home

បញ្ហាភ្នែកផ្សេងទៀត

ចំណេះដឹងទូទៅ

បញ្ហាភ្នែកផ្សេងទៀត

ការ​ញី​ភ្នែក​​ជះ​ឥទ្ធិពល​មិន​ល្អ​ដល់​សុខភាព​ភ្នែក​ ហើយ​វា​ក៏​អាច​បង្ក​ជា​ការ​រលាក​ ក្រហម​ ​ឆ្លង​មេរោគ និង​ការ​រង​របួស​ភ្នែក​ជាដើម​។ ពិត​ណាស់​ ក្រៅ​ពី​ជាតិ​ពុល​ និង​​ការ​ហត់​នឿយ​ ជា​ទូទៅ​នៃ​ភ្នែក ការ​ប្រើប្រាស់​ឧបករណ៍​អេឡិចត្រូនិក​រយៈពេល​យូរ​ ក៏​អាច​​ធ្វើ​ឲ្យ​ភ្នែក​របស់​យើង​រមាស់​ផង​ដែរ​។ កត្តា​ស្ងួត នឿយហត់​ និង​ក្រហាយ​ភ្នែក​ សុទ្ធ​តែ​​ធ្វើ​ឲ្យ​គ្នា​យើង​​ញី​ភ្នែក​ដោយ​មិន​ដឹង​ខ្លួន។ ដូច្នេះ​ហើយ​ ​គ្នា​យើង​​គួរ​​ជៀសវាង​ញី​ភ្នែក​ដាច់​ខាត​ បើ​មិន​ចង់​ប្រឈម​នឹង​បញ្ហា​ភ្នែក​​ខាង​ក្រោម​​នេះ​។ ​១. ហានិភ័យ​នៃ​ការ​រង​របួស​ និង​បញ្ហា​ជំងឺ​រ៉ាំរ៉ៃ​ ក្នុង​ករណី​ដែល​​គ្នា​យើង​ញី​ភ្នែក​ខ្លាំង​ៗ ឬ​ញឹកញាប់​ វា​អាច​បណ្ដាល​ឲ្យ​យើង​រង​របួស​ និង​វិវត្ត​ទៅ​ជា​ជំងឺ​ធ្ងន់ធ្ងរ​ ដូចជា​ជំងឺ​ដុំ​លើ​ភ្នាស​ពាស​កែវ​ភ្នែក(keratoconus)។ យោង​តាម​ការ​ស្រាវជ្រាវ​បាន​ចុះ​ផ្សាយ​ក្នុង​ទស្សនាវដ្ដី​អន្តរជាតិ​​នៃ​ជំងឺ​ភ្នែក​បាន​បង្ហាញ​ថា ការ​​ញី​ភ្នែក​អាច​នាំ​ឲ្យ​​ស្ដើង​ស្រទាប់​ភ្នែក​ ហើយ​កម្រិត​នៃ​ការ​ប៉ះពាល់​ក៏​អាស្រ័យ​លើ​​កម្លាំង​ដែល​យើង​ញី​ភ្នែក​ដូច​គ្នា។ ២. អាច​បណ្ដាល​ឲ្យ​ឆ្លង​មេរោគ ឬ​អាលែកហ្ស៊ី​ ការ​ឆ្លង​មេរោគ​ ដូចជា​ភ្នែក​ក្រហម អាច​កើត​ឡើង​ដោយ​សារ​តែ​យើង​ញី​ភ្នែក​ ពីព្រោះ​តែ​បាក់តេរី​ ឬ​វីរុស​​ដែល​នៅ​ជាប់​ម្រាម​ដៃ​​រាលដាល​នៅ​ពេល​ដែល​យើង​ញី​ភ្នែក​។ ដូច​គ្នា​នេះ​ដែរ វា​ក៏​អាច​បង្ក​ជា​អាលែកហ្ស៊ី និង​អាច​​នាំ​ឲ្យ​យើង​ញី​ភ្នែក​កាន់​តែ​ខ្លាំង​ថែម​ទៀត​។ ៣. ការ​រលាក​ និង​ក្រហាយ​ ​ការ​ប្រមូល​ផ្ដុំ​ធូលី​ ក្រោយ​ញ៉ាំ​អាហារ​ អាច​នាំ​ឲ្យ​មេរោគ​រាលដាល​ពី​ម្រាម​ដៃ​ទៅ​ដល់​ភ្នែក​។ កង្វះ​អនាម័យ​ក៏​អាច​បង្ក​ជា​ការ​រលាក​ និង​ក្រហាយ​ដោយ​សារ​តែ​ការ​ញី​ភ្នែក​នេះ​ដែរ​ ហើយ​វា​ថែម​ទាំង​​ធ្វើ​ឲ្យ​យើង​រមាស់​ និង​ក្រហម​ភ្នែក​ទៀត​ផង​​។

អត្ថបទផ្សេងទៀតពី បញ្ហាភ្នែកផ្សេងទៀត

បញ្ហាភ្នែកផ្សេងទៀត

ជំងឺខ្សោយ​ភ្នែក ឬ​ភាសា​បច្ចេក​ទេស​ហៅថា amblyopia  កើតឡើងចំពោះក្មេងដែលមានភ្នែកម្ខាងខ្សោយជាងភ្នែកម្ខាងទៀត។ ភ្នែកខាងខ្សោយមានបញ្ហាក្នុងការមើលដែលធ្វើឱ្យខួរក្បាលពិបាកក្នុងការទទួលព័ត៌មានពីភ្នែកខាងដែល​ខ្សោយនោះ យូរៗទៅខួរក្បាលប្រើតែភ្នែកម្ខាងដែលមើលឃើញច្បាស់ល្អ ជាលទ្ធផលភ្នែកខាង​ខ្សោយ​កាន់​តែខ្សោយទៅៗ។ តើប៉ាម៉ាក់អាចសម្គាល់ថាអូនតូចមាន ឬមិនមានភ្នែកខ្សោយ​​តាមរយៈ​រោគ​សញ្ញា និងអាការៈអ្វីខ្លះ? អូនតូចមានភ្នែកខ្សោយមានរោគសញ្ញា និងអាការៈដូចខាងក្រោម៖ ភ្នែកម្ខាងដែលកញ្ចក់ភ្នែករត់ទៅដើមភ្នែក ឬ​កន្ទុយ​ភ្នែក ភ្នែកម្ខាងមិនអាច​បង្ហាញ​ព័ត៌មាន​ដូច​ភ្នែកម្ខាងទៀត ភ្នែកម្ខាងមើលឃើញមិនច្បាស់ ធ្លាក់ត្របកភ្នែកម្ខាង ឧស្សាហ៍បិទភ្នែកម្ខាង ឬឧស្សាហ៍បើកភ្នែកម្ខាងព្រឹមៗ ជារឿយៗផ្អៀងក្បាលទៅម្ខាង ចូលចិត្តមើលដោយប្រើតែភ្នែកម្ខាង ភ្នែកម្ខាងមានលទ្ធផលនៃការធ្វើតេស្តភ្នែកមិនប្រក្រតី  អូនតូចមានហានិភ័យភ្នែកខ្សោយ​៖ កើតមិនគ្រប់ខែ កើតមិនគ្រប់​គីឡូ មានប្រវត្តិគ្រួសារមានបញ្ហាភ្នែកខ្សោយ មានការអភិវឌ្ឍមិនប្រក្រតី ប្រសិនបើប៉ាម៉ាក់សង្កេតឃើញអូនតូចមានរោគសញ្ញា ឬអាការៈណាមួយ​ដូចដែល​បានរៀបរាប់​ខាង​លើ ប៉ាម៉ាក់ត្រូវនាំអូនតូចទៅជួបគ្រូពេទ្យភ្នែកជាបន្ទាន់។ ការធ្វើរោគវិនិច្ឆ័យ និងការព្យាបាលឆាប់​អាចជួយការពារភ្នែកអូនតូចដែលខ្សោយ​ពីការងងឹតភ្នែកបាន។

បញ្ហាភ្នែកផ្សេងទៀត

ការញាក់ភ្នែកមិនឈប់ គឺជាការកន្ត្រាក់ត្របកភ្នែកដែលយើងមិន​អាចគ្រប់គ្រងបាន។ ភាគ​ច្រើ​នភ្នែកញាក់មិនឈប់តែ ២ ទៅ ៣នាទីប៉ុណ្ណោះ ប៉ុន្តែពេលខ្លះអាចកើតឡើងពេញមួយថ្ងៃ ឬ​យូរ​ជាងនេះ។ ប្រសិន​បើធ្ងន់ធ្ងរ អាចប៉ះពាល់ដល់ការមើលរបស់យើង។ ការញាក់ភ្នែកមិនឈប់​ច្រើន​កើតលើស្ត្រីវ័យកណ្តាលនិងវ័យចាស់។ ហេតុអ្វីបានជាយើងញាក់ភ្នែកមិនឈប់? យើងញាក់ភ្នែកមិនឈប់អាចបណ្តាលមកពីមូលហេតុជាច្រើនដូចជា៖ ការញុំាគ្រឿងស្រវឹង ការចាំងពន្លឺ ការញុំាជាតិកាហ្វេអ៊ីនច្រើន ភាពនឿយហត់ ការជក់បារី ភាពតានតឹង (ស្រ្តេស) ការត្រូវខ្យល់កង្វក់ ការរលាកត្របកភ្នែកខាងក្នុង អាលែកហ្ស៊ី កង្វះអាហារូបត្ថម្ភ ភ្នែកស្ងួត ការរួយភ្នែក ការប្រើប្រាស់ថ្នាំមួយចំនួន ពេលខ្លះការផ្លាស់ប្តូររបបអាហារ និងរបៀបរស់នៅបន្តិច​បន្តួចអាចកាត់បន្ថយ​ហានិភ័យនៃការ​ញាក់​ភ្នែក ឬជួយឱ្យត្របកភ្នែកបាត់ញាក់បាន។ ប្រសិនបើយើងញាក់ភ្នែកមិនបាត់ មានការផ្លាស់ប្តូររូបរាង ឬចលនានៃមុខ (រួមទាំងត្របកភ្នែក) ឬប្រសិនបើត្របកភ្នែកទាំងពីរតឹងពេកមិនអាចបើកភ្នែកបាន ត្រូវ​ទៅជួបគ្រូពេទ្យភ្នែកជាបន្ទាន់ ។

បញ្ហាភ្នែកផ្សេងទៀត

អាចម៍​ភ្នែក​​កើត​ឡើង​ជា​ទូទៅ​​ក្រោយ​ពេល​ដែល​យើង​ភ្ញាក់​ពី​គេង។ ពិត​ណាស់​ ភ្នែក​របស់​យើង​មាន​ភ្នាស​រម្អិល​​ជា​ជាលិកា​ដែល​​គ្របដណ្ដប់​គ្រឿង​ក្នុង​របស់​មនុស្ស​ដែល​មាន​លក្ខណៈ​ប្រហោង​ៗ និង​សរីរាង្គ​ជា​ច្រើន​​ទៀត​។ ​ភ្នែក​បង្កើត​អាចម៍​ភ្នែក​ ហើយ​វា​ក៏​អាច​លាង​សម្អាត​​ដោយ​ខ្លួន​ឯង​​នៅ​ពេល​ដែល​យើង​ព្រិច​ភ្នែក​ ពីព្រោះ​​សារធាតុ​រាវ​នឹង​​ចេញ​ពី​បំពង់​ទឹក​ភ្នែក។ ប៉ុន្តែ ជួនកាល​ អាចម៍​ភ្នែក​ក៏​អាច​ប្រមូលផ្ដុំ ព្រម​ទាំង​បង្ក​ជា​អាចម៍​ភ្នែក​រឹង​ផង​ដែរ​។ តើ​អាចម៍​ភ្នែក​ប្រភេទ​ណា​ដែល​ធម្មតា និង​ប្រភេទ​ណា​ដែល​យើង​គួរ​បារម្ភ​? ១. អាចម៍​ភ្នែក​នៅ​ពេល​ព្រឹក​ ​វា​ជា​រឿង​ធម្មតា​ប៉ុណ្ណោះ​ ដែល​យើង​សង្កេត​ឃើញ​​អាចម៍​ភ្នែក​តិចតួច​នៅ​ពេល​ព្រឹក ហើយ​វា​កើត​ឡើង​ដោយ​សារ​តែ​យើង​មិន​ព្រិច​ភ្នែក​នៅ​ពេល​យប់។ កត្តា​នេះ​ធ្វើ​ឲ្យ​អាចម៍​ភ្នែក​ និង​កម្ទេចកំទី​ដទៃ​ទៀត​កកកុញ​​នៅ​កៀន​ភ្នែក​ ឬ​​នៅ​តាម​ត្របក​ភ្នែក​។ អាចម៍​ភ្នែក​​អាច​មាន​សភាព​ទន់​ ឬ​រឹង មាន​ពណ៌​ក្រែម​ លឿង​ ថ្លា​ ឬ​ស​ ហើយ​វា​មិន​មាន​អ្វី​គួរ​ឲ្យ​បារម្ភ​ឡើយ​។ យើង​អាច​ជូត​វា​ចេញ​ជាមួយ​នឹង​ក្រដាស​ជូត​មាត់​ ឬ​លាង​សម្អាត​មុខ និង​ភ្នែក​ជាមួយ​នឹង​ទឹក​ក្ដៅ​ឧណ្ហ​ៗ​។ ២. អាចម៍​ភ្នែក​រឹង នៅ​ពេល​ដែល​អាចម៍​ភ្នែក​​រឹង ឬ​ស្អិត​ វា​ក៏​អាច​ជា​សញ្ញា​នៃ​ការ​​បង្ក​រោគ​ដោយ​បាក់តេរី​។ កត្តា​នេះ​អាច​បណ្ដាល​ឲ្យ​ហូរ​ទឹក​រម្អិល​ភ្នែក​​ពណ៌​ប្រផេះ បៃតង ឬ​លឿង​ចេញ​ពី​ភ្នែក។ ជា​​ទូទៅ ​ការ​ឆ្លង​បាក់តេរី អាច​រួម​បញ្ចូល​ទាំង​​ជំងឺ​ភ្នែក​ក្រហម​ ​ឬ​ជំងឺ​រលាក​ភ្នាស​ពាស​ភ្នែក ។ ​ជំងឺ​ភ្នែក​ក្រហម​មិន​បង្ក​ជា​បញ្ហា​ភ្នែក​ធ្ងន់ធ្ងរ​ឡើយ​ ប៉ុន្តែ​ជំងឺ​រលាក​ភ្នាស​ពាស​ភ្នែក​អាច​បណ្ដាល​ឲ្យ​យើង​ពិការ​ភ្នែក​ដោយ​មិន​ដឹង​ខ្លួន។ ដូច្នេះ​ហើយ​ ​គ្នា​យើង​គប្បី​​ទៅ​ជួប​ជាមួយ​នឹង​គ្រូពេទ្យ​ភ្លាម​ៗ​ ប្រសិនបើ​យើង​មាន​អាការៈ​​​ឈឺ​ភ្នែក ប្រតិកម្ម​នឹង​ពន្លឺ ការ​ប្រែប្រួល​គំហើញ​ ឬ​ចេញ​ទឹក​ភ្នែក​ ឬ​ទឹក​រម្អិល​ច្រើន​ជ្រុល​។ ៣. អាចម៍​ភ្នែក​​រាវ​ ​​​​ជាមួយ​គ្នា​នេះ​ដែរ អាចម៍​ភ្នែក​រាវ​ក៏​អាច​ជា​សញ្ញា​នៃ​ការ​ឆ្លង​មេរោគ​ដូចគ្នា​ ដែល​ជា​ធម្មតា​​វា​ជា​ជំងឺ​ភ្នែក​ក្រហម​ ។ ពិត​ណាស់ ជំងឺ​ប្រភេទ […]

បញ្ហាភ្នែកផ្សេងទៀត

អាការៈ​ឈឺ​ក្បាល​ភ្លាម​ៗ​នៅ​លើ​ភ្នែក​ម្ខាង​អំឡុង​ពេល​ហាត់​ប្រាណ​ អាច​បង្អាក់​សកម្មភាព​​ហាត់​ប្រាណ​របស់​យើង​បាន​។ ជា​ទូទៅ អាការៈ​នេះ​​​អាច​មាន​រយៈពេល​ពី​២​ទៅ​៣​នាទី ឬ​អាច​បន្ត​​​រហូត​ដល់​ជា​ច្រើន​ថ្ងៃ​។ ពិត​ណាស់ ការ​ស្វែង​យល់​ពី​មូលហេតុ​ដែល​បណ្ដាល​ឲ្យ​កើត​មាន​អាការៈ​ឈឺ​ក្បាល​ប្រភេទ​នេះ​ ជា​រឿង​សំខាន់​ណាស់​ ពីព្រោះ​​យើង​អាច​ធ្វើការ​ព្យាបាល​ និង​បង្ការ​​ការ​ឈឺ​ក្បាល​នេះ​ប្រកប​ដោយ​ប្រសិទ្ធភាព​។ រោគសញ្ញា​ ការ​ឈឺ​ក្បាល​ដែល​វិវត្ត​លើ​ភ្នែក​ម្ខាង​ អំឡុង​ពេល​ហាត់​ប្រាណ​អាច​មាន​ភាព​ខុស​ៗ​គ្នា​ ពី​ស្រាល​ទៅ​ធ្ងន់ធ្ងរ​ ដែល​អាច​បញ្ឈប់​រាល់​គ្រប់​សកម្មភាព​របស់​យើង​។ តំបន់​ដែល​ឈឺ​ក្បាល​​ក៏​អាច​រួម​បញ្ចូល​ផ្នែក​ខាង​មុខ ឬ​ផ្នែក​ម្ខាង​ ឬ​ផ្នែក​ទាំង​សង​ខាង​នៃ​ក្បាល​។ ជាមួយ​គ្នា​នេះ​ដែរ ការ​ឈឺ​ក្បាល​ដែល​បណ្ដាល​មក​ពី​លំហាត់​ប្រាណ​ក៏​អាច​អម​ជាមួយ​នឹង​រោគសញ្ញា​​ផ្សេង​​ទៀត​ រួម​ទាំង​ចង្អោរ​ ចាញ់​ពន្លឺ ​រឹង​ក សន្លប់ ឬ​ក្អួត​។ មូលហេតុ​បង្ក​ ការ​ឈឺ​ក្បាល​ដែល​បណ្ដាល​មក​ពី​ការ​ធ្វើ​លំហាត់​ប្រាណ​កើត​ឡើង​​ នៅ​ពេល​ដែល​យើង​ធ្វើ​លំហាត់​ប្រាណ​ខ្លាំង​ក្លា​ពេក​។ សរសៃ​ឈាម​នៅ​ក្នុង​ក្បាល ឬ​ខួរ​ក្បាល​អាច​រលាក​ ហើយ​បង្ក​ជា​អាការៈ​ឈឺ​ក្បាល​។ សរសៃ​ប្រសាទ​នៅ​ក្នុង​ក្បាល​លាតសន្ធឹង​ ដែល​បណ្ដាល​ឲ្យ​ឈឺ​ក្បាល​។ ​ម្យ៉ាង​វិញ​ទៀត​ ការ​ឈឺ​ក្បាល​​ដែល​កើត​ឡើង​អំឡុង​ពេល​ធ្វើ​លំហាត់​ប្រាណ​ ក៏​អាច​​បង្ក​ឡើង​ដោយ​​​ការ​បង្ក​រោគ​នៅ​ប្រហោង​ឆ្អឹង​ ដុំ​សាច់​ សរសៃ​ឈាម​មិន​ប្រក្រតី​ ឬ​ហួរ​​ឈាម​នៅ​ក្នុង​ខួរក្បាល ឬ​ភ្នាស​គ្រប​ដណ្ដប់​ខួរ​ក្បាល​។ ការ​ព្យាបាល​ ​​​​ប្រសិនបើ​យើង​ប្រឈម​នឹង​អាការៈ​ឈឺ​ក្បាល​នៅ​ក្នុង​ ឬ​ជុំវិញ​បរិវេណ​ភ្នែក​ម្ខាង​​អំឡុង​ពេល​ហាត់ប្រាណ ចូរ​បញ្ឈប់​ការ​ធ្វើ​លំហាត់​ប្រាណ​ភ្លាម​ៗ​ និង​រក​កន្លែង​​សម្រាក​ដែល​​ស្ងប់ស្ងាត់​ដោយ​បិទ​ភ្នែក​មួយ​សន្ទុះ​។ បន្ថែម​ពី​នេះ​ ចូរ​​ស្អំ​កំណាត់​ក្ដៅ​នៅ​​កញ្ចឹង​ក​ផ្នែក​ខាង​ក្រោយ​ ឬ​ធ្វើ​ការ​ម៉ាស្សា​នៅ​បរិវេណ​ខាង​លើ​ភ្នែក​។​ ប្រសិនបើ​ការ​ឈឺ​ក្បាល​នេះ មិន​បាត់​ទៅ​វិញ​ទេ ឬ​កាន់​តែ​យ៉ាប់យ៉ឺន​ យើង​គប្បី​ពិគ្រោះ​យោបល់​ជាមួយ​នឹង​គ្រូពេទ្យ​ ទើប​ជា​ការ​ប្រសើរ​។ តិចនិក​បង្ការ​ ឬ​កាត់​បន្ថយ​អាការៈ​ឈឺ​ក្បាល​លើ​ភ្នែក​ម្ខាង​ អំឡុង​ពេល​ហាត់​ប្រាណ​ ​ការ​ធ្វើ​លំហាត់​ប្រាណ​ជា​ទៀងទាត់​ អាច​ជួយ​កាត់បន្ថយ​ និង​ការពារ​ការ​ឈឺ​ក្បាល​ ដែល​បណ្ដាល​មក​ពី​ការ​ធ្វើ​លំហាត់​ប្រាណ​ ពីព្រោះ​លំហាត់​ប្រាណ​សរសៃ​ឈាម​បេះដូង បញ្ចេញ​អ័រម៉ូន​endorphins ​និង​ធ្វើ​ឲ្យ​លំហូរ​​ឈាម​ខួរ​ក្បាល​ប្រសើរ​ឡើង​ ដើម្បី​កាត់បន្ថយ​ការ​រលាក​សរសៃ​ឈាម​ក្នុង​ខួរ​ក្បាល​។

បញ្ហាភ្នែកផ្សេងទៀត

អ្នក​ខ្លះ​យល់​ថា​ភ្នែកឡើងលឿង គឺ​អ្នក​នោះ​មាន​ជំងឺ​ខាន់​លឿង​។ ប៉ុន្តែ​ភ្នែកឡើងលឿង​ខ្លះ​មិន​មែន​ដោយ​សារ​ជំងឺ​ខាន់លឿង​នោះ​ទេ បើ​មិន​មាន​ចេញ​រោគ​សញ្ញា​ស្បែក​លឿង​មក​ជាមួយ​គ្នា​ដែរ​នោះ​។ ភ្នែក​ឡើង​លឿង​នៅ​ពេល​ខ្លះ គ្រាន់​តែ​បង្ក​ឡើង​ដោយ​មូល​ហេតុ​សាមញ្ញ​ៗ តែ​ក៏​អាច​ជា​សញ្ញា​សុខ​ភាព​ធ្ងន់ធ្ងរ​ផ្សេង​ដែរ​។ បើ​អ៊ីចឹង​ភ្នែក​ឡើង​លឿង​អាច​មកពី​អ្វីខ្លះ? ១. សារធាតុbilirubin​ឡើង​ខ្ពស់ សារធាតុ bilirubin ​ផលិត​ឡើង​នៅ​ពេល​ថ្លើម​បំបែក​កោសិកា​ឈាម​ក្រហម​ចាស់​ៗ​។ សារធាតុ bilirubin ក៏​ប្រមូល​ផ្ដុំ និង​ផលិត​ទឹក​ប្រមាត់ហើយ​ថង់​ទឹក​ប្រមាត់​ក៏​បញ្ចេញ​វា​ទៅ​កាន់​ពោះ​វៀន​តូច​ពេល​​ត្រូវ​ការ ​ដើម្បី​បំបែក​ខ្លាញ់​នៅ​ពេល​ដំណើរ​ការ​រំលាយអាហារ​។ សារធាតុ bilirubin ត្រូវ​បញ្ចេញ​ពី​រាង​កាយ​តាម​រយៈ​លាមក និង​ធ្វើ​ឲ្យ​លាមក​នៅ​រក្សា​ពណ៌​ត្នោត​​ជា​ធម្មតា​។ នៅ​ពេល​មួយ​ដែល​ចំនួន​កោសិកា​ឈាម​ក្រហម​ត្រូវ​បំបែក​ច្រើន​ខុស​ប្រក្រតី សារធាតុ bilirubin អាច​នឹង​កើន​ឡើង​ក្នុង​រាង​កាយ​លឿន​ដែរ​។ អ្នក​មាន​ជំងឺ​ថ្លើម ក៏​អាច​ធ្វើ​ឲ្យ​សារធាតុ bilirubin កើន​ឡើង​ក្នុង​កម្រិត​ខ្ពស់​ខុស​ធម្មតា​ដែរ​។​ សារធាតុ bilirubin​ កើន​ឡើង​ច្រើន​ខ្លាំង ជា​មូល​ហេតុ​មួយ​ក្នុង​ចំណោម​មូល​ហេតុ​ផ្សេង​ទៀត​​បង្ក​ជំងឺ​ខាន់​លឿង​​។ គ្រូពេទ្យ​អាច​ណែ​នាំ​ឲ្យ​អ្នក​ជំងឺ​ធ្វើ​តេស្ត​ដំណើរ​ការ​របស់​ថ្លើម​ច្រើន​ប្រភេទ មុន​នឹង​អាច​វាយ​តម្លៃ​ពី​ប្រភេទ​បញ្ហា​កើត​មាន​លើ​ថ្លើម​។ ចំណែក​ការ​ព្យាបាល​វិញ គឺ​អាស្រ័យ​លើ​មូលហេតុ​បង្ក​នាំឲ្យ​សារធាតុ bilirubin កើន​ឡើង​​។ ២. ឆ្លង​បាក់តេរី​ ភ្នែក​ឆ្លង​បាក់តេរី​ប្រភេទ Leptospira ក៏​អាច​ធ្វើ​ឲ្យ​ភ្នែកឡើងលឿង​បាន​ដែរ​។ មនុស្ស​នៅ​តំបន់​មាន​អាកាស​ធាតុ​ក្ដៅ និង​ប៉ះពាល់​ទឹក​មាន​ផ្ទុក​ទឹក​នោម​សត្វ​ច្រើន​ សុទ្ធ​តែ​អាច​ប្រឈម​នឹង​ការ​ឆ្លង​បាត់តេរី​នេះ។ អ្នក​ឆ្លង​បាក់តេរី​ប្រភេទ​នេះ នឹង​វិវដ្ដ​ទៅ​ជា​ក្អក ឈឺ​ក ឈឺក្បាល ឈឺ​សាច់ដុំ និង​ឈឺពោះ ហើយ​ក៏​មាន​ហើម​កូន​កណ្ដុរ​ផង​ដែរ​។​ ជាមួយ​គ្នា​នេះ​ ក៏​អាច​ធ្វើ​ឲ្យ​អណ្ដើក ឬ​​ថ្លើម​រីក​ធំ​ផង​ដែរ​ ៣. ញៀន​ស្រា ញៀន​ស្រា​ជា​ជំងឺ​រ៉ាំរ៉ៃ​មួយ​ដែល​ធ្វើ​ឲ្យ​យើង​ចេះ​តែ​ចង់​ផឹក​ស្រា។ ការ​ផឹក​គ្រឿង​ស្រវឹង​ច្រើន​ហួស​កម្រិត​ពេក អាច​ធ្វើ​ឲ្យ​ខូច​ថ្លើម​។ អ្នក​ផឹក​ស្រា​ជោគ​ជាំ​ប្រចាំ​ថ្ងៃ មាន​ហានិភ័យ​ខ្ពស់​វិវដ្ដ​ទៅ​ជា​ជំងឺ​ថ្លើម​ដោយ​សារ​គ្រឿង​ស្រវឹង​។ […]

បញ្ហាភ្នែកផ្សេងទៀត

​ជា​ទូ​ទៅ គ្នា​យើង​​សុទ្ធ​តែ​ធ្លាប់​ជួប​ប្រទះ​បញ្ហា​ភ្នែក​តិចតួច​ ហើយ​អាការៈ​នេះ​នឹង​អាច​វិល​ត្រលប់​​មក​រក​សភាព​ល្អ​ប្រសើរ​វិញ​ ​​ពេល​​​​គេង​​​គ្រប់គ្រាន់​​។​ យ៉ាង​ណា​មិញ​ ​​សញ្ញា​មួយ​ចំនួន​​កើត​ឡើង​ចំពោះ​ភ្នែក​ ​ ក៏​អាច​បញ្ជាក់​ពី​បញ្ហា​សុខភាព​ធ្ងន់ធ្ងរ​ដែរ​។​ ដូច្នេះ​​​ យើង​គប្បី​យក​ចិត្ត​ទុកដាក់​ឲ្យ​បាន​ដិតដល់​ ​បើ​យើង​សង្កេត​ឃើញ​សញ្ញា​នៃ​ភ្នែក​ទាំង​នេះ​។ ​​​​១. ចំណុច​​សៗ​នៅ​លើ​កញ្ចក់​ភ្នែក​ បញ្ហា​នេះ​កើត​ឡើង​ជា​ញឹកញាប់​ចំពោះ​អ្នក​ដែល​ពាក់​Contact Lenses ហើយ​វា​អាច​ជា​សញ្ញា​នៃ​ការ​ឆ្លង​​មេរោគ​លើ​កញ្ចក់​ភ្នែក​។ សូម្បី​តែ​របួស​ភ្នែក​តិចតួច​​ដែល​បណ្ដាល​មក​ពី​ការ​ពាក់​Contact Lenses ​ក៏​អាច​បង្ក​ជា​ការ​ឆ្លង​មេរោគ​ និង​ដំបៅ​កញ្ចក់​ភ្នែក​បាន​ដែរ​។ ជា​ទូ​ទៅ​ អ្នក​ដែល​ពាក់Contact Lenses ​​ហួស​កាល​បរិច្ឆេទ​ប្រើប្រាស់​ ឬ​ប្រើប្រាស់​ជា​រៀងរាល់​ថ្ងៃ​ក្នុង​​រយៈពេល​យូរ​ ក៏​មាន​ហានិភ័យ​ខ្ពស់​​នៃ​ការ​ឆ្លង​មេរោគ​លើ​កញ្ចក់​ភ្នែក​នេះ​ដែរ​​។ ២. ភ្នែក​ក្រហម មូលហេតុ​​នៃ​​ភ្នែក​ក្រហម​អាច​​បណ្ដាល​មក​ពី​​ការ​គេង​មិន​គ្រប់គ្រាន់​ ធ្វើការ​យូរ​ពេក​ ឬ​ប៉ះពាល់​នឹង​ខ្យល់​ ឬ​ពន្លឺព្រះអាទិត្យ​។​ ក្នុង​ករណី​ដែល​យើង​កើត​មាន​បញ្ហា​ភ្នែក​ក្រហម​ដោយ​មិន​មាន​មូលហេតុ​ វា​អាច​ជា​​បញ្ជាក់​ពី​ជំងឺ​​ផ្សេងៗ​ ដូចជា​​​ជំងឺ​ទឹក​ដក់​បាត​ភ្នែក  កើនឡើងសម្ពាធ​​នៅ​ក្នុង​លលាដ៍​ក្បាល​ឡើង​ ​និង​ជំងឺ​ទឹក​នោម​ផ្អែម​។ ៣. រង្វង់​មូល​ពណ៌​ស​នៅ​ជុំវិញ​ប្រស្រី​ភ្នែក ភាគ​ច្រើន​ វា​អាច​ជា​សញ្ញា​នៃ​ភាព​ចាស់​ ដែល​យើង​មិន​ចាំបាច់​ព្រួយបារម្ភ​ឡើយ​។​ ប៉ុន្តែ​ ប្រសិនបើ​យើង​នៅ​វ័យ​ក្មេង​វិញ រង្វង់​មូល​ពណ៌​ស​នេះ​អាច​បញ្ជាក់​ពី​កម្រិត​កូលេស្តេរ៉ូល​ និងខ្លាញ់ទ្រីគ្លីសេរីតខ្ពស់​ ដែល​មាន​ន័យ​ថា​ យើង​កំពុង​តែ​មាន​ហានិភ័យ​ខ្ពស់​នៃ​ការ​កើត​ជំងឺ​​គាំង​បេះដូង​ ឬ​គ្រោះថ្នាក់​សរសៃ​ឈាម​ខួរ​ក្បាល​។   ៤. ភ្នែក​ស្ងួត​ ចំណែក​ឯ​បញ្ហា​ភ្នែក​ស្ងួត​អាច​ធ្វើ​ឲ្យ​យើង​មាន​អាការៈ​រមាស់​​ភ្នែក​ និង​​ញី​ភ្នែក​ញឹកញាប់​ ដែល​​ទង្វើ​នេះ​នឹង​បំផ្លាញ​ស្បែក​នៅ​ជុំវិញ​ភ្នែក​ ​បង្ក​ជា​ស្នាម​ដក់​ក្រោម​​ត្របក​ភ្នែក​ និង​ស្នាម​ជ្រីវជ្រួញ។​ មូលហេតុ​ទូទៅ​នៃ​អាការៈ​​​រមាស់​ភ្នែក​ គឺ​បណ្ដាល​មក​ពី​អាលែកហ្ស៊ី​​តាម​រដូវ​កាល​។​ ​ ៥. ផ្នែក​ពណ៌​ស​នៃ​ភ្នែក​ប្រែ​ទៅ​​ជា​ពណ៌​​លឿង ​ភាគ​ច្រើន​ មូលហេតុ​នៃ​ការ​ប្រែ​ពណ៌​នេះ​​ គឺ​ដោយ​សារ​តែ​ការ​ថយ​ចុះ​មុខងារ​ថ្លើម​ និង​ថង់​ទឹក​ប្រមាត់​។​ […]

បញ្ហាភ្នែកផ្សេងទៀត

ការ​ធ្វើ​លំហាត់​ប្រាណ​ជា​ប្រចាំ​មិន​ត្រឹម​តែ​ធ្វើ​ឲ្យ​រាង​កាយ​យើង​មាន​សុខភាព​រឹង​មាំ និង​ជួយ​ឲ្យ​មាន​អារម្មណ៍​ល្អ​ប៉ុណ្ណោះ​ទេ តែ​ការ​សិក្សា​ថ្មីៗ​នេះ​បាន​រក​ឃើញ​ថា​ការ​ហាត់​ប្រាណ​បាន​ជួយ​កាត់​បន្ថយ​ហានិភ័យ​កើត​ជំងឺ​ខ្សោយ​គំហើញ​នៅ​វ័យ​៥០​ឆ្នាំ ឬ​ចាស់​ជាង​នេះ​។ ដូចគ្នា​ដែរ ការ​ហាត់​ប្រាណ​ក៏​ជួយ​ឲ្យ​មនុស្ស​យើង​កាត់​បន្ថយ​ហានិភ័យ​កើត​ជំងឺ​បេះដូង និង​ជំងឺ​ទឹក​នោម​ផ្អែម ដែល​ជំងឺ​ទាំង​នេះ​សុទ្ធ​តែ​អាច​ធ្វើ​ឲ្យ​ភ្នែក​មាន​បញ្ហា​ដែរ​។​ ១. ហាត់​ប្រាណ​ជួយ​ដល់​សុខភាព​សរសៃឈាម​ក្នុង​ភ្នែក​ ការ​សិក្សា​​មួយ​ធ្វើ​ឡើង​លើ​សត្វ​កណ្ដុរ ដោយ​កណ្ដុរ​មួយ​ក្រុម​ត្រូវ​អ្នក​ស្រាវ​ជ្រាវ​ដាក់​​នៅ​លើ​ម៉ាស៊ីន​រត់ និង​មួយ​ក្រុម​ទៀត​ឲ្យ​នៅ​ស្ងៀម​ធម្មតា​។ បួន​សប្ដាហ៍​ក្រោយ ក្រុម​អ្នក​ស្រាវជ្រាវ​បាន​ពិនិត្យ​លើ​ភ្នែក​របស់​កណ្ដុរ​ទាំង​ពីរ​ក្រុម​។ ក្រោយ​ការ​ពិនិត្យ អ្នក​ស្រាវជ្រាវ​បាន​រក​ឃើញ​ថា​កណ្ដុរ​ដែល​បាន​រត់​លើ​ម៉ាស៊ីន​ហាត់​ប្រាណ​ជា​ប្រចាំ មាន​ការ​ខូច​ខាត​ភ្នែក​ដល់ទៅ​៤៥​ភាគ​រយ​ទាប​ជាង​​កណ្ដុរ​ដែល​មិន​ធ្វើ​សកម្មភាព​រាង​កាយ​។ ការ​សិក្សា​បាន​លើក​ឡើ​ង​ការ​ការ​ហាត់​ប្រាណ​បាន​ជួយ​ដល់​ភាព​ធន់​របស់​ភ្នែក​។ ការ​ហាត់​ប្រាណ​អាច​ប្រឆាំង​នឹង​ការ​លូត​លាស់​ខុស​ធម្មតា​របស់​សរសៃឈាម​ ដែល​កើត​ឡើង​ក្នុង​ភ្នែក​ដូច​ជាខូចសរសៃឈាមក្នងបាតភ្នែក ខូចបាតភ្នែក  ​ខូចសរសៃឈាមបាតភ្នែកដោយសារទឹកនោមផ្អែមនិង​ជំងឺ​ទឹក​ដក់​​បាត​ភ្នែក​។ ២. ហាត់​ប្រាណ​ជួយ​សុខភាព​ភ្នែក​ អ្នក​វិទ្យាសាស្រ្ត​កំពុង​សិក្សា​បន្ថែម​ទៀត ថា​ហេតុ​អ្វី​បានជា​ការ​ធ្វើ​លំហាត់​ប្រាណ​អាច​ការ​ពារ​ភ្នែក​របស់​មនុស្ស​យើង​បាន​។ របក​គំហើញ​ថ្មីៗ​អាច​នឹង​ដោះ​ស្រាយ​បញ្ហា​ព្យា​បាល​ភ្នែក​​ជា​ច្រើន​ផ្សេង​ទៀត​។ ប៉ុន្តែ​ពេល​នេះ អ្វី​ដែល​អ្នក​វិទ្យាសាស្រ្ដ​បាន​ដឹង​ច្បាស់​គឺ​ថា​ការ​ធ្វើ​លំហាត់​ប្រាណ​បាន​ជួយ​កាត់​បន្ថយ​បញ្ហា​ភ្នែក​។ បើ​សិន​ជា​យើង​កំពុង​មាន​បញ្ហា​ភ្នែក ការ​ហាត់​ប្រាណ​នឹង​ជួយ​ឲ្យ​ស្ថាន​ភាព​ជំងឺ​ប្រសើរ​ឡើង​។ ការ​សិក្សា​បាន​រក​ឃើញ​ថា​អ្ន​ក​ធ្វើ​លំហាត់​ប្រាណ​កម្រិត​មធ្យម​​មានការ​វិវត្ត​​កើត​ជំងឺ​ទឹក​ដក់​បាត​ភ្នែក​២៥​ភាគ​រយ​តិច​ជាង​អ្នក​មិន​ហាត់​ប្រាណ​។ ការ​ធ្វើ​លំហាត់​ប្រាណ​ក៏​ជួយ​ដល់​ការ​គ្រប់​គ្រង​ជំងឺ​ទឹកនោម​ផ្អែម សម្ពាធ​ឈាម​ខ្ពស់ និង​កូលេស្តេរ៉ូល​ខ្ពស់​។ ជំងឺ​ទាំង​នេះ អាច​ធ្វើ​ឲ្យ​ភ្នែក ឬ​គំហើញ​របស់​យើង​មាន​បញ្ហា​។ ដូច​នេះ ការ​ហាត់​ប្រាណ​បាន​ជា​ប្រចាំ​នឹង​ជួយ​យើង​កាត់​បន្ថយ​ហានិភ័យ​ជំងឺ​ភ្នែក​ដោយ​សារ​បញ្ហា​សុខភាព​ទាំង​នេះ​។ ៣. គួរ​ហាត់​ប្រាណ​កម្រិត​ណា? ការ​សិក្សា​ជា​ច្រើន​បាន​រក​ឃើញ​ និង​បាន​ណែនាំ​ថា​មនុស្ស​​យើង​ហាត់​ប្រាណ​កម្រិត​មធ្យម​មាន​ប្រយោជន៍​ល្អ​ចំពោះ​សុខភាព​។ អង្គការ​សុខភាព​ពិភព​លោក និង​CDC អាមេរិក​បាន​ណែ​ឲ្យ​យើង​ហាត់​ប្រាណ​ដូច​ជា​ដើរ ជិះកង់ ហែលទឹក រាំ ឬ​រត់​ត្រឹកៗ​ឲ្យ​បាន​៣០​នាទី​ក្នុង​មួយ​ថ្ងៃ ឬ​ប្រហែល​១៥០​នាទី​ក្នុង​មួយ​សប្ដាហ៍​​។ ការ​ហាត់​ប្រាណ​ជា​ប្រចាំ​នឹង​ជួយ​ឲ្យ​សុខភាព​រាង​កាយ និង​ភ្នែក​យើង​មាន​សុខភាព​ល្អ​។

បញ្ហាភ្នែកផ្សេងទៀត

បញ្ហា​ស្ពឹក​ភ្នែក កើត​ឡើង​នៅ​ពេល​ដែល​យើង​ខំ​ប្រឹង​សម្លឹង​ធ្វើ​ការ​ដោយ​សម្លឹង​មើល​អេក្រង់​កុំព្យូទ័រ ឬ​ទូរស័ព្ទ អាន​សៀវភៅ​ក្នុង​រយៈ​ពេល​យូរ។ បញ្ហា​ស្ពឹក​ភ្នែក​នេះ ជា​បញ្ហា​ទូទៅ​មួយ​ដែល​គ្នា​យើង​ក្នុង​យុគ​សម័យ​បច្ចេកវិទ្យា​ជឿន​លឿន​នេះ ងាយ​នឹង​ប្រឈម ដោយ​សារ​គ្រឿង​អេឡិចត្រូនិច​ដ៏​សម្បូរ​បែប។ ប៉ុន្តែ កុំ​បារម្ភ! វិធី​ជួយ​សម្រួល​ភ្នែក​កុំ​ឲ្យ​ស្ពឹក​ក្រោយ​សម្លឹង​កុំព្យូទ័រ​ធ្វើការ​យូរ ឬ​លេង​ Facebook មើល​ Youtube ច្រើន​ទេ​ គ្នា​យើង​អាច​ចាប់​ផ្ដើម​ធ្វើ​ភ្លាម​ៗ​ក្រោយ​អាន​អត្ថបទ​នេះ​ចប់ ឬ​អាន​បណ្ដើរ ធ្វើ​បណ្ដើរ​ក៏​បាន៖ ១.ធ្មេច​ភ្នែក- គ្នា​យើង​ខ្លះ​ពេល​ផ្ដោត​អារម្មណ៍​ធ្វើ​ការ​ខ្លាំង​ពេក​ទៅ មិន​សូវ​បាន​ធ្មេញ​ភ្នែក​ទេ ដែល​ជា​បញ្ហា​អាច​បណ្ដាល​ឲ្យ​ភ្នែក​ស្ងួត។ យើង​ត្រូវ​ដឹង​ថា​ការ​ធ្មេច​ភ្នែក​ជួយ​ឲ្យ​បង្កើត​ទឹក​ភ្នែក​ដែល​ផ្ដល់​សំណើម និង​ធ្វើ​ឲ្យ​ភ្នែក​យើង​ស្រស់​ថ្លា។ ត្រូវ​ធ្មេច​ភ្នែក​ខ្លួន​ឯង​រាល់ ៤៤ វិនាទី​ម្ដង ដើម្បី​ជួយ​ឲ្យ​ភ្នែក​មាន​សំណើម​គ្រប់​គ្រាន់ មិន​ក្ដៅ មិន​ក្រហាយ។ ២.សម្រាក​ភ្នែក- ការ​ដែល​យើង​ខំ​ធ្វើ​ការងារ​ជា​រឿង​ល្អ តែ​ការ​ដែល​សម្លឹង​អេក្រង់​យូរ​ពេក​មិន​មែន​ជា​រឿង​ល្អ​សម្រាប់​ភ្នែក​យើង​ទេ។ ​យើង​គួរ​សម្រាក​ភ្នែក​បន្តិច ទម្រេត​ខ្លួន​លើ​កៅអី​ផ្អែក ហើយ​បិទ​ភ្នែក ហើយ​គ្រលៀស​ភ្នែក​ឆ្វេង​ស្ដាំៗ​ជា​រង្វង់។ ធ្វើ​របៀប​នេះ ម្ដង​ទៅ ២ ដង​រាល់​ម៉ោង ដើម្បី​ម៉ាស្សា​គ្រាប់​ភ្នែក​ឲ្យ​បាន​សម្រាក ផ្ដល់​សំណើម និង​កាត់​បន្ថយ​សម្ពាធ​សាច់​ដុំ​ភ្នែក។ ៣.បន្ថយ​ពន្លឺ​អេក្រង់- សារេ​ពន្លឺ​អេក្រង់​ឲ្យ​ភ្នែក​យើង​ទទួល​យក​បាន។ កុំ​ទម្លាប់​បើក​ពន្លឺ​ភ្លឺ​ខ្លាំង​ពេក បើ​មិន​នៅ​កណ្ដាល​វាល (ក្រោម​ពន្លឺ​ថ្ងៃ)។ ៤.កំណត់​ម៉ោង​មើល​អេក្រង់- វិធី​នេះ​អាច​រំលឹក​យើង​ឲ្យ​សម្រាក​ពី​ការ​សម្លឹង​អេក្រង់​បន្តិច សឹម​បន្ត​ការងារ​ទៀត ហើយ​វា​ក៏​សំខាន់​ដែរ​សម្រាប់​ក្មេង​តូចៗ​ដែល​ចូល​ចិត្ត​មើល​តុក្កតា​យូរៗ។ យើង​អាច​កំណត់​ម៉ោង​នៅ​លើ​កុំព្យូទ័រ ឬ​ទូរស័ព្ទ​ដោយ​រាល់​៤០-៦០​នាទី/ម្ដង សម្រាក​ភ្នែក​៣-៥នាទី។ល។ ៥.ងើបចេញ- ទោះ​ជា​អារម្មណ៍​នៅ​នឹង​ការងារ ឬ​វីដេអូ​ក្នុង​អេក្រង់​ក៏​ដោយ ក៏​ត្រូវ​ងើប​ចេញ​ពី​តុ ឬ​ដើរ​ចេញ​ពី​អេក្រង់​ទៅ​រក​ទឹក […]

បញ្ហាភ្នែកផ្សេងទៀត

ស្ទះ​រន្ធ​ទឹកភ្នែក ជា​ជំងឺ​បណ្ដាល​ឲ្យ​កុមារ​មាន​បញ្ហា​នេះ​ហូរ​ទឹកភ្នែក​ច្រើន ឬភ្នែក​សើម​រហូត​ខុស​ប្រក្រតី។ រន្ធ​ទឹកភ្នែក ជា​បំពង់​តូច​​មួយ​ត​ភ្ជាប់​ពី​ផ្នែក​ខាង​ក្នុង​ត្របកភ្នែក ទៅ​ផ្នែក​ខាង​ក្នុង​ច្រមុះ។ ជំងឺ​ស្ទះ​រន្ធ​ទឹកភ្នែក មាន​មក​ពី​កំណើត ហើយ​ច្រើន​កើត​លើ​ក្មេង​​តូច​ៗ តែ​វេជ្ជបណ្ឌិត សូ សំណាង បាន​បន្ត​ថា​មនុស្ស​ធំ​ពេញ​វ័យ និង​ចាស់​ក៏​អាច​កើត​ដូច​គ្នា ឯមូលហេតុ​វិញផ្សេង​គ្នា។ ចំពោះ​ទារកវេជ្ជបណ្ឌិត​ឯកទេសទូទៅ ថាជំងឺ​នេះ​​បណ្ដាល​មកពី​ស្ទះ​ប្រព័ន្ធ​បង្ហូរ​ទឹកភ្នែក ហើយ​ការ​ស្ទះ​នេះ​ច្រើន​តែ​នៅ​ផ្នែក​ចុង​នៃ Valve Hasner។ ជា​ធម្មតា​ភ្នែក​យើង​មាន​ក្រពេញ​បញ្ចេញ​ទឹកភ្នែក​នៅ​លើ​ត្របក​ភ្នែក ហើយ​ភ្នែក​យើង​គឺ​បើក​បិទ​ៗ ធ្វើឲ្យ​ស្ងួត ដូចនេះ​វា​ត្រូវការ​ទឹក​ដើម្បី​ផ្សើម ដូចនេះ​ហើយ​ទឹកភ្នែក​ត្រូវ​បង្ហូរ​មក​កន្លែង​គល់​ចិញ្ចើម និង​ច្រមុះ ហើយ​វា​ហូរ​តាម​ហ្នឹង​​ចុះ​ទៅ​ច្រមុះ។ ដូចនេះ​ពេល​ស្ទះ គឺ​វា​ស្ទះ​នៅ​កន្លែង​គល់​ភ្នែក​ជាមួយ​ច្រមុះ ដែល​បង្ក​ឲ្យ​សើម​រហូត​តែម្ដង។ ទារក​ខ្លះ​អាច​កើត​មាន​ជំងឺ​បែប​នេះ​នៅ​ភ្នែក​មួយ​ចំហៀង ឬ​ទាំង​សងខាង ហើយ​រោគសញ្ញា​មាន​ដូចជា ទឹក​ភ្នែក​ហូរ​ស្អិត ពពៀក​អាចម៍ភ្នែក​បើក​ពុំ​រួច ឬ​ហូរ​ទឹកភ្នែក​ជាប់​រហូត។ តែ​ជំងឺ​នេះ​អាច​ជា​ទៅ​វិញ​អាយុ ៦ ខែ ឬ​១ ឆ្នាំ ដោយ​មិន​ប៉ះពាល់​អាយុ​ជីវិត។ ចំពោះ​ការ​ព្យាបាល ប្រសិនបើ​ម៉ាក់​ៗ​ណា​ឧស្សាហ៍ កូន​អាច​ជា​វិញ​ក្នុង​រយៈពេល ១ ខែ ក្រោយ​​ម៉ាស្សា ដោយ​យក​ចង្អុល​កូន​ដៃ​មក​ឈ្លី​នៅ​តាម​គល់​ភ្នែក ហើយ​អូស​ចុះ​មក​ក្រោម​តាម​បំពង់​បង្ហូរ​ទឹកភ្នែក និង​ការ​ប្រើ​ថ្នាំ​ដាក់​ភ្នែក។ តែ​មុន​ធ្វើ​ត្រូវ​ប្រាកដ​ចិត្ត​ថា ដៃ​ស្អាត និង​គ្មាន​ក្រចក ទើប​មិន​បង្ក​គ្រោះថ្នាក់​រឹតតែ​ខ្លាំង​ចំពោះ​កូន។ រីឯមនុស្ស​ធំ​ដែល​មានបញ្ហា​ស្ទះ​រន្ធ​ទឹក​ភ្នែក​ លោក​បញ្ជាក់​ថាអាច​បណ្ដាល​មក​ពី​ការ​ប៉ះទង្គិច ការ​បង្ក​រោគ ឬ​មាន​ដុំ​សាច់។ […]

បញ្ហាភ្នែកផ្សេងទៀត

គ្នាយើងមួយចំនួនមានធ្លាប់ឆ្ងល់អត់ ហេតុអីក្រោកពីគេង​ស្រាប់តែត្របកភ្នែកឡើងហើម? គេងគ្រប់គ្រាន់​ថែមទាំងមិនទាំងយំផង បែរជាហើមភ្នែកដែរ។ ពេលខ្លះ ទោះជាគេងគ្រប់គ្រាន់​ក៏បញ្ហានេះអាចកើតឡើងដូចគ្នា ដោយសារកត្តាមួយចំនួនយើងមិនធ្លាប់ចាប់អារម្មណ៍។ តើ​កត្តាទាំងនោះ​មានអ្វីខ្លះ? ១- ញ៉ាំប្រៃពេក រឿងដំបូងបង្អស់អាចធ្វើឲ្យហើមត្របកភ្នែក រង្វង់ភ្នែកយើងនៅពេលព្រឹក គឺដោយសារតែញ៉ាំរបស់ប្រៃពេក។ នៅពេលរបបអាហារយើងសម្បូរទៅដោយជាតិសូដ្យូម (ជាតិអំបិល)  រាងកាយរបស់យើងទំនងត្រូវរក្សាជាតិទឹកកាន់តែច្រើន។ នោះដោយសារ​មាន​អតុល្យភាព ​រវាងជាតិសូដ្យូម និងប៉ូតាស្យូមក្នុងជាលិកា ពេលដែលសូដ្យូមមានកម្រិតខ្ពស់ ជាតិទឹកក្នុងរាងកាយ នឹងបញ្ចេញដើម្បីទៅរំលាយជាតិសូដ្យូម កត្តានេះនឹងធ្វើឲ្យជាលិកាទាំងនោះហើមពេញទៅដោយជាតិទឹក។ បើភ្នែកឡើងហើមដោយសារការរក្សាជាតិទឹក និងញ៉ាំប្រៃខ្លាំង នៅពេលព្រឹកវានឹងប្រែទៅជាហើមខ្លាំងពិសេសដោយសារយើងមិនបានផឹកទឹកគ្រប់គ្រាន់នៅពេលយប់ ជាហេតុនាំឲ្យរាងកាយខ្សោះជាតិទឹកនៅពេលព្រឹក។ ហេតុនេះកុំញ៉ាំអាហារប្រៃពេក និងផឹកទឹកឲ្យបានគ្រប់គ្រាន់មុនពេលចូលគេង បើយើងឧស្សាហ៍ជួបបញ្ហាភ្នែកហើម​ខ្មៅនេះ។ អត្ថបទពាក់ព័ន្ធ៖ ចង់​ឲ្យ​ភ្នែក​ភ្លឺច្បាស់​ល្អ សាកល្បង​ញ៉ាំកំពូលអាហារ​ទាំង​នេះ អ្នកភ្នែកខ្សោយ ញ៉ាំអាហារទាំងនេះ អាចជួយបាន ២- អាលែកហ្ស៊ី ហេតុផលមួយទៀតនាំឲ្យភ្នែកឡើងហើមនៅពេលព្រឹក គឺទម្លាប់គេងរបស់យើង យើងខ្លួនឯងប្រហែលមានបញ្ហាអាលែកហ្ស៊ី បណ្តាលឲ្យរាងកាយផលិតអ័រម៉ូនហ៊ីស្តាមីនច្រើន ដែលបង្កឲ្យមានបញ្ហារលាក ឡើងកន្ទួល អុជៗក្រហមកើតឡើងបាន។ បើអុីចឹងមានទំនាក់ទំនងអ្វីជាមួយទម្លាប់គេងរបស់យើង? បើសិនជាយើងក្រោកពីគេង ភ្នែកឡើងហើម គ្នាយើងអាចនឹងអាលែកហ្ស៊ីជាមួយអ្វីមួយមានក្នុងបន្ទប់គេង ឬអាចមកពីកម្រាលពូក ស្រោមខ្នើយយើងទើបទិញប្រើ មានអ្វីមួយបង្កជាអាលែកហ្ស៊ីបាន។ មួយទៀត បើយើងគេងបើកបង្អួត ក៏អាចនាំឲ្យវត្ថុបង្កអាលែកហ្ស៊ីពីខាងក្រៅ មកប៉ះពាល់រាងកាយយើងដូចគ្នា។ ហេតុនេះ ព្យាយាមគេងបិទបង្អួចឲ្យបានត្រឹមត្រូវ ហើយបើឃើញថាបានផល​អាចប្រើកង្ហារ ឬម៉ាស៊ីនត្រជាក់​ជំនួយខ្យល់នៅពេលមានអារម្មណ៍ស្អុះស្អាប់។ អត្ថបទពាក់ព័ន្ធ៖ ផ្លែល្ពៅមានប្រយោជន៍ដល់បេះដូង ភ្នែក និងស្បែក មើល​អេក្រង់​យូរ ភ្នែក​អាច​មាន​បញ្ហា! ប៉ុន្មាន​របៀប​ស្រួលៗ​នេះ ជួយ​ភ្នែក​ច្រើន​ណាស់ ទឹកភ្នែក […]