កាត់បន្ថយហានិភ័យកើតជំងឺមហារីក ស្រីៗគួរគិត​ដល់ចំណុចទាំង ៣នេះ

    កាត់បន្ថយហានិភ័យកើតជំងឺមហារីក ស្រីៗគួរគិត​ដល់ចំណុចទាំង ៣នេះ

    ជំងឺ​មហារីក​រោគ​ស្ត្រី​ ជា​ជំងឺ​មហារីក​បំពង់​បន្ត​ពូជ​របស់​ស្ត្រី​ទាំង​មូល ដែល​រួម​មាន​ទ្វារ​មាស ស្បូន ឬ​ដៃ​ស្បូន។ បែបបទ​រស់​នៅ​មួយ​ចំនួន​ អាច​បង្កើន​ហានិភ័យ​នៃ​ជំងឺ​មហារីក​ប្រភេទ​នេះ​បាន។ ដូច្នេះ​ហើយ​ ស្រី​ៗ​យើង​គួរ​កាត់បន្ថយ​កត្តា​ហានិភ័យ​ ដោយ​ការ​ផ្លាស់ប្ដូរ​បែបបទ​រស់នៅ​ទាំង​នេះ។

    ​​១. ធាត់​ជ្រុល

    ការ​ធាត់​ជ្រុល​ បាន​កើន​ឡើង​លើ​ស្ត្រី​ដល់​ទៅ​៣​ដង​​ចាប់​ពី​ឆ្នាំ​១៩៧៥ ដល់​ឆ្នាំ​២០១៦។ ពិត​ណាស់​ សន្ទស្សន៍​ម៉ាស​រាងកាយ​ខ្ពស់​ ទាក់ទង​នឹង​ការ​កើន​ឡើង​នៃ​អត្រា​ស្លាប់​ដោយ​ជំងឺ​មហារីក​រោគ​ស្ត្រី។ បន្ថែម​ពី​នេះ ​ការ​ធាត់​ជ្រុល​ក៏​អាច​បង្ក​ឲ្យ​មាន​ហានិភ័យ​នៃ​បញ្ហា​សម្ពាធ​ឈាម​ខ្ពស់​ កម្រិត​ជាតិ​ស្ករ​ក្នុង​ឈាម​ខ្ពស់​ កម្រិត​កូលេស្តេរ៉ូល​ល្អ​ទាប ដែល​ជា​រោគសញ្ញា​នៃ​ជំងឺ​មេតាប៉ូលីស​ ព្រម​ទាំង​ផ្សារ​ភ្ជាប់​ទៅ នឹង​ជំងឺ​មហារីក​ស្បូន​។

    ២. ជក់​បារី

    ជាមួយ​គ្នា​នេះ​ដែរ ការ​ជក់​បារី​ជា​កត្តា​ហានិភ័យ​មួយ​ទៀត​ ដែល​បង្កើន​ឱកាស​នៃ​ការ​កើត​ជំងឺ​មហារីក​លើ​ស្ត្រី។ ជាក់ស្ដែង ជក់​បារី​ធ្វើ​ឲ្យ​ប្រព័ន្ធ​ភាព​ស៊ាំ​ចុះ​ខ្សោយ​ ដែល​អាច​ធ្វើ​ឲ្យ​គ្នា​យើង​ងាយ​ប្រឈម​នឹង​ការ​ឆ្លង​វីរុសHPV ​ជា​មេរោគ​ដែល​​អាច​បង្ក​ជំងឺ​មហារីក​ដ៏​​កាច​សាហាវ​ចំនួន ៦​ប្រភេទ មាន​ដូច​ជា មហារីក​មាត់​ស្បូន​ មហារីក​រន្ធ​គូទ មហារីក​ទ្វារមាស មហារីក​បបូរ​ទ្វារ​មាស និង​មហារីក​បំពង់​អាហារ (មាត់ និង​ក)។

    គ្រោះថ្នាក់ជក់បារី

    អត្ថបទគួរអាន៖

    ៣. រួម​ភេទ​ដោយ​មិន​បាន​ការពារ

    ​សកម្មភាព​គ្រោះថ្នាក់​មួយ​ចំនួន​ ដូចជា​រួម​ភេទ​​ដោយ​មាន​ដៃគូ​ច្រើន​ និង​រួម​ភេទ​ដោយ​មិន​បាន​ការពារ សុទ្ធ​តែ​អាច​បង្កើន​ហានិភ័យ​នៃ​ជំងឺ​កាមរោគ ដូចជា​ជំងឺ​អេដស៍ វីរុស​HPV និង​ដុះ​សាច់​លើ​ប្រដាប់​ភេទ (Genital warts) ជាដើម។ កត្តា​ទាំង​នេះ បង្កើន​ហានិភ័យ​នៃ​ជំងឺ​មហារីក​លើ​ស្ត្រី​ដោយ​មិន​ដឹង​ខ្លួន។ ហេតុនេះ​ហើយ ស្រី​ៗ​យើង​គួរ​រួម​ភេទ​ដោយ​មាន​ការ​​ការពារ​ជានិច្ច ដើម្បី​បញ្ចៀស​ការ​ឆ្លង​វីរុស​ផ្សេង​ៗ ក៏​ដូចជា​ការ​មាន​ផ្ទៃពោះ​ដោយ​មិន​បាន​ត្រៀម​ផង​ដែរ។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    ​​6 Ways to Reduce Your Risk of Gynecologic Cancer

    https://www.nfcr.org/blog/6-ways-reduce-risk-gynecologic-cancer/

    Reducing Your Risk of Cancer: Lifestyle Changes and Screening Tests

    https://www.acog.org/womens-health/faqs/reducing-your-risk-of-cancer-lifestyle-changes-and-screening-tests

    Mayo Clinic Q and A: Lifestyle changes that can lower your risk of cancer

    https://newsnetwork.mayoclinic.org/discussion/mayo-clinic-q-and-a-lifestyle-changes-that-can-lower-your-risk-of-cancer/

    រូបថត​របស់​អ្នក​និពន្ធbadge
    ដោយ នូ សោភ័ណ្ឌ កែសម្រួល​ចុងក្រោយ 4 សប្ដាហ៍​កន្លងទៅ
    ត្រួតពិនិត្យដោយ វេជ្ជ. ចាន់ ស៊ីណេត