កង្វះអាហារូបត្ថម្ភ

កូនស្លេកស្លាំងសង្ស័យខ្វះជាតិដែក ម៉ាក់ៗគួរធ្វើម៉េចខ្លះ?

កង្វះជាតិដែកលើកុមារមិនត្រឹមតែបង្កឱ្យកុមារមានជំងឺស្លេកស្លាំងទេ ថែមទាំងអាចបង្កឱ្យកុមារលូតលាស់រាងកាយ និងអភិវឌ្ឍខួរក្បាលយឺតទៀតផង។ ហេតុអ្វីបានជាកុមារមានជំងឺនេះ? ជំងឺនេះអាចធ្វើរោគវិនិច្ឆ័យ និងព្យាបាលតាមវិធីណាខ្លះ? លោកវេជ្ជបណ្ឌិត ទ្រី លីធាង ឯកទេសរោគកុមារ និងជំងឺឈាមលើកុមារនៅមន្ទីរពេទ្យកុមារជាតិបានឱ្យដឹងថា កត្តាបង្កឱ្យកុមារខ្វះជាតិដែករហូតដល់ស្លេកស្លាំងរួមមាន៖ - អំឡុងពេលបៅដោះម្តាយ៖ ម្តាយញុំាចំណីអាហារដែលខ្វះជាតិដែក - របបអាហារ៖ ក្រោយពេលកុមារអាយុ ៦ ខែ ម៉ាក់ប៉ាអាចឱ្យកូនញុំាអាហារដែលខ្វះជាតិដែកដូចជា បបរសជាមួយទឹកត្រី ទឹកស៊ីអ៊ីវ ស្ករស ឬអំបិលជាដើម ដោយមិនបានបន្ថែមបន្លែ ត្រី សាច់ត្រឹមត្រូវ - ទឹកដោះគោក្រដាស៖ ការឱ្យកូនញុំាទឹកដោះគោក្រដាសមុនអាយុ ១ ខួប - ទឹកដោះគោខាប់៖ ការឆុងទឹកដោះគោខាប់ឱ្យកូនបៅ ឬញុំាជំនួសទឹកដោះម្តាយ ឬបបរខាប់គ្រប់គ្រឿង - ការហូរឈាមតិចៗក្នុងខ្លួន៖ ដោយសារដំបៅក្រពះ ឫសដូងបាត ឬដុះសាច់ក្នុងពោះវៀន - ជំងឺដែលធ្វើឱ្យពោះវៀនមិនស្រូបសារធាតុចិញ្ចឹមបានល្អ (Coeliace disease) ៖ ពេលខ្លះកុមារញុំាចំណីអាហារបានគ្រប់គ្រាន់ហើយ តែពោះវៀនអត់ស្រូបយក។ ដូច្នេះជាតិដែកដែលនាំចូល អត់បានយកទៅប្រើប្រាស់ទេដែលបណ្តាលឱ្យខ្វះជាតិដែក - ការមានសត្វល្អិតនៅក្នុងខ្លួន៖ ពេលកុមារមានសត្វល្អិតនៅក្នុងខ្លួនក៏បណ្តាលឱ្យជាតិដែកថយចុះដែរ លោកវេជ្ជបណ្ឌិត ទ្រី លីធាង ឯកទេសរោគកុមារ និងជំងឺឈាមលើកុមារនៅមន្ទីរពេទ្យកុមារជាតិ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក […]

កង្វះអាហារូបត្ថម្ភ

បន្លែបៃតងល្អចំពោះសុខភាពកូន តែគួរចម្អិនបែបណា ទើបសុវត្ថិភាព?

គ្រូពេទ្យជាច្រើនតែងតែណែនាំម៉ាក់ប៉ា ឲ្យរៀបចំរបបអាហាររបស់កូនញ៉ាំជាប្រចាំមានបៃតងក្នុងនោះ ដើម្បីឲ្យកូនមានសុខភាពល្អ ព្រោះបន្លែបៃតងសម្បូរជាតិដែក វីតាមីន និងសារធាតុចិញ្ចឹម។ ទោះម៉ាក់ប៉ាតែងធ្វើតាមសម្ដីណែនាំរបស់វេជ្ជបណ្ឌិតហើយ តែមិនដឹងពីការចម្អិនកម្រិតណា ទើបសុវត្ថិភាព ហើយផ្ដល់អត្ថប្រយោជន៍ដល់កូនឡើយ។ ដើម្បីស្រាយចម្ងល់នេះ លោកវេជ្ជបណ្ឌិត អៀប តិចឆេង ឯកទេសកុមារ និងជំងឺផ្លូវដង្ហើម នៅមន្ទីរពេទ្យកុមារជាតិ បានពន្យល់ថា បើបានបន្លែធម្មជាតិ ម៉ាក់ៗអាចដាក់ចម្អិនតែបន្តិច ឬខ្មែរយើងច្រើនហៅថា មួយអម្ពុះទៅបានហើយ។ តែសម្រាប់ឥឡូវនេះ ព្រោះតែបន្លែមានជាតិគីមីច្រើន លោកណែនាំឲ្យលាងសម្អាតឲ្យបានច្រើនដង និងដាក់ចម្អិនឲ្យយូរបន្តិច ដើម្បីសម្លាប់ជាតិគីមី មេរោគដែលមានជាប់នោះឲ្យអស់សិន។ ប៉ុន្តែលោកបានបញ្ជាក់ថា បន្លែបៃតងកាលណាតែចម្អិនរលួយខ្លាំងពេក បាត់បង់ជីវជាតិខ្លះៗ ហើយក៏មិនគួរឲ្យញ៉ាំទាំងឆៅ ឬចម្អិនមិនបានឆ្អិនល្អដែរ ព្រោះអាចបង្កទៅជាជំងឺរាករូស ឬពុលក្អួតចង្អោរបាន ដោយសារមានសារធាតុគីមី ឬមានសត្វល្អិតផ្សេងៗជាដើម។ វេជ្ជបណ្ឌិតឯកទេសកុមាររូបនេះបានបន្ថែមទៀតថា ការចម្អិនអាហារសម្រាប់កូនតូច គួរតែជ្រើសរើសយកបន្លែណាធម្មជាតិស្រស់ល្អ បើជ្រើសចំបន្លែណាដែលមានជាតិគីមីអាចធ្វើឲ្យកូនងាយឈឺថ្កាត់ច្រើន ព្រោះប្រព័ន្ធការពារកុមារមិនទាន់រឹងមាំល្អដូចមនុស្សធំ។ មួយវិញទៀតបើចង់ចៀសវាងបន្លែមិនល្អ គួរតែដាំបន្លែណាដែលងាយស្រួលនៅផ្ទះខ្លួនឯងវិញ ទើបមានសុវត្ថិភាពទាំងគ្រួសារ។ អត្ថបទពាក់ព័ន្ធ៖ បន្លែបៃតងល្អចំពោះសុខភាពកូន តែគួរចម្អិនបែបណា ទើបសុវត្ថិភាព? ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕