ត្រីមាសទី ១

រោគសញ្ញាពពោះដំបូងចម្លែកៗ ស្រីៗគួរចាប់អារម្មណ៍

យើងត្រូវដឹងថា រាងកាយរបស់មនុស្សជាប្រព័ន្ធស្មុគស្មាញមួយ ហើយការមានផ្ទៃពោះនាំមកនូវការផ្លាស់ប្ដូរជាច្រើនលើរាងកាយ។ ដូច្នេះ នៅពេលដែលស្រីៗមានផ្ទៃពោះ រាងកាយនឹងចាប់ផ្ដើមបង្ហាញរោគសញ្ញាជាក់លាក់ណាមួយ។ ជួនកាល ស្ត្រីបង្ហាញរោគសញ្ញាពពោះដំបូងចម្លែកៗ ហើយបើយើងសង្កេតឃើញមានរោគសញ្ញាខាងក្រោមលេចឡើង វាអាចជាសញ្ញាថាកំពុងមានអីលូតលាស់ក្នុងពោះហើយ។ គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ១. ពិបាកគេង ប្រសិនបើយើងឃើញថា យប់ឡើងពិបាកគេងលក់ ឬឧស្សាហ៍ភ្ញាក់ពីគេងកណ្ដាលយប់ វាអាចជារោគសញ្ញាពពោះដំបូងៗ។ ទោះជាយ៉ាងនេះក៏ដោយ យើងត្រូវរក្សាចិត្តឲ្យស្ងប់ស្ងាត់ និងសម្រាក ធ្វើលំហាត់ប្រាណ កាត់បន្ថយការទទួលទានជាតិកាហ្វេអ៊ីនប្រចាំថ្ងៃ ដើម្បីជួយឲ្យគេងលក់ប្រសើរជាងមុន។ ២. តឹងច្រមុះ ឬឈាមច្រមុះ ស្ដាប់ទៅរាងចម្លែកបន្តិចមែន តែស្ត្រីពពោះខ្លះចេញអាការៈតឹងច្រមុះ ឬឈាមច្រមុះពេលដំបូងៗ។ បញ្ហានេះអាចកើតឡើងដោយសារតែការខ្វះជាតិទឹកក្នុងរាងកាយ។ ៣. ឧស្សាហ៍ផោម ឬប៉ោងពោះ រោគសញ្ញាពពោះដំបូងចម្លែកមួយទៀតនោះគឺ អារម្មណ៍មានខ្យល់ក្នុងពោះ ប៉ោងពោះ ឬឧស្សាហ៍ផោម ឬភើ។ ការពពោះអាចប៉ះពាល់ទៅលើផ្លូវក្រពះពោះវៀន ជាហេតុបណ្ដាលឲ្យមានខ្យល់ក្នុងពោះ ផោម ឬភើញឹក។ ៤. ធ្លាក់សច្រើនខុសធម្មតា ការធ្លាក់សជារឿងធម្មតាទេអំឡុងពេលពពោះ តែបើសិនយើងសម្គាល់ឃើញថា ធ្លាក់សច្រើនខុសធម្មតា វាអាចជាសញ្ញានៃការមានផ្ទៃពោះ។ ផ្ទុយទៅវិញ បើការធ្លាក់សមានក្លិនមិនល្អ ឬមានពណ៌មិនប្រក្រតី គួរទៅជួបគ្រូពេទ្យរោគស្ត្រី។ ៥. មានរសជាតិដែកជាប់មាត់ ស្ត្រីមានផ្ទៃពោះមួយចំនួនមានអារម្មណ៍ដូចកំពុងទំពាវត្ថុធ្វើពីដែក ពេលកំពុងញ៉ាំអី។ នេះក៏ព្រោះតែការកើនឡើងនៃអ័រម៉ូន Estrogen និង Progesterone នៅក្នុងខ្លួន ហើយត្រូវបានគេហៅថា Dysgeusia […]

ត្រីមាសទី ១

សម្បូរសារធាតុចិញ្ចឹមទាំងនេះ ទើបអ្នកមានផ្ទៃពោះគួរតែញ៉ាំផ្លែប៊ើរឲ្យបានច្រើន

ស្រ្តីមានផ្ទៃពោះទាំងអស់ពេទ្យតែងតែណែនាំឲ្យញ៉ាំអាហារ និងផ្លែឈើល្អៗ ដើម្បីបំប៉នសុខភាព ព្រមទាំងការលូតលាស់ក្នុងផ្ទៃ។ ក្នុងនោះផ្លែឈើដែលល្អបំផុតគឺផ្លែប៊ើរ ដែលងាយស្រួលរកទិញ និងមានតម្លៃសមរម្យ។ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានរៀបរាប់ពីអត្ថប្រយោជន៍សម្បូរបែបដែលមានក្នុងផ្លែប៊ើរជួយចំពោះម្ដាយ និងកូនអំឡុងពេលមានផ្ទៃពោះ៖ – សារធាតុ Carotenoids ជួយបង្ការជំងឺមហារីក និងជំងឺភ្នែក។ – សម្បូរប៉ូតាស្យូម ដែលជួយបញ្ចុះសម្ពាធឈាម ទប់ស្កាត់គ្រោះថ្នាក់សរសៃឈាមខួរក្បាល។ – សម្បូរជាតិ folate ដែលជួយការពារសរសៃឈាមបេះដូងដល់ស្ត្រីមានផ្ទៃពោះ។ Folate មាននៅក្នុងផ្លែប៊ើរ ជួយបង្កើនសកម្មភាពមុខងាររបស់សរសៃប្រសាទ និងការពារសរសៃឈាមបេះដូងមានប្រសិទ្ធភាពល្អទ្វេដង។ – ជាតិដែក ជួយប្រព័ន្ធការពារយើងមានភាពរឹងមាំ។ នៅពេលប្រព័ន្ធភាពស៊ាំរឹងមាំ មិនត្រឹមតែអាចបង្ការជំងឺចំពោះខ្លួនឯងប៉ុណ្ណោះទេ ថែមទាំងទារកនៅក្នុងផ្ទៃក៏មានសុខភាពល្អដូចគ្នាដែរ។ – វីតាមីន B6 ជួយបង្កើនប្រព័ន្ធភាពស៊ាំ និងកម្លាំងដើម្បីជំរុញដំណើរការរំលាយអាហារ និងជួយផលិតកោសិកាឈាមដែរ។ – សម្បូរជាតិខ្លាញ់អូមេហ្គា ៣ ដែលជួយស្រួបយកសារធាតុចិញ្ចឹមចូលក្នុងរាងកាយយ៉ាងងាយស្រួលបំផុត។ – ផ្លែប៊ើរក៏សម្បូរណាស់ដែរនូវសារជាតិប្រឆាំងអុកស៊ីតកម្ម ដែលជួយរក្សាស្បែកឲ្យតឹងណែន។ – អាស៊ីដហ្វូលិក ល្អបំផុតសម្រាប់ការអភិវឌ្ឍន៍ខួរក្បាលរបស់ទារកក្នុងផ្ទៃ។ អត្ថបទពាក់ព័ន្ធ៖ ម៉ាក់ៗខ្សោយពេលពពោះ គួរថែទាំសុខភាពបែបណា? បើម្តាយមានជំងឺទាំងនេះ អាចឆ្លងដល់កូនក្នុងផ្ទៃបាន តិចនិកងាយៗ អាចជួយស្រីៗកាត់បន្ថយស្ត្រេសពេលពពោះ ពេលពពោះ ម៉ាក់ៗញ៉ាំពងក្ងាន ពងអូទ្រីស កូនកើតមកឆ្លាត? ពិតអត់ ផឹកទឹកដូងទុំច្រើន ឈឺពោះឆាប់ ស្រួលសម្រាលកូនមែន? ពេលពពោះចេះតែឈឺខ្នង អាចសាកតិចនិកទាំងនេះអាចជួយបាន ពពោះចំខែក្តៅ ស្រីៗគួរចេះតិចនិកទាំងនេះ […]