ជំងឺឈាមផ្សេងទៀត

បែកញើសច្រើន និងចេញរោគសញ្ញា៤នេះទៀត អាចជាការបង្ករោគក្នុងឈាម

ការបង្ករោគនៅក្នុងឈាម កើតឡើងនៅពេលដែលរាងកាយរបស់យើងឆ្លងមេរោគប្រភេទណាមួយ ហើយរាលដាលពាសពេញរាងកាយ ព្រមទាំងបង្កើនហានិភ័យនៃការខូចសរីរាង្គ។ ស្ថានភាពនេះ មានលក្ខណៈធ្ងន់ធ្ងរខ្លាំង ហើយក៏អាចបង្កគ្រោះថ្នាក់ដល់អាយុជីវិត ដែលយើងចាំបាច់ត្រូវធ្វើការព្យាបាលឲ្យបានទាន់ពេលវេលា។ ដើម្បីជៀសវាងផលវិបាកធ្ងន់ធ្ងរនៃជំងឺមួយនេះ គ្នាយើងគួរតែយកចិត្តទុកដាក់លើរោគសញ្ញាមួយចំនួន ដែលអាចបញ្ជាក់ថា យើងកំពុងតែមានការបង្ករោគក្នុងឈាម។ រោគសញ្ញាទាំង៥នៃការបង្ករោគក្នុងឈាម ១. ពិបាកដកដង្ហើម អ្នកជំនាញបានឲ្យដឹងថា រោគសញ្ញានៃការបង្ករោគក្នុងឈាមមានភាពខុសប្លែកគ្នាពីមនុស្សម្នាក់ទៅមនុស្សម្នាក់ទៀត ហើយរោគសញ្ញាមួយដែលអាចកើតមាននោះ គឺការពិបាកដកដង្ហើម។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចងពិនិត្យជំងឺសរសៃឈាមបេះដូង ចុចទីនេះ! ២. ស្រៀវស្រាញ ជាមួយគ្នានេះដែរ ការឆ្លងមេរោគក្នុងឈាម អាចប៉ះពាល់ដល់ផ្នែកផ្សេងៗនៃរាងកាយរបស់យើងក្នុងពេលតែមួយ ហើយអ្នកជំងឺ អាចនឹងមានរោគសញ្ញាស្រៀវស្រាញក្នុងចំណោមរោគសញ្ញាផ្សេងទៀត។ ៣. បែកញើសច្រើនជ្រុល ចំណែកឯការបែកញើសច្រើនជ្រុល ក៏ជារោគសញ្ញាមួយដែលអ្នកជំងឺមួយចំនួនឧស្សាហ៍ជួបប្រទះដូចគ្នា។ [embed-health-tool-bmr] ៤. ធីងធោង ការបង្ករោគដោយបាក់តេរី អាចនាំឲ្យកើតមានការបង្ករោគនៅក្នុងឈាម ពីព្រោះវាអាចឆ្លងទៅផ្នែកណាមួយនៃរាងកាយ ដោយបង្កើតជាសង្វាក់ប្រតិកម្ម ។ ក្នុងករណីដែលគ្នាយើងមានអារម្មណ៍ធីងធោង នោះក៏អាចជារោគសញ្ញានៃការបង្ករោគក្នុងឈាមដែរ។ ៥. នោមឈឺ ទន្ទឹមនឹងនេះដែរ រោគសញ្ញាមួយចំនួនក៏អាចលេចឡើង អាស្រ័យទៅតាមប្រភេទនៃការឆ្លងមេរោគដែលបង្កទៅជាការឆ្លងមេរោគក្នុងឈាម។ តួយ៉ាងដូចជា អាការៈនោមឈឺ ដែលកើតចេញពីការបង្ករោគលើផ្លូវទឹកនោម។ អត្ថបទគួរអាន៖ មូលហេតុអ្វីអូនតូចឧស្សាហ៍ហើមកូនកណ្តុរ? ដឹងទេ! បាត់បង់ឈាមប៉ុណ្ណេះលីត្រ យើងអាចបាត់បង់ជីវិតបាន មានរបួស ឬមុត ហូរឈាមយូរ អាចមានជំងឺឈាមក្រកក គ្រាប់ឈាមសឡើងច្រើន កើតមហារីកឈាមមែនទេ? មានអត់ ជំងឺឈាមស ស៊ីឈាមក្រហម?

ជំងឺឈាមផ្សេងទៀត

ចេញរោគសញ្ញាទាំងនេះ អាចជាជំងឺរលាកសរសៃឈាម

ជំងឺរលាកសរសៃឈាម បង្កឲ្យសរសៃឈាមដែលរលាករីកធំ ហើយជាលទ្ធផលអាចកម្រិតដល់លំហូរឈាមក្នុងរាងកាយ។ ការកម្រិតលំហូរឈាមក្នុងរាងកាយ អាចធ្វើឲ្យខូចខាតសរីរាង្គ ដែលកើតមានបញ្ហានេះ។ ជំងឺរលាកសរសៃឈាមអាចប៉ះពាល់ដល់សរីរាង្គតែមួយ ឬច្រើនកន្លែងលើរាងកាយ និងអាចជាបញ្ហាសុខភាពរយៈពេលខ្លី និងវែងផងដែរ។ មូលហេតុនាំឲ្យមានជំងឺរលាកសរសៃឈាម យន្តការដែលនាំឲ្យកើតជំងឺនេះនៅមិនដឹងច្បាស់នៅឡើយ។ យ៉ាងណា មានហេតុផលដែលអាចនាំឲ្យមានបញ្ហាអាលែកហ្ស៊ី ឬអាចនាំឲ្យមានបញ្ហាសុខភាពមួយចំនួនទៀត អាចនាំឲ្យកើតជំងឺនេះ។ ដូចគ្នាដែរ ការឆ្លងរោគអាចរំញោចឲ្យមានការឆ្លើយតបខ្លាំងពីប្រព័ន្ធភាពស៊ាំ ដែលនាំឲ្យមានការខូចខាតដល់សរសៃឈាម។ បញ្ហាសុខភាពនេះ អាចមានទំនាក់ទំនងទៅនឹងជំងឺប្រព័ន្ធភាពស៊ាំ ដូចជាជំងឺឡុយពុស(lupus) ឬ ជំងឺរលាកសន្លាក់រ៉ាំរ៉ៃ ផងដែរ។ រោគសញ្ញាទូទៅជំងឺរលាកសរសៃឈាមរួមមាន៖ ឈឺក្បាល ក្ដៅខ្លួន មានអារម្មណ៍ហត់នឿយខ្លាំង ស្រកទម្ងន់ រោគសញ្ញាមួយចំនួនទៀត អាចកើតមានអាស្រ័យលើទីតាំងដែលកើតមានបញ្ហារលាកសរសៃឈាមនេះ។ ប្រព័ន្ធរំលាយអាហារ៖ បើសិនជាប្រព័ន្ធរំលាយអាហាររងផលប៉ះពាល់ យើងអាចនឹងមានអារម្មណ៍ឈឺចាប់នៅក្រោយពីញ៉ាំបាយភ្លាមៗ។ ដូចគ្នាដែរ យើងក៏អាចមានដំបៅ ហើយជាលទ្ធផល អាចមានឈាមក្នុងលាមកទៀតផង។ ត្រចៀក៖ ត្រចៀកដែលមានបញ្ហារលាកសរសៃឈាម អាចធ្វើឲ្យយើងវិលមុខ ឬអាចឈានដល់បាត់បង់ការស្ដាប់ ។ ភ្នែក៖ ជំងឺរលាកសរសៃឈាមនេះអាចកើតមាននៅភ្នែកដែរ ដែលធ្វើឲ្យភ្នែកឡើងក្រហម ឬរមាស់។ ក្នុងករណីធ្ងន់ធ្ងរ ភ្នែកដែលមានជំងឺនេះអាចមើលមិនឃើញក្នុងរយៈពេលណាមួយ ឬពិការភ្នែកម្ខាង ឬទាំងពីរក៏មាន។ ដៃ និងជើង៖ ជំងឺរលាកសរសៃឈាមប្រភេទខ្លះអាចធ្វើឲ្យស្ពឹក ឬខ្សោយ នៅលើដៃ ឬជើងម្ខាង។ បញ្ហានេះ អាចធ្វើឲ្យបាតដៃ ឬបាតជើងឡើងហើមដែរ។ សួត៖ សួតកើតមានជំងឺរលាកសរសៃឈាម អាចធ្វើឲ្យយើងឆាប់ហត់ ហើយក្នុងករណីធ្ងន់ធ្ងរខ្លះអាចបង្កឲ្យមានក្អកឈាមទៀតផង។ ស្បែក៖ ជំងឺរលាកសរសៃកើតលើស្បែក អាចបង្កឲ្យចេញឈាមនៅក្រោមស្បែក ដែលអាចបង្កឲ្យលេចចេញស្នាមក្រហមលើស្បែក។ ផលវិបាក ជំងឺរលាកសរសៃឈាមអាចនាំឲ្យមានផលវិបាកធ្ងន់ធ្ងរ។ សរសៃឈាមខ្សោយអាចបង្កឲ្យទៅជាជំងឺប៉ោងសរសៃឈាមក្រហម ដែលអាចនាំឲ្យសរសៃឈាមបែក […]