របបអាហារ

អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹង

អាហារអ្វីខ្លះជួយឱ្យយើងមានអារម្មណ៍ល្អ និងកាត់បន្ថយភាពតានតឹង? អាហារមិនត្រឹមតែមាន ឥទ្ធិពលចំពោះសុខភាពរាងកាយទេ ថែមទាំងមានឥទ្ធិពលយ៉ាងខ្លាំងទៅលើសុខភាពផ្លូវចិត្តយើងទៀត។អាហារមួយចំនួនអាចជួយដល់មុខងារខួរក្បាល បង្កើនអ័រម៉ូនជួយឱ្យយើងរីករាយ និងស្ងប់អារម្មណ៍។ អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹងមានដូចជា៖ ១. អាហារផ្អាប់ អាហារផ្អាប់ដូចជា គីមឈី យ៉ាអួរជាដើមសម្បូរទៅដោយប្រ៉ូបាយអូទិក ដែលជួយដល់សុខភាពប្រព័ន្ធរំលាយអាហារ និងជួយបង្កើនកម្រិត Serotonin មានក្នុងខួរក្បាល ឈាម និងក្រពះពោះវៀន និងជាអ័រម៉ូនជួយឱ្យយើងរីករាយ ស្ងប់អារម្មណ៍ និងកាត់បន្ថយអាការថប់បារម្ភ ។ វេជ្ជបណ្ឌិត Casey Means គ្រូពេទ្យទទួលការបណ្តុះបណ្តាលនៅ Stanford និង ជានិពន្ធនាយករងនៃ International Journal of Disease Reversal and Prevention បានលើកឡើងថា ផលវិជ្ជមានរបស់អាហារផ្អាប់លើអារម្មណ៍ អាចទាក់ទងនឹងទំនាក់ទំនងយ៉ាងជិតស្និទ្ធរវាងមុខងារប្រព័ន្ធរំលាយអាហារ និងសុខភាពខួរក្បាលដែលប៉ះពាល់គ្នាទៅវិញទៅមក។ ការសិក្សាមួយបានបង្ហាញថា បុគ្គលដែលទទួលទានអាហារសម្បូរប្រូបាយអូទិក អាចកាត់បន្ថយអត្រានៃភាពធ្ងន់ធ្ងររបស់ជំងឺធ្លាក់ទឹកចិត្តបានច្រើន ជាពិសេសបុរស។ ២. កាហ្វេ ជាតិកាហ្វេអ៊ីនក្នុងកាហ្វេមិនត្រឹមតែអាចជួយដាស់អារម្មណ៍យើងទេ ថែមទាំងអាចបញ្ឈប់ Adenosine (សមាសធាតុដែលកើតឡើងដោយធម្មជាតិនៅក្នុងខួរក្បាល) ពីការភ្ជាប់ទៅនឹង សរសៃប្រសាទទទួលអារម្មណ៍ក្នុងខួរក្បាលមួយចំនួនដែលទាក់ទងនឹងអារម្មណ៍អស់កម្លាំង។ ជាតិកាហ្វេអ៊ីនក៏បង្កើនការបញ្ចេញសារធាតុ Dopamine និង Norepinephrine (សារធាតុបញ្ជូនសរសៃប្រសាទដែលបង្កើនអារម្មណ៍) ដែលជួយឱ្យយើងមានអារម្មណ៍ល្អ។ ៣. […]

គន្លឹះពីអាហារសុខភាពផ្សេងទៀត

Thiamine Deficiency (ជំងឺកង្វះវីតាមីនបេ១)

និយមន័យតើអ្វីទៅជាជំងឺកង្វះវីតាមីនបេ១? ធ្យាមីនឬវីតាមីនបេ១ គឺជាប្រភេទវីតាមីនមួយក្នុងចំណោមវីតាមីនបេទាំង៨ប្រភេទដែលមានតួនាទីសំខាន់ក្នុងដំណើរការរាងកាយ។ វាត្រូវបានប្រើស្ទើរតែគ្រប់កោសិកាទាំងអស់ដើម្បីបំប្លែងអាហារឲ្យទៅជាថាមពល។ ដោយសារតែសារពាង្គកាយរបស់មនុស្សមិនអាចសំយោគវាបានដោយខ្លួនឯងដូចនេះយើងត្រូវបរិភោគអាហារណាដែលសំបូរសារធាតុវីតាមីនប្រភេទនេះដូចជាសាច់ គ្រាប់ធញ្ញជាតិជាដើម។នៅពេលដែលញ៉ាំអាហារទាំងនេះមិនគ្រប់គ្រាន់ទេនោះនឹងបង្កឲ្យមានកង្វះវីតាមីន (បេរីបេរី)។ តើអ្វីទៅជាជំងឺកង្វះវីតាមីនបេ១ ហើយឧស្សាហ៍ជួបប្រទះដែរឫទេ? មិនសូវជាឃើញច្រើននោះទេក្នុងប្រទេសអភិវឌ្ឍន៍។ រោគសញ្ញារោគសញ្ញារបស់ជំងឺកង្វះវីតាមីនបេ១ រោគសញ្ញាដែលឧស្សាហ៍ជួបប្រទះជាងគេគឺ៖ ស្រកទម្ងន់យ៉ាងគំហុក មិនឃ្លានអាហារ រលាកពោះវៀនធំ វិបត្តិក្រពះពោះវៀន៖ រាក ខូចសរសៃប្រសាទវិញ្ញាណ ក្រហាយចុងជើងជាពិសេសនៅពេលយប់ រលាកសរសៃប្រសាទវិញ្ញាណ ហត់ឬអស់កម្លាំង នៅមិនសុខ ខ្សោយសាច់ដុំ រមួលក្រពើឈឺ និងស្ពឹកជើង បម្រែបម្រួលផ្លូវអារម្មណ៍ដូចជាស្មឿកៗឬបាក់ទឹកចិត្ត មានវិបត្តិបេះដូងដូចជាបេះដូងរីកជាដើម នៅពេលដែលមានកង្វះវីតាមីននេះខួរក្បាល បេះដូង ជាលិកាក៏ដូចជាសរីរាង្គផ្សេងៗត្រូវទទួលការខូចខាតដែរ។ កំហាប់ច្រើនរបស់សារធាតុនេះគឺជាធម្មតាគេរកឃើញនៅក្នុងបេះដូងនិងសាច់ដុំជាប់ឆ្អឹង ថ្លើម ក្រលៀននិងខួរក្បាល។ជំងឺកង្វះវីតាមីនបេ១អាចធ្វើឲ្យមានការសឹករិចរិលសរសៃប្រសាទរងនិងផ្នែកខ្លះនៃខួរក្បាលដូចជាខួរកណ្ដាលនិងខួរតូច។ លើសពីនេះទៅទៀតវាអាចបន្ថយសំពាធឈាម កត្តាប្រឆាំងក្នុងសរសៃឈាមកើនឡើងក៏ដូចជាហើមនិងធ្វើឲ្យបេះដូងរីកធំទៀតផង។ វាក៏អាចនៅមានសញ្ញាផ្សេងទៀតដែរ។ តើត្រូវជួបគ្រូពេទ្យនៅពេលណា? ប្រសិនបើលោកអ្នកមានសញ្ញាដូចបានរៀបរាប់ខាងលើសូមរួសរាន់ទៅជួបគ្រូពេទ្យ ព្រោះរាងកាយរបស់មនុស្សម្នាក់ៗអាចនឹងឆ្លើយតបជាមួយមេរោគផ្សេងៗពីគ្នាដូចនេះបើមានអ្វីមិនច្បាស់សូមពិគ្រោះជាមួយគ្រូពេទ្យ។ មូលហេតុហេតុអ្វីទើបកើតជំងឺខ្វះវីតាមីនបេ១? តាមការស្រាវជ្រាវរកឃើញថាមនុស្សមួយចំនួនអាចកើតមានកង្វះសារធាតុនេះបាននៅពេលដែល៖ មានបញ្ហាថ្លើម អ្នកផឹកស្រាច្រើន ជំងឺមិនឃ្លានអាហារនិងវិបត្តិក្នុងការបរិភោគអាហារដែលបង្កឲ្យមានកង្វះអាហារូបត្ថម្ភ ចាស់ជរាដោយសារតែបរិភោគមិនគ្រប់គ្រាន់ ជំងឺរ៉ាំរ៉ៃនិងការប្រើប្រាស់ថ្នាំដែលបង្អាក់ការស្រូបយកវីតាមីនបេ១ ឱសថដែលបង្កឲ្យមានវិបត្តិក្នុងការស្រូបយកសារធាតុវីតាមីនបេ១នេះ បញ្ហាក្រពះពោះវៀនដែលមានការរាកនិងក្អួតជាដើម ជំងឺអេដស៍ ជំងឺទឹកនោមផ្អែមដោយសារការបាត់បង់មុខងារតម្រងនោម មានការវះកាត់តពោះវៀនដែលបង្កឲ្យមានការស្រូបចូលបានតិច អាហារដែលមិនសូវសម្បូរសារធាតុចិញ្ចឹមនិងកង្វះបន្លែនិងធញ្ញជាតិដូចជាគ្រាប់សណ្ដែកនិងគ្រាប់ផ្លែឈើមួយចំនួន។ ក្ដៅខ្លួន ហាត់ប្រាណជ្រុលនិងស្ត្រេសជាដើម បរិភោគអាហារដែលប្រឆាំងការស្រូបវីតាមីនបេ១ដូចជាតែ,សាច់គ្រឿងសមុទ្រឆៅនិងកាហ្វេជាដើម។ ស្ត្រីមានផ្ទៃពោះព្រោះថាក្នុងអំឡុងពេលលូតលាស់គឺត្រូវការវីតាមីនច្រើន។ សារធាតុក្នុងកាហ្វេនិងតែ ដែលគេហៅថាតានីនគឺអាចមានអំពើទៅលើធ្យាមីនធ្វើឲ្យមានបម្រែបម្រួលបង្កឲ្យពិបាកស្រូបចូលក្នុងខ្លួនដែលជាហេតុធ្វើឲ្យមានបញ្ហាក្រពះពោះវៀននិងជំងឺកង្វះវីតាមីននេះតែម្ដង។ គេឃើញយ៉ាងកម្រនៅលើប្រជាជនលោកខាងលិចហើយគេជឿថាអាចកើតមានជំងឺនេះបានលុះត្រាតែអ្នកនោះផឹកភេសជ្ជៈដែលមានជាតិកាហ្វេអ៊ីនច្រើនតែប៉ុណ្ណោះ។ អ្នកស្រាវជ្រាវភាគច្រើនជឿថាការញ៉ាំកាហ្វេ តែ គឺមិនមានអំពើគួរឲ្យបារម្ភទៅលើធ្យាមីននោះទេលើកលែងតែអ្នកនោះមានរបបអាហារដែលខ្វះជាតិវីតាមីនបេ១និងវីតាមីនសេ។ ដោយសារតែវីតាមីនសេអាចការពារអំពើប្រឆាំងរបស់វីតាមីនប១និងសារធាតុតានីននៅក្នុងកាហ្វេនិងតែបាន។ អ្នកស្រាវជ្រាវឯទៀតបានរកឃើញថាសាច់ត្រីស្រស់និងសិប្បីសត្វគឺមានជាតិគីមីដែលអាចបំផ្លាញវីតាមីនបេ១បាន។ គេបានរកឃើញភស្តុតាងនៅលើមនុស្សដែលចូលចិត្តញ៉ាំសាច់ត្រីឆៅ គ្រឿងសមុទ្រឆៅតែបើចម្អិនបានល្អគឺមិនមានបញ្ហានោះទេ។ ក៏មានដែរអ្នកស្រាវជ្រាវផ្សេងទៀតបានលើកឡើងថាគ្រាប់ធញ្ញជាតិអារេកាអាចប្ដូរអំពើគីមីរបស់ធីចាមីននិងធ្វើឲ្យវាដំណើរការមិនបានល្អ។ មកដល់បច្ចុប្បន្ននេះមិនទាន់មានការស្រាវជ្រាវណាបង្ហាញថាថ្នាំផ្សេងៗអាចមានអំពើទៅលើធីចាមីននេះនេះនៅឡើយទេ ដូចនេះមុននឹងប្រើប្រាស់ថ្នាំបំប៉នសូមពិគ្រោះជាមួយគ្រូពេទ្យជំនាញ។ កត្តាហានិភ័យតើមានកត្តាប្រឈមអ្វីខ្លះបណ្ដាលឲ្យមានកង្វះធីចាមីន? ញៀនស្រា ចាស់ជរា ជំងឺអេដស៍ ជំងឺទឹកនោមផ្អែម វះកាត់តពោះវៀន លាងឈាម ការប្រើថ្នាំបញ្ចុះទឹកនោមលើសកម្រិត អត្ថបទពាក់ព័ន្ធ៖ សម្គាល់មនុស្សញៀនស្រា អត់មិនបាន តាមរយៈអាការៈទាំងនេះ រោគវិនិច្ឆ័យនិងការព្យាបាលរោគវិនិច្ឆ័យ អ្នកចាំបាច់ត្រូវធ្វើតេស្តជាច្រើនដើម្បីកំណត់ថាមានកង្វះសារធាតុនេះពិតប្រាកដមែន។ ការពិនិត្យឈាមនិងទឹកនោមគឺធ្វើឡើងដើម្បីវាស់ពីកំហាប់វីតាមីននេះក្នុងខ្លួន។ ក្នុងករណីដែលរាងកាយមិនអាចស្រូបយកបានល្អអ្នកនឹងមានអត្រាកំហាប់នៃវីតាមីនបេ១នេះទាបជាមិនខានដែលមើលឃើញក្នុងឈាមតែខ្ពស់ក្នុងទឹកនោម។ គ្រូពេទ្យនឹងធ្វើការពិនិត្យរាងកាយដើម្បីរកមើលការខូចខាតសរសៃប្រសាទវិញ្ញាណដូចជាតេស្តលំនឹង ការពិបាកដើរ ធ្លាក់ត្របកភ្នែក និងខ្សោយរេផ្លិចជាដើម។ អ្នកជំងឺដែលមានកង្វះធ្យាមីនដំណាក់កាលធ្ងន់អាចប្រឈមនឹងការបាត់ការចងចាំវង្វេងវង្វាន់និងស្រមើស្រមៃជាដើម។ ការពិនិត្យមើលបេះដូងនឹងធ្វើឡើងបន្ទាប់ទៀតរកមើលបេះដូងដើរញាប់ ហើមជើងនិងការពិបាកដកដង្ហើមដែលសុទ្ធតែជារោគសញ្ញានៃជំងឺនេះ។ ការព្យាបាល ការព្យាបាលគឺងាយស្រួលដោយគ្រាន់តែបំពេញបន្ថែមនូវវីតាមីនបេ១ជាការស្រេច។ គ្រូពេទ្យអាចនឹងផ្ដល់ឲ្យជាថ្នាំលេបឬចាក់។ សម្រាប់អ្នកជំងឺដំណាក់កាលធ្ងន់ធ្ងរគឺអាចឈានដល់ដាក់សេរ៉ូមទៀតក៏មាន។ ការធូរស្បើយនឹងត្រូវតាមដានដោយការធ្វើតេស្តនៅពេលណាត់ជួបលើកក្រោយដើម្បីវាស់ស្ទង់ពីកម្រិតស្រូបល្អរបស់រាងកាយអ្នក។ ចំណេះដឹងផ្សេងទៀតតើត្រូវធ្វើបែបណាដើម្បីជៀសវាងជំងឺនេះ? អ្នកអាចអនុវត្តនូវវិធីដូចខាងក្រោមដើម្បីការពារខ្លួនអ្នកដូចជា៖ បរិភោគអាហារដែលមានតុល្យភាពល្អមានសារធាតុចិញ្ចឹមច្រើនពិសេសវីតាមីនបេ១ដូចជាជាបន្លែខៀវ សាច់ គ្រាប់ធញ្ញជាតិសាច់ត្រី ទឹកដោះគោជាដើម។ អ្នកគួរជ្រើសរើសម្សៅទឹកដោះគោកូនដែលសម្បូរទៅដោយវីតាមីនបេ១។ ត្រូវជាវផលិតផលម្សៅទឹកដោះគោណាដែលមានអាជ្ញាប័ណ្ណត្រឹមត្រូវ។ បន្ថយការពិសាស្រាព្រោះថាវាទប់កុំឲ្យមានជំងឺបេរីបេរី ជាប្រភេទជំងឺម្យ៉ាងបណ្តាលពីកង្វះវីតាមីនបេ១។ អ្នកដែលឧស្សាហ៍ញ៉ាំគ្រឿងស្រវឹងជោគជាំគួរធ្វើការវាស់កម្រិតវីតាមីនបេ១ឲ្យបានទៀងទាត់។ ក្នុងករណីមានសំនួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុតសូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ […]