សុខភាពភ្នែក Archives

ចង់ឲ្យភ្នែកមានសុខភាពល្អ កុំរំលងការហាត់ប្រាណ

ការធ្វើលំហាត់ប្រាណជាប្រចាំមិនត្រឹមតែធ្វើឲ្យរាងកាយយើងមានសុខភាពរឹងមាំ និងជួយឲ្យមានអារម្មណ៍ល្អប៉ុណ្ណោះទេ តែការសិក្សាថ្មីៗនេះបានរកឃើញថាការហាត់ប្រាណបានជួយកាត់បន្ថយហានិភ័យកើតជំងឺខ្សោយគំហើញនៅវ័យ៥០ឆ្នាំ ឬចាស់ជាងនេះ។ ដូចគ្នាដែរ ការហាត់ប្រាណក៏ជួយឲ្យមនុស្សយើងកាត់បន្ថយហានិភ័យកើតជំងឺបេះដូង និងជំងឺទឹកនោមផ្អែម ដែលជំងឺទាំងនេះសុទ្ធតែអាចធ្វើឲ្យភ្នែកមានបញ្ហាដែរ។ ១. ហាត់ប្រាណជួយដល់សុខភាពសរសៃឈាមក្នុងភ្នែក ការសិក្សាមួយធ្វើឡើងលើសត្វកណ្ដុរ ដោយកណ្ដុរមួយក្រុមត្រូវអ្នកស្រាវជ្រាវដាក់នៅលើម៉ាស៊ីនរត់ និងមួយក្រុមទៀតឲ្យនៅស្ងៀមធម្មតា។ បួនសប្ដាហ៍ក្រោយ ក្រុមអ្នកស្រាវជ្រាវបានពិនិត្យលើភ្នែករបស់កណ្ដុរទាំងពីរក្រុម។ ក្រោយការពិនិត្យ អ្នកស្រាវជ្រាវបានរកឃើញថាកណ្ដុរដែលបានរត់លើម៉ាស៊ីនហាត់ប្រាណជាប្រចាំ មានការខូចខាតភ្នែកដល់ទៅ៤៥ភាគរយទាបជាងកណ្ដុរដែលមិនធ្វើសកម្មភាពរាងកាយ។ ការសិក្សាបានលើកឡើងការការហាត់ប្រាណបានជួយដល់ភាពធន់របស់ភ្នែក។ ការហាត់ប្រាណអាចប្រឆាំងនឹងការលូតលាស់ខុសធម្មតារបស់សរសៃឈាម ដែលកើតឡើងក្នុងភ្នែកដូចជាខូចសរសៃឈាមក្នងបាតភ្នែក ខូចបាតភ្នែក ខូចសរសៃឈាមបាតភ្នែកដោយសារទឹកនោមផ្អែមនិងជំងឺទឹកដក់បាតភ្នែក។ ២. ហាត់ប្រាណជួយសុខភាពភ្នែក អ្នកវិទ្យាសាស្រ្តកំពុងសិក្សាបន្ថែមទៀត ថាហេតុអ្វីបានជាការធ្វើលំហាត់ប្រាណអាចការពារភ្នែករបស់មនុស្សយើងបាន។ របកគំហើញថ្មីៗអាចនឹងដោះស្រាយបញ្ហាព្យាបាលភ្នែកជាច្រើនផ្សេងទៀត។ ប៉ុន្តែពេលនេះ អ្វីដែលអ្នកវិទ្យាសាស្រ្ដបានដឹងច្បាស់គឺថាការធ្វើលំហាត់ប្រាណបានជួយកាត់បន្ថយបញ្ហាភ្នែក។ បើសិនជាយើងកំពុងមានបញ្ហាភ្នែក ការហាត់ប្រាណនឹងជួយឲ្យស្ថានភាពជំងឺប្រសើរឡើង។ ការសិក្សាបានរកឃើញថាអ្នកធ្វើលំហាត់ប្រាណកម្រិតមធ្យមមានការវិវត្តកើតជំងឺទឹកដក់បាតភ្នែក២៥ភាគរយតិចជាងអ្នកមិនហាត់ប្រាណ។ ការធ្វើលំហាត់ប្រាណក៏ជួយដល់ការគ្រប់គ្រងជំងឺទឹកនោមផ្អែម សម្ពាធឈាមខ្ពស់ និងកូលេស្តេរ៉ូលខ្ពស់។ ជំងឺទាំងនេះ អាចធ្វើឲ្យភ្នែក ឬគំហើញរបស់យើងមានបញ្ហា។ ដូចនេះ ការហាត់ប្រាណបានជាប្រចាំនឹងជួយយើងកាត់បន្ថយហានិភ័យជំងឺភ្នែកដោយសារបញ្ហាសុខភាពទាំងនេះ។ ៣. គួរហាត់ប្រាណកម្រិតណា? ការសិក្សាជាច្រើនបានរកឃើញ និងបានណែនាំថាមនុស្សយើងហាត់ប្រាណកម្រិតមធ្យមមានប្រយោជន៍ល្អចំពោះសុខភាព។ អង្គការសុខភាពពិភពលោក និងCDC អាមេរិកបានណែឲ្យយើងហាត់ប្រាណដូចជាដើរ ជិះកង់ ហែលទឹក រាំ ឬរត់ត្រឹកៗឲ្យបាន៣០នាទីក្នុងមួយថ្ងៃ ឬប្រហែល១៥០នាទីក្នុងមួយសប្ដាហ៍។ ការហាត់ប្រាណជាប្រចាំនឹងជួយឲ្យសុខភាពរាងកាយ និងភ្នែកយើងមានសុខភាពល្អ។

សូមស្វាគមន៍ !

មានអ្វីថ្មី?

មាតិកា

សុខភាពភ្នែក

ចំណេះដឹងទូទៅ

ភ្នែកឡើងលឿង អាចមកពីបញ្ហាសុខភាពទាំងនេះ

ចង់ឲ្យភ្នែកមានសុខភាពល្អ កុំរំលងតិចនិក ៤យ៉ាងនេះ

តិចនិកងាយៗ បញ្ចៀសការឆ្លងមេរោគភ្នែកទូទៅ

រមាស់ភ្នែក ក្រហមភ្នែក ជាអាលែកហ្ស៊ី ឬឈឺភ្នែក?

សញ្ញារបស់ភ្នែកទាំង៧ អាចបញ្ជាក់ពីបញ្ហាសុខភាព

កុំគិតថាមិនអី សម្លឹងកុំព្យូទ័រយូរ អត់សម្រាកធ្វើឲ្យស្ងួតភ្នែក

ចេះតែស្ងួតភ្នែក អាចមកពីបញ្ហាទាំង ៤យ៉ាងនេះ

ថ្នាំបន្តក់ភ្នែក អាចប្រើរាល់ថ្ងៃបានអត់?

ចង់ឲ្យភ្នែកមានសុខភាពល្អ កុំរំលងការហាត់ប្រាណ

តិចនិកថែភ្នែក ២០.២០.២០ អ្នកប្រើគ្រឿងអេឡិចត្រូនិកច្រើនគួរដឹង

កុំឲ្យរង្វង់ភ្នែកខ្មៅដូចខ្លាឃ្មុំ មកសាកល្បងតិចនិកធម្មជាតិទាំងនេះ

ចូលវ័យជ្រេហើយ គួរដឹងតិចនិកថែទាំភ្នែកឲ្យនៅភ្លឺ មានសុខភាពល្អ

៦ ទម្លាប់សាមញ្ញៗប្រចាំថ្ងៃ អាចធ្វើឲ្យភ្នែកខូចដោយមិនដឹងខ្លួន

ដឹងតិចនិកនេះ ទោះសម្លឹងអេក្រង់កុំព្យូទ័រយូរប៉ុនណា ក៏អស់បារម្ភបញ្ហាភ្នែកស្ងួត

សាកល្បងតិចនិកនេះ ដោះស្រាយបញ្ហាស្ពឹកភ្នែកពេលកំពុងធ្វើការ

គ្រូពេទ្យឯកទេសផ្នែក សុខភាពភ្នែក របស់យើង

មើលបន្ថែមពីគ្រូពេទ្យឯកទេស

វេជ្ជ. ចាន់ ស៊ីណេត

វេជ្ជបណ្ឌិត ចាន់ ស៊ីណេត

ចង់ចាកចេញពី Hellokrupet?