មានវិធីជាច្រើនដែលអ្នកអាចអនុវត្តន៍បាន ដើម្បីបង្កើនសមត្ថភាពនៃការបង្កកំណើត ហើយវិធីមួយក្នុងចំណោមវិធីទាំងនោះ គឺការបរិភោគអាហារល្អៗ ដែលជួយជំរុញ ឬបង្កើនមេជីវិត។ អាហារទាំងនោះ សម្បូរទៅដោយវីតាមីន និងសារធាតុរ៉ែ ដែលមានអត្ថប្រយោជន៍ក្នុងការជួយដល់សមត្ថភាពនៃការបង្កកំណើត។
ចឹង តើអ្នកគួរតែញ៉ាំអាហារអ្វីខ្លះ? សូមស្វែងរកចម្លើយនៅខាងក្រោមនេះ
អាហារជួយដល់សមត្ថភាពបង្កកំណើត និងឆាប់មានផ្ទៃពោះ
កម្រិតនៃសមត្ថភាពបង្កកំណើត ក៏អាស្រ័យទៅលើសារធាតុចិញ្ចឹម ដែលយើងបរិភោគចូលក្នុងរាងកាយរបស់យើងផងដែរ។ ហេតុនេះ អ្នក និងដៃគូរបស់អ្នក ត្រូវតែយកចិត្តទុកដាក់លើរបបអាហារឱ្យបានខ្លាំង នៅពេលដែលរៀបចំគម្រោងមានផ្ទៃពោះ។
ជាមួយគ្នានេះ ការបរិភោគអាហារដែលមានសារធាតុចិញ្ចឹមល្អៗ ក៏ជួយឱ្យវដ្តរដូវរបស់អ្នក មានភាពទៀងទាត់ជាងមុន និងធ្វើឱ្យអ្នកមានផ្ទៃពោះកាន់តែឆាប់ ផងដែរ។
ខាងក្រោមនេះ គឺជាអាហារដែលជួយបង្កើនសមត្ថភាពបង្កកំណើតដែលអ្នកអាចសាកល្បងបាន ដើម្បីមានផ្ទៃពោះឱ្យកាន់តែឆាប់។
១. បន្លែបៃតង
បន្លែបៃតងជាច្រើនប្រភេទដូចជា ស្ពៃពួយឡេង ផ្កាខាត់ណាខៀវ និងស្ពៃខ្មៅ ផ្តល់ជាតិសរសៃដែលអាចជួយរក្សាតុល្យភាពអ័រម៉ូនក្នុងរាងកាយ។
អាហារជួយដល់ការមានផ្ទៃពោះមួយនេះ ក៏មានផ្ទុកសារធាតុចិញ្ចឹមផ្សេងទៀតផងដែរដូចជា វីតាមីន E កាល់ស្យូម ជាតិដែក កូអង់ហ្ស៊ីម Q10 និងវីតាមីន B9។
ចុចទីនេះ ដើម្បីគណនាថ្ងៃមេជីវិតញីទុំធ្លាក់!
ចុចទីនេះ ដើម្បីគណនាថ្ងៃសម្រាលកូន!
ចុចទីនេះ ដើម្បីគណនាទម្ងន់ស្ត្រីពពោះ!
ចុចទីនេះ ដើម្បីគណនាទម្ងន់ធៀបកម្ពស់ (BMI)!
ចុចទីនេះ ដើម្បីមើលតារាងកាលវិភាគចាក់វ៉ាក់សាំងទារក!
វីតាមីន E អាចជួយធ្វើឱ្យជញ្ជាំងស្បូនដែលស្តើង ទៅជាក្រាស់ឡើងវិញ។ កម្រាស់ជញ្ជាំងស្បូនដែលសមស្របគឺមានសារៈសំខាន់ដើម្បីគាំទ្រដល់ដំណើរការបង្កកំណើត។
ការរួមបញ្ចូលគ្នានៃវីតាមីន E និង កូអង់ហ្ស៊ីម Q10 (CoQ10) អាចជួយកែលម្អគុណភាពមេជីវិតឈ្មោល ឬស្ពែម៉ាតូសូអ៊ីតរបស់បុរស ដែលត្រូវបានពន្យល់ក្នុងគេហទំព័រ European Review for Medical and Pharmacological Sciences (2022)។
ការរួមបញ្ចូលគ្នានៃសារធាតុទាំង២នេះ ក៏អាចជួយបង្កើនចលនាមេជីវិតឈ្មោល និងរូបរាង ក៏ដូចជា កម្រិតអ័រមូនភេទប្រុស (testosterone) ក្នុងខ្លួនបុរស ផងដែរ។
២. ផ្លែក្រូច
ប្រភេទអម្បូរក្រូច ដូចជា ក្រូចផ្អែម ក្រូចឆ្មា និងក្រូចថ្លុង ត្រូវបានគេស្គាល់ជាទូទៅថា ជាប្រភពដ៏ល្អនៃវីតាមីន C។
វីតាមីន C គឺជាសារធាតុប្រឆាំងអុកស៊ីតកម្មដ៏មានឥទ្ធិពលដែលមានសក្តានុពលក្នុងការបង្កើនចំនួនមេជីវិតឈ្មោល និងចលនា។
នេះមានន័យថា វាអាចជួយកែលម្អគុណភាពមេជីវិតឈ្មោល ដើម្បីឱ្យមេជីវិតឈ្មោលអាចទៅដល់ស៊ុត និងបង្កកំណើតបានកាន់តែងាយស្រួល។
ទន្ទឹមនឹងនេះ ចំពោះស្ត្រី វីតាមីន C អាចជួយរក្សាលំនឹងកម្រិតអ័រម៉ូន នៅក្នុងរាងកាយ។
វីតាមីននេះក៏នឹងពង្រឹងជញ្ជាំងសរសៃឈាម និងប្រឆាំងនឹងការឆ្លងមេរោគផ្សេងៗដែលអាចរំខានដល់ដំណើរការនៃការបញ្ចេញពងអូវុលក្នុងខ្លួនមនុស្សស្ត្រី ផងដែរ។
៣. ផ្លែប័រ
ផ្លែប័រ គឺជាប្រភេទផ្លែឈើដែលជួយដល់ការបង្កកំណើត ដោយសារតែវាសម្បូរហ្វូឡាត (Folate) ឬវីតាមីន B9 វីតាមីន K និងប៉ូតាស្យូម។ វីតាមីន K និងប៉ូតាស្យូម អាចជួយឱ្យរាងកាយស្រូបយកសារជាតិចិញ្ចឹមផ្សេងៗបានល្អប្រសើរ ជួយរក្សាកម្រិតអ័រមូនឱ្យមានតុល្យភាព និងធ្វើឱ្យសម្ពាធឈាមមានលំនឹង។
ស្របពេលជាមួយគ្នានេះ វីតាមីន B9 ដើរតួនាទីយ៉ាងសំខាន់ក្នុងការជួយដល់ការអភិវឌ្ឍខួរក្បាល និងប្រព័ន្ធប្រសាទរបស់ទារក។ បន្ថែមលើចំណីអាហារ ស្ត្រីក៏ត្រូវបានណែនាំឱ្យញ៉ាំអាហារបំប៉ន អាស៊ីតហ្វូលិក ផងដែរ។ អាស៊ីតហ្វូលិក គឺជាប្រភេទវីតាមីន ដែលត្រូវបានប្រើប្រាស់ដោយរាងកាយ ដើម្បីផលិត និងថែរក្សាកោសិកាថ្មី។
មិនត្រឹមតែប៉ុណ្ណោះ អាស៊ីតហ្វូលិក ក៏អាចជួយកាត់បន្ថយហានិភ័យនៃពិការភាពនៃប្រព័ន្ធសរសៃប្រសាទនៅក្នុងទារកបានរហូតដល់ ៧០% ប្រសិនបើទទួលទានជារៀងរាល់ថ្ងៃចាប់ពីមួយខែមុនពេល ព្យាយាមមានផ្ទៃពោះ។
៤. ស៊ុត
ស៊ុត គឺជាអាហារជួយដល់សមត្ថភាពបង្កកំណើត ដែលងាយស្រួលរក ហើយក៏មានអ្នកចូលចិត្តច្រើនផងដែរ។
ក្រៅពីមានប្រូតេអ៊ីនខ្ពស់ ស៊ុតមានផ្ទុកសារធាតុឆូលីន ដែលអាចជួយកែលម្អគុណភាពនៃឫសគល់ ឬកន្លែងដែលកោសិកាស៊ុតលូតលាស់នៅក្នុងអូវែ។
ស៊ុតក៏មានផ្ទុកវីតាមីន B6 ដែលល្អសម្រាប់ការមានកូន ផងដែរ។ វីតាមីននេះអាចបង្កើនឱកាសនៃការមានផ្ទៃពោះបានយ៉ាងឆាប់រហ័សដោយសារតែទំនាក់ទំនងរបស់វាជាមួយនឹងសារធាតុ homocysteine នៅក្នុងរាងកាយ។
Homocysteine គឺជាប្រភេទអាស៊ីតអាមីណូ ដែលត្រូវបានផលិត នៅពេលដែលរាងកាយ បំបែកប្រូតេអ៊ីន។ ការមានសារធាតុ Homocysteine ខ្ពស់ពេក នឹងប៉ះពាល់ដល់ដំណើរបញ្ចេញអូវុល។
ការសិក្សាមួយដែលចេញផ្សាយក្នុងសៀវ Cureus (2021) បានបញ្ជាក់ថា ក្រុមវីតាមីន B ក្នុងនោះរាប់ទាំងវីតាមីន B6 អាចជួយកាត់បន្ថយកម្រិត Homocysteine ក្នុងឈាម យ៉ាងមានប្រសិទ្ធភាព។
ហេតុនេះ ការបរិភោគស៊ុត ជួយបង្កើនឱកាសនៃការមានផ្ទៃពោះ។
[embed-health-tool-ovulation]
៥. ទឹកឃ្មុំ
ទឹកឃ្មុំ មានអត្ថប្រយោជន៍ណាស់ក្នុងការជួយឱ្យមានផ្ទៃពោះ និងបង្កើនមេជីវិត ដោយសារតែវាសម្បូរទៅដោយអាស៊ីតអាមីណូ ជាពិសេស អាហ្គីនីន (Arginine)។
អាហ្គីនីន អាចជួយធ្វើឱ្យប្រសើរឡើងនូវមុខងារអូវែ ដូច្នេះវាមានអត្ថប្រយោជន៍សម្រាប់ការកែលម្អសុខភាពបន្តពូជរបស់ស្ត្រី។
ទោះជាយ៉ាងណាក៏ដោយ ការស្រាវជ្រាវពន្យល់ពីប្រសិទ្ធភាពនៃប្រភេទអាហារជួយឱ្យឆាប់មានផ្ទៃពោះមួយនេះ នៅមានកម្រិតនៅឡើយ។
ការសិក្សាមួយចំនួនទៀតពិតជាបានបង្ហាញថា ការទទួលទានទឹកឃ្មុំច្រើនពេកអាចមានផលប៉ះពាល់ដល់ការមានកូន។
៦. ទឹកដោះគោ
ទឹកដោះគោមានសារធាតុចិញ្ចឹមជាច្រើនដូចជា ប្រូតេអ៊ីន ខ្លាញ់ កាបូអ៊ីដ្រាត កាល់ស្យូម និងវីតាមីន D។ ក្នុងករណីនេះ ទឹកដោះគោ ដើរតួជាអាហារបំប៉នដើម្បីជួយឱ្យស្ត្រីមានផ្ទៃពោះយ៉ាងឆាប់រហ័ស។
ប៉ុន្តែ អ្នកគួរតែញ៉ាំទឹកដោះគោមានជាតិខ្លាញ់ពេញលេញ មិនមែនទឹកដោះគោមានជាតិខ្លាញ់តិចឡើយ ដើម្បីបង្កើនលទ្ធភាពមានកូន។
ក្រៅពីការផឹកទឹកដោះគោជាប្រចាំ អ្នកក៏អាចបង្កើនការទទួលទានជាតិកាល់ស្យូមពីអាហារបំប៉នផងដែរ។
មិនត្រឹមតែសម្រាប់ការលូតលាស់ឆ្អឹង និងធ្មេញប៉ុណ្ណោះទេ កាល់ស្យូមក៏ជួយឱ្យថ្លើមទារក ប្រព័ន្ធប្រសាទ និងសាច់ដុំមានការលូតលាស់ល្អប្រសើរ ផងដែរ៕
ចំណុចសំខាន់
១. បន្លែបៃតង
២. ផ្លែក្រូច
៣. ផ្លែប័រ
៤. ស៊ុត
៥. ទឹកឃ្មុំ
៦. ទឹកដោះគោ
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ក្រោយរួមភេទរយៈពេលប៉ុន្មាន ទើបមានការបង្កកំណើត?
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
