មហារីកសុដន់

កំពូលអាហារទាំង៤ មានប្រយោជន៍ចំពោះអ្នកជំងឺមហារីកសុដន់

របបអាហារដើរតួនាទីយ៉ាងសំខាន់លើប្រព័ន្ធមុខងាររាងកាយ ហើយនៅពេលដែលយើងជ្រើសរើសរបបអាហារបានត្រឹមត្រូវ នោះនឹងអាចកាត់បន្ថយហានិភ័យនៃជំងឺផ្សេងៗបានមួយកម្រិតដែរ។ យ៉ាងណាមិញ សម្រាប់អ្នកជំងឺមហារីកមួយចំនួន ដូចជាអ្នកជំងឺមហារីកសុដន់ជាដើម គួរញ៉ាំអាហារណាដែលផ្ដល់គុណប្រយោជន៍ដល់សុខភាព ក៏ដូចជារារាំងការលូតលាស់ និងការវិវត្តនៃជំងឺមហារីក។ អាហារទាំង៤មុខ ផ្ដល់គុណប្រយោជន៍ដ៏ល្អចំពោះអ្នកជំងឺមហារីកសុដន់ ១. បន្លែស្លឹកបៃតង ជាមួយនឹងសារធាតុប្រឆាំងអុកស៊ីតកម្ម ទើបធ្វើឲ្យពពួកបន្លែស្លឹកបៃតង ដូចជាស្ពៃពួយឡេង ស្ពៃខ្មៅ អាចជួយប្រឆាំងនឹងជំងឺមហារីកសុដន់បានយ៉ាងមានប្រសិទ្ធភាព។ ដូចគ្នានេះដែរ ក្រុមអ្នកស្រាវជ្រាវបានរកឃើញថា ស្ត្រីដែលញ៉ាំបន្លែស្លឹកបៃតងមានហានិភ័យនៃការកើតជំងឺមហារីកសុដន់ទាបជាងអ្នកដែលមិនញ៉ាំពពួកបន្លែទាំងនេះ។ ចង់គណនា BMR ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ២. ត្រីមានខ្លាញ់ ទន្ទឹមនឹងនេះ ពពួកត្រីដែលមានខ្លាញ់ដូចជាត្រីសាល់ម៉ុន ត្រីសាឌីន ជាប្រភពនៃអាស៊ីដខ្លាញ់អូមេហ្គា-៣ ក៏ដូចជាសារធាតុប្រឆាំងនឹងអុកស៊ីតកម្ម ដែលល្អបំផុតក្នុងការបង្ការ និងទប់ស្កាត់ជំងឺមហារីក។ [embed-health-tool-heart-rate] ៣. សណ្ដែក ចំណែកពពួកសណ្ដែក មានផ្ទុកទៅដោយជាតិសរសៃ វីតាមីន និងសារធាតុរ៉ែដ៏ល្អក្នុងការជួយគ្រប់គ្រងទម្ងន់ខ្លួនសម្រាប់អ្នកជំងឺមហារីកសុដន់។ ដូច្នេះហើយ អ្នកជំងឺមហារីកសុដន់ គួរបញ្ចូលពពួកសណ្ដែកខ្មៅ ឬសណ្ដែកសៀងជាដើម ទៅក្នុងរបបអាហារប្រចាំថ្ងៃរបស់ខ្លួន ទើបជាការប្រសើរ។ ៤. ខ្ទឹមស ឬខ្ទឹមបារាំង មួយវិញទៀត ខ្ទឹមស ខ្ទឹមបារាំង ឬស្លឹកខ្ទឹម ផ្ទុកទៅដោយសារធាតុចិញ្ចឹមជាច្រើន រួមទាំងសារធាតុFlavonoid ក៏ដូចជាសារធាតុប្រឆាំងនឹងអុកស៊ីតកម្ម។ ហេតុនេះហើយ ទើបការបញ្ចូលគ្រឿងទេសប្រភេទនេះ អាចជួយប្រឆាំងនឹងការវិវត្តនៃជំងឺមហារីកសុដន់ ដែលមានប្រយោជន៍ចំពោះសុខភាពអ្នកជំងឺ។ អត្ថបទគួរអាន៖ កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ តិចនិកជួយស្រីៗ […]

មហារីកសុដន់

ស្រីៗក្នុងវ័យនេះគួរទៅពិនិត្យសុដន់ឲ្យបានម្ដងក្នុងមួយឆ្នាំ

ស្រ្តីៗគ្នាយើងដែលចង់ស្វែងរកការពិនិត្យសុដន់ ត្រូវទៅទទួលការពិនិត្យដោយគ្រូពេទ្យជំនាញ។ អ្នកជំនាញទាំងអស់នោះ ត្រូវបានគេបង្ហាត់បង្រៀនឲ្យពួកគាត់ចាប់បានចំណុចមិនប្រក្រតី និងសញ្ញាគ្រោះថា្នក់មានលើសុដន់។ ការពិនិត្យសុដន់គឺមានសារៈសំខាន់ខ្លាំងណាស់ ក្នុងការពិនិត្យរកជំងឺមហារីកសុដន់ក្នុងដំណាក់កាលដំបូង។ ស្រីៗគ្រប់រូបគួរតែទៅជួបគ្រូពេទ្យជំនាញ និងពិនិត្យសុដន់រៀងរាល់ ១ឆ្នាំ ទៅ ៣ឆ្នាំម្ដងចាប់ពីពេលមានអាយុ ២០ឆ្នាំ និងយ៉ាងហោចណាស់ទៅពិនិត្យឲ្យបានម្ដងក្នុងមួយឆ្នាំពេលមានអាយុចាប់ពី៤០ឆ្នាំឡើងទៅ។ ១- ពេលណាត្រូវត្រៀមសម្រាប់ជួបគ្រូពេទ្យពិនិត្យសុដន់ យើងអាចពិនិត្យសុដន់ដោយខ្លួនឯង ដោយសង្កេតរកមើលថាឃើញមានគឺកូនកណ្ដុរឬយ៉ាងណា។ ប៉ុន្តែសម្រាប់អ្នកជំនាញមានបទពិសោធន៍វិញ គាត់អាចរកឃើញកន្លែងដែលគួរឲ្យសង្ស័យ និងជារោគសញ្ញាមួយចំនួនដែលអ្នកជំងឺខ្លួនឯងមិនបានចាប់អារម្មណ៍។ ប្រសិនបើស្រីៗគ្នាយើងមានសញ្ញាដូចខាងក្រោម គួរតែទៅជួបជាមួយគ្រូពេទ្យដើម្បីធ្វើការពិនិត្យលើសុដន់។ មានដុំកូនកណ្ដុរថ្មីលេចឡើង ឬមានបម្រែបម្រួលក្នុងសុដន់ដូចជា ប្រែប្រួលរូបរាងចុងសុដន់ ឬមានហូរទឹករងៃចេញមកតាមចុងសុដន់ប្លែកខុសពីធម្មតា។ ចុងសុដន់លិបចូលក្នុង ក្នុងករណីនេះគឺចុងសុដន់របស់អ្នកជំងឺលិបចូលទៅខាងក្នុងនៃសុដន់ ប៉ុន្តែសម្រាប់ស្ត្រីដែលមានបញ្ហានេះតាំងពីកំណើត គឺជារឿងធម្មតាទេ។ ប៉ុន្តែប្រសិនបើការប្រែប្រួលបែបនេះ ទើបតែកើតឡើងថ្មីៗទេនោះ យើងត្រូវប្រាប់គ្រូពេទ្យអំពីបញ្ហាទាំងអស់នេះ។ មានឈឺចាប់លើសុដន់តែម្ខាង ឬឈឺទាំងសងខាង ដែលវាមិនទាក់ទងជាមួយនឹងពេលអ្នកមករដូវទេ។ ធ្លាប់វះកាត់កែសុដន់ពីមុន ធ្លាប់ច្រឹបសាច់សុដន់យកទៅពិនិត្យ មានប្រវត្ដិគ្រួសារធ្លាប់កើតជំងឺមហារីកសុដន់។ ពេលវេលាល្អបំផុតសម្រាប់ពិនិត្យសុដន់របស់ស្រ្តី គឺក្នុងរយៈពេល ១ ទៅ ២សប្ដាហ៍បន្ទាប់ពីមករដូវរួច ដោយសារតែអំឡុងពេលកំពុងមករដូវ សុដន់នឹងឡើងរឹង និងហើម។ ២- តើមានអ្វីកើតឡើងអំឡុងពេលពិនិត្យសុដន់ មុនពេលពិនិត្យ គ្រូពេទ្យជំនាញត្រូវការសួរនាំអំពីព័ត៌មានទាក់ទងជាមួយប្រវត្ដិជំងឺ រួមបញ្ចូលទាំងព័ត៌មានអំពីប្រវត្ដិនៃវដ្ដរដូវ និងប្រវត្ដិនៃការមានគភ៌ដែរ។ ដើម្បីធ្វើការពិនិត្យ យើងត្រូវចាំបាច់ដោះសម្លៀកបំពាក់ចាប់ពីត្រឹមចង្កេះឡើងលើចេញ។ អំឡុងពេលកំពុងពិនិត្យ គ្រូពេទ្យនឹងពិនិត្យមើលលក្ខណៈទូទៅរបស់សុដន់ បម្រែបម្រួលនៃទំហំសុដន់ រូបរាង ឬភាពស្មើគ្នារវាងសុដន់ទាំងសងខាង។ គ្រូពេទ្យប្រហែលជាអាចឲ្យអ្នកជំងឺប្ដូរឥរិយាបថខ្លះៗ ដូចជាតម្រូវឲ្យគេង និងដាក់ដៃទាំងសងខាងក្រោមក្បាល លើកដៃទាំងសាងខាងឡើងលើក្បាល លើកត្រគៀកទាំងសងខាងឡើង និងអាចសង្កត់ដៃលើត្រគៀក។ កាយវិការទាំងអស់នេះជួយឲ្យគ្រូពេទ្យ […]