មហារីកផ្សេងទៀត

កុមារកើតជំងឺមហារីកបណ្តាលមកពីកត្តាអ្វីខ្លះ? គួរបង្ការបែបណា?

កុមារច្រើនជាង៨០% ដែលកើតជំងឺមហារីក អាចព្យាបាលជាសះស្បើយប្រសិនបើជំងឺនេះត្រូវបានរកឃើញទាន់ពេលវេលា និងទទួលបានការព្យាបាលត្រឹមត្រូវ។ ជាទូទៅ ជំងឺមហារីកកើតលើកុមារ មានអត្រាជាសះស្បើយខ្ពស់ជាងជំងឺមហារីកដែលកើតលើមនុស្សពេញវ័យ។ ជំងឺមហារីកកើតលើកុមារជាញឹកញាប់ មានដូចជាជំងឺមហារីកឈាម មហារីកកូនកណ្តុរ ដុំសាច់ខួរក្បាល ដុំសាច់ឆ្អឹង និងដុំសាច់តម្រងនោម។ រោគសញ្ញានៃជំងឺមហារីក រោគសញ្ញាទូទៅនៃជំងឺមហារីក គឺអាស្រ័យលើប្រភេទនៃជំងឺមហារីកនីមួយៗ ប៉ុន្តែប៉ាម៉ាក់គួរប្រុងប្រយ័ត្នចំពោះរោគសញ្ញាទាំងនេះ ប្រសិនបើបន្តរយៈពេលយូរ៖ គ្រុនក្តៅរយៈពេលយូរលើសពី២ទៅ៣សប្តាហ៍ ដែលលេបថ្នាំអ្វីក៏មិនបាត់ ព្រមទាំងមិនមានមូលហេតុបង្កច្បាស់លាស់ ហើមត្រង់ក ឬក្លៀកដោយគ្មានការឈឺចាប់ ប៉ុន្តែទំហំកើនឡើង ឬអមជាមួយអាការៈគ្រុនក្តៅ ក្អក ឬស្រកទម្ងន់។ ចេញឈាមអញ្ចាញ ឬច្រមុះ ក្អួតពេលព្រឹកព្រលឹម ឬឈឺក្បាលមិនបាត់ ពិបាកទប់លំនឹង ហើមពោះ ឈឺសន្លាក់ ព្រមជាមួយនិងគ្រុនក្តៅ និងស្លេកស្លាំង។ ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! កត្តាបង្កនៃជំងឺមហារីកលើកុមារ ថ្វីត្បិតតែអ្នកជំនាញនៅមិនទាន់ដឹងពីមូលហេតុជាក់លាក់ដែលបង្កជាជំងឺមហារីក ប៉ុន្តែការប្រែប្រួល ឬបំប្លែងនៃហ្សែនអាចជាឫសគល់ ដែលនាំឲ្យជំងឺមហារីកមានការវិវត្ត។ ទន្ទឹមនឹងនេះ កត្តាហានិភ័យមួយចំនួន ក៏អាចពាក់ព័ន្ធនឹងជំងឺមហារីកកើតលើកុមារ ដែលរួមមាន ការបំពុលបរិយាកាស ការប៉ះពាល់ទៅនឹងជាតិគីមី វិទ្យុសកម្ម ការឆ្លងមេរោគ ធាត់ជ្រុល បែបបទនៃការរស់នៅជាដើម។ យ៉ាងណាមិញ ក្នុងករណីភាគច្រើន ការបំប្លែងហ្សែន អាចកើតឡើងទៅលើមនុស្សគ្រប់គ្នា […]

មហារីកផ្សេងទៀត

ការពារខ្លួនពីជំងឺមហារីក អនុវត្តសកម្មភាពប្រចាំថ្ងៃទាំងនេះ

ជំងឺមហារីកគឺជាជំងឺដ៏គ្រោះថ្នាក់មួយ ដែលបានសម្លាប់មនុស្សយ៉ាងច្រើននៅជុំវិញពិភពលោក។ ពិតណាស់ មនុស្សម្នាក់ៗជួបប្រទះបទពិសោធន៍ខុសៗគ្នាពាក់ព័ន្ធនឹងជំងឺមហារីក តួយ៉ាងដូចជាមូលហេតុបង្ក បរិស្ថាន និងហ្សែនជាដើម។ ទោះជាយ៉ាងនេះក្ដី គ្នាយើងនៅតែអាចអនុវត្តការផ្លាស់ប្ដូរបែបបទរស់នៅជាក់លាក់មួយចំនួន ដើម្បីកាត់បន្ថយហានិភ័យនៃជំងឺមហារីកបានយ៉ាងមានប្រសិទ្ធភាព។ ១. ញ៉ាំរបបអាហារត្រឹមត្រូវ គ្នាយើងគប្បីជ្រើសរើសប្រភេទអាហាររុក្ខជាតិទាំងមូលដែលសំបូរទៅដោយសារធាតុចិញ្ចឹម ដូចជារុក្ខជាតិចម្រុះពណ៌ ប្រូតេអ៊ីនដែលគ្មានជាតិខ្លាញ់ និងខ្លាញ់សុខភាព ព្រមទាំងជៀសវាងពពួកអាហារកែច្នៃ និងជាតិស្ករដែលអាចផ្ដល់ផលប៉ះពាល់យ៉ាងធ្ងន់ធ្ងរចំពោះសុខភាព។ ២. ទ្រទ្រង់ប្រព័ន្ធបន្សាបជាតិពុលធម្មជាតិនៃរាងកាយ យុទ្ធសាស្ត្រដ៏មានប្រសិទ្ធភាពក្នុងការបន្សាបជាតិពុលចេញពីរាងកាយតាមបែបធម្មជាតិ គឺជាការបញ្ចូលអាហារដែលមានជាតិសរសៃខ្ពស់ ដែលអាចជួយឲ្យរាងកាយរបស់យើងកម្ចាត់ចោលកាកសំណល់ផ្សេងៗ ក៏ដូចជាបញ្ចេញញើសតាមរយៈការហាត់ប្រាណ ឬសូណាជាដើម។ ៣. កាត់បន្ថយជាតិពុល យោងតាមការសិក្សាជាច្រើនបានបង្ហាញពីទំនាក់ទំនងរវាងសារធាតុBisphenol A និងជំងឺមហារីកសុដន់ ក្រពេញប្រូស្តាត និងមហារីកអូវែ។ សារធាតុនេះដែរ មាននៅក្នុងប្រអប់ផ្លាស្ទីក ជាជាតិពុលមួយដែលយើងតែងតែប្រើប្រាស់ប្រចាំថ្ងៃ ហើយវាក៏ធ្វើឲ្យប៉ះពាល់ដល់អ័រម៉ូន ការធ្វើមេតាប៉ូលីស និងបំផ្លាញសុខភាពជាទូទៅផងដែរ។ ពពួកសារធាតុពុលដទៃទៀត រួមមានថ្នាំសម្លាប់សត្វល្អិត ប៉ារ៉ាបែន ( Parabens) និងលោហធាតុធន់ធ្ងន់ដូចជាបារត និងសំណ។ ហេតុនេះហើយ យើងគប្បីកាត់បន្ថយការប្រើប្រាស់វត្ថុទាំងនេះ ទើបជាការប្រសើរ។ ៤. គិតគូរដល់សុខភាពពោះវៀន ជាក់ស្ដែង សុខភាពពោះវៀនមានតួនាទីសំខាន់មួយនៅក្នុងសុខភាពទូទៅរបស់មនុស្សយើង។ ដូចនេះហើយ គ្នាយើងគប្បីថែទាំសុខភាពពោះវៀនឲ្យបានល្អ ដោយបង្កើនការញ៉ាំអាហារដែលជួយទ្រទ្រង់ដល់ពោះវៀនដូចជាគីមឈីជាដើម។ ម្យ៉ាងវិញទៀត យើងក៏អាចប្រើប្រាស់ថ្នាំផ្សះនៅពេលចាំបាច់ ព្រមទាំងបង្កើនការញ៉ាំអាហារដែលមានជាតិសរសៃប្រចាំថ្ងៃ ដូចជាបន្លែស្លឹកបៃតង និងគ្រាប់ធញ្ញជាតិ។ ៥. គ្រប់គ្រងស្រ្តេស បន្ថែមពីនេះ ស្រ្តេសរ៉ាំរ៉ៃអាចជះឥទ្ធិពលដល់ការកើតជំងឺជាច្រើន រួមមានជំងឺបេះដូង […]