ការត្រៀមយកកូន

ចង់ឆាប់មានកូន ស្រីៗមិនគួររំលងរបបអាហារទាំង៥ប្រភេទនេះឡើយ

ពិតណាស់ របបអាហារដើរតួនាទីយ៉ាងសំខាន់ក្នុងការជួយលើកកម្ពស់សុខុមាលភាពទូទៅរបស់យើង ហើយការជ្រើសរើសរបបអាហារដែលមានសារធាតុចិញ្ចឹមល្អៗ មិនត្រឹមតែជួយឲ្យយើងមានសុខភាពល្អ ប្រព័ន្ធភាពស៊ាំរឹងមាំប៉ុណ្ណោះទេ តែវាក៏ជះឥទ្ធិពលវិជ្ជមានដល់លទ្ធភាពមានកូនដូចគ្នា។ តើរបបអាហារអ្វីខ្លះដែលជួយឲ្យស្រីៗយើងឆាប់មានកូនដូចបំណង? ១. បន្លែពណ៌បៃតង និងផ្លែឈើ ការញ៉ាំពពួកបន្លែបៃតង ដូចជាស្ពៃពួយឡេង ស្ពៃខៀវ ដែលសម្បូរទៅដោយសារធាតុហ្វូឡេត គឺស័ក្ដិសមបំផុតសម្រាប់ស្រីៗដែលកំពុងចង់បានកូន។ ទន្ទឹមនឹងនេះ កម្រិតនៃការមានផ្ទៃពោះនឹងកើនឡើង នៅពេលដែលយើងបន្ថែមខ្ទឹមស ប៉េងប៉ោះ ផ្លែប៊ឺរ និងផ្លែទទឹមចូលទៅក្នុងរបបអាហារ។ ២. គ្រាប់ធញ្ញជាតិ កាបូអ៊ីដ្រាតComplex ដែលមាននៅក្នុងគ្រាប់ធញ្ញជាតិ ដូចជាអង្ករសម្រូប និងស្រូវសាឡី (Oats) អាចជួយគ្រប់គ្រងកម្រិតជាតិស្ករក្នុងឈាម ដែលប៉ះពាល់ដោយផ្ទាល់ដល់ការមានកូន។ ពពួកអាហារប្រភេទនេះ អាចជួយឲ្យរាងកាយបញ្ចេញថាមពលយឺតៗ ធានាដល់ការរំលាយអាហារ និងកាត់បន្ថយការឡើងជាតិស្ករក្នុងឈាមភ្លាមៗ។ ៣. ខ្លាញ់សុខភាព អាស៊ីដខ្លាញ់អូមេហ្គា៣ ដែលមាននៅក្នុងផ្លែអាល់ម៉ុន គ្រាប់ល្ពៅ ឬត្រីសាល់ម៉ុន មានសារៈសំខាន់ណាស់ ដល់សុខភាពបន្តពូជ ពីព្រោះអាហារទាំងនេះ អាចជួយកាត់បន្ថយការរលាក និងជួយការពារគុណភាពស៊ុត។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ ៤. ទឹកដោះគោ ជាមួយគ្នានេះដែរ ពពួកទឹកដោះគោ ទឹកដោះគោជូរ ឬទឹកសណ្តែក សម្បូរទៅដោយជាតិកាល់ស្យូម និងវីតាមីនD ដែលមានគុណប្រយោជន៍ដល់ល្អសម្រាប់សុខភាពបន្តពូជ។ អ៊ីចឹងហើយ ស្រីៗយើងគួរញ៉ាំទឹកដោះគោឲ្យបាន២កែវជារៀងរាល់ព្រឹក ដើម្បីសម្រួលដល់ដំណើរការធ្លាក់មេជីវិតញី ក៏ដូចជាផ្តល់នូវពពួកប្រូបាយអូទិកដល់រាងកាយ ដើម្បីជួយឲ្យពោះវៀនមានសុខភាពល្អ។ [embed-health-tool-due-date] ៥. អាហារសម្បូរជាតិដែក ពពួកធញ្ញជាតិ និងសណ្តែក ជាប្រភពនៃជាតិដែក ដែលអាចជួយផ្ទេរអុកស៊ីហ្សែនទៅកាន់សរីរាង្គបន្តពូជ។ មួយវិញទៀត […]

ការត្រៀមយកកូន

សង្ស័យថាមានផ្ទៃពោះ ស្រីៗគួរធ្វើតេស្តពេលណាល្អ?

សម្រាប់ស្រីៗយើងភាគច្រើន ប្រហែលជាមានការថប់បារម្ភខ្លាំង នៅពេលត្រូវធ្វើតេស្តផ្ទៃពោះម្តងៗ ពីព្រោះអ្នកខ្លះចង់បានកូន រីឯអ្នកខ្លះទៀតបែរជាមិនចង់បានកូនទៅវិញ។ ទោះជាបែបណាក្តី ការធ្វើតេស្តផ្ទៃពោះនៅពេលវេលាត្រឹមត្រូវ គឺមានសារៈសំខាន់ណាស់ ពីព្រោះវាអាចធ្វើឲ្យយើងដឹងកាន់តែច្បាស់អំពីការមានផ្ទៃពោះ។ ១.ពេលណាយើងគួរធ្វើតេស្តជាមួយនឹងឧបករណ៍តេស្តដោយខ្លួនឯង? ជាទូទៅ នៅពេលដែលយើងបាត់រដូវ ឬមករដូវយឺត វាអាចជាសញ្ញាដំបូងដែលធ្វើឲ្យយើងត្រូវប្រញាប់ទៅរកទិញតេស្តផ្ទៃពោះជាក់ជាមិនខាន។ ប៉ុន្តែ ស្រីៗយើងគួរតែរង់ចាំដល់ពេលវេលាជាក់លាក់មួយសិន មុននឹងសម្រេចចិត្តធ្វើតេស្តផ្ទៃពោះ។ ការធ្វើតេស្តនៅក្នុងរយៈពេល១ ទៅ២សប្ដាហ៍បន្ទាប់ពីយើងរួមភេទរួច ឬ១០ថ្ងៃបន្ទាប់ពីយើងបាត់រដូវ គឺជាពេលវេលាដ៏សមស្របនៅក្នុងការស្រាយចម្ងល់នេះ។ មូលហេតុដែលធ្វើឲ្យយើងត្រូវរង់ចាំពេលវេលាបន្តិចសិននោះគឺដោយសារតែយើងត្រូវស្វែងរកអ័រម៉ូនមានផ្ទៃពោះ hCG ដែលត្រូវការរយៈពេលពី៧ទៅ១២ថ្ងៃ បន្ទាប់ពីស៊ុតត្រូវបានបង្កកំណើត និងបានទៅតោងជាប់នឹងជញ្ជាំងស្បូន។ ហេតុដូច្នេះហើយ ប្រសិនបើយើងធ្វើតេស្តលឿនជាងនេះ យើងអាចនឹងទទួលលទ្ធផលអវិជ្ជមាន បើទោះបីជាយើងមានផ្ទៃពោះក៏ដោយ ពីព្រោះកម្រិតអ័រម៉ូន hCG មិនត្រូវគ្នានៅឡើយ។ ២.ពេលណាយើងគួរធ្វើតេស្តឈាមរកមើលផ្ទៃពោះ? នៅពេលដែលស្រីៗយើងធ្វើតេស្តផ្ទៃពោះ ជាមួយនឹងឧបករណ៍តេស្តដោយខ្លួនឯង ឃើញលទ្ធផលអវិជ្ជមានជាច្រើនដង ប៉ុន្តែយើងនៅតែជឿថាខ្លួនមានផ្ទៃពោះនោះ យើងអាចធ្វើតេស្តឈាមរកមើលផ្ទៃពោះបាន ដើម្បីឲ្យប្រាកដក្នុងចិត្ត។ នៅពេលដែលឧបករណ៍តេស្តផ្ទៃពោះ វាស់កម្រិតអ័រម៉ូន hCG ការធ្វើតេស្តឈាមមានភាពត្រឹមត្រូវជាង ព្រមទាំងអាចស្វែងរកកម្រិតអ័រម៉ូន hCGនៅក្នុងឈាមបានផងដែរ។ ប៉ុន្តែ យើងត្រូវរង់ចាំប៉ុន្មានថ្ងៃជាមុនសិន បន្ទាប់ពីការរួមភេទ ឬបាត់រដូវ ដូចទៅនឹងការធ្វើតេស្តដោយឧបករណ៍ដែរ។ ជាមួយគ្នានេះដែរ ការធ្វើតេស្តឈាមរកមើលផ្ទៃពោះ ក៏អាចជាជម្រើសដ៏ល្អមួយសម្រាប់ស្ត្រីដែលធ្លាប់រលូតកូន មានផលវិបាកនៅក្នុងមានកូន ឬមានបញ្ហាសុខភាពនៅពេលកន្លងមកផងដែរ។ ៣.ពេលវេលាដ៏ល្អបំផុតនៅក្នុងការធ្វើតេស្ត យោងទៅតាមអ្នកជំនាញធ្វើតេស្តផ្ទៃពោះ យើងនឹងទទួលបានលទ្ធផលត្រឹមត្រូវបំផុត ប្រសិនបើយើងធ្វើតេស្តនៅពេលព្រឹកព្រលឹម គឺនៅពេលដែលយើងនោមជាលើកដំបូង ពីព្រោះទឹកនោមនៅពេលព្រឹក […]