ការស្រូបខ្យល់ពុលញឹកញាប់ ពិតជាផ្តល់គ្រោះថ្នាក់ចំពោះសុខភាពខ្លាំង និងធ្វើឱ្យអ្នកប្រឈមមុខនឹងជំងឺធ្ងន់ៗជាច្រើន ដោយមិនដឹងខ្លួន ព្រោះថា ខ្យល់ពុល បណ្តុំទៅដោយសារធាតុពុលមកពីគ្រប់មជ្ឈដ្ឋានទាំងអស់ ពោលគឺកើតចេញពីប្រភពដែលបង្កើតឡើងទាំងមនុស្ស និងធម្មជាតិ។

តើខ្យល់ពុលកើតចេញពីណា?

បើយោងទៅតាមគេហទំព័រតាមដានសន្ទស្សន៍គុណភាពខ្យល់ iqair និងវិទ្យាស្ថានជាតិសុខភាព NIH ខ្យល់ពុលកើតចេញពីប្រភពដូចតទៅនេះ៖

ប្រភពខ្យល់ពុល និងការបំពុលបរិយាកាសដែលបង្កើតឡើងដោយមនុស្ស

– ការបំភាយចេញពីរថយន្ត ប្រេងឥន្ធនៈ និងឧស្ម័ន

– ការបំភាយចេញពីរោងចក្រថាមពល ពិសេសរោងចក្រថាមពលធ្យូងថ្ម

– ផ្សែងចេញពីផលិតកម្ម ឬឧស្សាហកម្មគីមី ដូចជា ស្ពាន់ធ័រ និងអាសូត ជាដើម។

ប្រភពខ្យល់ពុលបង្កើតឡើងដោយធម្មជាតិ

– ផ្សែងពីភ្លើងឆេះព្រៃ

– ផេះ និងឧស្ម័នពីការផ្ទុះភ្នំភ្លើង

– ការបំភាយឧស្ម័ន ពីធម្មជាតិ ដូចជា មេតាន ដែលត្រូវបានបញ្ចេញចេញពីការរលួយសារធាតុសរីរាង្គនៅក្នុងដី។

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

តើខ្យល់ពុលធ្វើឱ្យប៉ះពាល់សុខភាពអ្វីខ្លះ បើស្រូបចូលញឹកញាប់?

នៅពេលដេលយើងស្រូបខ្យល់ដែលមានសារធាតុពុលតាមផ្លូវដង្ហើម សារធាតុពុលទាំងនោះ នឹងចូលទៅកាន់ចរន្តឈាម ដែលអាចធ្វើឱ្យកើតជំងឺធ្ងន់ធ្ងរ និងគ្រោះថ្នាក់ជាច្រើន ពោលគឺផ្តល់ផលប៉ះពាល់ដល់សុខភាពទាំងរយៈពេលវែង និងខ្លី។

បើយោងទៅតាមអង្គការសុខភាពពិភពលោក (WHO) និងវិទ្យាស្ថានជាតិសុខភាព NIH អ្នកស្រូបខ្យល់ពុកញឹកញាប់អាចប្រឈមនឹងបញ្ហាសុខភាពដូចតទៅនេះ៖

រយៈពេលខ្លី

– រមាស់ភ្នែក បំពង់ក និងច្រមុះ

– ចង្វាក់បេះដូងមិនទៀងទាត់

– កើតជំងឺហឺត ឬអាការជំងឺហឺតដែលមានស្រាប់ កាន់តែធ្ងន់

– ក្អក តឹងទ្រូង និងដង្ហើមខ្លី

គ្រោះថ្នាក់សុខភាពដោយសារខ្យល់ពុល

រយៈពេលវែង

– ជំងឺមហារីក៖ តាមការសិក្សាស្រាវជ្រាវជាច្រើន ការស្រូបខ្យល់ពុលញឹកញាប់ ដែលភាយចេញពីរថយន្ត ឧស្ម័ន និងឧស្សាហកម្មគីមី ធ្វើឱ្យអ្នកមានហានិភ័យខ្ពស់ក្នុងការកើតជំងឺមហារីកសុដន់ មហារីកគ្រាប់ឈាម មហារីកកូនកណ្តុរ មហារីកសួត មហារីកពោះវៀនធំ និងក្រពេញប្រូស្តាត។

– ជំងឺសរសៃឈាមបេះដូង៖ ភាគល្អិតល្អិតក្នុងខ្យល់ពុល អាចធ្វើឱ្យខូចមុខងារសរសៃឈាម និងបង្កើនល្បឿននៃការបង្កើតកំណកក្នុងសរសៃឈាម។ យោងតាមរបាយការណ៍របស់កម្មវិធីជាតិពុលវិទ្យា (NTP) ការស្រូបខ្យល់ពុលញឹកញាប់ ក៏ប៉ះពាល់ខ្លាំងដល់ស្ត្រីមានផ្ទៃពោះផងដែរ ពោលគឺលើការប្រែប្រួលសម្ពាធឈាម និងការវិវឌ្ឍទៅជាជំងឺលើសឈាម និងគ្រោះថ្នាក់សរសៃឈាមខួរក្បាល ដែលជាមូលហេតុចម្បងនៃការកើតកូនមិនគ្រប់ខែ កូនមិនគ្រប់ទម្ងន់ ធ្វើឱ្យម្តាយ និងទាករមានជំងឺ និងស្លាប់។

– ជំងឺផ្លូវដង្ហើម៖ ការបំពុលបរិយាកាស ឬខ្យល់ពុល អាចប៉ះពាល់ដល់មុខងាររបស់សួត និងធ្វើឱ្យកើតជំងឺជាច្រើនដូចជា ជំងឺស្ទះសួត ហឺត រលាកទងសួតរ៉ាំរៃ និងជំងឺផ្លូវដង្ហើមផ្សេងទៀត ដូចជាជំងឺស្ទះសួតរ៉ាំរៃ (COPD) ជាដើម។

ជាមួយគ្នានេះ ខ្យល់ពុលក៏បង្កឱ្យមានជំងឺផ្សេងទៀតផងដែរ ដូចជា ជំងឺទឹកនោមផ្អែម ជំងឺធាត់ និងបញ្ហាសុខភាពបន្តពូជ សរសៃប្រសាទ ជំងឺប្រព័ន្ធការពារ និងស្លាប់មុនអាយុ។

តើនរណាខ្លះរងផលប៉ះពាល់ពីខ្យល់ពុលជាងគេ?

ខ្យល់ពុល ឬការបំពុលបរិយាកាស ធ្វើឱ្យប៉ះពាល់ដល់សុខភាពរបស់មនុស្សគ្រប់រូប ប៉ុន្តែអ្នកស្ថិតក្នុងក្រុមអាយុមួយចំនួនអាចរងគ្រោះថ្នាក់ច្រើនជាងគេ ជាពិសេសអ្នករស់នៅក្នុងទីក្រុងតែម្តង។ អ្នកដែលរងផលប៉ះពាល់ជាងគេមានដូចជា៖

– កុមារ

– ស្ត្រីកំពុងពពោះ

– មនុស្សចាស់

– អ្នកមានជំងឺរ៉ាំរៃ ដូចជា អ្នកមានជំងឺហឺត ជំងឺសួត បេះដូង និងទឹកនោមផ្អែម

– អ្នកមានចំណូលទាប

គន្លឹះការពារខ្លួន ទារកក្នុងផ្ទៃ និងកូនតូចពីខ្យល់ពុលនៅក្នុងបរិយាកាស

ប្រសិនបើមានខ្យល់ពុលខ្លាំងនៅក្នុងបរិយាកាស គួរព្យាយាមនៅក្នុងផ្ទះ ដោយបិទទ្វារ និងបង្ហួចឲ្យជិត រួចបើម៉ាស៊ីនត្រជាក់ក្នុង recycle mood។
ប្រើប្រាស់ម៉ាស៊ីនបន្សុទ្ធខ្យល់
ជៀសវាងការស្រូបផ្សែងផ្សេងៗដូចជាផ្សែងបារី ធូបទៀន និងកាត់បន្ថយការប្រើប្រាស់ផលិតផលលាងសម្អាត
ពាក់ម៉ាស និងឱ្យកូនពាក់ម៉ាស ពេលចេញក្រៅ
ញ៉ាំរបបអាហារសុខភាព ដោយផ្តោតទៅលើបន្លែ និងផ្លែឈើ ដោយជៀសវាងស្ករ និងអាហារកែច្នៃច្រើន
ធ្វើលំហាត់ប្រាណស្រាលៗ ដែលស័ក្តិសមចំពោះស្រ្តីពពោះ ដូចជាដើរ ឬហាត់យូហ្គា។
គួរឱ្យកូននៅក្នុងផ្ទះជានិច្ច បើគ្មានការចាំបាច់

តើខ្យល់ពុលធ្វើឱ្យប៉ះពាល់សុខភាពអ្វីខ្លះ បើស្រូបចូលញឹកញាប់?
នៅពេលដេលយើងស្រូបខ្យល់ដែលមានសារធាតុពុលតាមផ្លូវដង្ហើម សារធាតុពុលទាំងនោះ នឹងចូលទៅកាន់ចរន្តឈាម ដែលអាចធ្វើឱ្យកើតជំងឺធ្ងន់ធ្ងរជាច្រើន ពោលគឺផ្តល់ផលប៉ះពាល់ទាំងរយៈពេលវែង និងខ្លី។
រយៈពេលខ្លី
– រមាស់ភ្នែក បំពង់ក និងច្រមុះ
– ចង្វាក់បេះដូងមិនទៀងទាត់
– កើតជំងឺហឺត ឬអាការជំងឺហឺតដែលមានស្រាប់ កាន់តែធ្ងន់
– ក្អក តឹងទ្រូង និងដង្ហើមខ្លី
រយៈពេលវែង
– ជំងឺមហារីក
– ជំងឺសរសៃឈាមបេះដូង
– ជំងឺផ្លូវដង្ហើម
ជាមួយគ្នានេះ ខ្យល់ពុលក៏បង្កឱ្យមានជំងឺផ្សេងទៀតផងដែរ ជំងឺទឹកនោមផ្អែម ជំងឺធាត់ និងបញ្ហាសុខភាពបន្តពូជ សរសៃប្រសាទ ជំងឺប្រព័ន្ធការពារ និងស្លាប់មុនអាយុ។

អត្ថបទពាក់ព័ន្ធ៖

កុំមើលស្រាល! ទាំងនេះជាគ្រោះថ្នាក់នៃការ​ស្រូបខ្យល់ពុល

កុំមើលស្រាល! ទាំងនេះជាគ្រោះថ្នាក់នៃការស្រូបខ្យល់ពុល