សុខភាពស្ត្រី

ទឹកនោមផ្អែម អាចបង្កបញ្ហាដល់សុខភាពទ្វារមាស ដោះស្រាយតាមវិធីទាំងនេះ

ការថែទាំសុខភាពទ្វារមាស មានសារៈសំខាន់ណាស់ចំពោះស្រីៗគ្នាយើង ជាពិសេស អ្នកដែលមានជំងឺទឹកនោមផ្អែម។ ជាក់ស្តែង ជំងឺទឹកនោមផ្អែមអាចបង្កឲ្យកើតមានបញ្ហាសុខភាពជាច្រើន រួមទាំងការកើនឡើងផលវិបាកចំពោះសុខភាពទ្វារមាស។ ប៉ុន្តែ មានគ្នាយើងភាគច្រើន នៅមិនទាន់បានដឹងច្បាស់ពីទំនាក់ទំនងរវាងជំងឺទឹកនោមផ្អែម និងសុខភាពទ្វារមាសនៅឡើយ។ បញ្ហាសុខភាពទ្វារមាសទូទៅចំពោះស្ត្រីដែលកើតជំងឺទឹកនោមផ្អែម ការកើនឡើងកម្រិតជាតិស្ករក្នុងឈាម ធ្វើឲ្យមានការរំញោចដល់ទ្វារមាស ដោយបង្កើនហានិភ័យនៃការឆ្លងមេរោគតាមរយៈការរួមភេទ។ លើសពីនេះ ជំងឺទឹកនោមផ្អែម អាចបណ្តាលឲ្យមានការធ្លាក់ចុះនូវចំណង់ផ្លូវភេទចំពោះស្ត្រី។ ម្យ៉ាងវិញទៀត ការឆ្លងមេរោគផ្សិតក្នុងទ្វារមាស និងការឆ្លងមេរោគទ្វារមាសប្រភេទផ្សេងទៀត ក៏អាចបង្កបញ្ហាធ្ងន់ធ្ងរដល់ស្ត្រីដែលកើតជំងឺទឹកនោមផ្អែមផងដែរ។ ជាមួយគ្នានេះដែរ អ្នកជំងឺទឹកនោមផ្អែមទំនងជាប្រឈមនឹងបញ្ហាស្ងួតទ្វារមាស ដែលបង្កឲ្យមានការឈឺចាប់អំឡុងពេលរួមភេទ ក៏ដូចជាការមករដូវច្រើនជ្រុល។ គន្លឹះថែទាំសុខភាពទ្វារមាសសម្រាប់អ្នកជំងឺទឹកនោមផ្អែម ១. ពិនិត្យសុខភាពជាទៀងទាត់ ការពិនិត្យសុខភាពជាប្រចាំ គឺជារឿងដែលមិនអាចខ្វះបានសម្រាប់គ្នាយើងដែលមានជំងឺទឹកនោមផ្អែម។ ក្រៅពីធ្វើតេស្ដជាតិស្ករក្នុងឈាម យើងក៏គប្បីពិគ្រោះសុខភាពទ្វារមាស ជាមួយនឹងគ្រូពេទ្យជំនាញ ដើម្បីអាចរកឃើញរោគសញ្ញាដំបូងនៃការឆ្លងមេរោគ ឬបញ្ហាផ្សេងៗ។ ២. រក្សាជាតិទឹកក្នុងរាងកាយ ភាគច្រើន ស្រីៗយើងតែងតែមិនសូវញ៉ាំទឹកច្រើន ដោយសារតែខ្លាចនោមញឹកញាប់ ដែលបណ្តាលមកពីជំងឺទឹកនោមផ្អែម។ កត្តានេះ ក៏អាចជះឥទ្ធិពលអវិជ្ជមានដល់សុខភាពទ្វារមាស និងស្បែកដូចគ្នា។ ដូច្នេះ យើងគួរញ៉ាំទឹកឲ្យបានគ្រប់គ្រាន់ ដើម្បីរក្សាជាតិរម្អិលធម្មជាតិនៃរាងកាយ និងកាត់បន្ថយហានិភ័យនៃការស្ងួតទ្វារមាស។ ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ៣. ថែទាំអនាម័យទ្វារមាស ទន្ទឹមនឹងនេះ យើងគួរថែទាំបរិវេណទ្វារមាសឲ្យបានស្ងួត និងស្អាតល្អ។ ជាក់ស្តែង បាក់តេរី និងផ្សិតលូតលាស់កាន់តែច្រើន នៅពេលមានសំណើម។ ហេតុនេះហើយ យើងគួរប្រើទឹកអនាម័យដែលគ្មានជាតិកាត់ ឬសារធាតុបន្ថែមក្លិន […]

ការបង្ករោគអាងត្រគាក

ការបង្ករោគលើផ្លូវទឹកនោម អាចបណ្តាលឲ្យកើតជំងឺរលាកអាងត្រគាកអត់?

ជំងឺរលាកអាងត្រគាក អាចបង្កជាការរលាកសរីរាង្គបន្តពូជស្ត្រី ដែលអាចបណ្តាលឲ្យមានសម្លាករវាងជាលិកា និងសរីរាង្គ។ បញ្ហាសុខភាពមួយនេះ កើតចេញពីការឆ្លងជំងឺកាមរោគ ឬការឆ្លងមេរោគស្ត្រីផ្សេងទៀតដែលមិនបានព្យាបាលត្រឹមត្រូវ។ ជំងឺរលាកអាងត្រគាកប៉ះពាល់ដល់ប្រព័ន្ធបន្តពូជខាងក្រោមដូចជាស្បូន ដៃស្បូន ឬអូវែ។ ស្របពេលដែលបាក់តេរីជាច្រើនប្រភេទ អាចនាំឲ្យមានការរលាកអាងត្រគាក តើការបង្ករោគលើផ្លូវទឹកនោម អាចបង្កឲ្យកើតជំងឺនេះដែរអត់? ការបង្ករោគលើផ្លូវទឹកនោម និងជំងឺរលាកអាងត្រគាក នៅពេលដែលការឆ្លងមេរោគលើប្លោកនោម មិនបានព្យាបាលត្រឹមត្រូវទេនោះ វានឹងរាលដាលកាន់តែខ្លាំងដល់សរីរាង្គបន្តពូជ ដូចជាទ្វារមាស ឬមាត់ស្បូន ដែលអាចបណ្តាលឲ្យកើតជំងឺរលាកអាងត្រគាក និងត្រូវការពេលវេលាយូរក្នុងការព្យាបាល ក៏ដូចជាគ្រប់គ្រងជំងឺ។ ជាក់ស្តែង ការបង្ករោគលើផ្លូវទឹកនោម កើតឡើងនៅពេលដែលផ្នែកណាមួយនៃប្រព័ន្ធទឹកនោមត្រូវបានឆ្លងមេរោគ ដែលរួមមានតម្រងនោម បង្ហូរនោម និងប្លោកនោមជាដើម។ ថ្វីត្បិតតែជំងឺរលាកអាងត្រគាកស្រដៀងទៅនឹងការបង្ករោគលើផ្លូវទឹកនោមក៏ពិតមែន ប៉ុន្តែភាពធ្ងន់ធ្ងរ និងផលប៉ះពាល់មានភាពខុសគ្នា។ ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! រោគសញ្ញាទាំងនេះបញ្ជាក់ពីភាពខុសគ្នារវាងការបង្ករោគលើផ្លូវទឹកនោម និងជំងឺរលាកអាងត្រគាក ១. ឈឺចាប់ធ្ងន់ធ្ងរក្នុងបរិវេណអាងត្រគាក នៅពេលដែលសរីរាង្គបន្តពូជឆ្លងបាក់តេរីដែលបណ្តាលមកពីជំងឺកាមរោគ គ្នាយើងអាចប្រឈមនឹងការឈឺចាប់ខ្លាំងត្រង់ពោះផ្នែកខាងក្រោម ឬអាងត្រគាក។ ក្នុងករណីនេះ គួរពិគ្រោះជាមួយនឹងគ្រូពេទ្យដើម្បីស្វែងរកមូលហេតុបង្ក។ ២. គ្រុនក្តៅ គ្រុនក្តៅបង្ហាញថា រាងកាយយើងកំពុងតែប្រឆាំងនឹងការឆ្លងមេរោគ។ ប្រសិនបើយើងមានអាការៈគ្រុនក្តៅច្រើនជាងពីរបីថ្ងៃ អមជាមួយនឹងការឈឺចាប់អាងត្រគាក ឬការធ្លាក់ទឹករម្អិលទ្វារមាស នោះអាចបង្ហាញពីការបង្ករោគលើផ្លូវទឹកនោម។ ៣. ឈឺចាប់ពេលរួមភេទ ជាមួយគ្នានេះដែរ ការឈឺចាប់អំឡុងពេលរួមភេទ អាចបង្ហាញពីការឆ្លងមេរោគនៅប្លោកនោម ឬការឆ្លងមេរោគផ្សិត។ ប្រសិនបើយើងមិនព្យាបាលឲ្យទាន់ពេលវេលាទេនោះ នឹងអាចបណ្តាលឲ្យកើតជំងឺរលាកអាងត្រគាក។ ៤. ធ្លាក់ទឹករម្អិលទ្វារមាសមិនប្រក្រតី ចំណែកឯការធ្លាក់ទឹករម្អិលទ្វារមាសច្រើនជ្រុល និងមានក្លិនមិនល្អ […]