ត្រីមាសទី ១

រោគសញ្ញាពពោះដំបូងចម្លែកៗ ស្រីៗគួរចាប់អារម្មណ៍

យើងត្រូវដឹងថា រាងកាយរបស់មនុស្សជាប្រព័ន្ធស្មុគស្មាញមួយ ហើយការមានផ្ទៃពោះនាំមកនូវការផ្លាស់ប្ដូរជាច្រើនលើរាងកាយ។ ដូច្នេះ នៅពេលដែលស្រីៗមានផ្ទៃពោះ រាងកាយនឹងចាប់ផ្ដើមបង្ហាញរោគសញ្ញាជាក់លាក់ណាមួយ។ ជួនកាល ស្ត្រីបង្ហាញរោគសញ្ញាពពោះដំបូងចម្លែកៗ ហើយបើយើងសង្កេតឃើញមានរោគសញ្ញាខាងក្រោមលេចឡើង វាអាចជាសញ្ញាថាកំពុងមានអីលូតលាស់ក្នុងពោះហើយ។ គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ១. ពិបាកគេង ប្រសិនបើយើងឃើញថា យប់ឡើងពិបាកគេងលក់ ឬឧស្សាហ៍ភ្ញាក់ពីគេងកណ្ដាលយប់ វាអាចជារោគសញ្ញាពពោះដំបូងៗ។ ទោះជាយ៉ាងនេះក៏ដោយ យើងត្រូវរក្សាចិត្តឲ្យស្ងប់ស្ងាត់ និងសម្រាក ធ្វើលំហាត់ប្រាណ កាត់បន្ថយការទទួលទានជាតិកាហ្វេអ៊ីនប្រចាំថ្ងៃ ដើម្បីជួយឲ្យគេងលក់ប្រសើរជាងមុន។ ២. តឹងច្រមុះ ឬឈាមច្រមុះ ស្ដាប់ទៅរាងចម្លែកបន្តិចមែន តែស្ត្រីពពោះខ្លះចេញអាការៈតឹងច្រមុះ ឬឈាមច្រមុះពេលដំបូងៗ។ បញ្ហានេះអាចកើតឡើងដោយសារតែការខ្វះជាតិទឹកក្នុងរាងកាយ។ ៣. ឧស្សាហ៍ផោម ឬប៉ោងពោះ រោគសញ្ញាពពោះដំបូងចម្លែកមួយទៀតនោះគឺ អារម្មណ៍មានខ្យល់ក្នុងពោះ ប៉ោងពោះ ឬឧស្សាហ៍ផោម ឬភើ។ ការពពោះអាចប៉ះពាល់ទៅលើផ្លូវក្រពះពោះវៀន ជាហេតុបណ្ដាលឲ្យមានខ្យល់ក្នុងពោះ ផោម ឬភើញឹក។ ៤. ធ្លាក់សច្រើនខុសធម្មតា ការធ្លាក់សជារឿងធម្មតាទេអំឡុងពេលពពោះ តែបើសិនយើងសម្គាល់ឃើញថា ធ្លាក់សច្រើនខុសធម្មតា វាអាចជាសញ្ញានៃការមានផ្ទៃពោះ។ ផ្ទុយទៅវិញ បើការធ្លាក់សមានក្លិនមិនល្អ ឬមានពណ៌មិនប្រក្រតី គួរទៅជួបគ្រូពេទ្យរោគស្ត្រី។ ៥. មានរសជាតិដែកជាប់មាត់ ស្ត្រីមានផ្ទៃពោះមួយចំនួនមានអារម្មណ៍ដូចកំពុងទំពាវត្ថុធ្វើពីដែក ពេលកំពុងញ៉ាំអី។ នេះក៏ព្រោះតែការកើនឡើងនៃអ័រម៉ូន Estrogen និង Progesterone នៅក្នុងខ្លួន ហើយត្រូវបានគេហៅថា Dysgeusia […]

ត្រីមាសទី ១

៣ ចំណុច ស្រីៗពពោះត្រូវធ្វើ ដើម្បីបង្ការកុំឲ្យកូនមានជំងឺបេះដូងពីកំណើត

ជំងឺបេះដូងពីកំណើត ជាជំងឺដែលកើតមានតាំងពីទារកនៅក្នុងផ្ទៃម្តាយម្លេះ ដោយសារតែបេះដូងទារកវិវត្តខុសប្រក្រតីផ្នែកណាមួយ។ មានមូលហេតុសំខាន់ ៣ ដែលជំរុញឲ្យទារកមានជំងឺបេះដូងពីកំណើត នេះបើតាមការឲ្យដឹងពីលោកសាស្ត្រាចារ្យវេជ្ជបណ្ឌិត សុខ ជួរ ប្រធានដេប៉ាតឺម៉ង់ជំងឺបេះដូង នៃមន្ទីរពេទ្យកាល់ម៉ែត និងជាប្រធានសមាគមគ្រូពេទ្យបេះដូង។ ដើម្បីបង្ការកូនកុំឲ្យមានជំងឺបេះដូងពីកំណើត ម៉ាក់ៗចាំបាច់ត្រូវប្រុងប្រយ័ត្នពេលមានផ្ទៃពោះ ដែលខាងក្រោមនេះជាគន្លឹះសំខាន់ៗដែលម៉ាក់ចាំបាច់ត្រូវធ្វើឲ្យបាន។ ១- កុំប្រើថ្នាំផ្តេសផ្តាស ក្រៅពីវេជ្ជបញ្ជា ម៉ាក់ៗមិនត្រូវញ៉ាំថ្នាំអ្វីផ្សេងផ្តេសផ្តាសនោះទេ។ កាលណាញ៉ាំថ្នាំផ្តេសផ្តាសដោយគ្មានវេជ្ជបញ្ជា ទោះជាថ្នាំពេទ្យ ឬថ្នាំបុរាណក្តី អាចប៉ះពាល់ដល់ការវិវត្តគភ៌ក្នុងផ្ទៃ និងធ្វើឲ្យកូនមានជំងឺបេះដូងពីកំណើត។ អត្ថបទពាក់ព័ន្ធ៖ ស្រីៗពពោះ ផ្ដាសាយមិនងាយបាត់ អត់ចង់លេបថ្នាំខ្លាចប៉ះពាល់កូន ត្រូវធ្វើម៉េច? ២- ញ៉ាំអាហារឲ្យបានគ្រប់គ្រាន់ ការញ៉ាំអាហារចម្រុះមុខឲ្យបានគ្រប់គ្រាន់ អំឡុងពពោះ ជារឿងចាំបាច់ ដើម្បីឲ្យកូនក្នុងផ្ទៃលូតលាស់បានល្អ។ កាលណាស្រីៗពពោះខ្វះជីវជាតិ ពិសេសខ្វះជាតិដែក និងអាស៊ីដហ្វូលិច អាចធ្វើឲ្យកូនកើតមកមានជំងឺបេះដូងពីកំណើត។ អត្ថបទពាក់ព័ន្ធ៖ ថ្នាំជាតិដែកសំខាន់ចំពោះម៉ាក់ៗ និងបេប៊ី វីតាមីនមិនអាចជំនួសបានទេ ៣- មានជំងឺត្រូវទៅពេទ្យបន្ទាន់ ទោះជាមានជំងឺអ្វីក៏ដោយ មិនថាគ្រុនក្តៅ ផ្តាសាយនោះទេ ស្ត្រីមានផ្ទៃពោះចាំបាច់ត្រូវទៅពេទ្យពិនិត្យសុខភាព និងលេបថ្នាំតាមគ្រូពេទ្យណែនាំ ហើយបើម៉ាក់ៗកើតជំងឺឆ្លងមួយចំនួនទៀត ពិសេសជំងឺស្អូចទៀតរឹតតែគ្រោះថ្នាក់ និងប៉ះពាល់ដល់ការលូតលាស់របស់ទារក ត្រូវទៅជួបគ្រូពេទ្យបន្ទាន់។ អត្ថបទពាក់ព័ន្ធ៖ ស្រីៗកំពុងពពោះ បើកើតស្អូច គ្រោះថ្នាក់ធំដល់កូនក្នុងផ្ទៃណាស់ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ចំណេះដឹងទូទៅ

រោគសញ្ញាពពោះដំបូងចម្លែកៗ ស្រីៗគួរចាប់អារម្មណ៍

យល់សប្ដិពេលពពោះខុសពីយល់សប្តិធម្មតាយ៉ាងណា? មានន័យដូចម្ដេចខ្លះ?

ម៉ាក់ៗពពោះដំបូងៗ គួរដឹងពីប្រការគួរ និងមិនគួរធ្វើក្នុងត្រីមាសទី ១

លើសអ័រម៉ូនទីរ៉ូអ៊ីត ស្រ្តីពពោះ និងកូនអាចជួបគ្រោះថ្នាក់ច្រើន

អាការៈមុនមករដូវ អាចច្រឡំនឹងអាការៈមានផ្ទៃពោះដំបូង?

ស្វែងរក ត្រីមាសទី ១

មកដឹងពីប្រភេទវ៉ាក់សាំង ស្រីៗត្រូវចាក់មុនពេលពពោះ និងពេលពពោះ

ទារកក្នុងផ្ទៃលូតលាស់បានល្អ អាស្រ័យលើកត្តាសំខាន់២នេះ

របៀបញ៉ាំ ៣ បែប មិនធ្វើឲ្យម៉ាក់ៗឡើងគីឡូខ្លាំង តែកូនសុខភាពល្អ

វីតាមីនប្រភេទនេះ ល្អចំពោះម្តាយនិងកូនក្នុងពោះ អាចកាត់បន្ថយជំងឺបម្រុងក្រឡាភ្លើង

ពោះគ្មានស្នាមសង្វារ បើម៉ាក់ៗធ្វើរឿងទាំងនេះ

តិចនិកថែទាំសុខភាព តាំងពីត្រីមាសទី១ ដល់ថ្ងៃសម្រាល

ស្រីៗចែកតិចនិកងាយៗ បង្ការសង្វារពេលពពោះ និងសម្រាលកូន

ទាំងនេះជាក្បាច់ហាត់ប្រាណមានសុវត្ថិភាព និងល្អបំផុត ចំពោះស្រីៗពពោះ

៣ ចំណុច ស្រីៗពពោះត្រូវធ្វើ ដើម្បីបង្ការកុំឲ្យកូនមានជំងឺបេះដូងពីកំណើត

នេះជាប្រភេទវ៉ាក់សាំង ត្រូវចាក់ពេលពពោះ

អ្នកជំនាញវេជ្ជសាស្ត្ររបស់យើង