ប៉ុន្តែបើក្ដៅខ្លួនដោយសារមានមេរោគ ទៅប៉ះពាល់ដល់ខួរក្បាលទើបរលាកខួរក្បាល។ ភាគច្រើនមេរោគទៅប៉ះពាល់ខួរក្បាលទើបបណ្ដាលឲ្យក្ដៅខ្លួនខ្លាំង មិនមែនក្ដៅខ្លួនខ្លាំងធ្វើឲ្យប៉ះពាល់ខួរក្បាលឡើយ។ ក្មេងខ្លះក្ដៅខ្លួនខ្លាំងរ៉ាំរ៉ៃ ធ្វើឲ្យខ្សោះជាតិទឹក បង្កឲ្យឈាមមានមេរោគច្រើន ជាហេតុនាំឲ្យអុកស៊ីហ្សែនទៅចិញ្ចឹមខួរក្បាលមិនបានល្អ ទើបជាហេតុបង្កឲ្យប៉ះពាល់ខួរក្បាល។
វេជ្ជបណ្ឌិតបញ្ជាក់ទៀតថា បើរលាកខួរក្បាលទើបក្ដៅខ្លួនរហូតដល់ប្រកាច់ ប៉ុន្តែបើក្ដៅព្រោះជំងឺដូចបានរៀបរាប់នោះមិនបណ្ដាលឲ្យប្រកាច់ឡើយ លើកលែងតែយើងទុកឲ្យកូនក្ដៅយូរម៉ោង ដោយមិនបានបញ្ចុះកម្ដៅតាមរយៈការជូតសម្អាតខ្លួនជាមួយទឹកត្រជាក់ និងឲ្យថ្នាំកូនតាមកម្រិតដូសត្រឹមត្រូវ។
ដូចនេះប្រសិនបើកូនមានសីតុណ្ហភាពលើសពី ៣៨ អស្សាសេ ត្រូវបញ្ចុះកម្ដៅដោយជូតខ្លួន បន្ទាប់មកឲ្យថ្នាំប៉ារ៉ាសេតាមុល ហើយ ៤ ឬ ៦ ម៉ោងក្រោយបើនៅតែមិនទាន់ត្រជាក់ត្រូវប្រញាប់នាំកូនទៅជួបគ្រូពេទ្យ ហើយនៅផ្ទះគួរតែមានថ្នាំបញ្ចុះកម្ដៅត្រៀមទុកដែរ។
ចំណុចសំខាន់
- និយាយច្រើនពេលក្ដៅខ្លួន គឺក្មេងរឹងមាំ ហើយការនិយាយបន្លប់ព្រោះភ័យ រងា និងពិបាកក្នុងខ្លួន។
- ក្មេងក្ដៅខ្លួនមិនងាយធ្វើឲ្យប៉ះពាល់ដល់ខួរក្បាលទេ ទោះកម្ដៅឡើងដល់ ៤០អង្សារសេក៏ដោយ។
- យ៉ាងណា ម៉ាក់ប៉ាមិនត្រូវទុកកូនក្ដៅខ្លួនរហូតដល់ប្រកាច់ឡើយ ត្រូវនាំកូនទៅពេទ្យឲ្យទាន់ពេល។