home

ត្រីមាសទី ១

ត្រីមាសទី ១ - ផុត​ពីការ​ត្រៀម ចូល​ដល់​វគ្គ​មាន​ទម្ងន់ ពពោះ​ក្លាយ​ជា​ម្ដាយ ក្លាយ​ជា​ឪពុក​គេ​ហើយ។ ផ្នែក​នេះ​នឹង​ចងក្រង​កត្តា​គួរ​ប្រុងប្រយ័ត្ន​បន្ថែម ការ​តាមដាន​គភ៌ ឆែក​សុខភាព​ម្ដាយ ព្រម​ទាំង​ការ​លូតលាស់ និង​សុខភាព​កូន​ក្នុង​ផ្ទៃ​ត្រីមាសទី ១

ចំណេះដឹងទូទៅ

ត្រីមាសទី ១

ការ​ទទួល​បាន​សារធាតុ​ចិញ្ចឹម និង​វីតាមីន​គ្រប់គ្រាន់​ចូល​ក្នុង​រាងកាយ​អំឡុង​ពេល​ពពោះ ពិត​ជា​សំខាន់​ណាស់​សម្រាប់​ម៉ាក់​ៗ​​គ្រប់​រូប ព្រោះ​អាហារ​ទាំង​នោះ មិន​ត្រឹម​តែ​ចូល​ទៅ​ចិញ្ចឹម​ទាំង​រាងកាយ និង​សុខភាព​របស់​ម៉ាក់​ៗ​ទេ វា​ក៏​ជួយ​ទ្រទ្រង់​ទៅ​ដល់​ការ​លូត​លាស់​របស់​កូន​ក្នុង​ផ្ទៃ​ដែរ។ ជាពិសេស ពពួក​វីតាមីន និង​សារធាតុ​រ៉ែ​មួយ​ចំនួន គឺ​ម៉ាក់​ៗ​ពពោះ​ខ្វះ​មិន​បាន​តែ​ម្ដង ដើម្បី​សុខភាព និង​ការ​លូតលាស់​របស់​គភ៌​បាន​ល្អ។ លោក​វេជ្ជបណ្ឌិត សឿ ច័ន្ទវិសាល ឯកទេស​ផ្នែក​សម្ភព និង​រោគ​ស្ត្រី​បាន​បកស្រាយ​ពី​អាហារ​ដែល​សម្បូរ​សារធាតុ​ចិញ្ចឹម និង​វីតាមីន​ដែល​បន្ថែម​ទៅ​ក្នុង​របប​អាហារ​ប្រចាំ​ថ្ងៃ​តាំង​ពី​ត្រី​មាស​ទី​១ រហូត​ដល់​ពេល​ម៉ាក់​ៗ​ពពោះ​សម្រាល​មាន​ដូច​ជា៖ ចាប់​តាំង​ពី​មាន​ផ្ទៃពោះ​ រហូត​ដល់​សម្រាល ១. ជាតិ​ដែក៖ ដើម្បី​បង្កើន​កោសិកា​ឈាម​ក្រហម ទប់ស្កាត់​ជំងឺ​ខ្វះ​គ្រាប់​ឈាម ២. អាស៊ីដ​ហ្វូ​លិក ( folic acid)៖ ដើម្បី​ទប់ស្កាត់​ទារក​មាន​ជំងឺលៀនខួរឆ្អឹងខ្នង (Spina bifida) ដែល​បណ្ដាល​មក​ពី​កង្វះ​អាស៊ីដហ្វូលិក ជា​ជំងឺ​ខុស​ប្រក្រតី សរសៃ​ប្រសាទ​នៅ​ត្រង់​ចង្កេះ​ដែល​មិន​អាច​បញ្ជា​សរីរាង្គ​ចាប់​ពី​ចង្កេះ​ចុះ​ក្រោម​បាន ឬ​បញ្ជា​បាន​តិច​តួច ៣. ពពួក​វីតាមីន និងរ៉ែ : វីតាមីន B12 , B6, វីតាមីន A, ជាតិស័ង្កសី, កាល់ស្យូម ដើម្បី​ជំនួយ​សុខភាព​មាតា និង​ទារក។ ចាប់ពីត្រីមាសទី២ រហូតសម្រាល ១. កាល់​ស្យូម៖ ដើម្បី​ឆ្អឹង​កូន​ក្នុង​ផ្ទៃ​លូតលាស់​ល្អ ២. សារធាតុ DHA៖ ដើម្បី​ខួរក្បាល​កូន​លូតលាស់​ល្អ ​ឆ្លាត​វៀងវៃ ចំណាំ៖ ស្ត្រី​មាន​ផ្ទៃពោះ […]

ស្វែងរក​បន្ថែម​ទៀត ត្រីមាសទី ១ អត្ថបទ

ត្រីមាសទី ១

ខួរក្បាលជាផ្នែកមួយសំខាន់ ហើយម៉ាក់ប៉ាក៏ខ្វាយខ្វល់ជាងគេដែរ តើធ្វើម៉េចខ្លះដើម្បីឲ្យខួរក្បាលកូនក្នុងផ្ទៃលូតលាស់បានល្អ កើតមកឆ្លាតនោះ? លោកវេជ្ជបណ្ឌិត អ៊ុន យូ បម្រើការងារនៅមន្ទីរពេទ្យកុមារជាតិ បានលើកឡើងថា អាហារដែលមាន DHA (Docosahexaenoic Acid) ដើរតួនាទីសំខាន់ជួយឲ្យខួរក្បាលទារកក្នុងផ្ទៃលូតលាស់បានល្អ កើតមកឆ្លាតវាងវៃ ឯភ្នែកក៏ភ្លឺច្បាស់។ ក្នុងនោះអាស៊ីដខ្លាញ់អូមេហ្កា ៣ ជាប្រភពដើមដែលផ្តល់នូវ DHA។ បើតាមអង្គការសុខភាពពិភពលោក (WHO) អំឡុងពពោះជាពេលដែលប្រឈមនឹងការខ្វះអូមេហ្កា ៣ ដោយសារជាលិកាម្ដាយដែលផ្ទុកវាធ្លាក់ចុះ ហើយយើងត្រូវប្រើវាដើម្បីឲ្យទារកលូតលាស់បានល្អ បែបនេះទើបតម្រូវឲ្យស្ត្រីពពោះបំពេញបន្ថែមនូវអាស៊ីដខ្លាញ់អូមេហ្កា ៣ តាមរយៈអាហារ ឬថ្នាំវីតាមីន។ ស្ត្រីពពោះដែលទទួលបានអាស៊ីដខ្លាញ់អូមេហ្គា៣ គ្រប់គ្រាន់ អាចបង្ការកូនកើតមុនខែ ជំងឺក្រឡាភ្លើងចំពោះម្ដាយ ជំងឺបាក់ទឹកចិត្តក្រោយសម្រាល បង្កើនទម្ងន់កូន និងផ្តល់គុណប្រយោជន៍ផ្សេងទៀតដល់ទារក ដូចជាបង្កើនការលូតលាស់ខួរក្បាលរបស់ទារកក្នុងផ្ទៃ ហើយកាត់បន្ថយគ្រោះថ្នាក់ជំងឺខួរក្បាល។ ប្រភពអាស៊ីដខ្លាញ់អូមេហ្គា ៣ ដែលស្ត្រីមានផ្ទៃពោះត្រូវការចាំបាច់សម្រាប់ការលូតលាស់ខួរក្បាល មាននៅក្នុងត្រីសមុទ្រ ដូចជាត្រីសាលម៉ុន ស្រីសាឌីន បង្គាធំៗ ក្រៅពីនោះមាននៅក្នុងសាច់ ស៊ុត គ្រាប់វ៉លណាត់ សណ្តែកសៀង សុទ្ធតែជាប្រភពសម្បូរអាស៊ីដខ្លាញ់អូម៉េហ្កា៣។ ទោះបីជាត្រីសមុទ្រសម្បូរទៅដោយអាស៊ីដខ្លាញ់អូមេហ្កា ៣ ក៏ពិតមែន ប៉ុន្តែក្នុងនោះស្ត្រីពពោះគួរចៀសវាងត្រីសមុទ្រធំ រស់នៅក្នុងទឹកជ្រៅ ដូចជា ត្រីឆ្លាម ត្រីថាសហ្វីស […]

ត្រីមាសទី ១

គុណសម្បត្តិនៃពពួកសណ្ដែកចំពោះសុខភាពមានច្រើនខ្លាំងណាស់ ហើយក្នុងនោះ វេជ្ជបណ្ឌិត គាន់ អូន បានឲ្យដឹងថា សណ្ដែកច្រើនប្រភេទណាស់ដែលយើងអាចរកទិញបាននៅលើទីផ្សារ យកមកញ៉ាំបាន។ ដោយហេតុសណ្ដែកមានប្រយោជន៍ច្រើន ទើបគេយកសណ្ដែកទៅកែច្នៃធ្វើអាហារច្រើន ក្នុងនោះមានបញ្ចូលក្នុងរូបមន្តទឹកដោះម្សៅដែរ។ បើស្ត្រីមានផ្ទៃពោះញ៉ាំសណ្ដែក ឬផលិតពីសណ្តែកវិញ គភ៌ក្នុងផ្ទៃក៏ទទួលបានសារធាតុចិញ្ចឹមច្រើន ហើយពេលកូនធំឲ្យញ៉ាំក៏លូតលាស់បញ្ញាស្មារតីល្អដែរ។ ប្រធានផ្នែករោគស្ត្រីនៃមន្ទីរពេទ្យកាល់មែត បានរៀបរាប់ពីផលល្អរបស់ទឹកសណ្ដែកចំពោះស្ត្រីមានផ្ទៃពោះថា ពេលបានផឹកទឹកសណ្ដែកញឹកញាប់ពិតជាល្អ ព្រោះសម្បូរទៅដោយជាតិកាល់ស្យូម ប្រូតេអ៊ីន វីតាមីន B1, A , E អាស៊ីដហ្វូលិក អាស៊ីដខ្លាញ់ និងកាបូអ៊ីដ្រាត ដែលសុទ្ធសឹងចាំបាច់សម្រាប់ទារកក្នុងផ្ទៃ ជួយឲ្យកូនមានសុខភាពល្អ។ អត្ថប្រយោជន៍មួយទៀត គឺវាអាចធ្វើឲ្យខួរក្បាលកូនក្នុងផ្ទៃលូតលាស់បានល្អ ក្រោយពេលកើតចេញមក ឆ្លាតវាងវៃ រៀនឆាប់ចាំ។ ចំពោះការទទួលទានដោយសុវត្ថិភាព គឺ៣-៤ ដង/ថ្ងៃ តែបើមានបញ្ហាអាលែកហ្ស៊ីសូមកុំផឹក ឬញ៉ាំអី។   វេជ្ជបណ្ឌិតតំណាងគ្រូពេទ្យវះកាត់រោគស្ត្រីអាស៊ីប៉ាស៊ីហ្វិកប្រចាំនៅកម្ពុជារូបនោះ បានណែនាំឲ្យស្ត្រីពពោះផឹកទឹកសណ្ដែកសៀងធ្វើខ្លួនឯង ជាជាងទិញស្រាប់ ហើយសណ្ដែក ២ ប្រភេទផ្សេងទៀតដូចជា សណ្ដែកក្រហម ខៀវ សុទ្ធតែផ្ដល់គុណប្រយោជន៍រៀងខ្លួនទៀត។ - សណ្ដែកក្រហមសម្បូរទៅដោយសារធាតុប្រឆាំងអុកស៊ីតកម្ម ជាតិដែក ជាតិសរសៃ និងប្រូតេអ៊ីនជួយឲ្យកូនលូតលាស់បានល្អទាំងផ្នែកបញ្ញាស្មារតី និងរាងកាយ ហើយប្រូតេអ៊ីនដើរតួយ៉ាងសំខាន់ជួយក្នុងការវិវឌ្ឍរបស់កូន។ ដូចនេះគួរញ៉ាំសណ្ដែកក្រហមក្នុងត្រីមាសទី ២ […]

ត្រីមាសទី ១

មនុស្ស​ស្រី​ទាំងអស់​ពេល​ពពោះ​ជួប​បញ្ហា​លំបាក​អំឡុង​ពេល​គេង ជាពិសេស​ពេល​ពោះ​កាន់​តែ​ធំ ដោយ​យប់​ខ្លះ​មិន​អាច​គេង​លក់​ស្កប់ស្កល់ ត្រូវ​ប្រែ​ទៅ​ប្រែ​មក។ កាលណា​គេង​មិន​បាន​គ្រប់គ្រាន់​សុខភាព​យើង និង​គភ៌​ក៏​មិន​ប្រសើរ​ដែរ។ វេជ្ជបណ្ឌិត ចាន់ ស៊ីណេត បាន​ឲ្យ​ដំបូន្មាន​ថា ដើម្បី​ងាយ​គេង​លក់​ស្កប់ស្កល់ និង​ការពារ​សុខភាព​កូន​ក្នុង​ផ្ទៃ គួរ​គេង ២ បែប​នេះ។ ១- គេង​មាន​កល់​ខ្នើយ បើ​យើង​ពិបាក​ក្នុង​ការ​គេង​ណាស់ អាច​យក​ខ្នើយ​មក​កល់​ដាក់​ក្រោម​ជើង ដើម្បី​សម្រួល​ការ​លំបាក​ចុក​រួយ​ជើង ចុក​រួយចង្កេះ និង​ជួយ​ឲ្យ​ចលនាឈាមរត់​ស្រួល ឬ​មិន​ហើម​ជើង។ យើង​ក៏​អាច​បន្ថែម​ខ្នើយ​ទៅ​កល់​ពី​ក្រោយ​ខ្នង ដើម្បី​កាត់​បន្ថយ​អាការៈ​ឈឺ ឬ​ជាប់​ចង្កេះ។ ២- គេង​ផ្អៀង​ចំហៀង គេង​ផ្អៀង​ទៅ​ចំហៀង​ជា​ជម្រើស​ល្អ​បំផុត ជាពិសេស​គឺ​ការ​គេង​ផ្អៀង​ទៅ​ឆ្វេង។ គេង​ផ្អៀង​ទៅ​ឆ្វេង​អាច​ជួយ​ពង្រឹង​របត់​ឈាម​រត់ បង្កើន​លំហូរ​ឈាម​បាន​កាន់​តែ​ច្រើន​ដល់​គភ៌ បេះដូង និង​តម្រង​នោម។ មិន​តែ​ប៉ុណ្ណោះ វា​ក៏​ជួយ​ការពារ អាការៈ​ក្រហាយ​ដើម​ទ្រូង និង​អាការៈ​ឈឺខ្នង ឈឺ​ចង្កេះ​បាន ព្រម​ទាំង​ជួយ​សម្រួល​លំហូរ​ឈាម​ទៅ​ក្នុង​ស្បូន និង​បង្កើន​សារធាតុចិញ្ចឹម ដល់​សុក ដែល​នាំឲ្យ​ទារក​កាន់តែ​មាន​សុខភាព​ល្អ។

ត្រីមាសទី ១

ថ្មីៗ​នេះ កម្មវិធី​ជាតិ​ផ្តល់​ថ្នាំ​បង្ការ នៃក្រសួង​សុខាភិបាល​បាន​ចេញ​សេចក្តី​ណែនាំ​ឲ្យ​ផ្លាស់ប្តូរ​ប្រភេទ​វ៉ាក់សាំង​តេតាណូស​ប្រភេទ​ថ្មី គឺ​វ៉ាក់សាំង​តេតាណូស-ខាន់ស្លាក់ (Td Vaccine)។ គោលការណ៍​ផ្លាស់ប្តូរ​វ៉ាក់សាំង​នេះ​សម្រាប់​ស្ត្រី​មាន​ផ្ទៃពោះ និង​ស្ត្រី​ក្នុង​វ័យ​បន្តពូជ ដោយ​ត្រូវ​ចាក់​សាច់ដុំ លើ​ស្មា​ខាង​ស្តាំ ចំនួន​៥​ដង ទើប​គ្រប់​ដូស្ត អាច​ការពារ​ជំងឺ​តេតាណូស​បាន​១​ជីវិត និង​ការពារ​ជំងឺ​ខាន់​ស្លាក់។ ខាង​ក្រោម​នេះ​ជា​កាល​វិភាគ​ចាក់​វ៉ាក់សាំង​តេតាណូស-ខាន់ស្លាក់ (Td Vaccine)៖ ១. ស្ត្រី​ក្នុង​វ័យ​បន្តពូជ អាយុ ១៥-៤៥ឆ្នាំ លើក​ទី១៖ ចាប់​អាយុ ១៥ឆ្នាំ លើកទី២៖ យ៉ាងតិច ១ខែ ក្រោយ​ចាក់​លើកទី១ លើក​ទី៣៖ យ៉ាង​តិច ៦ខែ ក្រោយ​ចាក់​លើក​ទី២ លើក​ទី៤៖ យ៉ាង​តិច ១ឆ្នាំ ក្រោយ​ចាក់លើក​ទី៣ លើក​ទី៥៖ យ៉ាង​តិច ១ឆ្នាំ ក្រោយ​ចាក់​លើក​ទី៤ ២. ស្ត្រី​មាន​ផ្ទៃពោះ លើក​ទី១៖ នៅ​ពេល​ចាប់​ផ្តើម​មាន​ផ្ទៃពោះ លើកទី២៖ យ៉ាង​តិច ១ខែ ក្រោយ​ចាក់​លើក​ទី១ លើកទី៣៖ ពេល​មាន​ផ្ទៃពោះ​លើក​ក្រោយ លើកទី៤៖ ពេល​មាន​ផ្ទៃពោះ​លើក​ក្រោយ លើកទី៥៖ ពេល​មាន​ផ្ទៃពោះ​លើក​ក្រោយ ការ​ផ្លាស់ប្តូរ​ប្រភេទវ៉ាក់សាំង​តេតាណូស​នេះ ដើម្បី​ធានា​ការពារ​ជំងឺ​ខាន់​ស្លាក់​ប្រកប​ដោយ​ចីរភាព ដោយចាប់ផ្តើមនៅទូទាំងប្រទេស នៅឆ្នាំ២០២០នេះ។

ត្រីមាសទី ១

ជា​ធម្មតា​ម៉ាក់​ៗ​ដែល​មាន​អាការៈ​ចាញ់​កូន​ត្រឹម ៣ ខែ​ដំបូង តែ​ក៏​មាន​ខ្លះ​ទៀត​ចាញ់​ច្រើន​ខែ ឬ​រហូត​ដល់​ជិត​កើត​ក៏​មាន។ លោក​វេជ្ជបណ្ឌិត ហ៊ាង រតនា បាន​ឲ្យ​ដឹង​ថា ចាញ់​កូន​មកពី​ការ​ផ្លាស់ប្ដូរ​អ័រម៉ូន​អំឡុង​ពេល​មាន​ផ្ទៃពោះ​នេះ​តែ​ម្ដង។ លោក​បន្ត​ទៀត​ថា ប្រភេទ​នៃ​ការ​ចាញ់​នេះ ម៉ាក់​ៗ​ភាគ​ច្រើន​ចេះ​តែ​ចង់​ក្អួត​ចង្អោរ ឬ​ក្អួត​ចង្អោរ​នៅ​រៀងរាល់​ព្រឹក​ព្រលឹម ឬ​ធុំ​ក្លិន​អាហារ និង​ក្លិន​ក្រអូប​មិន​បាន​ជា​ដើម។ ​វេជ្ជបណ្ឌិត​ឯកទេស​ជំងឺ​ទូទៅ រូប​នោះ​បាន​បន្ត​ទៀត​ថា ការ​ព្យាបាល ឬ​កាត់​បន្ថយ​អាការៈ​ក្អួត​ចង្អោរ​ក្នុង​អំឡុង​ពេល​មាន​ផ្ទៃពោះ គឺ​ដូចគ្នា​ទៅ​នឹង​ការ​ថែទាំ​សុខភាព​ខ្លួនឯង ដោយ​ការ​ញ៉ាំ​គ្រាប់​ធញ្ញជាតិ​ឲ្យ​បាន​ច្រើន។ គ្រាប់​ធញ្ញជាតិ​សម្បូរ​ពពួក​វីតាមីន B វីតាមីន B កំផ្លេច ដែល​អាច​ជួយ​កាត់​បន្ថយ​ការ​ចាញ់ ក្នុង​នោះ​មាន​ដូចជា​សណ្ដែក​ដី គ្រាប់​ស្វាយ​ចន្ទី កៅឡាក់ អាល់ម៉ុន គ្រាប់​រីករាយ វ៉ុលណាត់ ជាដើម។ ក្រៅពី​មាន​ជាតិ​វីតាមីន B វា​ក៏​សម្បូរ​សារធាតុ​ចិញ្ចឹម​ផ្សេង​ៗ​ដូចជា អាស៊ីដ​ខ្លាញ់​អូមេហ្គា ៣ ម៉ាញេសូម។ ក្នុង​នោះ​យើង​អាច​សាកល្បង​វិធី​មួយ​ចំនួន​ដូច​ខាង​ក្រោម​ទៀត ដើម្បី​កាត់​បន្ថយ​អាការៈ​ចាញ់៖ - ញ៉ាំ​អាហារ​សាប​ៗ - ញ៉ាំ​តិច​ៗ តែ​ច្រើន​ដង - ញ៉ាំ​អាហារ​មាន​ជាតិ​ខ្ញី - ផឹកទឹក​ឲ្យ​បាន​ច្រើន - កុំ​ញ៉ាំ​អាហារ​ហឹរ និង​មាន​ជាតិ​ខ្លាញ់

ត្រីមាសទី ១

អំឡុងពេលពពោះ ចាស់ៗពីដើមតែងតែបារម្ភ ណែនាំយើងកុំធ្វើនេះ កុំធ្វើនោះ តាមបទពិសោធពួកគាត់ធ្លាប់ឆ្លងកាត់ ដោយ​រាប់បញ្ចូលទាំងអារឿងរួមភេទទៀតផង ពិសេសគឺ​ពេល​ជិតគ្រប់ខែតែម្ដង​។ ចាស់ៗត្រណមណាស់ ខ្លាចអ៊ីចេះ ខ្លាចអ៊ីចុះ ! ប៉ុន្តែវេជ្ជស្រាស្រ្តសម័យនេះ​មិនបានហាមទេ ថែមទាំងលើកទឹកចិត្តឲ្យយើង​រួម​ភេទ​ដល់​ថ្ងៃ​សម្រាល​ទៀតផង គ្រាន់តែធ្វើក្នុងសកម្មភាព​​ថ្នមៗ​គ្រប់​គ្រាន់​ហើយ​ ខណៈមូលហេតុ គឺដោយសារគុណប្រយោជន៍ដ៏អស្ចារ្យខាងក្រោមនេះឯង។​ ១- ជាវិធីមានសុវត្ថិភាព និងប្រសិទ្ធភាពបំផុតដើម្បីរក្សាទំនាក់ទំនងប្តីប្រពន្ធ គ្នាយើងអាចប្រហែលជាកម្រគិតដល់រឿងរួមភេទ ព្រោះគ្នាយើងពិសេសស្រីៗអាចនឹងគិតថា​ការរួមភេទ​ពេល​កំពុង​ពពោះ​នឹងធ្វើឲ្យកូនក្នុងផ្ទៃយើងឈឺចាប់បាន។ ដល់ពេលឈប់ប្រើទស្សនៈបែបនេះទៀតហើយ ! ដរាបណាវេជ្ជបណ្ឌិត មិនបានណែនាំយើងកុំឲ្យបន្តរួមភេទពេលពពោះនោះ មានន័យថា រួមភេទពេលពពោះ​នៅតែមានសុវត្ថិភាពសម្រាប់ម៉ាក់ៗ​និងបេប៊ី។ ហេតុនេះ កុំបារម្ភអី ! យ៉ាងណាក៏ដោយ ពេលយើងរួមភេទ​ក៏មិនបណ្តាលឲ្យប៉ះពាល់អូនៗក្នុងផ្ទៃ ឬ​បង្ក​ហានិភ័យ​​ឆ្លង​​មេរោគ​ទៅ​អូន​នោះ​ដែរ ​(ត្រួវច្បាស់ថា ដៃគូរួមភេទយើង​គ្មានជំងឺកាមរោគ)។ បើទោះជាស្រីៗកំពុងពពោះ មានបញ្ហាសុខភាពមួយចំនួន​ក្តី​ ប៉ុន្តែការឈានដល់ចំណុចកំពូល គឺមិនអាចបង្កើនឱកាសនាំឲ្យរលូតកូន ឬសម្រាលមុនខែនោះដែរ។ ២- រួមភេទពេលពពោះ អាចនឹងធ្វើឲ្យយើងមានអារម្មណ៍កាន់តែអស្ចារ្យជាងពេលធម្មតា បម្រែបម្រួលអ័រម៉ូនពេលពពោះ អាចជួយឲ្យចំណង់ផ្លូវភេទយើងកាន់តែពុះកញ្ជ្រោលជាងពេលធម្មតា​ទៅ​ទៀត​។ ​ចុះ​​មាន​​ដឹង​​អ្វីកាន់​តែ​អស្ចារ្យជាង​នេះ​ដែរ​អត់?​ កំណើនលំហូរឈាមទាំងអស់ទៅកាន់បបូរទ្វារមាស នឹងធ្វើឲ្យអារម្មណ៍រំជើបរំជួលកើនឡើងក្នុងកម្រិត​ខ្ពស់​បំផុត ​ហើយវានឹងផ្តល់នូវបទពិសោធផ្លួវភេទដ៏ពុះកញ្ជ្រោល រោលរាល ជាមួយនឹងការឈានដល់ចំណុចកំពូលយើងមិនធ្លាប់​ឆ្លង​កាត់​ពី​មុន​ក្នុង​ជីវិត​។ អំឡុងពេលនេះ គ្នាយើងអាចនឹងរកឃើញតំបន់ស្រណុកសុខស្រួល និង​ផ្តល់​ភាព​រីករាយ​ឲ្យ​យើង ដែល​ធ្លាប់​ដឹង​ពី​មុន​មក។ អត្ថបទពាក់ព័ន្ធ៖ អាថ៌កំបាំងសុខភាពពីការរួមភេទទាំង ៥ យ៉ាង គ្នា​យើង​គួរ​ដឹង ពេលណាមេជីវិតញីធ្លាក់ […]

ត្រីមាសទី ១

ស្រីៗ ​ស្ទើរ​តែ​គ្រប់​គ្នា​ច្បាស់​ជា​ធ្លាប់​ឮ​ហើយ​ពាក្យ​ថា ទឹក​ភ្លោះ ជា​ពិសេស​នៅ​ពេល​ស្ត្រីពពោះជិត​សម្រាល​កូន​ដែល​តែង​ស្រែក​ថា​បែក​ទឹក​ភ្លោះ​។ តែ​ធ្លាប់ឆ្ងល់ទេ​ថា ទឹក​ភ្លោះ​ដែល​មាន​អំឡុង​ពេល​ពពោះ មាន​តួ​នាទី​សំខាន់​យ៉ាង​ម៉េច​ខ្លះ​ដល់​កូន​ក្នុង​ផ្ទៃ? បើ​តាម​លោក​វេជ្ជបណ្ឌិត ចាន់ រស្មី ជំនាញ​ផ្នែក​សម្ភព និង​រោគ​ស្ត្រី​បាន​ឲ្យ​ដឹង​ថា ជា​ទូទៅ​ទឹក​ភ្លោះ​ចាប់​ផ្ដើម​កកើត​ឡើងតាំង​ពី​សប្ដាហ៍​ដំបូង​នៃ​ការ​មាន​គភ៌ ហើយ​វា​កើត​ចេញ​ពី​ទឹក​រងៃ និង​ឈាម​របស់​ម្ដាយ​ដែល​ជ្រាប​ចូល​ទៅ​តាម​រយៈ​សុក ត​មក​ពី​វត្ថុ​រាវ​ដែល​បាន​ជ្រាប​ចូល​តាម​រយៈ​ស្បែក​របស់​ទារក​ក្នុង​ផ្ទៃ និង​ទឹក​នោម​របស់​ទារក។ តើ​ទឹក​ភ្លោះ​មាន​តួ​នាទី​អ្វី​ខ្លះ​? លោក​វេជ្ជបណ្ឌិត​ថា ទឹក​ភ្លោះ​ជា​វត្ថុ​រាវ​ដែល​នៅ​ចាំ​ការពារទារក​នៅ​ក្នុង​ផ្ទៃ​ម្ដាយ ហើយ​វា​មាន​តួ​នាទី​ដូច​ជា៖ -  ​ជួយ​ការពារការ​ប៉ះ​ទង្គិច ការ​ញ័រ​រញ្ជួយពី​ខាង​ក្រៅ​ ​(វា​មាន​ជាតិ​ទឹក​៩២% និង​មាន​សារ​ធាតុ​ផ្សេង​២%​) - រក្សា​សីតុណ្ហភាព ឲ្យ​ទារក​ក្នុង​ផ្ទៃ​មាន​ភាព​កក់​ក្ដៅ - អាច​ឲ្យ​កូន​ធ្វើ​ចលនា​ដៃ​ជើង​បាន​ដោយ​សេរី (ឧ.ដូច​បាន​ហែល​ទឹក​នៅ​ក្នុង​ពោះ​ម្ដាយ) -ទារក​នៅ​ក្នុង​ពោះ​បាន​ហ្វឹក​ហាត់​ការ​លេប​ទឹក​ចូល​ពោះ តាំង​ពី​នៅ​ក្នុង​ពោះ ដោយ​ការ​លេប​ទឹក​ភ្លោះ។ ការ​ធ្វើ​បែប​នេះ ជា​ការ​ចាប់​ផ្ដើម​ដំណើរ​ការ​គ្រឿង​ក្នុង​​ទារក។ ​ពេល​មុន​សម្រាល​ កូន​នៅ​ក្នុង​ផ្ទៃ​ម្ដាយអាយុ​គ្រប់​២០​សប្ដាហ៍ ទឹក​ភ្លោះ​នឹង​ជ្រាប​ចេញ​ចូល​តាម​ស្រទាប់​ស្បែក​លែង​បាន​ទៀត​ហើយ វា​នឹង​ចេញ​មក​តាម​ទឹក​មូត្រ​របស់​ទារក ហើយ​ទារក​ក៏​លេប​ទឹក​ភ្លោះ​ចូល​ទៅ​វិញ វិល​ទៅ​វិល​មក​ជារឿយៗ។ លោក​គ្រូពេទ្យ​ជំនាញ​ផ្នែក​សម្ភព និង​រោគ​ស្ត្រី​រូប​នេះបាន​បញ្ជាក់​ឲ្យ​ដឹង​ថា ការ​ពិនិត្យ​មើល​ទឹក​ភ្លោះ​ក៏​អាច​ប្រាប់​ឲ្យ​ដឹង​ពី​សុខភាព និង​ការ​លូត​លាស់​របស់​ទារក​ក្នុង​ផ្ទៃ​បាន​ដែរ ក៏ប៉ុន្តែ ទោះ​ទឹក​ភ្លោះ​មាន​តួ​នាទី​សំខាន់​ច្រើន​​ដល់​ទារក​ដូច​ដែល​បាន​រៀប​រាប់​ក៏​ដោយ ​ក្នុង​ករណី​ដែល​បរិមាណ​ទឹក​ភ្លោះ​មាន​តិច​ពេក ឬ​ច្រើន​ពេក​ខុស​ប្រក្រតី ក៏​អាច​បង្ក​គ្រោះ​ថ្នាក់​ដល់​សុខភាព​កូន​ក្នុង​ផ្ទៃ​ដែរ។

គ្រូពេទ្យឯកទេសផ្នែក ត្រីមាសទី ១ របស់យើង

មើល​បន្ថែម​ពី​គ្រូពេទ្យ​ឯកទេសsee-more-icon
expert-avatarbadge
វេជ្ជ. ចាន់ ស៊ីណេត

ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ

x