សុខភាពប្រព័ន្ធទឹកនោម Archives - Page 4 of 8

ទម្លាប់ខុសឆ្គងទាំង ៧ នេះ អាចបំផ្លាញតម្រងនោមយើងដោយមិនដឹងខ្លួន

តម្រងនោមដើរតួនាទីយ៉ាងសំខាន់ក្នុងការច្រោះកាកសំណល់ គ្រប់គ្រងតុល្យភាពជាតិទឹក និងថែទាំសុខភាពរាងកាយទាំងមូល។ យ៉ាងណាមិញ នៅពេលថ្មីៗនេះ បញ្ហាតម្រងនោមមានការកើនឡើងយ៉ាងខ្លាំង ជាពិសេសចំពោះមនុស្សវ័យក្មេងដោយសារតែបែបបទរស់នៅមិនល្អ។ ជាក់ស្តែង ទម្លាប់មួយចំនួន ដែលយើងតែងតែមើលរំលង អាចបំផ្លាញសរីរាង្គសំខាន់ៗ ដូចជាតម្រងនោមបន្តិចម្តងៗ។ ហេតុនេះហើយ គ្នាយើងគប្បីយល់ដឹង និងផ្លាស់ប្ដូរទំលាប់មិនល្អទាំងនេះភ្លាមៗ ដើម្បីការពារការខូចតម្រងនោម។ ទម្លាប់ទាំង៧ដែលបំផ្លាញតម្រងនោម ១. កង្វះជាតិទឹក នៅពេលដែលយើងញ៉ាំទឹកមិនគ្រប់គ្រាន់ នោះនឹងធ្វើឲ្យតម្រងនោមមិនអាចបណ្តេញជាតិពុលប្រកបដោយប្រសិទ្ធភាព ព្រមទាំងអាចបណ្តាលឲ្យមានការកើតក្រួសតម្រងនោម និងការបង្ករោគលើផ្លូវទឹកនោម។ ដើម្បីទ្រទ្រង់សុខភាពតម្រងនោម គ្នាយើងគួរញ៉ាំទឹកឲ្យបានគ្រប់គ្រាន់ ជាពិសេសនៅរដូវក្តៅ និងអំឡុងពេលធ្វើលំហាត់ប្រាណ។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ២.ញ៉ាំប្រៃជ្រុល របបអាហារដែលមានជាតិប្រៃជ្រុល អាចបង្កើនសម្ពាធឈាម និងធ្វើឲ្យប្រព័ន្ធច្រោះរបស់តម្រងនោមចុះខ្សោយ។ កត្តានេះ អាចរួមចំណែកធ្វើឲ្យយើងខូចតម្រងនោម និងបង្កើនហានិភ័យនៃការកើតជំងឺតម្រងនោម។ ដូច្នេះហើយ យើងគួរតែកាត់បន្ថយរបបអាហារដែលមានជាតិប្រៃខ្លាំង ដូចជាអាហារកែច្នៃ និងអាហារសម្រន់ជាដើម។ ៣. សម្ពាធឈាមខ្ពស់ ជំងឺលើសឈាម ជាមូលហេតុចម្បងនៃការខូចតម្រងនោម ពីព្រោះថាសម្ពាធឈាមខ្ពស់ អាចប៉ះពាល់ដល់សរសៃឈាមក្នុងតម្រងនោម និងធ្វើឲ្យមុខងារតម្រងនោមចុះខ្សោយ។ អ៊ីចឹងហើយ យើងគប្បីតាមដានសម្ពាធឈាមជាប្រចាំ និងញ៉ាំថ្នាំតាមវេជ្ជបញ្ជា ដើម្បីការពារផលវិបាកនៃជំងឺតម្រងនោម។ ៤. ញ៉ាំគ្រឿងស្រវឹងច្រើនជ្រុល ទន្ទឹមនឹងនេះដែរ ការញ៉ាំគ្រឿងស្រវឹងច្រើនជ្រុល អាចរំខានដល់ដំណើរការរបស់តម្រងនោម និងបង្កជាជំងឺតម្រងនោម។ ជាតិអាល់កុល ជាថ្នាំបញ្ចុះទឹកនោមដែលអាចធ្វើឲ្យរាងកាយខ្សោះជាតិទឹក និងតម្រងនោមចុះខ្សោយ។ […]

បញ្ហាប្លោកនោម

ទប់នោម មានគ្រោះថ្នាក់ដល់សុខភាពម៉េចខ្លះ?

គ្នាយើងធ្លាប់ទប់នោមរយៈពេលយូរដោយហេតុផលណាមួយ ហើយមានអារម្មណ៍ថាចង់ផ្ទុះប្លោកនោមដែរទេ? ការមិនអើពើទៅនឹងការផ្ដល់ដំណឹងថាត្រូវទៅបន្ទប់ទឹកពីសំណាក់រាងកាយ និងខំព្យាយាមទប់នោមរយៈពេលយូរ អាចធ្វើឲ្យប្លោកនោមខូច និងមានបញ្ហាសុខភាពផ្សេងទៀត។ ប្លោកនោមអ្នកមានសុខភាពល្អធម្មតាអាចផ្ទុកទឹកនោមបានចន្លោះពី៤០០មិល្លីលីត្រ ទៅ៥០០មិល្លីលីត្រ មុននឹងពេញត្រូវទៅបន្ទប់ទឹក។ ដូចនេះហើយជាការសំខាន់ណាស់ ដែលយើងត្រូវទៅនោមនៅពេលមានសញ្ញាថាឈឺនោម។ អ្នកជំនាញផ្នែកផ្នែកប្រព័ន្ធផ្លូវទឹកនោមបានណែនាំថា មនុស្សយើងត្រូវទៅនោមចេញម្ដងក្នុងរវាងបីម៉ោងម្ដង ទោះបីជាឈឺនោម ឬមិនឈឺនោមក៏ដោយ។ ការធ្វើដូចនេះ ដើម្បីកុំឲ្យយើងផ្ទុកទឹកនោមនៅក្នុងខ្លួនរយៈពេលយូរពេក។ ការទប់នោមទុករយៈពេលយូរ អាចធ្វើឲ្យយើងមានបញ្ហាសុខភាពផ្សេងៗ ដូចជាឆ្លងរោគផ្លូវទឹកនោមជាដើម។ យ៉ាងណា មិនមែនគ្រប់គ្រប់គ្នាសុទ្ធតែត្រូវទៅនោមបីម៉ោងម្ដងនោះទេ អាចថាមានអ្នកខ្លះត្រូវទៅញឹកជាងនេះ ដោយសារតែការផឹកភេសជ្ជៈផ្សេងៗ ដូចជាកាហ្វេអ៊ីន ជាដើម ដែលអាចតម្រូវឲ្យទៅនោមញឹកញាប់។ ១. ហានិភ័យនៃការទប់នោមយូរ ក្នុងករណីជាច្រើន ការទប់នោមក្នុងរយៈពេលខ្លីដើម្បីដល់កន្លែងមានបន្ទប់ទឹក ឬកន្លែងសមគួរ មិនធ្វើឲ្យប៉ះពាល់ដល់សុខភាពនោះទេ។ ប៉ុន្តែ បើការទប់នោមញឹកញយពេកក៏អាចបង្កឲ្យមានជាហានិភ័យឆ្លងរោគផ្លូវទឹកនោមដែរ។ ការណ៍នេះក៏ព្រោះតែទឹកនោមនៅក្នុងប្លោកនោមយូរពេក អាចធ្វើឲ្យបាក់តេរីកើនឡើងច្រើន។ ដូចគ្នាដែរ បើយើងទប់នោមយូរ មិនព្រមទៅនោម ក៏អាចបង្កឲ្យមានបញ្ហាមេតាប៉ូលិសខុសប្រក្រតី និងបញ្ហាអ៊ីឡិចត្រូលីត។ ការកើតមានបញ្ហាទាំងនេះអាចធ្វើឲ្យយើងខ្សោយតម្រងនោមបានដែរ។ ក្រៅពីនេះក៏អាចធ្វើឲ្យសាច់ដុំប្លោកនោមចុះខ្សោយ នាំឲ្យមានបញ្ហាលេចនោម ឬប្លោកនោមជួបបញ្ហាបញ្ចេញទឹកនោមមិនអស់ជាដើម។ ដូចនេះហើយ ការញ៉ាំទឹកច្រើន និងទៅនោមឲ្យបានទៀងទាត់ ជាវិធីល្អបំផុតមួយក្នុងការចៀសផុតពីការកើនឡើងនៃបាក់តេរី ដែលនាំឲ្យមានការឆ្លងរោគ។ ២. អ៊ីចឹងពេលណាគួរទៅបន្ទប់ទឹក? បើសិនជាយើងជាមនុស្សម្នាក់ដែលមិនសូវមានអារម្មណ៍ឈឺនោមញឹកញាប់ទេ ក៏គួរតែកំណត់ពេលវេលាទៅនោមឲ្យបានច្បាស់លាស់ដែរ។ ដូចគ្នា នៅពេលដែលប្លោកនោមឲ្យសញ្ញាថាពេញ និងត្រូវទៅបន្ទប់ទឹក យើងកុំនៅទប់យូរពេក គួរប្រញាប់ទៅបញ្ចេញទឹកនោមចោលដែរ។ ការមានទម្លាប់ដូចនេះ នឹងធ្វើឲ្យទំនាក់ទំនងរវាងខួរក្បាល និងប្លោកនោមរបស់យើងនៅមានសភាពល្អជាប្រចាំ។