ទប់​លាមក អង្គុយ​យូរ ឬ​មិន​សូវ​ញ៉ាំ​បន្លែ ផ្លែឈើ ជា​មូល​ហេតុ​បង្ក​ឲ្យ​គ្នា​យើង​ប្រឈម​នឹង​ជំងឺ​ឫសដូងបាត​ទាំង​ប្រុស​ទាំង​ស្រី បើ​ស្រីៗ​មួយ​ចំនួនវិញ​ច្រើន​កើត​នៅ​ពេល​ពពោះ។ ឫសដូង​បាត អាច​ព្យាបាល​ដោយ​ថ្នាំ​លាប ញ៉ាំ​អាហារ​បំប៉ន​សម្បូរ​ជាតិ​កាក​សរសៃ ឬ​វះ​កាត់​ចោល​តែ​ម្ដង។ បើ​យើង​សម្រេច​ព្យាបាល​ឫសដូងបាត​ដោយ​វះកាត់​ហើយ វា​អាច​កើត​ឡើង​បាន​ម្ដង​ទៀត ឬ​អត់? កម្មវិធី​ពិនិត្យ​​ជំងឺ​​មហារីក​ពោះវៀន​ធំ​អន​ឡាញ កម្មវិធីពិនិត្យ​សុខភាពក្រពះពោះវៀនអនឡាញ កម្មវិធីពិនិត្យ​​ជំងឺ​រលាក​ពោះ​វៀន​រ៉ាំរ៉ៃ​អនឡាញ គ្នា​យើង​សាក​ទាយ​មើល៍ បើ​វះកាត់​ព្យាបាល​ឫសដូងបាត​រួច អាច​កើត​វិញ​បាន​អត់? ចម្លើយ​នោះ​គឺ អាច។ ជា​ធម្មតា ការ​ព្យាបាល​ឫសដូងបាត​ដោយ​វះកាត់​អាច​ជា​ជម្រើស​ព្យាបាល​ល្អ​មួយ ប៉ុន្តែ​ការ​កើត​ឡើង​វិញ ឬ​មិន​កើត​នោះ អាស្រ័យ​ទៅ​លើ​ថា តើ​យើង​អាច​ផ្លាស់​ប្ដូរ​របៀប​រស់​នៅ​ដូច​ជា​អាហារ និង​ទម្លាប់​បន្ទោរ​បង់​បាន​ល្អ​ប៉ុនណា​ដោយ​ចៀសវាង​បញ្ហា​ទល់លាមក ឬ​ប្រឹង​ជុះ។ ទន្ទឹម​នឹង​នេះ មនុស្ស​ប្រហែល ៥ នាក់​ក្នុង​ចំណោម ១០០ នាក់​កើត​ជំងឺ​នេះ​​ឡើង​វិញ​ក្រោយ​ព្យាបាល​ឫសដូងបាត​ដោយ​វះ​កាត់។ កុំ​បារម្ភ! ឫសដូងបាត​កើត​ឡើង​វិញ​ក្រោយ​ព្យាបាល អាច​គ្រប់​គ្រង​បាន ដោយ​មិន​គិត​ពី​វិធី​ព្យាបាល​ណា​មួយ​ឡើយ អ្នក​ជំងឺ​ខ្លួន​ឯង​ផ្ទាល់​ជា​អ្នក​អាច​គ្រប់​គ្រង​នៃ​ការ​កើត​ឡើង​វិញ​នៃ​ជំងឺ​ឫសដូងបាត។ ដើម្បី​ចៀស​វាង​ជំងឺ​ឫសដូងបាត​កើត​ឡើង​វិញ​ក្រោយ​វះ​កាត់ មាន​ការ​ណែនាំ​ពី​របប​អាហារ និង​ការ​ផ្លាស់​ប្ដូរ​របៀប​រស់​នៅ ប៉ុន្តែ​យើង​ត្រូវ​ប្រកាន់​ឲ្យ​បាន​ខ្ជាប់​ខ្ជួន​ដូច​ជា៖ ១. ការពារ​ទល់លាមក​ដោយ​ញ៉ាំ​ផ្លែឈើ បន្លែ និង​អាហារ​ដែល​មាន​ជាតិ​សរសៃ​ខ្ពស់​ផ្សេង​ទៀត។ អាហារ​ទាំង​មាន ខាត់ណាខៀវការ៉ុត សណ្ដែក ឬ​ប្រើ​ជា​ថ្នាំ​បំប៉ន​ជាតិ​សរសៃ​ជា​ប្រចាំ​ក៏​បាន។ ២. ញ៉ាំ​ទឹក​ឲ្យ​បាន​គ្រប់​គ្រាន់ យ៉ាង​ហោច​ណាស់ ៦-៨កែវ/ថ្ងៃ ៣. ហាត់​ប្រាណ​ឲ្យ​បាន​ទៀង​ទាត់ ឬ​បញ្ចេញ​សកម្មភាព​រាងកាយ​ឲ្យ​បាន​ច្រើន ៤. ព្យាយាម​បន្ទោរ​បង់​ភ្លាមៗ​បើ​មាន​អារម្មណ៍​ថា​ឈឺ​ពោះ កុំ​ទប់ ៥. ព្យាយាម​កុំ​ប្រឹង​ខ្លាំង​ពេល​ជុះ ឬ​អង្គុយ​មួយ​កន្លែង​យូរ​ពេក ចំណាំ៖ ក្នុង​ករណី​ព្យាបាល​ឫសដូងបាត​រួច​ […]

ដំបៅក្រពះអាចធ្វើឱ្យយើងឧស្សាហ៍ចុកក្រហាយក្រពះ ចង្អោរ ឬហើម​ពោះ ជាពិសេសបន្ទាប់ពីញុំា​អាហារ​ជាក់លាក់ណាមួយ។ ក្រៅពីថ្នាំពេទ្យ យើងអាចកាត់បន្ថយអាការៈដំបៅ​ក្រពះតាម​វិធីណា​ខ្លះ​? អាការៈ និងរោគសញ្ញាដំបៅក្រពះមានដូចជា៖ ឈឺក្រពះផ្នែកខាងលើខ្លាំង ក្រហាយក្រពះ ឈឺក្រពះពេលឃ្លាន ឬនៅពេលយប់ គេងមិនលក់ ហូរឈាមក្នុងក្រពះដែលឱ្យយើងស្លេកស្លាំង រាងកាយចុះខ្សោយ ហើមពោះ បាត់ឈឺក្រពះនៅពេលប្រើថ្នាំ antacids ខាងក្រោមនេះជាវិធីព្យាបាលតាមបែបធម្មជាតិដែលយើងអាចប្រើបានក្នុងករណីដំបៅក្រពះធ្វើទុកនៅពេលយើងអត់មាន ឬអស់ថ្នាំព្យាបាលដំបៅក្រពះ ឬនៅឆ្ងាយពីពេទ្យ៖ ១. ទឹកឃ្មុំ ទឹកឃ្មុំមានផ្ទុកសារធាតុចិញ្ចឹមរហូតដល់ទៅ ២០០ ប្រភេទអាស្រ័យលើប្រភពនៃទឹកដមដែល​ឃ្មុំ​ក្រេប រួមទាំងសារធាតុប្រឆាំងអុកស៊ីតកម្ម និងសារធាតុ polyphenols មួយចំនួន។ Glucose oxidase ដែលជាអង់ស៊ីមមួយប្រភេទក្នុងទឹកឃ្មុំអាចសម្លាប់មេរោគដែលបង្កឱ្យយើងកើតដំបៅក្រពះ។ ម្យ៉ាង​ទៀត ទឹកឃ្មុំអាចរារាំងការលូតលាស់របស់មេរោគ H.pylori បាន។ ជាងនេះទៅទៀត ទឹកឃ្មុំ​អាច​ពង្រឹង​ស្រទាប់​ក្រពះ និង​កាត់បន្ថយ​ការ​រលាក​ដែលអាចជួយព្យាបាល​ដំបៅក្រពះ​របស់យើង។ ២. ចេកខ្ចី យើងអាចញុំាម្សៅចេកខ្ចីជាមួយទឹកឃ្មុំដើម្បីព្យាបាលអាការៈដំបៅក្រពះ ព្រោះចេកខ្ចីមានផ្ទុក​សារធាតុ sitoindoside ដែលអាចជួយបង្កើនបរិមាណ​ជាតិអន្ទិលក្នុងផ្លូវរំលាយអាហារ ហើយអាច​ជួយ​បង្កើត​ស្រទាប់ការពារក្រពះដែលអាចព្យាបាល និងការពារដំបៅផ្សេងៗបាន។ ចេកខ្ចីក៏មានសារធាតុ polysaccharides ដែលជាសមាសធាតុរលាយក្នុងទឹកដូចគ្នា​នឹងធាតុផ្សំ​ក្នុងថ្នាំ​ព្យាបាលដំបៅក្រពះជាច្រើនដែរ។ ៣. ស្ពៃក្តោប ទឹកស្ពៃក្តោបឆៅអាចជួយព្យាបាលអាការៈ​ដំបៅ​ក្រពះ ព្រោះស្ពៃក្តោបជា​អាហារ​ឡាក់ទិកដែល​មាន​ន័យ​ថា ស្ពៃក្តោបអាចជួយ​ផលិត​អាស៊ីដ​អាមីណូ​ពិសេស​ដែល​អាច​ជំរុញ​ឈាម​ឱ្យ​ហូរ​ទៅ​ស្រទាប់​ក្រពះ​របស់​យើង។ ចលនា​ឈាម​ទៅ​ស្រទាប់​ក្រពះ​អាចជួយពង្រឹងស្រទាប់​ក្រពះ​ ព្យាបាល និង​ការពារ​ដំបៅ​ក្រពះ។ លើស​ពីនេះទៅទៀត ស្ពៃក្តោបមានផ្ទុកវីតាមីន C ខ្ពស់ដែលអាចព្យាបាល​ការ​ឆ្លងមេរោគ​ក្នុងក្រពះ​ដោយសារដំបៅ។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង […]

ការ​មិន​រំលាយ​អាហារអាចកើតឡើង នៅពេលយើងញុំាអាហារច្រើនជ្រុល ឬញុំាអាហារដែលធ្វើឱ្យពិបាករំលាយដែលបណ្តាលឱ្យយើងហើមពោះ ឆ្អល់​ពោះ ចង្អោរ និងពិបាកក្នុងខ្លួន។ បើយើង​ជួប​បញ្ហា​មិនរំលាយអាហារ យើង​គួរធ្វើបែបម៉េចដើម្បីកាត់បន្ថយអាការៈ? កត្តាមួយចំនួនអាចបណ្តាលឱ្យយើងមានបញ្ហាមិនរំលាយអាហារ៖ ញុំាភេសជ្ជៈមានជាតិអាល់កុល កាហ្វេអ៊ីន ឬហ្គាសច្រើនពេក ញ៉ាំច្រើនពេក ឬលឿនពេក ញុំាអាហារមានជាតិខ្លាញ់ ហឹរ ឬអាស៊ីដ មានភាពតានតឹង ឬថប់បារម្ភ ញុំាថ្នាំមួយចំនួនដូចជា អាស្ពីរីន ថ្នាំប្រឆាំងការរលាក ឬអ៊ីប៊ុយប្រូហ្វេនជាដើម ជាពិសេស​លេប​ពេល​ពោះ​ទទេ ខាងក្រោមនេះជាវិធីសាស្រ្តមួយចំនួនដែលយើងអាចសាកល្បងដើម្បីកាត់បន្ថយអាការៈមិនរំលាយអាហារ៖ ១. ញុំាតែជីរអង្កាម ការញុំាតែជីរអង្កាមអាចជួយកាត់បន្ថយអាការៈដូចជា ចង្អោរ ក្អួត ឈឺ​ពោះ ហើមពោះជាដើម ព្រោះ​ជីរអង្កាមមានផ្ទុកសារជាតិ flavonoids, អាស៊ីដ phenolic, និង menthol ដែលអាចជួយ​សម្រួល​ដល់​សាច់ដុំផ្លូវរំលាយ​អាហារ និងអាចជួយរំលាយអាហារយ៉ាងមានប្រសិទ្ធភាព។ ម្យ៉ាងទៀត តែជីរអង្កាមមានសមត្ថភាពក្នុងការបញ្ចុះកម្តៅដែលអាច​ជួយ​កាត់បន្ថយ​អាការៈ​ក្រហាយ​ទ្រូង និងច្រាល់ទឹកអាស៊ីដក្រពះ។ ​​ ២. ញុំាតែខ្ញី ខ្ញីអាចព្យាបាលបញ្ហាក្រពះពោះវៀនជាច្រើនដូចជា ការមិនរំលាយអាហារ ក្រហាយទ្រូង ចង្អោរ ក្អួត និងហើមពោះ។ តាមការសិក្សាបានឱ្យដឹងថា ខ្ញីមានផ្ទុកសមាសធាតុ​ដែលអាចជួយ​ពន្លឿន​ការ​កន្ត្រាក់​ក្រពះដែល​ជួយ​ឱ្យអាហាររំលាយ និងឆ្លងកាត់ផ្លូវរំលាយអាហារលឿន។ យើង​អាច​ញុំា​តែខ្ញី​សុទ្ធ ឬលាយជាមួយក្រូចឆ្មារ និងទឹកឃ្មុំក៏បាន។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង […]

លំពែងជាសរីរាង្គដែលស្ថិតនៅពីក្រោយក្រពះ និងមានទំហំប៉ុនក្តាប់​ដៃដែលមាន​នាទីផលិត​អង់ស៊ីម​ជួយដល់ការរំលាយអាហារ និងផលិតអាំង​ស៊ុយលីន​ដែលជាអ័រម៉ូន​គ្រប់គ្រង​កម្រិតជាតិស្ករ​ក្នុង​ឈាម។ ដើម្បីឱ្យលំពែង​មានសុខភាពល្អ យើងគួរធ្វើអ្វីខ្លះ? ខាងក្រោមនេះជាវិធីសាស្រ្តមួយចំនួនដែលអាចថែលំពែងឱ្យមានសុខភាពល្អ៖ ១. ញុំាអាហារសម្បូរសារធាតុប្រឆាំងអុកស៊ីតកម្ម យើងគួរឧស្សាហ៍ញុំាអាហារសម្បូរសារធាតុប្រឆាំងអុកស៊ីតកម្មដូចជា អាហារមានផ្ទុកវីតាមីន E វីតាមីន C និងសេលេញ៉ូមដើម្បីកាត់បន្ថយ​ហានិភ័យរលាកលំពែង។ អាហារសម្បូរសារធាតុ​ប្រឆាំង​អុកស៊ីតកម្មមានដូចជា ទំពាំងបាយជូ ប៊្លូបឺរី គ្រាប់ផ្លែឈើ បន្លែបៃតង ផ្លែឈើអម្បូរក្រូច ដំឡូងជ្វា សណ្តែក គ្រាប់ធញ្ញជាតិ និងតែបៃតងជាដើម។ ២. ញុំាទឹកឱ្យបានគ្រប់គ្រាន់ យើងត្រូវញុំាទឹក ៨-១០ កែវក្នុងមួយថ្ងៃដើម្បីរក្សាជាតិទឹកក្នុងខ្លួន។ ការខ្វះជាតិទឹកក្នុងខ្លួន​អាចបង្កើន​ការរលាកលំពែង ព្រោះកោសិកាលំពែងត្រូវការជាតិទឹកជាប្រចាំ។ [embed-health-tool-bmi] ៣. ហាត់ប្រាណឱ្យបានទៀង តាមការសិក្សាបានឱ្យដឹងថា អ្នកធាត់លើសគីឡូអាចងាយនឹងមានគ្រួស​ក្នុងថង់ទឹកប្រមាត់ដែល​ប្រឈម​មុខនឹងជំងឺរលាកលំពែងស្រួចស្រាវ។ ការហាត់ប្រាណអាចជួយរក្សា ឬកាត់បន្ថយទម្ងន់ ដែល​ជួយឱ្យលំពែងយើងដំណើរការ និងមានសុខភាពល្អជាងមុន។ ៤. គ្រប់គ្រងទម្ងន់ នៅពេលយើងលើសទម្ងន់ លំពែងនឹងត្រូវធ្វើការធ្ងន់​ដើម្បីផលិតអាំង​ស៊ុយលីន​បន្ថែម​សម្រាប់​គ្រប់គ្រង​កម្រិត​ជាតិ​ស្ករ​ក្នុងឈាម និងធ្វើឱ្យរាងកាយយើងមានថាមពល។ ៥. ចៀសវាងជក់បារី តាមការសិក្សាដែលចេញផ្សាយនៅក្នុងខែកញ្ញា ឆ្នាំ ២០១៩ របស់ស្សនាវដ្តី Pancreatology បាន​បាន​ឱ្យដឹងថា អ្នកជក់បារីមានហានិភ័យកើតជំងឺរលាកលំពែងច្រើនជាងអ្នកមិនជក់បារីដល់ទៅ ១,៥ ដង។ ចង់គណនា BMI ចុចទីនេះ! ចង់គណនាមហារីកសួត ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ៦. ចៀសវាងគ្រឿងស្រវឹង ការញុំាគ្រឿងស្រវឹង​អាចធ្វើឱ្យលំពែងធ្វើការធ្ងន់ជាងមុន រលាក និង​ខូច។ លើសពីនេះទៅទៀត បើ​យើង​ញុំាគ្រឿងស្រវឹង​ច្រើន លំពែងរបស់យើងអាចនឹងរលាករុំារ៉ៃ។ ៧. ចៀសវាងញុំាអាហារមានជាតិខ្លាញ់ខ្ពស់ យើងគួរចៀសវាងញុំាអាហារមានជាតិខ្លាញ់ខ្ពស់ដូចជា […]

ការពង្រឹងសុខភាពពោះវៀនឲ្យ​ល្អ មិនត្រឹម​តែជួយដល់ការរំលាយ​អាហារ​របស់យើងទេ ថែមទាំងជួយដល់សុខភាព​ទូទៅទៀតផង។ តើការពង្រឹង​សុខភាព​ពោះវៀនជួយអ្វីខ្លះដល់សុខភាពយើង? អ្នកវិទ្យាសាស្រ្តយល់ថា ពោះវៀនគឺជាខួរក្បាលទី២ របស់យើង ការពង្រឹង​សុខភាព​ពោះវៀន​ជួយផ្ដល់​គុណ​ប្រយោជន៍​ច្រើន​យ៉ាង​។​ ១. ពង្រឹងប្រព័ន្ធភាពសុំា មុខងារប្រព័ន្ធភាពស៊ាំ ៨០%-៩៥% បានមកពីសុខភាពប្រព័ន្ធ​រំលាយអាហារ​​​។ ប្រសិន​បើ​ពោះវៀន​មិនល្អទេ យើងនឹងងាកឈឺៗ ហើយប្រឈម​កើតជំងឺច្រើនមុខ។ បើពោះវៀនពោរពេញ​ទៅ​ដោយ​ជាតិ​​ពុល រាងកាយយើងក៏ពោរពេញទៅដោយជាតិពុលដែរ។ ២. ជួយសុខភាពស្បែក ប្រសិនបើសុខភាពពោះវៀនមិនល្អ រាងកាយក៏មិនអាចបញ្ចេញកាកសំណល់បានល្អដែរ ដូច្នេះ​ជាតិ​ពុល ៥០% នឹងត្រូវស្រូបដោយចរន្ត​ឈាម ហើយបញ្ចេញតាមរន្ធញើសក្នុងស្បែក ដែល​បណ្តាល​ឱ្យយើងកើតមុន និងមានបញ្ហាស្បែក។ ៣. ជួយឱ្យមានអារម្មណ៍ល្អ សារសារធាតុ serotonin ៩៥ % ដែល​មាន​នាទី​ជួយគ្រប់គ្រងអារម្មណ៍ និងធ្វើឱ្យយើងមាន​អារម្មណ៍​ល្អ​ គឺផលិតនៅក្នុងពោះវៀន។ ពោះ​វៀន​ ​និង​ខួរក្បាលយើងត​ភ្ជាប់​គ្នាដោយ​សរសៃប្រសាទ​វេ​ហ្គា​ស  ដែលមាននាទី​បញ្ជូន​​ពត៌មាន​ពី​ប្រព័ន្ធ​រំលាយ​អាហារ​ទៅកាន់​ខួរក្បាល និង​ខ្នង។ សរសៃប្រសាទនេះ​មាន​នាទី​គ្រប់​គ្រងអារម្មណ៍ ស្ត្រេស និងការរំលាយអាហាររបស់​យើង។ ចង់ពិនិត្យមហារីកពោះវៀនធំ ចុចទីនេះ! ចង់គណនា BMR ចុចទីនេះ! ចង់គណនា BMI ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ៤. បង្កើនថាពល ពោះវៀនមាននាទីស្រូបយកសារធាតុចិញ្ចឹមពីចំណីអាហារដែលយើងបាន​ញុំា។ ប្រសិនបើពោះវៀន​យើង​គ្មានសុខភាពល្អទេ ពោះរៀនមិនអាច​ស្រូបយកសារធាតុចិញ្ចឹមពេញលេញទេ ដែលធ្វើ​ឱ្យ​រាងកាយ​យើងគ្មាន​ថាមពលគ្រប់គ្រាន់។ ៥. ជួយគ្រប់គ្រងទម្ងន់ ពោះរៀនដែលមានសុខភាពល្អអាចរំលាយអាហារបានល្អ និងជួយឱ្យរាងកាយបញ្ចេញ​អាស៊ីដ​ខ្លាញ់​ច្រវាក់​ខ្លីដែលធ្វើឱ្យយើងមានអារម្មណ៍ឆ្អែត និង​កាត់បន្ថយចំណង់ញុំាអាហារ។ ៦. កាត់បន្ថយហានិភ័យកើតជំងឺទឹកនោមផ្អែម បាក់តេរីនៅក្នុងពោះវៀនបំប្លែងជាតិសរសៃទៅជាអាស៊ីដខ្លាញ់  រួចជ្រាប​ទៅក្នុង​ចរន្តឈាម។ អាស៊ីដខ្លាញ់មាននាទី​ជួយ​គ្រប់គ្រងការផ្ទុកជាតិស្ករនៅក្នុងសាច់ដុំ ថ្លើម និង​កោសិកាខ្លាញ់។ យើងអាចពង្រឹងសុខភាពពោះវៀនតាមរយៈការញុំាអាហារដែលមានជាតិ​សរសៃខ្ពស់ដូចជា […]

ការ​ផឹក​គ្រឿង​ស្រវឹង​ច្រើន​ជ្រុល​ អាច​បង្ក​គ្រោះថ្នាក់​ធ្ងន់ធ្ងរ​ដល់​ថ្លើម​ ករណីខ្លះ​​ថ្លើម​ខូចមិន​អាច​ព្យាបាល​បាន​ ឬបើករណីស្រាលៗ​​​ប៉ះពាល់​ដល់​សុខភាព​ផ្សេងៗ។ ជាក់​ស្ដែង ​មាន​កត្តា​ជា​ច្រើន​អាច​ប៉ះពាល់​ដល់​សុខភាព​ថ្លើម​តួ​យ៉ាង ដូចជា​ជំងឺ​ថ្លើម​សុទ្ធតែជាប់ទាក់ទង ឬបណ្ដាលមកពីការទទួលទាន​គ្រឿង​ស្រវឹងលើសកម្រិតជាចំណែកនៃដើមចមបណ្ដាលឲ្យ​មាន​ជំងឺ​ថ្លើម​បី​ផ្សេង​គ្នា គឺ​ជំងឺ​ខ្លាញ់​រុំ​ថ្លើម ជំងឺ​រលាក​ថ្លើម​ និង​ក្រិន​ថ្លើម​។ យ៉ាង​ណា​មិញ ​គ្នា​យើង​​គួរ​សង្កេត​មើល​​រោគ​សញ្ញា​​ខូច​ថ្លើមដំណាក់កាលដំបូងៗ ​បណ្ដាល​មក​ពី​គ្រឿង​ស្រវឹង​​​​ ក៏​ដូចជា​ចាត់​វិធានការ​​ឲ្យ​បាន​ត្រឹមត្រូវ ​ទើប​ជា​ការ​ប្រសើរ។​​ ​​១. អស់​កម្លាំង ពិត​ណាស់​ អាការៈ​អស់​កម្លាំង​អាច​ជា​រោគសញ្ញា​ដំបូង​ដែល​បញ្ជាក់​ពី​បញ្ហា​ថ្លើម​ ដែល​អាច​កើត​ឡើង​ដោយ​សារ​វីរុស ការ​ផឹក​គ្រឿង​ស្រវឹង​ច្រើន​ជ្រុល​ ឬ​ជំងឺ​តំណ​ពូជ។ អាការៈ​នេះ​ជា​សញ្ញា​ទូទៅ ​អាច​មាន​សភាព​ស្រាល​ ឬ​អាច​បណ្ដាល​ឲ្យ​មាន​ផលវិបាក​ធ្ងន់ធ្ងរ​។ ​​២. ចំណង់​អាហារ​ធ្លាក់​ចុះ ឬ​បាត់បង់​ចំណង់​អាហារ​ ទន្ទឹម​នឹង​នេះ ការ​ញ៉ាំ​គ្រឿង​ស្រវឹង​ច្រើន​ជ្រុល​ ក៏​អាច​បង្អាក់​ចំណង់​អាហារ​របស់​យើង​ដូច​គ្នា​។ វា​អាច​ធ្វើ​ឲ្យ​យើង​មាន​អារម្មណ៍​ចង់​ក្អួត និង​មិន​សូវ​មាន​ថាមពល​។ លើស​ពី​នេះ ដោយ​សារ​តែ​កង្វះ​សារធាតុ​ចិញ្ចឹម​ និង​សារធាតុ​រ៉ែ​ត្រឹមត្រូវ​នៅ​ក្នុង​រាងកាយ​ គ្រឿង​ស្រវឹង​ក៏​អាច​រួម​ចំណែក​ដល់​ការ​បំផ្លាញ​កោសិកា​ថ្លើម​ផង​ដែរ​​។ ចង់ពិនិត្យមហារីកពោះវៀនធំ ចុចទីនេះ! ចង់គណនា BMR ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ៣. ចង្អោរ​ ជំងឺ​ថ្លើម​ ដូចជា​ជំងឺ​រលាក​ថ្លើម​បណ្ដាល​មក​ពី​ជាតិ​អាកុល​​អាច​នាំ​ឲ្យ​យើង​ចង្អោរ និង​ក្អួត ព្រម​ជាមួយ​នឹង​ការ​ឈឺ​ចាប់​ក្នុង​ពោះ និង​មិន​ស្រួល​​ពោះ។ លើស​ពី​នេះ យើង​អាច​នឹង​មាន​អាការៈ​​ក្ដៅ​ខ្លួន​តិច​តួច និង​មិន​ស្រួល​ពេញ​​ខ្លួន​តែ​ម្ដង។ ៤. ស្រក​ទម្ងន់​ដោយ​មិន​ដឹង​មូលហេតុ​ ជាមួយ​គ្នា​នេះ​ដែរ ការ​ញ៉ាំ​គ្រឿង​ស្រវឹង​ច្រើន​ជ្រុល​អាច​​ធ្វើ​ឲ្យ​ចំណង់​អាហារ​ថយ​ចុះ ឬ​បាត់បង់​ចំណង់​អាហារ​ ហើយ​ការ​​ស្រក​ទម្ងន់​យ៉ាង​ឆាប់​រហ័ស​ក៏​អាច​ជា​សញ្ញា​នៃ​ការ​ខូច​ថ្លើម​ដោយ​សារ​តែ​គ្រឿង​ស្រវឹង​​។ ថ្វី​ត្បិត​តែ​ទម្ងន់​រាងកាយ​សម​ល្មម​ ជា​គន្លឹះ​នៃ​​ការ​ថែទាំ​សុខភាព​ថ្លើម​ក៏​ពិត​មែន​ ប៉ុន្តែ​ការ​ប្រែប្រួល​ទម្ងន់​រាងកាយ​​ភ្លាម​ៗ ក៏​អាច​​​បញ្ជាក់​ពី​បញ្ហា​សុខភាព​ធ្ងន់ធ្ងរ​ដែរ​។ គួរ​អាន៖ ឆ្លងរោគក្នុងពោះវៀនចេញរោគសញ្ញាទាំងនេះ […]

ការវះកាត់ខ្នែងពោះវៀនជាវិធីព្យាបាល់រលាកខ្នែងពោះវៀនដ៏មានប្រសិទ្ធិភាព ប៉ុន្តែរបបអាហារ​ក្រោយ​ពេលវះកាត់ក៏សំខាន់ណាស់ដែរ ព្រោះ​អាហារមួយចំនួនអាចបង្កើនល្បឿន​នៃការជា​សះ​ស្បើយ និងការពារ​កុំឱ្យយើងឆ្លងមេរោគ។ អ៊ីចឹងបន្ទាប់ពីវះកាត់ខ្នែងពោះវៀនរួច យើងគួរញុំា​អាហារបែបណា? ១. អាហាររាវ និងមានរសជាតិស្រាល យើងត្រូវញុំាអាហាររាវៗ និងរសជាតិស្រាល ព្រោះអាហារបែបនេះងាយរំលាយ មិន​បន្ថែម​សម្ពាធ​ដល់ប្រព័ន្ធរំលាយអាហារ និងមិនបណ្តាលឱ្យយើងចង្អោរ ឬក្អួត។ · ទឹកស៊ុប៖ សម្បូរទៅដោយសារធាតុចិញ្ចឹម។ យើងអាចញុំាម្តងបន្តិចៗដើម្បី​​ចៀសវាង​ការ​ចង្អោរ ឬ​ក្អួត។ ប្រូតេអ៊ីននៅក្នុងទឹកស៊ុបអាចជួយឱ្យយើងមានកម្លាំងឡើងវិញ។ · ស៊ុបល្ពៅ ការ៉ុត ឬបន្លែ៖ សម្បូរទៅដោយសារធាតុចិញ្ចឹមជាច្រើន​ និង​ បេតាការ៉ូទីន។ បេតាការ៉ូទីនត្រូវបានបំប្លែងទៅជាវីតាមីន A ដែលជួយជំរុញដំណើរការជាសះរបួស។ · យ៉ាអួ៖ ជាអាហារងាយរំលាយ និងមានបាក់តេរីល្អ​ដែលជួយ​ដល់​ប្រព័ន្ធរំលាយ​អាហារ​យើង។ យើងគួរញុំាយ៉ាអួដែលមានជាតិស្ករតិច​ព្រោះងាយរំលាយ​ជាង​យ៉ាអួ​មានជាតិ​ស្ករ​ធម្មតា។ ២. ញុំាអាហារពីគ្រប់ក្រុមអាហារ ពីរបីថ្ងៃបន្ទាប់ពីការវះកាត់ខ្នែងពោះវៀន យើងអាចចាប់ផ្តើមញុំាអាហារដូចធម្មតាវិញបានហើយ ព្រោះយើងនឹងធូរពីអាការៈដូចជា ឈឺពោះ ចង្អោរ ឬក្អួត។ យើងអាចចាប់ផ្តើម​ញុំា​របប​អាហារ​តាម​ធម្មតាបន្តិចម្តងៗ ប៉ុន្តែយើងត្រូវញ៉ាំអាហារសម្បូរសារធាតុចិញ្ចឹមពីគ្រប់ក្រុមអាហារដូចជា គ្រាប់​ធញ្ញជាតិ សាច់ បន្លែ ផ្លែឈើ ត្រី ស៊ុត និងសណ្តែកជាដើម ដើម្បីឱ្យរាងកាយ​យើង​ឆាប់​ជា​សះ​ស្បើយ។ ៣. ញ៉ាំអាហារជំរុញការការជាសះស្បើយ អាហារសម្បូរប្រូតេអ៊ីន កាបូអ៊ីដ្រាត និងខ្លាញ់អាចជំរុញល្បឿនជាសះស្បើយ​​ពីមុខរបួស និង​ជួយ​ឱ្យ​យើង​មានកម្លាំងឡើងវិញ។ • ប្រូតេអ៊ីន៖ ជួយជំរុញការផលិតខូឡាជែន​ដើម្បីបង្កើតជាលិកាភ្ជាប់​សម្រាប់​បំពេញ​ចន្លោះ​នៅ​​មុខ​របួស។ អាហារសម្បូរប្រូតេអ៊ីនរួមមាន ត្រី […]

ច្រាលទឹកអាស៊ីដក្រពះកើតឡើង នៅពេលទឹកអាស៊ីដក្រពះច្រាលចូល​ក្នុង​​បំពង់​អាហារ​ដែលធ្វើឱ្យរលាកស្រទាប់បំពង់អាហារ ហើយធ្វើឱ្យយើងមានអាការៈដូចជា ក្រហាយទ្រូង ឈឺទ្រូង ពិបាកលេបអាហារ ភើ និង​ភើ​ជូរជាដើម។ ពេលមាន​អាការៈ​បែប​នេះយើងគួរញុំាអាហារអ្វីខ្លះ ដើម្បី​សម្រួលអាការៈ? អាហារដែលអាចជួយសម្រួលអាការៈច្រាលទឹកអាស៊ីដក្រពះមានដូចជា៖ ១. ទឹកដូង ទឹកដូងសម្បូរទៅដោយសារធាតុអេឡិចត្រូលីតដូចជាប៉ូតាស្យូម ដែលអាច​ជួយ​ឱ្យ​រាងកាយ​យើងរក្សាតុល្យភាព pH និងអាចជួយគ្រប់គ្រងការច្រាលទឹកអាស៊ីដក្រពះ។ ២. សាច់សុទ្ធ សាច់សុទ្ធដូចជា សាច់ទ្រូងមាន់ និងត្រីមួយចំនួនមានជាតិខ្លាញ់​ទាបជាង​សាច់ដទៃ​ទៀត ដែលជួយកាត់បន្ថយអាការៈច្រាលទឹកអាស៊ីដក្រពះបាន ហើយថែមទាំង​សម្បូរ​ប្រូតេអ៊ីនទៀតផង។ ៣. ស្រូវសាលីអូត ស្រូវសាលីអូតផ្ទុកទៅដោយជាតិសរសៃធ្វើឱ្យយើងឆ្អែតបានយូរ ដូច្នេះយើង​មិនញុំា​ច្រើន​ដែលធ្វើឱ្យច្រាលទឹកអាស៊ីដក្រពះ។ ស្រូវសាលីអូត​អាច​ជួយស្រូប​យក​អាស៊ីដ​ក្រពះ និងជួយដល់ណើរការរំលាយអាហារ ព្រមទាំងផ្ទុកទៅ​សារធាតុ​ប្រឆាំង​អុកស៊ីតកម្ម វីតាមីន និងសារធាតុរ៉ែជាច្រើន។ ៤. យ៉ាអួរ យ៉ាអួរមិនដូចផលិតផលទឹកដោះដែលមានជាតិខ្លាញ់ច្រើនទេ។ យ៉ាអួរអាច​​ជួយ​​​​​​​​​​​​​​​​​​​​​​​​​​​​​​​​​​​​​​​​​​​​​​សម្រួល​អាការៈរលាកស្រទាប់បំពង់អាហារដោយសារច្រាលទឹកអាស៊ីដក្រពះ។ ម្យ៉ាងទៀត យ៉ាអួរមានផ្ទុកនូវសារធាតុ​ប្រូបាយ​អូទិកដែលជាបាក់តេរីល្អជួយ​ដល់​ដំណើរការរំលាយអាហារ និងដំណើរការស្រូប​យក​សារធាតុចិញ្ចឹម។ យ៉ាអួរ​ក៏​សម្បូរ​ទៅដោយប្រូតេអ៊ីន ដែលល្អសម្រាប់សុខភាពប្រព័ន្ធរំលាយអាហារដែរ។ ៥. បន្លែបៃតង បន្លែបៃតងសម្បូរទៅដោយវីតាមីន និងសារធាតុចិញ្ចឹម។ ម៉្យាងទៀតបន្លែ​បៃតង​ក៏មាន​ជាតិអាល់កាឡាំងផងដែរ ដែលមានន័យថា បន្លែបៃតង​មិនមាន​ផ្ទុកអាស៊ីដ​ដែលធ្វើឱ្យ​រលាក​ផ្លូវរំលាយអាហាររបស់យើង។ ៦. ខ្ញី ខ្ញីជាអាហារប្រឆាំងនឹងការរលាក និងសម្បូរទៅដោយសារធាតុប្រឆាំង​អុកស៊ីដកម្ម​ដែល​អាចជួយសម្រួលបញ្ហារលាកស្រទាប់បំពង់អាហារ និងក្រពះ។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ៧. បន្លែមើម បន្លែមើមដូចជាដំឡូងជ្វាជាដើមមានជាតិសរសៃច្រើន ដែលត្រូវការពេល​យូរ​ក្នុង​ការ​រំលាយ និងអាចជួយស្រូបអាស៊ីដក្នុងក្រពះ។ បន្លែ​មើម​​ក៏មាន​សារធាតុចិញ្ចឹម​ជា​ច្រើន​​ដូចជា ​សារធាតុប្រឆាំង​អុកស៊ីតកម្ម សារធាតុរ៉ែ និង​វីតាមីន ហើយ​មាន​កាឡូរី​ទាប។ ៨. អង្ករសម្រូប​ អង្ករសម្រូបសម្បូរទៅដោយកាបូអ៊ីដ្រាតស្មុគស្មាញ […]

ការញុំាទឹកក្រូចឆ្មាររាល់ព្រឹកពេលពោះទទេអាចជួយបន្សាបជាតិពុលក្នុង​​ខ្លួន និងមាន​ប្រយោជន៍ច្រើនដល់សុខភាព ប៉ុន្តែក៏មានគុណវិបត្តិច្រើនដែរ។ តើការញុំាទឹកក្រូចឆ្មារ​រាល់ព្រឹកធ្វើឱ្យប៉ះពាល់សុខភាពដូម្តេចខ្លះ? ដោយសារក្រូចឆ្មារមានជាតិអាស៊ីដ ការញុំាទឹកក្រូចឆ្មាររាល់ព្រឹក​អាចបណ្តាល​​ឱ្យ​យើងជួបបញ្ហា​មួយ​ចំនួន​ដែរ​។​ ១. ក្រហាយទ្រូង តាមការស្រាវជ្រាវបានឱ្យដឹងថា ជាតិអាស៊ីដនៅក្នុងក្រូចឆ្មារអាចធ្វើឱ្យយើង​ក្រហាយ​ទ្រូង ឬចាល់ជាតិអាស៊ីដក្រពះ។ ចង់ពិនិត្យសុខភាពក្រពះពោះរៀន ចុចទីនេះ! ២. សឹកកាចាធ្មេញ យោងតាមសមាគម​ធ្មេញ​អាមេរិកបានឱ្យដឹងថា ការ​ញុំា​ទឹក​ក្រូចឆ្មារ​ច្រើន​​​អាច​ធ្វើឱ្យសឹក​កាចាធ្មេញ និងពុកធ្មេញដូចការញុំាភេជ្ជៈផ្អែមៗដែរ។ ៣. ឈឺសន្លាក់ ការញុំាទឹកក្រូចឆ្មារក្នុងរយៈពេលយូរ និងក្នុងបរិមាណច្រើនអាច​បណ្តាល​ឱ្យ​ទឹកសន្លាក់​នៅចន្លោះឆ្អឹងថយចុះដែលបណ្តាលឱ្យយើងធ្វើឈឺសន្លាក់។ ៤. អាចបណ្តាលឱ្យយើងឈឺក្បាល ​ការ​ស្រាវ​ជ្រាវ​មួយ​ចំនួន​បានលើកឡើងថា ​ផ្លែ​ឈើអម្បូរក្រូចដូចជា ក្រូច​ ក្រូចឆ្មារជាដើម​អាចអាចបណ្តាលឱ្យយើងឈឺក្បាល ព្រោះផ្លែឈើទាំងនេះមានសារធាតុ Tyramine ខ្ពស់ដែលបណ្តាលឱ្យយើងអាលែកហ្ស៊ី។ ៥. បណ្តាលឱ្យ​ដំបៅ​មាត់ យោងតាមសមាគមធ្មេញអាមេរិកបានឱ្យដឹងថា អាហារមានជាតិអាស៊ីដ​​អាចបណ្តាល​ឱ្យយើងដំបៅមាត់។ ម៉្យាងទៀត ការញុំាទឹកក្រូចឆ្មារអាចបណ្តាលឱ្យដំបៅមាត់​កាន់តែ​ធ្ងន់ធ្ងរ​ ប្រសិនបើយើងដំបៅមាត់ស្រាប់។ ការញុំាទឹកក្រូចឆ្មារពេលពោះទទេអាចធ្វើឱ្យយើងឈឺក្រពះ ព្រោះក្រូចឆ្មារ​​មាន​ជាតិ​អាស៊ីដច្រើន។ ដើម្បីកាត់បន្ថយបញ្ហាយើងអាចបន្ថែម​ទឹកឃ្មុំ និងញុំាក្រោយ​អាហារ​ប្រហែលកន្លះម៉ោងទៅមួយម៉ោង។ លើសពីនេះទៅទៀត យើងគួរញុំាទឹកក្រូចឆ្មារ​មួយ​ថ្ងៃរំលងមួយថ្ងៃ និងចៀសវាង​ការញុំាច្រើន។

ក្រួសក្នុងថង់ទឹកប្រមាត់អាចមានទំហំតូចប៉ុនគ្រាប់ខ្សាច់រហូតដល់ធំប៉ុនបាល់វាយកូនហ្គោល។ អ្នក​ខ្លះមានក្រួសក្នុងថង់ទឹកប្រមាត់តែមួយគ្រាប់ ចំណែកអ្នកខ្លះទៀត​អាចមានក្រួស​ក្នុងថង់ទឹក​ប្រមាត់​ច្រើន​គ្រាប់ក្នុងពេល​តែមួយ។ តើក្រួសក្នុងថង់ទឹកប្រមាត់កើតឡើងដោយសារមូលហេតុអ្វីខ្លះ? ១. ទឹកប្រមាត់ផ្ទុកកូលេស្តេរ៉ូលច្រើនពេក ជាធម្មតា ទឹកប្រមាត់ផ្ទុកសារធាតុគីមីដែល​អាចរំលាយកូលេស្តេរ៉ូលដែលបញ្ចេញ​ដោយថ្លើម​របស់​យើង។ ប៉ុន្តែប្រសិនបើថ្លើមបញ្ចេញកូលេស្តេរ៉ូលច្រើន​ពេក ទឹកប្រមាត់មិនអាចរំលាយ​​បានទាំងអស់ទេ ដែលបណ្តាលឱ្យមានការកកកូលេស្តេរ៉ូល និងបង្កទៅជាក្រួសក្នុងថង់ទឹកប្រមាត់។ ២. ទឹកប្រមាត់ផ្ទុកសារធាតុប៊ីលីរូប៊ីន (bilirubin) ច្រើនពេក សារធាតុប៊ីលីរូប៊ីន គឺជាសារធាតុពណ៌លឿងនៅក្នុងទឹកប្រមាត់ដែលកើតឡើងនៅពេលរាងកាយយើង​បំបែកកោសិកាឈាមក្រហមចាស់ៗ។ ជំងឺមួយចំនួនដូចជា ជំងឺក្រិនថ្លើម ជំងឺរលាកបំពង់ទឹកប្រមាត់ ឬជំងឺទាក់ទងនឹង​ឈាម​ធ្វើឱ្យថ្លើមរបស់យើងផលិត​សារធាតុប៊ីលីរូប៊ីន​ច្រើន​ជ្រុល។ ៣. ថង់ទឹកប្រមាត់មិនបញ្ចេញទឹកប្រមាត់អស់ ប្រសិនបើថង់ទឹកប្រមាត់មិនបានបញ្ចេញទឹកប្រមាត់ចូលពោះវៀនតូចអស់ ឬញឹកញាប់ទេ ទឹក​ប្រមាត់​អាច​ក្លាយជាខាប់ដែលបណ្តាលឱ្យមានក្រួសក្នុងថង់ទឹកប្រមាត់។ ក្រួសក្នុងថង់ទឹកប្រមាត់អាចមិនមានអាការៈ ឬរោគសញ្ញាអ្វីទេ ប៉ុន្តែប្រសិន​បើក្រួស​ក្នុងថង់​ទឹក​ប្រមាត់​ធ្វើឱ្យស្ទះបំពង់ទឹកទឹកប្រមាត់ យើងអាច​អាការៈដូចខាងក្រោម៖ ឈឺផ្នែកខាងលើពោះខាងស្តាំ ឈឺខ្នងនៅចន្លោះឆ្អឹងស្លាបប្រចៀវ ឈឺស្មាស្តាំ ចង្អោរ ឬក្អួត ស្បែក និងភ្នែកឡើងលឿង (ខាន់លឿង) ហើមពោះ និងមិនរំលាយអាហារ គ្រុន មិនអាចញុំាអាហារមានខ្លាញ់ច្រើនបាន មានលាមកពណ៌ដីឥដ្ឋ ចង់ស្វែងយល់បន្ថែមពីបញ្ហាសុខភាពក្រពះពោះវៀន ចុចទីនេះ! ក្រួសក្នុងថង់ទឹកប្រមាត់មួយចំនួនមិនបង្កឱ្យមានរោគសញ្ញាអ្វីទេ ដោយសារ​​ពួកវាមិនរំខាន​ដល់​មុខងារ​នៃថង់ទឹកមាត់ ថ្លើម ឬលំពែង ហើយមិនត្រូវការការព្យាបាលទេ។ ប្រសិនបើក្រួសក្នុងថង់ទឹក​ប្រមាត់បង្ហាញរោគសញ្ញា យើងប្រហែលជាអាចត្រូវការការវះកាត់ ឬប្រើថ្នាំព្យាបាល។