បញ្ហាសុខភាពកុមារផ្សេងទៀត

គន្លឹះទាំង៥ជួយពង្រឹងប្រព័ន្ធភាពស៊ាំកុមារ និងបង្ការជំងឺឆ្លងនៅរដូវភ្លៀង

ចូលដល់រដូវភ្លៀងនេះ ប៉ាម៉ាក់ចាំបាច់ត្រូវយកចិត្តទុកដាក់ឲ្យមែនទែនលើសុខភាពរបស់កូនៗ ពីព្រោះក្មេងងាយប្រឈមនឹងការឆ្លងមេរោគផ្សេងៗ ដូចជាការឆ្លងមេរោគផ្លូវដង្ហើម គ្រុនក្តៅ និងជំងឺបំពង់កជាដើម។ ហេតុនេះហើយ ការពង្រឹងប្រព័ន្ធភាពស៊ាំរបស់ក្មេងគឺជារឿងដែលមិនអាចខ្វះបានឡើយ។ គន្លឹះទាំង៥ការពារកូនពីការឆ្លងមេរោគផ្សេងៗ ១. ឲ្យកូនញ៉ាំរបបអាហារល្អៗ ក្មេងៗតែងគិតថា អាហារសុខភាពមិនសូវឆ្ងាញ់ប៉ុន្មានទេ ប៉ុន្តែម៉ាក់ៗគួរផ្លាស់ប្ដូរគំនិតរបស់កូន ដោយសាកល្បងរូបមន្តធ្វើម្ហូបថ្មីៗ និងសម្បូរទៅដោយសារធាតុចិញ្ចឹមល្អៗ។ មួយវិញទៀត គួរជៀសវាងឲ្យកូនញ៉ាំអាហារចៀន ដោយជំនួសមកវិញនូវពពួកបន្លែ និងផ្លែឈើឲ្យបានច្រើន។ ២. ឲ្យកូនធ្វើលំហាត់ប្រាណ ជាមួយគ្នានេះ ប៉ាម៉ាក់គួរជំរុញលើកទឹកចិត្តឲ្យកូនធ្វើលំហាត់ប្រាណឲ្យបានទៀងទាត់ និងកាត់បន្ថយម៉ោងលេងទូរស័ព្ទ ឬ iPad។ ៣. គេងឲ្យបានគ្រប់គ្រាន់ បែបបទរស់នៅល្អ គឺត្រូវរួមបញ្ចូលនូវការគេងគ្រប់គ្រាន់ និងស្កប់ស្កល់។ ដូច្នេះហើយ ប៉ាម៉ាក់គួរណែនាំឲ្យកូនចូលគេងឲ្យទៀងម៉ោង និងជៀសវាងប្រើប្រាស់ទូរស័ព្ទដៃនៅកៀកនឹងម៉ោងគេង។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៤. រក្សាអនាម័យល្អ ការលាងសម្អាតដៃជាប្រចាំ អាចជួយបញ្ចៀសការឆ្លង និងការរាលដាលនៃជំងឺឆ្លងផ្សេងៗ។ អ៊ីចឹងហើយ ប៉ាម៉ាក់ចាំបាច់ឲ្យកូនឧស្សាហ៍លាងសម្អាតដៃ ជាពិសេសនៅមុនពេលញ៉ាំអាហារ ក្រោយចេញពីបន្ទប់ទឹក ក្រោយប៉ះពាល់សត្វចិញ្ចឹមគ្រប់ប្រភេទ ក្រោយលេងនៅខាងក្រៅ ក្រោយក្អក ឬកណ្ដាស់ជាដើម។ [embed-health-tool-child-growth-chart] ៥. ការចាក់ថ្នាំបង្ការ ពិតណាស់ ការពារប្រសើរជាងព្យាបាល។ ដូចនេះ យើងគួរឲ្យកូនទទួលបានការចាក់ថ្នាំបង្ការដែលចាំបាច់ទៅតាមអាយុរបស់ក្មេង។ អត្ថបទគួរអាន៖ ក្មេងកើតអូទីស្សឹមអាចព្យាបាលជាទេ? អូទីស្សឹម អាចជាមូលហេតុធ្វើឲ្យខ្លាញ់ល្អក្នុងឈាម HDL ធ្លាក់ចុះទាប អាហារស្រីៗពពោះគួរញ៉ាំ និងមិនគួរញ៉ាំ […]

បញ្ហាសុខភាពកុមារផ្សេងទៀត

ស្រ្តេសអាចប៉ះពាល់ដល់ឥរិយាបថកុមារ ប៉ាម៉ាក់គួរធ្វើដូចម្ដេច?

ប៉ាម៉ាក់ប្រហែលជានឹកស្មានមិនដល់ថា កូនៗក៏អាចជួបប្រទះនឹងបញ្ហាស្រ្តេសដូចទៅនឹងមនុស្សពេញវ័យដែរ ដោយអាស្រ័យលើកាលវិភាគរបស់ពួកគេ។ ប៉ុន្តែកុមារមិនទាន់មានសមត្ថភាពគ្រប់គ្រាន់ក្នុងការដោះស្រាយបញ្ហាស្រ្តេសប្រកបដោយប្រសិទ្ធភាពបាននៅឡើយទេ។ កុមារម្នាក់ៗអាចមានប្រតិកម្មខុសៗគ្នាចំពោះហេតុការណ៍ដែលនាំឲ្យកើតមានស្រ្តេសនេះ ដូចជាការប៉ាម៉ាក់លែងលះគ្នា ឬបញ្ហាក្នុងការសិក្សាជាដើម។ ពិតណាស់ កូនៗត្រូវការជំនួយពីប៉ាម៉ាក់ជាចាំបាច់ដើម្បីជម្នះបញ្ហាមួយនេះ។ ដូច្នេះហើយ ជំហានដំបូងដែលប៉ាម៉ាក់អាចជួយកូនបាន គឺត្រូវយល់ដឹងពីសញ្ញាមួយចំនួនដែលបញ្ជាក់ថាកូនរបស់យើងកំពុងប្រឈមមុខនឹងបញ្ហាស្រ្តេស។ សញ្ញាបង្ហាញថាកុមារមានបញ្ហាស្រ្តេស ប្រសិនបើកូនដែលតែងតែមានអាកប្បកិរិយាល្អ ប្រែក្លាយទៅជាមួរម៉ៅខ្លាំង ឬមានបញ្ហានៅសាលារៀន វាអាចជាសញ្ញាបញ្ជាក់ថាពួកគេអាចប្រឈមមុខនឹងស្រ្តេស។ សញ្ញាដទៃទៀតដែលកើតឡើងចំពោះក្មេងមានដូចជាការខឹង អាកប្បកិរិយាព្រហើនកោងកាច យំមិនឈប់ ឬរឹងទទឹងជាដើម។ ជាមួយគ្នានេះដែរ ក្មេងៗក៏អាចមានអាការៈផ្សេងទៀតដូចជានោមដាក់ពូក ឈឺពោះ ឬឈឺក្បាល ព្រមទាំងមានបញ្ហាការសិក្សាផងដែរ។ ប៉ាម៉ាក់គួរធ្វើយ៉ាងម៉េចនៅពេលកូនបញ្ចេញឥរិយាបថមិនល្អ? ប៉ាម៉ាក់គប្បីទទួលស្គាល់អារម្មណ៍របស់កូនៗ ប៉ុន្តែចូរពន្យល់ពួកគេអំពីវិធីសាស្ត្រដ៏សមស្រប ដើម្បីដោះស្រាយទៅនឹងការថប់បារម្ភ មួម៉ៅ និងកំហឹង។ នៅក្នុងករណីខ្លះ ប៉ាម៉ាក់អាចជ្រើសរើសការដើរចេញ ប៉ុន្តែចូរកុំព្រងើយកន្តើយនឹងកូនឲ្យសោះ ព្រមទាំងបង្ហាញពីក្ដីស្រលាញ់ចំពោះកូនឲ្យកាន់តែច្រើនឡើងនៅក្នុងអំឡុងពេលដែលពួកគេមានបញ្ហាស្រ្តេស។ កាត់បន្ថយអាការៈស្រ្តេសរបស់កូន ការចំណាយពេលជាមួយគ្នា ពិតជាមានសារសំខាន់ណាស់ ប្រសិនបើកូនជួបប្រទះនឹងហេតុការណ៍ដែលបណ្ដាលឲ្យពួកគេមានស្រ្តេស ដូចជាការលែងលះរវាងប៉ាម៉ាក់ជាដើម។ នៅក្នុងករណីដែលស្ត្រេសកើតចេញពីការថប់បារម្ភដូចជាការប្ដូរលំនៅឋាន ឬចូលរៀនសាលាថ្មី ប៉ាម៉ាក់គប្បីណែនាំកូនឲ្យយល់ដឹងពីអ្វីដែលនឹងកើតឡើងជាមុន ដោយនាំចូលទៅលេងសាលារៀនថ្មី ឬបង្ហាញពីទេសភាពស្អាតនៃកន្លែងរស់នៅថ្មីជាដើម។ ជៀសវាងឲ្យកូនចំណាយពេលជាមួយឧបករណ៍អេឡិចត្រូនិកច្រើន ពេលខ្លះ ប៉ាម៉ាក់គិតថាការឲ្យកូនចំណាយពេលនៅមុខកញ្ចក់ទូរទស្សន៍ ឬទូរសព្ទគឺជាដំណោះស្រាយក្នុងការលំហែខួរក្បាលដ៏ល្អមួយ ប៉ុន្តែការមើលទូរទស្សន៍ ឬលេងហ្គេមពុំអាចជួយដល់ការកាត់បន្ថយស្ត្រេសរបស់ក្មេងបានឡើយ។ សម្រាប់កុមារ ការធ្វើលំហាត់ប្រាណ ឬការធ្វើសមាធិអាចជាមធ្យោបាយដ៏ឈ្លាសវៃដែលប៉ាម៉ាក់មិនគួរមើលរំលងឡើយ។

ចំណេះដឹងទូទៅ

គន្លឹះទាំង៥ជួយពង្រឹងប្រព័ន្ធភាពស៊ាំកុមារ និងបង្ការជំងឺឆ្លងនៅរដូវភ្លៀង

អាប់សែធ្មេញកើតលើកុមារបណ្តាលមកពីអ្វី? មានរោគសញ្ញាអ្វីខ្លះ?

កូនឧស្សាហ៍គេងមិនលក់មែនអត់? សាកវិធីងាយៗទាំងនេះមើល៍

កុមារកើតអូទីស្សឹមខ្សោយបញ្ញា ឬក៏មានសម្ថភាពពិសេស?

សម្គាល់ម៉េចដឹងថា កូនកើតអូទីស្សឹមឬអត់?

ស្វែងរក បញ្ហាសុខភាពកុមារផ្សេងទៀត

មូលហេតុអ្វីទើបក្មេងនិយាយកុហក? ប៉ាម៉ាក់គួរធ្វើបែបណា?

បង្កើនភាពជិតស្និទ្ធជាមួយកូន មានអត្ថប្រយោជន៍ច្រើនបែបនេះ

កូនតូចចូលចិត្តស្រែកខ្លាំងៗ ប៉ាម៉ាក់សាកដោះស្រាយបែបនេះ

កូនរលាកបំពង់កបណ្ដាលមកពីអ្វី? ពេលណាប៉ាម៉ាក់គួរបារម្ភ?

ពេលកូនឈឺ លេបថ្នាំ ម៉ាក់ប៉ាត្រូវដឹងរឿងសំខាន់ ៣យ៉ាងនេះ

កូនឈឺម្តងៗ មិនចង់គេង ឬក៏ពិបាកគេង អ៊ីចឹងម៉ាក់ប៉ាអាចដោះស្រាយតាមវិធីទាំងនេះ

តើកុមារអាចកើតក្រួសតម្រងនោមដែរឬអត់?

ក្មេងៗដើរជើងទទេមានប្រយោជន៍ដល់សុខភាពឬយ៉ាងណា?

សញ្ញាទាំង៥ បញ្ជាក់ថាកុមារមានបញ្ហាប្លោកនោម

ស្រ្តេសអាចប៉ះពាល់ដល់ឥរិយាបថកុមារ ប៉ាម៉ាក់គួរធ្វើដូចម្ដេច?

អ្នកជំនាញវេជ្ជសាស្ត្ររបស់យើង