មួយ​ចំនួន​ កើត​ឡើង​នៅ​ក្នុង​ប្រព័ន្ធ​រាងកាយ​ខាង​ក្នុង ដែល​នាំ​ឲ្យ​មាន​ផល​ប៉ះពាល់​ដល់​ភ្នែក​ម៉ាក់​ៗ​ថ្មីថ្មោង។ មូលហេតុ​នៃ​ការ​ប្រែប្រួល​​លើការ​មើល​ឃើញក្រោយ​សម្រាល​កូន ១. ព្រឹល​ភ្នែក​ ក្រោយ​សម្រាល​កូន​រួច ការ​​ចាល់​ទឹក​នៅ​ថង់​ទឹក​ភ្នែក​​ត្រូវ​បាន​រាំងស្ទះ ជា​ហេតុ​នាំ​ឲ្យ​​កញ្ចក់​ភ្នែក​មិន​អាច​វិល​មក​រក​សភាព​ដើម​វិញ និង​​បណ្ដាល​ឲ្យ​យើង​ព្រឹល​ភ្នែក។ ​​​​​២. ជំងឺ​បម្រុង​ក្រឡា​ភ្លើង ទន្ទឹម​នឹង​នេះ​ដែរ ស្ត្រី​ដែល​មាន​បញ្ហា​លើស​សម្ពាធ​ឈាម​ អាច​ប្រឈម​នឹង​ជំងឺ​បម្រុង​ក្រឡា​ភ្លើង។ ក្នុង​ករណី​នេះ​ ម៉ាក់​ៗអាច​ជួប​បញ្ហា​ភ្នែក​ផ្សេង​ៗ​ ដូចជា​ភ្នែក​​​ចាញ់​ពន្លឺ ឬ​ព្រឹល​ភ្នែក​។ ដូច្នេះ​ហើយ​ យើង​ចាំបាច់​ត្រូវ​ពិគ្រោះ​ជាមួយ​នឹង​គ្រូពេទ្យ​រោគ​ស្រ្តី​ និង​ប្រើប្រាស់​ថ្នាំ​ដើម្បី​ព្យាបាល​ប្រកប​ដោយ​ប្រសិទ្ធភាព។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ ៣. ជំងឺ​ទឹក​នោម​ផ្អែម​ពេល​ពពោះ ជាក់ស្ដែង កម្រិត​ជាតិ​ស្ករ​ក្នុង​ឈាម​អាច​ប្រែប្រួល​ក្នុង​អំឡុង​ពេល និង​ក្រោយ​សម្រាល​កូន។ ការ​ប្រែប្រួល​នេះ អាច​បំផ្លាញ​សរសៃ​ឈាម​តូច​ៗ ​ដែល​ភ្ជាប់​ទៅ​នឹង​​របក​រ៉េទីន​ភ្នែក និង​អាច​ប៉ះពាល់​ដល់​​ចក្ខុវិញ្ញាណ ព្រម​ទាំង​បង្ក​ជា​បញ្ហា​ព្រឹល​ភ្នែក។​​ [embed-health-tool-due-date] ​​រោគសញ្ញា​នៃ​ការ​ប្រែប្រួល​​​បញ្ហា​ភ្នែក​ ក្រោយ​សម្រាល រោគសញ្ញា​ទូទៅ​មួយ​ចំនួន​នៃ​បញ្ហា​ភ្នែក រួម​មាន​៖ វិល​មុខ ព្រឹល​ភ្នែក ចាញ់​ពន្លឺ រួយ​ភ្នែក មើល​មិន​ឃើញ​រយៈពេល​ខ្លី អត្ថបទគួរអាន៖ ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ? ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត? ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន? សម្រាលកូនរួច ពេលណាម៉ាក់ៗអាចងូតទឹកបាន? ការ​ព្យាបាល​បញ្ហា​ភ្នែក​ក្រោយ​សម្រាល ​​បញ្ហា​ភ្នែក​ស្ងួត៖ អាច​ប្រើ​​សេរ៉ូម​ប្រៃ ឬ​ពិគ្រោះ​ជាមួយ​គ្រូពេទ្យ​ឯកទេស​ភ្នែក​​ក្នុង​ការ​ប្រើប្រាស់​ថ្នាំ​បន្តក់​ភ្នែក​ដែលស័ក្តិសម​ទៅ​នឹង​បញ្ហា​នេះ។ ព្រឹល​ភ្នែក៖ ប្រសិនបើ​បញ្ហា​ព្រឹល​ភ្នែក​នេះ​មិន​បាត់​ទៅ​វិញ​ក្រោយ​សម្រាល​​រយៈពេល​១០​ខែ​ទេ​នោះ ម៉ាក់​គួរ​តែ​ពិគ្រោះ​ជាមួយ​នឹង​​គ្រូពេទ្យ​ឯកទេស​ភ្នែក។ បញ្ហា​នៃ​ជំងឺ​បម្រុង​ក្រឡា​ភ្លើង៖ ​បញ្ហា​នេះ […]

ថ្នាំគ្រាប់ពន្យារកំណើតគឺជាមធ្យោបាយមួយក្នុងចំណោមមធ្យោបាយ​​ពន្យារកំណើតជាច្រើនដែលអាចការពារស្រ្តីពីការមានកូនបានដល់ទៅ ៩៩%។ តើថ្នាំគ្រាប់ពន្យារកំណើតមានសុវត្ថិភាពសម្រាប់ម៉ាក់ៗបំបៅ​ដោះ​​ដែរឬទេ? មានផលប៉ះពាល់ដល់ទារកដែរឬទេ? ទាក់ទងនឹងចម្ងល់នេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យ​បង្អែកមិត្តភាពកម្ពុជា​ចិនសែន​សុខបានឱ្យដឹងថា ការបំបៅដោះគឺជាមធ្យោបាយពន្យារ​កំណើត​តាម​បែបធម្មជាតិដែលជួយពន្យារការបញ្ចេញមេជីវិតញីរបស់ស្រ្តី។ ម៉ាក់ៗបំបៅ​ដោះ​មិនគួរញុំា​ថ្នាំ​ពន្យារ​កំណើតទេ បើ៖ អាអូនមានអាយុតិចជាងអាយុ ៦ ខែ ម៉ាក់ៗមិនទាន់មករដូវ ម៉ាក់ៗបំបៅដោះកូនតែមួយមុខគត់រយៈពេល ៦ ខែ ម៉ាក់ៗបំបៅដោះកូនទៀងទាត់ (យ៉ាងហោចណាស់ ៤ ម៉ោងម្តងនៅពេលថ្ងៃ និង ៦ ម៉ោងម្តង​នៅ​ពេលយប់) ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ម៉ាក់ៗបំបៅដោះដែលមិនមានលក្ខខណ្ឌដូចខាងលើមិនអាចប្រើការបំបៅដោះជាមធ្យោបាយពន្យារកំណើតទេ។ ដូច្នេះម៉ាក់ៗអាចជ្រើសរើសមធ្យោបាយពន្យារកំណើតណាមួយដែលស័ក្តិសមនឹងម៉ាក់ៗ។ លោកវេជ្ជបណ្ឌិតបានបន្ថែមថា ម៉ាក់ៗបំបៅដោះដែលមិនមានលក្ខខណ្ឌដូចលោកបានលើកឡើង គួរពិគ្រោះ​ជាមួយគ្រូពេទ្យជំនាញសិនមុននឹង​ញុំាថ្នាំពន្យារកំណើត។ [embed-health-tool-ovulation] បើម៉ាក់ៗជ្រើសរើសការញុំាថ្នាំគ្រាប់ពន្យាកំណើត ម៉ាក់ៗអាចញុំាថ្នាំគ្រាប់ពន្យារកំណើតដែលមិនមានផ្ទុកជាតិអ័រម៉ូនអ៊ីស្រ្តូសែន ព្រោះថ្នាំគ្រាប់ពន្យារកំណើតដែលមានផ្ទុកជាតិអ័រម៉ូន​អ៊ីស្រ្តូសែន​អាចកាត់​បន្ថយ​ការផលិតទឹកដោះរបស់ម៉ាក់ៗ។ តាមសៀវភៅថ្នាំគ្រាប់ពន្យារកំណើតដែលបោះពុម្ភដោយសមាគមថែទាំសុខភាពគ្រួសារកម្ពុជា រ៉ាក់​បានឱ្យដឹងថា ថ្នាំគ្រាប់ពន្យារកំណើតមានពីរប្រភេទគឺ៖ ១. ថ្នាំគ្រាប់ស៊ីអូស៊ី ថ្នាំគ្រាប់ស៊ីអូស៊ីជាថ្នាំដែលមានថ្នាំគ្រាប់ពណ៌លឿង ២១ គ្រាប់ និងក្រហម ៧ គ្រាប់។ ថ្នាំនេះ​មាន​ជាតិអ័រម៉ូន ២ មុខគឺអ៊ីស្រ្តូសែន និងប្រូហ្សេស្ទីនដែល​ដូចគ្នានឹងអ័រម៉ូនធម្មជាតិរបស់ស្រ្តី។ ២. ថ្នាំគ្រាប់ភីអូភី ថ្នាំគ្រាប់ភីអូភីជាថ្នាំដែលមានថ្នាំតែមួយពណ៌ចំនួន ២៨ គ្រាប់ ហើយមានជាតិអ័រម៉ូនប្រូហ្សេស្ទីន​តែ​មួយមុខគត់ដែលដូចគ្នានឹងអ័រម៉ូនធម្មជាតិរបស់ស្រ្តី។ ការញុំាថ្នាំគ្រាប់ពន្យារកំណើតក្នុងអំឡុងពេលបំបៅដោះមិនបង្កគ្រោះថ្នាក់​ដល់ទារកទេ គ្រាន់តែថ្នាំ​គ្រាប់ពន្យាកំណើត​ដែលមានផ្ទុកជាតិ​អ័រម៉ូន​អ៊ីស្រ្តូសែន​អាចកាត់បន្ថយ​ការផលិត​​ទឹកដោះ​របស់​ម៉ាក់ៗ។ អត្ថបទគួរអាន៖ ឆាប់មានកម្លាំង សម្បូរទឹកដោះ​​ក្រោយសម្រាលកូនរួច […]

ការស្ទះទឹកដោះក្រោយសម្រាលអាចកើតឡើងចំពោះម៉ាក់ៗមួយចំនួន ដែលបណ្តាលឱ្យតឹង និងឈឺសុដន់ ហើយអាចមិនមានទឹកដោះឱ្យអាអូនបៅ។ ប្រសិនបើម៉ាក់ៗស្ទះទឹកដោះ អាចមានអាការៈអ្វីខ្លះ? ហើយគួរ​ធ្វើ​ម៉េច? ប្រសិនបើម៉ាក់ៗស្ទះទឹកដោះ អាចមានអាការៈដូចជា៖  មានដុំរឹងនៅក្នុងសុដន់ តំបន់ជុំវិញដុំរឹងនៅក្នុងសុដន់អាចឡើងក្រហម ហើម និងក្តៅ តឹង និងឈឺសុដន់ មិនចេញទឹកដោះ ឬចេញតិចៗ ប្រសិនបើម៉ាក់ៗស្ទះទឹកដោះ អាចសាកល្បងតាមវិធីដូចខាងក្រោម ព្រោះបើទុកយូរ​អាច​បណ្តាល​ឱ្យម៉ាក់ៗរលាកសុដន់៖ ១. បំបៅដោះ ឬបូមទឹកដោះ ម៉ាក់ៗគួរបំបៅដោះ ឬបូមទឹកដោះខាងសុដន់ដែលស្ទះ (អាចម្ខាង ឬសងខាង) រៀងរាល់​មួយម៉ោង​កន្លះ​ទៅពីរម៉ោងម្តងដើម្បីជួយបង្ហូរទឹកដោះ និងបើកបំពង់ទឹកដោះដែលស្ទះ។ ២. ច្រចាច់ទឹកដោះឱ្យចេញអស់ពីសុដន់ ពេលម៉ាក់ៗបំបៅដោះ ឬបូមទឹកដោះ ម៉ាក់ៗត្រូវប្រាកដថាគ្មានទឹកដោះនៅសល់ក្នុងសុដន់។ បន្ទាប់​ពី​បំបៅដោះរួច ម៉ាក់ៗ​គួរច្រចាច់​សុដន់​មើល ថាតើនៅមានទឹកដោះចេញមកទៀតទេ? បើនៅមាន​ ម៉ាក់ៗគួរបន្តបំបៅ​អាអូន ឬបូមទឹកដោះបន្ត​រហូត​ដល់អស់ដើម្បីកុំឱ្យទឹកដោះស្ទះបំពង់ទឹកដោះ​ នៅពេលក្រពេញទឹកដោះ​ផលិត​ទឹកដោះ​ថ្មី។ [embed-health-tool-due-date] ៣. ស្អំទឹកក្តៅ មុនបំបៅ ឬបូមទឹកដោះ ម៉ាក់ៗអាចយកកន្សែងស្អាតជ្រលក់ទឹកក្តៅឧណ្ហៗ ពូតឱ្យស្ងួតបន្តិច ​រួច​ស្អំ​សុដន់កន្លែងដែលស្ទះ ១៥-២០ នាទីដើម្បីបើកបំពង់ទឹកដោះ។ ម្យ៉ាងទៀត ការងូតទឹកក្តៅឧណ្ហៗ​ក៏​អាចជួយបានដែរ។ ពេលងូតទឹក ម៉ាក់ៗត្រូវបង្ហូរទឹកក្តៅឧណ្ហៗលើសុដន់ដែលស្ទះ​ ហើយម៉ាក់ៗ​ក៏​អាច​យក​ក្រាសដែលមានធ្មេញធំៗ​មកសិតថ្នមៗពីគល់សុដន់មកចង់សុដន់​ដើម្បី​ជួយបើកបំពង់​ទឹក​ដោះ​ដែលស្ទះដែរ។ ៤. ប្តូរឥរិយាបថក្នុងការបំបៅ ម៉ាក់ៗអាចប្តូរឥរិយាបថក្នុងការបំបៅអាអូនដូចជា អង្គុយបំបៅ​​ដោយដាក់អាអូននៅក្រោម​ដោះ​ម៉ាក់ៗដើម្បីឱ្យទំនាញផែនដី​ជួយ​បង្ហូរទឹកដោះពីដោះម៉ាក់ៗ។ លើសពីនេះទៅទៀត ពេល​បំបៅ ម៉ាក់ៗគួរដាក់ចង្កា និងច្រមុះ​អាអូន​ឱ្យចំកន្លែងដែលមានដុំរឹង ដូច្នេះពេលអាអូនបៅ អាអូន​នឹងបៅចំបំពង់​ទឹកដោះដែលស្ទះ ហើយចង្កាអាអូនអាចប៉ះកន្លែងដែលមានដុំរឹង ក៏ដូចជា​ជួយ​ម៉ាស្សា​ឱ្យម៉ាក់ៗដែរ។ ចង់គណនាថ្ងៃមេជីវិតញីទុំធ្លាក់ […]

ស្ត្រី​ជា​ច្រើន​ចាប់​ផ្ដើម​ញ័រ​ខ្លួន​ភ្លាមៗ​បន្ទាប់​ពី​សម្រាល​កូន​រួច អាការៈ​បែប​នេះ​ហាក់​ដូច​ជា​រោគសញ្ញា​គួរ​ឲ្យ​ភ្ញាក់​ផ្អើល ប៉ុន្តែ​ការ​ញ័រ​ខ្លួន​ក្រោយ​សម្រាល​កូន គឺ​ជា​បញ្ហា​ទូទៅ​មួយ កើត​ឡើង​លើ​មនុស្ស​ស្រី​ស្ទើរ​គ្រប់​គ្នា។ ចុះ​មូលហេតុ​អ្វី​បាន​ម៉ាក់ៗ​សម្រាល​កូន​រួច​មាន​អាការៈ​ញ័រ​ខ្លួន​បែប​នេះ? តាម​ពិត​ទៅ​មក​ដល់​ពេល​នេះ អ្នក​ជំនាញ​មិន​ទាន់​ប្រាកដ​ថា អាការៈ​ញ័រ​ខ្លួន​ក្រោយ​សម្រាល​កូន​បណ្ដាល​មក​ពី​មូលហេតុ​អ្វី​នៅ​ឡើយ​ទេ ប៉ុន្តែ​ពួក​គេ​មាន​ទ្រឹស្ដី​ជា​ច្រើន​ទាក់​ទង​នឹង​បញ្ហា​នេះ​ដូចជា៖ ការ​ផ្លាស់​ប្ដូរ​អ័រម៉ូន៖ រាងកាយ​របស់​ស្ត្រី​រង​ការ​ប្រែប្រួល​អ័រម៉ូន​ខ្លាំង​នៅ​ពេល​ឆ្លង​ទន្លេ ដែល​អាច​បន្ថយ​សីតុណ្ហភាព​រាងកាយ បណ្ដាល​ឲ្យ​មាន​ការ​ញាក់។ បរិយាកាស​ត្រជាក់៖ គ្រាន់​តែ​ចំណាយ​ពេល​យូរ​នៅ​ក្នុង​បរិយាកាស​មន្ទីរពេទ្យ​ដ៏​ត្រជាក់ ក៏​អាច​ប៉ះពាល់​ដល់​សីតុណ្ហភាព​រាងកាយ​បាន​ដែរ។ ថ្នាំ​បំបាត់​ការ​ឈឺ​ចាប់៖ ថ្នាំ​បំបាត់​ការ​ឈឺ​ចាប់ ពិសេស​គឺ​ថ្នាំ​ស្ពឹក​ប្រើ​មុន​ពេល​សម្រាល (Epidural) អាច​ប៉ះពាល់​ដល់​សមត្ថភាព​រាងកាយ​របស់​ម៉ាក់ៗ​ក្នុង​ការ​គ្រប់គ្រង​សីតុណ្ហភាព​រាងកាយ​ស្នូល ដោយ​ការ​បើក​សរសៃ​ឈាម​នៅ​លើ​ស្បែក។ កាល​ណា​មាន​លំហូរ​ឈាម​កាន់​តែ​ច្រើន​ទៅ​កាន់​ស្បែក​របស់​ម៉ាក់ៗ នោះ​វា​នឹង​បង្កើន​ដល់​ការ​បាត់បង់​កម្ដៅ​រាងកាយ ជាហេតុ​អាច​បណ្ដាល​ឲ្យ​ម៉ាក់ៗ​ញ័រ​ខ្លួន​ក្រោយ​សម្រាល។ ព្យួរសេរ៉ូមអំឡុងពេលសម្រាល ៖ ការ​ទទួល​បាន​ថ្នាំ​ស្ពឹក ឬ​សារធាតុ​រាវ​ផ្សេង​ទៀត​អំឡុង​ពេល​សម្រាល អាច​បង្កើន​ការ​បាត់​បង់​កម្ដៅ​ក្នុង​ខ្លួន​បន្ថែម​ទៀត។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! មាន​ហេតុផល​ដែល​ត្រូវ​ព្រួយ​បារម្ភ​ទេ? តាម​វេជ្ជបណ្ឌិត Rebecca Russell ឯកទេស​ផ្នែក​សម្ភព និង​រោគ​ស្ត្រី បាន​ឲ្យ​ដឹង​ថា ប្រសិន​បើ​ស្ត្រី​មាន​អារម្មណ៍​ញាក់​ស្រដៀង​នឹង​ពេល​ឈឺ​គ្រុន​ផ្ដាសាយ (លក្ខណៈ​ឈឺ​រហូត​មាន​អារម្មណ៍​ថា​ឈឺ​ដល់​ឆ្អឹង) នេះ​មាន​ន័យ​ថា ស្ត្រី​អាច​ក្ដៅ​ខ្លួន ហើយ​វា​អាច​ជា​សញ្ញា​ថា ស្ត្រី​ឆ្លង​មេរោគ។ ប៉ុន្តែ​ប្រសិនបើ​ម៉ាក់ៗ​សង្កៀត​ធ្មេញ ហើយ​មាន​អារម្មណ៍​ដូច​យើង​ទៅ​ឈរ​ក្រៅ​ផ្ទះ ក្នុង​អាកាសធាតុ​ក្រោម​សូន្យ អត់​មាន​ពាក់​អាវ នោះ​ជា​ធម្មតា ជា​សញ្ញា​នៃ​អាការៈ​ញ័រ​ខ្លួន​ក្រោយ​សម្រាល។ ទោះ​ជា​យ៉ាង​ណា​ក៏​ដោយ ម៉ាក់​ៗ​គួរ​តែ​ប្រាប់​គ្រូពេទ្យ ឬ​គិលានុបដ្ឋាយិការ​ឲ្យ​បាន​ដឹង ដើម្បី​ឲ្យ​ពួក​គេ​ពិនិត្យ​មើល​ឲ្យ​ច្បាស់​ថា […]

ការ​ប្រែ​ប្រួល​ទ្រង់ទ្រាយ​ទ្វារ​មាស​របស់​ស្ត្រី​ក្រោយ​ពេល​សម្រាល​កូន​ គឺ​ជា​រឿង​ធម្មតា​ដែល​គ្នា​យើង​ស្រី​ៗ​គ្រប់​រូប​គួរ​រំពឹង​ទុក។ ចៃដន្យ​អី! មាន​ការ​ជជែក​គ្នា​រវាង​ក្រុម​ម៉ាក់ៗ​លើ​បណ្ដាញ​សង្គម​អំពី​ដុំ​ពក​ក្នុង​ទ្វារមាស​ក្រោយ​សម្រាល បណ្ដាល​ឲ្យ​ម៉ាក់ៗ​មួយ​ចំនួន​កើត​ជា​ក្ដី​ព្រួយ​បារម្ភ។ អ្វី​ទៅ​ជា​ដុំ​ពក​ក្នុង​ទ្វារ​មាស​ក្រោយ​សម្រាល ហើយ​អាច​បង្ក​ហានិភ័យ​ដល់​សុខភាព​យើង​ឬ អត់? កម្មវិធី​ពិនិត្យ​​ជំងឺ​មហារីក​សុដន់​​​អន​ឡាញ ការ​វាយ​តម្លៃ​មុន​/អំឡុង​ពេល​/​និង​ក្រោយ​ពេល​​អស់​រដូវ គណនាថ្ងៃសម្រាលកូន ដុំ​ពក​ក្នុង​ទ្វារ​មាស​ក្រោយ​សម្រាល​ដែល​ម៉ាក់ៗ​ងឿង​ឆ្ងល់​នោះ​អាច​ជា​ដុំ​គីស។ ដុំ​គីស គឺ​ជា​ដុំ​ដែល​មាន​លក្ខណៈ​ដូច​ស្បោង ឬ​ថង់​នៃ​ជាលិកា។ ដុំនេះអាច​ពេញ​ទៅ​ដោយ​ខ្យល់ សារធាតុ​រាវ ខ្ទុះ ឬ​សារធាតុ​ផ្សេងៗ ហើយ​ដុំ​ពក​ក្នុង​ទ្វារមាស​នេះ​អាច​កើត​ឡើង​នៅ​លើ ឬ​ក្រោម​ស្រទាប់​ទ្វារមាស។ មូល​ហេតុ​បង្ក ដុំ​ពក​ក្នុង​ទ្វារ​មាស​អាច​កើត​មាន​ឡើង​ច្រើន​ប្រភេទ​ដូច​ជា៖ ដុំ​ពក​ក្នុង​ទ្វារមាស ឬ​ដុំ​គីស​អាច​ចាត់​ទុក​ថា​ជា​បញ្ហា​ទូទៅ​បំផុត​មួយ​ដែល​កើត​ឡើង​លើ​ស្ត្រី​ភាគ​ច្រើន។ ក្នុង​ករណី​នេះ ដុំ​ពក​ក្នុង​ទ្វារ​មាស​ក្រោយ​សម្រាល​អាច​កើត​ឡើង​ដោយសារ​តែ​ការ​រង​របួស​ទៅ​លើ​ផ្នែក​ជញ្ជាំង​ទ្វារមាស​អំឡុង​ពេល​សម្រាល​កូន​ដោយ​ធម្មជាតិ ឬ​ក្រោយសម្រាលដោយ​ការ​វះ​កាត់​។ ដុំ​គីស​ប្រភេទ Gartner's duct កើត​នៅ​លើ​ជញ្ជាំង​ចំហៀង​នៃ​ទ្វារមាស ។ គីស​នេះ​មាន​វត្តមាន​នៅពេល​ដែល​ទារក​កំពុង​លូតលាស់​​ក្នុង​ស្បូន។ ទោះ​ជា​យ៉ាង​ណា​ក៏​ដោយ វា​ច្រើន​តែ​បាត់​ទៅ​វិញ​បន្ទាប់​ពី​សម្រាល​កូន​រួច ហើយ​ប្រសិន​បើ​ដុំ​ពក​នៅ​សេស​សល់ វា​អាច​ប្រមូល​សារធាតុ​រាវ​រួច​វិវត្ត​ទៅ​ជា​ដុំ​ពក​នៃ​ជញ្ជាំង​ទ្វារ​មាស​នៅ​ពេល​ក្រោយ​មក​ទៀត​។ ដុំ​ពក Bartholin ជា​ការ​ប្រមូល​ផ្ដុំ​នៃ​សារធាតុ​រាវ​សម្រាប់​ខ្ទុះ​ដែល​បង្កើត​ជា​ដុំ​មួយ​នៅ​ក្នុង​ក្រពេញ​ដែល​រក​ឃើញ​នៅ​ផ្នែក​ម្ខាង​នៃ​ទ្វារមាស។ បំណែក​នៃ​ដុំ​គីស​ប្រភេទ Endometriosis អាច​លេច​ឡើង​ជា​ដុំ​តូច​ៗ​នៅ​ក្នុង​ទ្វារ​មាស។ ដុំ​សាច់​ប្រភេទ​កាចៗ​កម្រ​នឹង​កើត​លើ​ទ្វារមាស ភាគ​ច្រើន​គ្រាន់​តែ​ជា​ដុំ​ពក​ក្នុង​ទ្វារមាស ឬ​គីស​ដែល​មិន​បង្ក​ហានិភ័យ​ខ្ពស់​ដល់​យើង​ប៉ុន្មាន​ទេ។ រោគសញ្ញា ដុំ​ពក​ក្នុង​ទ្វារមាស​ជា​ធម្មតា​មិន​បង្ក​ជា​រោគ​សញ្ញា​ទេ។ ក្នុង​ករណី​ខ្លះ ដុំ​ពក​ទន់​ៗ​អាច​មាន​នៅ​ក្នុង​ជញ្ជាំង​ទ្វារមាស ឬ​លៀន​ចេញ​ពី​ទ្វារមាស ហើយ​វា​អាច​មាន​ទំហំ​ចាប់​ពីប៉ុន​គ្រាប់​សណ្ដែក​តូច​មួយ​រហូត​ដល់​ប៉ុន​ផ្លែ​ក្រូច។ ទន្ទឹម​នឹង​នេះ ស្ត្រី​មួយ​ចំនួន​ដែល​មាន​ដុំ​ពក​ក្នុង​ទ្វារ​មាស​អាច​មាន​ភាព​មិន​ស្រណុក​សុក​ស្រួល​ក្នុង​ពេល​រួម​ភេទ ឬ​អាច​មាន​បញ្ហា​ពេល​បញ្ចូលtampon ពេល​មក​រដូវ​ម្ដងៗ។ ជា​ធម្មតា ដុំ​គីស​នេះ​មិន​មាន​ផល​ប៉ះពាល់​ដែល​បង្ក​ឲ្យ​មាន​ក្ដី​បារម្ភ​នោះ​ទេ ហើយ​បើ​ម៉ាក់ៗ​សង្កេត​ឃើញ​ថា​មាន​ដុំ​ពក​ក្នុង​ទ្វារមាស គួរ​តែ​ទៅ​ពិនិត្យ​ជា​មួយ​អ្នក​ជំនាញ​ឲ្យ​បាន​ឆាប់ ដើម្បី​ធ្វើ​ការ​ព្យាបាល។ អានបន្ថែម៖ ស្រីៗមានឆ្ងល់អត់ គីសដៃស្បូន […]

សម្រាប់​ស្រ្តី​ទើប​សម្រាក​កូន ជា​រឿង​ធម្មតា​ទេដែល​មាន​ការ​ឈឺ​ចាប់​មួយ​ចំនួន​កើត​ឡើង​ក្រោយ​សម្រាល​ ហើយ​ភាគ​ច្រើន​​នឹង​ជា​បាត់​ទៅ​វិញ​ទៅ​តាម​ពេល​វេលា។ ផ្ទុយ​ទៅ​វិញ​ក៏​មាន​ម៉ាក់ៗ​មួយ​ចំនួន​មាន​ការ​ឈឺ​ចាប់​ក្រោយ​សម្រាលមាន​សភាព​ខ្លាំង និង​រយៈ​ពេល​យូរ​ ក្រ​ជា​សះ​ស្បើយ។ តើ​ការ​ឈឺ​ចាប់​ក្រោយ​សម្រាល​អ្វី​ខ្លះ​ម៉ាក់ៗ​គួរ​ដឹង សម្រាប់​ត្រៀម​ខ្លួន​ទុក​មុន? គណនាការឡើងទម្ងន់ស្ត្រីអំឡុងពពោះនៅទីនេះ ១. ឈឺ​ចាប់​ពេញ​រាងកាយ ការ​ឈឺ​ចាប់​ពេញ​រាងកាយ​ក្រោយ​សម្រាល ជា​បញ្ហា​ទូទៅ​មួយ​ដែល​ស្ត្រី​ច្រើន​នាក់​ជួប​ប្រទះ។ នេះ​ដោយ​សារ​តែ​រាងកាយ​ឆ្លង​កាត់​ភាព​តាន​តឹង​ខ្លាំង​ពី​ការ​កន្ត្រាក់​ស្បូន​ពេល​សម្រាល។ ម៉ាក់ៗ​ខ្លះ​ត្អូញត្អែរ​ពី​ការ​ឈឺ​ខ្នង ឈឺ​ចង្កេះ ឈឺ​ក្បាល ឈឺ​ស្មា ឬ​ត្រគាក​។ ​ការ​ឈឺ​ចាប់​ក្រោយ​សម្រាល​ទាំង​នេះ​មិនមាន​អ្វីគួរ​ឲ្យ​​ភ្ញាក់​ផ្អើល​ទេ​ដោយ​សារ​តែ​បរិមាណ​នៃ​ភាព​តានតឹង និង​ការ​ឈឺ​ចាប់​រាងកាយ​ត្រូវ​ឆ្លង​កាត់​ពេល​សម្រាល​កូន។ ២. សុដន់​ឡើង​ធំ និង​រឹង ការ​ផ្លាស់​ប្ដូរ​ទូទៅ និង​សំខាន់​មួយ​ដែល​ម៉ាក់​ៗ​ចាប់​ផ្ដើម​សម្គាល់​ក្រោយ​ពេល​សម្រាល​កូន​ គឺ​ថា​យើង​សុដន់​មាន​ឡើង​ធំ​ប៉ុណ្ណា។ ម៉ាក់ៗ​ជួប​បញ្ហា​សុដន់​ឡើង​ធំ និង​រឹង នេះ​អាច​នឹងចេញទឹកដោះក្នងកំឡុងពេលពី២៤ទៅ៧២ក្រោយសំរាលកូន។ គេអាចប្រើពាក្យផ្សេងទៀតបានថា ការឡើងដោះ ឬលាសដោះនៅពេលដែលទឹកដោះស្តុកទុកនៅក្នុងសុដន់ ឡើងកំដៅ រឹង និង​ឈឺ ។ ម៉ាក់ៗ​មួយ​ចំនួន​តែងតែលើក​ឡើង​ថាមាន​អាការៈ ក្តៅ និងក្តៅខ្លួន។ ៣. កន្ត្រាក់​ស្បូន ក្រោយ​សម្រាល ការកន្ត្រាក់​ស្បូន​ជា​រឿង​ធម្មតា​ដែល​កើត​ឡើង​​ក្រោយ​សម្រាល ពី​ព្រោះ​ស្បូន​កំពុង​ត្រលប់​ទៅ​ស្ថានភាព​ដើម​មុន​ពេល​ពពោះ​វិញ។ ហេតុ​ផល​មួយ​ទៀត​ដែល​ធ្វើ​ឲ្យ​ម៉ាក់​ៗ​អាច​ជួប​ប្រទះ​នឹង​ការ​កន្ត្រាក់​ស្បូន​ខ្លាំង ឬ​បង្ក​ឲ្យ​មាន​ការ​ឈឺ​ចាប់​ក្រោយ​សម្រាល​ គឺ​នៅ​ពេល​ដែល​ម៉ាក់ៗ​បំបៅ​ដោះ​កូន។ ការ​បំបៅ​ដោះ​កូន​អាច​បណ្ដាល​ឲ្យ​ម៉ាក់ៗ​ជួយ​បញ្ហា​កន្ត្រាក់​ស្បូន​ក្រោយ​សម្រាល ប៉ុន្តែ​បញ្ហា​នេះ​នឹង​បាត់​ទៅ​វិញ​ក្នុង​រយៈ​ពេល ២-៣​ថ្ងៃ​ក្រោយ​សម្រាល។ ៤. រមាស់​ថ្នេរ​វះ​កាត់​ ប្រសិន​បើ​ម៉ាក់ៗ​វះ​កាត់​សម្រាល​កូន ហើយ​ស្លាក​ស្នាម​ថ្នេរ​វះ​ចាប់​ផ្ដើម​រមាស់ ត្រូវ​ដឹង​ថា​វា​ជា​រឿង​ធម្មតា ហើយ​ការ​រមាស់​នឹង​ថយ​ចុះ​នៅ​ពេល​ដែល​ស្នាម​នោះ​នៅ​តែ​បន្ត​ជា​សះ​ស្បើយ។ ហេតុ​ផល​ផ្សេង​ទៀត​ដែល​អាច​ធ្វើ​ឲ្យ​មុខ​ថ្នេរ​រមាស់​អាច​បណ្ដាល​មក​ពី​ស្បែក​ស្ងួត ឬ​ការ​ឆ្លង​មេរោគ។ ៥. ឈាម​នៅ​ទ្វារមាស ការ​ហូរ​ឈាម​តាម​ទ្វារមាស​ក្រោយ​សម្រាល​ គឺ​ជា​រឿង​ធម្មតា ហើយ​ជា​ទូទៅ​អាការៈនេះ​នឹង​បាត់​ទៅ​វិញ​ក្នុង​រយៈ​ពេល ១០​ថ្ងៃ​ក្រោយ​សម្រាល។ នៅ​សប្ដាហ៍​ទី​៦ បន្ទាប់​ពី​សម្រាល​កូន​រួច ការ​ហូរ​ឈាម​នឹង​ឈប់​ទាំង​ស្រុង។ […]

បន្ទាប់​ពី​ពពោះ ៩ខែ ១០​ថ្ងៃ​រួច ពេល​សម្រាល​កូន​រួចហើយ ម៉ាក់ៗ​បាន​ធូរ​ខ្លួន​ខ្លាំង​មែន​ទែន ប៉ុន្តែ​មិន​មែន​មាន​ន័យ​ថា ម៉ាក់ៗ​រួច​ផុត​ពី​បញ្ហា​សុខភាព​តូច​តាច​មួយ​ចំនួន​ទេ។ ក្នុង​ចំណោម​បញ្ហា​កើត​ឡើង​ក្រោយ​ឆ្លង​ទន្លេ​ទាំង​អស់ ក្នុង​នោះ​បញ្ហា​ទល់​លាមក​ក្រោយ​សម្រាល ជា​បញ្ហា​គួរ​ឲ្យ​ធុញ​ទ្រាន់​មួយ​ដែល​ស្រីៗ​អាច​ជួប​ប្រទះ។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ ការ​ទល់​លាមក​ក្រោយ​សម្រាល​ច្រើន​តែ​ផ្ដល់​អារម្មណ៍​រំខាន​ដល់​ម៉ាក់ៗ ហើយ​ក៏អាច​បណ្ដាល​មក​ពី​កត្តា​ជា​ច្រើន​ដែល​ទាក់ទង​នឹង​អ្វី​កំពុង​កើត​ឡើង​ក្នុង​រាងកាយ​របស់​ម៉ាក់ៗ​ទាំង​មុន អំឡុង​ពេល និង​ក្រោយ​ពេល​សម្រាល​កូន។ មូល​ហេតុ​ទូទៅ​នៃ​បញ្ហា​ទល់​លាមក​ក្រោយ​សម្រាល​រួម​មាន៖ សម្រាល​ដោយ​វះ​កាត់៖ ជា​ធម្មតា ប្រព័ន្ធ​រំលាយ​អាហារ​ត្រូវ​ការ​ចំណាយ​ពេល ៣-៤​ថ្ងៃ ដើម្បី​ដំណើរ​ការ​ធម្មតា​ម្ដង​ទៀត បន្ទាប់​ពី​មាន​ការ​វះកាត់ រាប់​បញ្ចូល​ទាំង​ការ​វះ​កាត់​សម្រាល​កូន។ ខូច​ខាត​​សាច់​ដុំ​រន្ធ​គូទ ឬ​សាច់​ដុំ​អាង​ត្រគាក៖ ការ​ប្រឹង​ដែល​កើត​ឡើង​អំឡុង​ពេល​សម្រាល អាច​ធ្វើ​ឲ្យ​រាងកាយ​ម៉ាក់ៗ​ពិបាក​ធ្វើ​ចលនា​ពោះវៀន​ឲ្យ​ប្រក្រតី​ឡើង​វិញ។ ខ្វះ​ជាតិ​ទឹក៖ កង្វះ​ជាតិ​ទឹក​ក្នុង​រាងកាយ អាច​កើត​ឡើង​ដោយសារ​តែ​ការ​មិន​ផឹក​ទឹក​អំឡុង​ពេល​សម្រាល ឬ​ម៉ាក់ៗ​ក្អួត ឬ​មាន​ការ​ធ្លាក់​ឈាម អាច​ធ្វើ​ឲ្យ​ដំណើរ​ការ​បត់​ជើង​យឺត​យ៉ាវ ជា​មូល​ហេតុ​បង្ក​បញ្ហា​ទល់​លាមក​ក្រោយ​សម្រាល។ បម្រែបម្រួល​អ័រម៉ូន៖ ការ​ផ្លាស់​ប្ដូរ​អ័រម៉ូន​ដែល​ចាប់​ផ្ដើម​នៅ​ពេល​ពពោះ និង​ប្រែ​ប្រួល​បន្តិច​ម្ដងៗ​យ៉ាង​ឆាប់​រហ័ស​ក្រោយ​ពេល​សម្រាល អាច​ធ្វើ​ឲ្យ​មុខងារ​ពោះ​វៀន​ថយ​ចុះអាច​ធ្វើ​ឲ្យ​មាន​បញ្ហា​ទល់​លាមក​ក្រោយ​សម្រាល​ដែរ​។ ញ៉ាំ​ថ្នាំ​ជាតិ​ដែក៖ ការ​ញ៉ាំ​ថ្នាំ​ជាតិ​ដែក បើ​ម៉ាក់​ៗ​មាន​ភាព​ស្លេក​ស្លាំង​ក្រោយ​សម្រាល ក៏​អាច​ធ្វើ​ឲ្យ​មាន​បញ្ហា​ទល់​លាមក​ក្រោយ​សម្រាល​ដូច​គ្នា។ ការ​មិន​ញ៉ាំ​អាហារ៖ ជា​ការ​ឆ្លើយ​តប​ទៅ​នឹង​ការ​មិន​ញ៉ាំ​អាហារ (ទាំង​មុន និង​ក្រោយ​ពេល​សម្រាល) បណ្ដាល​ឲ្យ​ចង្វាក់​មុខងារ​ធម្មតា​របស់​រាងកាយ​មាន​ភាព​យឺត​យ៉ាវ។ [embed-health-tool-due-date] វិធី​ដោះ​ស្រាយ​បញ្ហា​ទល់​លាមក​ក្រោយ​សម្រាល -ញ៉ាំ​ទឹក​ឲ្យ​បាន​ច្រើន -ចៀសវាង​ការ​ទប់​ពេល​ចង់​បត់​ជើង -មាន​របប​អាហារ​ត្រឹមត្រូវ -ដើរ ឬ​ធ្វើ​សកម្មភាព​រាងកាយ​ច្រើន។ អត្ថបទគួរអាន៖ ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ? […]

ក្រោយពេលសម្រាលតាមធម្មជាតិរួច ម៉ាក់ៗអាចមានអារម្មណ៍ចង់បត់​ជើង​តូច ប៉ុន្តែម៉ាក់ៗមួយចំនួនបែរជាបត់ជើងមិនចេញទៅវិញ។ ម៉ាក់ៗត្រូវ​ធ្វើដូចម្តេចដើម្បីជួយសម្រួលដល់ការបត់ជើងតូច? ការចាក់ថ្នាំសណ្តំ សម្ពាធពីការរុញកូនចេញពីស្បូន ភាពភ័យខ្លាច ការឈឺចាប់ និងរបួសពេល​សម្រាល​ជាមូលហេតុដែលធ្វើឱ្យម៉ាក់ៗពិបាកបត់ជើងតូចក្រោយសម្រាលដោយធម្មជាតិ។ ម៉ាក់ៗ​អាច​សាកល្បងវិធីសាស្រ្តដូចខាង​ក្រោម៖ ចង់គណនា BMR ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ១. បើកបង្ហូរទឹកតិចៗ ពេលខ្លះសំឡេង​ទឹកហូរតិចៗអាចជួយឱ្យម៉ាក់ៗបត់ជើងតូចចេញ។ ២. លាងសម្អាតទ្វារមាស ម៉ាក់ៗអាចលាងសម្អាតតំបន់ចន្លោះរន្ធគូទ និងទ្វារមាសជាមួយទឹកក្តៅឧណ្ហៗដើម្បីសម្អាតកំណកឈាម។ ៣. ដើរ ម៉ាក់ៗត្រូវឧស្សាហ៍ដើរចុះឡើងក្នុងបន្ទប់ដើម្បីរំញោចប្លោកនោម។ ៤. ហួច ម៉ាក់ៗអាចហួចពេលព្យាយាមបត់ជើងតូច។ ការហួចធ្វើឱ្យម៉ាក់ៗ​បញ្ចេញខ្យល់​មកខាងក្រៅ​ដែលធ្វើ​ឱ្យ​មានសម្ពាធនៅក្នុងពោះ។ ជាលទ្ធផលវាអាច​ជួយ​ប្លោកនោមបញ្ចេញទឹកនោម។ ៥. ញុំាទឹកឱ្យបានច្រើន ការញុំាទឹកច្រើន​ធ្វើឱ្យម៉ាក់ៗមានទឹកនោមច្រើន ជាពិសេសម៉ាក់ៗដែលបំបៅកូនដោយទឹកដោះ។ ចង់ដឹងអត្ថន័យពណ៌ និងរូបរាងលាមកទារក​ ចុចទីនេះ! ៦. ឈរនោម ម៉ាក់ៗអាចឈរពេលព្យាយាមបត់ជើងតូច​ ព្រោះការអង្គុយធ្វើឱ្យសាច់ដុំ​អាង​ត្រគាករួម ឬលាត​សន្ធឹង​ខ្លាំងដែលសង្កត់បង្ហួរនោម និងកាត់បន្ថយលំហូរទឹកនោម។  ៧. ស្អំទឹកកក ប្រសិនបើទ្វារមាសម៉ាក់ៗហើម ម៉ាក់ៗអាចស្អំទឹកកក ២០នាទី ពីរបីដងក្នុង ១ថ្ងៃដើម្បីកាត់បន្ថយ​ការ​ហើម។ ម៉ាក់ៗអាចយកដបទឹកសុទ្ធអាតូចទៅ​កា្លសេឱ្យកក រួចយកក្រណាត់​ស្អាត​រុំដបទឹក​សុទ្ធ ​មុន​ស្អំ។ ៨. ដាក់ដៃត្រាំក្នុងទឹកត្រជាក់ នៅពេលសីតុណ្ហភាពរាងកាយយើងចាប់ផ្តើមធ្លាក់ចុះ រាងកាយយើងនឹងព្យាយាម​កាត់បន្ថយ​ការ​បាត់បង់​កម្តៅដោយបង្រួមសរសៃឈាម និងកាត់បន្ថយលំហូរឈាមទៅកាន់ផ្ទៃស្បែក ដែលធ្វើឱ្យ​សម្ពាធ​ឈាមយើងកើនឡើង។ ជាលទ្ធផល​តម្រងនោមយើង​បញ្ចេញសារធាតុរាវ​ដើម្បីកាត់បន្ថយ​សម្ពាធឈាមដែលធ្វើឱ្យយើងត្រូវបត់ជើងតូច។ ៩. ហិតក្លិនជីរអង្កាម ជួនកាលការហិតក្លិនជីរអង្កាមអាចជួយម៉ាក់ៗឱ្យបត់ជើងតូច។ ម៉ាក់ៗអាចបន្តក់ប្រេងក្រអូបជីរអង្កាម ២ ទៅ ៣តំណក់លើដុំសំឡីកប្បាសរួចហិត ឬ​ហិត​ជីរអង្កាមស្រស់ក៏បាន។ ប្រសិនបើម៉ាក់ៗសាកល្បងគ្រប់វិធីហើយនៅតែបត់ជើងតូចមិនចេញក្នុង​រយៈពេល ៨ម៉ោងបន្ទាប់ពី​សម្រាល ម៉ាក់ៗគួរ​ស្វែង​រកជំនួយ​ពីគ្រូពេទ្យ​ ព្រោះការទុកយូរនឹងអាច​នាំឱ្យ​បែកប្លោកនោម​ដែល​បណ្តាលឱ្យគ្រោះថ្នាក់។​

អំឡុង​ពេល​សម្រាល​កូន ទារក​ត្រូវ​ឆ្លង​កាត់​មាត់​ស្បូន និង​ចេញ​តាម​ទ្វារមាស ហើយ​ច្រក​ចូល​ទ្វារ​មាស​ម៉ាក់ៗ​ត្រូវ​បើក​ឲ្យ​ធំ ដើម្បី​ឲ្យ​ទារក​ឆ្លង​កាត់​រួច។ ក្រោយ​ពេល​សម្រាល​កូន​រួច វា​មិន​មែន​ជា​រឿង​ចម្លែក​ទេ​ដែល​ម៉ាក់ៗ​មាន​អារម្មណ៍​ថា ទ្វារមាស​មាន​សភាព​ខុស​ពី​មុន​ពេល​សម្រាល​កូន។ ក្នុង​អត្ថបទ​នេះ “Hello គ្រូពេទ្យ” នឹង​លម្អិត​ពី​ការ​ផ្លាស់ប្ដូរ​ទ្វារ​មាស​របស់​ស្ត្រី​ក្រោយ​សម្រាល​កូន​តាម​ធម្មជាតិ ៤ យ៉ាង​ដូចជា៖ ១. ទំហំ​ធំ​ជាង​មុន ទ្វារ​មាស​​ស្រីៗ​​នឹង​ប្រែ​ប្រួល ពិសេស​ក្រោយ​ពី​យើង​ធ្លាប់​សម្រាលកូន​បាន​ម្ដង។ ពេល​សម្រាល​កូន ទ្វារ​មាស​យើង​​យឺត​ធំ​ខ្លាំង​លើស​ពី​ធម្មតា។ បន្ទាប់​ពី​ជា​សះ​ស្បើយ​ពី​មុខ​របួស សាច់​ដុំ​ទ្វារ​មាស​នឹង​រឹង​​ជាង​មុន ទំហំ​​ក៏​ធំ​ជាង​មុន​ដែរ។ ចំពោះ​បញ្ហា​ផ្លាស់​ប្ដូរ​ទ្វារមាស​មួយ​នេះ ស្រីៗ​មួយ​ចំនួន ហៅ​បញ្ហា​មួយ​នេះ​ថា រោគ​សញ្ញា​រលុង​ទ្វារ​មាស (VRS)។ [embed-health-tool-baby-poop-tool] ២. ស្ងួត​ទ្វារមាស វា​ជា​រឿង​ធម្មតា​ទេ ដែល​ស្ត្រី​មាន​អារម្មណ៍​ថា ទ្វារ​មាស​ស្ងួត​ជា​ងធម្មតា បន្ទាប់​ពី​សម្រាល​កូន​រួច។ បញ្ហា​ផ្លាស់ប្ដូរ​ទ្វារ​មាស​នេះ ត្រូវ​បាន​ផ្សារ​ភ្ជាប់​ទៅ​នឹង​កម្រិត​អ័រម៉ូន Oestrogen ទាប​ក្នុង​រាងកាយ​របស់​ម៉ាក់ៗ បើ​ប្រៀបធៀប​ទៅ​នឹង​ពេល​កំពុង​ពពោះ។ ចំពោះ​ស្ត្រី​បំបៅ​ដោះ​កូន កម្រិត​អ័រម៉ូន Oestrogen អាច​ទាប​ជាង​ម៉ាក់ៗ​ដែល​មិន​បំបៅ​ដោះ​កូន ដូច​នេះ​ទ្វារមាស​អាច​មាន​សភាព​ខ្លាំង​ជាង។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ ៣. ឈឺ​ចាប់​នៅ​បរិវេណ​ទ្វារមាស បន្ទាប់​ពី​សម្រាល​កូន​រួច ម៉ាក់ៗ​អាច​មាន​ការ​ឈឺ​ចាប់​នៅ​តំបន់​ថ្នេរ ឬ​បរិវេណ​ទ្វារមាស​តែ​ម្ដង ប៉ុន្តែ ការ​ផ្លាស់ប្ដូរ​ទ្វារមាស​មួយ​នេះ អាច​នឹង​ធូរស្រាល​ដូច​ធម្មតា​វិញ​ក្នុង​រយៈ ៦-១២សប្ដាហ៍​ក្រោយ​សម្រាល​រួច។ គ្នា​យើង​ស្រី​ៗ​ត្រូវ​ដឹង​ថា វា​មាន​សារសំខាន់​ណាស់​ក្នុង​ការ​ថែទាំ​តំបន់​ទ្វារមាស​ឲ្យ​ស្អាត​ជានិច្ច ដូច្នេះ​មុន​នឹង​ម៉ាក់ៗ​ប្ដូរ​សំឡី​អនាម័យ ឬ​លាង​សម្អាត​មុខ​ថ្នេរ គួរ​លាង​ដៃ​ឲ្យ​ស្អាត​ជា​មុន​សិន និង​ត្រូវ​សម្អាត​តំបន់​នោះ​ឲ្យ​បាន​លឿន​បំផុត​តាម​ដែល​យើង​អាច​ធ្វើ​បាន។ ៤. ឈឺ​ចាប់​អំឡុង​ពេល​រួម​ភេទ ការ​ឈឺ​ចាប់​អំឡុង​ពេល​រួម​ភេទ​ក្រោយ​សម្រាល​កូន អាច​ជា​លទ្ធផល​នៃ​ជាលិកា​ស្លាក​ស្នាម​នៅ​ក្នុង​ទ្វារមាស […]