home

ទារកលូតលាស់ឆ្នាំដំបូង

ទារកលូតលាស់ឆ្នាំដំបូង - សម្រាល​​រួចរាល់ហើយ ការ​ថែទាំ​កូន​តាំង​ពី​កើត​រហូត​ដល់ ១២ខែ មិន​មែន​ជា​រឿង​ងាយ​ទេ ជា​ពិសេស​សម្រាប់​អ្នក​ខ្ចី​បទពិសោធន៍។ តើ​ទារកលូតលាស់ឆ្នាំដំបូង របស់​កូន​សម្លាញ់ ម៉ាក់ៗ​គួរ​ដឹង​ ឬ​ត្រៀម​អ្វី​ខ្លះ?

ចំណេះដឹងទូទៅ

ទារកលូតលាស់ឆ្នាំដំបូង

ដៅសរសៃឈាមក្រហម គឺជាដុំសរសៃឈាមក្រហមនៅលើ ឬក្រោមស្បែកទារក។ ទារកអាចមាន​ដៅ​នេះតាំងពីកំណើត ឬក្នុងខែដំបូងនៃជីវិត។ តើ​ដៅ​សរសៃឈាមក្រហម​ច្រើនកើតលើទារក​បែប​ណា​ខ្លះ? ដៅសរសៃឈាមក្រហមអាចមាននៅគ្រប់កន្លែងលើរាងកាយទារក ប៉ុន្តែជាទូទៅមាននៅ​​តំបន់​ក្បាល និងករបស់ទារក។ ដៅនេះអាចមានទំហំតូច ឬធំ ហើយទារកខ្លះអាច​មានដៅនេះ​លើស​ពីមួយ។ ទារកម្នាក់ក្នុងចំណោម ២០នាក់អាចមានដៅសរសៃឈាមក្រហម ហើយច្រើនកើតលើទារក៖ ១. កើតមិនគ្រប់ខែ ទារកកើតមិនគ្រប់ខែម្នាក់ក្នុងចំណោម ៤នាក់ដែលមានទម្ងន់ក្រោម ១ ០០០ ក្រាម អាច​មាន​ដៅសរសៃឈាមក្រហម។ ២. កើតមិនគ្រប់គីឡូ ទារក​ដែល​កើតមិនគ្រប់គីឡូ ប្រមាណជា​៥០០ ក្រាម ក្រោម​ស្តង់ដារ មានហានិភ័យ ៤០% ក្នុងការមានដៅសរសៃឈាមក្រហម (ទម្ងន់ស្តង់ដា គឺចាប់ពី ២គីឡូកន្លះឡើងទៅ)។ ៣. កូន​ភ្លោះ ទារកដែល​ជាកូនភ្លោះ ពីរ ឬបី ឬច្រើន​ជាង​នេះ​អាចមានហានិភ័យមានដៅសរសៃឈាមក្រហមដែរ​។ ៤. ទារិកា ដៅសរសៃឈាមក្រហមកើតឡើងលើទារិកាច្រើនជាងទារកភេទ​ប្រុស​ ៣ដង ជាពិសេស​​ទារិកាដែល​មាន​ស្បែក​ស។ ទារកដែលកើតពីម៉ាក់ពពោះនៅអាយុច្រើន ធ្លាប់ព្យាបាលឱ្យមានកូន មាន​ជំងឺបម្រុងក្រឡាភ្លើង ឬ​មាន​សុកពាំងមាត់ស្បួនពេលពពោះក៏អាចមានហានិភ័យមានដៅសរសៃឈាមក្រហមដែរ។ ចង់ស្វែងយល់អត្ថន័យពណ៌ និងរូបរាងលាមកទារក ចុចទីនេះ! ដៅសរសៃឈាមក្រហមមាន ៣ ប្រភេទគឺ៖ នៅលើស្បែក៖ មានពណ៌ក្រហមស្រស់ មិនមានការឈឺចាប់ និងប៉ះទៅរាងក្តៅឧណ្ហៗ។ កប់ក្រោមស្បែក៖ មានពណ៌ខៀវ ឬស្វាយ។ បើប្រៀបនឹងដៅ​សរសៃឈាម​ក្រហម​នៅ​លើ​ស្បែក ទម្រាំអាចលេចឡើងឱ្យឃើញច្បាស់អាចមានរយៈពេលច្រើនសប្តាហ៍បន្ទាប់ពីទារកកើត និងមានដំណាក់កាលលូតលាស់យឺតព្រោះស្ថិតនៅក្រោមស្បែក។ លាយបញ្ចូលគ្នា៖ មានពណ៌ក្រហមនៅខាងលើ និងពណ៌ស្វាយនៅខាងក្រោម។ ដៅសរសៃឈាមក្រហមរីកលូតលាស់លឿនក្នុងអំឡុងពេលទារកមានអាយុ ៣ខែ ហើយ​ភាគ​ច្រើន​នឹងចាប់ផ្តើមរួញបន្តិចម្តងៗនៅពេលទារកមានអាយុ […]

អត្ថបទផ្សេងទៀតពី ទារកលូតលាស់ឆ្នាំដំបូង

ទារកលូតលាស់ឆ្នាំដំបូង

​​​ខោ​ទឹក​នោម​គឺ​ជា​តម្រូវ​ការ​ចាំបាច់​បំផុត​ក្នុង​ពេល​បច្ចុប្បន្ន​សម្រាប់​ទារក​។ ប៉ុន្តែ​ តើ​ម៉ាក់​ៗ​ដឹង​​ទេ​ថា​ ខោ​ទឹក​នោម​ដែល​អា​អូន​កំពុង​តែ​ប្រើប្រាស់​រាល់​ថ្ងៃ​​ មាន​សាច់​ទន់​ល្មើយ​ និង​ស្រូប​ទឹក​បាន​ល្អ​ដែរ​ឬ​យ៉ាង​ណា​?​ ពិត​ណាស់​ ទារក​តូច​ៗ​មិន​អាច​ប្រាប់​យើង​​​បាន​នោះ​ទេ​ បើ​ទោះ​បី​ជា​ខោ​ទឹក​នោម​ទាំង​នោះ​​​កំពុង​តែ​បង្ក​ជា​បញ្ហា​ដល់​ពួក​គេ​​ក៏​ដោយ​។​ ដូច​នេះ​ ម៉ាក់​ៗ​ត្រូវ​មាន​ភាព​ឆ្លាត​វៃ​ក្នុង​ការ​សង្កេត​​មើល​សញ្ញា​មួយ​ចំនួន​ ដែល​អាច​បញ្ជាក់​ថា​ ខោ​ទឹក​នោម​ដែល​អា​អូន​កំពុង​ពាក់​មាន​ផា​សុខភាព​ និង​មាន​សាច់​ទន់​ល្មើយ​ ​ដើម្បី​ឲ្យ​កូន​ជាទី​ស្រលាញ់​របស់​យើង​អាច​សម្រាក​ ឬ​លេង​ប្រកប​ដោយ​​ភាព​​រីករាយ​។​ ១. ​វត្ថុ​ធាតុ​ដើម​ទន់​ល្មើយ សញ្ញា​ដំបូង​ដែល​បញ្ជាក់​ថា​ ខោ​ទឹក​នោម​មាន​គុណភាព​ល្អ​ គឺ​ត្រូវ​មើល​ទៅ​លើ​វត្ថុ​ធាតុ​ដើម​របស់​វា។​ នៅ​ពេល​ដែល​ម៉ាក់​ៗ​ប៉ះ​ខោ​ទឹក​នោម​ដែល​​មាន​សភាព​ទន់​ល្មើយ​ ​អា​អូន​​ពាក់​ទៅ​ក៏​ស្រួល​ខ្លួន​ផង​ដែរ​។​ ​ដូច្នេះ​ហើយ​ ម៉ាក់​​ៗ​គួរ​ជ្រើសរើស​ខោ​ទឹក​នោម​ ដោយ​មើល​ទៅ​លើ​វត្ថុ​ធាតុ​ដើម​ជា​ចម្បង​ ដើម្បី​ឲ្យ​អាអូន​​មាន​ផាសុកភាព​ ​​​មាន​អារម្មណ៍​ស្រស់ស្រាយ​ និង​ស្ងួត​ល្អ​ពេញ​មួយ​ថ្ងៃ​។​ ២. ​មិន​ជ្រាប​ទឹកចេញ​ក្រៅ​ ​​​​​​​នៅ​ពេល​ដែល​ខោ​ទឹក​នោម​ជ្រាបទឹក​ចេញ​ក្រៅ​ ប៉ា​ម៉ាក់​មិន​ត្រឹម​តែ​ត្រូវ​ប្ដូរ​ខោ​ទឹក​នោម​​ឲ្យ​អា​អូន​ប៉ុណ្ណោះ​ទេ​ ប៉ុន្តែ​​ត្រូវ​ជូត​សម្អាត​កន្លែង​ដែល​ប្រឡាក់​​ទាំង​នោះ​ឲ្យ​បាន​ស្អាត​ថែម​ទៀត​ផង​។ ​ខោ​ទឹក​នោម​​ដែល​ល្អ​ គឺ​អាច​ពង្រាយ​ជាតិ​ទឹក​ទៅ​សព្វ​កន្លែង​ និង​អាច​​ទប់​បាន​រយៈ​ពេល​យូរ​ម៉ោង​ ដូច្នេះ​ វា​មិន​​មាន​ការ​ជ្រាប​ចេញ​ ឬ​កន្ទួល​រមាស់​ដែល​កើត​ចេញ​ពី​ខោ​ទឹក​នោម​នោះ​ទេ។​ ៣. ​គ្មាន​កន្ទួល​រមាស់​​​​​​ ​​ម៉ាក់​ៗ​ច្បាស់​ជា​​ពិបាក​ចិត្ត​​ជាក់​ជា​មិន​ខាន​ នៅ​ពេល​ដែល​ឃើញ​​កន្ទួល​រមាស់​កើត​នៅ​លើ​គូទ​របស់​អា​អូន​ម្ដង​ៗ​ ​ពី​ព្រោះ​ម៉ាក់​ៗ​គ្រប់រូប​តែងតែ​ចង់​ឲ្យ​ស្បែក​ដ៏​ទន់​ល្មើយ​របស់​កូន​មាន​សំណើម​ និង​មាន​សារធាតុ​ចិញ្ចឹម​គ្រប់គ្រាន់​។ បើ​ទោះ​បី​ជា​មាន​ក្រែម​បំបាត់​កន្ទួល​ជាច្រើន​ប្រភេទ​ក៏​ដោយ​ ម៉ាក់​ៗ​ក៏​អាច​បញ្ចៀស​កន្ទួល​ទាំង​នេះ​ កុំ​ឲ្យ​កើត​នៅ​លើ​ស្បែក​របស់​អា​អូន​​បាន​ ដោយ​ការ​ជ្រើសរើស​ខោ​ទឹក​នោម​ដែល​ស័ក្ដិសម​​សម្រាប់​ស្បែក​របស់​​ទារក​។ វត្ថុ​ធាតុ​ដើម​ដែល​ទន់​ល្មើយ​ អាច​ស្រូប​ទឹក​បាន​យ៉ាង​ឆាប់​រហ័ស​ និង​ធ្វើ​ឲ្យ​គូទ​​​ទារក​មាន​សភាព​ស្ងួត​ល្អ​ពេញ​មួយ​ថ្ងៃ​។ ៤. កូន​ទទួល​បាន​ផាសុកភាព​ និង​ភាព​រីករាយ​ ​ទារក​តូច​ៗ​ មិន​អាច​ប្រាប់​យើង​បាន​ទេ​ បើ​ទោះ​បី​ជា​​ពួក​គេ​មិន​សប្បាយ​ចិត្ត​ចំពោះ​ខោ​ទឹក​នោម​​ដែល​ខ្លួន​កំពុង​តែ​ស្លៀក​ក៏​ដោយ​។​ យ៉ាង​ណា​មិញ​​ ពួកគេ​អាច​បង្ហាញ​ពី​អារម្មណ៍​មិន​ស្រួល​ខ្លួន​ ដោយ​ការ​​ស្រែក​យំ​ […]

ទារកលូតលាស់ឆ្នាំដំបូង

​​​​ស្បែក​របស់​ទារក​ទើប​កើត​​ងាយ​រងគ្រោះ​​ណាស់​ ​ដែល​​ទាមទារ​ការ​​​​ការពារ​​ពី​ផល​ប៉ះពាល់​ដ៏​គ្រោះថ្នាក់​​នៃ​ពន្លឺ​ព្រះអាទិត្យ​ រួម​ទាំង​កម្ដៅ​​ និង​សំណើម​ផង​ដែរ​។ ការ​​ដាក់​អា​អូន​ជា​ទី​ស្រលាញ់​នៅ​ឲ្យ​ឆ្ងាយ​មិន​ឲ្យ​ត្រូវ​ផ្ទាល់​នឹង​​ពន្លឺ​ព្រះអាទិត្យ​​ គឺ​ជា​ទង្វើ​ដ៏​ត្រឹមត្រូវ ប៉ុន្តែ​​​ម៉ាក់​ៗ​ក៏​អាច​ដាក់​កូន​ហាល​ថ្ងៃ​នៅ​ពេល​មាន​​ពន្លឺស្រាល​ៗ​ ជា​ពិសេស​ នៅ​ពេល​ព្រឹក​ព្រលឹម​ ដើម្បី​ឲ្យ​កូន​ទទួល​បាន​អត្ថប្រយោជន៍​ជាច្រើន​ពី​ពន្លឺ​ព្រះអាទិត្យ។​ ពិត​ណាស់​ កាំរស្មី​យូវី​ មាន​អត្ថប្រយោជន៍​ដ៏​អស្ចារ្យ​ដល់​សុខភាព​របស់​ក្មេង​ ប្រសិន​បើ​យើង​ចេះ​ប្រើប្រាស់​វា​​បាន​ត្រឹម​ត្រូវ​ ដូច​ដែល​យើង​ធ្លាប់ដឹង​ហើយ​ថា​ចាស់ៗ និង​គ្រូពេទ្យ​តែងណែនាំឲ្យម៉ាក់ៗ​​យក​កូន​ហាល​ថ្ងៃ​នោះ​។​ ១. វីតាមីន​D រាងកាយ​របស់​​មនុស្ស​យើង​រាល់​គ្នា​ ត្រូវការ​វីតាមីន​D ​ហើយ​ដើម្បី​បង្កើត​វីតាមីន​ប្រភេទ​នេះ​បាន​ ​ទារក​​ត្រូវការ​កាំរស្មី​យូវី​យ៉ាង​តិច​១៥​​នាទី​រៀងរាល់​ថ្ងៃ​ ​ដោយ​អាស្រ័យ​លើ​​សម្បុរ​ស្បែក​របស់​ទារក​ ហើយ​ចំពោះ​ស្បែក​ដែល​ស្រគាំ​ខ្លាំង​​ត្រូវ​​​ចំណាយ​ពេល​នៅ​ក្រោម​ពន្លឺ​ព្រះអាទិត្យ​កាន់​តែ​យូរ​ ប៉ុន្តែ​មិន​ត្រូវ​ឲ្យ​លើស​ពី​​​៣០នាទី​ឡើយ​។​ វីតាមីន​D ​ជួយ​សម្រួល​​ដល់​​ការ​ស្រូប​​យក​ជាតិ​កាល់ស្យូម​ដែល​​ធ្វើ​ឲ្យ​ឆ្អឹង​ និង​ធ្មេញ​រឹងមាំ​។​លើស​ពី​នេះ​ វា​ក៏​ធ្វើ​ឲ្យ​ប្រព័ន្ធ​ភាព​ស៊ាំ​របស់​ទារក​មាន​ដំណើរ​ការ​ប្រសើរ​ និង​អាច​ការពារ​​កូន​ជាទី​ស្រលាញ់​របស់​ម៉ាក់​ៗ​​ឲ្យ​ចៀសឆ្ងាយ​ពី​ជំងឺ​ផ្សេង​ៗ​ផង​ដែរ។ ២. បង្កើន​​កម្រិត​អ័រម៉ូន​សេរ៉ូ​តូនីន​ ​ ​​​​​ពន្លឺ​ព្រះអាទិត្យ​ ជួយ​បង្កើន​ការ​ផលិត​អ័រម៉ូន​សេរ៉ូ​តូនីន​ នៅ​ពេល​ដែល​ទារក​ទទួល​បាន​ពន្លឺ​ព្រះអាទិត្យ​នៅ​ក្នុង​បរិមាណ​ត្រឹមត្រូវ​។​ អ័រម៉ូន​នេះ​ គឺ​ជា​អ័រម៉ូន​រីករាយ​ ដែល​ជួយ​បង្កើន​អារម្មណ៍​សុភមង្គល​ និង​សុវត្ថិភាព​ដល់​ក្មេង។​ បន្ថែម​ពី​នេះ​ អ័រម៉ូន​សេរ៉ូ​តូនីន​ក៏​ជួយ​ជំរុញ​ដល់​ការ​គេង​ និង​ការ​រំលាយ​អាហារ​របស់​ទារក​​ឲ្យ​កាន់​តែ​ប្រសើរ​ឡើង​ថែម​ទៀត​ផង​។ ៣. បង្កើត​កម្រិត​អាំងស៊ុយលីន​ ជាមួយ​គ្នា​នេះ​ដែរ​ ការ​ទទួល​ពន្លឺ​ព្រះអាទិត្យ​តាំង​ពី​ក្មេង​ អាច​ជួយ​ការពារ​កូនៗ​របស់​យើង​ពី​ជំងឺ​​ទឹក​នោម​ផ្អែម​បាន​មួយ​​កម្រិត​ដែរ​ ដោយ​សារ​តែ​ពន្លឺ​ព្រះអាទិត្យ​ផ្ដល់​វីតាមីន​D ទៅ​ក្នុង​រាងកាយ​ទារក​ ​ដែល​អាច​ជួយ​គ្រប់គ្រង​អាំងស៊ុយលីន​កាន់​តែ​ប្រសើរ​ឡើង​។​ ៤. ចៀសវាង​ការ​កើត​ជំងឺ​ខាន់​​លឿង  បន្ថែម​ពី​នេះ​ ពន្លឺ​ព្រះអាទិត្យ​អាច​ជួយ​បំបែក​ពពួក​បីលីរុយប៊ីន​ ជា​សារជាតិ​លឿង​​​ ដែល​​កើត​ឡើង​​​ពី​​ធម្មជាតិ​សម្រាប់​បំផ្លាញ​សារជាតិ​បំប៉ន​ក្នុង​រាងកាយ​របស់​ទារក​។​​ នៅ​ពេល​ដែល​ក្មេង​ទទួល​ពន្លឺ​ព្រះអាទិត្យ​បាន​គ្រប់គ្រាន់​​ វា​នឹង​ជួយ​​ធ្វើ​ឲ្យ​ថ្លើម​ទារក​មាន​ដំណើរការ​កាន់​តែ​ប្រសើរ​ជាង​មុន​។​ ការ​លូតលាស់​នៃ​បីលីរុយប៊ីន​ដែល​មិន​បាន​ត្រួតពិនិត្យ​ អាច​បណ្ដាល​​ឲ្យ​​កើត​​មាន​ជាតិ​លឿង​នៅ​លើ​ស្បែក​កូន​ជាទី​ស្រលាញ់​របស់​ម៉ាក់ៗ​​​។ ការ​ដាក់​អាអូន​ទើប​កើត​ឲ្យ​នៅ​ក្រោម​ពន្លឺ​ព្រះអាទិត្យ​ពេល​ព្រឹក​ព្រលឹម​ រយៈពេល​ចាប់ពី​១៥ ទៅ​២០​នាទី​ជា​រៀង​រាល់​ថ្ងៃ […]

ទារកលូតលាស់ឆ្នាំដំបូង

ម្ដាយ​គ្រប់​រូប​តែង​តែ​ចង់​បាន​ឲ្យ​កូន​ខ្លួន​កើត​មក​មាន​សុខភាព​ល្អ ព្រោះ​ចង់​ឲ្យ​កូន​លូត​លាស់​បាន​ល្អ​គ្រប់​ផ្នែក ប៉ុន្តែ​ដើម្បី​ធានា​ថា​កូន​កើត​មក​គ្រប់​លក្ខណៈ ខាង​ក្រុម​គ្រូពេទ្យ​ទាមទារ​ឲ្យ​ម៉ាក់​ប៉ា​យក​ទារក​ទៅ​ពិនិត្យ​សុខភាព​ទូទៅ​បន្ទាប់​ពី​កើត​ក្នុង​ពេល​ ២៤​ ម៉ោង​ទៀត មុន​ពេល​ឲ្យ​យក​កូន​ទៅ​ផ្ទះ។ នេះ​បើ​តាម​ការ​ផ្សព្វ​ផ្សាយ​ឲ្យ​ដឹង​នៅ​លើ​ទំព័រ​ហ្វេសប៊ុក​របស់មន្ទីរពេទ្យ កាល់ម៉ែត។ ការ​ពិនិត្យ​សុខភាព​ទូទៅ​របស់​ទារក ភាគ​ច្រើន​តែង​ធ្វើ​ឡើង​នៅ​អំឡុង​ពេល​ទារក​អាយុ ​១ថ្ងៃ ឬ ​៣ថ្ងៃ​ក្រោយ​កើត នៅ​ពេល​ដែល​ទារក​ស្នាក់​​ជាមួយ​ម្ដាយ​នៅ​មន្ទីរពេទ្យ​ផ្នែក​សម្ភព។ មន្ទីរពេទ្យ កាល់​ម៉ែត បាន​បន្ត​ថា ការ​ពិនិត្យ​សុខភាព​ទារក​នេះ​មាន​សារៈសំខាន់ ដោយ​សារ​គ្រូ​ពេទ្យ​ត្រូវ​ពិនិត្យ​រក​មើល​ករណី​មួយ​ចំនួន​។ – ភាព​មិន​ប្រក្រតី​ពី​កំណើត​របស់​ទារក៖ ដើម្បី​ព្យាបាល​បន្ត​នៅ​ផ្នែក​សង្គ្រោះ​ទារក ឬ​ត្រូវ​ការ​ព្យាបាល​វះ​កាត់​បន្ទាន់ ដូចនេះ​គ្រូពេទ្យ​ត្រូវ​ប្រាប់​ក្រុម​គ្រួសារ​របស់​ទារក​ពី​បញ្ហា​បន្ទាន់​ទាំង​នេះ ដើម្បី​ចៀសផុត​ពី​គ្រោះ​ថ្នាក់​ជាយថាហេតុ។ – សុខភាព​ទារក​ក្រោយ​កើត៖ តើ​ទារកអាច​បន្សាំ​នឹង​ជីវិត​ខាង​ក្រៅ​បាន​ល្អ​ឬ​ទេ ពី​ព្រោះ​ទារក​មួយ​ចំនួន​ក្រោយ​ពី​កើត​មក ចាប់​ផ្ដើម​មាន​បញ្ហា​ផ្លូវ​ដង្ហើម ​ចុះ​ជាតិ​ស្ករ មិន​បៅ ឬ​ក៏​បញ្ហា​ផ្សេងៗ​ទៀត​ដែល​ទាម​ទារ​ឲ្យ​គ្រូ​ពេទ្យ​បញ្ជូន​ទៅ​តាម​ដាន​នៅ​កន្លែង​សង្គ្រោះ​ទារក។ – ពិនិត្យ និង​ស្វែង​រក​ពី​អាយុ​ពិត​ប្រាកដ និង​ទម្ងន់​ពី​កំណើត​របស់​ទារក៖ ចំពោះ​ទារក​ដែល​កើត​មិន​គ្រប់​ខែ ឬ​លើស​ខែ តែង​តែ​មាន​បញ្ហា​កើត​ឡើង​ក្រោយ​កើត ដូច​នេះ​ត្រូវ​តែ​បន្ត​ការ​តាម​ដាន​ថែ​ទាំ​នៅ​ផ្នែក​ព្យាបាល​ទារក ដោយ​មិន​អាច​ឲ្យទារក​នៅ​ជាមួយ​ម្ដាយ​បាន​ឡើយ។ ដូច​គ្នា​នេះ​ដែរ ចំពោះ​ទារក​ដែល​មាន​ទម្ងន់​តូច​ពេក​ពី​កំណើត( ៤០០០g) ក៏​ទាម​ទារ​ឲ្យ​​តាម​ដាន​ដាច់​ពី​ម្ដាយ​ផង​ដែរ។ – ទារក​​មាន​ខាន់​លឿង ឬ​កើត​ពី​ម្ដាយ​ដែល​ក្ដៅ​ខ្លួន​មុន​ ឬ​ក្រោយ​សម្រាល៖ ខាង​ក្រុម​គ្រូ​ពេទ្យ​ត្រូវ​តាម​ដាន និង​ព្យាបាល​ដោយ​នៅ​ដាច់​ពី​ម្ដាយ​ដូច​គ្នា។ មន្ទីរពេទ្យ កាល់​ម៉ែត្រ បាន​បញ្ជាក់​ថា ជា​ធម្មតា អំឡុង​ពេល​ពិនិត្យ​ខ្លះ គឺ​តម្រូវ​ឲ្យ​មាន​ក្រុម​គ្រួ​សារ​ទារក​ផ្ទាល់​មក​ជាមួយ អាច​ជា​យាយ អ៊ុំ […]

ទារកលូតលាស់ឆ្នាំដំបូង

បើ​ម៉ាក់​មិន​មែន​ជា​អ្នក​មាន​កូន​ដំបូង ប្រ​ហែលជាបាន​ដឹង​ច្រើន​ហើយពី​ការ​ថែទាំ និង​ផ្ដល់​អាហារ​ដល់​អូនៗ​មាន​អាយុ​ក្រោម​មួយ​ឆ្នាំ។ ចុះ​ម៉ាក់ៗ​ទើប​មាន​អាអូន​លើកទី​មួយ​បាន​ដឹង​ច្រើន​ប៉ុនណា​ដែរ? មាន​ចម្ងល់​អត់? តស់​បើ​ឆ្ងល់​អាច​សាក​ល្បង​ឆ្លើយ​សំណួរ​ខាង​ក្រោម​ទាំងអស់​គ្នាមើល៍ ក្រោយ​ឆ្លើយ​ចប់​ម៉ាក់ៗ​នឹង​ដឹងថាម៉ាក់ៗយល់ដឹងបានច្រើន​ប៉ុនណា ព្រោះថា​ឆ្លើយ​ចប់​ ចម្លើយ​ក៏នឹង​លោត​មក​ដូចគ្នា។​ បើ​ម៉ាក់ៗ​ចង់​ស្វែង​យល់ពី​តិចនិក​ចិញ្ចឹម​កូន ថែទាំ​កូន​បន្ថែមទៀត សូមចុចត្រង់​នេះ! សំណួរពាក់ព័ន្ធ៖ សំណួរ​ប្រចាំ​សប្ដាហ៍៖ វីតាមីន និងរ៉ែសំខាន់ៗសម្រាប់កូន ម៉ាក់ៗគួរដឹង View Survey

ទារកលូតលាស់ឆ្នាំដំបូង

ទោះជាការមើលថែទារកទើបកើតមានចាស់ទុំជួយជាកម្លាំងពិតជាល្អក៏ពិតមែន តែការអនុវត្តន៍ទម្លាប់មួយចំនួនដូចជាលាបប្រេងកូឡា ពន្លៃត្រាំស្រា កំបោរ ឬតំបែរលើបង្ហើយកូន ដើម្បីឲ្យឆាប់រឹង ពិតជាគ្រោះថ្នាក់ខ្លាំងណាស់។ វេជ្ជបណ្ឌិត សូ សំណាង បានឲ្យដឹងថា ទម្លាប់អស់ទាំងនោះបើនៅតែអនុវត្តលើទារកតទៅទៀត ប្រៀបដូចបំផ្លាញកូនខ្លួនឯងទៅវិញទេ។ ការលាបប្រេងកូឡានៅពីលើនោះ អាចជ្រាបតាមស្បែកចូលទៅក្នុងខួរក្បាល និងធ្វើឲ្យខូចកោសិកាខួរក្បាល។ លោកបន្តទៀតថា ការលាបប្រេងកូឡាប្រេងខ្យល់មានជាតិក្លិន aromatic ក្រៅពីប៉ះពាល់ខួរក្បាល នៅប៉ះពាល់បេះដូង និងខ្យល់ក្នុងសួត ហើយប្រើយូរទៅៗ អាចខូចបេះដូង និងសួតតែម្ដង។ លោកបន្ថែមទៀតថា ក្រៅពីប្រេងកូឡា ប្រេងខ្យល់ ចាស់ៗក៏តែងបង្គាប់បញ្ជាឲ្យយករបស់ដទៃទៀតដូចជាកំបោរ ពន្លៃត្រាំស្រាទៅលាបលើបង្ហើយកូន ដែលទង្វើនេះពិតជាគ្រោះថ្នាក់ខ្លាំង ព្រោះរបស់អស់ទាំងនោះមានជាតិកាត់ និងក្ដៅធ្វើឲ្យប៉ះពាល់ស្បែក រលាក ក្រហម ឡើងអាចម៍ក្របី បើក្មេងលេបចូលពោះវិញអាចបណ្ដាលឲ្យពុល។ វេជ្ជបណ្ឌិតឯកទេសទូទៅ បញ្ជាក់ទៀតថា ទារកទើបនឹងកើត តែងតែមានកន្លែងមួយនៅចំពីលើក្បាលដែលមានសភាពទន់ជ្រាយ ដែលយើងហៅថា «បង្ហើយ» ហើយជាកន្លែង ដែលត្រូវថ្នមបំផុត មិនត្រូវប៉ះពាល់ ឬលើអ្វីផ្ដេសផ្ដាសនោះទេ ព្រោះខ្លាចមានគ្រោះថ្នាក់ដោយសាររបស់អស់នោះ។

ទារកលូតលាស់ឆ្នាំដំបូង

ក្មេង​ទើប​កើត បើ​តាម​ចាស់​ៗ​ច្រើន​តែ​ថ្នម​មិន​ឲ្យ​បញ្ឈរ ឬ​អង្គុយ​ឡើយ ព្រោះ​ខ្លាច​បាក់​មុខ ឬ​ជើង​កោង​ជាដើម។ តើ​នោះ​គឺជា​រឿង​ពិត​ដែរឬ​ទេ? ចម្ងល់​នេះ​វេជ្ជបណ្ឌិត សូ សំណាង ឯកទេស​ទូទៅ បាន​បកស្រាយ​តាម​ឯកសារ​របស់ WHO ថា​ ការ​ដើរ​មុន​មិន​ប៉ះ​ពាល់​ធ្ងន់ធ្ងរ និង​មិន​ធ្វើ​ឲ្យ​វៀច​ជើង​របស់​កូន​ទើប​នឹង​កើត​ប៉ុន្មាន​ខែ​នោះ​ទេ។ លោក​បាន​តាម​បញ្ជាក់​ថា ការ​ពិសោធន៍​ជាច្រើន​បង្ហាញ​ថា ក្មេង​អាច​រៀន​ដើរ​ចាប់​ពី ៣ ខែ​ក៏​មិន​ធ្វើ​ឲ្យ​វៀច ឬ​កោង​ជើង​ដែរ តែ​គេ​តម្រូវ​ឲ្យ​ក្មេង​រៀន​ដើរ​ដែល​ល្អ​បំផុត​នៅ​វ័យ​ចាប់ពី ៧ ខែ​ឡើង ព្រោះ​សាច់​ដុំ​ក្មេង​រឹង​មាំ​ល្អ ជាង​វ័យ​នៅ​ខ្ចី។ ចំណែក​ឆ្អឹង​កូន​នៅ​វ័យ ៣ ខែ​អី​នេះ​គឺ​មិន​ទាន់​រឹងមាំ​ឡើយ តែ​មិនមែន​មាន​ន័យ​ថា​ឆ្អឹង​ទន់ អាច​វៀច​ឡើយ។ ជើង​វៀច​មិន​ទាក់ទង​នឹង​ការ​ដើរ​មុន​អាយុ ឬ​ក្រោយ​ទេ តែទាក់ទង​នឹង​ជំងឺ​ពី​កំណើត ឬកើត​មិន​គ្រប់​ខែ​ជាដើម និងកត្តា​ហ្សែន​ជាដើម។ ​ វេជ្ជបណ្ឌិត​រូប​នោះ​បន្ត​ទៀត​ថា ការវាយតម្លៃ​ថា​ជើង​កូន​វៀច ឬ​កោង គឺ​គ្រូពេទ្យ​ជំនាញ​អ្នក​ធ្វើ​មិនមែន​ជា​យើង​ឡើយ ហើយ​កូន​ទើប​នឹង​កើត​មក​យើង​តែង​ឃើញ​ជើង​កូន​មាន​លក្ខណៈ​ជា​រង្វង់​ពេល​គេង​នោះ មិនមែន​ជា​បញ្ហា​ជើង​កោង​ឡើយ ពេល​កូន​ធំ​បន្តិច​ម្ដង​ៗ រូបរាង​កាយ​នឹង​លូតលាស់​ពេញ​លក្ខណៈ ហើយ​ក៏​ធម្មតា​ដូច​យើង​វិញ។ ដូចនេះ​កុំព្យាយាម​ពត់ ឬ​តម្រង​ជើង​កូន​ទាំង​គ្មាន​ជំនាញ ឬ​មិន​ដឹង​ពី​ស្ថានភាពអ្វីទាំងអស់ ព្រោះ​នាំឲ្យ​កើត​មាន​បញ្ហា​ដល់​កូន​ទៅ​វិញ​ទេ។

ទារកលូតលាស់ឆ្នាំដំបូង

យើង​សង្កេត​ឃើញ​ថា ជំងឺ​កាច​សាហាវ​ភាគ​ច្រើន​កើត​មាន​នៅ​លើ​មនុស្ស​ធំ មិន​សូវ​ជា​កើត​មាន​ទៅ​លើ​កុមារ ឬ​ទារក​ប៉ុន្មាន​ទេ ក៏​ប៉ុន្តែ​ចំពោះ​ទារក ក៏​មាន​ជំងឺ​ដែល​អាច​ប៉ះពាល់​ដល់​ជីវិត​បាន​ដោយ​គ្មាន​មូល​ហេតុ​ច្បាស់​លាស់។ សម្រាប់​ជំងឺ​ដែល​គ្រោះ​ថ្នាក់​បំផុត​ចំពោះ​ទារក​អាយុមិន​ទាន់​គ្រប់​ ១ឆ្នាំ គឺ​ជំងឺ​រោគ​សញ្ញា​នៃ​ការ​ស្លាប់​ទារក​ភ្លាមៗ (SIDS)។ អ្វី​ទៅ​ជា​អាការៈនៃ​ការ​ស្លាប់​ទារក​ភ្លាមៗ? អាការៈ​នៃ​ការ​ស្លាប់​ទារក​ភ្លាមៗ គឺ​ជា​ការ​ស្លាប់​របស់​ទារក​ដោយ​គ្មាន​មូល​ហេតុ​ច្បាស់​លាស់ហើយ​វា​ច្រើន​កើត​ឡើង​ចំពោះ​ទារក​ដែល​មាន​អាយុ​ក្រោម​១ឆ្នាំ ហើយ​ជា​ទូទៅ​វា​កើត​ឡើង​អំឡុង​ពេល​ទារក​គេង។ ​ការ​ស្លាប់​ទារក​ភ្លាមៗ​នេះ មាន​ភាព​ស្មុគ​ស្មាញ ហើយ​ចំពោះ​មូល​ហេតុ​ដែល​កើត​មាន​ជំងឺ​នេះ​គឺ​មាន​ច្រើន ប៉ុន្តែនៅ​ស្រុក​ខ្មែរ​យើង​មិន​មាន​ការ​ធ្វើ​កោសល្យវិច្ច័យទេ ដូច​នេះ​យើង​មិន​ដែល​ធ្វើ​រោគ​វិនិច្ឆ័យ​កំណត់​មូល​ហេតុ​ច្បាស់​លាស់​ទេ​ថា វា​បណ្តាល​មក​ពី​អី​ឲ្យ​ប្រាកដ  ពោល​គឺ​នៅ​ក្នុង​ប្រទេស​កម្ពុជា​យើង កម្រ​នឹង​មានអាការៈ​នៃ​ការ​ស្លាប់​ទារក​ភ្លាម​ៗ​នេះ កើត​មាន​ណាស់។ ទោះ​បី​ជា​ជំងឺ​មួយ​នេះ មិន​ទាន់​អាច​ពន្យល់​បាន​ច្បាស់​លាស់​នៅ​ឡើយ​ថា​វា​កើត​មាន​បណ្តាល​មក​ពី​អី ក៏​ប៉ុន្តែ ខាង​ក្រុម​គ្រូពេទ្យ​បាន​ឲ្យ​ដឹង​ពី​កត្តាមួយ​ចំនួន​ដែល​អាច​បង្កើន​ហានិភ័យ​របស់​ទារក​ឲ្យ​កើត​ជំងឺ​ទារក​ស្លាប់​ភ្លាមៗ​ដូចជា៖ -ភេទ៖ ទារក​ប្រុស​មាន​ហានិភ័យ​កើត​ជំងឺ​នេះ​ជាង​ទារក​ស្រី -អាយុ៖ ទារក​មាន​ហានិភ័យ​ខ្ពស់​ក្នុង​ចន្លោះ​អាយុ​ពី ​២-៤ខែ -ផ្សែង៖ ទារក​ដែល​នៅ​ជាមួយ​អ្នក​ជក់​បារី -ប្រវិត្ត​គ្រួសារ៖ ទារក​ដែល​ក្នុង​គ្រួសារ​ធ្លាប់​មាន​ជំងឺ​នេះ​កើត​ឡើង -មិន​គ្រប់​ខែ៖ ទារក​មិន​គ្រប់​ខែ និង​ទម្ងន់​មិន​គ្រប់ស្តង់ដារ ក៏​មាន​ហានិភ័យ​ខ្ពស់​ប្រឈម​នឹង​ជំងឺ​មួយ​នេះ​ដែរ។ កត្តាប្រឈមអំឡុងពេលពពោះ អំឡុងពេល​ពពោះ ម៉ាក់ៗ​ក៏អាចបង្កើនហានិភ័យកើតជំងឺSIDSនេះដែរ ជាពិសេសម៉ាក់ដែលមានបញ្ហាដូចជា៖ មានអាយុក្រោម២០ឆ្នាំ ជក់បារី ប្រើគ្រឿងញៀន ឬស្រា ខ្វះការថែទាំសុខភាពពេលពពោះ។ល។ ចំពោះ​អាការៈ​ទារក​ស្លាប់​ភ្លាមៗ​នេះ ខាង​ក្រុម​គ្រូ​ពេទ្យ​មិន​ប្រាកដ​ថា ការពារ​មិន​ឲ្យ​កើត​ឡើង​បាន ឬ​មិន​បាន​នោះ​ទេ តែ​ម៉ាក់​ប៉ា​អាច​អនុវត្ត​តាម​វិធី​ដូច​ជា៖ - បំបៅ​ដោះ​កូន - ពង្រឹង​ប្រព័ន្ធ​ការពារ​របស់​ទារក - អនុវត្ត​ការ​គេង​ឲ្យ​ត្រឹម​ត្រូវ - ដាក់​កូន​គេង​ឲ្យ​បាន​ត្រឹម​ត្រូវ - មិន​គួរ​ឲ្យ​កូន​គេង ផ្អៀង ឬ​ផ្កាប់​មុខ​។ល។​

ទារកលូតលាស់ឆ្នាំដំបូង

ការ​ធ្វើ​តេស្ត​ជោះ​កែង​ជើង​មាន​ប្រសិទ្ធភាព​ល្អ ចំពោះ​ទារក​ទើប​កើត គឺ​រយៈពេល ៤៨-៧២ ម៉ោង ក្រោយ​កើត។ សារ​សំខាន់​នៃ​ការ​ធ្វើ​​តេស្ត​នេះ​ឡើង ​ដើម្បី​រក​ជំងឺ​មេតាបូលិក​ពី​កំណើត ដែល​ធ្វើ​ឲ្យ​ទារក​បាត់បង់​ការ​លូតលាស់​ផ្នែក​ប្រាជ្ញា​ស្មារតី ទៅ​ជា​បញ្ញា​ខ្សោយ រាងកាយ​ក្រិន ឬ​អាច​ធ្វើ​ឲ្យ​ទារក​ស្លាប់ បើ​ព្យាបាល​មិន​ទាន់​ពេលវេលា។នេះ​បើ​តាម​ការ​ផ្សព្វផ្សាយ​របស់​មន្ទីរពេទ្យ កាល់ម៉ែត។ ស្រប​គ្នា​នេះ លោក​ស្រី​វេជ្ជបណ្ឌិត កុសល កណិការ ឯកទេស​ជំងឺ​កុមារ សញ្ញាប័ត្រ​ពី​បារាំង ពន្យល់​ឲ្យ​ដឹង​ថា ការ​ធ្វើ​តេស្ត​ដោយ​យក​ឈាម​ពី​កែង​ជើង​របស់​ទារក ​(ក្រោយ​សម្រាល​បាន​៤៨​ម៉ោង) អាច​ស្វែង​រក​ជំងឺ ​៧ ​មុខ​ខាង​ក្រោម៖ ១. Phenylketonuria (PKU)៖ ទារក​មាន​ជំងឺ​ពី​កំណើត លើ​ការ​បម្លែង​ជាតិ​សាច់​ក្នុង​ខ្លួន ធ្វើ​ឲ្យ​កូន​ខ្សោយ​ប្រាជ្ញា អាច​ពិការ និង​មាន​ភាព​មិន​ធម្មតា​លើ​សាច់​ខួរក្បាល។ ២. Congenital Hypothyroidism៖ ទារក​មាន​ជំងឺ​ខ្សោយ​ក្រពេញ​ទីរ៉ូអ៊ីត​ពី​កំណើត ធ្វើ​ឲ្យ​ទារក​ខ្សោយ​ប្រាជ្ញា​ខ្លាំង យឺត​យាវ​ការ​គិត កូន​អាច​តឿ ខ្សោយ​ត្រចៀក កើត​លឿង​ស្បែក ស្បែក​ស្ងួត អណ្ដាត​ធំ សាច់​ដុំ​ទន់ ទល់​លាមក និង​សំឡេង​យំ​ស្អក ស្អក។ ៣. Galactosemia៖ ទារក​មាន​វិបត្តិ​ទៅ​ការ​បម្លែង​ជាតិ​ស្ករ បណ្ដាល​ឲ្យ​មិន​សូវ​បៅ ក្អួត រាក ខ្សោយ​ថ្លើម ឬ​ថ្លើម​រីក​ធំ ឧស្សាហ៍​មាន​ហូរ​ឈាម ហើម​ខ្លួន […]

ទារកលូតលាស់ឆ្នាំដំបូង

យើង​ដឹង​ហើយ​ថា ភាគ​ច្រើន​នៃ​ទារក​ដែល​កើត​ចេញ​មក​ភ្លាម តែង​ស្រែក​យំ​ឮពេញ​បន្ទប់​សម្រាល​តែ​ម្ដង។ ចំណែក​ទារក​មួយ​ចំនួន​ទៀត កើត​មក​ចេះ​ញញឹម តែ​មិន​មាន​យំ​ដូច​ទារក​ផ្សេង​ទេ។ យើង​មាន​ដែល​ឆ្ងល់​អត់ ហេតុ​អ្វី​បាន​អា​អូន​កើត​មក​ចេះ យំ ឬ​ញញឹម? ទាក់​ទង​នឹង​បញ្ហា​នេះ លោក​វេជ្ជបណ្ឌិត ឃួន សុវណ្ណារិទ្ធ បាន​បក​ស្រាយ​ឲ្យ​ដឹង​ថា ទារក​ដែល​ទើប​នឹង​កើត​មក​យំ ដោយ​សារ​តែ​សួត​របស់​អា​អូន​ចាប់​ផ្ដើម​ដំណើរការ ​ស្រូប​យក​អុកស៊ីសែននៅ​ខាង​ក្រៅ​ពោះ​ម្ដាយ។ “ទារក​ពេល​ដែល​នៅ​ក្នុង​ពោះ​ម្ដាយ គាត់​មិន​អាច​ដក​ដង្ហើម​ដោយ​ផ្ទាល់​បាន​ទេ។ ទារក​ដក​ដង្ហើម​តាម​រយៈ​ទង​សុក ឬ​ស្រូប​យក​ទឹក​ភ្លោះ​ជាដើម។ ក្រោយ​សម្រាល​រួច ពេល​ដែល​កាត់​ទង​សុក ធ្វើ​ឲ្យ​មាន​រំញោច​ទៅ​សួត​របស់​ទារក ជាហេតុ​បណ្ដាល​ឲ្យ​អា​អូន​​ស្រែក​យំ"។ វេជ្ជបណ្ឌិត​ឯក​ទេស​ផ្នែក​សម្ភព​រូប​នេះ បន្ត​ថា ខាង​គ្រូពេទ្យ មាន​តារាង​សម្រាប់​វាយ​តម្លៃ​ទៅ​លើ​ទារក​ទើប​កើត ដើម្បី​បញ្ជាក់​ថា​កូន​មាន​សុខភាព​ល្អ ឬ​មិន​ល្អ ទារក​យំ​ខ្លាំង ឬ​អត់ ស្បែក​ក្មេង​មាន​បញ្ហា ឬ​គ្មាន។ មួយ​ទៀត គ្រូពេទ្យ​ក៏​ត្រូវ​សង្កេត​មើល​លើ​ចលនា​របស់​ទារក​ដែរ ហើយ​យើង​ត្រូវ​ចំណាំ​ថា កាល​ណា​ទារក​ដែល​ទើប​នឹង​កើត​យំ​កាន់​តែ​ខ្លាំង សុខភាព​របស់​អា​អូន​កាន់​តែ​ល្អ។ ផ្ទុយ​ទៅ​វិញ ចំពោះ​ទារក​ដែល​កើត​មក​ភ្លាម មិន​អាច​សើច​ជំនួស​យំ​បាន​ទេ។ ក្នុង​ករណី​ដែល​ទារក​កើត​មក​មិន​យំ ធ្វើ​ឲ្យ​គ្រូពេទ្យ​ភ័យ​វិញ ព្រោះ​អា​អូន​អាច​មាន​បញ្ហា​សួត ឬ​ឈ្លក់​ទឹក​ភ្លោះ ។ល។ ដូច​នេះ ក្រុម​គ្រូពេទ្យ​នឹង​ត្រូវ​យក​អា​អូន​ទៅ​ពិនិត្យ​ភ្លាម ក្រែង​​អា​អូន​មាន​បញ្ហា​សុខភាព​។ លោក​បន្ត​ថា អ្វី​ដែល​រៀប​រាប់​ខាង​លើ​នេះ គឺ​និយាយ​ចំពោះ​តែ​ទារក​ដែល​កើត​ភ្លាមៗ​ប៉ុណ្ណោះ ព្រោះ​ទារក​ដែល​ទើប​កើត​មិន​អាច​មិន​យំ​សោះ​នោះ​ទេ។ តែ​បើ​ទារក​ខ្លះ ដែល​កើត​បាន ​១-២ខែ​ […]

ទារកលូតលាស់ឆ្នាំដំបូង

កូន​ក្នុង​ផ្ទៃ​ថ្លោស​ជ្រុល អាច​មក​ពី កូន​ចាស់​ខែ ម៉ាក់ៗ​ឡើង​ទម្ងន់​ខ្លាំង​ពេល​មាន​ពពោះ​ថ្មីៗ ឬមិន​ស្រក​គីឡូ តាំង​ពី​ពេល​មាន​ផ្ទៃពោះ​មុនៗ តែ​អ្វី​ដែល​បារម្ភ​បំផុត​នេះ គឺ​បណ្តាល​មក​ពី​ម៉ាក់ៗ​មាន​ជំងឺ​ទឹកនោម​ផ្អែម​ពេល​មាន​ផ្ទៃពោះ។ លោក​សាស្ត្រាចារ្យ​មហាបរិញ្ញា វេជ្ជបណ្ឌិត សេង សេរី បាន​ឲ្យ​ដឹង​ថា ស្រ្តី​មួយ​ចំនួន​មិន​ទាំង​ចាប់​អារម្មណ៍​ថា ខ្លួន​មាន​ជំងឺ​ទឹក​នោម​ផ្អែម​ពេល​ពពោះ​ផង តែ​គ្រូពេទ្យ​គេ​អាច​សម្គាល់​បាន តាម​រយៈ​កូន ឲ្យ​តែ​កូន​កើត​មក​ថ្លោស​ខ្លាំង គឺ​សឹង​តែ​១០០% ម្តាយ​មាន​ជំងឺ​ទឹក​នោម​​ផ្អែមពេល​ពពោះ។