កុមារគ្រប់អាយុចូលរៀន

អាហារល្អៗដែលជួយឲ្យកុមារមានភាពប្រព័ន្ធភាពស៊ាំរឹងមាំ

ជាទូទៅ ប្រព័ន្ធភាពស៊ាំរបស់ទារកនៅមិនទាន់អភិវឌ្ឍពេញលេញឡើយ ក្រោយពេលសម្រាលរួច ហើយអាចរឹងមាំបន្តិចម្តងៗ នៅពេលដែលអាអូនកាន់តែធំ។ ពិតណាស់ ប្រព័ន្ធភាពស៊ាំមានមុខងារដ៏អស្ចារ្យក្នុងការកម្ចាត់មេរោគ ដែលអាចបង្កជាជំងឺផ្សេងៗ។ ជាក់ស្តែង អង់ទីក័រម៉ាក់បានផ្ទេរទៅឲ្យកូនតាមរយៈសុកនៅអំឡុងត្រីមាសទី៣ ហើយប្រភេទអង់ទីក័រដែលបានពីម្តាយមកកូន គឺពឹងផ្អែកទាំងស្រុងទៅលើកម្រិតអង់ទីក័ររបស់ម៉ាក់ៗខ្លួនឯង។ រោគសញ្ញានៃប្រព័ន្ធភាពស៊ាំចុះខ្សោយរបស់កុមារ ប៉ាម៉ាក់ច្បាស់ជាមានការព្រួយបារម្ភពីបញ្ហាសុខភាពរបស់កូនៗជាប់ជានិច្ច ជាពិសេសនៅពេលដែលកូនងាយឆ្លងជំងឺផ្សេងៗ ដោយសារតែប្រព័ន្ធភាពស៊ាំចុះខ្សោយ។ យ៉ាងណាមិញ យើងក៏អាចសម្គាល់ពីសញ្ញាមួយចំនួននៃការចុះខ្សោយប្រព័ន្ធភាពស៊ាំដែលកើតលើកុមារ ដែលរួមមាន៖ កូនឧស្សាហ៍ផ្តាសាយ កូនបន្ទោបង់មិនទៀងទាត់ និងមានបញ្ហារំលាយអាហារជាញឹកញាប់ ឈឺច្រើន និងពិបាកព្យាបាល គ្មានកំលាំងកំហែងដូចក្មេងដទៃទៀត របួសក្រជាសះស្បើយ។ អាហារល្អៗជួយឲ្យកូនមានភាពប្រព័ន្ធភាពស៊ាំរឹងមាំ ក្រៅពីរក្សាអនាម័យល្អ គេងឲ្យបានគ្រប់គ្រាន់ រក្សាទម្ងន់ខ្លួនឲ្យបានសមស្រប និងធ្វើលំហាត់ប្រាណជាទៀងទាត់ ប៉ាម៉ាក់ក៏អាចផ្តល់អាហារល្អៗ ដើម្បីជួយឲ្យកូនមានប្រព័ន្ធភាពស៊ាំរឹងមាំ និងមានសុខភាពល្អផងដែរ។ [embed-health-tool-baby-poop-tool] ១. ពង្រឹងប្រព័ន្ធភាពស៊ាំកូនជាមួយអាហារសម្បូរ Probiotics និង Prebiotics ដូចដែលយើងដឹងស្រាប់ហើយថា សារធាតុ Probiotics និង Prebiotics ពិតជាមានអត្ថប្រយោជន៍ក្នុងការពង្រឹងប្រព័ន្ធភាពស៊ាំ និងប្រព័ន្ធរំលាយអាហាររបស់កុមារ។ នៅក្នុងពោះវៀនយើង ក៏ដូចជាកុមារ គឺមានទាំងបាក់តេរីល្អ និងមិនល្អ ហើយ probiotics ជួយធ្វើឲ្យមានលំនឹងរវាងបាក់តេរីល្អ និងកម្ចាត់បាក់តេរីមិនល្អនៅក្នុងពោះវៀនកូន ស្របពេលដែល prebiotics គឺជាអាហារសរសៃ ដែលដើរតួនាទីជាចំណីអាហាររបស់បាក់តេរីល្អ ឬ probiotics។ ក្រៅពីជួយកម្ចាត់បាក់តេរីអាក្រក់ វីរុស ក៏ដូចជាការបង្ករោគតាមផ្លូវដង្ហើម […]

កុមារគ្រប់អាយុចូលរៀន

កូនឈឺទ្រូងអាចបណ្ដាលមកពីមូលហេតុទាំងនេះ

ក្មេងៗអាចត្អូញត្អែរពីអាការៈឈឺទ្រូង ដោយសារតែមូលហេតុផ្សេងៗ ហើយមូលហេតុទូទៅនៃអាការៈនេះ មិនពាក់ព័ន្ធនឹងបេះដូងទេ ប៉ុន្តែអាចបណ្ដាលមកពីជញ្ជាំងទ្រូងទៅវិញ។ អាការៈឈឺទ្រូងចំពោះកុមារ ជាមូលហេតុទូទៅបំផុតមួយដែលប៉ាម៉ាក់តែងតែនាំកូនទៅជួបគ្រូពេទ្យជំងឺបេះដូងកុមារ។ យ៉ាងណាមិញ អាការៈមួយនេះ ភាគច្រើនអាចនឹងបាត់ទៅវិញដោយខ្លួនឯង។ អត្ថន័យពណ៌ និងរូបរាងលាមកទារក នៅទីនេះ ការឈឺទ្រូងបណ្ដាលមកពីអ្វី? យោងតាមគ្រូពេទ្យឯកទេសជំងឺបេះដូងកុមារនៅ Cleveland Clinic បានឲ្យដឹងថា កុមារអាចនឹងកើតមានអាការៈឈឺទ្រូង ដោយសារតែធ្វើសកម្មភាពផ្សេងៗ ឬសកម្មភាពខ្លាំងក្លាជាងធម្មតា ហើយអាចបណ្ដាលមកពីបញ្ហានៅក្នុងសួត ឆ្អឹងជំនីរ សាច់ដុំជញ្ជាំងទ្រូង ឬសន្លាក់រវាងឆ្អឹងជំនីរ និងឆ្អឹងដោះ។ ក្នុងករណីដែលកុមារមានប្រវត្តិគ្រួសារកើតមានអាការៈឈឺទ្រូងនេះ កូនក៏ងាយនឹងកើតជំងឺនេះដែរ។ ចំណែកឯការឈឺទ្រូងដែលបណ្ដាលមកពីសាច់ដុំ និងឆ្អឹងដែលកើតលើកុមារជាច្រើន គឺបណ្ដាលមកពីមូលហេតុទាំងនេះ៖ ការកន្ត្រាក់ ឬរមួលសាច់ដុំ និងសរសៃប្រសាទជញ្ជាំងទ្រូង ផ្ដាសាយ ឬក្អក ការឈឺចាប់ដែលបណ្ដាលមកពីការរលាកនៃឆ្អឹងខ្ចី ដែលភ្ជាប់ឆ្អឹងទ្រូង ក្រៅពីការឈឺទ្រូងដែលបណ្ដាលមកពីសាច់ដុំ និងឆ្អឹង មូលហេតុទូទៅផ្សេងទៀត រួមមាន៖៖ ជំងឺរលាកសួត ជំងឺហឺត ជំងឺច្រាលអាស៊ីដក្រពះ ពេលខ្លះ កុមារអាចមានប្រតិកម្មចំពោះភាពតានតឹង និងការថប់បារម្ភ ទៅជាការឈឺទ្រូង ការរលាកជញ្ជាំងទ្រូង ការឆ្លងមេរោគផ្លូវដង្ហើម ជំងឺបេះដូង រោគសញ្ញានៃបញ្ហាបេះដូងកើតលើកុមារ ការឈឺទ្រូង ដែលទាក់ទងនឹងបេះដូងកម្រនឹងកើតមានលើកុមារណាស់។ ប៉ុន្តែ ប្រសិនបើប៉ាម៉ាក់សង្កេតឃើញរោគសញ្ញាទាំងនេះ ចូរពិគ្រោះយោបល់ជាមួយនឹងគ្រូពេទ្យបេះដូងកុមារ។ ការឈឺទ្រូងអំឡុងពេល ឬក្រោយពេលហាត់ប្រាណ ឈឺចាប់ និងមានសម្ពាធក្នុងទ្រូង ដែលមិនងាយបាត់ទៅវិញ សកម្មភាពរាងកាយថយចុះក្នុងរយៈពេលជាច្រើនសប្ដាហ៍ ឬច្រើនថ្ងៃ ការឈឺទ្រូងដែលអាចឲ្យក្មេងសន្លប់ ឬជិតសន្លប់ ការឈឺទ្រូងចំពោះកុមារដែលកើតជំងឺបេះដូងពីកំណើត ពេលណាប៉ាម៉ាក់គប្បីនាំកូនទៅជួបគ្រូពេទ្យ? ការឈឺទ្រូងចំពោះកុមារភាគច្រើនមានលក្ខណៈស្រាល។ ប៉ុន្តែ បើកូនឈឺទ្រូងធ្ងន់ធ្ងរ និងមានរោគសញ្ញាគ្រុនក្ដៅ ពិបាកដកដង្ហើម ឈឺចាប់នៅពេលដែលដកដង្ហើមវែងៗ ឬចង្វាក់បេះដូងលោតញាប់ជាង២០០ ចូរពិគ្រោះជាមួយនឹងគ្រូពេទ្យបេះដូងកុមារ ក៏ដូចជាធ្វើតេស្តដើម្បីកំណត់ពីបញ្ហាសុខភាពឲ្យបានច្បាស់លាស់។