home

ខួរក្បាលនិងប្រព័ន្ធប្រសាទ

ខួរក្បាល​និង​ប្រព័ន្ធ​ប្រសាទ​​ ​- បញ្ហា​មួយ​ចំនួន​ដែល​បង្ក​ទុក្ខទោស​ដល់​ខួរក្បាល​និង​ប្រព័ន្ធប្រសាទ​​​គ្រប់​គ្នា​មាន ជំងឺប្រកាច់ ​ជំងឺបាត់ការចងចាំនិងវង្វេងវង្វាន់ ​ជំងឺប៉ះពាល់បេះដូងនិងខួរក្បាល ​គ្រោះថ្នាក់សរសៃឈាម ​ឈឺក្បាលនិងឈឺក្បាលប្រកាំង ​ជំងឺ​ខួរ​ក្បាលនិង​ឆ្អឹង​ខ្នង ​ជំងឺ​ប្រព័ន្ធ​ប្រសាទ ​បញ្ហាខួរក្បាលនិងប្រព័ន្ធ​ប្រសាទផ្សេងទៀត ​​បូករួម​ទាំង​រោគសញ្ញា មូលហេតុ​បង្ក និង​ការ​ព្យាបាល​ជា​ដើម

ចំណេះដឹងទូទៅ

ខួរក្បាលនិងប្រព័ន្ធប្រសាទ

ដុំ​គីស​​ក្នុង​ខួរ​ក្បាល​ ជា​ថង់​តូច​មួយ​ដែល​មិន​មែន​ជា​ដុំ​មហារីក​ ហើយ​​​​ពោរពេញ​ទៅ​ដោយ​ខ្យល់ សារធាតុ​រាវ ឬ​ជាលិកា​ប្រភេទ​ផ្សេង​ទៀត​។ ផល​ប៉ះពាល់របស់​​ដុំ​គីស​ អាស្រ័យ​ទៅ​លើ​ទីតាំង​ដែល​​គីសនេះ​ស្ថិត​​​​ក្នុង​ខួរ​ក្បាល​ និង​មូលហេតុ​បង្ក។ តើ​ដុំ​គីស​បង្ក​គ្រោះថ្នាក់​ដល់​អាយុ​ជីវិត​យើង​ដែរ​ទេ​? ជា​ទូទៅ ដុំ​គីស​មាន​លក្ខណៈ​ស្លូត និង​​មិន​បង្ក​ឲ្យ​មាន​រោគសញ្ញា​ឡើយ​ ហើយ​ដុំ​គីស​ភាគ​ច្រើន​មាន​ទំហំ​មិន​ប្រែប្រួល​ នេះ​បើ​យោង​តាម​ប្រសាសន៍​លោក​វេជ្ជបណ្ឌិត David Weintraub នាយក​ផ្នែក​វះកាត់​ប្រព័ន្ធ​ប្រសាទ​នៅ​មន្ទីរពេទ្យ​សាកលវិទ្យាល័យ​North Shore​នៅ​ទីក្រុង​ញូវយ៉ក។ ទោះ​យ៉ាង​នេះ​ក្ដី ប្រភេទ​ដុំ​គីស​មួយ​ចំនួន​អាច​​​ចាប់​យក​សារធាតុ​រាវ​ចូល​​ទៅ​ក្នុង​ខ្លួន​វា និង​លូតលាស់​ទៅ​តាម​ពេលវេលា​។ ក្នុង​ករណី​នេះ វា​នឹង​បង្ក​ជា​រោគសញ្ញា​ ព្រម​ទាំង​ត្រូវការ​ព្យាបាល​ដោយ​វះកាត់​ផង​ដែរ​។ ដុំ​គីស​ក្នុង​ខួរ​ក្បាលវិវដ្ដលើ​ទារកក្នុង​ផ្ទៃ​ ដុំ​គីសArachnoid ​ជា​ដុំ​គីស​មួយ​ប្រភេទ​ដែល​វិវដ្ដនៅ​ក្នុង​ខួរ​ក្បាល​របស់​ទារក​ក្នុង​ផ្ទៃ​​ ហើយ​វា​បង្ក​ឡើង​ដោយ​ការ​បែងចែក​មិន​ប្រក្រតី​នៃ​ភ្នាស​Arachnoid ជា​ស្រទាប់​មួយ​ក្នុង​ចំណោម​ស្រទាប់​ទាំង​បី​ដែល​ការពារ​ខួរ​ក្បាល​ និង​ខួរ​ឆ្អឹង​ខ្នង។ ថ្វី​ត្បិត​តែ​ដុំ​គីស​ប្រភេទ​នេះ​​តែងតែ​កើត​មាន​តាំង​ពី​កំណើត​យ៉ាង​ណា​ក្ដី ប៉ុន្តែ​វា​ក៏​អាច​កើត​ឡើង​ដោយ​​សារ​តែ​ដុំ​សាច់​ខួរ​ក្បាល​ របួស ការ​ឆ្លង​មេរោគ ឬ​ការ​វះកាត់​ខួរ​ក្បាល​។ ​​​ដុំ​គីស​ក្នុង​ខួរ​ក្បាល​ដទៃ​ទៀត​ ចំណែក​ដុំ​គីស​Colloid កកើត​ឡើង​នៅ​ផ្នែក​កណ្ដាល​នៃ​ខួរ​ក្បាល និង​អាច​នាំ​ឲ្យ​ស្ទះ​សារធាតុ​រាវ​ខួរ​ឆ្អឹង​ខ្នង​។ បើ​យើង​មាន​ដុំ​គីស​នេះ វា​អាច​បង្ក​ឲ្យ​ឈឺ​ក្បាល នៅ​ពេល​ដែល​យើង​​ស្ថិត​ក្នុង​​ឥរិយាបថ​ជាក់លាក់​​មួយ​។ អាការៈ​ឈឺ​ក្បាល​ដែល​បណ្ដាល​មក​ពី​ដុំ​គីស​Colloid​កើត​ឡើង​នៅ​ពេល​​ដែល​យើង​ពេញ​វ័យ​។ ប្រភេទ​ដុំ​គីស​កម្រ​ អង្គការ​សុខភាព​ពិភព​លោក​ (WHO) ​បាន​ពន្យល់​ថា​ដុំ​គីស​រឹង​តូច​ៗ​នៅ​ក្នុង​ខួរ​ក្បាល​ អាច​បណ្ដាល​​មក​ពី​ប៉ារ៉ាស៊ីត ជា​ពិសេស​ពពួក​តេនញ៉ា​ឈ្មោះ​ថា Taenia Soliumដែល​ចូល​ក្នុង​រាងកាយ​យើង នៅ​ពេល​ដែល​យើង​ញ៉ាំ​សាច់​ជ្រូក​​​​ឆៅ ឬ​មិន​ឆ្អិន​ល្អ​។ បើ​តេនញ៉ា​ចូល​ក្នុង​ខួរ​ក្បាល​ និង​បង្កើត​ជា​គីស​នោះ​ យើង​អាច​ប្រឈម​នឹង​ជំងឺ​Neurocysticercosis។ ហេតុ​នេះ​ហើយ​ គ្នា​យើង​គប្បី​ញ៉ាំ​អាហារ​ល្អៗ និង​មាន​តុល្យភាព ព្រម​ទាំង​​ជៀសវាង​ញ៉ាំ​សាច់​ជ្រូក​ដែល​​មិន​ឆ្អិន​ល្អ​។

ស្វែងរក​បន្ថែម​ទៀត ខួរក្បាលនិងប្រព័ន្ធប្រសាទ អត្ថបទ

ឈឺក្បាលនិងឈឺក្បាលប្រកាំង

រឹងក​ឈឺក្បាល ជា​ពាក្យ​ពិពណ៌នា​ដល់​អាការៈ​ឈឺ​ក្បាល​ដែល​បង្ក​ឡើង​ដោយ​សារ​ការ​រឹង​ក​។ ដើម្បី​ឲ្យ​យល់​ច្បាស់​ពី​ន័យ​នេះ យើង​បន្ត​ស្វែង​យល់​ទាំង​អស់​គ្នា​។​ ​​រឹងក​ អាការៈ​រឹង​ក គឺ​មាន​ការ​ឈឺ​ចាប់​នៅ​កញ្ចឹង​ក ដែល​នាំ​ឲ្យ​យើង​ពិបាក​ងាក​ក្បាល​ទៅ​ឆ្វេង ឬ​ស្ដាំ​។​ ការ​ឈឺ​ចាប់​នេះ ច្រើន​កើន​ឡើង​ព្រោះ​តែ​សាច់​ដុំ​ឡើង​រឹង​​។ មូលហេតុ​ទូទៅ​មួយ​ចំនួន​​បង្ក​ឲ្យ​ឡើង​រឹង​ក មាន​ដូច​ជា៖ គេង​ដាក់​ក្បាល​មិន​ត្រូវ​ទំនង​នាំ​ឲ្យ​ជាប់​ក ជាប់​សរសៃប្រសាទនៅ​ក មាន​របួស​ប៉ះពាល់​ក បញ្ហា​សុខ​ភាព​ដូច​ជា​រលាក​សន្លាក់​ ឈឺ​ក្បាល ឈឺ​ក្បាល ជា​បញ្ហា​ទូទៅ​មួយ ដែល​ភាគ​ច្រើន​កើត​ឡើង​ដោយសារតែ​បញ្ហា​ជា​មួយ​សរសៃឈាម ឬ​សាច់ដុំ​ក្នុង​ក្បាល មុខ ឬ​ក​។ យ៉ាងណា ក៏​មាន​ការ​ពិបាក​​ដែរ ក្នុង​ការ​កំណត់​ពី​មូល​ហេតុ​នាំ​ឲ្យ​ឈឺ​ក្បាល​នេះ ដោយ​អ្នក​ខ្លះ​មាន​អាការៈ​ឈឺ​ក្បាល​ញឹក​ញាប់​ជាង​អ្នក​ផ្សេង​ទៀត​។ មួយ​វិញ​ទៀត ក៏​មាន​ដែរ​​អាការៈ​ឈឺ​ក្បាល​មួយ​ប្រភេទ កើត​ឡើង​ពេល​សាច់ដុំ​នៅ​ក​ឡើង​រឹង ឬ​កន្ត្រាក់ ដូច​ជា​ពេល​រឹង​ក អ៊ីចឹង​ដែរ​។ ចុះ​បើ​មាន​បញ្ហា​ឈឺក្បាល​ដោយ​សារ​រឹង​ក​បែប​នេះ គួរ​ដោះ​ស្រាយ​បែប​ណា? ១. ​ស្អំ​ទឹក​កក ឬ​ទឹក​ក្ដៅ​ឧណ្ហ​ៗ​​ ជា​ជំហាន​ដំបូង​ដើម្បី​គ្រប់​គ្រង​បញ្ហា​រឹង​ក​​ឈឺ​ក្បាល​នេះ​បាន យើង​ត្រូវ​ចាប់​អារម្មណ៍​រឿង​រឹង​ក​ជាមុន​សិន​។ ក្នុង​រយៈពេល​៤៨​ទៅ​៧២​ម៉ោង​ដំបូង​នៃ​ការ​ឈឺ​នៅ​ត្រង់​ក យើង​អាច​ប្រើ​ទឹកកក​ស្អំ​នៅ​កន្លែង​ដែល​ឈឺ​ចាប់។ បន្ទាប់​មក​ទៀត​យើង​អាច​សាក​ល្បង​ស្អំ​ទឹក​ក្ដៅ​ឧណ្ហ​ៗ​ម្ដង​វិញ​។ ពេល​យើង​ប្រើ​ទឹក​កក​ ឬ​ទឹក​ក្ដៅ​ឧណ្ហ​ៗ​ស្អំ​លើ​ ក យើង​ក៏​ត្រូវ​ប្រយ័ត្ន​ដល់​ស្បែក​ដែរ​ ដោយ​មិន​ត្រូវ​ស្អំ​ជាប់​រហូត​ទេ ត្រូវ​ដក​ឃ្លា​ខ្លះ ហើយ​មិន​ត្រូវ​ស្អំ​របស់​ទាំង​នេះ​នៅ​លើ​ ក ទាំង​ដែល​យើង​គេង​លក់​នៅ​ដែរ​។ ២. ​ធ្វើ​ចលនា​ ក និង​ក្បាល​ ការ​ធ្វើ​ចលនា​សាច់​ដុំ​នឹង​អាច​ជួយ​បន្ថយ​អាការៈ​រឹង​នៅ​ក​នេះ​បាន និង​ជួយ​សម្រួល​ដល់​បញ្ហា​ឈឺ​ក្បាល​ដោយ​រឹង​ក​នេះ​ដែរ​។ យ៉ាង​ណា យើង​មិន​ត្រូវ​ងាក​ក ឬ​ឱន​ក្បាល​ចុះ​ឡើង​ខ្លាំង​ៗ​ពេក​ទេ អាច​នាំ​ឲ្យ​ឈឺ​ចាប់​។ គ្នា​យើង​គួរ​ងាក​ក […]

បញ្ហាខួរក្បាលនិងប្រព័ន្ធប្រសាទផ្សេងទៀត

រោគសញ្ញា​មួយ​​ក្នុង​ចំណោម​រោគសញ្ញា​ទូទៅ​នៃ​ដុំ​សាច់​ខួរក្បាល​ គឺ​​ឈឺ​ក្បាល​ ប៉ុន្តែ​អាការៈ​ឈឺ​ក្បាល​ភាគ​ច្រើន​ក៏​មិនមែន​បណ្ដាល​មក​ពី​ដុំ​សាច់​ទាំង​អស់​ដែរ​។ យ៉ាង​ណា​មិញ គ្នា​យើង​គប្បី​តាមដាន​ឲ្យ​បាន​ដិតដល់​ចំពោះ​រោគ​សញ្ញា​​មួយ​នេះ​។ សម្ពាធ​ក្នុង​ខួរ​ក្បាល​ និង​ដុំ​សាច់​ខួរ​ក្បាល​ ទោះ​បី​ជា​មិន​មែន​​រាល់​ដុំ​សាច់​ខួរក្បាល​ សុទ្ធ​តែ​បណ្ដាល​ឲ្យ​យើង​ឈឺ​ក្បាល​ក៏​ពិត​មែន​ ប៉ុន្តែ​​អ្នក​ដែល​មាន​ដុំ​សាច់​ខួរ​ក្បាល​ចំនួន​ជិត​ពាក់​កណ្ដាល​បាន​ឲ្យ​ដឹង​ថា​ ពួក​គេ​មាន​អាការៈ​ឈឺ​ក្បាល​ នេះ​បើ​យោង​តាម​សមាគម​ដុំ​សាច់​ខួរ​ក្បាល​របស់​អាមេរិក។ ​ដុំ​សាច់​ទាំង​នេះ​អាច​ជា​ដុំ​សាច់​មហារីក​ និង​មិន​មែន​ជា​មហារីក​ ហើយ​ពួក​វា​​អាច​កើត​ឡើង​ស្ទើរ​តែ​គ្រប់​ទី​កន្លែង​នៅ​ក្នុង​ខួរ​ក្បាល​។ រោគសញ្ញា​នៃ​ដុំ​សាច់​ខួរ​ក្បាល​មាន​ភាព​ខុស​គ្នា​ អាស្រ័យ​លើ​ទីតាំង​នៃ​ដុំ​សាច់​។ ការ​ឈឺ​ក្បាល​ និង​អារម្មណ៍​ដទៃ​ទៀត​នៃ​​សម្ពាធ​កើន​ឡើង​ក្នុង​លលាដ៍​ក្បាល អាច​​កើត​ឡើង​ដោយ​សារ​​តែ​ដុំ​សាច់​សង្កត់​លើ​សរសៃ​ប្រសាទ ឬ​ជាលិកា​ ឬ​សារធាតុ​រាវ​ ​នៅ​ជុំវិញ​ខួរ​ក្បាល​។ រោគសញ្ញា​​ព្រមាន​ដែល​យើង​គប្បី​ទៅ​ពិគ្រោះ​យោបល់​ជាមួយ​នឹង​គ្រូពេទ្យ​ភ្លាម​ៗ ឈឺ​ក្បាល​នៅ​ពេល​ព្រឹក​ ហើយ​ការ​ឈឺចាប់​នេះ​​អាច​រំខាន​ដល់​ការ​គេង​ ឈឺ​ក្បាល​ ព្រម​ទាំង​មាន​​ក្អួត​ ឈឺ​ក្បាល​កាន់​តែ​ធ្ងន់ធ្ងរ​ នៅ​ពេល​ដែល​ក្អក​ ឬ​ហាត់​ប្រាណ​ ឈឺ​ក្បាល​នៅ​ពេល​គេង​ ឈឺ​ក្បាល​កាន់​តែ​ខ្លាំង​ទៅ​ៗ​ ឈឺ​ក្បាល​ជាប់​ជា​ប្រចាំ​ អាការៈ​ឈឺ​ក្បាល​នៅ​តែ​បន្ត ទោះ​ប្រើប្រាស់​ថ្នាំ​បំបាត់​ការ​ឈឺ​ចាប់។​ ​​​​​​​សញ្ញា​ព្រមាន​ផ្សេង​ទៀត​ ជា​ទូទៅ អាការៈ​ឈឺ​ក្បាល​ដោយ​សារ​តែ​ដុំ​សាច់​​ខួរ​ក្បាល​ អាច​​អម​ដោយ​រោគសញ្ញា​ប្រព័ន្ធ​ប្រសាទ​​ផ្សេង​ទៀត​ ដូចជា​ស្ពឹក​ ឬ​ឈឺ​ឆៀប​ៗ  បញ្ហា​ភ្នែកចុះ​ខ្សោយ​ ឬ​ពិការ​ផ្នែក​ណា​មួយ​នៃ​រាងកាយ​ ឬ​ពិបាក​យល់​ការ​និយាយ​ជាដើម​ ដែល​​រោគ​សញ្ញា​ទាំង​នេះ​ចាំបាច់​ឲ្យ​យើង​​ត្រូវ​ពិគ្រោះ​យោបល់​ជាមួយ​នឹង​គ្រូពេទ្យ​ភ្លាម​ៗ​។ បន្ថែម​ពី​នេះ ប្រសិនបើ​យើង​មាន​អាការៈ​ឈឺ​ក្បាល​ធ្ងន់ធ្ងរ និង​មាន​រោគសញ្ញា​ជាក់លាក់​ដទៃ​ទៀត​ ដូចជា​​គ្រុន​ក្ដៅ កន្ទួល​រមាស់​ រួយ​ក និង​​វង្វេង​ស្មារតី វា​អាច​ជា​រោគសញ្ញា​នៃ​ការ​ឆ្លង​មេរោគ​ធ្ងន់ធ្ងរ​ដូចជា​ការ​រលាក​ស្រោម​ខួរ​។ នេះ​បើ​យោង​តាម​មូលនិធិ​ស្រាវជ្រាវ​ជំងឺ​រលាក​ស្រោម​ខួរ​។

បញ្ហាខួរក្បាលនិងប្រព័ន្ធប្រសាទផ្សេងទៀត

ការ​ថែទាំ​សុខភាព​ខួរ​ក្បាល​ឲ្យ​បាន​ល្អ ​ជា​រឿង​ចាំបាច់​ដែល​គ្នា​យើង​​​មិន​គួរ​ធ្វេសប្រហែស​ឡើយ​។​ ពិត​ណាស់​ ទម្លាប់​មិន​ល្អ​ អាច​ធ្វើ​ឲ្យ​ខួរ​ក្បាល​ចុះ​ខ្សោយ​ ការ​ចងចាំ​មិន​ល្អ ព្រម​ទាំង​អាច​​បង្ក​ជា​ជំងឺ​វង្វេងវង្វាន់​​នៅ​ពេល​ដែល​យើង​មាន​វ័យ​កាន់​តែ​ចាស់​ថែម​ទៀត​ផង​។ ដូច្នេះ​ហើយ​ ដើម្បី​​​ជួយ​ឲ្យ​មុខងារ​ខួរ​ក្បាល​ដំណើរការ​​ល្អ​ប្រសើរ​ គ្នា​យើង​គប្បី​ជៀសវាង​ទម្លាប់​មិន​ល្អ​មួយ​ចំនួន​​​នេះ​។ ១. អង្គុយ​ពេញ​មួយ​ថ្ងៃ​ ពិត​ណាស់​ ការ​អង្គុយ​ពេញ​មួយ​ថ្ងៃ​អាច​​ប៉ះពាល់​ដល់​សុខភាព​ទាំង​មូល​ រួម​ទាំង​​ខួរ​ក្បាល​ផង​ដែរ​។ នៅ​ពេល​ដែល​យើង​ធ្វើ​ចលនា​ សរសៃ​ឈាម​ខួរ​ក្បាល​នឹង​បើក​ ដែល​នាំ​ឲ្យ​មាន​លំហូរ​ឈាម​​ទៅ​ចិញ្ចឹម​​​កោសិកា​ប្រសាទ​ ។ ម្យ៉ាង​វិញ​ទៀត សកម្មភាព​រាងកាយ​បង្កើន​លំហូរ​ឈាម​ និង​ដឹកនាំ​អុកស៊ីសែន​ និង​សារធាតុ​ចិញ្ចឹម​សំខាន់​ៗ​ទៅ​កាន់​ខួរ​ក្បាល​។ បន្ថែម​ពី​នេះ វា​ជួយ​បង្កើន​អារម្មណ៍ និង​កាត់បន្ថយ​ស្រ្តេស ដែល​ផ្ដល់​អត្ថប្រយោជន៍​ដល់​សុខភាព​ខួរ​ក្បាល​។ ហេតុ​នេះ​ហើយ​ គ្នា​យើង​គប្បី​ធ្វើ​ចលនា​ឲ្យ​បាន​ច្រើន​ ក៏​ដូចជា​ធ្វើ​លំហាត់​ប្រាណ​យ៉ាង​ហោច​ណាស់​១៥០​នាទី​ក្នុង​មួយ​សប្ដាហ៍​។ ២. មិន​សូវ​ចូលរួម​ក្នុង​សង្គម​ ការ​ខកខាន​ក្នុង​ការ​ចូលរួម​ក្នុង​សង្គម​ អាច​ជា​ការ​បំផ្លាញ​ខួរ​ក្បាល​របស់​យើង​ដូច​គ្នា។​ ជាក់​ស្ដែង ភាព​ឯកោ​​ត្រូវ​បាន​ផ្សារ​ភ្ជាប់​ទៅ​នឹង​ជំងឺ​បាក់​ទឹក​ចិត្ត​ ហើយ​វា​ក៏​អាច​​នាំ​ឲ្យ​ការ​យល់​ដឹង​របស់​យើង​ចុះ​ខ្សោយ​។ យោង​តាម​ការ​សិក្សា​មួយ​បាន​បង្ហាញ​ថា ​អ្នក​​ដែល​មិន​សូវ​ចូលរួម​ក្នុង​សង្គម​​អាច​វិវត្ត​ទៅ​ជា​ជំងឺ​វង្វេងវង្វាន់​។ ៣. ស្តាប់​តន្ត្រី​ឮខ្លាំង​ៗ​ ​​ជាមួយ​គ្នា​នេះ​ដែរ​ ការ​ស្ដាប់​ចម្រៀង​ឮ​ៗ​ក៏​អាច​ប៉ះពាល់​ដល់​ខួរ​ក្បាល​របស់​យើង ពីព្រោះ​វា​អាច​ផ្លាស់ប្ដូរ​​របៀប​ដែល​ខួរ​ក្បាល​ដំណើរការ​ ការ​និយាយ នេះ​បើ​យោង​តាម​ការ​សិក្សា​​មួយ​ទៅ​លើ​សត្វ​។ ក្រុម​អ្នក​ស្រាវជ្រាវ​បាន​សម្គាល់​ថា​ការ​​បាត់បង់​សោតវិញ្ញាណ​​អាច​ជះ​ឥទ្ធិពល​មិន​ល្អ​ដល់​ការ​យល់​ដឹង​របស់​ខួរ​ក្បាល​ចំពោះ​សំឡេង​​ផ្សេង​ៗ​។ ៤. គេង​មិន​គ្រប់គ្រាន់​ ការ​គេង​មិន​គ្រប់គ្រាន់​ក៏​​​អាច​ប៉ះពាល់​ដល់​ខួរ​ក្បាល​របស់​យើង។ យោង​តាម​ការ​សិក្សា​មួយ​បាន​​​បង្ហាញ​ថា ការ​គេង​មាន​ឥទ្ធិពល​លើ​​ការ​យល់​ដឹង​​ រួម​ទាំង​​ការ​ចងចាំ​ ការ​ដោះស្រាយ​បញ្ហា​ និង​ជំនាញ​ទំនាក់ទំនង​។ ​សម្រាប់​អ្នក​ដែល​គេង​បាន​តិច​ជាង​៧​ម៉ោង​ ឬ​ច្រើន​ជាង​៨​ម៉ោង​ក្នុង​មួយ​យប់​ ​អាច​ប្រឈម​នឹង​ការ​ធ្លាក់​ចុះ​នៃ​មុខងារ​ខួរ​ក្បាល​។ ៥. ជក់​បារី​ ជំងឺ​មហារីក​ ជំងឺ​បេះដូង​ ក៏​ដូចជា​ជំងឺ​សួត​​សុទ្ធ​តែ​មាន​ការ​ពាក់ព័ន្ធ​នឹង​ការ​ជក់បារី​។ ការ​ជក់​បារី​បំផ្លាញ​ស្រទាប់​សរសៃ​ឈាម និង​អាច​បណ្ដាល​ឲ្យ​សរសៃ​ឈាម​រួម​តូច […]

ខួរក្បាលនិងប្រព័ន្ធប្រសាទ

ជា​ការ​ពិត​ណាស់​មាន​មនុស្ស​ជា​ច្រើន​មាន​ការ​ព្រួយ​បារម្ភ​អំពី​ការ​ភ្លេច​ភ្លាំង។ គ្នា​យើង​មួយ​ចំនួន​តែង​តែ​គិត​ថា​ការ​ភ្លេច​ភ្លាំង​គឺ​ជា​សញ្ញា​ដំបូង​នៃ​ជំងឺ​វង្វេង។ ប៉ុន្តែ​មិន​មែន​មនុស្ស​ទាំង​អស់​ដែល​មាន​បញ្ហា​ការ​ចង​ចាំ​មាន​ជំងឺ​វង្វេង​នោះ​ទេ។ មាន​មូល​ហេតុ​ផ្សេង​ទៀត​ដែល​អាច​ទាក់​ទង​និង​ការ​ចង​ចាំ​រួម​ទាំង​បញ្ហា​មួយ​ចំនួន​បញ្ចូល​ទាំង​វ័យ​ចំ​ណាស់​ ស្ថាន​ភាព​សុខភាព ​បញ្ហា​ផ្លូវ​ចិត្ត​ឬ​ជំងឺ​វង្វេង​ប្រភេទ​ផ្សេង​ទៀត។ រោគ​សញ្ញា ចំពោះ​ការ​បាត់​បង់​ការ​ចង​ចាំ ឬភេ្លចេ​ភ្លាំង​​ គឺ​ជា​រោគ​សញ្ញា​សំខាន់​នៃ​ជំងឺ​វង្វេង។ ​រោគ​សញ្ញា​ដំបូង​រួម​មាន ពិបាក​ក្នុង​ការ​ចង​ចាំ​ហេតុការណ៍​ថ្មីៗ​ ឬ​ការ​សន្ទនា។ នៅ​ពេល​ដែល​ជំងឺ​នោះ​វិវដ្ត​ ការ​ចង​ចាំ​អាច​នឹង​អន់​ថយ​កាន់​តែ​អាក្រក់​ទៅៗ ហើយ​រោគ​សញ្ញា​ដទៃ​ទៀត​ក៏​វិវដ្ត​ដែរ។ អ្នក​ដែល​មាន​ជំងឺ​វង្វេង​អាច៖ ធ្វើ​ការ​ចោទ​សួរ​នូវ​សំណួរ​ដដែល​ម្ដង​ហើយ​ម្ដង​ទៀត ភ្លេច​ការ​សន្ទនា​ ការ​ណាត់​ជួប​ ឬ​ព្រឹត្តិការណ៍​ផ្សេងៗ​ វង្វេង​នៅ​កន្លែង​ដែល​ធ្លាប់​ស្គាល់ ភ្លេច​ឈ្មោះ​សមាជិក​ក្នុង​គ្រួសារ​ និង​វត្ថុ​ប្រើ​ប្រាស់​ប្រចាំ​ថ្ងៃ អាច​មាន​បញ្ហា​ក្នុង​ការ​ស្វែង​រក​ពាក្យ​ត្រឹម​ត្រូវ​ដើម្បី​កំណត់​អត្ត​សញ្ញាណ​វត្ថុ ការ​បង្ហាញ​គំនិត ​ឬ​ការ​ចូល​រួម​ក្នុង​ការ​សន្ទនា។ នៅ​ពេល​ដែលយើង​​កើត​មាន​ជំងឺ​វង្វេង​ វា​អាច​ប៉ះ​ពាល់​ដល់​អារម្មណ៍​ និង​អាកប្បកិរិយា។ បញ្ហា​អាច​មាន​ដូច​ខាង​ក្រោម៖ ជំងឺ​បាក់​ទឹក​ចិត្ត ភាព​ស្រពិច​ស្រពិល ការ​ប្រែ​ប្រួល​អារម្មណ៍ ការ​មិន​ទុក​ចិត្ត​លើ​អ្នក​ដទៃ ឆាប់​ខឹង ការ​ផ្លាស់​ប្ដូរ​ទម្លាប់​គេង មាន​ការ​ភ័ន្ត​ច្រឡំ​ និង​បាត់បង់​ជំនឿ​លើ​អ្វី​មួយ វិធី​បង្ការ​ ឬ​ការពារ​ពី​ជំងឺ​វង្វេង ចំពោះ​ជំងឺ​វង្វេង​គឺ​ជា​បញ្ហា​សុខភាព​មួយ​​ដែល​មិន​​អាច​បង្ការ​​បាន​​នោះ​ទេ។ ប៉ុន្តែ​មាន​ភស្តុតាង​មួយ​ចំនួន​បង្ហាញ​ថា​ការ​ផ្លាស់​ប្ដូរ​របប​អាហារ​ ការ​ធ្វើ​លំហាត់​ប្រាណ ក៏​អាច​បន្ថយ​ហានិភ័យ​នៃ​ការ​វិវដ្ត​ទៅ​ជា​ជំងឺ​នេះ ​និង​ជំងឺ​ដទៃ​ទៀត​ដែល​បណ្ដាល​ឱ្យ​មាន​ជំងឺ​វង្វេង​ដែរ។ ជម្រើស​នៃ​របៀប​រស់​នៅ​ដែល​មាន​សុខភាព​ល្អ​​អាច​កាត់​បន្ថយ​ហានិភ័យ​នៃ​ការ​ភ្លេច​ភ្លាំង​រួម​មាន៖ ធ្វើ​លំហាត់​ប្រាណ​ឱ្យ​បាន​ទៀង​ទាត់ ការ​ទទួល​ទាន​អាហារ​​មាន​សុខភាព​ល្អ​ និង​អាហារ​ដែល​មាន​ជាតិ​ខ្លាញ់​ទាប​ អនុវត្ត​តាម​ការ​ណែនាំ​នៃ​ការ​ព្យាបាល​ដើម្បី​គ្រប់​គ្រង​ជំងឺ​លើស​ឈាម​ ទឹកនោមផ្អែម​ និង​កូលេស្តេរ៉ូល​ខ្ពស់ ប្រសិន​បើគ្នា​យើង​​ជក់​បារី​ គួរ​សុំ​​ការ​ណែ​នាំ​ពី​គ្រូពេទ្យ​ដើម្បី​រក​វិធី​ផ្ដាច់​បារី​ ពេល​ណា​ត្រូវ​ទៅ​ជួប​គ្រូពេទ្យ បញ្ហា​សុខ​ភាព​មួយ​ចំនួន ទាំងអាចព្យាបាលបាន​ក្ដី គឺ​សុទ្ធ​តែ​អាចធ្វើ​ឲ្យ​យើង​ភ្លេច​ភ្លាំង ឬ​មាន​ជំងឺ​បាត់​បង់​ការ​ចង​ចាំ​។ បើ​សិន​ជា​គ្នា​យើង មាន​កង្វល់​ពី​បញ្ហា​ពិបាក​គិត […]

ខួរក្បាលនិងប្រព័ន្ធប្រសាទ

តាមពិត​ការ​ឈឺ​ក្បាល​ធម្មតា និង​ឈឺ​ក្បាល​ប្រកាំង ​គឺជា​ជំងឺ ២ ខុស​ពីគ្នា ថ្វីត្បិតតែ​​សុទ្ធ​តែ​ធ្វើ​ឱ្យ​យើង​ឈឺក្បាល​ដូចគ្នា។ ភាគច្រើន​យើង​មិន​ដឹង​ថា​​ឈឺក្បាល​ប្រកាំង​ទេ ដោយ​គិត​ថា​គ្រាន់​តែ​ឈឺ​ក្បាល​ធម្មតា​ប៉ុណ្ណោះ។ ឱសថការី​ ហម​ សេង​ហុង ​បានពន្យល់​ពី​លក្ខណៈ​ខុសគ្នា​មួយ​ចំ​នួន​រវាង​ការ​ឈឺ​ក្បាល​ធម្មតា និង​ការ​ឈឺ​ក្បាល​ប្រកាំង​ដូច​ខាង​ក្រោម​​៖ ១. ឈឺ​ក្បាល​ធម្មតា ការ​ឈឺ​ក្បាល​ធម្មតា​មាន​សណ្ឋាន​ខុសៗគ្នា​ដូចជា ការ​ឈឺក្បាល​នៅ​ថ្ងាស​ខាង​មុខ​ដោយ​សារ​ស្រ្តេស​ គឺ​ឈឺ​ណែន​ពេញ​ខួរក្បាល​ខាងមុខ ការ​ឈឺ​ក្បាល​ចុក​រួយ​បែក​ពី​លើ​ក្បាល​រហូតដល់​ខាងក្រោយ​ ដោយសារ​តង់ស្យុង​សម្ពាធ​​ឈាម​​ខ្ពស់​ឡើង​ខ្ពស់។ ២. ឈឺ​ក្បាល​ប្រកាំង ​ការ​ឈឺ​ក្បាល​ប្រកាំង​គឺ​មាន​លក្ខណៈ​ចុក​ពើត​ៗ​​ចំហៀង​ក្បាល​ខាង​ធ្វេង ឬ​​ខាង​ស្តាំ​ នៅ​ប្លុក​គ្រាប់ភ្នែក ​នៅ​ខាង​ក្រោយ​គ្រាប់ភ្នែក ឬ​អាច​ដល់​ត្រចៀក ហើយ​ពេល​ខ្លះ​ចុក​​ខ្លាំង​គឺ​ឈឺក្បាល​ទាំង​សង​ខាង​តែ​ម្តង។ ការ​ឈឺ​ក្បាល​ប្រកាំង​ គឺ​ឈឺ​ដូច​ដាក់ខែ ឬ​ដាក់​ពេល​ ដល់ពេល​ណា​ត្រូវ​ឈឺ​ គឺ​​ឈឺ​របៀប​ដូច​រៀបរាប់​ខាងលើ​​។ ការ​ឈឺ​ក្បាល​ប្រកាំង​ដែល​មាន​លក្ខណៈ​មធ្យម ​គឺ​មាន​រយៈ​ពេល ៣០​នាទី ឯ​ការ​ឈឺ​ក្បាល​ប្រកាំង​ដែល​មាន​លក្ខណៈ​ធ្ងន់ធ្ងរ​អាច​មាន​រយៈ​ពេល​រហូតដល់​ទៅ ៣ ថ្ងៃ។ អ្នក​ជំងឺ​អាច​មាន​អារម្មណ៍​ចង់​ក្អួត ឬ​ក្អួត​តែ​ម្តង ។ ហេតុអ្វី​បានជា​យើង​ឈឺក្បាល​ប្រកាំង? មូលហេតុ​ដែល​ធ្វើ​ឱ្យ​ឈឺ​ក្បាល​ប្រកាំង​មាន​ច្រើន​កត្តា​ដូចជា៖ ការ​ស្ថិត​នៅ​ក្រោម​កម្ដៅ​ថ្ងៃ​យូរ​ពេក ការ​គិត​ច្រើន ការ​ធ្វើការ​ច្រើន ការហាត់​កីឡា​ខ្លាំង​ពេក ការ​មើល​អេក្រង់​​កុំព្យូទ័រ ឬ​ទូរស័ព្ទ​យូរ​​ ​កត្តា​អាហារ កត្តា​ហ្សែន ហេតុអ្វី​បាន​ជា​ស្ត្រី​ឈឺ​ក្បាល​ប្រកាំង​ច្រើន​ជាង​បុរស? ស្ត្រី​ឈឺ​ក្បាល​ប្រកាំង​ច្រើន​ជាង​បុរស​គឺ​ដោយ​សារ​តែ៖​ កត្តា​អ័រម៉ូន៖ នៅ​ពេល​ដែល​អ័រម៉ូន​ភេទ​ស្ត្រី​ឡើង​ខ្ពស់ អាច​ឈឺក្បាល​ប្រកាំង។ ភាព​ហត់នឿយ៖ ពេល​ស្ត្រី​ធ្វើ​ការ​​ច្រើន ​អាច​ហត់ អស់កម្លាំង​ក៏​ធ្វើ​ឱ្យ​ឈឺ​ក្បាល​ប្រកាំង​ដែរ។ សុខភាព​ស្ត្រី​ខ្សោយ​ជាង​បុរស៖ បុរស​រឹង​ប៉ឹង​ជាង​ស្ត្រី ដូច្នេះ​បុរស​អាច​សុំា​នឹង​ការ​ឈឺក្បាល​ប្រកាំង​បាន។ ​ឈឺ​ក្បាល​ប្រកាំង​អាច​ព្យាបាល​បានទេ? ការ​ឈឺក្បាល​ប្រកាំង​មិន​អាច​ជា​ដាច់​ទេ […]

ជំងឺប្រព័ន្ធប្រសាទ

ជំងឺ​អេពីឡឹបស៊ី ដែល​ពលរដ្ឋ​យើង​ស្គាល់ និង​ចំណាំ​តែ​ហៅ​ថា ឆ្កួតជ្រូកនោះ តើ​​បណ្តាល​មក​ពីមូលហេតុ​អី? យើង​ត្រូវ​ជួយ​អ្នក​ជំងឺ​ដោយ​របៀប​ណា ទើប​មិន​មានគ្រោះ​ថ្នាក់ដល់ជីវិត? តាម​ពិត​ជំងឺ​អេពីឡឹបស៊ី មិន​មែន​ជា​ជំងឺ​ឆ្កួត​ជ្រូក​ដូច​ដែល​គេ​ហៅ​នោះ​ឡើយ ជំងឺ​នេះ​ពាក់ព័ន្ធ​នឹង​ភាព​មិន​ប្រក្រតី​នៃ​ចរន្ត​អគ្គិសនី​នៅ​ក្នុង​កោសិកា​ខួរក្បាល។ ជំងឺ​អេពីឡឹបស៊ី មាន​ច្រើន​ទម្រង់ ដូចជា ការ​ប្រកាច់​ដោយ​ផ្នែក ការ​ភ្លឹក ការ​កន្ត្រាក់​សាច់ដុំ និង​ការ​ប្រកាច់​ពេញ​ទាំង​ខ្លួន​ជា​ដើម។ សមាគម​គ្រូពេទ្យ​ប្រសាទសាស្ត្រ​កម្ពុជា នា​ពេល​កន្លង​មក​បាន​ស្នើ​ឲ្យ​បាន​សំណូមពរ​ឲ្យ​ពលរដ្ឋ​ខ្មែរ​យើង​ប្រើ​ឈ្មោះ អេពីឡឹបស៊ី ជំនួស​ឲ្យ​ជំងឺ​ឆ្កួត​ជ្រូក ដើម្បី​កុំ​ឲ្យ​មាន​ការ​រើស​អើង ពេប​ជ្រាយ​លើ​អ្នក​ជំងឺ។ តាម​ការ​ផ្សព្វផ្សាយ​របស់​មន្ទីរពេទ្យ​កាល់ម៉ែត មិន​ថា​នៅ​ស្រុក​ខ្មែរ ឬ​បរទេស​នោះ​ទេ អ្នក​ជំងឺ​​អេពីឡឹបស៊ី ​ច្រើន​មិន​បាន​មក​ទទួល​ការ​ព្យាបាល​ ដោយសារ​ទម្លាប់ និង​កង្វះ​ការ​យល់​ដឹង​អំពី​ជំងឺ​នេះ ពេល​ខ្លះ​អ្នកជំងឺត្រូវ​ខក​ខាន​មិន​បាន​បញ្ចប់​ការ​សិក្សា ឬ​ត្រូវ​បញ្ឈប់​ពី​ការងារ។ ឯមូលហេតុ​ដែល​បណ្តាល​ឲ្យ​មាន​ជំងឺ​អេពីឡឹបស៊ីមាន​ច្រើន ហើយ​អ្នក​ជំងឺ​លេច​ចេញ​ជា​រោគ​សញ្ញា​ម្តងៗ គឺ​ដោយ​សារ​មាន​ការ​ប្រែប្រួល​ខុស​ពី​ធម្មតា នៃ​បន្ទុក​ចរន្ត​អគ្គិសនី​របស់​កោសិកា​ខួរក្បាល។ មូលហេតុនាំឲ្យកើតជំងឺអេពីឡឹបស៊ី – ធ្លាប់​មាន​ជំងឺ​គ្រោះថ្នាក់​សរសៃរឈាម​ខួរក្បាល – ធ្លាប់​មាន​គ្រោះ​ថ្នាក់​ប៉ះ​ក្បាល – ធ្លាប់​រលាក​ខួរក្បាល រលាក​ស្រោម​ខួរក្បាល – មាន​ដុំ​សាច់ មហារីក ដុំ​មេរោគ​របេង ឬ​ដុំ​ពង​តេនញ៉ា នៅ​ក្នុង​ខួរក្បាល – ការ​វិវត្ត​ខុស​ប្រក្រតី​របស់​ខួរក្បាល​ដោយសារ​កត្តា​ផ្សេងៗ តាំង​ពី​ទារក​នៅ​ក្នុង​ផ្ទៃ​ម្តាយ – ពុល​ដោយសារ​ផឹក​គ្រឿង​ស្រវឹង​ច្រើន​ពេក ឬ​ប្រើ​ថ្នាំ​ញៀន​ផ្សេងៗ។ ចំពោះ​វិធី​ជួយ​សង្គ្រោះ​អ្នក​ជំងឺ អេពីឡឹបស៊ី នៅ​ពេល​មាន​អាការៈ​ប្រកាច់ សន្លប់​បាត់​ស្មារតី​ដួល​ម្តងៗ យើង​ត្រូវ​ជួយ​អ្នក​ជំងឺ​ឲ្យ​ដេក​ផ្អៀង ចៀស​វាង​ការ​ដាក់​ឲ្យ​គេង​ត្រង់ ឬ​ផ្ងារ ដើម្បីបង្ការពេលអ្នក​ជំងឺ​ច្រាល​អាហារ​ចេញ​មក​អំឡុង​ពេល​ប្រកាច់ បង្ក​ទៅ​ជា​ស្ទះ​ដង្ហើម ប៉ះពាល់​ដល់​ជីវិត។ […]

បញ្ហាខួរក្បាលនិងប្រព័ន្ធប្រសាទផ្សេងទៀត

​​ក្នុង​ករណី​ខ្លះ អាការៈ​ភ្លេចភ្លាំង​គឺ​ជា​រឿង​ធម្មតា​ប៉ុណ្ណោះ ​ដោយ​សារ​តែ​គ្នា​យើង​​មាន​ទំនួលខុសត្រូវ​ច្រើន​ និង​កម្រិត​ស្រ្តេស​កើន​ឡើង ដែល​ធ្វើ​ឲ្យ​យើង​ធ្វេសប្រហែស​អំពី​តម្រូវ​ការ​របស់​ខួរ​ក្បាល​។ ប៉ុន្តែ​ ក៏​មាន​សញ្ញា​​​មួយ​ចំនួន​​​​​​​​​​​ដែល​យើង​គួរ​ប្រុង​ប្រយ័ត្ន​ ដូចជា​​​បញ្ហា​ភ្លេចភ្លាំង​ភ្លាម​ៗ  ​ចេញរោគ​សញ្ញា​នៃ​ការ​ឆ្លង​មេរោគ​ណាមួយ​ (គ្រុន​ក្ដៅ​ គ្រុន​រងា​ និង​ក្អួត​ចង្អោរ​) ឬ​​របួស​ខួរ​ក្បាល​ជា​ដើម​។​ យ៉ាង​ណា​មិញ​ រឿងរ៉ាវ​ទាំង​​៥​យ៉ាង​​នេះ​ ​អាច​ជា​មូលហេតុ​ដែល​​ធ្វើ​ឲ្យ​យើង​ភ្លេចភ្លាំង​​។ ១. ស្ត្រេស​ ​ដើម្បី​រៀន​ និង​ចងចាំ​​អ្វី​មួយ​ យើង​ត្រូវ​ផ្ដោតអារម្មណ៍ទៅ​លើ​រឿង​នោះ​​។ ប៉ុន្តែ​ការ​កើន​ឡើង​កម្រិត​អ័រម៉ូន​ស្រ្តេស​​ Cortisol ​​បាន​បង្អាក់​សមត្ថភាព​របស់​ខួរ​ក្បាល​ក្នុង​ការ​រក្សា​ទុក​ការ​ចងចាំ​ថ្មី​ៗ​។​ ដូច្នេះ​ហើយ​ ​យើង​គប្បី​កាត់​បន្ថយ​ស្រ្តេស ​​តាម​រយៈ​ការ​ធ្វើ​សកម្មភាព​កម្សាន្ត​ផ្សេង​ៗ​ដូចជា​ហាត់​ប្រាណ​ អាន​សៀវភៅ​ ​ឬ​​​ស្ដាប់​តន្ត្រី​ជា​ដើម​។ ២. គេង​មិន​គ្រប់គ្រាន់​ ការ​គេង​មិន​ត្រឹម​តែ​ជួយ​ឲ្យ​យើង​មាន​អារម្មណ៍​ស្រស់ស្រាយ​ ស្វាហាប់​នៅ​ថ្ងៃ​បន្ទាប់​ប៉ុណ្ណោះ​​ទេ​ ​​វា​ក៏​ដើរ​តួនាទី​យ៉ាង​សំខាន់​​ក្នុង​ការ​ពង្រឹង​ការ​ចងចាំ​ផង​ដែរ​។​ យោង​តាម​ការ​សិក្សា​មួយ​បាន​បង្ហាញ​ថា​ ​ស្ត្រី​វ័យ​កណ្ដាល​ដែល​គេង​រយៈ​៥​ម៉ោង​ ឬ​តិច​ជាង​នេះ​ ​ឬ​ច្រើន​ជាង​៩​ម៉ោង​​ ​ទទួល​បាន​ពិន្ទុ​នៃ​​ការ​យល់​ដឹង​ទាប​ជាង​អ្នក​ដែល​គេង​បាន​៧​ម៉ោង​​​​​ទៅ​ទៀត​។ ៣. បាក់​ទឹក​ចិត្ត​ អ្នក​មាន​ជំងឺ​បាក់​ទឹក​ចិត្ត​ ក៏​ប្រឈម​នឹង​ការ​ចងចាំ​ខ្សោយ​ ព្រម​ទាំង​​​សមត្ថភាព​ក្នុង​ការ​​នឹក​រក​ព័ត៌មាន​ចាស់​ៗ​មិន​បាន​ល្អ​ដូច​គ្នា​​។​ ​នេះ​បណ្ដាល​មក​ពី​ការ​កើន​ឡើង​អ័រម៉ូន​Cortisol ​ដែល​អម​​មក​ជាមួយ​នឹង​ជំងឺ​បាក់​ទឹក​ចិត្ត​។​ ពិត​ណាស់​ ជំងឺ​​បាក់​ទឹក​ចិត្ត​អាច​ជា​​មូលហេតុ​​ទូទៅ​ ដែល​នាំ​ឲ្យ​ការ​យល់​ដឹង​របស់​យើង​ថយ​ចុះ​។​ យោង​តាម​វិទ្យាស្ថាន​ជាតិ​សុខភាព​ផ្លូវចិត្ត​​បាន​ឲ្យ​ដឹង​ថា​ រោគ​សញ្ញា​នៃ​ជំងឺ​បាក់​ទឹក​ចិត្ត​​រួម​មាន​៖ តែងតែ​មាន​អារម្មណ៍​សោកសៅ​ ​ថាមពល​ថយ​ចុះ​ ឬ​​ហត់​នឿយ​ មាន​អារម្មណ៍​អស់​សង្ឃឹម​ ពិបាក​គេង​ ប្រែប្រួល​ទម្ងន់​ ឬចំណង់​អាហារ​ ចង់​ធ្វើ​អត្តឃាត​ ៤. ការ​​ឆ្លង​មេរោគ​​ ​​​​​​​ជំងឺ​រលាក​ស្រោម​ខួរ ជំងឺ​​ប្រព័ន្ធ​ទឹក​រងៃ​ […]

ជំងឺខួរក្បាលនិងឆ្អឹងខ្នង

ការឈឺចុកចាប់នៅឆ្អឹងខ្នង ជាបញ្ហាទូទៅមួយអាចរំខានទៅដល់ការបំពេញការងារ និងអាចប៉ះពាល់ដល់ការរស់នៅប្រចាំថ្ងៃរបស់យើង។ បញ្ហាចុកខ្នងនេះ អាចកើតឡើងបានទាំងផ្នែកខាងលើ កណ្ដាល និងផ្នែកក្រោមខ្នង។ ម៉្យាងវិញទៀត សាច់ដុំខ្នង និងឆ្អឹងខ្នងជួយទប់ទម្ងន់មួយផ្នែកធំរបស់រាងកាយ ហើយយើងប្រើសាច់ដុំខ្នងរាល់ថ្ងៃនៅពេលធ្វើសកម្មភាពប្រចាំថ្ងៃរួមមាន អង្គុយ ឈរ ឬដើរជាដើម។ ជាធម្មតា បញ្ហាឈឺឆ្អឹងខ្នង អាចអន់ថយក្នុងរយៈពេល២-៣ សប្ដាហ៍ ជាមួយតិចនិកសាមញ្ញជាច្រើន មិនចាំបាច់ចំណាយលុយច្រើន ដោយគ្នាយើងអាចសាកល្បងជាមួយតិចនិកប៉ុន្មានខាងក្រោមនេះបានដូចជា៖ ១.រក្សាកាយវិការពេលអង្គុយ ឬឈរឲ្យបានត្រឹមត្រូវ យកចិត្តទុកដាក់ទៅលើរបៀបដែលយើងទប់ខ្នងនៅពេលដែលអង្គុយ ឈរ ដើរ គេង ឬពេលធ្វើសកម្មភាពប្រចាំថ្ងៃផ្សេងៗ។ ពេលដែលឆ្អឹងទាំងអស់នៃឆ្អឹងខ្នងយើង ត្រង់ស្មើត្រូវជួរគ្នា នោះគឺឥរិយាបថត្រឹមត្រូវ ប៉ុន្តែបើឥរិយាបថយើងមិនល្អ អាចបណ្ដាលឲ្យជាប់ខ្នង ឬរឹង តឹងខ្នង ជាហេតុបណ្ដាលឲ្យឈឺខ្នង។ ២.ហាត់ប្រាណ ដើម្បីបង្កើន និងពង្រឹងសាច់ដុំចង្កេះ លំហាត់ប្រាណឆ្អឹងខ្នង និងការពត់ខ្លួនសាមញ្ញៗ អាចជួយកាត់បន្ថយបញ្ហាឈឺឆ្អឹងខ្នង។ ការហាត់ប្រាណ បូកជាមួយនឹងក្បាច់ពត់ខ្លួនខ្លះៗ ជួយឲ្យខ្នងយើងរឹងមាំ និងមានសុខភាពល្អ។ សកម្មភាពពេញនិយមដែលគេនិយមធ្វើដើម្បីឲ្យខ្នងមានសុខភាពល្អនោះគឺ ហែលទឹក ដើរ ហាត់យូហ្កា និង Pilates។ល។ ៣.យូហ្កា និងសមាធិ យូហ្កាជាលំហាត់ប្រាណមួយបែបដែលធ្វើចលនាមួយៗ គ្រប់គ្រងលំនឹង ដើម្បីពត់ និងពង្រឹងរាងកាយ។ លំហាត់ប្រាណនេះក៏ជួយដល់ការរំសាយស្ត្រេស អាចកាត់បន្ថយភាពតានតឹងដែលយើងមាននៅពេលយើងប្រើសាច់ដុំខ្នងម្ដងៗ។ ៤.ម៉ាស្សាថ្នមៗ ការម៉ាស្សាជាតិចនិកមួយ ជួយសម្រួលដល់បញ្ហាឈឺចុកចាប់ឆ្អឹងខ្នងបាន និងជួយឲ្យខ្នងត្រឡប់ទៅសភាពដើមវិញបានលឿនទៀតផង។ […]

ឈឺក្បាលនិងឈឺក្បាលប្រកាំង

អាការៈឈឺក្បាល ជាបញ្ហាទូទៅមួយដែលអាចក្លាយជាផលរំខានដល់ការរស់នៅប្រចាំថ្ងៃ ក៏ដូចជាការបំពេញការងាររបស់យើងម្នាក់ៗ។ កត្តាផ្សេងៗទៀតដែលអាចបណ្ដាលឲ្យយើងឈឺក្បាលមានស្ត្រេស កង្វះជាតិទឹក យប់ជ្រៅទើបចូលគេង។ល។ ប៉ុន្តែ បើយើងសាកល្បងប៉ុន្មានចំណុច ធានាអាការៈឈឺក្បាលនឹងលែងជាផលរំខានប្រចាំថ្ងៃទៀត។ ១.សម្រាក (ពិសេសនៅកន្លែងងងឹត) ស្ត្រេសជាបញ្ហាមួយបង្កឲ្យឈឺក្បាល។ កាត់បន្ថយភាពតានតឹងសាច់ដុំ អាចសម្រួលដល់អាការៈឈឺក្បាល ដោយយើងអាចសម្រាកនៅក្នុងបន្ទប់ដែលមានភ្លើងព្រាកៗ និងស្ងប់ល្អ ហើយព្យាយាមបន្ធូរខ្នង ក និងស្មា។ ២.បន្ធូរអារម្មណ៍ លំហាត់ដកដង្ហើមវែងៗ ឬការតាំងសមាធិ អាចជួយកាត់បន្ថយស្ត្រេស និងសម្រួលដល់បញ្ហាឈឺក្បាល។ ដកដង្ហើមចូលវែងៗ រួចដកដង្ហើមចេញមួយៗ បន្ធូររាល់ចំណុចលើរាងកាយដែលមានភាពតានតឹង។ ដាក់ក្បាលចុះក្រោម រួចងាកក្បាលបន្តិចម្ដងៗ ជាកន្លះរង្វង់ពីម្ខាងទៅម្ខាង។ ៣.ម៉ាស្សាក្បាល ការម៉ាស្សាក្បាលអាចសម្រួលដល់ភាពតឹងណែនរបស់សាច់ដុំ និងជួយយើងបន្ធូរអារម្មណ៍។ មួយវិញទៀត វិធីនេះក៏ជួយកាត់បន្ថយការឈឺចាប់រ៉ាំរ៉ៃ និងសម្រួលភាពតានតឹងសាច់ដុំបណ្ដាលឲ្យឈឺក្បាលនោះ។ បើយើងមិនចង់ចំណាយលុយច្រើនទៅកន្លែងម៉ាស្សាទេនោះ អាចរកអ្នកណាម្នាក់ ឬធ្វើដោយខ្លួនឯង ដោយញីថ្នមៗទៅលើផ្នែកក្បាល ក និងសាច់ដុំស្មា រយៈពេល ៣-៤នាទី ឬតាមចំណង់ចំណូលចិត្ត។ ៤.ស្អំទឹកកក ឬទឹកក្ដៅ ការស្អំទឹកកកអាចជាមធ្យោបាយសាមញ្ញដោះស្រាយបញ្ហាសាមញ្ញមួយដែលគ្នាយើងមួយចំនួននិយមប្រើ។ ការស្អំទឹកកក ឬវត្ថុត្រជាក់ៗ ទៅលើក្បាល ឬក អាចជួយពង្រួមសរសៃឈាម និងកាត់បន្ថយការរលាកនៅតំបន់ឈឺនោះ។ មធ្យោបាយនេះ អាចរំដោះភាពឈឺចាប់បណ្ដាលមកពីឈឺក្បាលបានមួយរយៈ។ ចំណែកករណីខ្លះវិញ នៅពេលដែលយើងឈឺក្បាលខ្លាំង មានអារម្មណ៍ថាតឹងក្បាល ការស្អំទឹកក្ដៅអាចជួយសម្រួលសាច់ដុំតឹងនោះ និងជួយបំបាត់ការឈឺចាប់បាន។ តែនៅពេលដែលប្រើវិធីស្អំទឹកកក ឬទឹកក្ដៅ […]

គ្រោះថ្នាក់សរសៃឈាម

បើ​និយាយ​ដល់​គ្រោះ​ថ្នាក់​សរសៃឈាម​ខួរ​ក្បាល ឬ​Stroke ទំនង​ជា​មាន​គ្នា​យើង​ច្រើន​បាន​ដឹង​ និង​ឮ​ពី បញ្ហា​នេះ​រួច​ហើយ។ មនុស្ស​ជា​ច្រើន​បាន​គិតថា​ស្រ្តី​ឆ្លង​ទន្លេ​ គឺ​ជា​រឿង​គ្រោះ​ថ្នាក់​បំផុត​មួយ ដោយ​ថា​ម្នាក់​ក្នុង​ចំណោម​ប្រាំ​នាក់អាច​ជួប​បញ្ហា​គ្រោះ​ថ្នាក់​សរសៃឈាម​ខួរ​ក្បាល​។​ ស្រ្តី​មាន​ផ្ទៃ​ពោះ មាន​ហានិភ័យ​ជួប​បញ្ហា​គ្រោះ​ថ្នាក់​សរសៃឈាម​ខួរ​ក្បាល​នេះ​ខ្ពស់​ជា​ង​ស្រ្តី​វ័យ​ស្រ​ករ​គ្នា​​ដល់ទៅ​បី​ដង​។ គ្រូពេទ្យ​ឯកទេស​ខាង​គ្រោះ​ថ្នាក់​សរសៃឈាម​ខួរ​ក្បាល​បានណែ​នាំ​ថា វា​ជាការ​ចាំ​បាច់​ដែល​មនុស្ស​យើង​ មិន​ថា​នៅវ័យ​ក្មេង ឬ​កំពុង​តែ​មាន​សុខភាព​ល្អ​នោះ​ទេ​ ត្រូវ​តែ​ដឹង​ពី​រោគ​សញ្ញា​គ្រោះ​ថ្នាក់​សរសៃឈាម​ខួរ​ក្បាល​ ដើម្បី​អាច​ស្វែង​រក​ជំនួយ​ និង​ការ​ព្យា​បាល​ពេល​ចាំបាច់​។ អ្នក​ជំនាញ​ថា​យើង​នឹង​បាត់​បង់​ណឺរ៉ូន​ (neurons) ខូរក្បាល​១,៩​លាន​​រៀង​រាល់​មួយ​នាទី​ពេល​យើង​ជួប​គ្រោះ​ថ្នាក់​ដាច់​សរសៃឈាម​ខួរ​ក្បាល​។​ ១. ខួរក្បាល​បាត់​បង់​អុកស៊ីសែន​ គ្រោះ​ថ្នាក់​ដាច់​សរសៃឈាម​ខួរ​ក្បាល​កើត​ឡើង​ពេល​ដែល​ចរន្ត​ឈាម​ទៅ​​កាន់​ផ្នែក​ណាមួយ​ត្រូវ​បានរាំងស្ទាំង ឬ​ពេល​សរសៃឈាម​ខួរ​ក្បាល​ផ្ទុះបែក។ ឈាម​ដឹកនាំ​អុក​ស៊ីសែន​ទៅ​កាន់​កោសិកា ដូច​នេះ​ពេល​ដែល​កោសិកា​បាត់​បង់​អុកស៊ីសែន​ កោសិកា​នឹង​ងាប់​។ បញ្ហា​លើ​ការ​ចងចាំ ផ្ដោត​អារម្មណ៍ និង​ការ​គិត គឺ​ជា​បញ្ហា​ទូទៅ​ដែល​ជា​ផល​វិបាក​កើត​ចេញ​ពី​គ្រោះ​ថ្នាក់​ដាច់​សរសៃឈាម​ខួរ​ក្បាល​។ ផល​វិបាក​ផ្សេង​ទៀត​បង្កឡើង​ដោយ​បញ្ហា​គ្រោះ​ថ្នាក់​សរសៃ​ឈាម​ខួរ​ក្បាល អាច​មាន​ផ្សេងៗ​គ្នា អាស្រ័យ​លើ​ទី​តាំង​ដែល​គ្រោះ​ថ្នាក់​កើត​មាន និងចនួន​កោសិកា​ខួរ​ក្បាល​ប៉ុន្មាន​បាន​ងាប់​។​​ ២. មុខ​ ដៃ ឬ​ជើង អាច​ទៅ​ជា​ពិការ ការបំផ្លាញ​​​កើត​ចេញ​ពី​គ្រោះ​ថ្នាក់​សរសៃឈាម​ខួរ​ក្បាល​ គឺលើ​កោសិកា​ខួរ​ក្បាល និង​ការ​ធ្វើ​ឲ្យ​ផ្នែក​ផ្សេង​ទៀត​នៃរាង​កាយ​ទៅ​ជាពិការ។ ជា​ទូ​ទៅ​ផ្នែក​ដែល​ពិការ​នេះ ច្រើន​កើត​មាន​នៅ​ម្ខាង​ម្នាក់​​ទៅ​នឹង​កន្លែង​ដែល​ខូច​ខាត​ដោយ​គ្រោះ​ថ្នាក់​ដាច់​សរសៃ​ឈាម​ខួរ​ក្បាល​។ នេះ​មាន​ន័យ​ថា​ បើ​គ្រោះ​ថ្នាក់​ដាច់​សរសៃឈាម​ខួរ​ក្បាល​កើ​ត​ឡើង​នៅ​ខួរ​ក្បាល​ផ្នែក​ខាង​ស្តាំ ជើង ដៃ ឬ​ដង​ខ្លួន​ផ្នែក​ខាង​ឆ្វេង​របស់​យើង​អាច​នឹង​ទៅជាពិការ​។​ ពេល​វេ​លា​ដែល​ល្អ និង​អាច​ធ្វើ​ឲ្យ​អ្នកជំងឺ​វិល​មក​រក​សភាព​ដើម​វិញ​បាន គឺ​ត្រូវ​ទទួល​ការ​ព្យា​បាល​ឲ្យ​បាន​ទាន់​ពេល​វេលា​ និង​អាច​មើល​ឃើញ​ពី​ភាព​ប្រ​សើរ​ឡើង​វិញ​នៅ​ពីរ​ខែ​បន្ទាប់​​។​ ៣. ពិបាក​លេប​អាហារ​ ប្រ​ហែលជា​ពាក់​កណ្ដាល​នៃ​អ្នក​ជួប​បញ្ហា​គ្រោះ​ថ្នាក់​សរសៃឈាម​ខួរ​ក្បាល ជួប​​បញ្ហា​ពិបាក​លេប​អាហារ។ ការណ៍​នេះ​កើង​ឡើង​ដោយ​សារ​តែ​បញ្ហា​គ្រោះ​ថ្នាក់​សរសៃឈាម​ខួរក្បាល​បាន​បំផ្លាញ​ផ្នែគ​ខ្លះ​នៃ​ខួរ​ក្បាល ដែល​ធ្លាប់​ជួយ​សម្រប​សម្រួល​សាច់ដុំ​ក្នុង​មាត់ និង​បំពង់​ក ឲ្យ​ស្រួល​លេប​អាហារ​។​ ​ ករណី​ជា​ច្រើន អ្នកជំងឺ​នឹង​អាច​លេប​អាហារ​បាន​ប្រសើរ​វិញ​ក្នុង​រយៈពេល​ពីរ​សប្ដាហ៍​ […]

x