តើស្អូច និងកញ្ជ្រឹល មានភាពខុស និងដូចគ្នាអ្វីខ្លះ?

ពិតណាស់ ម៉ាក់​ប៉ា​តែងតែមានការភាន់ច្រឡំ ​ដោយ​មិន​ដឹង​ថា​នោះ​ជា​ស្អូច ឬ​កញ្ជ្រឹល​ឡើយ ពេល​កូន​ពេល​ឡើង​ក្រហម​ពេញ​ខ្លួន​ទាំងអស់ ។ ដើម្បី​ស្រាយ​ចម្ងល់​នេះ​លោក​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ បាន​បកស្រាយ​ដូច​ខាងក្រោម​នេះ។

១. លក្ខណៈខុស​គ្នា

– កញ្ជ្រឹល

• បង្ក​ឲ្យ​ក្ដៅ​ខ្លួន​ខ្លាំង​ជាង​ស្អូច​រហូត​ដល់ ៣៩ ៤០ ឬ ៤១ អង្សាសេ
• មិន​បង្ក​ឲ្យ​ស្លាប់​គ្រាន់តែ​ធ្វើ​ទុក្ខ​អស់​កម្លាំង ល្ហិតល្ហៃ ឈឺ​សន្លាក់
• រោគសញ្ញា​ខ្លាំង​ជាង​ស្អូច
• អាច​បង្ក​ឲ្យ​មាន​សំឡេង​ស្អក រលាក ឬ​ឈឺ​បំពង់ក
• មាន​សញ្ញា​ស​ៗ​នៅ​កៀន​ថ្ពាល់​ក្នុង​មាត់
• ឈឺ​ភ្នែក ហៀរ​ទឹកភ្នែក រលាក​ភ្នែក
• ស្នាម​កន្ទួល​ក្រហម​ៗ​តូច​ៗ តែ​ជាប់​ៗ​គ្នា។

ចទីនេះ ដើម្បី​គណនាថ្ងៃមេជីវិតញីទុំធ្លាក់

ចុចទីនេះ ដើម្បីគណនាថ្ងៃសម្រាលកូន

– ស្អូច

• បង្ក​ឲ្យ​ក្ដៅ​ខ្លួន​តិច​ៗ​ត្រឹម ៣៧ ៣៨ ឬ ៣៨ កន្លះ​អង្សាសេ
• អាច​បណ្ដាល​ឲ្យ​ស្លាប់​បាន​ដោយសារ​មេរោគ​បង្ក​ទៅ​ជា​រលាក​សួរ រលាក​ខួរក្បាល ឬ​រាករូស និង​រលាក​ពោះ​វៀន
• មិន​សូវ​ចេញ​កន្ទួល​ធំ​ៗ
• មិន​បង្ក​ឲ្យ​មាន​សំឡេង​ស្អក រលាក ឬ​ឈឺ​បំពង់ក​នោះ​ទេ
• មិន​មាន​សញ្ញា​ស​ៗ​នៅ​កៀន​ថ្ពាល់​ក្នុង​មាត់
• មិន​ឈឺ​ភ្នែក ហៀរ​ទឹកភ្នែក រលាក​ភ្នែក
• ស្នាម​កន្ទួល​ក្រហម​ៗ​តូច​ៗ ដាច់​ពី​គ្នា តែ​ញឹក។

២. លក្ខណៈ​ដូច​គ្នា

វា​ជា​​ពពួក​វីរុស ឆ្លង​តាម​ផ្លូវ​ដង្ហើម តាម​ទឹក​មាត់ សម្បោរដូច​គ្នា មាន​លេច​ចេញ​កន្ទួល រមាស់ ហើយ​ពេល​ចេញ​ដំបូង​ពី​មុខ​ ដៃ ជើង និង​មាន​រយៈពេល ២-៥ ថ្ងៃ​ដូច​គ្នា។

ប៉ុន្តែ​ប្រសិន​បើ​កើត​លើ​ស្ត្រី​មាន​ផ្ទៃ​ពោះ​នៅ​ត្រីមាស​ទី​១ កញ្ជ្រឹល​បង្ក​គ្រោះថ្នាក់​តិច​ជាង​ស្អូច ពោល​គឺ​ទារក​ក្នុង​ផ្ទៃ មាន​គ្រោះថ្នាក់​តិច។ ចំពោះ​ម៉ាក់​ៗ​ដែល​កើត​ស្អូច​ត្រីមាស​ទី​១ ​រង​ផល​ប៉ះពាល់​ប្រមាណ ៨០% ដែល​ធ្វើ​ឲ្យ​ប៉ះពាល់​ការ​លូតលាស់ ប៉ះពាល់​សរីរាង្គ និង​អាច​ស្លាប់ ច្រើន​ជាង​កញ្ជ្រឹល។ លោក​វេជ្ជបណ្ឌិត​ក៏​បាន​បន្ថែម​ទៀត​ថា ទាំង​ជំងឺ​ស្អូច និង​កញ្ជ្រឹល​នេះ​កើត​តែ​ម្ដង​ប៉ុណ្ណោះ​ក្នុង​ជីវិត​មនុស្ស​ម្នាក់​ៗ ហើយ​បើ​ទោះ​ជា​ចាក់​វ៉ាក់សាំង​ហើយ​ក៏​ដោយ ពេល​ខ្លះ​ក៏​នៅតែ​កើត​ដែរ គ្រាន់តែ​មាន​សភាព​ស្រាល​ជាង​អ្នក​មិន​ដែល​ចាក់៕

អត្ថបទគួរអាន៖