ចិញ្ចឹមកូន

ចូលដល់រដូវរងា ស្បែកកូនងាយស្ងួត និងរបក ប៉ាម៉ាក់អាចសាកតិចនិកទាំងនេះ

ដល់ចូលរដូវរងាភ្លាម ស្បែកទារកទើបកើត និងកុមារតូចៗងាយប្រឈមនឹងបញ្ហាស្បែកមួយចំនួន ដូចជាស្ងួត របក និងរលាក។ អ៊ីចឹងហើយ ប៉ាម៉ាក់ចាំបាច់ត្រូវគិតគូរពីវិធីសាស្រ្តការពារស្បែកកូនជាទីស្រលាញ់ ដើម្បីជៀសឆ្ងាយពីបញ្ហាខាងលើ។ តស់! មកដឹងពីគន្លឹះទាំង ៥ ដើម្បីជួយឱ្យស្បែកកូនទាំងអស់គ្នា! ១. ស្លៀកសំលៀកបំពាក់រដូវរងា កត្តាចម្បងក្នុងការការពារស្បែកក្មេង គឺការជ្រើសរើសសំលៀកបំពាក់ត្រឹមត្រូវទៅតាមរដូវកាល។ បន្ថែមពីនេះ យើងអាចពាក់មួក ឬស្រោមដៃ រួមទាំងកន្សែងបង់ក ដើម្បីការពារស្បែកអាអូនពីការរលាក និងស្ងួតគ្រើម។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ២. លាបឡេកាពារកម្តៅថ្ងៃ មិនថាជារដូវក្តៅ ឬរដូវរងាទេ ប៉ាម៉ាក់ចាំបាច់លាបឡេការពារកម្តៅថ្ងៃឱ្យកូនតូច ពីព្រោះទោះស្ថិតក្នុងអាកាសធាតុបែបណា កាំរស្មីUV នៅតែអាចបំផ្លាញស្បែករបស់កូនជាទីស្រលាញ់របស់ប៉ាម៉ាក់បានដូចគ្នា។ [embed-health-tool-baby-poop-tool] ៣. ប្រើឡេផ្តល់សំណើមជាទៀងទាត់ បើប៉ាម៉ាក់ចង់ឱ្យស្បែកកូនមានសុខភាពល្អនៅរដូវរងានេះ ប៉ាម៉ាក់កុំរំលងឡេផ្តល់សំណើម។ ដូចនេះ គួរលាបឡេផ្តល់សំណើមស្តើងៗបន្ទាប់ពីងូតទឹករួចភ្លាមៗ មុនពេលស្លៀកសំលៀកបំពាក់ឱ្យកូន។ ទោះជាស្បែកកូនមើលទៅមិនសូវស្ងួត ឬរបក ប៉ុន្តែអាអូនក៏អាចជួបបញ្ហារមាស់ស្បែកផងដែរ។ ៤. ចំណាយលើម៉ាស៊ីនផ្តល់សំណើម ការប្រើម៉ាស៊ីនផ្តល់សំណើម អាចជួយឱ្យខ្យល់មានសំណើម និងបញ្ចៀសបញ្ហាស្បែកស្ងួត រមាស់ ស្ងួតក និងឈាមច្រមុះលើកុមារបាន។ ៥. កាត់បន្ថយរយៈពេលងូតទឹក ងូតទឹកឱ្យកូនយូរពេក អាចធ្វើឱ្យស្បែកកូនស្ងួត និងរបកអំឡុងពេលរដូវរងានេះ ជាពិសេស បើប៉ាម៉ាក់មិនបានលាបឡេផ្តល់សំណើមភ្លាមៗឱ្យកូនបន្ទាប់ពីងូតទឹករួច។ ហេតុនេះហើយ ប៉ាម៉ាក់មិនគួរងូតទឹកឱ្យកូនលើសពី១០នាទីនោះទេ។ ចំណុចសំខាន់ ចូលដល់រដូវរងា ស្បែកកូនងាយស្ងួត និងរលាក ប៉ាម៉ាក់អាចសាកតិចនិកទាំង៥នេះ ដល់ចូលរដូវរងាភ្លាម ស្បែកទារកទើបកើត […]

ចិញ្ចឹមកូន

បើកូនកើតត្រអក គួរឲ្យកូនញ៉ាំទឹកដោះគោ ឬទឹកសណ្ដែក? ឬបញ្ឈប់ទាំងពីរ?

យោងតាមប្រព័ន្ធបណ្ដាញប្រតិកម្មថ្នាំ និងអាលែកហ្ស៊ីចំណីអាហារ យ៉ាងហោចណាស់ មានកុមារម្នាក់ក្នុងចំណោម ១០នាក់កើតរោគសើស្បែក ដែលមានឈ្មោះថាត្រអក ។ ជាក់ស្ដែង ត្រអកគឺជាបញ្ហាអាលែកហ្ស៊ីដែលកើតឡើងដោយសារចំណីអាហារ ឬបរិស្ថាន រួមទាំងប្រភេទទឹកដោះគោផងដែរ។ ទោះបីជាទឹកសណ្ដែកជាជម្រើសសុវត្ថិភាពដែលអាចជំនួសទឹកដោះគោយ៉ាងណាក្ដី ប៉ុន្តែទារកមួយចំនួននៅតែមិនទ្រាំទ្រជាមួយនឹងប្រូតេអ៊ីនសណ្ដែកសៀងបានដដែល។ រោគសញ្ញាអាលែកហ្ស៊ីចំពោះចំណីអាហារ ម៉ាក់ៗអាចសង្កេតឃើញអាការៈអាលែកហ្ស៊ីជាមួយនឹងទឹកដោះគោលើទារក តាមរយៈប្រព័ន្ធដង្ហើម ស្បែក ឬប្រព័ន្ធរំលាយអាហាររបស់ពួកគេ។ ជាទូទៅនៅពេលដែលទារកអាលែកហ្ស៊ីទៅនឹងទឹកដោះម្ដាយ ឬទឹកដោះគោ ពួកគេអាចមានអាការៈពិបាកដកដង្ហើម ក្អក រាករូស ចេញកន្ទួលរមាស់ជាមួយនឹងខោទឹកនោម កន្ទាលត្រអាក ឬកើតមានរោគសញ្ញាទាំងនេះលាយបញ្ចូលគ្នា។ នៅពេលដែលទារកឈប់បៅទឹកដោះគោ ប្រភពអាលែកហ្ស៊ីចំពោះចំណីអាហារផ្សេងទៀត អាចជាទឹកសណ្ដែកនេះតែម្ដង។ ផលវិបាកនៃជំងឺត្រអក ត្រអកមិនគ្រាន់តែធ្វើឲ្យស្បែកទារកឡើងស្នាមក្រហមៗ និងរមាស់ប៉ុណ្ណោះទេ ប៉ុន្តែ ប្រសិនបើគ្មានការព្យាបាល វាអាចបង្កទៅជាពងបែក និងចេញឈាមថែមទៀតផង ហើយស្បែកដែលខូចអាចបន្សល់ស្លាកស្នាមយ៉ាងជ្រៅ។ ជាទូទៅ ត្រអកអាចកើតចេញពីការរលាក ចំណីអាហារ ធូលី ឬអាលែកហ្ស៊ីបរិស្ថានដទៃផ្សេងទៀត ហើយវាក៏អាចកើតឡើងម្ដងហើយម្ដងទៀតចំពោះមនុស្សម្នាក់ៗផងដែរ។ បន្ថែមពីលើការព្យាបាលនៃកន្ទួលរមាស់ ការព្យាបាលដ៏មានប្រសិទ្ធភាពត្រូវរួមបញ្ចូលការបញ្ឈប់អាលែកហ្ស៊ីចំពោះចំណីអាហារ មិនថាជាទឹកដោះគោ ឬទឹកសណ្ដែកនោះទេ។ អាហារអាចជំនួសទឹកសណ្ដែក អាលែកហ្ស៊ីនឹងទឹកសណ្ដែក គឺកើតឡើងជាញឹកញាប់ទៅលើកុមារដែលមានបញ្ហាអាលែកហ្ស៊ីជាមួយនឹងទឹកដោះគោ។ នៅពេលដែលទារកអាលែកហ្ស៊ីជាមួយនឹងទឹកដោះគោ ឬទឹកសណ្ដែក ពួកគេអាចកើតមានរោគត្រអក កន្ទួលរមាស់ដោយសារខោទឹកនោម និងបញ្ហាដកដង្ហើម។ចំពោះប្រភេទអាហារដែលអាចជំនួសទឹកសណ្ដែកសម្រាប់ទារកកំពុងលូតលាស់ ឬសម្រាប់ម៉ាក់ៗបំបៅដោះកូន រួមមាន ទឹកអង្ករ និងទឹកដោះគោជូរជាដើម។