របបអាហារ

របបអាហារ ៦ ប្រភេទជួយកាត់បន្ថយហានិភ័យកើតជំងឺមហារីក

ជំងឺមហារីកអាចកើតឡើងដោយសាររបបអាហារដែលយើងញុំា។ ផ្ទុយមកវិញ របបអាហារមួយ ចំនួនក៏អាចជួយការពារ និងប្រឆាំងនឹងជំងឺមហារីកបានដែរ។ តើរបបអាហារអ្វីខ្លះមានឥទ្ធិពល ជួយកាត់បន្ថយជំងឺមហារីក? ១. ផ្លែឈើអម្បូរបឺរី ផ្លែឈើអម្បូរបឺរីមានដូចជា ផ្លែស្ត្របឺរី ប្លូបឺរី ប្លែកបឺរី រាសបឺរី ក្រេនបឺរី និងផ្លែមនជាដើមមានផ្ទុក សារធាតុប្រឆាំងអុកស៊ីតកម្មដូចជា Phytonutrients, Anthocyanins, Resveratrol និងអាស៊ីដ Allagic ដែលអាចពន្យឺត បញ្ឈប់ និងការពារការរីកលូតលាស់នៃដុំសាច់។ ផ្លែឈើអម្បូរបឺរីអាច កាត់បន្ថយហានិភ័យនៃការកើតជំងឺមហារីកសួត ក្រពះ និងមាត់។ នេះបើតាមការសិក្សារាប់រយរបស់មូលនិធិស្រាវជ្រាវមហារីកពិភពលោក និងវិទ្យាស្ថានអាមេរិកសម្រាប់ការស្រាវជ្រាវមហារីក។ ២. ស្ពៃក្តោបពណ៌ស្វាយ និងផ្កាខាត់ណាខៀវ ស្ពៃក្តោបពណ៌ស្វាយ និងផ្កាខាត់ណាខៀវសម្បូរទៅដោយសារធាតុ Anthocyanins , Sulforaphane និង Indole-3-carbinol ដែលជួយដល់ការជួសជុល DNA នៅក្នុងកោសិកា រាងកាយ និងរារាំងការលូតលាស់នៃកោសិកាមហារីក។ ៣. បន្លែស្លឹកបៃតង បន្លែស្លឹកបៃតងអាចជួយកាត់បន្ថយហានិភ័យកើតជំងឺមហារីក ព្រោះសម្បូរទៅដោយសារធាតុ ហ្វូឡា ដែលជួយដល់ការបង្កើត DNA ចម្លង DNA បានត្រឹមត្រូវ ហើយក្នុងករណីខ្លះអាចជួយ ជួសជុល DNA ទៀតផង ។ […]

គន្លឹះពីអាហារសុខភាពផ្សេងទៀត

ប្រហែសមិនបានទេ ទម្លាប់ញ៉ាំយឺតម៉ោងជាប្រចាំ អាចគ្រោះថ្នាក់ដល់បេះដូង

អ្នកចូលចិត្តញ៉ាំចំណីចំណុកយប់ៗ ឬអាហារល្ងាចយឺតម៉ោង អាចបង្កជាបញ្ហាជាជំងឺបេះដូងបាន នេះបើផ្អែកតាមការស្រាវជ្រាវនៅសហរដ្ឋអាមេរិក។ ការសិក្សាពិសោធមួយ ដោយតាមដានលើ ស្ត្រីអ្នកស្ម័គ្រចិត្តសុខភាពល្អមាំមួន ១១២នាក់ ដោយពិនិត្យមើលទម្លាប់ញ៉ាំថ្មីរយៈពេល ១ឆ្នាំ។ អ្នកស្ម័គ្រចិត្តបានតម្រូវឱ្យបញ្ចូលទិន្នន័យកាល់ឡូរីដែលពួកគេទទួលបាន ទៅក្នុងកម្មវិធីរបស់ក្រុមអ្នកស្រាវជ្រាវ។ លទ្ធផលដែលគួរឱ្យកត់សម្គាល់បានបង្ហាញឱ្យឃើញថា ១២ខែ អ្នកដែលមានទម្លាប់ញ៉ាំថ្មី ដែលយឺតម៉ោង ពោលគឺពី ៦ល្ងាច ឬដល់៨យប់ ធ្វើឱ្យសុខភាពបេះដូងពួកគេកាន់តែចុះខ្សោយ។ អ្នកស្រាវជ្រាវបានឃើញថា អ្នកញ៉ាំចំណីអាហារយប់ ក្រោយម៉ោង ៦ល្ងាច មានសម្ពាធឈាមខ្ពស់ និងជាតិស្ករក្នុងឈាមកើនឡើង រួមទាំងជាតិកាល់ឡូរីខ្ពស់ ដែលធ្វើឱ្យពួកគេអាចកើតជាជំងឺបេះដូង។ អ្នកស្រាវជ្រាវសម្គាល់ឃើញទៀតថា ទោះបីជា ជាតិកាល់ឡូរីត្រឹមតែ១% ដែលរាងកាយស្រូបចូលនៅពេលយប់ដូចនោះ ក៏បង្កជាបញ្ហាដូចខាងលើនេះដែរ។ អត្ថបទពាក់ព័ន្ធ៖ ពេលហាត់ប្រាណប្រទះឃើញសញ្ញាបែបនេះ បញ្ជាក់ថាបេះដូងមានបញ្ហាហើយ ស្វែងយល់ពីទំនាក់ទំនងរវាងការធាត់លើសទម្ងន់ និងជំងឺបេះដូង ផ្អែកតាមការស្រាវជ្រាវមុនៗ ក៏បានបញ្ជាក់ដែរថា ទម្លាប់ញ៉ាំអាហារនៅវេលាយប់ៗ ពិតជាធ្វើឱ្យឡើងទំងន់ ហើយរាងកាយពិបាកដុតរំលាយអាហារ ដែលហេតុផលនេះ សុទ្ធសឹងមានទំនាក់ទំនងនឹងជំងឺទឹកនោមផ្អែមផង។ ដោយឃើញពីបញ្ហានេះ លោកស្រីវេជ្ជបណ្ឌិត Nour Makarem សាស្រា្តចារ្យនៃសាកលវិទ្យាល័យ Columbia សហរដ្ឋអាមេរិក និងជាអ្នកដឹកនាំការស្រាវជ្រាវបាននិយាយថា៖ “ទម្លាប់រស់នៅប្រចាំថ្ងៃពិតជាមានឥទ្ធិពលណាស់ ដែលអាចបង្ការពីជំងឺបេះដូងបាន ដែលយើងគួរគប្បីយកចិត្តទុកដាក់លើអ្វីដែលយើងញ៉ាំ និងបរិមាណដែលត្រូវញ៉ាំ”៕ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត […]