របបអាហារ

អំបុក ទឹកដូង ចេក មិនត្រឹមជារណ្តាប់សំខាន់ក្នុងពិធីបុណ្យអុំទូក តែក៏ជាអាហារផ្តល់ប្រយោជន៍ដល់សុខភាព

ជារៀងរាល់ឆ្នាំ ខ្មែរយើងតែងប្រារព្ធព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអំបុក ដែលមានរយៈពេលចំនួន៣ថ្ងៃ គឺចាប់ពីថ្ងៃទី១៤កើត ១៥កើត ដល់ថ្ងៃ១រោច ខែកក្តិក ដោយឡែកចំពោះពិធីអកអំបុក សំពះព្រះខែវិញ គេប្រារព្ធឡើងនៅពាក់កណ្តាលអាធ្រាតថ្ងៃទី១៥កើត ខែកក្តិកប៉ុណ្ណោះ ដោយមានរៀបចំនូវរណ្តាប់សែនមួយចំនួនរួមមាន ចេក អំបុក ទឹកដូង និងផ្លែឈើផ្សេងៗ និងទៀន ធូប ផ្កាភ្លីជាដើម។ យ៉ាងណាមិញ តើយើងមានដឹងអត់ថា ចេក អំបុក និងទឹកដូង មានអត្ថប្រយោជន៍យ៉ាងណាខ្លះចំពោះសុខភាព? ចង់គណនា BMR ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! គុណប្រយោជន៍នៃអំបុក អំបុកជាអាហារដ៏មានសារៈសំខាន់ និងមិនអាចខ្វះបាននៅក្នុងពិធី «សំពះព្រះខែ និងអកអំបុក»។ ជាទូទៅ ខ្មែរយើងនិយមធ្វើអំបុកនៅពេលច្រូតស្រូវដើមដៃ និងជាស្រូវដំណើបថ្មី ឬជួនកាលក៏មានស្រូវខ្សាយខ្លះដែរ។ ជាដំបូង យើងត្រូវយកស្រូវស្រស់មកលីងក្នុងអំបែង ឬខ្ទះ រហូតដល់ស្រូវចាប់ផ្តើមផ្ទុះ ទើបចាក់ស្រូវទៅក្នុងត្បាល់ រួចធ្វើការដាល់។ នៅពេលដែលអំបុកពៀចសំប៉ែត និងខ្ទាត់សម្បកស្រូវចេញអស់ ទើបឈប់ ហើយបារដាក់ចង្អេរ ទើបយកទៅអុំបន្ត។ ពិតណាស់ ត្បិតថាការធ្វើអំបុកមិនងាយស្រួលប៉ុន្មានមែន ប៉ុន្តែអំបុកមានគុណប្រយោជន៍ច្រើនយ៉ាងដល់សុខភាពដែលគ្នាយើងមិនគួរមើលរំលង […]

អាហារូបត្ថម្ភ

ផឹកតែខ្មៅអាចជួយដល់សុខភាពបេះដូង និងការផ្ចង់អារម្មណ៍

តែគឺជាភេសជ្ជៈមួយដែលមនុស្សជាច្រើននិយមផឹកក្រៅពីកាហ្វេ និងទឹក ហើយតែខ្មៅក៏ជាតែមួយប្រភេទដែលគេនិយមផឹកផងដែរ។ តែខ្មៅគឺមានជាតិកាហ្វេអ៊ីនច្រើនជាងតែផ្សេងៗ ប៉ុន្តែមានតិចជាងកាហ្វេ។ តែខ្មៅផ្តល់អត្ថប្រយោជន៍ច្រើនដល់សុខភាព ដោយសារតែវាមានផ្ទុកសារធាតុប្រឆាំងអុកស៊ីតកម្ម និងសារធាតុដែលជួយកាត់បន្ថយការរលាកនៅក្នុងរាងកាយ។ ខាងក្រោមនេះគឺជាគុណប្រយោជន៍របស់តែខ្មៅចំពោះសុខភាព។ ១. សុខភាពបេះដូង តែខ្មៅផ្ទុកសារធាតុប្រឆាំងអុកស៊ីតកម្មឈ្មោះ flavonoid ដែលមានប្រយោជន៍ដល់សុខភាពបេះដូង។ ការផឹកតែខ្មៅជាប្រចាំអាចបន្ថយកត្តាហានិភ័យជំងឺបេះដូងផ្សេងៗ ដូចជាលើសសម្ពាធឈាម កម្រិតកូលេស្តេរ៉ូលខ្ពស់ កម្រិតទ្រីគ្លីសេរីនកើនឡើង និងជំងឺធាត់។ ការសិក្សាមួយរកឃើញថាអ្នកដែលផឹកតែខ្មៅ៣ពែងក្នុងមួយថ្ងៃអាចកាត់បន្ថយហានិភ័យការវិវត្តជំងឺបេះដូង ១១%។ ២. បញ្ចុះខ្លាញ់អាក្រក់ (LDL) នៅពេលរាងកាយមានខ្លាញ់អាក្រក់ច្រើនអាចមានការកកនៅក្នុងសរសៃអាកទែរដែលអាចបណ្ដាលឲ្យមានបញ្ហាខ្សោយបេះដូង ឬជំងឺគ្រោះថ្នាក់សរសៃឈាមខួរក្បាល។ ការសិក្សាមួយបានរកឃើញថាការផឹកតែខ្មៅ៥ពែងក្នុងមួយថ្ងៃអាចកាត់បន្ថយកម្រិតខ្លាញ់អាក្រក់បាន១១% ទៅលើអ្នកដែលមានកម្រិតកូលេស្តេរ៉ូលឡើងបន្តិចបន្តួច ។ ៣. សុខភាពពោះវៀន នៅក្នុងពោះវៀនរបស់យើងគឺមានបាក់តេរីដែលមានប្រយោជន៍ដល់សុខភាព។ ការសិក្សាមួយចំនួនបានអះអាងថាបាក់តេរីនៅក្នុងពោះវៀនអាចមានតួនាទីសំខាន់ក្នុងការកាត់បន្ថយហានិភ័យជំងឺមួយចំនួនដូចជាជំងឺរលាកពោះវៀន ជំងឺទឹកនោមផ្អែមប្រភេទ២ ជំងឺបេះដូង ជំងឺធាត់ និងជំងឺមហារីក។ សារធាតុ polyphenol មានក្នុងតែខ្មៅអាចជួយរក្សាសុខភាពពោះវៀនដោយជួយដល់ការលូតលាស់បាក់តេរីល្អ និងរារាំងការលូតលាស់បាក់តេរីអាក្រក់។ ៤. បញ្ចុះកម្រិតជាតិស្ករក្នុងឈាម ការឡើងជាតិស្ករក្នុងឈាមអាចបង្កើនហានិភ័យជំងឺទឹកនោមផ្អែមប្រភេទ២ ជំងឺធាត់ ជំងឺបេះដូង ខ្សោយតម្រងនោម និងជំងឺបាក់ទឹកចិត្ត។ ការផឹកភេសជ្ជៈដែលមានបន្ថែមជាតិស្ករច្រើនអាចបង្កើនកម្រិតជាតិស្ករក្នុងឈាម និងហានិភ័យជំងឺទឹកនោមផ្អែមប្រភេទ២។ តែខ្មៅជាភេសជ្ជៈដែលមិនមានជាតិស្ករ ហើយគេបានរកឃើញថាតែខ្មៅអាចជួយដល់ដំណើរការអាំងស៊ុយលីនក្នុងរាងកាយ។ ៥. ផ្ចង់អារម្មណ៍បានល្អ តែខ្មៅផ្ទុកជាតិកាហ្វេអ៊ីន និងអាស៊ីដអាមីណូ L-theanine ដែលអាចជួយដាស់ស្មារតី និងផ្ចង់អារម្មណ៍បានប្រសើរជាងមុន។ L-theanine ជួយបង្កើតសកម្មភាពក្នុងខួរក្បាលដែលបង្កឲ្យមានការបន្ធូរអារម្មណ៍ និងការផ្ចង់អារម្មណ៍ប្រសើរឡើង។ ការសិក្សាជាច្រើនបានបង្ហាញថាភេសជ្ជៈដែលមាន L-theanine និងកាហ្វេអ៊ីនសុទ្ធតែមានផលល្អសម្រាប់ការផ្ចង់អារម្មណ៍ដោយសារឥទ្ធិពលរបស់ […]