សុខភាពផ្លូវចិត្ត

ការធ្លាក់ទឹកចិត្តតាមរដូវកាល ឬការធ្លាក់ទឹកចិត្តខុសគ្នាដូចម្តេច?

រដូវកាលប្រែប្រួល ក៏អាចប៉ះពាល់ដល់អារម្មណ៍ និងថាមពលរបស់យើងផងដែរ។ បញ្ហាដំណេក និងអារម្មណ៍ស្រងូតស្រងាត់ គឺជារោគសញ្ញាមួយចំនួននៃការធ្លាក់ទឹកចិត្តតាមរដូវកាល ឬSeasonal Affective Disorder និងជំងឺធ្លាក់ទឹកចិត្ត។ តើវិបត្តិផ្លូវចិត្តទាំងពីរនេះមានលក្ខណៈខុសគ្នាយ៉ាងម៉េចខ្លះ? អ្វីទៅជាការធ្លាក់ទឹកចិត្តតាមរដូវកាល? ការធ្លាក់ទឹកចិត្តតាមរដូវកាល ជាប្រភេទនៃការធ្លាក់ទឹកចិត្តដែលកើតឡើងនៅពេលជាក់លាក់មួយ ជាទូទៅ គឺនៅអំឡុងពេលរដូវរងារ នៅពេលដែលពន្លឺថ្ងៃមានតិចតួច។ ថ្វីត្បិតតែក្រុមអ្នកជំនាញនៅមិនទាន់ដឹងច្បាស់ពីមូលហេតុជាក់លាក់នៃការធ្លាក់ទឹកចិត្តតាមរដូវកាល ប៉ុន្តែគេជឿថា បញ្ហានេះអាចពាក់ព័ន្ធនឹងការប៉ះពាល់ទៅនឹងពន្លឺព្រះអាទិត្យ។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! រោគសញ្ញាទូទៅនៃការធ្លាក់ទឹកចិត្តតាមរដូវកាលរួមមាន៖ ខ្សោយថាមពល គេងច្រើន ឡើងទម្ងន់ ពិបាកផ្ចង់អារម្មណ៍ ចង់ញ៉ាំអាហារ ឬភេសជ្ជៈផ្អែមៗ អ្វីទៅជាការធ្លាក់ទឹកចិត្ត? ការធ្លាក់ទឹកចិត្ត គឺជាជំងឺផ្លូវចិត្តដែលកំណត់ដោយអារម្មណ៍សោកសៅ អស់សង្ឃឹម និងគ្មានចំណាប់អារម្មណ៍ ឬភាពរីករាយនៅក្នុងសកម្មភាពផ្សេងៗ។ បញ្ហាមួយនេះ អាចប៉ះពាល់ដល់ជីវិតរបស់យើងបាន រួមទាំងអារម្មណ៍ គំនិត និងសុខុមាលភាពរាងកាយ។ មូលហេតុនៃការធ្លាក់ទឹកចិត្តមានភាពស្មុគ្រស្មាញ ហើយអាចពាក់ព័ន្ធនឹងការរួមផ្សំនៃកត្តាហ្សែន បរិស្ថាន និងផ្លូវចិត្ត។ រោគសញ្ញាទូទៅនៃការធ្លាក់ទឹកចិត្តរួមមាន៖ ពិបាកចិត្តជាប់ជានិច្ច អស់កម្លាំង ប្រែប្រួលដំណេក និងចំណង់អាហារ មានអារម្មណ៍ថាខ្លួនឯងគ្មានតម្លៃ ពិបាកផ្តោតអារម្មណ៍ មានគំនិតចង់ធ្វើអត្តឃាត។ ភាពខុសគ្នារវាងការធ្លាក់ទឹកចិត្តតាមរដូវកាល និងការធ្លាក់ទឹកចិត្ត ការធ្លាក់ទឹកចិត្តតាមរដូវកាលកើតឡើងតាមរដូវកាលប៉ុណ្ណោះ ដែលជាទូទៅកើតឡើងនៅរដូវរងារ។ ចំណែកឯជំងឺធ្លាក់ទឹកចិត្ត អាចកើតឡើងនៅពេលណាមួយដោយមិនកំណត់ពេលវេលាជាក់លាក់។ […]

វិធីបំបាត់ស្ត្រេស

ដឹងអត់! រំលែកពេលខ្លះដើរលេងកម្សាន្ត ជួយបានទាំងសុខភាព និងបង្កើនផលិតភាពការងារ

ការឆ្លៀតពេល ពីការងារ សំរាប់ដើរលេងលំហែកម្សាន្ត បានជួយឱ្យមនុស្សជាច្រើនប្រសើរឡើងទាំងផ្នែករាងកាយ និងស្មារតី (ផ្លូវចិត្ត) នេះបើផ្អែកតាមលទ្ធផលស្រាវជ្រាវជាច្រើន។ បន្ថែមផែនការដើរលេង ត្រូវបានរកឃើញថា ជាចំណែកមួយជួយឱ្យ មនុស្សជាច្រើនកាត់បន្ថយបាននូវស្រ្តេស ហានិភ័យជំងឺបេះដូង និងការជំរុញទឹកចិត្តដើម្បីសម្រេចការងារបានជោគជ័យ ដូចហេតុផលដូចខាងក្រោមនេះ៖ ១. កាត់បន្ថយស្រ្តេស លទ្ធផលសិក្សាចេញផ្សាយឆ្នាំមុន ដោយសមាគមចិត្តសាស្រ្តអាមេរិកបង្ហាញថា ការដើរលេងបាននាំអារម្មណ៍មនុស្សឃ្លាតឆ្ងាយពីបរិយាកាសតានតឹង និងសកម្មភាពជាទម្លាប់ប្រចាំថ្ងៃមួយចំនួន។ លទ្ធផលស្ទង់មតិពីបុគ្គលិកក្រុមហ៊ុនជាច្រើន បានបង្ហាញសឹងដូចៗគ្នាថា ពួកគេបានធូរស្បើយពីភាពតប់ប្រមល់ ស្ត្រេស ឈឺក្បាល ឈឺខ្នង និងអារម្មណ៍ប្រសើរឡើងវិញ ក្រោយពេលបានដើរលេងវិស្សមកាល។ ២. សុខភាពផ្លូវចិត្តបានប្រសើរ ក្រុមអ្នកសិក្សាពីប្រព័ន្ធសរសៃប្រសាទ បានរកឃើញ ពីបម្រែបម្រួលសញ្ញាជាវិជ្ជមានក្នុងខួរក្បាល ក្រោយទទួលបានការសម្រាកលំហែ។ អ័រម៉ូនស្រ្តេស (Cortisol) បានថយចុះ ហើយអារម្មណ៍ស្ងប់សុខក៏កើតមាន ដែលជាសញ្ញាបង្ហាញថា ដំណើរកម្សាន្តជាកត្តាមួយដែលជួយឱ្យរាងកាយ និងអារម្មណ៍បានធូរស្បើយក្នុងរយៈពេលវែង។ ៣. បង្កើនផលិតភាពការងារ ក្រុមហ៊ុនសេវាប្រឹក្សាដ៏ល្បីនៅអង់គ្លេស Ernst & Young បានចែករំលែកពីការស្រាវជ្រាវមួយទៅលើបុគ្គលិករបស់ខ្លួន គឺការប្រើពេលវិស្សមកាលនាំបុគ្គលិកធ្វើដំណើរកម្សាន្ត បានបង្កើនផលិតភាពការងារ ដោយផ្អែកទៅតាមពិន្ទុដែលបានកត់ត្រាក្នុងស្ថិតិ បានកើនឡើង៨ភាគរយបើធៀបនឹងឆ្នាំដែលពុំមានដំណើរកម្សាន្ត។ បន្ថែមពីនោះ អត្រាបុគ្គលិកចេញពីក្រុមហ៊ុនក៏ធ្លាក់ចុះទាប។ ក្រុមអ្នកស្រាវជ្រាវបានបង្ហាញថា ការដើរកម្សាន្តបានជួយបង្កើនផលិតភាពការងារ ហើយពេលមានគុណភាពការងារល្អ អារម្មណ៍សប្បាយចិត្តក៏កើតឡើង ហើយបុគ្គលិកក៏បន្តធ្វើបានល្អ។ អត្ថបទពាក់ព័ន្ធ៖ ការដើរកម្សាន្តផ្តល់ភាពរីករាយបានយូរជាង ការទិញសម្ភារៈពេញនិយម មានកូនតូចចង់ដើរលេងសប្បាយ ត្រូវចេះតិចនិកសាមញ្ញទាំងនេះ ៤. […]