សុខភាពបេះដូង Archives

ស្រ្តេសនឹងការងារធ្វើឲ្យស្រីៗប្រឈមជំងឺបេះដូងខ្ពស់ កុំប្រហែស

អ្នកស្រាវជ្រាវនៅសាកលវិទ្យាល័ហHarvard បានរកឃើញពីទំនាក់ទំនងរវាងស្រីៗស្រ្តេសនឹងការងារនិងជំងឺបេះដូង។ ស្រីៗដែលស្ត្រេសនឹងងារខ្លាំងអាចធ្វើឲ្យឡើងសម្ពាធឈាម កើនកម្រិតកូលេស្តេរ៉ូលអាក្រក់ និងនាំឲ្យធាត់ខ្លាំង ដែលជាកត្តាបង្កហានិភ័យកើតជំងឺបេះដូង។ ការសិក្សានេះធ្វើឡើងលើបុគ្គលិកសុខាភិបាលចំនួន១៧ ០០០នាក់ និងបានរកឃើញថាស្រ្តីដែលមានកម្រិតស្ត្រេសខ្ពស់ កើនឡើងការប្រឈមនឹងកើតជំងឺបេះដូង៤០ភាគរយខ្ពស់ជាអ្នកមិនសូវស្ត្រេស រួមមានជំងឺគ្រោះថ្នាក់សរសៃឈាមខួរក្បាល និងត្រូវការការវះកាត់សរសៃឈាមអាកទែកូរ៉ូនែ។ ដូចគ្នាកាលពីឆ្នាំ២០១០ ក៏មានការរកឃើញដែរថា ស្រ្តីដែលខ្វល់ខ្វាយច្រើនពីការបាត់បង់ការងារទំនងជាធ្វើឲ្យកើនឡើងសម្ពាធឈាម ឡើងកម្រិតកូលេស្តេរ៉ូលអាក្រក់ និងមានបញ្ហាធាត់។ មានអ្វីជាភស្តុតាង? ក្រៅពីការសិក្សានេះ ការសិក្សាមួយទៀតធ្វើឡើងរយៈពេល១៥ឆ្នាំ នៅប្រទេសដាណឺម៉ាក បានធ្វើសេចក្ដីសន្និដ្ឋានថាសម្ពាធការងារកាន់តែខ្លាំង កត្តាប្រឈមកើតជំងឺបេះដូងរបស់ស្រីៗក៏កាន់តែខ្ពស់ក្នុងចំណោមស្រ្តីមានវ័យ៥១ឆ្នាំ ឬតិចជាងនេះ។ យន្តការអាចកើតមានលើបញ្ហានេះ រាងកាយរបស់យើងត្រូវបានរៀបចំឲ្យមានប្រតិកម្មតបទៅនឹងស្ត្រេសដែលអាចគំរាមកំហែងអាយុជីវិត នាំឲ្យខួរក្បាលភ្ញោចឲ្យមានលំហូរសារធាតុគីមី និងអ័រម៉ូនខ្លាំង ដែលធ្វើឲ្យចង្វាក់បេះដូងដើរលឿន ដកដង្ហើមញាប់ៗ បង្កើនសម្ពាធឈាម និងបង្កើនកម្រិតថាមពលត្រូវការជាតិស្ករច្រើន ដើម្បីជំនួយដល់សាច់ដុំ។ នៅពេលយន្តការនេះកើតឡើងញឹកញាប់នឹងធ្វើឲ្យរាងកាយមនុស្សយើងទៅជារងគ្រោះវិញ។ ស្ត្រេសអាចបង្កឲ្យមានការរលាកនៅសរសៃអាកទែកូរ៉ូនែ នាំឲ្យមានដុំកំណកឈាម ដែលអាចនាំឲ្យមានបញ្ហាគាំងបេះដូង។ ពេលកើតស្ត្រេសមនុស្សយើងនឹងមិនមានអារម្មណ៍ហាត់ប្រាណ ឬញ៉ាំអាហារល្អចំពោះសុខភាព និងគេងមិនគ្រប់គ្រាន់ដែរ ដែលអ្វីទាំងនេះសុទ្ធតែអាចប៉ះពាល់ដល់សុខភាពបេះដូង។ តើគួរដោះស្រាយបែបណា? មនុស្សស្រីជាធម្មតាមានការងារច្រើនជាប់នឹងខ្លួន ក្រៅតែពីការងាររកចំណូល ដូចជាការមើលថែកូន មើលថែម៉ាក់ប៉ាចាស់ជរា និងកិច្ចការផ្ទះ។ បូករួមទាំងការងាររកចំណូលផង ធ្វើឲ្យស្រីៗស្ត្រេសកាន់តែខ្លាំង។ យ៉ាងណា ក៏មានវិធីមួយចំនួនជួយស្រីៗយើងអាចដោះស្រាយបញ្ហានេះដែរ។ ស្វែងរកការគាំទ្រពីដៃគូ មិត្តភ័ក្ដិ និងសាច់ញាតិ ហាត់ប្រាណឲ្យបានទៀងទាត់។ ហាត់ប្រាណល្អចំពោះសុខភាពបេះដូង កាត់បន្ថយភាពតានតឹងក្នុងចិត្ត និងជួយឲ្យគេងលក់ស្រួល។ កាត់បន្ថយមើលអ៊ីម៉ែល ឬសារផ្សេងៗក្រោយចប់ម៉ោងការងារ ធ្វើសមាធិ ករណីស្រ្តេសធ្វើទុក្ខធ្ងន់ធ្ងរគួរស្វែងរកជំនួយពីអ្នកជំនាញសុខភាពផ្លូវចិត្ត។

សូមស្វាគមន៍ !

មានអ្វីថ្មី?

មាតិកា

សុខភាពបេះដូង

ចំណេះដឹងទូទៅ

ចេះតែហត់ ល្ហិតល្ហៃ អាចជាសញ្ញានៃជំងឺខ្សោយបេះដូង

ឧស្សាហ៍ខូចចិត្ត ប្រយ័ត្នប្រឈមនឹងជំងឺនេះដោយមិនដឹងខ្លួន

កម្រិតអស់កម្លាំងរបស់ប្រុសៗ អាចជាសញ្ញាព្រមានរឿងគាំងបេះដូង

ផ្ដាច់ខ្លួននៅតែឯង មានហានិភ័យកើតជំងឺបេះដូង

គ្រឿងស្រវឹងមិនត្រឹមតែប៉ះពាល់ថ្លើម តែក៏គ្រោះថ្នាក់ដល់បេះដូង

ទម្លាប់ទាំង៥នេះ អាចបំផ្លាញសុខភាពបេះដូងដោយមិនដឹងខ្លួន

រោគសញ្ញាទាំង៤ បញ្ជាក់ថាកំពុងស្ទះសរសៃឈាម

កុំគិតថាដុះក្បាលពោះសង្ហា បង្កជាបញ្ហាជំងឺបេះដូងទៅវិញទេ

ស្រ្តេសនឹងការងារធ្វើឲ្យស្រីៗប្រឈមជំងឺបេះដូងខ្ពស់ កុំប្រហែស

សញ្ញាព្រមានទាំង៧ បញ្ជាក់ថាបេះដូងដំណើរការមិនប្រក្រតី

សញ្ញាព្រមានទាំង៨ បញ្ជាក់ថាបេះដូងដំណើរការមិនប្រក្រតី

ញ៉ាំគ្រាប់អាល់ម៉ុនរាល់ថ្ងៃ បានប្រយោជន៍ ៦យ៉ាង

សញ្ញាព្រមានទាំង៨ មុនមានបញ្ហាគាំងបេះដូង

គន្លឹះសំខាន់ៗ រក្សាសម្ពាធឈាមឲ្យនៅកម្រិតល្អចំពោះសុខភាព

បន្ថយហានិភ័យជំងឺបេះដូង ក្រោយអស់រដូវតាមតិចនិកនេះ

គ្រូពេទ្យឯកទេសផ្នែក សុខភាពបេះដូង របស់យើង

មើលបន្ថែមពីគ្រូពេទ្យឯកទេស

វេជ្ជ. ចាន់ ស៊ីណេត

វេជ្ជបណ្ឌិត ចាន់ ស៊ីណេត

ចង់ចាកចេញពី Hellokrupet?