home

រូបមន្តសុខភាព

រូបមន្តសុខភាព - ជា​មាតិកា​ដោះស្រាយ​បញ្ហា​សុខភាព និង​ជំរុញ​ឲ្យ​គ្រប់គ្នាគេចផុត​ពី​បញ្ហាសុខភាព​នានា

ចំណេះដឹងទូទៅ

អត្ថបទ រូបមន្តសុខភាព

រូបមន្តសុខភាព

គ្នា​យើង​ភាគ​ច្រើន​ដែល​ឧស្សាហ៍​នឿយ​ហត់​ អស់​កម្លាំង​តែងតែ​ញ៉ាំ​ភេសជ្ជៈ​ដែល​សម្បូរទៅ​ដោយ​ជាតិ​ស្ករ​ និង​កាហ្វេ​អ៊ីន​ច្រើន​​។​ ប៉ុន្តែ​ ពពួក​ភេសជ្ជៈ​ប៉ូវ​កម្លាំង​ទាំង​នោះ​ មិន​អាច​ផ្ដល់​ថាមពល​ដល់​យើង​បាន​យូរ​ឡើយ​ ហើយ​ថែម​ទាំង​ប៉ះពាល់​ដល់​សុខភាព​របស់​យើង​យ៉ាង​​ធ្ងន់ធ្ងរ​​​ថែម​ទៀត​ផង​។ យ៉ាង​ណា​មិញ​ ​ការ​ញ៉ាំ​អាហារ​ដែល​ផ្ដល់​ថាមពល​ខ្ពស់​ ​និង​​វិធីសាស្ត្រ​ក្នុង​ការ​ញ៉ាំ​ប្រកប​ដោយ​ប្រសិទ្ធភាព​ ​នឹង​ធ្វើ​ឲ្យ​យើង​មាន​អារម្មណ៍​ប្រសើរ​ឡើង​​វិញ​យ៉ាង​ឆាប់​រហ័ស​។​ ​​ ដូច្នេះ​ហើយ​ ចូរ​ចាប់ផ្ដើម​របប​អាហារ​​ដែល​មាន​ថាមពល​ខ្ពស់​ ជាមួយ​នឹង​តិចនិក​ងាយ​ៗ​ខាង​ក្រោម​នេះ​។ ១. កុំ​រំលង​អាហារ​ពេល​ព្រឹក​ ​​យោង​តាម​ការ​ស្រាវជ្រាវ​មួយ​ បាន​បង្ហាញ​ថា​ អ្នក​ដែល​ញ៉ាំ​អាហារ​ពេល​ព្រឹក​ អាច​បំពេញ​ការងារ​បាន​ប្រសើរ​ជាង​​អ្នក​ដែល​ខកខាន​ញ៉ាំ​អាហារ​​​​ពេល​ព្រឹក។​ ពិត​ណាស់​ ប្រសិនបើ​យើង​មិន​ញ៉ាំ​អាហារ​ពេល​ព្រឹក​ទេ​នោះ​ វា​នឹង​ធ្វើ​ឲ្យ​រាងកាយ​របស់​យើង​អសកម្ម​ និង​តែងតែ​ងងុយ​គេង​ជា​ញឹកញាប់​នៅ​ពេល​ព្រឹក​ផង​ដែរ​​។ ២. កុំ​ញ៉ាំ​កាហ្វេ​ច្រើន​ពេក​ ​ជាទូទៅ​ ប្រសិនបើ​យើង​ញ៉ាំ​កាហ្វេ​ត្រឹមតែ​មួយ​ពែង​ ឬ​ពីរ​ពែង​ក្នុង​មួយ​ថ្ងៃ​ គឺ​មិន​បង្ក​ជា​បញ្ហា​ឡើយ​។​ ប៉ុន្តែ ការ​ញ៉ាំ​កាហ្វេ​ហួស​កម្រិត​ នឹង​ធ្វើ​ឲ្យ​យើង​នឿយ​ហត់​អស់​កម្លាំង​នៅ​​ប៉ុន្មាន​ម៉ោង​​ក្រោយ​។​ ជាមួយ​គ្នា​នេះ​ដែរ​ ការ​ញ៉ាំ​កាហ្វេ​នៅ​ពេល​​រសៀល​ ឬ​ល្ងាច​ អាច​បណ្ដាល​ឲ្យ​យើង​គេង​មិន​លក់​ ព្រម​ទាំង​អាច​​អស់​កម្លាំង​នៅ​ថ្ងៃ​បន្ទាប់​ថែម​ទៀត​ផង​។ ៣. ជៀសវាង​កាបូអ៊ីដ្រាត​ចម្រាញ់ ​កាបូ​អ៊ីដ្រាត​​ផ្ដល់​ថាមពល​ដែល​ត្រូវការ​ច្រើន​សម្រាប់​រាងកាយ​របស់​យើង​។ ប៉ុន្តែ​កាបូអ៊ីដ្រាត​ចម្រាញ់​ខ្ពស់​​ ​ដែល​មាន​ដូចជា​នំបុ័ង​ ស្ករគ្រាប់​​ ​ក៏​ដូចជា​នំ​ផ្អែម​ៗ​ ​អាច​​បណ្ដាល​ឲ្យ​យើង​មាន​អារម្មណ៍​រងីរងើ ​និង​ងងុយ​គេង​ទៅ​វិញ​។​ ដើម្បី​ទទួល​បាន​ថាមពល​រយៈពេល​យូរ​ ចូរ​ជ្រើសរើស​អាហារ​​ដែល​សម្បូរ​​ទៅ​ដោយ​ជាតិ​សរសៃ​ ដូចជា​ប្លូ​បឺ​រី​ ក្រូច​ ផ្កា​ខាត់​ណា​ ស្ពៃ​ពួយ​ឡេង​​​។ល។​ ៤. ​ញ៉ាំ​ប្រូតេអ៊ីន​គ្មាន​ខ្លាញ់​​ ​​​​ជាក់ស្ដែង​ ប្រូតេអ៊ីន​ត្រូវការ​រយៈពេល​យូរ​ក្នុង​ការ​រំលាយ​ និង​ស្រូប​យក​។​ នៅ​ពេល​ដែល​យើង​ញ៉ាំ​ប្រូតេអ៊ីន​ជាមួយ​នឹង​កាបូអ៊ីដ្រាត​ វា​នឹង​​ធ្វើ​ឲ្យ​ការ​បញ្ចេញ​ជាតិ​ស្ករ​ទៅ​ក្នុង​ចរន្ត​ឈាម​មាន​ភាព​យឺត​ ​ហើយ​យើង​នឹង​ទទួល​បាន​ថាមពល​រយៈ​ពេល​យូរ​ ដោយ​មិន​មាន​ការ​រាំង​ស្ទះ​។​ ចូរ​​ញ៉ាំ​គ្រាប់​ធញ្ញជាតិ​ […]

រូបមន្តសុខភាព

ផ្លែឈើ​ មាន​ផល​ប្រយោជន៍​ច្រើន​ចំពោះ​សុខ​ភាព ហើយ​ងាយ​ស្រួល​រំលាយ​ទៀត​ផង​ ដោយ​ថា​ប្រព័ន្ធ​រំលាយ​អាហារ​របស់​យើង​ស្ទើរ​តែ​មិន​បាច់​បំបែក​ក៏​បាន​។ ដូច​គ្នា​យើង​ដឹង​ហើយ​ថា​ផ្លែ​ឈើ​មាន​ប្រយោជន៍​ទៅ​តាម​ប្រ​ភេទ ផ្លែ​ឈើ​ខ្លះ​ផ្តល់​នូវ​ថាមពល និង​ខ្លះ​ក៏​ជួយ​ដល់​សម្រស់​ផង​ដែរ​។ ខាង​ក្រោម​ជា​ផ្លែ​ឈើ​ប៉ុន្មាន​ប្រ​ភេទ​ល្អ​សម្រាប់​សម្រស់ និង​ផ្ដល់​ថាមពល​​សម្រាប់​គ្នា​យើង​ញ៉ាំ​នៅ​ពេល​ព្រឹក​​។​ ១. ផ្លែ​ឈើ​ផ្ដល់​ថាមពល​ បើ​គ្នា​យើង​ជា​មនុស្ស​ចូល​ចិត្ត​ហាត់​ប្រាណ​នៅ​ពេល​ព្រឹក ឬ​ក៏​ជា​មនុស្ស​ធ្វើ​ការ​ប្រើ​កម្លាំង​ច្រើន​រាល់ថ្ងៃ គួរ​កុំ​រំលង​ពពួក​ផ្លែ​ឈើ​ទាំង​នេះ​អី​។ ផ្លែ​ចេកទុំ ជួយ​ផ្ដល់​ថាម​ពល​ដល់​រាង​កាយ​យើង​បាន​យ៉ាង​ឆាប់​រហ័ស និង​ជា​ជម្រើស​ដ៏​ល្អ​មុន​ពេល​ហាត់​ប្រាណ។ ចំណែក​ផ្លែ​ប៉ោម​វិញ មាន​ជាតិ​សរសៃ​ខ្ពស់​ និង​ជួយ​ឲ្យ​យើង​មាន​អារម្មណ៍​ថា​ឆ្អែត​​ក្នុង​រយៈពេល​យូរ​។ សម្រាប់​ផ្លែ​បឺរ​វិញ ក៏​មិន​អន់​ដែរ ដោយ​ផ្លែ​នេះ​មាន​ប្រភេទ​ខ្លាញ់​ល្អ​ចំពោះ​សុខ​ភាព ជួយ​ពន្យឺត​ការ​រំលាយ​អាហារ ហើយ​ក៏​ល្អ​ដែរ​ចំពោះ​អ្ន​ក​ហាត់​ប្រាណ ឬ​លេង​កីឡា​ផង​ដែរ ដោយ​បន្ថែម​ចូល​ក្នុង​របប​អាហារ​ក្រោយ​បញ្ចប់​សម្មភាព​កី​ឡា ឬ​ហាត់​ប្រាណ​។   ២. ផ្លែ​ឈើ​សម្រាប់​សម្រស់​​​ ​សម្រាប់​គ្នា​យើង​យក​ចិត្ត​ទុក​ដាក់​ខ្លាំង​នឹង​សម្រស់​នោះ កុំ​រំលង​​​ការ​ញ៉ាំ​ផ្លែ​ឈើ​ជំនួយ​សម្រស់​ទាំង​នេះ​នៅ​ព្រឹកៗ​ឡើង​។​ ផ្លែ​ល្ហុងទុំ​​ សម្បូរ​ដោយ​សារធាតុ​ប្រឆាំង​អុក​ស៊ីត​កម្ម និង​សារធាតិ​ចិញ្ចឹម​ផ្សេង​ទៀត​ដើម្បី​ជួយ​ដល់​ការ​ផលិត​ខូឡាជែន។​ ល្ហុងទុំ ក៏​មាន​ដែរ​អង់ហ្ស៊ីម​ម្យ៉ាង​ឈ្មោះ​ថា  papainដែល​ជួយ​ទប់​ទល់​និង​ការ​បំផ្លាញ​ស្បែក​។​ ងាក​មក​ផ្លែ​ប្លែកបឺរី​ឯណេះ​វិញ ក៏​មិន​ធម្មតា​ដែរ ក្រៅពីរស​ជាតិ​ឆ្ងាញ់​ហើយ មាន​ជាតិ​ស្ករ​ទាប​ទៀត​ផង​។​ ក្រៅ​ពី​នេះ ផ្លែ​ប្លែក​បឺរី មាន​ទាំង​សារធាតុ​ប្រឆាំង​អុកស៊ីត​កម្ម វីតាមីន​A និង​វីតាមីន​C ថែម​ទៀត​ផង​។ ដូច​គ្នា​ដែរ ត្រសក់​ផ្អែម ក៏​មាន​ប្រយោជន៍​ចំពោះ​សម្រស់​ដែរ។ ត្រសក់​ផ្អែម មាន​ផ្ទុក beta-carotene ដែល​ត្រូវ​បំប្លែក​ទៅជា​វីតាមីន​ A​ នៅ​ក្នុង​រាង​កាយ​ និង​ជួយ​ឲ្យ​ស្បែក​យើង​ភ្លឺ​ថ្លា ហើយ​សក់​វិញ​ក៏​រឹងមាំ និង​ភ្លឺ​រលោង​។​ ក្រៅតែ​ពី​ហូប​អាហារ​ផ្សេងៗ​សម្រាប់​ពេល​ព្រឹក គ្នា​យើង​កុំ​ភ្លេច​បន្ថែម​ផ្លែឈើ​ទាំង​នេះ​ចូល ដើម្បី​បាន​ទទួល​គុណ​ប្រយោជន៍​ដ៏​អស្ចារ្យ​សម្រាប់​សុខភាព​ […]

រូបមន្តសុខភាព

​ការ​បំប៉ន​រាងកាយ​ជាមួយ​នឹង​ភេសជ្ជៈ​​ដែល​មាន​សារធាតុ​ចិញ្ចឹម​ គឺ​ពិត​ជា​មាន​អត្ថប្រយោជន៍​យ៉ាង​ខ្លាំង​ដល់​សុខភាព​របស់​យើង​​។ ​វា​មិន​ត្រឹមតែ​ជួយ​ផ្ដល់​ជាតិ​ទឹក​ដល់​រាងកាយ​ប៉ុណ្ណោះ​ទេ​ ​​ថែម​ទាំង​​​គ្រប់គ្រង​សីតុណ្ហភាព​រាងកាយ​ ​ជួយ​ឲ្យ​សន្លាក់​មាន​ជាតិ​រម្អិល​​ និង​ធានា​​ដំណើរការ​​ល្អ​នៃ​​សរីរាង្គ​ផ្សេង​ៗ​​ផង​ដែរ​។​ ជាមួយ​គ្នា​នេះ​ដែរ​ ការ​ញ៉ាំ​ភេសជ្ជៈ​ល្អៗ នឹង​ធ្វើ​ឲ្យ​យើង​មាន​អារម្មណ៍​ស្រស់ស្រាយ​ ​រហ័សរហួន​ ​និង​ជួយ​​ឲ្យ​យើង​​គេង​លក់​ស្រួល​ថែម​ទៀត​ផង​​​។​ ​នៅ​រដូវ​រងា​នេះ​ ​យើង​ចាំបាច់​ក្នុង​ការ​បំពេញ​ជាតិ​ទឹក​គ្រប់គ្រាន់​ដល់​រាងកាយ​ ​ពីព្រោះ​វា​អាច​​ជួយ​ពង្រឹង​​ដល់​ប្រព័ន្ធ​ភាព​ស៊ាំ​ ​ក៏​ដូចជា​ជួយ​ប្រយុទ្ធ​ប្រឆាំង​នឹង​ជំងឺ​ផ្ដាសាយ​តាម​រដូវ​កាល​បាន​យ៉ាង​អស្ចារ្យ​។​ យ៉ាង​ណា​មិញ​ ​ភេសជ្ជៈ​​ទាំង​៣​ខាងក្រោម​នេះ​ គឺ​ជា​ជម្រើស​ដ៏​ល្អ​បំផុត​ដែល​យើង​មិន​គួរ​មើល​រំលង​ឡើយ​។​​ ១. ទឹក​ដូង​ ​​​​​​​យើង​ប្រហែល​ជា​បាន​​ដឹង​ហើយ​ថា​ ទឹក​ដូង​មាន​គុណប្រយោជន៍​ដ៏​​​សម្បូរ​បែប​​ចំពោះ​​រាងកាយ​​។​ ជាក់​ស្ដែង​ ភេសជ្ជៈ​មួយ​ប្រភេទ​នេះ​ មាន​សារធាតុ​​ប្រឆាំង​អុកស៊ីតកម្ម​ ដែល​ការពារ​​កោសិកា​របស់​យើង​ពី​ការ​បំផ្លាញ​ ដែល​បណ្ដាល​មក​ពី​រ៉ាឌីកាល់​សេរី ព្រម​ទាំង​​ជា​ប្រភព​ម៉ាញ៉េស្យូម​​ ដែល​​អាច​បង្កើន​រំញោច​អាំងស៊ុយលីន​ និង​កាត់​បន្ថយ​កម្រិត​ជាតិ​ស្ករ​ក្នុង​ឈាម​បាន​យ៉ាង​មាន​ប្រសិទ្ធភាព​ផង​ដែរ​​។​ ​លើស​ពី​នេះ​ វា​ក៏​ជា​ភេសជ្ជៈ​ដែល​ល្អ​បំផុត​សម្រាប់​បំពេញ​ជាតិ​ទឹក​ បន្ទាប់​ពី​​ធ្វើ​លំហាត់​ប្រាណ ឬ​លេង​កីឡា​​រួច​ផង​ដែរ​។ ២. តែ​បៃតង​ ​ភេសជ្ជៈ​​មួយ​ប្រភេទ​នេះ​ ​មិន​ត្រឹមតែ​ជួយ​​សម្អាត​ និង​ធ្វើ​ឲ្យ​បំពង់​ក​របស់​យើង​ជ្រះ​ល្អ​​ប៉ុណ្ណោះ​​ទេ​ វា​ថែម​ទាំង​មាន​អត្ថប្រយោជន៍​ដល់​សុខភាព​ជា​ច្រើន​ផ្សេង​ទៀត​ដែល​យើង​នឹង​ស្មាន​មិន​ដល់​។​ ​ពិត​ណាស់​ តែ​បៃតង​​អាច​ជួយ​បង្កើន​​មុខងារ​ខួរ​ក្បាល​ បន្ថយ​ជាតិ​ខ្លាញ់​ ការពារ​រាងកាយ​ប្រឆាំង​នឹង​ជំងឺ​មហារីក​ ព្រម​ទាំង​កាត់​បន្ថយ​ឱកាស​នៃ​ការ​កើត​ជំងឺ​បេះដូង​ថែម​ទៀត​ផង​។ ជាង​នេះ​ទៅ​ទៀត​ វា​ក៏​អាច​កម្ចាត់​បញ្ហា​ក្លិន​មាត់​ ​ដោយ​រារាំង​ការ​លូតលាស់​របស់​បាក់តេរី​នៅ​ក្នុង​មាត់​ផង​ដែរ​។​ ​ខណៈ​ដែល​តែ​បៃតង​ជួយ​បំពេញ​ជាតិ​​ទឹក​ដល់​រាងកាយ​​បាន​យ៉ាង​​ល្អ​ វា​​ក៏​មាន​គុណ​ប្រយោជន៍​ជួយ​ឲ្យ​យើង​មាន​អាយុ​វែង​​ផង​ដែរ​។​ ៣. ក្រូច​ឆ្មារ​ និង​ទឹក​ឃ្មុំ ​ប្រសិនបើ​យើង​ចង់​បំពេញ​ជាតិ​ទឹក​ទៅ​ក្នុង​រាងកាយ​ យើង​មិន​អាច​មើល​រំលង​ក្រូច​ឆ្មារ​ និង​ទឹក​ឃ្មុំ​បាន​ឡើយ​ ពីព្រោះ​​ទឹក​ឃ្មុំ​​ជួយ​​ពង្រឹង​ប្រព័ន្ធ​ភាព​ស៊ាំ​ ព្រម​ទាំង​ជួយ​ប្រយុទ្ធ​​ប្រឆាំង​​នឹង​ការ​បង្ក​រោគ​នៅ​​ក្នុង​បំពង់​ក​​ថែម​ទៀត​ផង​។​ លើស​ពី​នេះ​ វា​ក៏​​​​ជួយ​​បន្សាប​ជាតិ​ពុល ព្រម​ទាំង​​ប្រឆាំង​នឹង​​​ការ​បង្ក​​រោគ​ផ្សេង​ៗ​ […]

រូបមន្តសុខភាព

ត្រសក់ ស្ដាប់​ហើយ គ្នា​យើង​គ្រប់​គ្នា​សឹង​តែ​ធ្វើ​ព្រងើយ ព្រោះ​គ្រាន់​តែ​ជា​បន្លែ​មួយ​ប្រភេទ​ប៉ុណ្ណោះ។ ចុះ​ទម្រាំ​ទឹក​ត្រសក់​ទៀត ដឹង​តែ​អត់​ខ្វល់​មិន​ខាន​ តែ​តាម​វេជ្ជសាស្ត្រ ទឹក​ត្រសក់មាន​ប្រយោជន៍​ច្រើន​សន្ធឹក​សន្ធាប់​ដល់​សុខភាព​យើង​ទាំង​អស់​គ្នា។ ចាំ “Hello គ្រូពេទ្យ” ប្រាប់​ម៉េច​បាន​អ៊ីចឹង! ១- ជួយរាងកាយមានជាតិទឹកគ្រប់គ្រាន់ ពេល​ខ្លួន​យើង​មាន​ជាតិ​ទឹក​គ្រប់​គ្រាន់ យើង​អាច​រក្សា​កម្ដៅ (សីតុណ្ហភាព) ក្នុង​ខ្លួន​ឲ្យ​មាន​តុល្យភាព ប្រព័ន្ធ​សរសៃ​ឈាម​បេះដូង​មាន​សុខភាព​ល្អ និង​សម្អាត​ជាតិ​ពុល​ក្នុង​ខ្លួន។ មិន​តែ​ប៉ុណ្ណោះ សរីរាង្គ​គ្រឿង​ក្នុង​យើង ​អាច​បំពេញ​មុខងារ​បាន​យ៉ាង​ល្អ​ពេញ​មួយ​ថ្ងៃ។ ឯ​ទឹក​ត្រសក់​វិញ មាន​លក្ខណៈ​ពិសេស​ច្រើន (រ៉ែ និង​វីតាមីន) ដែល​រក្សា​ខ្លួន​យើង​ឲ្យ​មាន​ជាតិ​ទឹក​គ្រប់​គ្រាន់។ ត្រូវ​ចាំ​ថា ពេល​ធ្វើ​ទឹក​ត្រសក់ ត្រូវ​ប្រើ​ទឹក​សុទ្ធ ឬ​ទឹក​ស្អាត។ ទឹក​អត់​ល្អ អាច​មាន​មេរោគ។ ២- មានវីតាមីន និងរ៉ែសំខាន់ៗ ទោះ​ទឹក​សំខាន់​ចំពោះ​រាង​កាយ​យើង​ខ្លាំង​ក៏​ដោយ តែ​ទឹក​អត់​មាន​វីតាមីន​ទេ។ ដើម្បី​ឲ្យ​មាន​វីតាមីន និង​រ៉ែ​សំខាន់ៗ​ច្រើន យើង​អាច​ញ៉ាំ​ទឹក​ត្រសក់​បាន។ បើ​លាយ​ជាមួយ​ផ្លែ​ឈើ​ផ្សេងៗ ទឹក​ត្រសក់​អាច​ជា​ប្រភព​អង់ទីអុកស៊ីដង់ (ជា​សារធាតុ​ប្រឆាំង​នឹង​ភាព​ចាស់ ប្រឆាំង​រោគ​មហារីក ប្រឆាំង​សាធាតុ​បំផ្លាញ​រាង​កាយ​ផ្សេងៗ) ដ៏​ល្អ។ ៣- រក្សាសម្ពាធឈាមល្អ ដាច់​សរសៃ​ឈាម​ខួរ​ក្បាល គាំង​បេះដូង ឬ​តម្រង​នោម សុទ្ធ​តែ​ជា​ប្រភេទ​ជំងឺ​បំផ្លាញ​យើង​ទាំង​អស់។ ការពារ​កុំ​ឲ្យ​កើត​ជំងឺ​ទាំង​នេះ រក្សា​សម្ពាធ​ឈាម​ឲ្យ​មាន​តុល្យភាព ជា​រឿង​សំខាន់​បំផុត។ ហើយ​វិធី​មួយ​ក្នុង​ចំណោម​វិធី​ជា​ច្រើន​ដើម្បី​បញ្ចុះ​សម្ពាធ​ឈាម គឺ​ផឹក​ទឹក​ត្រសក់។ នេះ​ក៏​ដោយសារ​បន្លែ​មិន​មាន​ផ្ទុក​ជាតិសូដ្យូម (ជាតិ​ប្រៃ/អំបិល)។ ៤- បង្អន់រឿងឃ្លាន បើ​ឃ្លាន​ផ្ដេសផ្ដាស​ទាំង​មិន​ទាន់​ដល់​ម៉ោង​បាយ​ផង […]

រូបមន្តសុខភាព

ផ្លែ​ប៉ោម​មិន​ត្រឹម​តែ​មាន​រសជាតិ​ផ្អែម​ឆ្ងាញ់​ប៉ុណ្ណោះ​ទេ​ ប៉ុន្តែ​វា​ក៏​មាន​អត្ថប្រយោជន៍​យ៉ាង​ច្រើន​ដល់​សុខភាព​របស់​យើង​ផង​ដែរ​​ដូចជា​ ជួយ​​សម្រួល​ដល់​សុខភាព​​ពោះវៀន​ កាត់​បន្ថយ​ហានិភ័យ​នៃ​ជំងឺ​គ្រោះថ្នាក់សរសៃ​ឈាម​ខួរ​ក្បាល​ សម្ពាធ​ឈាម​ខ្ពស់​ ជំងឺ​ទឹក​នោម​ផ្អែម​ ​ជំងឺ​បេះដូង​ ការ​ធាត់​ជ្រុល​ និង​ជំងឺ​មហារីក​មួយ​ចំនួន​ផង​ដែរ​។​ ហេតុដូច្នេះ​ហើយ​ ដើម្បី​ទទួល​បាន​សុខភាព​ល្អ​ និង​ចៀស​ឆ្ងាយ​ពី​ជំងឺ​ផ្សេងៗ​ ចូរ​​បន្ថែម​ផ្លែ​ប៉ោម​ចូល​ទៅ​ក្នុង​របប​អាហារ​​ប្រចាំ​ថ្ងៃ​របស់​​យើង​​។ ១. ​ការពារ​បេះដូង​ ​​​​​​​​​ផ្លែ​ប៉ោម​ សម្បូរ​ទៅ​ដោយ​ជាតិ​សរសៃ​ខ្ពស់​ ដែល​មាន​គុណ​ប្រយោជន៍​​ក្នុង​ការ​​ធ្វើ​ឲ្យ​កម្រិត​កូលេស្តេរ៉ូល​​កាន់​តែ​ប្រសើរ​​ជាង​មុន​។​ ​ចំពោះ​អ្នក​ដែល​​ចូលចិត្ត​ញ៉ាំ​ផ្លែ​​ឈើ​ទាំង​មូល​ រួម​ទាំង​ផ្លែ​ប៉ោម​ផង​ដែរ​នោះ​ មាន​ឱកាស​លើស​សម្ពាធ​ឈាម​តិចតួច​។​ ​​​ជាមួយ​គ្នា​នេះ​ដែរ​ ចំពោះ​ស្ត្រី​ដែល​ញ៉ាំ​ផ្លែ​ប៉ោម​​ច្រើន​ជាង​៧​ឆ្នាំ​ ​អាច​ជួយ​កាត់​បន្ថយ​ហានិភ័យ​នៃ​ជំងឺ​បេះដូង​​បាន​រហូត​ដល់​២២%​ផង​ដែរ​។ ២. ​បង្កើន​សុខភាព​ខួរ​ក្បាល តាម​រយៈ​ការ​សិក្សា​មួយ​បាន​ឲ្យ​ដឹង​ថា​ សម្រាប់​មនុស្ស​វ័យ​ចំណាស់​​ដែល​តែងតែ​​ញ៉ាំ​ផ្លែឈើ​ស្រស់​ៗ​ និង​បន្លែ​ជាប្រចាំ​ អាច​ជួយ​​កាត់​បន្ថយ​ហានិភ័យ​នៃ​ជំងឺ​ភ្លេចភ្លាំង​​នៃ​មនុស្ស​ចាស់ បាន​រហូត​ដល់​៣០​ ទៅ​៣៥%​​ ហើយ​នៅ​ពេល​ដែល​ពួក​គាត់​ប្រកាន់​ខ្ជាប់​របប​អាហារ​ទាំងនេះ​កាន់​តែ​យូរ​ មុខងារ​​នៃ​ការ​យល់​ដឹង​របស់​ពួកគាត់​ក៏​កាន់តែ​ប្រសើរ​ឡើង​​ដូច​គ្នា។​ ៣. សម្រកទម្ងន់​ ​​​​​​​​ជា​ទូទៅ​ ផ្លែ​ប៉ោម​មួយ​ផ្លែ​ ​អាច​​ធ្វើ​​ឲ្យ​យើង​​ទទួល​អារម្មណ៍​ថា​ឆ្អែត​ ជាមួយ​នឹង​កាឡូរី​ទាប​ជាង​១០០​ប៉ុណ្ណោះ​ ​ដែល​អាច​ជួយ​ឲ្យ​យើង​​ស្រក​ទម្ងន់​បាន​យ៉ាង​ងាយ​។​ ​យោង​តាម​​ការសិក្សា​មួយ​ បាន​បង្ហាញ​ថា​​អ្នក​ដែល​ញ៉ាំ​ផ្លែ​ប៉ោម​ មុន​ពេល​ញ៉ាំ​អាហារ​ នឹង​មាន​អារម្មណ៍​ថា​​ឆាប់​ឆ្អែត ​និង​ស្កប់ស្កល់​ជាង​អ្នក​ដែល​ញ៉ាំ​​ទឹក​ផ្លែ​ប៉ោម​ ឬ​មិន​ញ៉ាំ​ផ្លែ​ប៉ោម​ទាល់​តែ​សោះ​ ហើយ​ការសិក្សា​ដដែល​នេះ​​ក៏​បាន​​បញ្ជាក់​​ថា​ ការ​ចាប់ផ្ដើម​ញ៉ាំ​អាហារ​ ជាមួយ​នឹង​ផ្លែ​ប៉ោម​ ជួយ​ឱ្យ​​យើង​​ទទួល​បាន​​កាឡូរី​ជាមធ្យម​តិច​ជាង​មុន​ដល់​ទៅ​​២០០កាឡូរី​ ​បើ​ប្រៀបធៀប​នឹង​អ្នក​ដែល​​មិន​ញ៉ាំ​ផ្លែ​ប៉ោម​​។​ ៤. កាត់​បន្ថយ​ហានិភ័យ​នៃ​ជំងឺ​ទឹក​នោម​ផ្អែម​ប្រភេទ​២ បន្ថែម​ពី​នេះ​ ផ្លែ​ប៉ោម​​ក៏​មាន​អត្ថប្រយោជន៍​ទប់ស្កាត់​ជំងឺ​ទឹក​នោម​ផ្អែម​​ផង​ដែរ​​។​ ​សម្រាប់​អ្នក​ដែល​ញ៉ាំ​ផ្លែ​ប៉ោម​ មួយ​ផ្លែ​​​ ឬ​ច្រើន​ជាង​នេះ​ក្នុង​មួយ​ថ្ងៃ​ អាច​កាត់​បន្ថយ​ហានិភ័យ​នៃ​ជំងឺ​ទឹក​នោម​ផ្អែម​ប្រភេទ​២​ បាន​រហូត​ដល់​ទៅ​២៣%​ ​​​បើ​ប្រៀបធៀប​ទៅ​នឹង​អ្នក​ដែល​មិន​ញ៉ាំ​ផ្លែ​ប៉ោម​សោះ​។ […]

រូបមន្តសុខភាព

ផ្លែឈើ​សម្បូរ​ដោយ​វីតាមីន ជាតិរ៉ែ ជាតិ​សរសៃ និង​សារធាតុ​ផ្សេង​ទៀត ហើយ​ផ្លែឈើ​គឺ​ជា​អាហារ​ដ៏​ល្អ​សម្រាប់​សុខភាព។ ដូចនេះ អត្ថបទ​នេះ​លើក​ឡើង​ពី​ផ្លែឈើ​មួយ​ចំនួន​ដែល​យើង​គួរ​បញ្ចូល​ទៅ​ក្នុង​របប​អាហារ​ប្រចាំ​ថ្ងៃ​ដើម្បី​សុខភាព។ ១. ផ្លែ​ទំពាំង​បាយ​ជូរ ផ្លែ​ទំពាំង​បាយ​ជូរ​សម្បូរ​ដោយ​សារធាតុ​ចិញ្ចឹម និង​សារធាតុ​ប្រឆាំង​អុកស៊ីតកម្ម។ សារធាតុ​ប្រឆាំង​អុកស៊ីត​កម្ម​មាន​ក្នុង​ផ្លែ​ទំពាំង​បាយ​ជូរ​អាច​កាត់បន្ថយ​ហានិភ័យ​ជំងឺ​បេះដូង និង​មហារីក។ ២. ផ្លែ​ប៉ោម ផ្លែ​ប៉ោម​ផ្ដល់​អត្ថប្រយោជន៍​ដល់​សុខភាព​ដូចជា​កាត់បន្ថយ​ហានិភ័យ​ជំងឺ​បេះដូង និង​ជំងឺ​មហារីក។ នេះ​មក​ពី​ផ្លែ​ប៉ោម​មាន​សារធាតុ​ប្រឆាំង​អុកស៊ីតកម្ម​ច្រើន។ ការ​សិក្សា​ទៅ​លើ​មនុស្ស ៥៦ ០០០នាក់​បាន​រក​ឃើញ​ថា​អ្នក​ដែល​ញ៉ាំ​ផ្លែ​ប៉ោម​ច្រើន​អាច​កាត់បន្ថយ​ហានិភ័យ​ការ​ស្លាប់​បង្ក​ដោយ​ជំងឺ​បេះដូង និង​ជំងឺ​មហារីក។ ៣. ផ្លែ​បឺរ ផ្លែ​បឺរ​មាន​ផ្ទុក​សារធាតុ​ចិញ្ចឹម​ច្រើន​ដូចជា​ជាតិ​សរសៃ ខ្លាញ់​ល្អ ប៉ូតាស្យូម ម៉ាញេស្យូម ហ្វូឡាត វីតាមីន C និង​វីតាមីន K1។ ការ​សិក្សា​ជា​ច្រើន​បាន​ឲ្យ​ដឹង​ថា​ផ្លែ​បឺរ​អាច​ជួយ​សម្រក​ទម្ងន់ បញ្ចុះ​កម្រិត​ជាតិ​ស្ករ​ក្នុង​ឈាម និង​បន្ថយ​ហានិភ័យ​ជំងឺ​បេះដូង​បង្ក​ដោយ​ខ្លាញ់​អាក្រក់ (LDL)។ ៤. ផ្លែ​ក្រូចថ្លុង ការ​សិក្សា​ជា​ច្រើន​បាន​បង្ហាញ​ថា​អ្នក​ដែល​ញ៉ាំ​ផ្លែ​ក្រូចថ្លុង​គឺ​ទទួល​បាន​ម៉ាញេស្យូម វីតាមីន C ប៉ូតាស្យូម និង​ជាតិសរសៃ​ច្រើន​ជាង​អ្នក​មិន​ញ៉ាំ​។ ម៉្យាងទៀត ការ​វិភាគ​មួយ​ក៏​បាន​រក​ឃើញ​ថា​ស្ត្រី​ដែល​ញ៉ាំ​ផ្លែ​ក្រូចថ្លុង​មាន​ទម្ងន់​តិច និង​មាន​កម្រិត​ខ្លាញ់​អាក្រក់ (Triglycerides)ទាប។ ៥. ផ្លែ​ទទឹម ការ​សិក្សា​ជាច្រើន​បាន​ឲ្យ​ដឹង​ថា​ផ្លែ​ទទឹម​ផ្តល់​អត្ថប្រយោជន៍​ច្រើន​ដល់​សុខភាព​ដូចជា​កាត់បន្ថយ​អាការៈ Oxidative stress (អតុល្យភាព​នៃ​រ៉ាឌីកាល​សេរី និង​សារធាតុ​ប្រឆាំង​អុកស៊ីតកម្ម​នៅ​ក្នុង​រាងកាយ) បញ្ចុះ​សម្ពាធ​ឈាម បញ្ចុះ​ខ្លាញ់​អាក្រក់ និង​ការ​ខូចខាត​សាច់ដុំ។ ៦. ផ្លែ​ល្ហុង ផ្លែ​ល្ហុង​សម្បូរ​ដោយ​វីតាមីន C ប្រូវីតាមីន A (Provitamin A) ហ្វូឡាត ប៉ូតាស្យូម និង​សារធាតុ​ប្រឆាំង​អុកស៊ីតកម្ម​លីកូប៉ែន […]

រូបមន្តសុខភាព

សារធាតុចិញ្ចឹម​បាន​ពី​ការ​ទទួលទាន​អាហារគឺមាន​សារសំខាន់​សម្រាប់​សុខភាពរាងកាយ​របស់​យើង។ ដូចគ្នា​ដែរ​​របប​អាហារ​ល្អ​អាច​ជួយ​ឲ្យ​ដំណើរការ​ជា​សះស្បើយពីជំងឺ​​កាន់​តែ​លឿន​ជាង​ធម្មតា​ផង​ដែរ​។ ប៉ុន្តែ​តើ​ត្រូវ​ញ៉ាំ​អាហារ​អ្វី​ខ្លះ​នៅ​ពេលយើង​​ឈឺ​​ដើម្បី​ជួយ​ដល់​ការ​ជា​សះស្បើយបាន​លឿន​? ១. មើម​ខ្ញី នៅ​ពេល​មាន​ឆ្លង​ជំងឺ​ផ្ដាសាយ ផ្ដាសាយធំ ឬ​អាលែកហ្សី យើង​តែង​គិត​ដល់មើម​ខ្ញី​មុន​គេ។ ការ​ស្រាវជ្រាវ​បាន​ឲ្យ​ដឹង​ថា​ខ្ញី​គឺ​មាន​ប្រយោជន៍​ក្នុង​ការ​បន្ធូរ​អាការៈ​មួយ​ចំនួន​ដូចជា​អាការៈ​ចង្អោរ និង​ក្អួត។ ២. ផ្លែ​ចេក នៅ​ពេល​យើង​ឈឺ រាងកាយ​យើង​នឹង​ប្រើ​ថាមពល​ច្រើន​ក្នុងការ​​ជា​សះស្បើយ​ដែល​នេះ​អាច​ធ្វើ​ឲ្យ​យើង​បាត់បង់​ចំណង់​អាហារ។ អាហារ​ដែល​ទន់​ងាយស្រួល​ញ៉ាំ​ពេល​ឈឺ​គឺ​ផ្លែ​ចេក​ ហើយ​ផ្លែ​ចេក​សម្បូរ​ដោយ​ជាតិសរសៃ ប៉ូតាស្យូម និង​ជាតិស្ករ​ល្អ​។ ផ្លែ​ចេក​ផ្តល់​ថាមពល​ដល់​រាងកាយ​ដើម្បី​ប្រឆាំង​នឹង​ជំងឺ​ផ្សេងៗ​ដូចជា​ជំងឺ​ផ្ដាសាយ​ជាដើម។ ផ្លែ​នេះ​ក៏​ល្អ​សម្រាប់​បញ្ហា​ទល់លាមក​ និង​បញ្ហា​ក្នុងការ​រំលាយអាហារ។ ៣. ដំណាប់​ផ្លែឈើ នៅ​ពេល​យើង​ឈឺ​ យើង​នឹង​មិន​ចង់​ញ៉ាំ​អ្វី​ទាំងអស់ ប៉ុន្តែ​ដំណាប់​ផ្លែឈើ​គឺ​ជា​ជម្រើស​ដ៏​ល្អ​ព្រោះ​សម្បូរ​ដោយ​សារធាតុចិញ្ចឹម និង​ផ្តល់​ថាមពល​ដល់​រាងកាយ។ គេ​តែង​ណែនាំ​ឲ្យ​ញ៉ាំ​ដំណាប់​ផ្លែឈើ​ពេល​យើង​ជួប​ប្រទះ​បញ្ហា​ទល់លាមក និង​ផ្ដាសាយ។ ៤. ទឹកដូង ការ​រក្សា​ជាតិ​ទឹក​ក្នុង​រាងកាយ​គឺ​សំខាន់​ណាស់​ពេល​យើង​ឈឺ​ជាពិសេស​ពេល​គ្រុនក្ដៅ បែក​ញើស​ច្រើន មាន​អាការៈ​ចង្អោរ ឬ​ក្អួត​ដែល​ធ្វើ​ឲ្យ​យើង​បាត់បង់​ជាតិ​ទឹក។ ទឹកដូង​មាន​ផ្ទុកគ្លុយកូស និង​អេឡិចត្រូលីត​ដែល​រាងកាយ​ត្រូវការ​ដើម្បី​បំពេញ​ជាតិទឹក​ឡើង​វិញ។ ៥. ខ្ទឹមស ខ្ទឹមសមានប្រយោជន៍​​ល្អ​សម្រាប់​ការ​ឆ្លង​ជំងឺ​ផ្សេងៗ និង​អាលែកហ្សី​ព្រោះ​ខ្ទឹមស​សម្បូរ​ជាតិរ៉ែ វីតាមីន និង​សារធាតុ allicin​ដែល​មាន​ប្រយោជន៍​ខាង​ឱសថ។ ខ្ទឹមសប្រើ​​ដើម្បី​បញ្ចុះ​សម្ពាធឈាម រក្សា​សីតុណ្ហភាព​ក្នុង​រាងកាយ​ពេល​គ្រុនក្ដៅ ប្រឆាំង​នឹង​ការ​ឆ្លង​មេរោគ និង​បញ្ចុះ​កម្រិត​ជាតិស្ករ​ក្នុង​ឈាម។ ៦. ផ្លែ​ក្រូច ផ្លែ​ក្រូច​សម្បូរ​ដោយ​ជាតិ​សរសៃ fructose និង​វីតាមីន C។ ជាទូទៅ គេ​ណែនាំ​ឲ្យ​ញ៉ាំ​ផ្លែ​ក្រូច​សម្រាប់​អ្នក​មាន​ជំងឺ​ផ្ដាសាយ​។ ៧. នំប៉័ង​អាំង​ នំប៉័ង​អាំង​មាន​ជាតិ​សរសៃ កាបូអ៊ីដ្រាត និង​ងាយស្រួល​ក្នុង​ការ​រំលាយ​ដែល​ជា​អាហារ​ពេល​ព្រឹក​ដ៏​ល្អ​នៅ​ពេល​យើង​ឈឺ។ នំប៉័ង​អាំង​គឺ​ល្អ​សម្រាប់​អ្នក​ពុល​អាហារ រាករូស ចង្អោរ និង​ផ្ដាសាយ។ ៨. Oatmeal អាហារ​ពេល​ព្រឹក​ដ៏​ល្អ​មួយ​ទៀត​គឺ Oatmeal […]

រូបមន្តសុខភាព

ជំងឺ​រលាក​សន្លាក់​ឆ្អឹង​ភាគ​ច្រើន​កើត​នៅ​ជង្គង់ ដៃ ត្រគាក ឬ​ឆ្អឹងខ្នង ហើយ​មនុស្ស​មួយ​ចំនួន​ជឿ​ថា​ការ​ផ្លាស់ប្ដូរ​របប​អាហារ​អាច​ជួយសម្រាល​​ដល់​រោគសញ្ញា​ជំងឺ​រលាក​សន្លាក់​ឆ្អឹង​រួម​មាន​ការ​ឈឺចាប់ គាំង​សន្លាក់ និង​ហើមបាន។ អត្ថបទ​នេះ​នឹង​បង្ហាញ​ពី​អាហារ​គួរ​ញ៉ាំ និង​អាហារ​គួរ​ចៀសវាងចំពោះ​គ្នាយើង​​ដែលមាន​ជំងឺ​នេះ។ អាហារ​គួរ​ញ៉ាំ អាហារ​មួយ​ចំនួន​គឺ​អាច​ជួយ​ឲ្យ​ឆ្អឹង​ សាច់ដុំ និង​សន្លាក់​ឆ្អឹង​មាន​ភាព​រឹងមាំ និង​ជួយ​រាងកាយយើង​​ប្រឆាំង​នឹង​ការ​រលាក និង​ជំងឺ​ផ្សេងៗ។ សម្រាប់​គ្នា​យើង​ដែល​មាន​ជំងឺ​រលាក​សន្លាក់​ឆ្អឹង​គួរ​បន្ថែម​អាហារ​ប៉ុន្មាន​ប្រភេទ​នេះ​ដើម្បី​ជួយបន្ថយ​រោគសញ្ញា។ ១. សាច់ត្រី យើង​គួរ​ញ៉ាំ​ត្រី​ដែល​មាន​អាស៊ីត​ខ្លាញ់​អូមេហ្គា​៣ច្រើន ព្រោះ​ខ្លាញ់​នេះ​អាច​ប្រឆាំង​នឹង​ការ​រលាក​បាន​ និង​មាន​ប្រយោជន៍​ដល់​អ្នក​មាន​ជំងឺ​រលាក​សន្លាក់​ឆ្អឹង។ យកល្អ​គួរ​ញ៉ាំ​សាច់ត្រី​ឲ្យ​បាន​យ៉ាង​តិច​ម្ដង​ក្នុង​មួយ​សប្ដាហ៍។ ប្រភេទ​ត្រី​នេះ​មាន​ដូចជា​ត្រីសាឌីន ត្រីសាបាក (Mackerel) ត្រី​សាល់ម៉ុន និង​ត្រី​ធូណា។ ក្រៅ​ពី​ត្រី អាហារ​ដែល​មាន​អាស៊ីត​ខ្លាញ់​អូមេហ្គា៣​រួមមាន​គ្រាប់ជីរ និង​គ្រាប់​ walnut ជាដើម។ ២. ប្រេង ប្រេង​មួយ​ចំនួន​អាច​កាត់បន្ថយ​ការ​រលាក​បាន​ដូចជា​ប្រភេទ​ប្រេង​អូលីវ​ដែល​មាន​ផ្ទុក​សារធាតុ oleocanthal ច្រើន។ ក្រៅពី​ប្រេង​អូលីវ ផ្លែ​បឺរ និង​ប្រេង safflower ក៏​ជា​ជម្រើស​ល្អ និង​អាច​បញ្ចុះ​កូលេស្តេរ៉ូល​ដែរ។ ៣. ផលិតផល​ធ្វើ​ពី​ទឹកដោះគោ ទឹកដោះគោ យ៉ាអួ និង​ឈីស​សំបូរ​ទៅ​ដោយ​កាល់ស្យូម និង​វីតាមីន D។ សារធាតុចិញ្ចឹម​ទាំង​ពីរ​នេះ​ជួយ​ឲ្យ​ឆ្អឹង​រឹងមាំ​ដែល​អាច​បន្ថយ​ការ​ឈឺចាប់​បាន។ ផលិតផល​ធ្វើ​ពី​ទឹកដោះគោ​ក៏​មាន​ប្រូតេអ៊ីន​ដែល​អាច​ជួយ​បង្កើន​សាច់ដុំ​ដែរ។ យើង​អាច​ជ្រើស​រើស​យក​ទឹកដោះគោ​មាន​ខ្លាញ់​តិច​ប្រសិនជា​យើង​កំពុង​សម្រក​ទម្ងន់។ ៤. បន្លែ​ស្លឹក​បៃតង បន្លែ​ស្លឹក​បៃតង​គឺ​មាន​វីតាមីន D ​សារធាតុ​ប្រឆាំង​អុកស៊ីតកម្ម និង​សារធាតុ​ប្រឆាំង​នឹង​ស្ត្រេស។ វីតាមីន D សំខាន់​សម្រាប់​រាងកាយ​ក្នុង​ការ​ស្រូប​យក​កាល់ស្យូម និង​ជួយ​ពង្រឹង​ប្រព័ន្ធ​ភាពស៊ាំ​ក្នុង​ការ​ប្រឆាំង​នឹង​ជំងឺ​ផ្សេងៗ។ […]

រូបមន្តសុខភាព

ការមាន​របប​អាហារ​ត្រឹម​ត្រូវ​អាច​ជួយ​ទ្រទ្រង់​ដល់​សុខភាព​ផ្លូវ​កាយ និង​ផ្លូវ​ចិត្តរបស់​យើង​បាន​។ ប៉ុន្តែ​ប្រសិនជា​រាងកាយ​មិន​ទទួល​បាន​អ្វី​ដែល​ត្រូវ​ការ យើង​អាច​នឹង​មាន​អារម្មណ៍​មិន​ល្អ និង​មាន​ផល​អវិជ្ជមាន​ទៅលើ​សុខភាព​ផ្លូវកាយ និង​ផ្លូវ​ចិត្តទៀត​ផង​។ ជាមួយ​គ្នា​នោះដែរ​កម្រិត​ជាតិ​ស្ករ​ក្នុង​ឈាម​ក៏មាន​សារៈសំខាន់​សម្រាប់​សុខភាព​ផ្លូវ​កាយ និង​ផ្លូវ​ចិត្តដែរ​។ នៅ​ពេល​កម្រិត​ជាតិ​ស្ករ​ក្នុង​ឈាម​មាន​ការ​កើន​ឡើង ឬ​ធ្លាក់​ចុះ​វិញ​នោះ​អាច​ប៉ះពាល់​ដល់​អារម្មណ៍​យើង​ដោយអាច​មាន​អារម្មណ៍ថា​​ហត់ និង​ស្ពឹក​ជាដើម​។ របប​អាហារ​ល្អ​សម្រាប់​សុខភាព​ផ្លូវ​ចិត្ត អាហារ​ដែល​ទ្រទ្រង់​ដល់​សុខភាព​ផ្លូវ​ចិត្ត​គឺ​ប្រភេទ​អាហារ​ដែល​ប្រឆាំង​នឹង​ការ​រលាក និង​ផ្តល់ឲ្យ​រាងកាយ​នូវ​ពពួក​វីតាមីន រ៉ែ និង​សារធាតុ​ចិញ្ចឹម​ដែល​រាងកាយ​ត្រូវ​ការ​មាន​ដូចជា៖ Probiotics៖ ប្រសិនជា​សុខភាព​ពោះវៀន​មិន​ល្អ អាច​ប៉ះពាល់​ដល់​សុខភាព​ផ្លូវ​ចិត្ត។ នេះ​មក​ពី​ពោះវៀន​ផលិត​សារធាតុ​ serotonin ដែល​សារធាតុនេះផលិត​នូវ​អារម្មណ៍​សប្បាយ​រីករាយ។ ដូចនេះ​សម្រាប់​សុខភាព​ពោះវៀន គួរញ៉ាំ​អាហារ​សំបូរ​ដោយ​ probiotic មាន​ដូចជា​យ៉ាអួ គីមឈី និង​តៅហ៊ូ​ជាដើម។ អាហារ​ប្រឆាំង​ការ​រលាក៖ អាហារ​ដែល​អាច​កាត់បន្ថយ​ការ​រលាក​នៅ​ក្នុង​រាងកាយ​មាន​ដូចជា​ល្មៀត ខ្ញី គ្រាប់​ធញ្ញជាតិ ខ្លាញ់​ត្រី ផ្លែ​ប៉េងប៉ោះ បឺរី បន្លែ​បៃតង និង​ប្រេង​អូលីវ។ ប្រភេទ​អាហារ​ស្រស់៖ យក​ល្អ​គួរ​ញ៉ាំ​បន្លែ និង​អាហារ​ស្រស់​ដែល​មិនមាន​ការ​កែ​ច្នៃ។ យើង​ក៏​អាចញ៉ាំ​គ្រាប់ធញ្ញជាតិ​ស្រស់ និង​ប្រេង​រុក្ខជាតិផង​ដែរ​។ របប​អាហារ​មាន​ផល​អវិជ្ជមាន​លើ​សុខភាព​ផ្លូវចិត្ត ដើម្បី​ជួយ​ឲ្យ​អារម្មណ៍​ល្អ យើង​​គួរ​ញ៉ាំ​អាហារ​ប៉ុន្មាន​ប្រភេទ​នេះ​ក្នុង​កម្រិត​តិចតួច ព្រោះ​អាហារ​ទាំង​នេះបើញ៉ាំច្រើន​​អាច​ធ្វើ​ឲ្យ​កម្រិត​ជាតិ​ស្ករ​ក្នុង​ឈាម​កើន​ឡើង និង​បង្ក​ការ​រលាក​ក្នុង​រាងកាយ។ អាហារ​កែច្នៃ៖ អាហារ​ប្រភេទ​នេះ​រួមមាន​នំ​ដំឡូង​កញ្ចប់ នំ​ស្រួយ នំ​ដុត ដំឡូង​បារាំង​បំពង នំប៉័ង ផ្ដាស្តា ភីហ្សា និង​អាហារ​ក្លាហ្សេ។ […]

រូបមន្តសុខភាព

គ្រប់​អាហារ​ទាំង​អស់​សុទ្ធ​តែ​ផ្តល់​នូវ​ថាមពល​ដល់​រាងកាយ ប៉ុន្តែ​មិន​មែន​គ្រប់​អាហារ​ទាំង​អស់​អាច​ផ្តល់​ថាមពល​ដល់​រាងកាយ​រយៈពេល​យូរ​ទេ ហើយ​នៅ​អាច​ជួយ​ឲ្យ​ឆ្អែត​បាន​យូរ​ទៀត។ អត្ថបទ​នេះ​ប្រាប់​ពី​អាហារ​មួយ​ចំនួន​អាច​ផ្តល់​ថាមពល​ដល់​រាងកាយក្នុងរយៈពេល​យូរ។ ១. ស៊ុត ស៊ុត​មួយ​គ្រាប់​មាន​ ៧០កាឡូរី ​ប្រូតេអ៊ីន ៦ក្រាម និងសារធាតុ​ចិញ្ចឹម​ជា​ច្រើន​ទៀត​ដែល​នេះ​អាច​ជួយ​រាងកាយ​មាន​ថាមពល និង​ឆ្អែត​បាន​រយៈពេល​យូរ​ជាង​អាហារ​សម្រន់​ផ្សេងទៀត។ ២. សាច់មាន់ សាច់មាន់​សំបូរ​ដោយ​ប្រូតេអ៊ីន។ សាច់មាន់អាំង​មួយ​ដុំ​ជាមួយ​នឹង​បន្លែ​បៃតង​ញ៉ាំ​ជា​អាហារ​ថ្ងៃ​ត្រង់​អាច​ជួយ​ឲ្យ​យើង​ឆ្អែត​ដល់​អាហារ​ពេលល្ងាច។ ម៉្យាងទៀត​សាច់មាន់​មាន​ខ្លាញ់ឆ្អែត​ដែល​ប៉ះពាល់​សុខភាព​តិចជាង​សាច់ជ្រូក សាច់គោ និង​សាច់ចៀម។ ៣. ថ្លើមគោ នៅ​ពេល​រាងកាយ​ទទួល​បាន​វីតាមីន B12មិន​គ្រប់គ្រាន់​អាច​ធ្វើ​ឲ្យ​ថាមពល​មិន​គ្រប់គ្រាន់​តាម​ហ្នឹង​ដែរ។ ថ្លើមគោគឺ​ជា​ប្រភព​ដ៏​ល្អ​សម្រាប់​វីតាមីន B12 និង​ប្រូតេអ៊ីន​ដែល​អាច​ផ្តល់​ថាមពល​បាន​រយៈពេល​យូរ។ ប្រសិន​ជាយើង​មិន​អាច​ញ៉ាំ​ថ្លើម​បាន ​ក៏​អាច​ញ៉ាំ​សាច់​សត្វ​ សាច់​មាន់ សាច់ត្រី និង​ស៊ុត​ដើម្បី​ទទួល​បាន​វីតាមីន​នេះ។ ៤. អយស្ទើរ អយស្ទើរ​គឺ​ជា​ប្រភព​ដ៏​ល្អ​សម្រាប់​ប្រូតេអ៊ីន​មាន​ខ្លាញ់​ទាប និង​សំបូរ​ដោយ​ស័ង្កសី​ដែល​អាច​ជួយរាងកាយ​ប្រឆាំង​នឹង​ពពួក​មេរោគ​ធ្វើឲ្យ​ហត់។ យើង​អាច​ញ៉ាំ​ឆៅ​ជាមួយ​នឹង​ក្រូចឆ្មារ ឬ​យក​ទៅ​អាំង​ក៏​បាន។ ៥. ត្រី​សាឌីន ត្រី​សាឌីន​ផ្តល់​ប្រូតេអ៊ីន​សាច់​ក្នុង​កម្រិត​ខ្ពស់​ដែល​អាច​ជំនួយ​កម្លាំង​បាន។​ មិនត្រឹម​តែ​ប៉ុណ្ណោះ​ ត្រីនេះក៏​សំបូរ​ដោយ​អាស៊ីតខ្លាញ់​អូមេហ្គា ៣​ដែល​អាច​បង្ការ​ជំងឺ​បេះដូង។ ប្រសិន​យើង​មិន​ចេះ​ញ៉ាំ​ត្រី​សាឌីន យើង​អាច​សាក​ញ៉ាំ​ត្រី​សាល់ម៉ុន ត្រី​ធូណា ឬ​ត្រី mackerel។ ៦. សណ្តែក សណ្តែក​ជា​ប្រភព​ប្រូតេអ៊ីន ជាពិសេស​សម្រាប់​អ្នក​តម​សាច់សត្វ ហើយ​សណ្តែក​ក៏​មាន​ជាតិ​សរសៃ​ច្រើន​ដែល​ជួយ​ឲ្យ​ការ​រំលាយ​យឺត។ លើសពីនេះទៀត​ក៏​សំបូរ​ដោយ​ម៉ាញ៉េស្យូម​ដែល​ជួយ​ដល់​កោសិកា​ក្នុង​ការ​ផលិត​ថាមពល។ ៧. សូកូឡាខ្មៅ ប្រសិន​ជា​យើង​ចង់​ញ៉ាំ​របស់​ផ្អែម សូកូឡាខ្មៅ​ជា​ជម្រើសល្អ​ព្រោះ​មាន​ជាតិ​ស្ករ​តិច​ជាង​ស្ករគ្រាប់ និង​សូកូឡា​ទឹកដោះគោ។ សូកូឡា​ខ្មៅ​អាច​ជួយ​ឲ្យ​អារម្មណ៍​ល្អ និង​ជំនួយ​ដល់​ដំណើរ​ការ​ខួរក្បាល​ដែរ។ សារធាតុ​ប្រឆាំង​អុកស៊ីត​កម្ម​នៅ​ក្នុង​ផ្លែ​កាកាវ​​អាច​ការពារ​កោសិកា​ បញ្ចុះ​សម្ពាធឈាម និង​សម្រួល​ដល់​ចរន្តឈាម​ដែល​នេះ​អាច​ជួយ​ឲ្យ​សុខភាព​ល្អ និង​មាន​ថាមពល។ មុន​នឹង​ញ៉ាំ​សូកូឡាខ្មៅ​គួរ​ពិនិត្យ​មើល​ម៉ាក និង​ញ៉ាំ​តិចតួច​ព្រោះ​សូកូឡាខ្មៅ​មាន​ជាតិខ្លាញ់។ […]

x