home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

រៀបការជួយកាត់បន្ថយជំងឺភ្លេចភ្លាំង អ្នកនៅលីវ ហើយឧស្សាហ៍ភ្លេច ចាំអង្កាល់ទៀត

រៀបការជួយកាត់បន្ថយជំងឺភ្លេចភ្លាំង អ្នកនៅលីវ ហើយឧស្សាហ៍ភ្លេច ចាំអង្កាល់ទៀត

សម្រាប់​គ្នាយើង​ប្រុសៗ ឈាន​ដល់​វ័យ ម្ភៃក្រាស់ ឬចូល ៣០​ឆ្នាំ ប្រាកដ​ជា​ជួប​បញ្ហា​ភ្លេចភ្លាំង​មិនតិច​នោះទេ ហើយ​បើមិន​ទាន់​រៀបការ​ទៀត ការភ្លេចភ្លាំង ក៏រឹតតែ​ច្រើន​ទៀត។ ប៉ុន្ដែ​មាន​ការសិក្សា​មួយ រកឃើញ​ថា រៀបការ អាច​ជួយ​កាត់​បន្ថយ​ការ​កើត​ជំងឺ​ភ្លេចភ្លាំង។ អញ្ចឹង ប្រុសៗ​គ្នាយើង គួរ​គិតគូរ​ពី​បញ្ហា​នេះ​ហើយ។

មនុស្ស​ដែល​រៀបការ​ហើយ មាន​ភាព​ប្រឈម​ទាប នៃ​ការ​កើត​មាន​រោគសញ្ញា​ជំងឺ​ភ្លេចភ្លាំង ជាង​អ្នក​លែងលះ ឬ​មិន​ទាន់​រៀបការ។ នេះ​បើការ​សិក្សា​មួយ លើ​មនុស្ស ១៥.០០០​នាក់ ពី​ឆ្នាំ​២០០០-២០១៤។

លោកស្រី Hui Liu អ្នកដឹកនាំ​ការសិក្សា និង​ជាសាស្ត្រាចារ្យ​ផ្នែក​សង្គមវិទ្យា នៅ​សាកលវិទ្យាល័យ Michigan របស់​អាមរិក បញ្ជាក់​ថា មាន​ទ្រឹស្តី​ជាច្រើន បកស្រាយ​ពី​មូលហេតុ​រៀបការល្អ​សម្រាប់​សុខភាព​ទូទៅ។ មនុស្ស​រៀបការ​ហើយ មាន​ហិរញ្ញវត្ថុ​កាន់តែ​ប្រសើរ​ឡើង ជាង​អ្នកមិន​ទាន់​រៀបការ ប៉ុន្ដែ​នៅ​មាន​កត្ដា​ផ្សេងៗ​ទៀត ដែល​ល្អ​ជាង​នេះ ដូចជា​អត្ថប្រយោជន៍​ចិត្តសាស្ត្រ​សង្គម។ ជាក់ស្ដែង មនុស្ស​ដែល​រៀបការ​ហើយ មាន​ទំនាក់ទំនង​សង្គម​កាន់តែ​ច្រើន តាមរយៈ​ប្រពន្ធ និង​គ្រួសារ ហើយ​វាជួយ​ដល់​មុខងារ​ចងចាំ។

ពាក់ព័ន្ធ​នឹង​ការ​រកឃើញ​នេះ សាស្ត្រាចារ្យ Linda Waite មក​ពី​សាកលវិទ្យាល័យ Chicago បញ្ជាក់​ថា អ្នក​រៀបការ​ហើយ មាន​ហានិភ័យ​ទាប នៃ​ការ​កើត​ជំងឺ​ភ្លេចភ្លាំង ដោយសារ​ពួកគេ​មាន​ទំនាក់ទំនង​គ្នា និង​ជជែក​គ្នា​ពី​បញ្ហា​នានា។ លោកស្រី​សាស្ត្រាចារ្យ បញ្ជាក់​ថា ការ​គាំទ្រ​ផ្នែក​អារម្មណ៍ ជា​ស្នូល​នៃការ​​បង្ការ​ជំងឺ​ភ្លេចភ្លាំង។

អ្នកស្រាវជ្រាវ ក៏បញ្ជាក់​ដែរថា បុរស​ទទួល​បាន​អត្ថប្រយោជន៍ច្រើន​​ចំពោះ​សុខភាព​ ពី​ការ​រៀបការ ដោយសារ​ស្រីៗ ជា​អ្នក​ជួយ​គាំទ្រ​ផ្នែក​អារម្មណ៍។ បើសិន កុំជក់បារី កុំញ៉ាំ​ច្រើន​ពេក និង​ពិនិត្យ​សុខភាព​ឲ្យ​ទៀងទាត់ ប្រុសៗ ទទួល​បាន​អត្ថប្រយោជន៍​កាន់តែ​ច្រើនទៀត​​ពី​ទំនាក់ទំនង​ប្ដី​ប្រពន្ធ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធ
ត្រួតពិនិត្យ​ដោយ ដេត ធន្នី
អត្ថបទ​ដោយ គីង ច័ន្ទវាសនា​
កែ 09/09/2019
x