សុខភាពប្រព័ន្ធរំលាយអាហារ

ឧស្សាហ៍ហើមពោះញឹកញាប់ អាចបណ្តាលមកពីមូលហេតុទាំងនេះ

គ្នាយើងអាចធ្លាប់ជួបបទពិសោធន៍អាការៈហើមពោះ ហើយបញ្ហានេះយើងក៏សម្គាល់ដឹងបានថា វាអាចកើតឡើងម្ដងម្ដាលក៏បាត់ទៅដោយខ្លួនឯង។ ករណីនេះមិនគួរឲ្យព្រួយបារម្ភនោះទេ ព្រោះអាចបង្កឡើងដោយការញ៉ាំអាហារមិនបានល្អ បណ្ដាលឲ្យឡើងជាតិហ្គាសក្នុងពោះវៀនទើបបណ្ដាលឲ្យហើមពោះ។ ប៉ុន្ដែករណីមួយទៀត ការហើមពោះអាចកើតឡើងញឹកញាប់ ឬលើសពី ៣ដងក្នុងមួយសប្ដាហ៍ ការហើមពោះបែបនេះយើងមិនអាចមើលស្រាលបានឡើយ ត្រូវប្រញាប់ទៅជួបគ្រូពេទ្យដើម្បី ពិនិត្យ និង ព្យាបាលឲ្យបានត្រឹមត្រូវ។ ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! រោគសញ្ញនៃអាការៈហើមពោះ ប្រសិនបើមានអាការៈហើមពោះ យើងអាចប្រឈមនឹងអាការៈដូចជា៖ មានអារម្មណ៍ពោះតឹងខុសធម្មតា មានអារម្មណ៍ថាឆ្អែត កូរពោះ ដើរខ្យល់ រមួលពោះ ឆ្អល់ពោះ កត្ដាអ្វីដែលបណ្ដាលឲ្យហើមពោះ? តាមអត្ថបទចុះផ្សាយរបស់មន្ទីរសុខភាពសារធារណៈចក្រភពអង់គ្លេស(NHS)បានបង្ហាញថា អាការៈហើមពោះគឺកើតឡើងដោយសារមាន ហ្គាសក្នុងពោះវៀន បណ្ដាលមកពីការញ៉ាំអាហារ បន្លែ ផ្លែឈើ និងភេសជ្ជៈជាដើម។ អាការៈហើមពោះ បែបនេះ គឺមិនសូវឲ្យព្រួយបារម្ភនោះទេ ប៉ុន្ដែករណីមួយចំនួនទៀត ការហើមពោះអាចជារោគសញ្ញា នៃបញ្ហាសុខភាពផ្សេងទៀតដូចជា៖ ការទល់លាមក អាលែកហ្ស៊ីរបបអាហារ មានជំងឺ coeliac រលាកពោះវៀនរ៉ាំរៃ ចំពោះសុខភាពស្ដ្រីវិញ ក៏អាចមានអាការៈហើមពោះញឹកញាប់ក្នុងកំលុងមករដូវ។ ករណីកម្រមួយទៀត ដែលប្រឈមកើត នោះគឺជំងឺមហារីកក្រពេញអូវែ។ ជំងឺមហារីកក្រពេញអូវែ ក៏អាចបង្ហាញរោគសញ្ញា ហើមពោះញឹកញាប់ ហើយអាការៈហើមពោះបែបនេះដែលជាការប្រុងប្រយ័ត្នខ្លាំង។ វិធីកាត់បន្ថយអាការៈហើមពោះ ហាត់ប្រាណឲ្យបានទៀងទាត់ ទំពារអាហារដោយបិទមាត់ដើម្បីជៀសវាងការលេបខ្យល់ ផឹកទឹកឲ្យបានច្រើន ញ៉ាំអាហារសម្បូរជាតិសរសៃប្រសិនបើទល់លាមក ញ៉ាំអាហារតិចតែញឹកញាប់ […]

បញ្ហាប្រព័ន្ធរំលាយអាហារផ្សេងទៀត

ទាំងនេះជាតិចនិកខ្លះៗដើម្បីជួយឲ្យពោះវៀនមានសុខភាពល្អ

សុខភាពពោះវៀនគឺសំខាន់ណាស់ព្រោះជាងពាក់កណ្ដាលនៃប្រព័ន្ធភាពស៊ាំមាននៅក្នុងក្រពះពោះវៀន។ អ្នកជំនាញជឿថាសុខភាពក្រពះពោះវៀនមានទំនាក់ទំនងនឹងជំងឺជាច្រើន ដូចនេះហើយការរក្សាសុខភាពពោះវៀនគឺជាវិធីមួយដើម្បីបង្ការជំងឺធ្ងន់ធ្ងរ។ ដើម្បីឲ្យសុខភាពពោះវៀនល្អជាងមុន យើងអាចអនុវត្តតាមវិធីខាងក្រោម។ ១. ហាត់ប្រាណ ការហាត់ប្រាណអាចជួយឲ្យពោះវៀនធំធ្វើចលនាដែលជួយដល់ការបន្ទោរបង់បានទៀងទាត់។ ការហាត់ប្រាណក៏ជួយគ្រប់គ្រងរោគសញ្ញារលាកពោះវៀនដែរ។ ២. របបអាហារ សម្រាប់របបអាហារគួរញ៉ាំអាហារស្រស់ និងមិនមានកែច្នៃ។ អាហារកែច្នៃងាយនឹងបំបែកទៅជាស្ករដែលមានផលប៉ះពាល់អវិជ្ជមានទៅលើសុខភាពក្រពះពោះវៀន។ ក្រៅពីអាហារកែច្នៃ យើងក៏គួរបន្ថយការញ៉ាំអាហារជាតិស្ករ និងជាតិខ្លាញ់ច្រើនដែរ។ ៣. ញ៉ាំអាហារបរិមាណតិចតែច្រើនដង ដើម្បីកុំឲ្យក្រពះពោះវៀនធ្វើការខ្លាំងពេក យកល្អគ្នាយើងគួរញ៉ាំអាហារក្នុងបរិមាណតិច តែញ៉ាំច្រើនដងវិញ ហើយដើម្បីជួយសម្រួលដល់ការរំលាយអាហារ យើងគួរទំពារអាហារឲ្យបានម៉ត់ល្អ។ ៤. គ្រប់គ្រងភាពតានតឹង ភាពតានតឹងច្រើនពេកអាចប៉ះពាល់ដល់សុខភាពពោះវៀន។ ការហាត់យ៉ូហ្គា ឬធ្វើសមាធិអាចកាត់បន្ថយភាពតានតឹង និងការថប់បារម្ភ។ ៥. ញ៉ាំអាហារមានជាតិសរសៃ គ្នាយើងគួរញ៉ាំអាហារមានជាតិសរសៃ២៥ក្រាមក្នុងមួយថ្ងៃ។ អាហារមានជាតិសរសៃខ្ពស់មានដូចជាពពួកសណ្ដែក ផ្លែចេក និងពពួកបឺរីជាដើម។ ៦. ញ៉ាំពពួក probiotics Probiotics បង្កើនបរិមាណបាក់តេរីល្អក្នុងពោះវៀន។ Probiotics មាននៅក្នុងយ៉ាអួ kefir បន្លែជ្រក់ និងគីមឈីជាដើម។ ៧. ផឹកទឹកឲ្យច្រើន ការផឹកទឹកច្រើនមានប្រយោជន៍ដល់សុខភាពពោះវៀនដោយរក្សាលំនឹងបាក់តេរីល្អក្នុងពោះវៀន។ យកល្អគួរផឹកទឹកឲ្យបានពីរលីត្រក្នុងមួយថ្ងៃ។ ៨. កាត់បន្ថយគ្រឿងស្រវឹង និងជាតិកាហ្វេអ៊ីន គ្រឿងស្រវឹង និងជាតិកាហ្វេអ៊ីនសុទ្ធតែជាសារធាតុរំញោចប្រព័ន្ធរំលាយអាហារ និងអាចរំខានដល់ដំណើរការរំលាយអាហារបាន។ ៩. ពិនិត្យមើលការអាលែកហ្ស៊ីអាហារ ប្រសិនជាយើងមានអាការៈចុកពោះ ហើមពោះ រាករូស ឡើងកន្ទួលក្រហម ចង្អោរ អស់កម្លាំង និងចាល់អាស៊ីដ យើងអាចនឹងអាលែកហ្សីនឹងអាហារណាមួយ។ ដូចនេះបើយើងអាចដឹងថាអាហារណាដែលយើងអាលែកហ្សី និងដកអាហារប្រភេទនោះចេញពីរបបអាហារ យើងនឹងឃើញការផ្លាស់ប្តូរវិជ្ជមាននៃសុខភាពក្រពះពោះវៀនរបស់យើង។ ១០. ពិគ្រោះជាមួយគ្រូពេទ្យ ប្រសិនជាយើងមានឧស្សាហ៍រាករូស […]