សុខភាពផ្លូវដង្ហើម

ក្អកបែបណាទើបស្ថិតក្នុងកម្រិតគួរព្រួយបារម្ភ?

ក្អកគឺជាមធ្យោយដែលរាងកាយរបស់យើងប្រតិកម្មប្រឆាំងទៅនឹងបាក់តេរី ការរលាក ថែមទាំងជួយសម្អាតប្រព័ន្ធផ្លូវដង្ហើមជួយឲ្យយើងដកដង្ហើមបានស្រួល។ ក្អកមានលក្ខណៈ២ប្រភេទ ក្អកស្ងួត និង ក្អកមានស្លេស្មមកជាមួយ។ ប៉ុន្ដែតើក្អកកម្រិតណាទើបស្ថិតក្នុងការព្រួយបារម្ភ? កម្មវិធីពិនិត្យជំងឺបម្រុងទឹកនោមផ្អែមអនឡាញ ចង់គណនារង្វាស់ចង្វាក់បេះដូង ចុចទីនេះ! ១.ក្អកស្រួចស្រាវ ក្អកស្រួចស្រាវវាអាចកើតឡើងចន្លោះពី ១ទៅ ៣សប្ដាហ៍ នោះនឹងបាត់ទៅវិញដោយខ្លួនឯងដោយមិនត្រូវការព្យាបាលនោះទេ។ ចំណុចគួរកត់សម្គាល់គឺ ក្អកប្រភេទនេះគេតែងប្រទះជាញឹកញាប់គឺប្រភេទក្អកស្ងួត នោះក៏ព្រោះតែប្រព័ន្ធផ្លូវដង្ហើមមានការតោងជាប់ នៃពពួកបាក់តេរី ឬមានការរលាកបន្ដិចបន្ដួច ដោយសារការញ៉ាំអាហារមិនបានត្រឹមត្រូវ ឬបរិយាកាសមិនសូវល្អ មានធូលីផ្សេងៗ។ ដូច្នេះក្អកប្រភេទនេះអាចបាត់ទៅវិញដោយខ្លួនឯង។ ២.ក្អករ៉ាំរៃ ក្អករ៉ាំរៃ អាចកើតឡើងចាប់ពី៨សប្ដាហ៍ឡើងទៅ នេះចំពោះមនុស្សចាប់ពីវ័យជំទង់ឡើងទៅ បើចំពោះកុមារអាចចាប់ពី៤សប្ដាហ៍។ ការក្អកបែបនេះវាមិនអាចជាសះស្បើយដោយខ្លួនឯងបាននោះទេ ត្រូវទទួលការពិនិត្យ ព្យាបាល និង ស្វែងរកមូលហេតុផ្សេងៗ ដែលបណ្ដាលក្អករយៈពេលយូរដូច្នេះ។ ក្អករ៉ាំរៃអាចបណ្ដាលមកពីមូលហេតុច្រើនយ៉ាងពាក់ព័ន្ធនឹងបញ្ហាផ្លូវដង្ហើម ហើយក្អកប្រភេទនេះអាចបង្ហាញរោគសញ្ញាដូចជា៖ ហៀរសំបោរ ក្រហាយទ្រូង ឈឺបំពង់ក គ្រុនក្តៅ (សីតុណ្ហភាពអាចលើស៣៨ អង្សាសេ) ស្រកគីឡូលឿន ក្អកមានឈាម ឬ ទឹកស្លេស្ម ថប់ដង្ហើម ស្អកកមិនបាត់ បែកញើសច្រើនពេញយប់ អត្ថបទពាក់ព័ន្ធ៖ ព្រឺរងា ហៀរសំបោរ ល្ហិតល្ហៃពេលផ្តាសាយ មិនមែនដោយសារមេរោគទេ គឺព្រោះតែ… គ្រូពេទ្យ បកស្រាយបញ្ហាវះកាត់សម្រាលរួចឈឺក្បាល និងអារម្មណ៍ឆេវឆាវ ធ្លាប់ទេពេលកណ្តាស់ធ្វើឲ្យឈឺខ្នង? នេះជាមូលហេតុ និងវិធីការពារ […]

បញ្ហាសួតផ្សេងទៀត

តិចនិក៥យ៉ាង ជួយឲ្យសួតមានសុខភាពល្អ

សួតមានសុខភាពល្អ ជួយឲ្យមនុស្សយើងអាចដកដង្ហើមបានស្រួល និងអាចផ្ដល់អុកស៊ីសែន ទៅកាន់ចរន្តឈាម ជួយឲ្យរាងកាយមានសុខភាពល្អ។ ពេលមនុស្សយើងមានសួតល្អ យើងអាចធ្វើសកម្មភាពដែលយើងពេញចិត្ត និងធ្វើឲ្យគុណភាពជីវិតកាន់តែប្រសើរ។ យ៉ាងណាមនុស្សយើងមួយចំនួនអាចមានសួតមិនមានសុខភាពល្អ ដោយសារការជក់បារី ជំងឺផ្សេង ឬការឆ្លងរោគជាដើម។ នៅពេលសួតយើងមានសុខភាពមិនល្អ រាងកាយ និងសកម្មភាពដែលយើងចូលចិត្តផ្សេងៗទៀតក៏មានបញ្ហាដែរ។ បើអ៊ីចឹងធ្វើម៉េចទើបជួយឲ្យសួរមានសុខភាពល្អ? ១. កុំជក់បារី បើគ្នាយើងជក់បារីកាន់តែច្រើន កត្តាប្រឈមកើតជំងឺមហារីកសួត និងជំងឺសួតរ៉ាំរ៉ៃ ក៏កើតមានខ្ពស់ដែរ។ ការជក់បារី មិនថាតិចឬច្រើន សុទ្ធតែមិនមានសុវត្ថិភាពចំពោះសុខភាពសួត ដូចនេះជាការល្អកុំជក់បារី។ ជំងឺមហារីកសួតភាគច្រើនកើតឡើងដោយសារការជក់បារី។ ក្រោយពីឈប់ជក់បារី កត្តាប្រឈមនៃការកើតជំងឺនេះ ក៏ធ្លាក់ចុះច្រើនដូចគ្នា។ បើយើងឈប់ជក់បារីបានដប់ឆ្នាំ កត្តាប្រឈមនឹងធ្លាក់ចុះពាក់កណ្ដាល នៃលទ្ធភាពដែលយើងប្រឈមខ្ពស់កន្លងមកបើយើងនៅបន្តជក់បារី។ កត្តាប្រឈម កើតជំងឺមហារីកសួត កាន់តែថយចុះ បើយើងឈប់ជក់បារីកាន់តែយូរ។ ២. ហាត់ប្រាណ ការហាត់ប្រាណ ជួយសម្រួលដល់សួតក្នុងការបញ្ជូនអុកស៊ីសែនទៅកាន់បេះដូង និងសាច់ដុំបានល្អ។ ការហាត់ប្រាណមិនមែនចាំបាច់ត្រូវតែធ្វើឲ្យសួតខ្លាំងក្លានោះទេ តែវាបានជួយឲ្យសួតដំណើរការបានប្រសើរ។ ៣. តាមដានអាការៈក្អក បើគ្នាយើងក្អកអស់ពេលលើសពីមួយខែ គួរតែទៅពិគ្រោះយោបល់ជាមួយគ្រូពេទ្យ។ ការក្អករ៉ាំរ៉ៃអាចជាសញ្ញាព្រមានថាយើងមានបញ្ហាសុខភាពដែលត្រូវការធ្វើរោគវិនិច្ឆ័យ។ ៤. មានឥរិយាបថល្អ ការដើរ ឬអង្គុយ ត្រូវប្រកាន់នូវឥរិយាបថល្អ ដូចជាមិនត្រូវអង្គុយចំកោងខ្លួន ឬដើរដោយកោងៗខ្នងនោះទេ។ ការមានឥរិយាបថបែបនេះ អាចធ្វើឲ្យកាត់បន្ថយសមត្ថភាពធ្វើការរបស់សួត ក្នុងការបញ្ជូនអុកស៊ីសែនទៅកាន់បេះដូង និងសាច់ដុំ។ ៥. ចៀសវាងកន្លែងមានខ្យល់ពុល ដូចនឹងការជក់បារីដែរ កន្លែងមានការបំពុលបរិយាកាស ក៏មានផលប៉ះពាល់ដល់សួតរបស់យើងដែរ។ ការចេញក្រៅផ្ទះ ក្នុងបរិស្ថានបែបនេះមានគ្រោះថ្នាក់ដល់សុខភាពសួត […]