គ្រឿងស្រវឹង ដូចជា ស្រា ឬស្រាបៀរ ជាសារធាតុ​ខ្លាំង និង​ញៀន ហើយ​មាន​ក្មេងៗ​មិនតិច​ទេ ផឹក​វា ដោយ​ពុំបាន​ដឹង​អំពី​កម្រិត​សុវត្ថិភាព និង​គ្រោះថ្នាក់។ ក្រោយពេល​យើង​ស្រា ឬស្រាបៀរ ជាតិ​អាល់កុល​បាន​ចូលទៅ​ក្នុង​សរសៃឈាម​របស់​យើង ដោយ​ចេញពី​ក្រពះ ឬពោះវៀន​តូច។ បន្ទាប់មកពី​ទៀត វា​ចូលទៅ​ក្នុង​ខួរក្បាល​របស់​យើង ហើយ​បណ្ដាល​ឲ្យ​ប្រតិកម្ម​យឺត ខ្សោយភ្នែក និងឈាន​ដល់​គិតមិន​បាន​ច្បាស់លាស់ និងបែងចែក​បញ្ហា​បាន​ត្រឹមត្រូវ។ ខាងក្រោមនេះ ជាមូលហេតុ​ដែល​ក្មេងៗ មិនគួរ​ផឹកគ្រឿង​ស្រវឹងនោះទេ៖ ១. ប៉ះពាល់ការវិវត្ត​របស់​ខួរក្បាល ក្មេងៗអាយុក្រោម ២០​ឆ្នាំ ឬលើសនេះ​តិចតួច កំពុង​ស្ថិតនៅ​ក្នុង​វ័យ ដែល​ខួរក្បាល​វិវត្ត ហើយ​បើសិន​យើង​ផឹកគ្រឿងស្រវឹង វាបណ្ដល​ឲ្យ​ខូចខួរក្បាល ជាពិសេស បាត់ការ​ចងចាំង។ ២. ញឿនគ្រឿងស្រវឹង ការផឹកគ្រឿងស្រវឹង​ទាំងនៅ​វ័យ​ក្មេង បណ្ដាល​ឲ្យ​ប្រឈមខ្ពស់​នឹង​ការញឿន​គ្រឿងស្រវឹង នៅពេល​ណា ក្នុង​ជីវិត ដែល​វាប៉ះពាល់​ដល់​ការសិក្សា និង​អនាគត​របស់​យើង។ អត្ថបទពាក់ព័ន្ធ៖ ៥ សំណួរ-ចម្លើយ ស្រីៗចង់ដឹងបំផុត ពាក់ព័ន្ធរឿងផឹកស្រាពេលពពោះ ឆ្ងល់អត់ ម៉េចក៏ចេះតែរាក ក្រោយផឹកគ្រឿងស្រវឹង?​ ៣. បង្ក​បញ្ហា​ដល់​សង្គម ការផឹក​គ្រឿងស្រវឹង អាចបណ្ដាល​ឲ្យ​យើង​ប្រឈម​ខ្ពស់ ក្នុង​ករណី​ប្រើប្រាស់​អំពើហិង្សា និង​រំលោភ រួមជាមួយ​ការ​បង្ក​គ្រោះថ្នាក់​ចរាចរណ៍​តាម​ដងផ្លូវ​ផងដែរ។

ផឹកគ្រឿងស្រវឹងច្រើន ប៉ះពាល់​ដល់​សុខភាព​ខ្លាំង សូម្បីតែ​ភ្លាមៗក្រោយស្រវឹង ក៏វាធ្វើឲ្យ​យើង​ពិបាក​ក្នុង​ខ្លួន ឬមិន​ស្រួលខ្លួន ដូចជា ឈឺក្បាល វិលមុខ រាក អត់ឃ្លានអាហារ អស់កម្លាំង ឈឺខ្លួន និង​អាការៈ​មួយ​ចំនួន​ទៀត។ អាការៈធ្វើទុក្ខទាំងនេះបណ្ដាល​មកពី​ជាតិ​អាល់កុល និង​ជាតិ​ពុល ដែល​បាន​ចូលទៅ​ក្នុង​ខ្លួន​យើង ដោយ​វា​បង្ក​ឲ្យ​ខ្សោះ​ជាតិ​ទឹក​ក្នុង​ខ្លួន ប្រែប្រួល​សរសៃឈាម ប៉ះពាល់​ដល់​អ័រម៉ូន ថ្លើម និង​តម្រងនោម។ ក្រោយស្រវឹងស្រា គ្មានវិធី​បំបាត់​បញ្ហា​នេះបាន​ភ្លាមៗ​នោះទេ ប៉ុន្ដែ​មាន​វិធី​មួយចំនួន អាច​ជួយ​សម្រួល​ការ​ឈឺខ្លួនប្រាណ ឬបញ្ហា​មិនស្រួល​ខ្លួន​នានា​បាន។ វិធី​ទាំងនោះ មាន​ដូចជា៖ ១. ផឹកទឹកឲ្យបាន​ច្រើន ផឹកទឹកឲ្យ​បាន​ច្រើន គឺសំខាន់​ណាស់ ក្រោយយើង​ស្រវឹងស្រា ដោយសារ​ពេល​យើង​ផឹកស្រា ជាតិ​អាល់កុល បាន​រារាំង​តម្រងនោមមិន​ឲ្យ​ស្រូបយក​ជាតិ​ទឹក ដែល​បណ្ដាល​ឲ្យ​យើង​បាត់បង់​ជាតិ​ទឹក​ជាច្រើន​ក្នុង​ខ្លួន។ ២. ញ៉ាំឲ្យបាន​គ្រប់គ្រាន់ ក្រោយស្រវឹងស្រា យើង​អាច​មិនសូវ​ឃ្លាន​អាហារ តែ​ការ​ញ៉ាំអាហារ​បាន​គ្រប់គ្រាន់ គឺជា​រឿងល្អបំផុត ព្រោះ​វាជួយ​ឲ្យ​យើង​មាន​កម្លាំង​ឡើង​វិញ និង​ជួយ​បង្ការ​រោគសញ្ញា​ជំងឺ​ក្រពះ-ពោះវៀន។ ៣. លេបថ្នាំ ថ្នាំបំបាត់​ការ​ឈឺចាប់ អាច​ជួយ​សម្រួល​បញ្ហា​ឈឺក្បាល និង​ការ​ឈឺចាប់​ខ្លួន​ប្រាណ​របស់​យើង ក្រោយ​ស្រវឹង។ យើង​ក៏អាច​ចាក់បញ្ចូល​ជាតិ​ទឹក IV Fluid ដើម្បី​បំបាត់​អាការៈ​មិនស្រួល​ខ្លួន​ផងដែរ។ អាការៈ​ក្រោយ​ស្រវឹង ជាធម្មតា មិន​បង្ក​គ្រោះថ្នាក់​នោះទេ ប៉ុន្ដែ​វា​បង្ក​បញ្ហា​សុខភាព​ជាច្រើន ជាពិសេស​សម្រាប់​អ្នក​ពុំសូវ​មាន​សុខភាព​ល្អ។ ការ​រង់ចាំ គឺជា​វិធី​រួម​មួយ ដែល​មនុស្ស​ច្រើន តែងធ្វើ​ក្រោយ​ស្រវឹង […]

ស្រាក្រហម ត្រូវផលិតឡើង​នៅ​តំបន់អឺរ៉ុប ហើយ​ទទួល​ការ​ពេញនិយម និង​ចែកចាយ នៅ​សឹង​ទូទាំង​ពិភពលោក។ ជាមួយ​នឹង​ភាព​ល្បីល្បាញ​នេះ អ្នកវិទ្យាសាស្ត្រ​អង់គ្លេស រកឃើញ​ថា ស្រា​ក្រហម ជួយ​ដល់​ប្រព័ន្ធ​រំលាយ​អាហារ​ទៀត បើធៀប​នឹង​គ្រឿងស្រវឹង​ផ្សេង​ទៀត។ ក្រុមអ្នកវិទ្យាសាស្ត្រ នៅ​សាកលវិទ្យាល័យ King's College London របស់​អង់គ្លេស រកឃើញ​ថា អ្នក​ផឹកស្រាក្រហម មាន​បាក់តេរី​ចម្រុះ​នៅ​ក្នុង​ប្រព័ន្ធ​រំលាយ​អាហារ ដែល​ជួយ​ដល់​សុខភាព​ក្រពះ-ពោះវៀន។ លោកស្រី Caroline Le Roy អ្នកដឹកនាំ​ការសិក្សា ប្រាប់​កាសែត AFP ថា បើមាន​បាក់តេរី​ចម្រុះ កាន់តែ​ច្រើន វានឹង​ជួយ​ដល់​ប្រព័ន្ធ​រំលាយ​អាហារ​កាន់តែ​ល្អ។ វា​ជួយ​ប្រឆាំង​ជំងឺ និង​ផលិត Metabolites ចេញពី​អាហារ។ អ្នកវិទ្យាសាស្រ្ត​ថា សមាសធាតុ Polyphenols នៅ​លើ​សំបក​ផ្លែ​ទំពាំងបាយជូរ មាន​មុខងារ​បង្កើន​ដង់ស៊ីតេ​បាក់តេរី​ក្នុង​ក្រពះ-ពោះវៀន។ គួរបញ្ជាក់​ថា បាត់តេរី ក្នុង​ក្រពះ-ពោះវៀន មាន​តួនាទី​សំខាន់​ណាស់ សម្រាប់​សុខភាព​របស់​យើង ព្រោះ​អតុល្យភាព នៃ​បាក់តេរី​ល្អ និង​បាក់តេរី​អាក្រក់ នឹង​បង្ក​ផលប៉ះពាល់​ផ្សេងៗ ដូចជា ខ្សោយ​ប្រព័ន្ធ​ការពារ ឡើង​ទម្ងន់ និងលើស​​កូលេស្ដេរ៉ូល​។ អត្ថបទពាក់ព័ន្ធ៖ ផឹកស្រា​មួយ​ថ្ងៃ ២កែវ ជួយឲ្យ​អាយុ​កាន់តែ​វែងក្បែររយ ទោះយ៉ាងណា លោកស្រី […]

ស្ថាន​ភាពសុខភាព​មួយ​ចំនួន អាច​ធ្វើ​ឲ្យ​យើង​សន្លប់​​ភ្លាមៗ ហើយ​បើ​គ្មាន​ការ​សង្គ្រោះ​​បន្ទាន់ទេ អាច​ឈាន​ដល់​ស្លាប់​​ត្រឹម​រយៈ​ពេលប៉ុន្មាន​នាទី​ប៉ុណ្ណោះ។ ហេតុ​នេះហើយ ទើប​បណ្តាល​ប្រទេស​ជាច្រើន​តែង​បង្រៀន​ពលរដ្ឋ​ខ្លួនឲ្យ​ចេះ​វិធី​សង្គ្រោះ​បន្ទាន់ ហៅថា CPR ព្រោះ​អាច​ជួយ​ជីវិត​ជន​រងគ្រោះ​ បើ​សិន​ជា​ជួប​ករណី​បន្ទាន់​ណា​មួយ។ "Hello គ្រូពេទ្យ" ពេលនេះ នឹង​ណែ​នាំ​គ្នា​យើង​ពី​វិធីសង្គ្រោះ​បន្ទាន់ CPR ឲ្យ​បាន​យល់​ទាំង​អស់​គ្នា។ ១- អ្វី​ជា​វិធី​សង្គ្រោះ​បន្ទាន់ CPR? CPR ជា​ភាសា​បច្ចេកទេស​ នៃ​វិធី​សង្គ្រោះ​​ចលនាបេះដូង និងដង្ហើម ត្រូវ​ចាត់​ទុក​ជា​ការ​​សង្គ្រោះ​បន្ទាន់​ដើម្បី​ជួយ​ជីវិត នៅពេលប្រទះ​ឃើញ​គ្នា​យើងសន្លប់ ហើយ​​​ចង្វាក់​បេះដូង ​និង​ចង្វាក់​ដង្ហើមឈប់​ដើរ ដែល​បង្ក​ដោយ​ស្ថាន​ភាព​សុខភាព​មួយ​ចំនួន ជា​ពិសេស​ជំងឺ​គាំង​បេះដូង ដាច់សរសៃឈាមខួរក្បាល។ វិធី​សង្គ្រោះ​បន្ទាន់ CPR អាច​ជួយឲ្យ​បន្ត​ចរន្ត​ឈាម​មាន​អុកស៊ីហ្សែន​ឡើង​វិញ នឹង​​បន្ត​ទៅ​ដល់​ខួរ​ក្បាល​បាន ព្រោះ​បើ​មិន​ដូច​នោះ​ទេ ខួរ​ក្បាល​នឹង​ងាប់​ដោយ​សារ​តែ​គ្មាន​អុកស៊ីហ្សែន​ដើម្បី​ចិញ្ចឹម ហេតុ​​នេះ​ហើយទើប​វិធី​សង្គ្រោះ CPR មាន​សារសំខាន់​ណាស់​ ដើម្បី​ធ្វើឲ្យ​​ខួរ​ក្បាលអាច​​នៅ​រស់។ អំឡុង​ពេល ៤ នាទី​ដំបូង ពេល​គ្នា​យើង​ណា​​ម្នាក់​ឈប់​ដក​ដង្ហើម បេះ​ដូង​ឈប់​ច្របាច់​ឈាម យើង​អាច​និយាយ​បាន​ថា ជន​រងគ្រោះស្ថិត​​នៅ​ក្នុង​ដំណាក់​កាល​រៀប​នឹង​ស្លាប់ ប៉ុន្តែយើង​អាច​ជួយ​សង្គ្រោះ​ជីវិត​គ្នា​យើង​មក​វិញ​បាន ដោយ​អនុវត្ត​វិធីសង្គ្រោះ CPR នេះ ដើម្បី​ឲ្យចរន្ត​អុកស៊ីហ្សែន​អាច​បន្ត​ទៅ​ដល់​ខួរ​ក្បាល។ បន្ទាប់​ពី ៤-៦ ​នាទី បើ​គ្មាន​អុកស៊ីហ្សែន​ទេ កោសិកា​ខួរ​ក្បាល​នឹង​ចាប់​ផ្ដើម​ងាប់ ហើយ​ចាប់​ពី ១០​នាទី​ឡើង​ទៅ​ […]

ការចុចជីពចរ ជាវិធី​ព្យាបាល​មួយ​របស់​ជនជាតិ​ចិន ដោយ​ការចុច​ទីតាំង​ជីពចរ​នានាលើ​រាងកាយ ជួយ​បំបាត់​ការ​ឈឺក្បាល ចង់ក្អួត ឈឺខ្នង ឬ​បញ្ហា​គេងមិនលក់​ជាដើម។ ជាមួយគ្នានេះ មាន​ការ​ចុច​ជីពចរ ៤​ទីតាំង អាច​ជួយ​បង្កើន​មេតាប៉ូលិស​ក្នុង​រាងកាយ​​យើង ដោយ​វាអាច​ជួយ​ឲ្យ​ស្រក​ទម្ងន់បាន​។ ១. បបូរមាត់ខាងលើ ចុចថ្មមៗ​លើ​ទីតាំង​នៅ​ចន្លោះ​បបូរមាត់​ខាងលើ និង​ច្រមុះ។ ត្រង់ចំណុច​នេះ គេហៅថា Shuigou Spot ហើយ​ការម៉ាស្សា​ចំណុចនេះ ពី ២-៣​នាទី រាល់​ថ្ងៃ អាច​ជួយ​ជំរុញ​មេតាប៉ូលិស។ ២. គន្លាក់ដៃខាងក្នុង បត់ដៃ​ឡើង​យឺតៗ ដើម្បីឲ្យ​ចំណុច​ជីពចរ​នេះ លេចឡើង ព្រោះ​ចំណុច​ជីពចរ​នេះ នៅស្ថិតនៅ​ក្រោម​ផ្នត់​សន្លាក់​គន្លាក់​កំភួន​ដៃ ប្រមាណ ២,៥​សង់ទីម៉ែត្រ រហូត​ដល់​គន្លាក់ដៃ​ខាងក្នុង។ ការប្រើ​មេដៃ ចុច​ត្រង់​ចំណុច​ជីពចរនេះ ពី ២-៣​នាទី អាច​ជួយ​ជំរុញ​មុខងារពោះវៀន។ ៣. ជីពចរ​ត្រចៀក ដាក់​ម្រាមដៃ​លើ​គល់ថ្គាម បន្ទាប់​មក​រុញម្រាមដៃ​ពីគល់​ថ្គាម ចុះក្រោម ហើយ​ដាក់​ម្រាម​ដៃ ត្រង់​ចំណុច​ណាមាន​ចលនា​ខ្លាំងជាងគេ។ ចុច​ត្រង់​ចំណុច​នោះ ពី ១-២​នាទី រាល់​ថ្ងៃ អាចជួយ​គ្រប់គ្រង​ការ​ឃ្លាន​អាហារ។ អត្ថបទពាក់ព័ន្ធ៖ ចុចទីតាំង​ទាំង ១៤ ​លើរាងកាយ​នេះ អាច​បំបាត់​អាការៈឈឺចាប់​នានា ៤. ជីពចរ​មេដៃ លាបាតដៃ ហើយ​ចុចលើ​ជីពចរ​មេដៃ ដោយ​ការ​ចុច​ជីពចរ​មេដៃ ប្រមាណ ២នាទី […]

១- អ្វី​ទៅ​ជា​អាការៈ​ក្រោយ​ស្រវឹង? អាការៈ​ក្រោយ​ស្រវឹង ជារោគ​សញ្ញា ​កើត​ឡើង​បន្ទាប់​ពី​ផឹក​ស្រាច្រើន​លើស​កម្រិត។ វា​មិន​ត្រឹម​តែ​ពិបាក​ក្នុង​ខ្លួន​ប៉ុណ្ណោះ​ទេ ​អាច​ធ្វើ​លទ្ធផល​ការងារប្រចាំ​ថ្ងៃ​យើង​​មិន​ល្អ ក៏​​អាចបង្ក​ឲ្យ​​មាន​ជម្លោះ​ក្នុង​ការងារ​ទៀត​ផង។ ជា​ទូទៅ ផឹក​ស្រា​កាន់​តែ​ច្រើន អាការៈក្រោយ​ស្រវឹង​នៅ​ថ្ងៃ​បន្ទាប់​កាន់​តែ​ធ្ងន់ធ្ងរ ហើយ​ក៏​គ្មាន​ថ្នាំ​ទិព្វ​ឯ​ណា​ ​អាចជួយ​យើងអាច​​ផឹក​ស្រាច្រើន ប៉ុន្តែ​ស្រវឹង​តិច​បាន​នោះ​ដែរ។ ទោះ​អាការៈ​ក្រោយ​ស្រវឹង ជា​អាការៈ​មិន​ល្អ​ក៏​ដោយ តែវា​នឹង​បាត់​ទៅ​វិញ​ដោយ​ខ្លួន​ឯង ​ដោយយ៉ាង​យូរ​បំផុត ​ត្រឹមរយៈ ២៤ ​ម៉ោង។ ​បើយើង​​ជ្រើស​រើសផឹកស្រា ត្រូវ​ផឹក​ដោយ​ការ​ទទួល​ខុស​ត្រូវ ដើម្បី​ចៀស​កុំ​ឲ្យ​មាន​អាការៈ​ក្រោយ​ស្រវឹង​ខ្លាំង។ ២- អាការៈ​ក្រោយ​ស្រវឹង​កើត​ឡើង​ញឹក​ញាប់​ដែរទេ? អាការៈក្រោយ​ស្រវឹង ​កើត​ឡើង​ញឹក​ញាប់​ណាស់ ឲ្យ​តែ​ផឹក​ស្រា ឬ​ជាតិ​អាល់កុល​ច្រើន មិន​ថា​ស្រី មិន​ថា​​ប្រុស សុទ្ធតែ​អាច​ប្រឈម​អាការៈ​ស្រវឹង​ខ្លាំង និង​ធ្វើ​ទុក្ខ​ក្រោយ​ស្រវឹង​ទាំង​អស់។

១- អ្វី​ជា​ការ​ដាក់​កាតេទែរ​ក្នុង​បេះដូង? ដាក់​កាតេទែរ​ក្នុង​បេះដូង ​ជា​ទម្រង់​រោគ​វិនិច្ឆ័យ សំដៅ​លើ​ការ​​ដាក់​បំពង់​កាតេទែរ​ចូល​ថត​ខាង​ឆ្វេង ឬ​ថត​ខាង​ស្តាំ​របស់​បេះដូង ដើម្បី​វាស់​សម្ពាធ​ឈាម​នៅ​ខាង​ក្នុង។ កាតេទែរ​ដាក់​ចូល​ថត​ខាង​ស្តាំ​ហៅថា Pulmonary Artery Catheterization ក្នុង​គោល​បំណង​តាម​ដាន​មើល​ដំណើរ​ការ​បេះដូង​ និង​សរសៃ​ឈាម​ ព្រម​ទាំង​ព្យាបាល​ជំងឺ​បេះដូង​មួយ​ចំនួន​ទៀត​ផង។ សម្រាប់​កាតេទែរ​ ដាក់​ខាង​ឆ្វេង​វិញ គឺ​ដាក់​នៅក្នុង​ប្រឹស Aortic ទៅ​កាន់​ថត​លើ​ខាង​ឆ្វេង​​បេះដូង។ ករណី​ខ្លះ ពេទ្យ​​អាច​ដាក់​កាតេទែរ​ទាំង​ពីរ​សង​ខាង​ក្នុង​ពេល​ជា​មួយគ្នា​តែម្តង។ ការ​ដាក់​កាតេទែរ​ក្នុង​បេះដូង ​និង​ការ​ថត​សរសៃ​ឈាម​បេះដូង​ដោយ​កាំ​រស្មី​អ៊ិច ​ជា​វិធី​ពីរ​ផ្សេង​គ្នា តែ​ករណី​ខ្លះ​គ្រូពេទ្យ​អាច​ធ្វើ​វា​ក្នុង​ពេល​តែ​មួយ ហើយ​ការ​ថត​សរសៃ​ឈាម​បេះដូង​ដោយ​ប្រើ​កាំរស្មី​អ៊ិច គ្រូពេទ្យ នឹង​ដាក់​ទឹក​ថ្នាំ​ពណ៌ក្នុង​បំពង់​តូច​ៗបញ្ចូល​ក្នុង​សរសៃ​ឈាម បន្ទាប់​មក​ម៉ាស៊ីន​កាំ​រស្មី​អ៊ិច​ នឹង​ថត​លំហូរ​ទឹក​ថ្នាំ​ អាចឲ្យ​ដឹង​ថា​ឈាម​បាន​ហូរ​ទៅ​ចិញ្ចឹម​បេះដូង​គ្រប់​គ្រាន់​ឬទេ។ តេស្ត​នេះ គ្រូពេទ្យ​ប្រើ​ដើម្បី​ធ្វើ​រោគវិនិច្ឆ័យ​ជំងឺ​សរសៃ​បេះដូង។ ២- ហេតុអ្វី​ត្រូវ​ធ្វើ​រោគវិនិច្ឆ័យ​​មួយនេះ? តេស្ត​បែបនេះ ធ្វើ​ឡើង​ពេល​គ្រូពេទ្យ​សង្ស័យ​យើង​មាន​ជំងឺ​ទាក់ទង​ប្រឹស​បេះដូង ជំងឺ​បេះដូង និង​សរសៃ​ឈាម​បេះដូង។ ក្នុង​ករណី​សម្ពាធ​ឈាម​មិន​អាច​គ្រប់គ្រង​បាន ចង្វាក់បេះដូង​មិន​ប្រក្រតី ឬ​យើង​មានជំងឺដាច់​សរសៃ​ឈាម​បេះដូង​ស្រួចស្រាវ ខ្វះ​គ្រាប់ឈាម​ក្រហម​ខ្លាំង ហូរឈាម ខ្សោយ​បេះដូង និង​ការ​ឆ្លង​រោគ​ផ្សេង​ទៀត គ្រូពេទ្យនឹង​មិន​ធ្វើ​រោគវិនិច្ឆ័យ​ដោយ​វិធី​នេះ​ទេ។

បេះដូងជាផ្នែកសំខាន់បំផុតក្នុងរាងកាយ និងការពារដោយស្រទាប់ក្រាស់នៃជាលិកា ហើយជាកន្លែងច្របាច់ និងចែក​ចាយ ឈាម​ទៅចិញ្ចឹមសរីរាង្គពេញរាងកាយ។ បើបេះដូងមានបញ្ហា ច្បាស់ជាវីវរមិនខាន។ “Hello ពេទ្យ” នឹងណែនាំគ្នាយើងឲ្យស្គាល់ជំងឺមួយប្រភេទកើតមានលើបេះដូង គឺជំងឺរលាកបេះដូង កើតដោយការឆ្លងមេរោគតាមរយៈសរសៃឈាមទៅបេះដូង។ ជំងឺនេះអាចស្ថិតក្នុងកម្រិតស្រាល ប៉ុន្តែបើមិនដឹងរោគសញ្ញា ហើយពន្យារពេលព្យាបាលកាន់តែយូរ នឹងមានគ្រោះថ្នាក់ដល់ជីវិតបាន។ ជំងឺ​នេះ​បែងចែក​ជា​ ៣ ប្រភេទ៖ ១- ​ជំងឺរលាកភ្នាសបេះដូង (Endocarditis) Endocarditis ជាជំងឺរលាកភ្នាសបេះដូង ដែលជាស្រទាប់ក្រាលផ្ទៃថត និងប្រឹសបេះដូង។ វាកើតពេលបាក់តេរី ផ្សិត ឬមេរោគផ្សេងទៀតវាយប្រហារបេះដូង តាមរយៈចរន្តឈាម មានទាក់ទងតំបន់មិនប្រក្រតីមួយចំនួនក្នុងបេះដូង នាំឲ្យបេះដូងខូចលឿន ឬយឺត និងធ្ងន់ធ្ងរ ហើយករណីខ្លះអាចស្លាប់ទៀត។ រលាកភ្នាសបេះដូងមាន ២ប្រភេទ អាស្រ័យលើមេរោគឆ្លងតាមចរន្ដឈាម និងបញ្ហារបស់បេះដូង គឺរលាកបេះដូងកម្រិតធ្ងន់ (មានការវិវត្ដលឿន) និងរលាកបេះដូងកម្រិតធម្យម (មានការវិវត្តយឺត)។ វាប៉ះពាល់លើគ្នាយើងដែលប្រើប្រឹសបេះដូងសិប្បនិម្មិត ដាក់ឧបករណ៍ជំនួយបេះដូង ឬសរសៃឈាម មានជំងឺខូចបេះដូងពីកំណើត។ គ្នាយើងដែលមានប្រឹសបេះដូងប្រក្រតី ក៏​អាចមានជំងឺនេះដែរ ប៉ុន្តែភាគច្រើនកើតលើគ្នាយើងមានបេះដូងមិនប្រក្រតី។ កត្តាមួយចំនួនបណ្ដាលមកពីការឆ្លងបាក់តេរីក្នុងឈាម កាន់តែងាយប្រឈមមុខនឹងជំងឺនេះ មានដូច​ជា អត់អនាម័យមាត់ធ្មេញ សុខភាពធ្មេញ និងអញ្ចាញមិនល្អ ធ្លាប់មានជំងឺនេះពីមុន ចាក់ថ្នាំតាមសរសៃ និងសុងរយៈពេលយូរ។ គ្នាយើងមានជំងឺរលាកបេះដូង តែងមានរោគសញ្ញា និងអាការៈខុសៗគ្នា ប៉ុន្តែជាទូទៅ ក្ដៅខ្លួន គ្រុនក្ដៅ […]

រឿង​ឡើង​ឋាន​សួគ៌ ឬ​សិច ជា​បេសកកម្ម​ស្វែង​រក​សុភមង្គល​របស់​មនុស្ស​ម្នាក់ៗ។ ប៉ុន្តែ ចំពោះ​អ្នក​មាន​បញ្ហា​បេះដូង ឬ​ជំងឺ​បេះដូង អាច​ស្ទាក់​ស្ទើរ​ ហើយ​មាន​ចម្ងល់​ក្នុង​ចិត្ត​​ មិន​ដឹង​ថា​ឡើង​ឋានសួគ៌​ជួយ​ដល់​សុខភាព​បេះដូង ឬ​ក៏​ធ្វើ​ឲ្យ​ស្ថានភាព​ជំងឺ​កាន់​តែ​ដុនដាប។ អ្នក​ខ្លះ​បារម្ភ​រហូត​ដល់​លែង​មាន​ចំណង់​ផ្លូវ​ភេទ​អស់​រលីង។ “Hello គ្រូពេទ្យ” មាន​ការ​បកស្រាយ​មួយ​ចំនួន ចង់​បញ្ជាក់។ បើ​តាម​សមាគម​សុខភាព​បេះដូង​​អាមេរិក (American Heart Association) ថា ទោះ​មាន​ជំងឺ​បេះដូង​ក៏​ដោយ ប្រតិបត្តិការ​សិច​មិន​មាន​បញ្ហា​អ្វី​ឡើយ ពោល​គឺ​មាន​សុវត្ថិភាព​ពេញ​ប៉ឹប​តែ​ម្ដង។ ១- សិចជាការហាត់ប្រាណ? ចម្លើយ គឺ​មែន! ដាក់​កាលវិភាគ​ ហើយ​ចាត់​ចែង​ការងារ​លើស​គ្រែ​ទៀងទាត់ ប្រៀប​ដូច​​​​ហាត់​ប្រាណ​បែប​ស្រាលៗ ទៅ​មធ្យម អ៊ីចឹង។ ​បើ​​យើង​អាច​ដើរ​បាន​រហ័សរហួន ឬ​ក៏អាច​ឡើង​ជណ្តើរ​ជើង​បាន ២ ជាន់ ដោយ​គ្មាន​ចេញ​សញ្ញា ដូច​ជា ឈឺ​ទ្រូង​ទេ នោះ​យើង​ពិត​ជា​អាច​រួម​ភេទ​បាន​​ធម្មតា​ដូច​គេ​ដូច​ឯង។ សិច​មិន​អាច​ដុត​​កាឡូរី​ប្រចាំ​ថ្ងៃ​របស់​យើង​ទេ។ ប៉ុន្តែ ជាទូទៅ​ ការ​រួម​ភេទ​ពី ៥-១៥ នាទី ស្មើ​យើង​ដើរ ២០ នាទី។ ២- សិចល្អចំពោះបេះដូងអត់? ការ​សិក្សា​បង្ហាញ​ថា ប្រុសៗ​រួម​សិច​តែ​ម្តង ឬ​អត់​សោះ ក្នុង​មួយ​ខែ អាច​មាន​ជំងឺ​បេះដូង​ជាង​ប្រុសៗ ​រួម​ភេទ ២ ដង ឬ​ច្រើន​ជាង​នេះ​ក្នុង​មួយ​សប្តាហ៍។ យ៉ាងណា ការ​សិក្សា​នេះ​មិន​បាន​បញ្ជាក់​ថា […]