សុខភាពបេះដូង Archives - Page 9 of 27

នៅសុខៗអាចលើសសម្ពាធឈាម បើយប់ឡើងគេងមិនលក់

ការគេងលក់ស្កប់ស្កល់ពេញមួយយប់ ផ្តល់អត្ថប្រយោជន៍យ៉ាងច្រើនដល់សុខភាព។ ផ្ទុយទៅវិញ មានកត្តាផ្សេងៗ ដែលធ្វើឲ្យគ្នាយើងពិបាកគេង ដែលបញ្ហានេះ អាចមានទំនាក់ទំនងទៅនឹងហានិភ័យនៃបញ្ហាសុខភាពជាច្រើន រួមមានការលើសសម្ពាធឈាម ជំងឺបេះដូង ជំងឺតម្រងនោម ទឹកនោមផ្អែម គ្រោះថ្នាក់សរសៃឈាមខួរក្បាល ឡើងទម្ងន់ ហឺត និងបាក់ទឹកចិត្ត ជាដើម។ យ៉ាងណាមិញ ការសិក្សាចុងក្រោយមួយ ដោយក្រុមអ្នកស្រាវជ្រាវ Brigham បានរកឃើញពីទំនាក់ទំនងនៃរោគសញ្ញាគេងមិនលក់ និងការលើសសម្ពាធឈាមចំពោះស្ត្រី។ ជាក់ស្តែង លទ្ធផលនៃការសិក្សាបានបង្ហាញថា អ្នកគេងមិនបានគ្រប់គ្រាន់ អាចមានហានិភ័យខ្ពស់នៃការលើសសម្ពាធឈាម។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ហេតុអ្វីបានជាការគេងមិនគ្រប់គ្រាន់មានហានិភ័យខ្ពស់នៃការលើសសម្ពាធឈាម? ពិតណាស់ បច្ចុប្បន្ននេះ ទាំងការលើសសម្ពាធឈាម និងវិបត្តិដំណេក កើតឡើងជាទូទៅចំពោះមនុស្សពេញវ័យ។ ថ្វីត្បិតតែក្រុមអ្នកស្រាវជ្រាវនៅមិនទាន់រកឃើញមូលហេតុជាក់លាក់ពីផលប៉ះពាល់នៃការគេងមិនគ្រប់គ្រាន់ ដែលបង្កហានិភ័យនៃការលើសសម្ពាធឈាមក៏ពិតមែន ប៉ុន្តែបញ្ហានេះ អាចបណ្តាលមកពីការកើនឡើងនៃការចាល់ជាតិអំបិល រឹងសរសៃឈាម និងការច្របាច់បេះដូងមានសភាពខ្សោយ ដែលជាឫសគល់បណ្តាលឲ្យកើតជាជំងឺលើសឈាម។ [embed-health-tool-heart-rate] បន្ថែមពីនេះ យោងតាមការសិក្សាដដែលបានរកឃើញថា ស្ត្រីដែលជួបបញ្ហាពិបាកគេង ក៏មានសន្ទស្សន៍ម៉ាសរាងកាយខ្ពស់ កង្វះសកម្មភាពរាងកាយ និងរបបអាហារមិនល្អផងដែរ។ ដូច្នេះហើយ ប្រការចម្បង គ្នាយើងគួរគេងឲ្យបានគ្រប់គ្រាន់ ចាប់ពី៧ម៉ោងឡើងទៅនៅក្នុងមួយថ្ងៃ ទើបអាចជៀសឆ្ងាយពីបញ្ហាសុខភាពជាក់លាក់មួយចំនួន។ អត្ថបទគួរអាន៖ ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ ផ្លែឈើទាំង៨មុខនេះ ល្អសម្រាប់សុខភាពបេះដូង ឈឺទ្រូងផ្នែកកណ្ដាល […]

ជំងឺលើសសម្ពាធឈាម

វិធីថែសុខភាពអ្នកមានបញ្ហាសម្ពាធឈាមខ្ពស់ ក្នុងវិបត្តិកូវីដ១៩

ក្នុងរយៈពេលនៃការបិទខ្ទប់ដោយសារវីរុសកូវីដ១៩ រាតត្បាតនេះ អ្នកមានបញ្ហាសម្ពាធឈាមឡើងខ្ពស់គួរតែខិតខំថែរក្សាសុខភាពបន្ថែមទៀត។ ការសិក្សាថ្មីៗនេះរកឃើញថាអ្នកមានបញ្ហានេះអាចមានហានិភ័យខ្ពស់ក្នុងការឆ្លងវីរុសកូវីដ១៩ មានចេញរោគសញ្ញាធ្ងន់ធ្ងរ និងងាយស្លាប់ដោយសារការឆ្លងនេះ។ ១. មូលហេតុ សម្ពាធឈាមខ្ពស់ ជាបញ្ហាសុខភាពធ្ងន់ធ្ងរមួយ បើយើងទុកមិនព្យាបាលឲ្យបានត្រឹមត្រូវនឹងនាំឲ្យមានបញ្ហាសុខភាពផ្សេងៗជាច្រើនទៀត។ បញ្ហាសុខភាពដែលទាក់ទងនឹងបញ្ហាសម្ពាធឈាមខ្ពស់មានដូចជាជំងឺបេះដូង គ្រោះថ្នាក់សរសៃឈាមខួរក្បាល និងបញ្ហាភ្លេចភ្លាំងជាដើម។ ការសិក្សាថ្មីៗនេះបង្ហាញទៀតថា អ្នកមានបញ្ហាសម្ពាធឈាមខ្ពស់ ហើយគ្រប់គ្រងមិនបានល្អ កាន់តែប្រឈមខ្ពស់នឹងការធ្លាក់ខ្លួនឈឺធ្ងន់ធ្ងរបើមានឆ្លងកូវីដ១៩។ ជាការកត់សម្គាល់ អ្នកមិនបានថែទាំបញ្ហាសម្ពាធឈាមឡើងខ្ពស់ឲ្យបានល្អ ពេលឆ្លងកូវីដ១៩ មានផលវិបាកធ្ងន់ធ្ងរជាងអ្នកដែលអាចគ្រប់គ្រងសម្ពាធឈាមបានល្អ។ ប្រព័ន្ធភាពស៊ាំខ្សោយជាមួលហេតុមួយរបស់អ្នកមានបញ្ហាសម្ពាធឈាមខ្ពស់ និងបញ្ហាសុខភាពផ្សេងៗទៀត ដែលនាំឲ្យមានហានិភ័យខ្ពស់ពេលឆ្លងកូវីដ១៩។ ការមានបញ្ហាសុខភាពយូរអង្វែង ឬមនុស្សវ័យចំណាស់ ច្រើនមានប្រព័ន្ធភាពស៊ាំខ្សោយ នាំឲ្យពិបាកប្រឆាំងនឹងវីរុសពេលឆ្លងចូលក្នុងរាងកាយ។ បើសិនជាគ្នាយើងមានបញ្ហាសម្ពាធឈាមខ្ពស់ រឿងសំខាន់ណាស់ដែលត្រូវគ្រប់គ្រងស្ថានភាពសុខភាពឲ្យបានល្អ។ ចូរធ្វើតាមការណែនាំរបស់គ្រូពេទ្យ និងការពារខ្លួនពីបញ្ហាសុខភាពធ្ងន់ធ្ងរ ជាពិសេសជំងឺកូវីដ១៩។ ២. តិចនិចថែទាំសុខភាព ការប្រើប្រាស់ថ្នាំទៅតាមការណែនាំ និងការផ្លាស់ប្ដូររបៀបរបបរស់នៅមួយចំនួនមានឥទ្ធិពលក្នុងការការពារ និងកាត់បន្ថយបញ្ហាសុខភាពកើតពីសម្ពាធឈាមខ្ពស់។ ញ៉ាំអាហារល្អចំពោះសុខភាពបេះដូង៖ ចូរញ៉ាំបន្លែ និងផ្លែឈើឲ្យបានច្រើន ព្រមជាមួយនឹងគ្រាប់ធញ្ញជាតិ បសុបក្សី ត្រី និងអាហារធ្វើពីទឹកដោះមានជាតិខ្លាញ់ទាប។ កាត់បន្ថយអំបិលក្នុងអាហារ៖ ព្យាយាមកាត់បន្ថយការញ៉ាំអំបិលឲ្យនៅតិចជាង២ ៣០០មិល្លីក្រាមក្នុងមួយថ្ងៃ។ សម្រកទម្ងន់៖ បើគ្នាយើងធាត់ ឬលើសទម្ងន់ ជាការល្អណាស់បើយើងអាចសម្រកទម្ងន់បាន។ ការសម្រកទម្ងន់អាចកាត់បន្ថយសម្ពាធឈាម។ ហាត់ប្រាណ៖ ការហាត់ប្រាណជាប្រចាំជួយបញ្ចុះសម្ពាធឈាម ជួយកាត់បន្ថយស្ត្រេស និងសម្រកទម្ងន់។ កាត់បន្ថយស្ត្រេស៖ ពេលយើងកើតស្ត្រេស ធ្វើឲ្យយើងមានសុខភាពមិនល្អ […]