home

លំហាត់ប្រាណ

លំហាត់ប្រាណ - ជាមាតិកា​ណែនាំពី​របៀប​ហាត់ប្រាណ ឬ​សកម្មភាពរាងកាយ​ដ៏​សមស្រប​បំផុត​សម្រាប់​លក្ខខណ្ឌ​រាងកាយ​ម្នាក់ៗ

ចំណេះដឹងទូទៅ

លំហាត់ប្រាណ

លំហាត់ប្រាណលំនាំអក្សរ V បញ្ច្រាសជាលំហាត់ប្រាណជួយសន្ធឹងរាងកាយទាំង​មូល។ វាជា​ក្បាច់​យូ៉ហ្កាដ៏មានប្រសិទ្ធភាពក្នុងការជួយបំបាត់ការឈឺចាប់​រុំារ៉ៃបណ្តាលមកពីការអង្គុយយូរ ដែល​ធ្វើឱ្យ​សាច់ដុំសរសៃពួរភ្លៅផ្នែកខាង​ក្រោយឡើងរឹង។ ខាងក្រោមនេះជាអត្ថប្រយោជន៍ទាំង ៥ ​នៃការ​ធ្វើ​លំ​ហាត់ប្រាណលំនាំអក្សរ Vបញ្ច្រាស។ ១. ជួយសន្ធឹងរាងកាយផ្នែកខាងក្រោម៖ ដោយសន្ធឹងសាច់ដុំសរសៃពួរភ្លៅផ្នែក​ខាងក្រោយ កំពួន​ជើង​ និងកជើង។ ២. ជួយពង្រឹងរាងកាយផ្នែកខាងលើ៖ ជាលំហាត់ទ្រទម្ងន់ ដូច្នេះវាមាន​ប្រសិទ្ធភាព​​ក្នុងការពង្រឹង​កម្លាំង​ស្មា និងដៃ។ ជំហនេះក៏ជួយពង្រឹងសាច់ដុំពោះដែរ។ គណនា BMI ៣. ជួយបង្កើនលំហូរឈាមទៅខួរក្បាល៖ វាជាជំហរដែលធ្វើឱ្យ​បេះដូងស្ថិតនៅពី​លើក្បាលដែល​អនុញ្ញាតឱ្យទំនាញផែនដីបង្កើនលំហូរឈាមទៅកាន់​ខួរក្បាលដែលជួយក្នុងការផ្តោតអារម្មណ៍ និង​បង្កើនថាមពលខួរក្បាល​។ ៤. កាត់បន្ថយការឈឺខ្នង និងក៖ លំហាត់ប្រាណនេះជួយបើកទ្រូង និងស្មាដែលអាច​ជួយតម្រង់ឆ្អឹង​ខ្នង​របស់យើងឱ្យត្រង់ និងជួយបន្ធូរភាពតាន​តឹង​​ពី​កយើង។ ៥. ជួយពង្រឹងសាច់ដុំជើង៖ ជំហរនេះជួយពង្រឹងសាច់ដុំភ្លៅនិងកំភួន​ជើង​។​ វាជួយការពារការ​របួស​សាច់ដុំភ្លៅ និងកំភួនជើង នៅពេលយើងហាត់​​​​ប្រាណដូចជា រត់ ឡើងភ្នំ ឬធាក់កង់ជាដើម។ របៀបហាត់ បន្ទន់ជង្គង់ និងច្រត់បាតដៃទាំង ២ លើកម្រាលដោយសន្ធឹងដៃទៅមុខឱ្យអស់ រួច លើកជង្គង់ឡើងក្នុងទម្រង់ជាអក្សរ V បញ្ច្រាស។ សន្ធឹងជើងទាំង ២ ទៅក្រោយឱ្យអស់ និងឱ្យត្រង់។ រក្សាជំហរនេះ ១ នាទី។

ស្វែងរក​បន្ថែម​ទៀត លំហាត់ប្រាណ អត្ថបទ

ពត់ខ្លួននិងរក្សារាង

យើង​ប្រហែល​ជា​មិន​ធ្លាប់​ដឹង​ទេ​ថា​ ការ​ហាត់​ប្រាណ​បែប​លាត​សន្ធឹង​​ជើងចុះឡើង​​ជា​ទៀងទាត់​ ​មិន​ត្រឹម​តែ​អាច​កាត់​បន្ថយ​បញ្ហា​រមួល​ និង​ចុក​រួយ​សាច់​ដុំ​បាន​យ៉ាង​មាន​ប្រសិទ្ធភាព​ប៉ុណ្ណោះ​ទេ​ ​វា​ក៏​អាច​ការពារ​យើង​ប្រឆាំង​នឹង​ជំងឺ​បេះដូង​ ក៏​ដូចជា​គ្រោះថ្នាក់​សរសៃ​ឈាម​ខួរ​ក្បាល​ថែម​ទៀត​ផង​។​ ​យោង​តាម​ការ​សិក្សា​មួយ​​បាន​បង្ហាញ​ថា​ ការ​លាត​សន្ធឹង​​ជើង​បែប​ងាយ​ៗ​ អាច​ជួយ​​ពង្រឹង​លំហូរ​ឈាម​ទៅ​ពាសពេញ​រាងកាយ​។​ ក្រុម​អ្នក​​ស្រាវជ្រាវ​បាន​បែងចែក​មនុស្ស​ដែល​មាន​សុខភាព​ល្អ​ចំនួន​៣៩​នាក់​ជា​ពីរ​ក្រុម ដោយ​មួយ​ក្រុម​មិន​ធ្វើ​លំហាត់​ប្រាណ​បែប​លាត​សន្ធឹង​​ជើងចុះឡើងទេ​​ ​រី​ឯ​មួ​យ​ក្រុម​ទៀត​​ធ្វើ​លំហាត់​ប្រាណ​បែប​បែប​លាត​សន្ធឹង​​ជើងចុះឡើង​ចំនួន​​៤​ប្រភេទ​ ចំនួន​៥​ដង​ក្នុង​មួយ​សប្ដាហ៍ ​សម្រាប់​រយៈពេល​១២​សប្ដាហ៍​។​ លំហាត់​ប្រាណ​នេះ​ផ្ដោត​លើ​ត្រគាក​ ជង្គង់​ និង​ក​ជើង​ ហើយ​លំហាត់​បែប​លាត​សន្ធឹង​​ជើងចុះឡើង​នីមួយ​ៗ ​មាន​រយៈពេល​៤៥​វិនាទី ​និង​សម្រាក​ចំនួន​១៥​វិនាទី​។ ក្រោយ​មក​ ក្រុម​អ្នក​ស្រាវជ្រាវ​បាន​រក​ឃើញ​ថា​ សរសៃ​ឈាម​នៅ​ជើង​​ផ្នែក​ខាង​ក្រោម​នៃ​ក្រុម​ដែល​​ធ្វើ​លំហាត់​ប្រាណ​បែប​លាត​សន្ធឹង​​ជើងចុះឡើង​​មាន​លំហូរ​ឈាម​ប្រសើរ​ជាង​ និង​មិន​សូវ​​ចុក​រួយ​​ជើង​ឡើយ​។​ ​បន្ថែម​ពី​នេះ​ ក្រុម​ដែល​ធ្វើ​លំហាត់​​​ប្រាណបែបនេះ ​​មាន​សម្ពាធ​ឈាម​ទាប​​នៅ​ចុង​បញ្ចប់​នៃ​ការ​​សិក្សា​​ បើ​ប្រៀបធៀប​ទៅ​នឹង​កម្រិត​សម្ពាធ​ឈាម​ដំបូង​របស់​ពួក​គេ​។​   ​ក្រុម​អ្នក​ស្រាវជ្រាវ​បាន​ប៉ាន់​ប្រមាណ​ថា​ ការ​ធ្វើ​លំហាត់​ប្រាណ​លាត​សន្ធឹង​រាងកាយ​ផ្នែក​ខាង​ក្រោម​ នឹង​ធ្វើ​​ឲ្យ​សាច់ដុំ​សង្កត់​លើ​សរសៃ​ឈាម​នៅ​ភ្លៅ​ និង​ជើង​ ដែល​​​បណ្ដាល​ឲ្យ​រាងកាយ​បញ្ចេញ​សារធាតុ​គីមី​​ដែល​ពង្រីក​សរសៃ​ឈាម​ ដូច្នេះ​ហើយ​ឈាម​អាច​ចូល​​បាន​ច្រើន​។​ កត្តា​នេះ​ក៏​ជះ​ឥទ្ធិពល​លើ​សរសៃ​ឈាម​នៅ​ផ្នែក​ខាង​លើ​នៃ​រាងកាយ​ដូច​គ្នា​ ពីព្រោះ​អ្នក​ចូលរួមការ​សិក្សា ​បាន​បង្ហាញ​ពី​ការ​ផ្លាស់ប្ដូរ​ស្រដៀង​គ្នា​នៅ​ក្នុង​សរសៃ​ឈាម​នៃ​ដៃ​​ផ្នែក​ខាង​លើ​របស់​ពួក​គេ​។ ​​​​​​​​​​​​​​​​​​​ជា​មួយ​គ្នា​នេះ​ដែរ​ ក្រុម​អ្នក​ស្រាវជ្រាវ​បាន​សម្គាល់​ថា​ លំហាត់​ប្រាណ​​បែប​លាត​សន្ធឹង​​ជើងចុះឡើង ក៏​អាច​បន្ថែម​​ការ​ការពារ​ប្រឆាំង​ទៅ​នឹង​ជំងឺ​បេះដូង​ គ្រោះថ្នាក់​សរសៃ​ឈាម​ខួរ​ក្បាល​ និង​ជំងឺ​ទឹក​នោម​ផ្អែម​​​បាន​ផង​ដែរ​ ​ដោយ​សារ​តែ​​វា​មាន​ជាប់​ពាក់​ព័ន្ធ​ទៅ​នឹង​ការ​ថយ​ចុះ​នៃ​លំហូរ​ឈាម​។​ ​​បន្ថែម​ពី​នេះ​ លំហាត់​ប្រាណបែប​លាត​សន្ធឹង​​ជើងចុះឡើង​ គឺ​ពិត​ជា​មាន​អត្ថប្រយោជន៍​ដ៏​អស្ចារ្យ​សម្រាប់​អ្នក​ដែល​មាន​ហានិភ័យ​ខ្ពស់​ ​ដែល​មាន​បញ្ហា​ក្នុង​ការ​ធ្វើ​ចលនា​ និង​មិន​អាច​ហាត់​ប្រាណ​ទៀងទាត់​។

ជំរុញការហាត់ប្រាណ

គ្នា​យើង​មួយ​ចំនួន​ទំនងជា​មាន​ការ​រវល់​ច្រើន​មិន​មាន​ពេល​គ្រប់​គ្រាន់​ដើម្បី​ហាត់​ប្រាណ ឬ​​ទៅ​ក្លឹប​ហាត់​ប្រាណ តែ​កុំ​បារម្ភ​អី ក្រៅពី​ការ​បញ្ចេញ​កម្លាំង​កាយ​នៅ​ក្លឹបហាត់​ប្រាណ នៅ​មាន​វិធី​មួយ​ចំនួន​ទៀត​អាច​ជួយ​គ្នា​យើង​បញ្ចេញ​​ញើស​បាន​ដែរ។ ដូច​គ្នា​យើង​ដឹង​ហើយ​ថា​ការ​បញ្ជេញ​ញើស​ពិត​ជា​មាន​សារៈសំខាន់​ដល់​សុខភាព​រាង​កាយ និង​ផ្លូវ​ចិត្ត​របស់​យើង​ណាស់​។ តាម​ការ​ណែ​នាំ​ការ​បញ្ចេញ​កម្លាំង​កាយ​បែប​ស្រាលៗ​ដូច​ជា​ដើរ រត់ រាំ ឬជិះ​កង់ ជា​ដើម យើង​គួរ​ធ្វើ​ឲ្យ​បាន​យ៉ាង​តិច១៥០​នាទី​ក្នុង​មួយ​អាទិត្យ ឬ​បើ​សម្មភាព​បញ្ចេញ​កម្លាំងខ្លាំង​គឺ​យ៉ាងតិច​ត្រូវ​ធ្វើ​ឲ្យ​បាន​៧៥​នាទី​ក្នុង​មួយ​អាទិត្យ​។ ចុះ​បើយើង​មិន​មាន​ពេល​រត់ ឬ​ជិះ​កង់ទេ តើ​យើង​អាច​ធ្វើ​អ្វី​ជំនួស​បាន? ១. ធ្វើ​កិច្ចការ​ផ្ទះ កិច្ចការ​ផ្ទះខ្លះ​ដូចជា​ជូត​សម្អាត​ផ្ទះ លាង​រថយន្ត ឬ​ម៉ូតូ ក៏​ជា​សកម្មភាព​មួយ​ជួយ​ឲ្យ​គ្នា​យើង​បាន​បញ្ចេញ​ញើស​ផង​ដែរ​។ ក្រៅ​ពី​នេះ សកម្មភាព​ដូចជា​លាង​រថយន្ត ឬ​សម្អាត​ផ្ទះ​ក៏​ជួយ​ជំរុញ​ឲ្យ​គ្នា​យើង​មាន​អារម្មណ៍​ល្អ​ផង​ដែរ​។​​​ ​២. ធ្វើ​សួន​ កាន់តែ​ពិ​សេស​ទៅ​ទៀត​បើ​គ្នា​យើង​មាន​ផ្ទះ និង​មាន​ដី​សល់​ខ្លះៗ​ផង កុំ​ទុក​ចោល​អី ចូររៀប​ចំ​ធ្វើ​ជា​សួន​ដាំ​បន្លែ ឬ​ផ្កា​តាម​ចំណូល​ចិត្ត​របស់​យើង​។ ការ​ងារ​ទាំង​នេះ​មិន​ត្រឹម​តែ​ជួយ​ឲ្យ​យើង​បាន​ផល​ពី​សួន​បន្លែ​នោះ​ទេ តែ​ក៏​បាន​ជួយ​ឲ្យ​គ្នា​យើង​បញ្ចេញ​កម្លាំង​ពល​កម្ម បញ្ចេញ​ញើស​តាម​រយៈ​ការ​ជីក ការ​កាប់​គាស់ ឬ​លើក​​ដាក់​ថូ ចុះ​ឡើង​ជា​ដើម។ ការ​ធ្វើ​សកម្ម​ភាព​បែប​នេះ​បាន​ត្រឹម​៣០​នាទី​ក្នុង​ពេល​មួយ​ដង នឹង​ជួយ​ដល់​សុខ​ភាព​រាង​កាយ និង​ធ្វើ​ឲ្យ​យើង​មាន​អារម្មណ៍​ល្អ​ទៀត​ផង​។​ ៣. រួម​ភេទ ការ​សិក្សា​​បាន​បង្ហាញ​ថា​ពេល​យើង​រួម​ភេទ អាច​ដុត​កាឡូរី​​បាន​៥កាឡូរី​ក្នុង​រយៈពេល​១នាទី។ សកម្មភាព​នៃ​ការ​រួម​ភេទ ក៏​ត្រូវ​បាន​អ្នក​ជំនាញ​អះអាង​ថា​អាច​ជួយ​ការពារ​យើង​ពី​ជំងឺ​បេះ​ដូង​ផង​ដែរ បើ​យើង​ និង​ដៃ​គូ​ស្ថិត​ក្នុង​ទំនាក់ទំនង​ស្នេហា​ល្អូក​ល្អិន។​​ ៤. រាំ​លេង ដូច​គ្នា​យើង​ដឹង​ហើយ​ថា​ការ​ស្ដាប់​តន្រ្តី​ជួយ​ឲ្យ​គ្នា​យើង​មាន​អារម្មណ៍​ល្អ ហើយ​បើ​យើង​មាន​បទភ្លេង​ដែល​យើង​ពេញ​ចិត្ត និង​អាច​រាំ​លេង​ជា​មួយ​សមាជិក​គ្រួសារ​ទៀត​នោះ​កាន់​តែ​ប្រសើរ​ថែម​ទៀត​។ ការ​បើក​តន្រ្តីតិចៗ​​ល្មម​តែ​ឮ​សំឡេង​ក្នុង​ផ្ទះ​យើង និង​រាំ​លេង ក៏​ជា​សកម្មភាព​មួយ​ជួយ​ឲ្យ​យើង​បញ្ចេញ​ញើស​បាន​ដែរ។ ការ​រាំ​ ត្រូវ​បាន​អ្នក​ជំនាញ​លើក​ឡើង​​ថា​មាន​ប្រ​យោជន៍​ជួយ​ពង្រឹង​សុខ​ភាព​​បេះ​ដូង សាច់ដុំ និង​សួត​របស់​យើង​ ហើយ​ក៏​ធ្វើ​ឲ្យ​យើង​មាន​អារម្មណ៍​រីក​រាយ​ដូច​គ្នា​។

ពត់ខ្លួននិងរក្សារាង

ការ​ស្រក​ទម្ងន់​ ​ផ្ដល់​នូវ​​អត្ថប្រយោជន៍​ដ៏​ច្រើន​លើស​លប់​ សម្រាប់​អ្នក​​ដែល​លើស​ទម្ងន់​ ឬ​ធាត់​ជ្រុល។​ ពិត​ណាស់​ នៅ​ពេល​ដែល​យើង​ស្រក​ទម្ងន់​ យើង​នឹង​មាន​ថាមពល​កាន់​តែ​​ប្រសើរ​​ឡើង​ ព្រម​ទាំង​មាន​រូបរាង​​កាយ​សមសួន​គួរឲ្យ​ទាក់ទាញ​ផង​ដែរ។​ លើស​ពី​នេះ​ យើង​ក៏​អាច​កាត់​បន្ថយ​នូវ​ហានិភ័យ​នៃ​ការ​កើត​ជំងឺ​ទឹកនោម​ផ្អែម​ ​ការ​បាក់​ទឹក​ចិត្ត​ ​ការ​អសមត្ថភាព​ផ្លូវ​ភេទ​ ឈឺ​ខ្នង​ ជំងឺ​សរសៃឈាម​បេះដូង​ ​និង​ប្រភេទ​​ជំងឺ​មហារីក​មួយ​ចំនួន​ថែម​ទៀត​ផង​។ ប៉ុន្តែ​​ពេល​ខ្លះ​ ​ការ​ស្រក​ទម្ងន់​​ដ៏​ច្រើន​លើសលប់​ ក៏​​អាច​នាំ​មក​នូវ​ផល​ប៉ះពាល់​ដ៏​ចម្លែក​មួ​យ​ចំនួន​ដែល​យើង​មិន​ធ្លាប់​បាន​ដឹង​ផង​ដែរ។ ១. ស្រងូត​ស្រងាត់ យោង​តាម​ការ​សិក្សា​មួយ​នៃ​សាកលវិទ្យាល័យLondon បាន​បង្ហាញ​ថា​ ការ​ស្រក​ទម្ងន់​ អាច​បង្កើន​នូវ​​ហានិភ័យ​នៃ​ជំងឺ បាក់​ទឹក​ចិត្ត​​ ដោយ​សារ​តែ​មនុស្ស​ភាគ​ច្រើន​ ​ដែល​មាន​បញ្ហា​​លើស​ទម្ងន់​គិត​ថា​ ជីវិត​ពួក​គាត់​នឹង​ល្អ​ប្រសើរ​ឡើង​ បើ​សិន​​បើ​​​ពួក​គាត់​អាច​ស្រក​ទម្ងន់​លឿន​។ ​​ផ្ទុយ​ទៅ​វិញ​ នៅ​ពេល​ដែល​បំណង​ប្រាថ្នា​របស់​ពួក​គាត់​បាន​​សម្រេច​ ប៉ុន្តែ​ជីវិត​របស់​ពួក​គាត់​​នៅ​តែ​​ជួប​បញ្ហា​​​មិន​ចេះ​ចប់​មិន​ចេះ​ហើយ​នោះ​​​ អ្នក​ទាំង​នោះ​​អាច​ប្រឈម​នឹង​ហានិភ័យ​ខ្ពស់​នៃ​ជំងឺ​បាក់​ទឹក​ចិត្ត​។ យ៉ាង​ណា​មិញ​ ការ​គេង​បាន​គ្រប់គ្រាន់​ និង​របប​អាហារ​ត្រឹម​ត្រូវ​ នឹង​កាត់​បន្ថយ​​​ហានិភ័យ​នៃ​ជំងឺ​នេះ​​បាន​។ ២. ស្បែក​យារ​ធ្លាក់ ​​នៅ​ពេល​ដែល​ភាព​ធាត់​រលាយ​បាត់​ទៅ​ ស្បែក​របស់​យើង​មិន​មាន​ភាព​យឺត​គ្រប់​គ្រាន់​​ក្នុង​ការ​បង្រួញ​ស្បែក​ដែល​នៅ​សេសសល់​នោះ​ទេ​។ ​នៅ​ក្នុង​ករណី​ដែល​​យើង​ស្រក​ទម្ងន់​ច្រើន​ហួស​ហេតុ​ វិធី​​តែ​ម្យ៉ាង​ដែល​អាច​ជួយ​​បាន​នោះ​​ គឺ​​ការ​​​វះកាត់​យក​ស្បែក​ដែល​យារ​ធ្លាក់​​នោះ​ចេញ​។ ​ប៉ុន្តែ​សម្រាប់​អ្នក​ដែល​​មាន​សាច់​យារ​ធ្លាក់​តិច​តួច​ ​អាច​​ធ្វើការ​ហាត់ប្រាណ​បង្កើត​សាច់​ដុំ​ ដើម្បី​ធ្វើ​ឲ្យ​ស្បែក​តឹង​ណែន​ឡើង​វិញ​។​​​​ ៣. បង្កើន​ហានិភ័យ​ជំងឺ​ក្រួស​ក្នុង​ថង់​ទឹក​ប្រមាត់ ការ​​​​កាត់​បន្ថយ​ខ្លាញ់​នៅ​ក្នុង​របប​អាហារ​​ នឹង​ធ្វើ​ឲ្យ​ថង់​​ប្រមាត់​របស់​យើង​មិន​សកម្ម​​ទៀត​នោះ​ទេ​ ដែល​ជា​ហេតុ​​ធ្វើ​ឲ្យ​យើង​ប្រឈម​មុខ​នឹង​ជំងឺ​គ្រួស​ក្នុង​ថង់​ទឹក​ប្រមាត់​។ ដើម្បី​ចៀស​វាង​​ពី​បញ្ហា​នេះ​ ចូរ​ញ៉ាំ​ខ្លាញ់​ល្អ​ៗ​ជំនួស​វិញ​ ដូចជា​​ផ្លែប័រ​ គ្រាប់​ធញ្ញជាតិ​ ស៊ុត​ ឬ​ត្រី​សាល់ម៉ុន​ជាដើម​។ ៤. ​រសជាតិ​អាហារ​ខុស​ប្លែក​ពី​មុន​​​​​​​ យោង​តាម​​ការ​សិក្សា​ថ្មី​មួយ​បាន​បង្ហាញ​ថា​ អ្នក​ជំងឺ​៨៧%​ ដែល​ស្រក​ទម្ងន់​ច្រើន​ និង​រហ័ស​ផង​នោះ​ […]

លំហាត់សម្រកទម្ងន់

រូបរាង​កាយ​សមសួន​ពោរពេញ​ទៅ​ដោយ​មន្ត​ស្នេហ៍​គឺជា​បំណង​ប្រាថ្នា​របស់​ស្រី​ៗ​គ្រប់​រូប​។ ប៉ុន្តែ​បើ​យើង​មាន​រូប​រាង​ស្គម​ ស្លេកស្លាំង​ ​​គ្មាន​កម្លាំង​កំហែង​បែប​នេះ​ ​ធ្វើ​ម៉េច​នឹង​អាច​បញ្ចេញ​សម្រស់​ពិត​​របស់​ខ្លួន​បាន​ទៅ?​ ពិត​ណាស់​ មនុស្ស​យើង​ធាត់​ពេក​ក៏​ពិបាក​ ស្គម​ពេក​ក៏​​មិន​ស្រួល​ដែរ​ ពីព្រោះ​ថា​​នៅ​ពេល​ដែល​យើង​ស្គម​ជ្រុល​ ​ផ្ទៃ​មុខ​របស់​យើង​ក៏​មាន​សភាព​ផត​ និង​ឆាប់​​ចាស់​ជាង​វ័យ​ផង​ដែរ​។ មួយ​វិញ​ទៀត​ ការ​ស្គម​ជ្រុល​ក៏​អាច​ប្រឈម​មុខ​នឹង​កត្តា​សុខភាព​ផ្សេងៗ​​ ដូចជា​ជំងឺ​ពុក​ឆ្អឹង​ ​ការ​ឆ្លង​មេរោគ​ ​​​ការ​ពិបាក​មាន​កូន​ ព្រម​ទាំង​កត្តា​​ឆាប់​ស្លាប់​ថែម​ទៀត​ផង​។ ​យ៉ាងណា​មិញ​ ​បើ​យើង​ចង់​ដឹង​ថា​ ​យើង​មាន​រាងកាយ​ស្គម​ជ្រុល​ឬ​អត់​នោះ​ យើង​អាច​ធ្វើការ​គណនា​បាន​​តាម​សន្ទស្សន៍​ម៉ាស​រាងកាយ​ (BMI)។ ​អ្នក​ស្គម​ជ្រុល​គឺ​មាន​​សន្ទស្សន៍​ម៉ាស​រាងកាយ​ទាប​ជាង​១៨,៥​។ រី​ឯ​អ្នក​ធាត់​ជ្រុល​គឺ​មាន​​សន្ទស្សន៍​ម៉ាស​រាងកាយ​លើស​២៥​ឡើង​ទៅ​។ ធ្វើ​ម៉េច​ទើប​អាច​ឡើង​ទម្ងន់​ដោយ​មាន​សុវត្ថិភាព​ទៅ​? ​​​​​​ពិត​ណាស់​ បើ​ទោះ​បី​ជា​យើង​ចង់​ឡើង​គីឡូ​​ក៏​ដោយ​ ​ក៏​មិន​គួរ​ជ្រើសរើស​អាហារ​​ណា​ដែល​ផ្ដល់​ផល​អាក្រក់​ដល់​សុខភាព​​ដែរ​​។ ការ​ញ៉ាំ​អាហារ​ល្អៗ​​​ និង​បែបបទ​នៃ​ការ​រស់នៅ​ត្រឹមត្រូវ​ គឺ​​ពិត​ជា​មាន​សារសំខាន់​ខ្លាំង​ណាស់​។ ​​​​​​​​ដូចនេះ​ ដើម្បី​ទទួល​បាន​រាងកាយ​ដ៏​ទាក់​ទាញ​ ស្រីៗ​យើង​គួរ​តែ​អនុវត្ត​វិធីសាស្ត្រ​ខាងក្រោម​នេះ។ ១. ញ៉ាំ​កាឡូរី​​ច្រើន​ជាង​អ្វី​ដែល​រាងកាយ​ត្រូវ​ការ រឿង​ដែល​សំខាន់​បំផុត​ដែល​យើង​ត្រូវ​ធ្វើ​ដើម្បី​ឲ្យ​ឡើង​គីឡូ​នោះ​ គឺ​ញ៉ាំ​កាឡូរី​ច្រើន​ជាង​កាឡូរី​ដែល​រាងកាយ​យើង​ដុត​បំផ្លាញ​។ ប្រសិនបើ​យើង​ចង់​ឡើង​ទម្ងន់​យឺតៗ​ គួរ​ញ៉ាំ​កាឡូរី​​ឲ្យ​បាន​៣០០​ទៅ៥០០​ច្រើន​ជាង​កាឡូរី​ដែល​រាងកាយ​ដុត​បំផ្លាញ​ប្រចាំ​ថ្ងៃ​ ឬ​ចំនួន​៧០០ទៅ​១០០០ បើ​យើង​ចង់​ឆាប់​ឡើង​ទម្ងន់​លឿន​។ ២. ញ៉ាំ​ជាតិ​ប្រូតេអ៊ីន​​ឲ្យ​បាន​ច្រើន ជា​មួយ​គ្នា​នេះ​ដែរ​ អាហារូបត្ថម្ភ​ដែល​រាងកាយ​ត្រូវ​ការ​ជា​ចាំបាច់​​ដើម្បី​​​​ឲ្យ​ឡើង​ទម្ងន់​នោះ​ គឺ​ប្រូតេអ៊ីន​។ ​សាច់​ដុំ​របស់​យើង​ម្នាក់​ៗ​ កើត​ចេញ​ពី​ជាតិ​ប្រូតេអ៊ីន​នេះ​ឯង​​ បើ​គ្មាន​វា​ទេ​នោះ​ ​កាឡូរី​ដែល​លើស​ ប្រាកដ​ជា​បម្លែង​ខ្លួន​ទៅជា​​​ខ្លាញ់​​នៃ​រាងកាយ​មិន​ខាន​ ​​​ហើយ​អាហារ​ដែល​មាន​ជាតិ​ប្រូតេអ៊ីន​ខ្ពស់់​ មាន​ដូចជា​ត្រី​ សាច់​ ស៊ុត​ និង​ទឹកដោះគោ​ជាដើម​។​ ​​៣. ញ៉ាំ​កាបូនអ៊ីដ្រាត​ និង​ខ្លាញ់​ ​ព្រម​ទាំង​អាហារ​៣ពេល​ ​ប្រសិនបើ​យើង​ចង់​ឡើង​គីឡូ​​លឿន​​ អាហារ​ដែល​មាន​កាបូនអ៊ីដ្រាត និង​​ជាតិ​ខ្លាញ់​ខ្ពស់​ គឺ​ពិត​ជា​​មិន​អាច​ខ្វះ​បាន​ឡើយ​​នៅ​ក្នុង​អាហារ​ទាំង​បី​ពេល​។ […]

ជំរុញការហាត់ប្រាណ

ស្រីៗ! ធ្លាប់​ត្រូវ​គេ​ហៅ​ថា ថ្នល់​ជាតិ​អត់? និយាយ​ត្រង់​ទៅ​ចុះ តិច ឬ​ច្រើន ទោះ​មិន​ប្រកាន់​ តែ​បើ​ឮ ច្បាស់​ជា​ខឹង​ហើយ។ គ្នា​យើង​ខ្លះ ចង់​បាន​សុដន់​ធំ មូល​ក្លុំ​ស្អាត និង​ទាញ​ទាក់ កុំ​ឲ្យ​គេបង្អាប់​ថា ថ្នល់ជាតិ ​ហ៊ានចាយ​លុយ​ទាំង​​ប្រថុយប្រថានទៅ​លើ​ការ​ប្រើ​ថ្នាំ និង​វះកាត់​ពង្រីក​សុដន់​ ចុង​ក្រោយ​អាច​បង្ក​ជាការ​សោក​ស្តាយ​ក៏​មាន។ ឈប់​បារម្ភ​ទៀត អត្ថបទ​ពិសេស​ពី "Hello គ្រូពេទ្យ" ខាង​ក្រោម​នេះ នឹង​ប្រាប់​ពី​តិចនិក​ហាត់​ប្រាណ​ខ្លះៗ ជួយ​ឲ្យ​សុដន់​ឡើង​ធំ ស្អាត​ទាក់​ទាញ​បាន។ ១- ហាត់​ប្រាណ​ពង្រីក​សុដន់ដោយ​វិធី​ណា? ការ​ហាត់​ប្រាណ​ពង្រីក​សុដន់ ជា​តិចនិក​ហាត់​ប្រាណ​មួយ​ប្រភេទស្រដៀង​ទៅ​នឹង​ការ​ហាត់​ប្រាណ​យក​សាច់​ដុំ​ដៃ និង​សាច់ដើម​ទ្រូង​សម្រាប់​ប្រុសៗអ៊ីចឹង​ដែរ។ ស្រីៗ​យើង​ចង់​ហាត់​ប្រាណ​ពង្រីក​សុដន់​ឲ្យ​ធំ​ល្អ ​ត្រូវ​ការ​មានដុំ​ដែក Dumbbells ទម្ងន់​ស្រាល​មួយ​គូ ប្រហែល​ពី ១-២ គីឡូក្រាម និងកៅ​អី​ទ្រ​ខ្នង (Bench) ឬ​​ក៏​អាច​ប្រើ​បាល់កម្រាល​សម្រាប់​ហាត់​ប្រាណ​ជំនួស​ក៏​បាន។ វិធី​ហាត់​ប្រាណ​បែប​នេះ យើង​​គួរ​ធ្វើ ១២ ដង​ក្នុងមួយ​ចលនា​ ហើយ​ធ្វើ​គ្រប់ចលនា​ ឲ្យបាន ២-៣ ដង អំឡុង​ពេល​ហាត់​ម្តងៗ និង​ហាត់​ឲ្យ​បាន ៣-៤ ដង/​សប្តាហ៍​ ដើម្បី​ទទួល​បាន​លទ្ធ​ផល​កាន់​តែ​ច្បាស់។ ២- ចលនា​ហាត់​ប្រាណ​ទាំង ៤ ជួយ​ឲ្យ​សុដន់​រីក​ធំ - ចលនាទី […]

លំហាត់ជំនួយបេះដូង

ក្រោយ​ពេល​ហាត់​ប្រាណ​ ដោយ​បញ្ចេញ​កម្លាំង​ដ៏​ខ្លាំង​ក្លា​រួច​ គ្នា​យើង​ខ្លះ​តែង​​សង្កេត​ឃើញ​ថា​ ក្រៅ​ពី​ឈឺ​សាច់​ដុំ​ហើយ​​ នៅ​មាន​អាការៈ​ផ្សេង​ទៀត​​​​ដែល​កើត​ឡើង​​ចំពោះ​រាងកាយ​យើង​ ដូចជា​ចុក​រួយ​​​ខ្លួន​ប្រាណ​ ស្រេក​ទឹក​ខ្លាំង​ ​ឬ​ដក​ដង្ហើម​ដាច់​ៗ​ និង​បេះដូង​លោត​ញាប់​​ជា​ដើម​។ ​​​​យ៉ាងណា​មិញ​ ប្រសិនបើ​ចង្វាក់បេះដូង​យើង​លោត​​ខុស​ប្រក្រតី​ វា​​ក៏​អាច​ជា​សញ្ញា​ព្រមាន​អំពី​បញ្ហា​សុខភាព​ធ្ងន់ធ្ងរ​ដែល​យើង​នឹង​ស្មាន​មិន​ដល់​ផង​ដែរ​​។​ ​មួយ​វិញ​ទៀត​​ការ​ដែល​ឮ​សំឡេង​ច្របាច់​នៃ​បេះដូង​ក្នុង​ត្រចៀក​ អាច​ជា​រឿង​ធម្មតា​សម្រាប់​យើង​​ក៏​ពិត​មែន​ ប៉ុន្តែ​​វា​គឺ​ជា​ពេល​​ដែល​​យើង​គួរ​តែ​ពិភាក្សា​ជាមួយ​នឹង​គ្រូពេទ្យ​ ដើម្បី​ស្វែងរក​អំពី​កត្តា​​បង្ក​ផ្សេង​ៗ​ដែល​នាំ​ឲ្យ​យើង​កើត​មាន​នូវ​អាការៈ​បែប​​​នេះ​​​​​​​។ ១.សម្ពាធ​ឈាម​ខ្ពស់ ​​​​​​​​​​​ពិត​ណាស់​ សម្ពាធ​ឈាម​ខ្ពស់​ ឬ​ការ​កើត​សម្ពាធ​ឈាម​ អាច​បណ្ដាល​ឲ្យ​មាន​គ្រោះថ្នាក់​ដល់​អាយុជីវិត​ ប្រសិនបើ​​ពុំ​​មាន​ការ​ព្យាបាល​។ ​ជា​ធម្មតា​ ជំងឺ​​នេះ​មិន​ងាយ​​បង្ហាញ​រោគ​សញ្ញា​អ្វី​ឡើយ​។ ប៉ុន្តែ​ យើង​ក៏​​អាច​សង្កេត​​នូវ​អាការៈ​ខ្លះ​ៗ​ ដូចជា​នឿយហត់​​ ​ភាន់​ភាំង​ ឈឺ​ទ្រូង​ ឈាម​ច្រមុះ​ ចង្វាក់​បេះដូង​​លោត​ខុស​ប្រក្រតី​ និង​មាន​សំឡេង​នៅ​ក្នុង​ត្រចៀក​។ ​ប្រសិន​បើ​យើង​​ទម្លាប់​ហាត់​ប្រាណ​ជាប្រចាំ​ វា​ក៏​អាច​បង្កើន​សម្ពាធ​ឈាម​ ដែល​ធ្វើឲ្យ​យើង​ឮ​សំឡេង​បេះដូង​នៅ​ក្នុង​ត្រចៀក​ផង​ដែរ​​។   ២.​ចង្វាក់​បេះដូង​ខុស​ប្រក្រតី  ​​​​ចង្វាក់​បេះដូង​ខុស​ប្រក្រតី​ ឬ​ញ័រ​បេះដូង ​អាច​បណ្ដាល​ឲ្យ​កើត​មាន​នូវ​រោគ​សញ្ញា​ផ្សេងៗ​។ ​ជាទូទៅ​ អ្នក​មាន​ជំងឺ​ញ័រ​បេះដូង​ តែង​មាន​អារម្មណ៍​ថា​ បេះដូង​លោត​ក្នុង​ទ្រូង​ ឬ​សង្កេត​ឃើញ​ថា​បេះដូង​លោត​ខុស​ចង្វាក់​។ នៅ​ពេល​ខ្លះ​ អ្នកជំងឺ​ក៏​អាច​ឮសំឡេង​បេះដូង​លោត​ក្នុង​ត្រចៀក​របស់​ពួកគេ​ផង​ដែរ​។ ​​ ទោះ​ជា​យ៉ាង​នេះ​ក្តី ករណី​ញ័រ​បេះដូង​ អាច​មាន​សភាព​ធម្មតា​ ឬ​ស្រាល​ ដែល​មិន​ទាម​ទារ​ឲ្យ​មាន​ការ​ព្យាបាល​ណាមួយ​ឡើយ​។ ផ្ទុយ​ទៅ​វិញ​ វា​​ក៏​អាច​ជា​សញ្ញា​ព្រមាន​នៃ​ជំងឺ​ធ្ងន់ធ្ងរ​ផ្សេង​ទៀត​ផង​ដែរ​ ដែល​តម្រូវ​ឲ្យ​យើង​ត្រូវ​ការ​ប្រើប្រាស់​ថ្នាំ​ដើម្បី​ព្យាបាល​ថែម​ទៀត​ផង​។ ៣.​ហ៊ឹងត្រចៀក ការ​ហ៊ឹងត្រចៀក​ពាក់​ព័ន្ធ​ទៅ​នឹង​ការ​ឮ​សំឡេង​​នៅ​ក្នុង​ត្រចៀក​របស់​យើង​ បើ​ទោះ​បី​ជា​ពុំ​មាន​សំឡេង​អ្វី​មួយ​ពិត​មែន​​ក៏​ដោយ​។ អ្នក​ដែល​មាន​បញ្ហា​នេះ នឹង​ឮសំឡេង​ងឺងៗ ឬ​ដូច​ជា​​មាន​​សត្វ​​អ្វី​មួយ​​ក្នុង​ត្រចៀក​។ លើស​ពី​នេះ​ […]

លំហាត់ជំនួយបេះដូង

ការ​ហាត់​ប្រាណ​​ត្រូវ​គេ​ដឹង​ថា​មាន​ប្រយោជន៍​ច្រើន​ចំពោះ​សុខ​ភាព​រាង​កាយ និង​បេះ​ដូង​របស់​យើង​គ្រប់​គ្នា​។​ មជ្ឈមណ្ឌល​បង្ការ និង​គ្រប់​គ្រង​ជំងឺ​(CDC) អាមេរិក​បាន​​ឲ្យ​ដឹង​ថា​ជំងឺ​បេះ​ដូង​ជា​ជំងឺ​ជាប់​ចំណាត់​ថ្នាក់​លេខ​១​នៅ​អាមេ​រិក។ ក្នុង​មួយ​ឆ្នាំៗ​​ពល​រដ្ឋ​អាមេរិក​ជាង​៥០​ម៉ឺន​នាក់​ បាន​ជួប​បញ្ហា​គាំង​បេះ​ដូង​លើក​ដំបូង​របស់​ខ្លួន ហើយ​ជាង២០​ម៉ឺន​នាក់​ផ្សេង​ទៀត​ធ្លាប់​ឆ្លង​កាត់​បញ្ហា​គាំង​បេះ​ដូង​នេះ​។​ មជ្ឈមណ្ឌល​បង្ការ និង​គ្រប់​គ្រង​ជំងឺ​អាមេរិក​បាន​​​បញ្ជាក់​ថា​ ការ​មិន​បញ្ចេញ​សកម្ម​ភាព​រាង​កាយ​ ជា​ដើម​ចម​នៃ​ការ​កើត​ជំងឺ​បេះ​ដូង​នេះ​។ ការ​បញ្ចេញ​​សកម្មភាព​រាង​កាយ​បាន​ទៀង​ទាត់​ជួយ​បញ្ចុះ​សម្ពាធ​ឈាម និង​បង្កើន​កម្រិត​កូលេស្តេរ៉ូល​ល្អ​។ បើ​តាម​សមាគម​ជំងឺ​បេះ​​ដូង​អាមេរិក បាន​ណែនាំ​ឲ្យ​យើង​ហាត់ប្រាណ​​ប្រហែល​៤០​នាទី​ ពី​កម្រិត​​ស្រាលៗ​ ទៅ​ដល់​ខ្លាំងៗ បាន​ពី​៣​ទៅ​៤​ដង​ក្នុង​មួយ​សប្ដាហ៍​។ ​​​​​​បើ​តាម​សមាគម​ដដែល ទោះ​បី​យើង​ជា​មនុស្ស​មាន​សម្ពាធ​ឈាម​ខ្ពស់ និង​កម្រិត​កូលេស្តេរ៉ូល​ខ្ពស់​ក៏​ដោយ ឬ​មាន​ជំងឺ​បេះ​ដូង​​​ក្ដី បើ​យើង​បាន​ហាត់​ប្រាណ​ជា​ទៀង​ទាត់​ យើង​មិន​ងាយ​ស្លាប់​មុន​អាយុ ដូច​អ្នកមាន​ស្ថាន​ភាព​សុខភាព​ដូច​គ្នា​តែ​មិន​សូវ​មាន​សកម្ម​ភាព​រាង​កាយ​នោះ​ទេ​។​​ ក្រៅពី​ការ​រៀបរាប់​ខាង​លើ​ការ​ហាត់ប្រាណ​នឹ​ង​ជួយ​យើង​បាន​គុណ​ប្រ​យោជន៍​ទាំងនេះ៖​ ១. ជួយ​រក្សា​ទម្ងន់​បាន​ល្អ​ ពេល​យើង​ចេះ​រៀប​ចំ​របប​អាហារ​បាន​ត្រឹម​ត្រូវ ព្រម​ជាមួយ​នឹង​ការ​ហាត់ប្រាណ​បាន​ទៀង​ទាត់​ទៀត​នោះ យើង​នឹង​អាច​សម្រក​ទម្ងន់ ឬ​រក្សា​ទម្ងន់​ដង​ខ្លួន​ឲ្យ​ស្ថិត​ក្នុង​សុខភាព​ល្អ​ ដែល​មាន​ប្រយោជន៍​ដល់​សុខ​ភាព​បេះ​ដូង​។​ ការ​លើស​ទម្ងន់ នឹង​ដាក់​សម្ពាធ​​ដល់​បេះ​ដូង​របស់​យើង ដែល​នេះ​ជា​កត្តា​បង្ក​ឲ្យ​មាន​ជំងឺ​បេះ​ដូង និង​គ្រោះ​ថ្នាក់​ដាច់​សរសៃឈាម​ខួរ​ក្បាល​។ ​២.ពង្រឹង​សាច់ដុំ​ ការ​ហាត់​ប្រាណ​មាន​ដូច​ជា​ដើរ រត់ ហែលទឹក និង​ទម្រង់​ផ្សេងៗ​មួយ​ចំនួន​ទៀត សុទ្ធ​តែ​ចាត់​ទុក​ថា​ជា​សកម្មភាព​រាង​កាយ​ល្អ​ចំពោះ​សុខភាព​បេះ​ដូង​។ សកម្មភាព​រាង​កាយ​ទាំងនេះ ជួយ​ពង្រឹង​សកម្មភាព​របស់​សាច់​ដុំ​ជួយ​ទាញ​យក​អុក​ស៊ីសែន​ពី​ចរន្ត​ឈាម។ ការណ៍​នេះ​​ជួយ​សម្រួល​ដល់​បេះ​ដូង​ កុំ​ឲ្យ​ប្រឹង​បញ្ជូន​ឈាម​កាន់​តែ​ច្រើន​ទៅ​កាន់​សាច់ដុំ​។ ៣.ជួយ​បញ្ឈប់ ឬ​ពន្យឺត​ការវិវត្ត​កើត​ជំងឺទឹក​នោម​ផ្អែម ការ​សិក្សា​បាន​រក​ឃើញ​ថា ការ​ហាត់​ប្រាណ​ជា​ទៀង​ទាត់ ដូច​ជា​ជិះ​កង់ ដើរ ឬ​ហែល​ទឹក​ជា​ដើម​ជួយ​កាត់​បន្ថយ​ហានិភ័យ​កើត​ជំងឺ​ទឹក​នោម​ផ្អែម​រហូត​ដល់​៥០​ភាគរយ​​។ សកម្ម​ភាព​រាង​កាយ​ ជួយ​ឲ្យ​សាច់​ដុំ​ដំណើរ​ការ​ដុត glycogen​បាន​ល្អ ដែល​សារធាតុ​នេះ​អាច​នាំ​ឲ្យ​យើង​ឡើង​ជាតិ​ស្ករ​ក្នុង​ឈាម និង​វិវត្ត​ជា​ជំងឺ​ទឹក​នោម​ផ្អែម​។​ ៤. កាត់​បន្ថយ​ស្ត្រេស​ អ័រម៉ូន​ស្ត្រេស​អាច​ដាក់​សម្ពាធ​បន្ថែម​ដល់​បេះ​ដូង។ ការ​ហាត់​ប្រាណ​ដូចជា​រត់ លើក​ទម្ងន់ ហាត់​យ៉ូហ្កា […]

លំហាត់សម្រកទម្ងន់

ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ បើ​និយាយ​ដល់​សូណា(saunas ) មាន​គ្នា​យើង​មិន​តិច​នាក់​ទេ​បាន​ជ្រើស​រើស​វិធី​ប្រើ​បន្ទប់​កម្ដៅ​មួយ​នេះ​ដើម្បី​ជា​វិធី​សម្រាក​ផង និង​បញ្ចេញ​ញើស​ផង​។ តើ​ការ​ចូល​សូណា​ អាច​ជួយ​ដល់​ការ​សម្រក​ទម្ងន់​ដែរ​ទេ? សូណា សម្ដៅ​ដល់​បន្ទប់​ដែល​មាន​ការ​ដុត​កម្ដៅ​ឲ្យ​មាន​សីតុណ្ហភាព​ស្ថិត​នៅ​ចន្លោះពី៦៥,៥អង្សាសេ និង​៩០,៦​អង្សា​សេ។ ជា​ធម្មតា​យើង​អាច​ចំណាយ​ពេល​ប្រហែល​ពី​១៥នាទី ទៅ​៣០​នាទី​ក្នុង​បន្ទប់​សូណា​នេះ។ ចុះ​បើ​ចូល​បន្ទប់​សូណាធ្វើ​ឲ្យ​បែក​ញើស តើ​អាច​ធ្វើ​ឲ្យ​យើង​ស្រក​គីឡូ​បានទេ? ចម្លើយ​ខ្លី​គឺថា​អាច តែ​តិច​តួច​។ ពេល​ចូល​សូណា ទម្ងន់​យើង​អាច​ស្រក​តិច​តួច​ប៉ុណ្ណោះ ព្រោះ​ថា​ពេល​យើង​បែក​ញើស​ គឺ​គ្រាន់តែ​បញ្ចេញ​ជាតិ​ទឹក​ដែល​លើស(water weight)​ពី​រាង​កាយ​ ហើយ​ពេល​យើង​ផឹក​ទឹក​ឡើង​វិញ​ នោះ​ទម្ងន់​ដែល​កើន​ដោយ​សារជាតិ​ទឹក​ នឹង​វិល​មក​វិញ​ដែរ។​ ថ្វីបើ​យើង​នៅ​ក្នុង​បន្ទប់​មាន​ដុត​កម្ដៅ​ដូច​សូណា​នេះ​ធ្វើ​ឲ្យ​ចង្វាក់​បេះ​ដូង​របស់​យើង​ដើរ​ប្រហាក់​ប្រហែល​គ្នា​នឹង​យើង​ហាត់​ប្រាណ​ក៏​ពិត​មែន តែ​ថា​ការ​ដុត​កាឡូរី​មាន​តិច​តួច​ប៉ុណ្ណោះ ដោយ​ថា​មិន​ច្រើន​ជាង​ចំនួន​កាឡូរី​ដែល​ដុត​ក្នុង​អំឡុង​យើង​អង្គុយ​ប៉ុន្មាន​ទេ​។ ថ្វី​បើ​សូណា​មិន​អាច​ជួយ​ដុត​កាឡូរី​យើង​បាន​ច្រើន​មែន តែ​សូណា​ក៏ជួយ​ឲ្យ​សរសៃឈាម​យើង​រីក​ធំ​ ដែល​ជួយ​ជំរុញ​ឲ្យ​ឈាម​ដើរ​បាន​ល្អ និង​ធ្វើ​ឲ្យ​សម្ពាធ​ឈាម​ចុះ​ទាប​ដែរ​។ ការ​សិក្សា​ថ្មីៗ​នេះ បាន​រក​ឃើញ​ពី​ទំនាក់​​ទំនង​រវាង​​សូណា និង​ការ​ធ្វើ​ឲ្យ​ប្រ​សើរ​នៃ​សុខ​ភាព​បេះ​ដូង តែ​សម្រាប់​អ្នក​មាន​បញ្ហា​ចង្វាក់​បេះ​ដូង​មិន​ទៀង​ទាត់ និង​អ្នក​ទើប​ជួប​បញ្ហា​គាំង​បេះ​ដូង​គួរ​ចៀង​វាង​ទៅ​សូណា​។

ជំរុញការហាត់ប្រាណ

ការសិក្សា​មួយ​រក​ឃើញ​ថា​អ្នក​ហាត់​ប្រាណ​នៅ​ពេល​ព្រឹក​មាន​ប្រ​យោជន៍​ច្រើន​ជួយ​ដល់​ការ​កាត់​បន្ថយ​ហានិភ័យ​កើត​ជំងឺ​មហារីក​ល្អ​ជាង​ការ​ហាត់​ប្រាណ​នៅ​ពេល​វេលា​ផ្សេង​។ ការសិក្សា​នេះ​បាន​លើក​ឡើង​ថា​ការ​​ហាត់ប្រាណ​នៅ​ពេលព្រឹក​ព្រលឹម ឬអាច​ចន្លោះពី​ម៉ោង៨ទៅ​ម៉ោង​១០​ព្រឹក បាន​ជួយ​កាត់​បន្ថយ​ហានិភ័យ​កើតជំងឺ​មហារីក​ច្រើនជាង​ហាត់​ប្រាណ​នៅ​ពេល​វេលា​ផ្សេង​ទៀត។ ការ​ដឹង​រឿង​នេះ​ពិត​ជា​មាន​សារៈសំខាន់​សំរាប់​មនុស្ស​យើង ព្រោះ​ថា​អ្នក​ស្លាប់​ដោយ​សារជំងឺ​មហារី​ក​មាន​ចំនួន​ច្រើន​​នៅ​លើ​ពិភព​លោក។ ជាក់​ស្តែង​គ្រាន់តែ​នៅ​សហរដ្ឋអាមេរិក អ្នក​វិទ្យាសាស្រ្ត​ប៉ាន់​ប្រមាណ​ថានៅ​ដំណាច់​ឆ្នាំ​២០២០នេះ មនុស្សជាង​១,៨​លាន​នាក់​នឹង​រកឃើញ​ថា​មាន​ជំងឺមហារីក ហើយ​ជាង​៦០​ម៉ឺន​នាក់​ផ្សេង​ទៀត​នឹង​ស្លាប់​ដោយ​សារ​ជំងឺ​មួយនេះ។​ កាល​ពី​ឆ្នាំ​២០១៨ ពល​រដ្ឋ​អាមេរិក​ត្រឹម​៤៦,៧​ភាគរយ​ប៉ុណ្ណោះ​បាន​ហាត់ប្រាណ​ត្រឹម​ត្រូវ​តាម​គោលការណ៍​អប្បបរមា​ដែល​បាន​ណែ​នាំ។ ការ​ព្យាយាម​ហាត់​ប្រាណ​ឲ្យ​បាន​ត្រឹម​ត្រូវ និង​ប្តូរ​ម៉ោង​ពេល​បន្តិច​បន្តួច​ដូច​បាន​រកឃើញ​ក្នុង​ការ​សិក្សា​នេះ នឹងជួយ​យើង​គ្រប់​គ្នា​កាត់​បន្ថយ​ហានិភ័យកើត​​ជំងឺ​មហារីក​បាន​។ តាម​ការណែនាំ បើ​យើង​ហាត់​ប្រាណ​ដូចជាដើរ ជិះ​កង់ ឬ​ហែល​ទឹក​ជាដើម គឺ​ប្រើ​​ត្រឹម​រយៈ​ពេល​៣០​នាទី​ក្នុង​មួយ​ថ្ងៃ​ក៏​បាន ឬ​ក៏​បាន​យ៉ាង​តិច​១៥០នាទី​ក្នុង​មួយ​សប្ដាហ៍ ដើម្បីបាន​សុខ​ភាព​ល្អ។​ ​ក្រុម​អ្នក​ស្រាវ​ជ្រាវ​ថា​ការ​ហាត់ប្រាណ​មិន​ត្រឹម​តែ​ជួយ​កាត់​បន្ថយហានិភ័យ​ជំងឺ​មហារីក​ទេ តែ​ថា​ក៏ជួយ​ធ្វើ​ឲ្យ​ប្រសើ​រនូវ​ដំណើរ​ការ​នៃការ​គេង និង​ក្រោក​ពី​គេង​បាន​ទៀង​ទាត់ ព្រោះ​ថា​ការ​រអាក់រអួល​នៃ​ដំណើរ​ការ​នៃ​ការ​គេង និង​ក្រោក​នេះ​ក៏​ជា​ចំណែក​មួយ​ធ្វើ​ឲ្យ​មនុស្ស​យើង​ប្រ​ឈម​នឹ​ង​ជំងឺ​មហារីក​ដែរ ហើយ​ម៉ោង​ពេល​ដែល​ល្អ​គឺ​ពេល​ព្រឹក​ល្អជាងគេ​ហើយ​សម្រាប់​ការ​ហាត់​ប្រាណ​។ ការ​សន្និដ្ឋាន​បែប​នេះ គឺ​ឆ្លង​កាត់​ការ​សិក្សា​លើ​មនុស្ស​ចំនួន​២ ៧៩៥​នាក់ ពី​ឆ្នាំ​២០០៨ ដល់​ឆ្នាំ​២០១៣ និង​បាន​រក​ឃើញ​ថា​អ្នក​ដែល​ហាត់​ប្រាណ​នៅ​ពេល​ព្រឹក​មាន​អត្រា​ប្រ​ឈម​ជំងឺ​មហារីក​ទាប​ជាង​អ្នក​ហាត់​ប្រាណ​នៅ​ពេល​ផ្សេង។

ជំរុញការហាត់ប្រាណ

ក្មេងស្រីៗវ័យជំទង់ងាយនឹងឡើងគីឡូជាងប្រុសៗ ឲ្យញ៉ាំអីភ្លេចខ្លួនបន្តិចឡើងភ្លាម ហើយបើចង់ស្រកវិញ មិនងាយនោះទេ។ ការឡើងទម្ងន់នេះ អាចធ្វើឲ្យស្រកវិញបានដោយការញ៉ាំអាហារត្រឹមត្រូវ និងការហាត់ប្រាណជាប្រចាំ។ ទោះយ៉ាងណាសកម្មភាពសាមញ្ញៗដែលយើងមើលរំលងទាំងប៉ុន្មានខាងក្រោមនេះ ជាហេតុធ្វើឲ្យក្មេងស្រីរឹតតែឡើងទម្ងន់។ ១.ញ៉ាំលឿនពេក ដោយសារតែរវល់ ចង់ចំណេញពេល ក្មេងស្រីៗខ្លះមានទម្លាប់ញ៉ាំអាហារលឿនៗ។ ប៉ុន្តែការដែលញ៉ាំអាហារលឿនៗបែបនេះ អាចធ្វើឲ្យឡើងទម្ងន់ដោយមិនដឹងខ្លួន។ នេះដោយសាររាងកាយរបស់យើងត្រូវការពេលវេលា ដើម្បីប្រាប់ទៅកាន់ខួរក្បាលថាយើងឆ្អែតហើយ។ មនុស្សដែលញ៉ាំលឿនអាចញ៉ាំអាហារបានច្រើនជាងអ្វីដែលរាងកាយត្រូវការ មុននឹងមានអារម្មណ៍ថាឆ្អែត។ ២.ញ៉ាំទឹកមិនបានគ្រប់គ្រាន់ បើញ៉ាំទឹកមិនបានគ្រប់គ្រាន់ វានឹងធ្វើឲ្យយើងឆាប់ស្រេកទឹក។ ចៃដន្យអី ការស្រេកទឹកនឹងក៏អាចធ្វើឲ្យយើងយល់ច្រឡំថា យើងកំពុងឃ្លានបានដែរ ដូចនេះហើយទើបធ្វើឲ្យយើងចង់ញ៉ាំចំណីចំណុកផ្ដេសផ្ដាសរហូត។ ៣.ញ៉ាំអាហារពីចានធំពេក ទំហំនៃចានដែលដាក់ចំណីអាហាររបស់យើងក៏ជាផ្នែកមួយដែលផ្ដល់ផលប៉ះពាល់មិនល្អ ទៅដល់ទំហំចង្កេះរបស់យើង។ ដោយសារចានធំៗ អាចធ្វើឲ្យយើងឃើញថា ចំណីអាហារមានបរិមាណតិច។ វាអាចលេងល្បិចដាក់ខួរក្បាលយើង ឲ្យគិតថា អាហារក្នុងចាននោះតិចពេក យើងញ៉ាំមិនទាន់គ្រប់គ្រាន់ទេ។ ៤.ញ៉ាំនៅមុខទូរទស្សន៍ ធម្មតា ពេលទំនេរៗ ឬមានរឿងភាគចង់មើល ក្មេងស្រីៗតែយកបាយ ឬអាហារណាមួយទៅញ៉ាំកំដរមាត់។ ភ្នែកសម្លឹងកញ្ចក់ទូរទស្សន៍ ទូរស័ព្ទ ឬកុំព្យូទ័រ ឯមាត់ក៏ញ៉ាំអីដែរ កុំឲ្យអផ្សុកមាត់ តែការញ៉ាំបែបនេះ អាចធ្វើឲ្យយើងភ្លេចខ្លួនញ៉ាំអាហារច្រើន ព្រោះជក់ភ្នែកមើលរឿងពេក។ ៥.ញ៉ាំបន្លែផ្លែឈើមិនគ្រប់គ្រាន់ បន្លែ និងផ្លែឈើ មិនត្រឹមតែសម្បូរទៅដោយសារធាតុចិញ្ចឹមសំខាន់ល្អៗនោះទេ វាថែមទាំងមានជាតិកាឡូរីទាប ដែលល្អមែនទែនសម្រាប់ទំហំចង្កេះរបស់យើង។ បើយើងមិនចូលចិត្តញ៉ាំ ឬពិបាកក្នុងការញ៉ាំវាទទេ យើងអាចធ្វើបែបនេះបានដោយ៖ - បន្ថែមផ្លែឈើទៅក្នុងរបបអាហារពេលព្រឹក (ឧ.ញ៉ាំចេក ឬប៉ោមមួយផ្លែ/ព្រឹក) - បន្ថែមបន្លែទៅក្នុងស៊ុបដែលយើងញ៉ាំឲ្យបានច្រើន - ញ៉ាំអាហារដែលមានលាយសាច់ និងបន្លែស្មើគ្នា។ល។ ៦.ញ៉ាំកាហ្វេទឹកដោះគោច្រើនពេក ចំណុចនេះ […]

x