home

គន្លឹះសុខភាពផ្លូវភេទ

គន្លឹះសុខភាពផ្លូវភេទ - ក្នុង​ផ្នែក​នេះ ​បងប្អូន​អាច​ស្វែងយល់​ពី​បញ្ហា​​ផ្នែក​សុខភាព​ផ្លូវ​ភេទ ការ​ការពារ ដើម្បី​រួមភេទ​ដោយ​ស្រណុកសុខស្រួល រួមភេទ​ដល់​ចំណុច​កំពូល ប្រការ​គួរ និង​មិន​គួរ​ធ្វើ​ពេល​កំពុង​បើកយុទ្ធនាការ​លើ​គ្រែ ប្រកប​ដោយ​ក្ដីសុខ និង​សុវត្ថិភាព

ចំណេះដឹងទូទៅ

គន្លឹះសុខភាពផ្លូវភេទ

ពិត​ណាស់​ មាន​ឧបសគ្គ​​ជា​ច្រើន​ទាំង​ផ្នែក​រាងកាយ​ ផ្លូវ​ចិត្ត​ និង​បរិយាកាស​ដែល​អាច​ប៉ះពាល់​ដល់​ចំណង់​ផ្លូវ​ភេទ​ ​ភាព​ពេញ​ចិត្ត​ខាង​ផ្លូវ​ភេទ​ និង​សមត្ថភាព​ដែលបណ្ដាលឲ្យ​​​រួមភេទមិន​ដល់​ចំណុច​កំពូល​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​របស់​ស្រីៗ​យើង​។​ ​មូលហេតុអ្វី​បាន​ជា​រួមភេទ​មិន​ដល់​ចំណុច​កំពូល? យើងនឹង​លម្អិត​បញ្ហា​ការ​រួមភេទ ​៣ ដែល​អាច​រារាំង​យើង​ពី​អារម្មណ៍​សុខ​ស្រួល។ ១. ​មិន​មាន​អារម្មណ៍​សុវត្ថិភាព​ ​អារម្មណ៍​ភ័យ​ខ្លាច​ ​ខុស​ឆ្គង​ អាម៉ាស់​ ខឹង រង​របួស ​ឬ​​ស្រ្តេស​សុទ្ធ​តែ​​​អាច​រារាំង​យើង​ក្នុង​ការ​ទទួល​បាន​អារម្មណ៍​រីករាយ​ និង​ឈាន​ដល់​ចំណុច​កំពូល​។ ជាក់​ស្ដែង ស្រីៗ​យើង​ត្រូវការ​​អារម្មណ៍​សុវត្ថិភាព​ទាំង​ផ្លូវ​កាយ​ និង​ផ្លូវ​ចិត្ត​​ដើម្បី​ឲ្យ​ប្រតិបត្តិ​លើ​គ្រែ​កាន់​តែ​​ដំណើរ​ការ​បាន​រលូត​។​ ដូច្នេះ​ហើយ​ វា​មាន​សារសំខាន់​ណាស់​ក្នុង​ការ​បង្កើត​បរិយាកាស​សុវត្ថិភាព​​នៅ​រាល់​ពេល​រួម​ភេទ​​ជាមួយ​នឹង​ដៃគូ​។ ២. ឈឺចាប់​នៅ​ពេល​រួម​ភេទ​ ​​​ទន្ទឹម​នឹង​អារម្មណ៍​សុវត្ថិភាព​ និង​ជៀស​ផុត​ពី​ការ​រំខាន​ផ្សេង​ៗ​ ការ​រួម​ភេទ​គួរ​តែ​ធ្វើ​ឲ្យ​យើង​​មាន​អារម្មណ៍​សុខ​ស្រួល​។​ ប៉ុន្តែ​ ប្រសិនបើ​​ស្រីៗ​យើង​មាន​អារម្មណ៍​ឈឺ​ចាប់​ ក្រហាយ​ ឬ​រលាក​ យើង​អាច​នឹង​មាន​ការ​ថប់បារម្ភ ឬ​លែង​ចង់​រួម​ភេទ​តទៅ​ទៀត។ មួយ​វិញ​ទៀត​​ យើង​អាច​​មាន​អារម្មណ៍​ស្រ្តេស​ និង​តានតឹង​ ដែល​ជះឥទ្ធិពល​​មិន​ល្អ​ក្នុង​ការ​ដាស់​​អារម្មណ៍​។ បញ្ហា​ទាំង​​នេះ​ក៏​អាច​កើត​ឡើង​នៅ​ពេល​ដែល​យើង​មាន​វ័យ​ខ្ទង់​២០​ឆ្នាំ ​ដោយសារ​តែ​​អ័រម៉ូន​សំខាន់​ៗ​ជា​ច្រើន​ រួម​​ទាំង​DHEA​ធ្លាក់​ចុះ​ នៅ​ក្នុង​វ័យ​នេះ​​។​ បន្ថែម​ពី​នេះ​ អាការៈ​ស្ងួត​ទ្វារ​មាស​ក៏​អាច​ធ្វើ​ឲ្យ​ស្ថានភាព​កាន់​តែ​អាក្រក់​ទៅ​ៗ ហើយ​pHអាច​នឹង​រង​ផល​ប៉ះពាល់​ ដែល​បណ្ដាល​ឲ្យ​មាន​ការ​ឆ្លង​មេរោគ​កាន់​តែ​ច្រើន​។​ ជា​ទូទៅ​ ការ​ឈឺចាប់​នៅ​ពេល​រួម​ភេទ អាច​កើត​មាន​​​ ដោយ​សារ​តែ​បង្ហួរ​នោម​​​ស្ដើង​​ និង​បាត់បង់​ភាព​យឺត​នៃ​កោសិកា​ទ្វារ​មាស ទើប​ធ្វើ​ឲ្យ​ស្រី​ៗ​យើង​មិន​អាច​មាន​ភាព​ស្និទ្ធស្នាល​ជាមួយ​នឹង​ដៃ​គូ​។ ៣. សាច់​ដុំ​បាត​អាង​ត្រគាក​ចុះ​ខ្សោយ​ ​​​​ស្រី​ៗ​ភាគ​ច្រើន​ចាប់ផ្ដើម​ចុះ​ខ្សោយ​សាច់ដុំ​អាង​ត្រគាក​ នៅ​ពេល​ដែល​មាន​វ័យ​៤០​ឆ្នាំ ដែល​កត្តា​នេះ​អាច​បណ្ដាល​ឲ្យ​មាន​ការ​ថប់បារម្ភ​ នៅ​ពេល​រួម​ភេទ​។ ជាង​នេះ​ទៅ​ទៀត​ ការ​ធាត់​ជ្រុល​ក៏​អាច​ធ្វើ​ឲ្យ​សាច់ដុំ​អាង​ត្រគាក​ខ្សោយ​ថែម​ទៀត​ នៅ​ពេល​ដែល​ទម្ងន់​លើស​រុញ​ចុះ​ទៅ​ពោះ​។​ ​ជំងឺ​ទឹក​នោម​ផ្អែម​ […]

ស្វែងរក​បន្ថែម​ទៀត គន្លឹះសុខភាពផ្លូវភេទ អត្ថបទ

គន្លឹះសុខភាពផ្លូវភេទ

​នៅ​ពេល​ដែល​មាត់​​ស្បូន​ជាំ​ យើង​អាច​នឹង​មាន​អារម្មណ៍​ឈឺចាប់​ខ្លាំង​នៅ​បរិវេណ​អាង​ត្រគាក​ ឬ​​​ពោះ​ផ្នែក​ខាង​ក្រោម​ ឬ​មិន​ស្រួល​នៅ​ក្នុង​ខ្លួន​ ដែល​ស្រដៀង​ទៅ​នឹង​​អាការៈ​ចុក​ពោះ​។​ បញ្ហា​នេះ​ កើត​ឡើង​បណ្ដាល​មក​ពី​សកម្មភាព​ផ្លូវ​ភេទ​ខ្លាំង​ក្លា​ពេក​។ ពិត​ណាស់​ មាត់​ស្បូន​ក៏​ដូចជា​ផ្នែក​ដទៃ​ទៀត​នៃ​រាងកាយ​ដែល​អាច​ហើម​ នៅ​ពេល​ដែល​ឈឺចាប់​។​ ​​វា​​ក៏​ងើប​​ឡើង​​ជាមួយ​នឹង​ការ​ស្រើបស្រាល​ខាង​ផ្លូវ​ភេទ​ នៅ​ពេល​ដែល​ទ្វារ​មាស​​លាត​សន្ធឹង​ ដោយ​សារ​តែ​មាន​ការ​ផ្លាស់ប្ដូរ​លំហូរ​ឈាម​ទៅ​កាន់​តំបន់​នោះ​។​ ដូច្នេះ​ហើយ​ នៅ​ពេល​ដែល​មាត់​ស្បូន​ទាប វា​ងាយ​នឹង​រង​កាយ​វាយ​ប្រហារ​។ សញ្ញា​ និង​រោគ​សញ្ញា​ ប្រសិនបើ មាត់​ស្បូន​​មាន​អាការៈ​ជាំ​ ស្រីៗ​យើង​នឹង​​ទទួល​អារម្មណ៍​ភ្លាម​ៗ​ ហើយ​វា​អាច​បន្ត​នៅ​ថ្ងៃ​បន្ទាប់​។​ ជា​ទូទៅ​ ​ការ​ជាំ​មាត់​ស្បូន​ ​នឹង​ធ្វើ​ឲ្យ​យើង​​មាន​អារម្មណ៍​៖ ឈឺ​ ឬ​ចុក​ចាប់៖ ​យើង​នឹង​មាន​អារម្មណ៍​ឈឺចាប់​នៅ​ខាង​ក្នុង​ ហើយ​វា​អាច​ធ្ងន់ធ្ងរ​ជាង​ការ​ឈឺចាប់​នៅ​អំឡុង​ពេល​មក​រដូវ​។ ឈឺចាប់​នៅ​ពេល​រួម​ភេទ៖ ការ​រួម​ភេទ​​បន្ទាប់​ពី​​យើង​​មាន​​អាការៈ​ជាំ​មាត់​ស្បូន​ អាច​ឈឺ​ចាប់​ រហូត​ដល់​វា​ជា​សះ​ស្បើយ​ទាំង​ស្រុង​។ ការ​ធ្លាក់​ឈាម​៖ វា​អាច​មាន​ធ្លាក់​ឈាម​តិចតួច​ បន្ទាប់​ពី​ការ​រួម​ភេទដោយ​ប្រើ​កម្លាំង​​ខ្លាំង​ក្លា​ ចង្អោរ​៖ ការ​ឈឺ​ និង​ចុក​ចាប់​ អាច​បណ្ដាល​ឲ្យ​មាន​អាការៈ​ចង្អោរ​ផង​ដែរ​។ ការ​ព្យាបាល​​អាការៈ​ជាំ​មាត់​ស្បូន​ ​ជា​ធម្មតា​ មាត់​ស្បូន​ជាំ​អាច​ជា​សះ​ស្បើយ​ដោយ​ខ្លួន​ឯង​ និង​មិន​ចាំបាច់​ប្រើ​រយៈពេល​យូរ​ឡើយ​ ដែល​ប្រហែល​ជា​មួយ​សប្ដាហ៍​​ប៉ុណ្ណោះ​។​ ជាក់​ស្ដែង​ ទ្វារ​មាស​គឺ​ជា​សរីរាង្គ​ដ៏​​អស្ចារ្យ​មួយ​ ដែល​អាច​ព្យាបាល​ខ្លួនឯង​​​បាន​​យ៉ាង​ឆាប់​រហ័ស​។ ដូច្នេះ​ហើយ​​ វិធី​ដ៏​ល្អ​បំផុត​គឺ​ជៀសវាង​ការ​រួម​ភេទ​ និង​ការ​បញ្ចេញ​សកម្មភាព​ខ្លាំងក្លា​​ ដើម្បី​ទុក​ពេល​ឲ្យ​រាងកាយ​បាន​ជា​សះ​ស្បើយ​ទាំង​ស្រុង​។

គន្លឹះសុខភាពផ្លូវភេទ

ខណៈ​ដែល​ចំណង់​ផ្លូវ​ភេទ​ទាប គឺ​ជា​រឿង​ដ៏​គួរ​ឲ្យ​បារម្ភ​​សម្រាប់​​មនុស្ស​ភាគ​ច្រើន​ ប៉ុន្តែ​គ្នា​យើង​ខ្លះ​ទៀត​បែរ​ជា​មាន​ចម្ងល់​​​ទាក់ទង​នឹង​បញ្ហា​ចំណង់​ផ្លូវ​ភេទ​ខ្ពស់​ទៅ​វិញ។​ ជា​រួម​ ចំណង់​ផ្លូវ​ភេទ​គឺ​ទាក់ទង​នឹង​អារម្មណ៍​របស់​​បុគ្គល​ម្នាក់​​ៗ​ប៉ុណ្ណោះ​។​ ប្រសិនបើ​​ចំណង់​ផ្លូវ​ភេទ​ប៉ះពាល់​ដល់​សមត្ថភាព​​ក្នុង​ការ​ផ្ដោត​អារម្មណ៍​លើ​កិច្ចការ​ប្រចាំ​ថ្ងៃ​ ​វា​អាច​បណ្ដាល​មក​ពី​កត្តា​ចម្បង​មួយ​ចំនួន​​ខាង​ក្រោម​នេះ​។ ​​​​​​១. អ័រម៉ូន​ អ័រម៉ូនTestosterone មាន​ការ​ពាក់ព័ន្ធ​នឹង​មុខងារ​ផ្លូវ​ភេទ​ និង​ចំណង់​ផ្លូវ​ភេទ​ទាំង​ចំពោះ​​បុរស​ និង​​ស្ត្រី​ ហើយ​នៅ​ពេល​ដែល​អ័រម៉ូន​នេះ​ខ្ពស់​ ចំណង់​ផ្លូវ​ភេទ​របស់​យើង​ក៏​ខ្ពស់​ដូច​គ្នា។​ ​កត្តា​​បែបបទ​រស់​នៅ​ និង​ដំណើរ​ការ​នៃ​រាងកាយ​ជា​ច្រើន​ បាន​ផ្សារ​ភ្ជាប់​នឹង​ការ​កើន​ឡើង​នៃ​អ័រម៉ូន​​ Testosterone ដូចជា​ការ​ធ្វើ​លំហាត់​ប្រាណ​ទៀងទាត់​ ការ​បញ្ចេញ​ពង​អូវុល​ ​ឬ​ការ​ឈាន​ដល់​វ័យ​ពេញ​ជំទង់​។​ ​លើស​ពី​នេះ​ ទាំង​អ័រម៉ូន​Estrogen និង​Progesterone ក៏​ប៉ះពាល់​ដល់​ចំណង់​ផ្លូវ​ភេទ​ផង​ដែរ​។​ ២. របប​អាហារ​ ជាមួយ​គ្នា​នេះ​ដែរ​ អាហារ​​ជាក់លាក់​ខ្លះ​​ ​ក៏​​អាច​បង្កើន​ចំណង់​ផ្លូវ​ភេទ​ចំពោះ​មនុស្ស​មួយ​ចំនួន​។​ ​យោង​តាម​អ្នក​ឯក​ទេស​ខាង​រោគ​ស្ត្រី​បាន​បញ្ជាក់​ថា​ ​ទាំង​សូកូឡា​ និង​ឈីស​​ផ្ទុក​សារធាតុ Phenylethylamine ​ជា​ថ្នាំ​Amphetamine​ធម្មជាតិ​ ដែល​​ផលិត​ដោយ​ខួរ​ក្បាល​ ដើម្បី​ឆ្លើយតប​នឹង​អារម្មណ៍​ស្នេហា​។​ ​រី​ឯ​សារធាតុ​ Aphrodisiacs​ទូទៅ​មួយ​ចំនួន​ដែល​មាន​នៅ​ក្នុង​​អ័យស្ទ័រ ផ្លែ​ប័រ​ និង​ខ្លាញ់​អូមេហ្គា​៣​ ផ្ទុក​វីតាមីន​ និង​សារធាតុ​រ៉ែ​ ដែល​ទ្រទ្រង់​សុខភាព​ទាំង​មូល​ រួម​ទាំង​សុខភាព​អ័រម៉ូន​ និង​សុខភាព​ផ្លូវ​ភេទ​។ ៣. គ្រឿង​ស្រវឹង​ ជា​ទូ​ទៅ​ គ្រឿង​ស្រវឹង​ក៏​អាច​ធ្វើ​ឲ្យ​គ្នា​យើង​ជា​ច្រើន​កើន​ឡើង​ចំណង់​ផ្លូវ​ភេទ​​ដូច​គ្នា។​ ការ​ផឹក​គ្រឿង​ស្រវឹង​​អាច​​​​បង្កើន​ភាព​ស្រើបស្រាល​ និង​អារម្មណ៍​រីករាយ​សម្រាប់​ស្ត្រី​ភាគ​ច្រើន។​ កត្តា​នេះ​ អាច​មក​ពី​គ្រឿង​ស្រវឹង​បង្កើន​អ័រម៉ូន​Testosterone​សម្រាប់​មនុស្ស​ស្រី​ ប៉ុន្តែ​​កាត់​បន្ថយ​ប្រតិកម្ម​​នៃ​ប្រដាប់​បន្ត​ពូជ ដែល​ធ្វើ​ឲ្យ​ស្រីៗ​កាន់​តែ​ពិបាក​ក្នុង​ការ​ឈាន​ដល់​ចំណុច​កំពូល​។​ ៤. សម្រេច​កាម​ដោយ​​ខ្លួន​ឯង​ញឹកញាប់​ ​ចំណែក​ឯ​ការ​សម្រេច​កាម​ដោយ​ខ្លួន​ឯង​​ញឹកញាប់​ ​ក៏​រួម​ចំណែក​ក្នុង​ការ​​បង្កើន​ចំណង់​ផ្លូវ​ភេទ​​។​ នៅ​ពេល​ដែល​យើង​មិន​អើពើ​នឹង​អារម្មណ៍​ស្រើបស្រាល​​​របស់​រាងកាយ​​រយៈពេល​យូរ​​ ដោយ​សារ​តែ​បញ្ហា​ស្រ្តេស​ […]

គន្លឹះសុខភាពផ្លូវភេទ

ពិត​ណាស់​ ការ​រួម​ភេទ​ផ្ដល់​អត្ថប្រយោជន៍​ជា​ច្រើន​ដ៏​សុខភាព​​​​របស់​ស្រីៗ​យើង​​ ដូចជា​កាត់​បន្ថយ​ស្រេ្តស​ ពង្រឹង​ប្រព័ន្ធ​ភាព​ស៊ាំ​ ​បន្ថយ​សម្ពាធ​ឈាម​ ក៏​ដូចជា​​​ជួយ​ឲ្យ​គេង​លក់​ស្រួល​។​ ជាមួយ​គ្នា​នេះ​ដែរ​ ការ​រួម​ភេទ​ក៏​ជួយ​ដល់​សម្រស់​របស់​ស្រីៗ​យើង​ដូច​គ្នា​ ​ដោយ​ធ្វើ​ឲ្យ​ស្បែក​ និង​សក់​រឹងមាំ ជួយ​ឲ្យ​​​យើង​នៅ​ក្មេង​ជាង​វ័យ​ ព្រម​ទាំង​កាត់​បន្ថយ​មុន​។​ ប៉ុន្តែ​ពេល​ខ្លះ​ បន្ទាប់​ពី​​បញ្ចប់​​ប្រតិបត្តិការ​​រួច​​ ក៏​មាន​ស្រីៗ​មួយ​ចំនួន​​​ជួប​ប្រទះ​អាការៈ​ផ្សេង​ៗ​ដូចជា​ចង្អោរ​ជា​ដើម​។​ តើ​អាការៈ​ក្អួត​ចង្អោរ​បន្ទាប់​ពី​រួម​ភេទ​រួច​ បណ្ដាល​មក​ពី​បញ្ហា​អ្វី​? ១. ​ការ​ចូល​ជ្រៅ​ ​​មូលហេតុ​ចម្បង​មួយ​ដែល​ធ្វើ​ឲ្យ​យើង​មាន​អារម្មណ៍​​ចង់​​​​ចង្អោរ​ បន្ទាប់​ពី​រួម​ភេទ​រួច​ គឺ​ដោយ​សារ​តែ​​ប្រដាប់​ភេទ​របស់​ដៃ​គូ​ចូល​ទៅ​ជ្រៅ​ហួស​ពី​​តំបន់​​​​​សុខ​ស្រួល​ ដែល​ប៉ះពាល់​ដល់​​សរីរាង្គ​អាង​ត្រគាក​ ដូចជា​ស្បូន​ និង​មាត់​ស្បូន​ ជា​ហេតុ​បណ្ដាល​ឲ្យ​ស្រីៗ​យើង​កើត​មាន​អាការៈ​​ក្អួត​ចង្អោរ​។​ ២. ​បញ្ចេញ​​កម្លាំង​ខ្លាំងក្លា​ពេក​ ​​​​អាការៈ​ចង្អោរ​បន្ទាប់​ពី​រួម​ភេទ​រួច​ អាច​មក​ពី​យើង​បញ្ចេញ​កម្លាំង​ស្វាហាប់​​ខ្លាំង​ជ្រុល​ នៅ​អំឡុង​ពេល​ប្រតិបត្តិការ​លើ​គ្រែ​។​ ជាក់​ស្ដែង​ ការ​ផ្លាស់ទី​ចុះ​ឡើង​ឥត​ឈប់​ឈរ​ នឹង​ធ្វើ​ឲ្យ​យើង​ចង់​ក្អួត​ ដែល​ប្រៀប​ដូចជា​អាការៈ​ពុល​ឡាន​ ឬ​ទូក​ដូច​គ្នា​ដែរ​។ ៣. ការ​ឈាន​ដល់​ចំណុច​កំពូល​ ទន្ទឹម​នឹង​នេះ​ដែរ​ ការ​ឈាន​ដល់​ចំណុច​កំពូល​ក៏​​អាច​ជា​មូលហេតុ​នៃ​​អាការៈ​ចង្អោរ​នេះ​ដែរ​។​ ចាប់​ពី​ពេល​ដែល​ស្បូន​រួម​តូច​ អំឡុង​ពេល​ឈាន​ដល់​ចំណុច​កំពូល​ វា​អាច​បង្កើត​បាន​ជា​ការ​ឆ្លើយ​តបនិងគ្រឿងក្នុង​ដែល​ធ្វើ​ឲ្យ​យើង​មាន​អារម្មណ៍​មិន​ស្រួល​ខ្លួន។​ សម្រាប់​ស្រីៗ​​មួយ​ចំនួន​ ការ​បង្រួម​នេះ​ អាច​បង្ក​ជា​​ការ​ឈឺ​ចាប់​ ដែល​អាច​បណ្ដាល​ឲ្យ​​ក្អួត​ចង្អោរ​។​ ៤. ដុំ​ស្បូន ឬ​​គីស​ក្រពេញ​អូវែ ​​​អាការៈ​ចង្អោរ​ក៏​អាច​ជា​សញ្ញា​​​​បង្ហាញ​ពី​បញ្ហា​ធ្ងន់ធ្ងរ​ផង​ដែរ​។​ ការ​រួម​ភេទ​អាច​រលាក​គីស​ក្រពេញ​អូវែ ឬ​ប៉ះ​ចំ​ដុំ​ស្បូន​ ដែល​យើង​នឹក​ស្មាន​មិន​ដល់​។​ កត្តា​នេះ​អាច​បណ្ដាល​ឲ្យ​មាន​ការ​រំខាន​ដល់​សរីរាង្គ​អាង​ត្រគាក​ ដែល​នាំ​ឲ្យ​យើង​កើត​មាន​អាការៈ​ក្អួត​ចង្អោរ​។ ​​៥. ប្រតិកម្ម​ខាង​អារម្មណ៍​ ប្រសិនបើ​យើង​កំពុង​ស្ថិត​ក្នុង​ទំនាក់ទំនង​ដែល​​​មិន​ល្អ​ ឬ រំលោភ​បំពាន​ ​វា​ក៏​អាច​បណ្ដាល​ឲ្យ​យើង​​កើត​មាន​អារម្មណ៍​​ក្អួត​ចង្អោរ​ នៅ​អំឡុង​ និង​បន្ទាប់​ពី​រួម​ភេទ​ជាមួយ​នឹង​ដៃ​គូ​រួច​។​ ​ម្យ៉ាង​វិញ​ទៀត​ […]

គន្លឹះសុខភាពផ្លូវភេទ

គ្នា​យើង​​ភាគ​ច្រើន​តែងតែ​គិត​ថា​​ការ​រួម​ភេទ​ និង​ការ​ថែ​រក្សា​សម្រស់​គឺ​ជា​រឿង​ពីរ​ផ្សេង​គ្នា​។​ ​ប៉ុន្តែ​ ផ្ទុយ​ទៅ​វិញ​ វា​មាន​ទំនាក់ទំនង​គ្នា​យ៉ាង​ជិតស្និទ្ធ។​ ពិត​ណាស់​ ការ​បង្កើន​អ័រម៉ូន​Estrogen​តាម​រយៈ​ការ​ឈាន​ដល់​ចំណុច​កំពូល​ ព្រមទាំង​ការ​បញ្ចេញ​សកម្មភាព​រាងកាយ​នៅ​ពេល​រួម​ភេទ​ អាច​​ធ្វើ​ឲ្យ​ស្បែក ​និង​សក់​របស់​យើង​មាន​សុខភាព​ល្អ ព្រម​ទាំង​ធ្វើ​ឲ្យ​សម្រស់​យើង​នៅ​ក្មេង​ជាង​វ័យ​។​ អត្ថប្រយោជន៍​​សម្រស់​ទាំង​នេះ​ ស្រី​ៗ​យើង​អាច​នឹង​មើល​រំលង​ពាក់ព័ន្ធ​នឹង​ការ​រួម​ភេទ​។ ១. ​ជួយ​ឲ្យ​ស្បែក​ និង​សក់​រឹងមាំ​ ​យោង​តាម​ការ​សិក្សា​បាន​បង្ហាញ​ថា​ ស្ត្រី​ដែល​មាន​សកម្មភាព​រួម​ភេទ​ ​​មាន​កម្រិត​អ័រម៉ូន​Estrogen​ខ្ពស់​ ដោយ​សារ​តែ​ការ​ឈាន​ដល់​ចំណុច​កំពូល​។​ អ័រម៉ូន​Estrogen​ គឺ​ជា​គន្លឹះ​ក្នុង​ការ​ជួយ​ដល់​មុខងារ​ស្បែក​ សរសៃ​ឈាម​ ឫស​សក់​ ក្រពេញ​ខ្លាញ់​​​ឲ្យ​មាន​ដំណើរ​ការ​ធម្មតា។​ ដូច​នេះ​ហើយ​ វា​អាច​ជួយ​បង្កើន​សុខភាព​ស្បែក​​ និង​សរសៃ​សក់​ឲ្យ​មាន​ភាព​រឹងមាំ​ ដោយ​ទ្រទ្រង់​​ដល់​មុខងារ​រនាំង​ការពារ​ស្បែក រក្សា​សំណើម​នៃ​ស្បែក​ ​ជួយ​ឲ្យ​របួស​ឆាប់​ជា​សះស្បើយ​ ព្រម​ទាំង​កាត់បន្ថយ​ការ​រលាក​ថែម​ទៀត​ផង​។ ២. ជួយ​ឲ្យ​ក្មេង​ជាង​វ័យ​ ​ស្បែក​ទន់​ល្មើយ​ និង​ភ្លឺ​រលោង​ ​​​​​​​​​ការ​សកម្ម​នៅ​ក្នុង​ជីវិត​ផ្លូវ​ភេទ​​អាច​ជួយ​ឲ្យ​យើង​មាន​អារម្មណ៍ថា​​ក្មេង​ជាង​វ័យ​ ហើយ​ការ​ផលិត​អ័រម៉ូន​Estrogen​នឹង​កាត់បន្ថយ​​​ភាព​ចាស់​នៃ​ស្បែក​ ដោយ​បង្កើន​ការ​ផលិត​ខូឡាជែន​ ​ភាព​ក្រាស់​នៃ​ស្បែក​ និង​​អាស៊ីដ​Hyaluronic ដែល​ជួយ​ឲ្យ​ស្បែក​របស់​យើង​ក្មេង​ជាង​វ័យ​ និង​ភ្លឺ​រលោង​។ ៣. កាត់​បន្ថយ​ស្រ្តេស​ ប្រៀប​ដូចជា​​កាត់​បន្ថយ​មុន​ យោង​តាម​ការ​ស្រាវជ្រាវ​បាន​បង្ហាញ​ថា​ ដៃ​គូ​ដែល​មាន​ភាព​ពេញ​ចិត្ត​នៅ​ក្នុង​ទំនាក់ទំនង​ផ្លូវ​ភេទ​ ​ច្រើន​តែ​មាន​​កម្រិត​ស្រ្តេស​ទាប​។ ​ជា​ទូទៅ​​​ នៅ​ពេល​ដែល​យើង​ស្រ្តេស​ ​វា​នឹង​បង្កើន​ការ​ផលិត​ និង​ការ​លូតលាស់​នៃ​ក្រពេញ​ខ្លាញ់​ ដែល​កត្តា​ចម្បង​ទាំង​២​នេះ​ ជា​មូលហេតុ​នាំ​ឲ្យ​យើង​កើត​មុន​។​ ៤. ជួយ​ឲ្យ​​សុដន់​មើល​ទៅ​ធំ​ជាង​មុន​ ទន្ទឹម​នឹង​នេះ​ដែរ​​ សុដន់​របស់​ស្រីៗ​យើង​នឹង​ធំ​ឡើង​រហូត​ដល់​២៥%​នៃ​អំឡុង​ពេល​រួម​ភេទ​។​ ការ​ប្រែប្រួល​នេះ ​កើត​ឡើង​ដោយ​សារ​តែ​លំហូរ​ឈាម​កើន​ឡើង​នៅ​អំឡុង​ពេល​ដែល​យើង​ប្រតិបត្តិការ​​​លើ​គ្រែ​។ ​ប៉ុន្តែ​​ ជា​ធម្មតា​ សុដន់​នឹង​វិល​ទៅ​រក​ទំហំ​ដើម​ […]

គន្លឹះសុខភាពផ្លូវភេទ

ការ​រួម​ភេទ​នៅ​ពេល​ព្រឹក​ គឺ​ជា​វិធីសាស្ត្រ​ដ៏​ល្អ​បំផុត​ក្នុង​ការ​ចាប់ផ្ដើម​ថ្ងៃ​ថ្មី​ ប្រកប​ដោយ​ភាព​ស្រស់ស្រាយ​ និង​ថាមពល​។​ ពិត​ណាស់​ ការ​រួម​ភេទ​នៅ​ពេល​ព្រឹក​ មិន​ត្រឹម​តែ​​ជួយ​ធ្វើ​ឲ្យ​យើង​អារម្មណ៍​ល្អ​ ​មាន​ភាព​ស្វាហាប់​ និង​មាន​ទំនុក​ចិត្ត​ប៉ុណ្ណោះ​ទេ​ វា​ក៏​ជួយ​ឲ្យ​​យើង​បំពេញ​ការងារ​​ប្រកប​ដោយ​​ប្រសិទ្ធភាព​ថែម​ទៀត​ផង។​ បន្ថែម​ពី​នេះ​ វា​ក៏​អាច​បង្កើន​ភាព​ជិតស្និទ្ធ​នៅ​ក្នុង​ទំនាក់ទំនង​រវាង​ដៃគូ​ដែរ​។​ ​អត្ថប្រយោជន៍​នៃ​ការ​រួម​ភេទ​នៅ​ពេល​ព្រឹក​ មាន​ដូច​ត​ទៅ​៖ ១. កាត់បន្ថយ​ស្រ្តេស​ ស្រ្តេស​គឺ​ជា​មូលហេតុ​ដ៏​ធំ​បំផុត​ ដែល​​ធ្វើ​ឲ្យ​ដៃគូ​​ភាគ​ច្រើន​​មិន​អាច​រីករាយ​ជាមួយ​នឹង​ជីវិត​​ស្នេហា​របស់​ពួក​គេ​បាន​ពេញលេញ​។​ ដូច្នេះ​ហើយ​ ​ការ​ធ្វើ​សកម្មភាព​ដែល​បន្ធូរ​ភាព​តានតឹង​ និង​មាន​អត្ថប្រយោជន៍​ចំពោះ​ចំណង់​ផ្លូវ​ភេទ​ គឺ​ជា​រឿង​ដែល​មិន​អាច​ខ្វះ​បាន​ឡើយ។​ សកម្មភាព​បង្កើត​ភាព​រីករាយ​ ដូចជា​ការ​រួម​ភេទ​អាច​កាត់បន្ថយ​អ័រម៉ូន​ស្រ្តេស​​បាន​យ៉ាង​អស្ចារ្យ​។ ២. ពេលវេលា​បញ្ចេញ​សកម្មភាព​ ​​​​​​ជាមួយ​គ្នា​នេះ​ដែរ​ ការ​រួម​ភេទ​នៅ​ពេល​ព្រឹក​ក៏​អាច​រាប់​បញ្ចូល​ជា​​លំហាត់​ប្រាណ​ ហើយ​វា​ក៏​មាន​អត្ថប្រយោជន៍​ដល់​សុខភាព​របស់​យើង​ដូចគ្នា​។​ យោង​តាម​ការ​សិក្សា​បាន​បង្ហាញ​ថា​ ការ​រួម​ភេទ​អាច​ដុត​បំផ្លាញ​កាឡូរី​៥​កាឡូរី​ក្នុង​មួយ​នាទី​។​ ដូច្នេះ​ហើយ​ ​​ពី​​ចំណុច​ចាប់ផ្ដើម​​រហូត​ដល់​បញ្ចប់​ប្រតិបត្តិការ​ទាំង​មូល​ គ្នា​យើង​នឹង​ដុត​បំផ្លាញ​កាឡូរី​អស់​យ៉ាង​ច្រើន​។ ៣. ធ្វើ​ឲ្យ​អារម្មណ៍​ល្អ​ និង​​បង្កើន​ប្រព័ន្ធ​ភាព​ស៊ាំ​ អ័រម៉ូន​Endorphins ​ត្រូវ​បាន​បញ្ចេញ​ទៅ​ក្នុង​រាងកាយ​របស់​យើង​ ដែល​ដើរ​តួនាទី​​យ៉ាង​សំខាន់​ក្នុង​ការ​បង្កើន​អារម្មណ៍​រីករាយ​នៅ​​ពេល​ព្រឹក​។​ ​យើង​នឹង​មាន​អារម្មណ៍​រីករាយ​ជាង​មុន​ នៅ​ពេល​ដែល​យើង​​ឈាន​ដល់​ចំណុច​កំពូល​។​ ​បន្ថែម​ពី​នេះ​ ការ​រួម​ភេទ​ក៏​អាច​បង្កើន​ប្រព័ន្ធ​ភាព​ស៊ាំ​នៅ​ក្នុង​រាងកាយ​ ដោយ​ដំណើរ​ការ​ប្រព័ន្ធ​ភាព​ស៊ាំ​នៅ​ក្នុង​រាងកាយ​ប្រឆាំង​នឹង​បាក់តេរី​ និង​មេរោគ​ផ្សេង​ៗ​។ ៤. ជួយ​ឲ្យ​យើង​មើល​ទៅ​ក្មេង​ជាង​វ័យ​ ​​​​ទន្ទឹម​នឹង​នេះ​ដែរ​ ស្នាម​ជ្រីវជ្រួញ​គឺ​ជា​​​​កង្វល់​ដ៏​ធំ​មួយ​សម្រាប់​គ្នា​យើង​។​ ប៉ុន្តែ​ ការ​រួម​ភេទ​នៅ​ពេល​ព្រឹក​​អាច​ដោះស្រាយ​បញ្ហា​ទាំង​នេះ​បាន​ និង​ធ្វើ​ឲ្យ​យើង​មើល​ទៅ​ក្មេង​ជាង​វ័យ​ តាម​រយៈ​ការ​បញ្ចេញ​អ័រម៉ូន​ Oxytocin, Beta-Endorphins និង​អ័រម៉ូន​ដទៃ​ទៀត​។​ យោង​តាម​ការ​សិក្សា​មួយ​ចំនួន​បាន​បង្ហាញ​ថា​ ដៃគូ​ដែល​រួម​ភេទ​៣​ដង​ក្នុង​មួយ​សប្ដាហ៍​ នឹង​មើល​ទៅ​ក្មេង​ជាង​វ័យ​ជាង​អ្នក​ដែល​មិន​សូវ​បាន​រួម​ភេទ​​ទាល់​តែ​សោះ​។​

គន្លឹះសុខភាពផ្លូវភេទ

​ពិត​ណាស់​ បញ្ហា​ចំណង់​ផ្លូវ​ភេទ​ទាប​ជា​កង្វល់​ទូទៅ​ ដែល​ភាគ​ច្រើន​កើត​ឡើង​ចំពោះ​ស្ត្រី​ច្រើន​ជាង​បុរស​។​ ​​ភាព​មិន​ស៊ី​ចង្វាក់​គ្នា​​នៃ​ចំណង់​ផ្លូវ​ភេទ​នេះ​ ​អាច​​រំខាន​ដល់​ទំនាក់​ទំនង​ជាមួយ​នឹង​ដៃ​គូ​របស់​យើង​បាន​។​ ​ជាក់​ស្ដែង​ មាន​មូលហេតុ​ជា​ច្រើន​ដែល​ធ្វើ​ឲ្យ​ស្រីៗ​យើង​ប្រឈម​នឹង​បញ្ហា​ចំណង់​ផ្លូវ​ភេទ​ទាប ​ដូចជា​កត្តា​ស្រ្តេស​ និង​ការ​ថប់​បារម្ភ​ចំពោះ​បទ​ពិសោធន៍​​មុន​ៗ​ជា​ដើម​។ យ៉ាង​ណា​មិញ មាន​រូបមន្ត​ព្យាបាល​តាម​បែប​ធម្មជាតិ​ជា​ច្រើន​ ដែល​អាច​ជួយ​ជំរុញ​​ដល់​ចំណង់​ផ្លូវ​ភេទ​របស់​ស្រីៗ​យើង​។ ១. ញ៉ាំ​ផ្លែ​ឈើ​ ​ផ្លែឈើ​​មួយ​ចំនួន​ដូចជា​​ផ្លែ​ចេក​ ​ប័រ​ ​​ ឪឡឹក​ និង​ផ្លែ​ស្ត្រប៊ឺរី​អាច​ជួយ​​ផ្ដល់​សារធាតុ​រ៉ែ​ និង​វីតាមីន​សំខាន់​ៗ​ដែល​អាច​ជួយ​បង្កើន​​លំហូរ​ឈាម​​ទៅ​កាន់​ប្រដាប់​ភេទ​ ដើម្បី​លើក​កម្ពស់​ជីវិត​ផ្លូវ​ភេទ​របស់​យើង​ប្រកប​ដោយ​ប្រសិទ្ធភាព​។ ២. គ្រប់គ្រង​កម្រិត​ស្រ្តេស​ ការ​ថប់​បារម្ភ​ដោយ​សារ​តែ​ភាព​តានតឹង​ អាច​ជា​ឧបសគ្គ​ក្នុង​ជីវិត​ផ្លូវ​ភេទ​របស់​យើង​។​ ទាំង​ស្រ្តេស​ និង​ការ​ថប់​បារម្ភ​មាន​ឥទ្ធិពល​អវិជ្ជមាន​ដល់​ចំណង់​ផ្លូវ​ភេទ​ ប៉ុន្តែ​​ស្រីៗ​យើង​អាច​ដោះស្រាយ​បញ្ហា​នេះ​បាន​​​តាម​រយៈ​ការ​ធ្វើ​លំហាត់​ប្រាណ​ និង​​​តាំង​ចិត្ត​ឲ្យ​ស្ងប់ ព្រម​ទាំង​ជំរុញ​សម្រើប​ផ្លូវ​ភេទ​​​ អំឡុង​​​ពេល​ជាមួយ​គ្នា​។ ៣. បញ្ចូល​ឱសថ​បុរាណ​ទៅ​ក្នុង​របប​អាហារ​ ឱសថ​ជាក់លាក់​មួយ​ចំនួន​​ត្រូវ​បាន​បង្ហាញ​ជា​លក្ខណៈ​វិទ្យាសាស្ត្រ​​ថា វា​អាច​ជួយ​ជំរុញ​ចំណង់​ផ្លូវ​ភេទ​បាន​យ៉ាង​ស័ក្ដិសិទ្ធិ តួ​យ៉ាង​ដូចជា​ ជី​នាង​វង​ ដែល​អាច​រំញោច​អារម្មណ៍​ និង​ខ្ទឹម​ស​​ដែល​អាច​រំញោច​លំហូរ​ឈាម​បាន​យ៉ាង​អស្ចារ្យ​។ ៤. គេង​ឲ្យ​បាន​គ្រប់គ្រាន់ ​ការ​គេង​រយៈពេល​៨​ម៉ោង​​គឺ​ជា​ជំហាន​ដំបូង​ដែល​អាច​ជំរុញ​សម្រើប​ផ្លូវ​ភេទ​។​ យោង​តាម​ការ​សិក្សា​មួយ​​​បាន​បង្ហាញ​ថា​ ការ​គេង​បាន​គ្រប់គ្រាន់​​អាច​​ធ្វើ​ឲ្យ​អារម្មណ៍​ និង​ថាមពល​ទាំង​មូល​មាន​ភាព​ប្រសើរ​ឡើង​ ដែល​ជា​លទ្ធផល​គឺ​អាច​ជួយ​បង្កើន​ចំណង់​ផ្លូវ​ភេទ​របស់​ស្រីៗ​គ្នា​យើង​បាន​។ ៥. ចំណាយ​ពេល​វេលាជាមួយ​ដៃ​គូ​ឲ្យ​បាន​ទៀងទាត់​ ​​ដោយ​សារ​តែ​យើង​មាន​ភាព​មមាញឹក​​ខ្លាំង​ គ្នា​យើង​​​មិន​សូវ​​​អើពើ​នឹង​ការ​ចំណាយ​ពេល​ជាមួយ​នឹង​ដៃគូ​របស់​យើង​ ជា​ពិសេស​សម្រាប់​អ្នក​ដែល​​ស្រលាញ់​គ្នា​យូរ​ឆ្នាំ​។​ ដូច្នេះ​ហើយ​ ដើម្បី​រក្សា​ចំណាប់​អារម្មណ៍​ខាង​ផ្លូវ​ភេទ​ ស្រីៗ​យើង​គប្បី​ផ្ដោត​អារម្មណ៍​លើ​ការ​ពង្រឹង​គុណភាព​នៃ​ទំនាក់ទំនង​ ដោយ​ចែក​រំលែក​អារម្មណ៍​ រៀបចំ​ការ​ណាត់​ជួយ​ និង​​ប្រាស្រ័យ​ទាក់ទង​គ្នា​ដោយ​បើក​ចំហ​។

គន្លឹះសុខភាពផ្លូវភេទ

ថយ​ចុះ​ចំណង់​ផ្លូវភេទ ជា​បញ្ហា​ទូទៅ​​អាច​កើត​មាន​លើ​មនុស្ស​ប្រុស​ម្នាក់​ក្នុង​ចំណោម​ ៥​នាក់ ប៉ុន្តែ​បញ្ហា​ទាំង​នេះ​ក៏​កើត​មាន​លើ​ស្រីៗ​ដូចគ្នា អាច​ជួប​ប្រទះ​គ្រប់​ដំណាក់​កាល​ណា​មួយ​ក្នុង​ជីវិត​យើង។ ជា​រឿយៗ​ ទាក់ទងភាពតានតឹង​ពី​ការងារ បញ្ហា​ផ្ទាល់ខ្លួន​ ឬ​មាន​ការ​ផ្លាស់ប្តូរអ្វីមួយសំខាន់​ក្នុង​ជីរិត​ ​ដូចជា​មានផ្ទៃពោះ​ សម្រាល​បេប៊ី ​ឬ​បំបៅ​ដោះ​អូនៗ​ជាដើម។ យ៉ាង​ណា​ បាត់បង់​ចំណង់​​ផ្លូវភេទ​ពុំ​បាន​រំពឹង​ទុក​ ពិសេស​នៅពេល​​យើង​មានកើត​រយៈពេល​យូរ ​ឬ​មាន​បាត់ៗ ​អាច​បណ្តាល​មក​​ពីបញ្ហា​ផ្ទាល់ខ្លួន​ ថ្នាំ​ ឬ​របៀប​រស់នៅ​​ធ្វើ​ឲ្យ​ប៉ះពាល់​ជីវិត​ផ្លូវភេទ​តែម្តង។ ១. រោគសញ្ញា រោគសញ្ញា​ថយចុះ​ចំណង់ផ្លូវភេទ​អាច​មាន​ច្រើន​ ប៉ុន្តែ​រោគសញ្ញា​ឧស្សាហ៍​ជួប​ប្រទះ​មានដូចជា៖ – អាអូន​មិន​ឡើង​រឹង (​ប្រុសៗ)​ – ទឹកកាម​តិច​ – ជ្រុះ​សក់​ – ហត់ ​និង​អស់​កម្លាំង – សាច់ដុំ​ចុះ​ខ្សោយ​ – អារម្មណ៍​ផ្លាស់ប្តូរ​ – ថយចុះ​ម៉ាស់ឆ្អឹង។ ២. ពេលណាគួរទៅជួបពេទ្យ? ​ធ្វើ​រោគវិនិច្ឆ័យ​ និង​ព្យាបាល​ទាន់​ពេល​អាច​ជួយ​ទប់ស្កាត់​បញ្ហាកុំ​ឲ្យ​ធ្ងន់ធ្ងរ​ខ្លាំង ក៏​ដូចជា​បង្ការ​កុំ​ឲ្យ​មាន​គ្រោះថ្នាក់​​ផ្សេង​ទៀត ហេតុនេះ​ពិគ្រោះ​ជាមួយ​វេជ្ជបណ្ឌិត​​ឲ្យបាន​ឆាប់​តាមអាច​ធ្វើ​បាន​ ដើម្បី​ការពារ​ស្ថានភាព​ធ្ងន់ធ្ងរ​កុំឲ្យ​កើតមាន​ឡើង។ ប្រសិន​បើ​មាន​រោគសញ្ញា​ណាមួយ​​បាន​រៀបរាប់​ខាងលើ ឬ​មាន​ជាសំនួរ​សូម​ទៅពិគ្រោះ​ជាមួយ​វេជ្ជបណ្ឌិត​ពីព្រោះ​រាងកាយ​មនុស្សម្នាក់​ៗ​ធ្វើការ​ខុសគ្នា​។ ​ល្អ​បំផុតពិភាក្សា​ជាមួយ​គ្រូពេទ្យ​ដើម្បី​ស្វែង​រក​ដំណោះស្រាយ​ដ៏ល្អ​មួយ។ ៣. អ្វីខ្លះជាមូលហេតុបង្ក? ករណី​ខ្លះ​អាច​បណ្តាល​មកពី​កត្តា​រាងកាយ​ និង​ខ្លះទៀត​បណ្តាល​មក​ពី​កត្តាផ្លូវចិត្ត​ ហើយអាច​ដោយ​សារ​តែ​មូលហេតុ​ទាំងពីរ​តែម្តង។ កត្តា​រាង​កាយ អាច​ធ្វើឲ្យ​ថយចុះ​នូវ​ចំណង់​ផ្លូវភេទ ​រួមមាន ​ថយចុះ​អ័រម៉ូនតេស្តូស្តេរ៉ូន និង​កត្តា​ថ្នាំ​ប្រើប្រាស់ ​ហាត់​ប្រាណ​តិច​ពេក ​ឬ​ច្រើនពេក ​និងផឹកគ្រឿង​ស្រវឹង ​ឬប្រើ​គ្រឿងញៀន។ កត្តាផ្លូវចិត្ត​ ដូចជា បាក់​ទឹកចិត្ត តានតឹង ​និង​បញ្ហា​ទំនាក់ទំនង​ជាមួយ​ដៃ​គូ។ ៤​នាក់ ​ក្នុង​ចំណោម​មនុស្ស​ប្រុស ១០នាក់ ​មាន​អាយុ​លើស […]

គន្លឹះសុខភាពផ្លូវភេទ

ការ​រួម​ភេទ​ ផ្ដល់​នូវ​អត្ថប្រយោជន៍​យ៉ាង​ច្រើន​ដល់​សុខ​ភា​ព​ទាំង​រាងកាយ​ និង​ផ្លូវ​ចិត្ត។ ជា​ពិសេស​ វា​បង្កើន​នូវ​អារម្មណ៍​ល្អៗ​ ក៏​ដូច​ជា​ភាព​ស្និទ្ធ​ស្នាល​ជាមួយ​នឹង​ដៃ​គូ​ទ្វេ​ដង​ ប្រសិន​បើ​យើង​​ទាំងពីរ​ទទួល​បាន​នូវ​ភាព​សុខ​ស្រួល​ខ្លាំង​នៅ​​​ពេល​រួម​ភេទ​។​ យ៉ាង​ណា​មិញ​ ដើម្បី​ជួយ​ដល់​ការ​រួម​ភេទ​ឲ្យ​ទទួល​បាន​នូវ​ភាព​​សុខ​ស្រួល​ដល់​ចំណុច​កំពូល​​ គ្នា​យើង​​គួរ​តែ​ស្វែង​រក​ពី​កត្តា​មួយ​ចំនួន​ដែល​ជះ​ឥទ្ធិពល​មិន​ល្អ​ដល់​ការ​រួម​ភេទ និង​រក​វិធី​កែ​ខៃ​ជា​មួយ​នឹង​ដៃ​គូ​​​ភ្លាម​ៗ​ដែរ​។ ១.ជក់បារី ឬផឹកស្រា ប្រព័ន្ធផ្សព្វផ្សាយ ភាពយន្ត វីដេអូចម្រៀង សៀវភៅរឿង កំពុងកុហកគ្នាយើងឲ្យគិតថា ជក់បារី ផឹកស្រា ជារឿងធម្មតាសម្រាប់ប្រុសៗ។ បារី និងស្រាបំផ្លាញរាងកាយយើងគ្រប់កន្លែង ធ្វើឲ្យលំហូរ​ឈាម​ថយ​ចុះ ទោះ​បី​អាច​ធ្វើ​ឲ្យ​មាន​ចំណង់​ផ្លូវ​ភេទ តែ​ផលវិបាក​ដោយសារ​បារី និង​ស្រា មិន​អាច​គេច​ផុត​បាន​ទេ។ ២.​ស្ត្រេស​ និង​ការ​ផ្លាស់ប្ដូរ​​បែបបទ​ក្នុង​ការ​រស់នៅ ​ស្រ្តេស និង​ភាព​ហត់​នឿយ បាន​កាត់​បន្ថយ​នូវ​ចំណង់​ផ្លូវ​ភេទ​របស់​យើង​ នាំ​​ឲ្យ​យើង​លែង​មាន​ភាព​ត្រេក​ត្រអាល​​នឹង​ការ​រួម​ភេទ​ដូច​មុន​ទៀត​។ស្រ្តេស​កើត​ឡើង​ចេញ​ពី​កត្តា​ជា​ច្រើន​ ដូច​ជា​បញ្ហា​កូន​ៗ​ ហិរញ្ញវត្ថុ ប៉ា​ម៉ាក់​វ័យ​ចំណាស់​ សុខភាព​ មុខរបរ​ និង​បញ្ហា​​ជាច្រើន​ទៀត​។ ទំនាក់​ទំនង​ស្នេហា​​របស់​យើង​​ និង​ដៃគូ​ នឹង​កាន់តែ​សោះអង្គើយ​ទៅ​ៗ ប្រសិន​បើយើង​​ពុំ​​អាច​​គ្រប់គ្រង​បញ្ហា​ស្រ្តេស​​បាន​។ ដូចនេះ​ ប្រសិន​បើ​យើង​​ចង់​ឲ្យ​រឿង​លើ​គ្រែ​របស់​យើង​ និង​ដៃ​គូ​មាន​ភាព​ល្អ​ប្រសើរ​ និង​ទទួល​បាន​​ភាព​សុខ​ស្រួល​ដល់​កំពូល​ យើង​​គួរ​តែ​​ពិភាក្សា​ជាមួយ​នឹង​ដៃ​គូ ក៏​ដូច​ជា​​រក​ដំណោះ​ស្រាយ​​ជា​មួយ​គ្នា​។ ៣.​ថប់បារម្ភ​ពេល​ប្រតិបត្តិការ ​​​​​​​​​នៅ​ពេល​ដែល​​មនុស្ស​ម្នាក់​​មាន​ក្តី​ព្រួយបារម្ភ​ច្រើន​​ក្នុង​ពេល​ប្រតិបត្តិការ នោះ​​នឹង​គ្មាន​ភាព​រីករាយ​ជាមួយ​នឹង​ជីវិត​ផ្លូវ​ភេទ​ទៀត​ឡើយ​។​ បញ្ហា​នេះ​ ​ច្រើន​តែ​កើត​ឡើង​ចំពោះ​​បុរស​ និង​ស្រ្តី​ដែល​ចូល​ដល់​វ័យ​៥០​ឆ្នាំ​ឡើង​។​ ៤.​រូបរាង​ និង​ការ​គិត​​ចំពោះ​ខ្លួនឯង មាន​កត្តា​​ជា​ច្រើន​ដែល​ធ្វើ​ឲ្យ​យើង​ មាន​អារម្មណ៍​ថា​ខ្លួន​យើង​គ្មាន​ភាព​​ទាក់​ទាញ​​ដូច​កាល​ពី​មុន​ទៀត​​។ ​ការ​សម្រាល​កូន​ របប​អាហារ​មិន​ត្រឹម​ត្រូវ ឡើង​ទម្ងន់ ឬ​ជ្រុះ​សក់ សុទ្ធ​តែ​ផ្ដល់​នូវ​ផល​អវិជ្ជមាន​ដល់​ចំណង់​ផ្លូវ​ភេទ​របស់​យើង​​។​​ […]

គន្លឹះសុខភាពផ្លូវភេទ

ភាព​ល្អូកល្អិន​រវាង​គូស្នេហ៍ ប្ដី​ប្រពន្ធ មិន​មែន​សម្ដៅ​ដល់តែ​រឿង​លើគ្រែ​មួយ​មុខ​នោះទេ។ ពេល​ខ្លះ​ដៃ​គូ​យើង​អាច​មាន​បញ្ហា​សុខភាព ឬ​ទើប​សម្រាល​កូន​ជា​ដើម ដែល​មិន​អាច​រួម​ភេទ​បាន។ គូស្នេហ៍​ខ្លះ​គិត​ថា ការ​មិន​បាន​រួមភេទ​ជាមួយ​គ្នា​ក្នុង​រយៈ​ពេល​យូរ​​អាច​ធ្វើ​ឲ្យ​ដៃគូ​ហាក់​ឆ្ងាយ​គ្នា​។ តាម​ពិត មិន​ដូច​នោះ​ទាំង​ស្រុង​ទេ យើង​នៅ​មាន​វិធី​ច្រើន​យ៉ាង​ទៀត ធ្វើ​ឲ្យ​ជីវិត​ស្នេហា​​នៅ​ស្អិត​ល្មួត​បាន​ដោយ​មិន​បាច់​តែ​​រួម​ភេទ​។ ១. ប៉ះពាល់​គ្នា​ គូស្នេហ៍​ជា​ច្រើន ពេល​នៅ​ជា​មួយ​គ្នា​ក្នុង​រយៈ​ពេល​យូរ ក៏​លែង​សូវ​ប៉ះ​ពាល់​គ្នា ក្រៅ​តែ​ពី​ពេល​រួម​ភេទ​។ ការណ៍​នេះ​ មិន​ល្អ​ចំពោះ​ទំនាក់​ទំនង​យើង​នោះ​ទេ។ ការ​ប៉ះពាល់​គ្នា​ដូច​ជា​ការ​ថើប ឱប ស្ទាប​ថ្ពាល់ ឬ​សក់ ជាដើម ក្នុង​មួយ​ថ្ងៃ​ៗ សុទ្ធ​តែ​ជា​ទង្វើ​អាច​ធ្វើ​ឲ្យ​ទំនាក់​ទំនង​នៅ​តែ​ល្អ​រវាង​គូ​ស្វាមី​ភរិយា​។ ក្រៅពី​នោះ​យើង​នៅ​អាច​ម៉ាស្សា​ឲ្យ​គ្នា​ទៅ​វិញ​ទៅមក ដើម្បី​បង្កើន​ក្ដី​ស្រឡាញ់​ឲ្យ​គ្នា​​ក៏​បាន​។ កុំ​ភ្លេច​និយាយ​គ្នា យល់​ពី​គ្នា ដើម្បី​ជីវិត​គូ​យើង​នៅ​តែ​ស្អិត​ល្មួត​​ជានិច្ច​។ ២. កាន់​ដៃ​គ្នា​ គ្នា​យើង​ធ្លាប់​ឃើញ​គូស្នេហ៍​វ័យ​ចំណាស់​កាន់​ដៃ​គ្នា​ដើរ​អត់? ហើយ​ទង្វើ​របស់​ពួក​គាត់​បាន​ធ្វើ​ឲ្យ​យើង​កោត​សរសើរ​ទេ? បើ​ដូច​នេះ​ ហេតុ​អ្វី​យើង​មិន​កាន់ដៃ​គ្នា​ពេល​ចេញ​ក្រៅ ឬ​ដើរ​លេង ដូច​ដែល​យើង​ធ្លាប់​ធ្វើ​កាល​ទើប​ស្គាល់​គ្នា​ថ្មីៗ។ ការ​កាន់​ដៃ​គ្នា ​ជា​វិធី​ល្អ​មួយ​ដើម្បី​រ​ក្សា​ទំនាក់​ទំនង​ជិតស្និទ្ធ ដោយ​បង្កើត​ទំនាក់​ទំនង​ស្និទ្ធ​ស្នាល ទោះ​បី​ជា​គូស្នេហ៍​ស្ថិតនៅ​វ័យ​រាង​ជ្រេ​បន្តិច​ក្ដី​។ ៣. ធ្វើ​ខ្លួន​ដូច​គូស្នេហ៍​ថ្មី​ថ្មោង​ គ្នា​យើង​នៅ​ចាំ​ពេល​ដំបូង​នៃ​ការ​ណាត់​ជួប​គ្នា​ដើម្បី​ផ្ដើម​ស្នេហ៍​ទេ? ពេល​នោះ​ប្រ​ហែល​ជា​គ្នា​យើង​កាន់​ដៃ​គ្នា​ជាប់​មិន​លែង​ផង​មិន​ដឹង។ តើ​ការ​កាន់​ដៃ​ពេល​នោះ​រំភើប​កម្រិត​ណា ទោះ​មិន​មាន​ការ​រួម​ភេទ​ក៏​ដោយ​? បង្កើត​អារម្មណ៍​បែប​នោះ​មក​វិញ​ ដើម្បី​ជីវិត​គូ​យើង​នៅ​តែ​ស្រស់​បំព្រង​។​ ​៤. ជជែក​គ្នា​ ពេល​ខ្លះ​ការ​នៅ​ស្ងៀម​មិន​និយាយ​ស្ដី​អាច​បង្ហាញ​ពី​ភាព​ពេញ​ចិត្ត ដោយ​គ្រាន់​តែ​ញញឹម​រក​គ្នា​ តែ​ថា​ពេល​ខ្លះ​ការ​នៅ​ស្ងៀម​អាច​មកពី​យើង​លែង​មាន​អ្វី​និយាយ​ជា​មួយ​គ្នា​។ កុំ​ឲ្យ​រឿង​បែប​នេះ​កើត​លើ​ជីវិត​គូ​របស់​យើង ត្រូវ​ជជែក​លេង​ជាមួយ​គ្នា​ឲ្យ​បាន​ច្រើន អាច​និយាយ​​ពី​ការ​គិត ការ​យល់សប្ដិ សុខភាព​រាង​កាយ និង​រឿង​សប្បាយ​ៗ​ផ្សេងៗ​ទៀត​។ […]

គន្លឹះសុខភាពផ្លូវភេទ

ចំណុច​ស្រើប​​ស្រាល​បំផុត​របស់​ប្រុសៗ​នៅ​កន្លែងណា? ចំណុច​ស្រើប​ស្រាល​របស់​ប្រុសៗ ឬ​ហៅថា​G-Spot នោះ​គឺ​ក្រពេញ​ប្រូស្តាត​។ ក្រពេញ​ប្រូស្តាត ជា​សរីរាង្គ​តូច​មួយ​មាន​ទំហំ​ប្រហែល​ប៉ុន​មេ​ដៃ ដែល​ជា​កន្លែង​ផ្ដល់​ភាព​ស្រើប​ស្រាល​ដល់​ប្រុសៗ​ និង​មាន​ទី​តាំង​នៅ​ម្ដុំ​គល់​លិង្គ​។​ ១. ក្រពេញ​ប្រូស្តាត​ផ្ដល់​ភាព​ស្រើបស្រាល​បាន​យ៉ាងម៉េច? ​នៅ​មិន​ទាន់​មាន​ការ​បញ្ជាក់​ច្បាស់​ទេ​ថា​ក្រពេញ​ប្រូស្តាត​ផ្ដល់​ភាព​ស្រើប​ស្រាល​ដល់​បុរស​បែប​ណា​នោះ។ ការសិក្សា​មួយ​ធ្វើ​ឡើង​ក្នុង​ឆ្នាំ ២០១៨ លើក​ឡើង​ថា​អាច​​មាន​វិធី​ពីរ​យ៉ាង ដែល​ក្រ​ពេញ​ប្រូ​ស្តាត​ធ្វើ​ឲ្យ​ប្រុសៗ​មាន​អារម្មណ៍​ស្រើប​ស្រាល​។ ទី​មួយ គឺ​ថា​មាន​ការ​ពាក់ព័ន្ធ​នឹង​បណ្ដុំ​ប្រ​ព័ន្ធ​ប្រ​សាទ​​ភ្ជាប់​ទៅ​នឹង​ប្រូស្តាត​។ ប្រ​ព័ន្ធ​ប្រសាទ​ទាំង​នោះ​​ហៅ​ថា​​បណ្ដុំ​ប្រ​សាទ​ប្រូស្តាត​(prostatic plexus) ដែល​ចេញ​ពី​អាង​ត្រគាក​ខាង​ក្រោម ជិត​ឆ្អឹង​ខ្នង​។ ក្រ​ពេញ​ប្រូស្តាត លិង្គ និង​ផ្លូវ​បង្ហួរ​នោម ភ្ជាប់​ទៅ​នឹង​ប្រសាទ​ទាំង​នេះ។ ការ​ឡើង​ដល់​ចំណុច​កំពូល​បាន​ភ្ញោច​ដល់​ប្រ​ព័ន្ធ​ប្រសាទ​ទាំង​នេះ នាំ​ឲ្យ​មាន​ភាព​ស្រើប​ស្រាល​នៅ​តំបន់​នោះ​។ ទ្រឹស្តី​មួយ​ទៀត​លើក​ឡើង​ថា ខួរ​ក្បាល​អាច​ធ្វើ​ឲ្យ​ប្រុសៗ​មាន​ភាព​ស្រើប​ស្រាល​ខ្លាំង និង​រំភើប​ខ្លាំង ពេល​មាន​រំញោច​ក្រពេញ​ប្រូ​ស្តាត បើ​សិន​ជា​មាន​ការអនុវត្ត​បង្កើត​រំញោច​នៅ​ត្រង់​កន្លែង​នោះ។​ ការ​សិក្សា​​​លើក​ឡើង​ថា ដំណើរ​ការ​ខាង​លើ​នេះ អាច​ធ្វើ​ឲ្យ​ខួរ​ក្បាល​រំពឹង​​ពី​ភាព​ស្រើប​ស្រាល​រាល់​​ពេល​មាន​ការ​ភ្ញោច​នៅ​ត្រង់​ក្រ​ពេញ​ប្រូស្តាត​។ ការណ៍​នេះ​ហើយ បាន​ជា​ប្រុសៗ​តែង​មាន​អារម្មណ៍​ស្រើប​ស្រាល​នៅ​តំបន់​ក្រពេញ​ប្រូស្តាត​នេះ​ឯង​។​​ ​​២. តិច​និក​ថែ​សុខភាព​ក្រពេញ​ប្រូស្តាត​ បញ្ហា​សុខ​ភាព​មួយ​ចំនួន​អាច​ប៉ះពាល់​ដល់​ក្រ​ពេញ​ប្រូស្តាត ក្នុង​នោះ​មាន​ជំងឺ​មហារីក​ក្រ​ពេញ​ប្រូស្តាត​។ យ៉ាងណា មាន​វិធី​មួយ​ចំនួន​ជួយ​ឲ្យ​ក្រ​ពេញ​ប្រូស្តាត​ប្រុស​ៗ​យើង​មាន​សុខ​ភាព​ល្អ។​ ហាត់​ប្រាណ​ឲ្យ​ជា​ប្រចាំ និង​ញ៉ាំ​អាហារ​ល្អ​ចំពោះ​សុខ​ភាព​ កាត់​បន្ថយ​ការ​ញ៉ាំ​សាច់​ក្រហម និង​ផលិត​ផល​ធ្វើ​ពី​ទឹក​ដោះ កុំ​ញ៉ាំ​កាល់​ស្យូម​លើសពី​១ ២០០​មិល្លីក្រាម​ក្នុង​មួយ​ថ្ងៃ​ ត្រូវ​ញ៉ាំ​ត្រី​ឲ្យ​បាន​ច្រើន ពិសេស​ត្រី​មាន​អាស៊ីដ​ខ្លាញ់​​អូមេហ្គា៣ ខ្ពស់ ញ៉ាំ​បន្លែ ផ្លែឈើ ឲ្យ​បាន​ច្រើន ផឹក​តែ​បៃតង ចៀសវាង​ការ​ជក់​បារី និង​កុំ​ផឹក​គ្រឿង​ស្រវឹង​ច្រើន​ពេក

x