សារសំខាន់ថ្នាំបង្ការដែលអ្នកគួរដឹង

ថ្នាំបង្ការសំខាន់ៗ

ថ្នាំបង្ការមនុស្សពេញវ័យ

ជំងឺមហារីកមាត់ស្បូន

ជំងឺកូវីដ-១៩

គ្រូពេទ្យឯកទេស

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី

ចង់ដឹងអ្វីពីថ្នាំវ៉ាក់សាំង?

ថ្នាំបង្ការជាអ្វី?

ការទទួលវ៉ាក់សាំងឬថ្នាំបង្ការត្រឹមត្រូវទាន់ពេលវេលា ពិតជាមានសារៈសំខាន់ណាស់ក្នុងការការពារនិងជម្រុញប្រព័ន្ធភាពស៊ាំរាងកាយឲ្យកាន់តែខ្លាំងដើម្បីប្រឆាំងទល់នឹងជម្ងឺធ្ងន់ធ្ងរ សម្រាកពេទ្យ ឬឈានដល់ការស្លាប់បាត់បង់ជីវិតបាន បើយើងឆ្លងជំងឺកាចសាហាវដែលមានថ្នាំបង្ការអាចការពារបានទាំងនោះ។ ពេលដែលរាងកាយទទួលបានវ៉ាក់សាំងរួចហើយ ធាតុផ្សំរបស់ថ្នាំវ៉ាក់សាំងទាំងនោះនឹងបង្វឹកប្រព័ន្ធភាពស៊ាំរាងកាយឲ្យបង្កើតអង់ទីករការពាររាងកាយ ទល់នឹងជំងឺដែលយើងបានចាក់វ៉ាក់សាំងការពារជំងឺជាក់លាក់ណាមួយ។ វ៉ាក់សាំងនឹងសម្លាប់ ឬធ្វើឲ្យទម្រង់មេរោគ ឬបាក់តេរីចុះខ្សោយ ដូច្នេះមានន័យថា គុណសម្បត្តិរបស់វ៉ាក់សាំងគឺ មិនបង្កហានិភ័យ មិនបង្កផលវិបាក ក្រៅពីមុខងារការពារយើងទេ។

ស្វែងយល់បន្ថែម:

វ៉ាក់សាំងសំខាន់ ៣ ប្រភេទ សមាជិកគ្រួសារគួរតែចាក់ឲ្យបានគ្រប់គ្នា

ក្រោយចាក់ហើយ តើវ៉ាក់សាំងដំណើរការបែបណាក្នុងរាងកាយ?

ត្រូវហើយដូចទៅនឹងការរំពឹងទុកនិងអ្វីដែលគ្រប់គ្នាចង់បាន គឺ វ៉ាក់សាំងនឹងកាត់បន្ថយឱកាសនៃការឆ្លងរាលដាលជម្ងឺឆ្លងនានា តាមរយៈការបង្កើតកងការពារ ឬយើងហៅថា អង់ទីករធម្មជាតិរបស់យើង។ ក្រោយចាក់បញ្ចូលវ៉ាក់សាំងឬថ្នាំបង្ការទៅក្នុងរាងកាយ គឺដូចការចាក់មេរោគ ឬបាក់តេរីល្អចូលអ៊ីចឹង ដែលប្រព័ន្ធភាពស៊ាំរាងកាយយើងអាចដឹង និងបង្កើតអង់ទីករសម្រាប់សម្លាប់ ឬកម្សោយមេរោគទាំងនោះបានដោយមានប្រសិទ្ធិភាព។ ជាក់ស្ដែងរាងកាយយើងនៅតែស្គាល់និងចងចាំថា មានមេរោគក្នុងរាងកាយ ហើយប្រព័ន្ធភាពស៊ាំនៅតែបន្តហ្វឹកហាត់ដើម្បីប្រឆាំងទល់មេរោគទាំងនោះ។ ប្រសិនបើថ្ងៃណាមួយក្រោយចាក់វ៉ាក់សាំង យើងឆ្លងជម្ងឺ នោះប្រព័ន្ធភាពស៊ាំយើងនឹងសម្លាប់មេរោគទាំងនោះបានភ្លាមៗ មុនរាងកាយយើងចុះខ្សោយឈឺទៅទៀត។ វ៉ាក់សាំងសំខាន់ណាស់ ដូច្នេះប្រសិនបើយើងទទួលវ៉ាក់សាំងបានត្រឹមត្រូវទោះ ១ដូសក៏ដោយ ២ដូសក៏ដោយ ឬច្រើនដូសក៏ដោយ នោះរាងកាយយើងនឹងនៅតែទទួលបានការការពារប្រឆាំងទល់ជម្ងឺទាំងនោះរាប់ឆ្នាំ ឬពេញមួយជីវិត។

ស្វែងយល់បន្ថែម:

សញ្ញាទូទៅក្រោយចាក់វ៉ាក់សាំង ម៉ាក់ប៉ាមិនបាច់ភ័យពេកនោះទេ!

គួរចាក់វ៉ាក់ពេលណាល្អ?

វ៉ាក់សាំងការពារយើងបានទៅតាមដំណាក់កាលនិងអាយុផ្សេងៗគ្នា។ ជាក់ស្ដែងបើសួរថាចាក់ពេលណា គឺត្រូវមើលទៅលើអាយុព្រោះថ្នាំបង្ការសុទ្ធតែមានការណែនាំទៅតាមកម្រិតអាយុអ្នកត្រូវចាក់។ មិនថាវ៉ាក់សាំង ឬដូសជម្រុញ យើងអាចប្រឹក្សាបន្ថែមជាមួយគ្រូពេទ្យ ថាតើកូនតូច កូនក្មេង ឬយើងខ្លួនឯងអាយុច្រើន ឬអ្នកផ្ទះយើង គួរចាក់វ៉ាក់សាំងអី ហេតុអ្វី? អ្វីដែលសំខាន់គឺ ទៅចាក់វ៉ាក់សាំងឲ្យបានត្រឹមត្រូវ ពីស្ថាប័នមានអាជ្ញាប័ណ្ណ ហើយថ្នាំមិនផុតកាលកំណត់ប្រើប្រាស់។ បើស្ថានភាពរាងកាយស្ថិតក្នុងលក្ខខណ្ឌអាចទៅចាក់វ៉ាក់សាំងបាន គួរទៅចាក់ឲ្យបានលឿន និងទាន់ពេលវេលា។ សំខាន់បំផុតគឺ បើពេលកំពុងចេញរោគសញ្ញាថាមានបញ្ហាសុខភាពគួរឲ្យសង្ស័យហើយ បានរត់ទៅចាក់ ប្រហែល ជាខុសពេល ហើយវ៉ាក់សាំង ឬថ្នាំបង្ការទាំងនោះក៏ប្រហែលជាមិនអាចជួយបានដែរ។ មានករណីខ្លះ ប្រសិនបើខកខានការចាក់វ៉ាក់សាំង (មិនថាកូន យើងខ្លួនឯង ឬអ្នកណាក៏ដោយ) យើងគួរប្រឹក្សាជាមួយគ្រូពេទ្យភ្លាម ដើម្បីពិនិត្យលទ្ធភាពលើការខកខាននេះ ថាអាចចាក់បំពេញបានឬអត់។

ស្វែងយល់បន្ថែម:

ក្រោយចាក់វ៉ាក់សាំងកម្មវិធីជាតិរួច ចង់ចាក់វ៉ាក់សាំងដទៃ ត្រូវរង់ចាំប៉ុន្មានថ្ងៃ?

តើចាក់វ៉ាក់សាំងមានអត្ថប្រយោជន៍អីខ្លះ?

រាប់តែវ៉ាក់សាំងក្មេងៗនិងកុមារ មួយមុខ អាចសង្គ្រោះជីវិតលើស ៤លាននាក់រាល់ឆ្នាំ ទោះជាជំងឺមួយចំនួនបានវិវត្តខុសធម្មតា បំប្លែងខ្លួនមេរោគឬបាក់តេរីទាំងស្រុង ឬផ្នែកមួយចំនួន។ បើគ្មានវ៉ាក់សាំងទេ យើងគ្រប់គ្នាប្រឈមហានិភ័យជំងឺធ្ងន់ធ្ងរនានាខ្ពស់ណាស់ ដូចជា កញ្ជ្រឹល រលាកស្រោមខួរ រលាកសួត តេតាណូស និងជំងឺគ្រុនស្វិតដៃជើង។ សព្វថ្ងៃនេះ សន្ទុះនៃការឆ្លងរាលដាលជំងឺឆ្លងគឺលឿនរហ័ស ពាសពេញពិភពលោកដូចឃើញស្រាប់ ពិសេសបំផុតអ្នកមិនបានការពារ។ មូលហេតុសំខាន់បំផុត ២គឺ ការការពារខ្លួនឯងកុំឲ្យឆ្លងជំងឺ និងការពារការឆ្លងរាលដាលអ្នកជុំវិញខ្លួនយើង។ ទោះជាវ៉ាក់សាំងសំខាន់ក៏ពិតមែន ប៉ុន្តែមិនមែនគ្រប់គ្នាសុទ្ធតែគ្រប់លក្ខខណ្ឌទទួលការចាក់វ៉ាក់សាំងបានទេ ដូចជា ទារកទើបកើត អ្នកមានជំងឺធ្ងន់ធ្ងរប្រចាំកាយស្រាប់ ឬអ្នកមានជំងឺអាលែកហ្ស៊ីជាដើម។ អ្នកទាំងនេះ សុទ្ធតែពឹងផ្អែកលើអ្នកជុំវិញខ្លួនទទួលវ៉ាក់សាំង ដើម្បីបានសុវត្ថិភាពហ្នឹងគេដែរ។

ស្វែងយល់បន្ថែម:

វ៉ាក់សាំងសំខាន់ ៣ ប្រភេទ សមាជិកគ្រួសារគួរតែចាក់ឲ្យបានគ្រប់គ្នា

តើវ៉ាក់កសាំងអាចការពារជម្ងឺអ្វីខ្លះ?

វ៉ាក់សាំងអាចការពារជំងឺឆ្លងបានច្រើនណាស់ ដូចជា៖ -មហារីកមាត់ស្បូន -ជំងឺអាសន្នរោគ -COVID-19 -រោគខាន់ស្លាក់ -មេរោគអេបូឡា -ជំងឺរលាកថ្លើមប្រភេទ B -គ្រុនផ្តាសាយ -ជំងឺរលាកខួរក្បាលជប៉ុន -កញ្ជ្រឹល -ជំងឺរលាកស្រោមខួរ -ស្រឡទែន -ក្អកមាន់ -ការរលាកសួត -ប៉ូលីយ៉ូ -ជំងឺឆ្កែឆ្កួត -មេរោគ Rotavirus -ជម្ងឺ Rubella -តេតាណូស -ជំងឺគ្រុនពោះវៀន -វ៉ារីសេឡា -ជម្ងឺខាន់លឿង តម្រូវការចាំបាច់ដែលទាមទារការទទួលវ៉ាក់សាំងរបស់ប្រទេសនិមួយៗ គឺខុសគ្នា អាស្រ័យលើការធ្វើដំណើរ ឬការងារនានាជាក់ស្ដែង។ ដើម្បីកាន់តែច្បាស់ រឿងទទួលថ្នាំបង្ការឲ្យត្រឹមត្រូវ សមស្របតាមលក្ខខណ្ឌអាយុ និងស្ថានភាពសុខភាពរាងកាយជាក់ស្ដែង សូមប្រឹក្សាជាមួយគ្រូពេទ្យ ភ្លាមទៅ ដើម្បីសុវត្ថិភាពគ្រួសារ។

ស្វែងយល់បន្ថែម:

វ៉ាក់សាំងសំខាន់ ៣ ប្រភេទ សមាជិកគ្រួសារគួរតែចាក់ឲ្យបានគ្រប់គ្នា

អ្នកណាខ្លះគួរទៅចាក់វ៉ាក់សាំង?

លក្ខខណ្ឌរាងកាយនិងសុខភាពម្នាក់ៗអត់ដូចគ្នាទេ អ្នកខ្លះអាច ទៅចាក់វ៉ាក់សាំងពេលណាក៏បានឲ្យតែទំនេរ។ អ្នកខ្លះចាក់អត់បានទេ ព្រោះមានជំងឺប្រចាំកាយ សុខភាពមិនអំណោយផល ឬមិនអាចទទួលវ៉ាក់សាំងបានតែម្ដងក៏មាន។ ឯអ្នកខ្លះទៀត ត្រូវរង់ចាំការព្យបាលអីសិនក៏មាន។ អ្នកដែលមិនអាចចាក់វ៉ាក់សាំងបានទាំងនោះមានដូចជា៖ - អ្នកដែលមានជំងឺរ៉ាំរ៉ៃប្រចាំខ្លួន ឬកំពុងទទួលបានការព្យាបាល ដូចជាការព្យាបាលដោយគីមី ដែលប៉ះពាល់ទាំងស្រុងដល់ប្រព័ន្ធភាពស៊ាំរាងកាយ។ - អ្នកដែលមានជំងឺអាលែកហ្ស៊ី ធ្ងន់ធ្ងរឬគម្រាមកំហែងដល់អាយុជីវិតជាមួយធាតុផ្សំថ្នាំបង្ការ ទោះនេះជាករណីកម្រក៏ដោយ។ - អ្នកដែលមានជំងឺធ្ងន់ធ្ងរ និងគ្រុនក្តៅខ្លាំងនៅថ្ងៃចាក់វ៉ាក់សាំង។

ស្វែងយល់បន្ថែម:

ស្រ្តីមានដៃគូរួមភេទហើយ មុនចាក់វ៉ាក់សាំងបង្ការមហារីកមាត់ស្បូនត្រូវធ្វើរឿងនេះ

ក្នុងថ្នាំវ៉ាក់សាំងទាំងនោះមានសារធាតុអ្វីខ្លះ?

រាល់សារធាតុផ្សំទាំងឡាយរបស់ថ្នាំបង្ការ ឬវ៉ាក់សាំងដើរតួរសំខាន់ខ្លាំងណាស់ដើម្បីប្រាកដថាការយកថ្នាំវ៉ាក់សាំងទាំងនោះទៅប្រើប្រាស់ជាសាធារណៈ ឬទូទាំងពិភពលោកមានប្រសិទ្ធិភាពនិងសុវត្ថិភាពក្នុងកម្រិតខ្ពស់បំផុត។ ករណីធាតុផ្សំវ៉ាក់សាំងបង្កគ្រោះថ្នាក់ អាចមានច្រើនសណ្ឋានព្រោះដោយសារតែសារធាតុភាគច្រើនទាំងនោះកើតឡើងដោយធម្មជាតិក្នុងរាងកាយ ក្នុងបរិយាកាស ក្នុងចំណីអាហារដែលញ៉ាំ ដែលសុទ្ធតែធ្វើតេស្ដយ៉ាងយកចិត្តទុកដាក់បំផុតពីអ្នកជំនាញ ដើម្បីឲ្យប្រាកដរឿងសុវត្ថិភាព ដល់ការប្រើប្រាស់។

ស្វែងយល់បន្ថែម:

វ៉ាក់សាំងសំខាន់ណាស់! កុំដឹងតែទៅចាក់ ហើយអត់ខ្វល់ រឿងពិតមួយចំនួនត្រូវដឹង

វ៉ាក់សាំងមានសុវត្ថិភាពកម្រិតណាដែរ?

វ៉ាក់សាំងគឺសុវត្ថិភាព គ្រាន់តែផលរំខានមួយចំនួនពីការចាក់វ៉ាក់សាំងទាំងនោះក្នុងរយៈពេលខ្លីដូចជា ឈឺមុខរបួស ចុកកន្លែងចាក់ គ្រុនក្ដៅជាដើម តែករណីផលរំខានធ្ងន់ក៏អាចមានដែរ គ្រាន់តែថាជាករណីកម្រប៉ុណ្ណោះ។ ទោះជាមានផលរំខានក៏ពិតមែន ប៉ុន្តែការឈឺដោយផលរំខានរយៈពេលខ្លី នៅតែជាជម្រើសល្អបំផុតជាងការឈឺដោយការឆ្លងជម្ងឺដោយមិនបានចាក់វ៉ាក់សាំង ព្រោះវ៉ាក់សាំងមួយចំនួនអាចការពារខ្លួនយើងពីការធ្លាក់ខ្លួនឈឺធ្ងន់ ឬរហូតដល់ស្លាប់បាត់បង់ជីវិតក៏មាន។ គុណប្រយោជន៍របស់វ៉ាក់សាំងច្រើន ធំធេងណាស់ពីការការពារខ្លួនយើង ច្រើនជាងបញ្ហាដែលបង្កដោយថ្នាំបង្ការ។

ស្វែងយល់បន្ថែម:

ចាក់វ៉ាក់សាំងហើយអាចមានផលរំខានអ្វីខ្លះ?

ដូចតែថ្នាំពេទ្យផ្សេងទៀតដែរ វ៉ាក់សាំងក៏អាចបង្កជាផលរំខានមួយចំនួនដូចជា ក្ដៅខ្លួន ឈឺមុខម្ជុលកន្លែងចាក់ ឬឡើងកន្ទួលក្រហមជាដើម។ ហើយប្រតិកម្មឬផលរំខានទាំងនោះអាចបាត់ទៅវិញដោយឯកឯងនៅពីរឬបីថ្ងៃបន្ទាប់។ ករណីដែលផលរំខានមិនបានបាត់ទៅវិញដោយឯកឯងយូរថ្ងៃ ជាករណីកម្រហើយ។ គ្រូពេទ្យឯកទេស នឹងបន្តតាមដានលើកម្រិតសុវត្ថិភាពថ្នាំវ៉ាក់សាំង ដើម្បីការពារប្រតិកម្មដែលកម្រៗ។

ស្វែងយល់បន្ថែម:

តើក្មេងតូច អាចចាក់វ៉ាក់សាំងលើសពី ១មុខ តំណាលគ្នាបានទេ?

ការដែលចាក់វ៉ាក់សាំងលើសពី១ តំណាលគ្នាអត់បង្កជាផលរំខានឬប៉ះពាល់អ្វីទេ។ នេះបើតាមការអះអាងពីខាងវេជ្ជសាស្ត្រ។ ចំពោះក្មេងៗប្រឈមនឹងការឆ្លងរាលដាលមេរោគរាប់រយប្រភេទខុសៗគ្នា ដែលប្រព័ន្ធភាពស៊ាំប្រឆាំងទល់បញ្ហាទាំងនោះរាល់ថ្ងៃ ដូចជាពេលគេលេងដី លេងខាងក្រៅផ្ទះ ឬញ៉ាំចំណីចំណុកជាដើម។ វ៉ាក់សាំងបង្ការជំងឺច្រើនមុខក្នុងពេលតែមួយក៏ល្អដែរ (ឧទាហរណ៍វ៉ាក់សាំងរាក ក្អកមាន់ និងតេតាណូស) សុទ្ធតែជួយកាត់បន្ថយចំនួនដង នៃការចាក់វ៉ាក់សាំងពីរបីម្ជុលផ្សេងគ្នា ដែលខាតពេលនិងបង្កការឈឺចាប់ឲ្យកូន។ ដូច្នេះបានសេចក្ដីថា យើងយកកូនទៅទទួលវ៉ាក់សាំងទាន់ពេលវេលាល្អហើយ ដើម្បីការពារទល់នឹងហានិភ័យជំងឺឆ្លងនានាបាន។

ស្វែងយល់បន្ថែម:

ប៉ាម៉ាក់គួរដឹង! វ៉ាក់សាំងបង្ការជំងឺទាំង១១មុខ សម្រាប់ចាក់ឲ្យកូនតាំងពីកើត ដល់អាយុ២ឆ្នាំ

អាចមានទំនាក់ទំនងគ្នាឬអត់រវាងវ៉ាក់សាំងនិងជំងឺអូទីស្សឹម?

មិនមានអំណះអំណាងណាបញ្ជាក់ថាការចាក់ថ្នាំវ៉ាក់សាំងមានទំនាក់ទំនងបង្កជាជំងឺអូទីស្សឹម ឬបញ្ហាណាមួយនៃការលូតលាស់ផ្នែកប្រាជ្ញាស្មារតីរបស់ខួរក្បាលទេ។ សំណួរនិងការបកស្រាយនេះ មានការជជែកដេញដោលច្រើនណាស់ពីសំណាក់អ្នកវិទ្យាសាស្ត្រជុំវិញពិភពលោក។

ស្វែងយល់បន្ថែម:

រឿង ៣ យ៉ាងស្រីៗមានផ្ទៃពោះគួរដឹង កុំឲ្យកូនកើតមកមានជំងឺអូទីស្សឹម

តើក្មេងស្រីគួរចាក់វ៉ាក់សាំងប្រឆាំងមេរោគ HPV ដែរឬទេ?

តាមបែបវេជ្ជសាស្ត្ររាល់ដើមហេតុដែលបណ្ដាលឲ្យមានជំងឺមហារីកស្បូនគឺសុទ្ធតែបង្កដោយការឆ្លងមេរោគ HPV តាមរយៈការរួមភេទពីដៃគូ។ បើគិតពីកត្តាសុវត្ថិភាពមុនមានការឆ្លងរាលដាល ពិតណាស់ការចាក់ថ្នាំវ៉ាក់សាំងជាជម្រើសដ៏មានប្រសិទ្ធិភាពបំផុតក្នុងការការពារជំងឺដែលស្ត្រីទាំងអស់ខ្លាចរអារនេះ។ មានការសិក្សាវែកញែកពីសំណាក់ប្រទេសធំៗដែលជឿនលលឿនលើផ្នែកស្រាវជ្រាវនិងវេជ្ជសាស្ត្រដូចជាអូស្ត្រាលី ប៊ែលហ្ស៊ិក អាល្លឺម៉ង់ ញ៉ូវហ្សឺលែន ស៊ុយអែត ចក្រភពអង់គ្លេស និងសហរដ្ឋអាមេរិកបានបញ្ជាក់ថា អ្នកដែលចាក់ថ្នាំវ៉ាក់សាំងអាចកាត់បន្ថយហានិភ័យរហូតដល់ទៅ ៩០% ពិសេសចំពោះក្មេងស្រីមុនប្រលូកក្នុងការរួមភេទ រហូតដល់វ័យបន្តពូជ។ រាល់ការសិក្សាទាំងនោះ សុទ្ធតែបញ្ជាក់ដូចគ្នាពីប្រសិទ្ធិភាពនិងសុវត្ថិភាពកម្រិតខ្ពស់គួរឲ្យទុកចិត្តបំផុត។ WHO បានចេញសេចក្ដីណែនាំថាក្មេងស្រីដែលមានអាយុចន្លោះពី ៩ - ១៤ឆ្នាំ គួរទទួលវ៉ាក់សាំងហោចណាស់ ២ដូស ហើយចាំបន្តតាមដានរកមហារីកស្បូននាពេលក្រោយពេលវ័យលូតលាស់។

ស្វែងយល់បន្ថែម:

បើមានចម្ងល់ផ្សេងទៀតជុំវិញបញ្ហាវ៉ាក់សាំង គួរទាក់ទងខាងណា?

ករណីមិនទាន់ច្បាស់ហើយនៅតែមានមន្ទិលសង្ស័យណាក៏ដោយជុំវិញបញ្ហាថ្នាំបង្ការ សូមប្រឹក្សា សាកសួរគ្រូពេទ្យ ឬអ្នកវេជ្ជសាស្ត្រមានជំនាញច្បាស់លាស់ផ្នែកនេះ កុំលាក់ទុកក្នុងចិត្ត។ វេជ្ជបញ្ជាបែបវេជ្ជសាស្ត្រពីគ្រូពេទ្យនឹងពន្យល់បកស្រាយកាន់ពីឥទ្ធិពល គុណសម្បត្តិ និងផលរំខានរបស់ថ្នាំបង្ការនីមួយៗច្បាស់លាស់ ពីថ្នាំបង្ការដែលត្រូវចាក់ តាមវ័យតាមអាយុ ចំនួនដូស គម្លាតត្រូវចាក់ជាដើម តាមការណែនាំរបស់ក្រសួងសុខាភិបាលកំណត់។ ដោយឡែកសម្រាប់អ្នកចូលចិត្តស្រាវជ្រាវអនឡាញក៏ជាជម្រើសល្អដែរ តែសូមមើលប្រភព(វិបសាយ) ដែលស្វែងយល់ ប្រភពទាំងនោះគួរជាប្រភពគួរឲ្យទុកចិត្តបំផុត ត្រូវប្រាកដចិត្តថាអ្នកស្គាល់វិបសាយទាំងនោះច្បាស់ មុនសម្រេចចិត្តជឿ និងអនុវត្តតាមការណែនាំណាមួយ។ វិបសាយទាំងអស់ដែលផ្សព្វផ្សាយ បកស្រាយ និងលម្អិតពីការទទួល ឬផ្នែកណាក៏ដោយពីថ្នាំបង្ការ(ថ្នាំវ៉ាក់សាំង) គួរតែជាវិបសាយសារព័ត៌មានអាជីព មានឈ្មោះបោះសំឡេងគួរឲ្យទុកចិត្ត ហើយកាន់តែទុកចិត្តបំផុតគឺ វិបសាយឬប្រព័ន្ធផ្សព្វផ្សាយរបស់ក្រសួងសុខាភិបាល ឬWHO ជាដើម។

ស្វែងយល់បន្ថែម:

លម្អិតពីវ៉ាក់សាំង

ថ្នាំបង្ការ

បន្ថែមពីលើគោលការណ៍ថ្នាក់ជាតិ ម៉ាក់ប៉ាអាចនាំកូនទៅចាក់វ៉ាក់សាំងទាំងនេះ

តាមគោលការណ៍ថ្នាក់ជាតិ ផ្តល់ការចាក់វ៉ាក់សាំងចំនួន ១១ មុខ ឲ្យក្មេងទើបកើត រហូតដល់អាយុ ២ ឆ្នាំ ដោយឥតគិតថ្លៃ នៅតាមមណ្ឌលសុខភាព និងមន្ទីរពេទ្យរដ្ឋនានា។ ក្រៅពីវ៉ាក់សាំងទាំង ១១ មុខនោះ ក៏មានវ៉ាក់សាំងការពារជំងឺផ្សេងៗផងដែរ ម៉ាក់ប៉ាដែលមានលទ្ធភាពអាចនាំកូនទៅចាក់នៅវិទ្យាស្ថានប៉ាស្ទ័រកម្ពុជា ឬគ្លីនិកឯកជនធំៗមួយចំនួន។ ១- វ៉ាក់សាំងរាក វ៉ាក់សាំងរាកអាចបន្តក់នៅមុនពេលទារកអាយុបាន ៦ ខែ ។ ប្រសិទ្ធភាពនៃការបន្តក់វ៉ាក់សាំងនេះ អាចការពារមិនឲ្យក្មេងអាយុក្រោម ៥ ឆ្នាំ រាករូសខ្លាំង រហូតដល់ ៧០%។ ២- វ៉ាក់សាំងផ្តាសាយធំ កូនក្មេងត្រូវចាក់វ៉ាក់សាំងផ្តាសាយធំចំនួន ២ដូស្ត នៅពេលអាយុចាប់ពី ៦ ខែ រហូតដល់ ៨ ឆ្នាំ។ ៣- វ៉ាក់សាំងគ្រុនពោះវៀន អង្គការសុខភាពពិភពលោក (WHO) បានណែនាំឲ្យចាក់វ៉ាក់សាំងគ្រុនពោះវៀន ចាប់អាយុ ៦ ខែឡើងទៅ។ ៤- វ៉ាក់សាំងស្រឡទែន ចាក់ឲ្យទារកចាប់ពីអាយុ ៩ ខែឡើងទៅ។ ៥- វ៉ាក់សាំងអុតស្វាយ ចាក់ចំនួន ២ ដូស្ត ដោយដូស្តទី១ ចាក់នៅពេលក្មេងអាយុបាន ១២-១៥ខែ និងដូស្តទី២ នៅពេលក្មេងអាយុ ៤-៦ ឆ្នាំ។ ៦- វ៉ាក់សាំងថ្លើមប្រភេទ […]

ថ្នាំបង្ការ

ក្រោយទារកចាក់វ៉ាក់សាំង មានឡើងពក ឬខ្ទុះ តិចច្រឡំច្របាច់ មិនល្អទេ

វ៉ាក់សាំងតាមអាយុ

ថ្នាំបង្ការ

ម៉ាក់ប៉ា ចំណាំទុក កាលវិភាគចាក់វ៉ាក់សាំងអូនតូច

អូនតូចទើបនឹងកើតរហូតដល់អាយុបាន១ឆ្នាំកន្លះ តម្រូវឲ្យចាក់វ៉ាក់សាំងបង្ការជំងឺជាច្រើនមុខ ទៅតាមគោលការណ៍ថ្នាក់ជាតិ កំណត់ដោយក្រសួងសុខាភិបាល។ លើកទី១៖ ទារកទើបកើត ពេលកើតភ្លាម បេប៊ីត្រូវចាក់វ៉ាក់សាំងដល់ទៅ២មុខ គឺវ៉ាក់សាំងការពារជំងឺរលាកថ្លើមប្រភេទបេ និងវ៉ាក់សាំងការពារជំងឺរបេង។ លើកទី២៖ ទារកអាយុ ១ខែកន្លះ អាអូនអាយុបាន ១ខែកន្លះ គ្រូពេទ្យនឹងចាក់វ៉ាក់សាំងការពារជំងឺជាច្រើនមុខ ក្នុងនោះមានដូចជា៖ – វ៉ាក់សាំងការពារជំងឺគ្រុនស្វិតដៃជើង (បន្តក់) – វ៉ាក់សាំងការពារជំងឺក្អកមាន់ ខាន់ស្លាក់ តេតាណុស ជំងឺរលាកថ្លើមប្រភេទបេ រលាកសួត ស្រោមខួរ និងហ៊ីប – វ៉ាក់សាំងការពារជំងឺរលាកសួត-រលាកស្រោមខួរដោយភ្នើម៉ូកូក។ លើកទី៣៖ ទារកអាយុ ២ខែកន្លះ អាយុបាន ២ខែកន្លះ អូនតូចត្រូវចាក់វ៉ាក់សាំងបង្ការជំងឺច្រើនមុខដូចការចាក់នៅអាយុ ១ខែកន្លះដែរ – វ៉ាក់សាំងការពារជំងឺគ្រុនស្វិតដៃជើង (បន្តក់) – វ៉ាក់សាំងការពារជំងឺក្អកមាន់ ខាន់ស្លាក់ តេតាណុស ជំងឺរលាកថ្លើមប្រភេទបេ រលាកសួត ស្រោមខួរ និងហ៊ីប – វ៉ាក់សាំងការពារជំងឺរលាកសួត-រលាកស្រោមខួរដោយភ្នើម៉ូកូក។ លើកទី៤៖ ទារកអាយុ ៣ខែកន្លះ ក្រៅពីចាក់រម្លឹកនូវវ៉ាក់សាំងទាំងប៉ុន្មានមុខខាងក្រោមនេះ អូនតូចត្រូវបន្ថែមវ៉ាក់សាំងគ្រុនស្វិតដៃជើង ប្រភេទចាក់។ – វ៉ាក់សាំងការពារជំងឺគ្រុនស្វិតដៃជើង (បន្តក់) – វ៉ាក់សាំងការពារជំងឺក្អកមាន់ ខាន់ស្លាក់ តេតាណុស ជំងឺរលាកថ្លើមប្រភេទបេ រលាកសួត ស្រោមខួរ និងហ៊ីប – វ៉ាក់សាំងការពារជំងឺរលាកសួត-រលាកស្រោមខួរដោយភ្នើម៉ូកូក។ លើកទី៥៖ ទារកអាយុ ៩ខែ លើកនេះអូនតូចត្រូវចាក់វ៉ាក់សាំងការពារតែ២មុខទេ មាន […]

ការថែទាំទារក

ប៉ាម៉ាក់គួរដឹង! វ៉ាក់សាំងបង្ការជំងឺទាំង១១មុខ សម្រាប់ចាក់ឲ្យកូនតាំងពីកើត ដល់អាយុ២ឆ្នាំ

មកទល់ពេលនេះកម្មវិធីជាតិផ្តល់ថ្នាំបង្ការ នៃក្រសួងសុខាភិបាល មានវ៉ាក់សាំងសំខាន់ៗចំនួន ១១ មុខ សម្រាប់ចាក់ឲ្យក្មេងអាយុក្រោម ២ ឆ្នាំ នៅទូទាំងប្រទេស។ ការចាក់វ៉ាក់សាំងបង្ការបានគ្រប់មុខអាចជួយឲ្យប្រព័ន្ធការពារក្មេងរឹងមាំ មិនងាយរងការវាយប្រហារពីមេរោគ ដូច្នេះម៉ាក់ប៉ាដែលមានកូនត្រូវនាំកូនទៅចាក់ថ្នាំបង្ការទាំង ១១ មុខខាងក្រោមនេះ នៅតាមមន្ទីរពេទ្យរដ្ឋ និងមណ្ឌលសុខភាព។ ១- វ៉ាក់សាំងជំងឺរបេង៖ ចាក់នៅពេលទារកកើត។ ២- វ៉ាក់សាំងជំងឺរលាកថ្លើមប្រភេទ បេ៖ ចាក់នៅពេលទារកកើត និងអាយុបាន ១ខែកន្លះ។ ៣- វ៉ាក់សាំងគ្រុនស្វិតដៃជើង៖ ចាក់ និងបន្តក់នៅពេលទារកអាយុបាន ១ខែកន្លះ អាយុ ២ខែកន្លះ និងអាយុ ៣ខែកន្លះ។ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ៤- វ៉ាក់សាំងជំងឺតេតាណូស៖ ចាក់នៅពេលទារកអាយុបាន ១ខែកន្លះ ។ ៥- វ៉ាក់សាំងជំងឺក្អកមាន់៖ ចាក់នៅពេលទារកអាយុបាន ១ខែកន្លះ អាយុ ២ខែកន្លះ និងអាយុ ៣ខែកន្លះ។ ៦- វ៉ាក់សាំងជំងឺខាន់ស្លាក់៖ ចាក់នៅពេលទារកអាយុបាន ១ខែកន្លះ អាយុ ២ខែកន្លះ និងអាយុ ៣ខែកន្លះ។ ៧- វ៉ាក់សាំងជំងឺរលាកសួត និងរលាកស្រោមខួរ […]

ថ្នាំបង្ការ

វ៉ាក់សាំងកុមារក្រៅថ្នាក់ជាតិទាំង៧ ចាំបាច់គួរផ្ដល់ឲ្យអាអូន

វ៉ាក់សាំងកុមារក្រៅថ្នាក់ជាតិ ម៉ាក់ប៉ាគួរស្វះស្វែងរកចាក់ឲ្យកូនទោះមិនមានក្នុងក្រដាសណែនាំចាក់វ៉ាក់សាំងពីក្រសួងសុខាភិបាលក៏ដោយ ដើម្បីការពារសុខភាពកូនយើងពីមេរោគយាយីសុខភាពកូន។ វ៉ាក់សាំងក្រៅថ្នាក់ជាតិទាំង ៧នេះ ម៉ាក់ប៉ាត្រូវចាំបាច់ជូនកូនទៅចាក់តាមអាយុសមស្របទើបល្អ។ បើនិយាយដល់វ៉ាក់សាំងកុមារ លោកស្រីវេជ្ជបណ្ឌិត កុសល កណិការ ឯកទេសជំងឺកុមារ និងទារក បានឲ្យដឹងថា បន្ទាប់ពីសម្រាលចេញមកហើយនោះ ទារកទាំងអស់ត្រូវទទួលបានវ៉ាក់សាំងថ្នាក់ជាតិ ៧លើក ដែលគិតចាប់តាំងពីអាអូនទើបនឹងកើត រហូតដល់អាយុ១ឆ្នាំកន្លះ។ បន្ថែមពីលើនៅមានវ៉ាក់សាំងក្រៅថ្នាក់ជាតិ ៧ទៀត អាចផ្ដល់ឲ្យកុមារដូចជា៖ ១. វ៉ាក់សាំងការពារជំងឺរាកធ្ងន់ធ្ងរ (បន្តក់តាមមាត់) អាចបន្តក់ឲ្យក្មេងចាប់ពីអាយុ៦សប្តាហ៍ ដល់៦ខែ ត្រូវបន្តក់២ដងគឺលើកទី១ និង៤សប្តាហ៍ក្រោយ (លើកទី១យ៉ាងយូរត្រឹមអាយុ ២០សប្តាហ៍ ឬ៥ខែ) ២. វ៉ាក់សាំងការពារជំងឺផ្ដាសាយធំ អាចចាក់ឲ្យទារកចាប់ពីអាយុ ៦ខែឡើង និងមនុស្សចាស់ សម្រាប់ក្មេងអាយុ ៦ខែ ដល់៩ឆ្នាំ ដែលមិនធ្លាប់ចាក់វ៉ាក់សាំងផ្ដាសាយសោះត្រូវចាក់២ដង គឺលើកទី១ និង១ខែក្រោយ សម្រាប់ក្មេងអាយុលើ៩ឆ្នាំ និងមនុស្សចាស់ត្រូវចាក់តែម្ដង ៣. វ៉ាក់សាំងការពារជំងឺអុតស្វាយ អាចចាក់ឲ្យកុមារចាប់ពីអាយុ ១ឆ្នាំឡើង ត្រូវចាក់២ដង គឺលើកទី១ និង៣ខែក្រោយ ៤. វ៉ាក់សាំងការពារជំងឺរលាកថ្លើមប្រភេទ A អាចចាក់ឲ្យកុមារចាប់ពីអាយុ ១ឆ្នាំឡើង ត្រូវចាក់២ដង គឺលើកទី១ និង៦ខែក្រោយ ៥. វ៉ាក់សាំងការពារជំងឺរលាកស្រោមខួរបង្កដោយមេរោគមេណាំងហ្គូកុក អាចចាក់ឲ្យកុមារ និងមនុស្សពេញវ័យចាប់ពីអាយុ ០៩ខែ ដល់ ៥៥ឆ្នាំ ត្រូវចាក់១ដង សម្រាប់កុមារ និងមនុស្សពេញវ័យអាយុពី ០២ឆ្នាំ ដល់ ៥៥ឆ្នាំ ត្រូវចាក់២ដង […]

ថ្នាំបង្ការ

ពេលកើតភ្លាម រហូតបាន១ខែកន្លះ ទារកត្រូវចាក់វ៉ាក់សាំងអីខ្លះ?

បើតាមគោលការណ៍ថ្នាក់ជាតិ របស់ក្រសួងសុខាភិបាល តម្រូវឲ្យកូនតូចទើបនឹងកើតចាក់ថ្នាំបង្ការ ដើម្បីការពារជំងឺកាចសាហាវផ្សេងៗ ដែលវ៉ាក់សាំងទាំងអស់នោះផ្តល់ឲ្យនៅតាមមណ្ឌលសុខភាព និងមន្ទីរពេទ្យរដ្ឋទាំងអស់។ តើកូនតូចទើបនឹងកើត រហូតដល់អាយុ ៦ សប្តាហ៍ ឬ ១ខែកន្លះ ត្រូវចាក់វ៉ាក់សាំងការពារជំងឺប៉ុន្មានមុខ? ពេលកើត៖ ក្រោយពីកើតភ្លាម ទារកត្រូវចាក់វ៉ាក់សាំងការពារជំងឺចំនួន ២មុខ ទី១ វ៉ាក់សាំងជំងឺរបេង ដើម្បីបង្ការការចម្លងមេរោគរបេង ( TB )និងទី២ វ៉ាក់សាំងការពារជំងឺរលាកថ្លើម ប្រភេទ បេ ១ដូស្តពេលកើត ដើម្បីប្រឆាំងនឹងវីរុសរលាកថ្លើមប្រភេទ បេ។ អាយុបាន ១ខែកន្លះ៖ ក្រោយចាក់វ៉ាក់សាំងលើកដំបូងពេលកើតរួច អូនតូចត្រូវបន្តចាក់វ៉ាក់សាំងជាច្រើនមុខទៀតជាលើកទី២ នៅពេលអាយុបាន ១ខែកន្លះ។ – វ៉ាក់សាំងការពារជំងឺគ្រុនស្វិតដៃជើង (បន្តក់) – វ៉ាក់សាំងការពារជំងឺក្អកមាន់ ខាន់ស្លាក់ តេតាណុស ជំងឺរលាកថ្លើមប្រភេទបេ រលាកសួត ស្រោមខួរ និងហ៊ីប – វ៉ាក់សាំងការពារជំងឺរលាកសួត-រលាកស្រោមខួរដោយភ្នើម៉ូកូក។ អត្ថបទពាក់ព័ន្ធ៖ ពន្យារ ឬអត់ចាក់វ៉ាក់សាំងឲ្យកូន ដឹងថាប៉ះពាល់អីខ្លះអត់? តិចនិកងាយៗជួយបន្លប់កូនតូចពេលចាក់វ៉ាក់សាំង មិនឲ្យឈឺចាប់ស្រែកយំខ្លាំង តើការចាក់វ៉ាក់សាំង ឬថ្នាំបង្ការ បង្កផលរំខានអ្វីខ្លះ? លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានឲ្យដឹងថា ការចាក់វ៉ាក់សាំងតែងតែបង្កផលរំខានតិចតួច ដូច្នេះបន្ទាប់ពីកូនចាក់វ៉ាក់សាំងរួច បើឃើញកូនមានសញ្ញាទាំងនេះ ម៉ាក់ប៉ាមិនបាច់បារម្ភនោះទេ ព្រោះវាមិនបង្កគ្រោះថ្នាក់ឡើយ។ – ឡើងក្រហមនៅកន្លែងចាក់ – […]

ថ្នាំបង្ការ

កូនក្មេងចាក់វ៉ាក់សាំងច្រើនមុខក្នុងពេលតែមួយ ប៉ះពាល់ដល់ប្រព័ន្ធភាពស៊ាំទេ?

វ៉ាក់សាំងពិតជាសំខាន់ណាស់ អ្នកវិទ្យាសាស្ត្របានខិតខំស្រាវជ្រាវ និងផលិតឡើងដើម្បីការពារការឆ្លងជំងឺកាចសាហាវផ្សេងៗដែលអាចធ្វើឲ្យបាត់បង់ជីវិត។ ចំពោះកូនក្មេងត្រូវចាក់វ៉ាក់សាំងការពារជំងឺផ្សេងៗ តាំងពីកើតភ្លាមមកម៉្លេះ ដោយកើតភ្លាមគ្រូពេទ្យត្រូវចាក់វ៉ាក់សាំងការពារជំងឺរបេង និងវ៉ាក់សាំងការពារជំងឺរលាកថ្លើមប្រភេទ បេ។ ក្នុងករណីកូនក្មេងចាក់វ៉ាក់សាំងច្រើនមុខក្នុងពេលតែមួយ តើអាចប៉ះពាល់ដល់ប្រព័ន្ធភាពស៊ាំដែរឬទេ? ហេតុអី? បើតាមការស្រាវជ្រាវរបស់អង្គការសុខភាពពិភពលោក (WHO) ការចាក់វ៉ាក់សាំងឲ្យកូនច្រើនមុខក្នុងពេលតែមួយមិនមានផលប៉ះពាល់សុខភាព ឬប្រព័ន្ធភាពស៊ាំក្មេងខ្សោយនោះទេ ឯប្រសិទ្ធភាពវិញដូចគ្នានឹងការចាក់វ៉ាក់សាំងតែមួយមុខដែរ។ វ៉ាក់សាំងផ្តល់នូវប្រព័ន្ធភាពស៊ាំល្អជាងការបង្ករោគដោយធម្មជាតិ មានន័យថា ការចាក់វ៉ាក់សាំងប្រសើរជាងការកើតប្រព័ន្ធភាពស៊ាំដោយការឆ្លងពីមេរោគផ្ទាល់។ នេះបើតាមការបកស្រាយរបស់អង្គការសុខភាពពិភពលោក។ អត្ថបទពាក់ព័ន្ធ៖ ពេលកើតភ្លាម រហូតបាន១ខែកន្លះ ទារកត្រូវចាក់វ៉ាក់សាំងអីខ្លះ? ពន្យារ ឬអត់ចាក់វ៉ាក់សាំងឲ្យកូន ដឹងថាប៉ះពាល់អីខ្លះអត់? ការចាក់វ៉ាក់សាំងរួមគ្នាក្នុងពេលតែមួយមិនត្រឹមតែមិនប៉ះពាល់ចំពោះសុខភាពក្មេងនោះទេ តែថែមទាំងមានគុណសម្បត្តិច្រើនយ៉ាង ដូចជាកាត់បន្ថយការឈឺចុកចាប់នៃការចាក់វ៉ាក់សាំងម្តងៗ ចំណេញពេលវេលា និងលុយកាក់។ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

មហារីកមាត់ស្បូន

ស្រ្តីមានដៃគូរួមភេទហើយ មុនចាក់វ៉ាក់សាំងបង្ការមហារីកមាត់ស្បូនត្រូវធ្វើរឿងនេះ

វ៉ាក់សាំងបង្ការមហារីកមាត់ស្បូន ឬវ៉ាក់សាំង HPV អាចការពារស្រ្តីពីការឆ្លងវីរុស HPV ដែលឆ្លងតាមរយៈការរួមភេទ និងជាមូលហេតុចម្បងដែលបង្កឱ្យស្រ្តីកើតមហារីកមាត់ស្បូន។ ក្មេងស្រីជំទង់ដែលមិនទាន់មានដៃគូរួមភេទត្រូវបានលើកទឹកចិត្តឱ្យចាក់វ៉ាក់សាំងនេះដើម្បីការពារមហារីកមាត់ស្បូន។ ចុះស្រ្តីដែលមានដៃគូរួមភេទហើយអាចវ៉ាក់សាំងបង្ការមហារីកមាត់ស្បូនបានដែរឬទេ? ទាក់ទងនឹងចម្ងល់នេះ សាស្ត្រាចារ្យវេជ្ជបណ្ឌិត គាន់ អូន ឯកទេសសម្ភព និងរោគស្ត្រី និងជាប្រធានមន្ទីរពហុព្យាបាល និងសម្ភពត្បូងពេជ្រ បានស្រាយបំភ្លឺថា ជាទូទៅក្មេងស្រីវ័យជំទង់អាយុចាប់ពី ៩ ទៅ ១៤ ឆ្នាំត្រូវចាក់វ៉ាក់សាំងបង្ការមហារីកមាត់ស្បូន ២ ដង និងស្រ្តីដែលមានអាយុចាប់ពី ១៥ ឆ្នាំឡើងទៅដែលមិនទាន់រួមភេទត្រូវចាក់វ៉ាក់សាំងបង្ការមហារីកមាត់ស្បូន ៣ ដង។ ចំណែកឯស្រ្តីដែលមានដៃគូរួមភេទហើយ មិនថាមានអាយុក្រោម ឬលើ ១៨ ឆ្នាំទេចាំបាច់ត្រូវចាក់វ៉ាក់សាំងបង្ការមហារីកមាត់ស្បូន ៣ ដងដែរ ព្រោះស្រ្តីដែលមានដៃគូរួមភេទហើយប្រឈមនឹងការកើតមហារីកមាត់ស្បូនខ្ពស់ដោយសារអាចឆ្លងវីរុស HPV តាមរយៈការរួមភេទ។ យ៉ាងណាលោកថា មុននឹងចាក់វ៉ាក់សាំងបង្ការមហារីកមាត់ស្បូនសម្រាប់ស្រ្តីមានដៃគូរួមភេទ គ្រូពេទ្យត្រូវធ្វើតេស្តរកវីរុស HPV និងតេស្តកៀសកោសិកាមាត់ស្បូនដើម្បីរកមហារីកមាត់ស្បូនជាមុនសិន។ ប្រសិនបើស្រ្តីដែលមានដៃគូរួមភេទហើយឆ្លងវីរុស HPV ឬមានកោសិកាមាត់ស្បូនដែលមានបំរែបំរួលបម្រុងក្លាយជាមហារីក គ្រូពេទ្យនឹងធ្វើការព្យាបាលជំងឺ HPV ឬកោសិកាមាត់ស្បូនឱ្យជាសះស្បើយសិន ទើបអាចចាក់វ៉ាក់សាំងបង្ការមហារីកមាត់ស្បូនឱ្យបាន។ សាស្ត្រាចារ្យវេជ្ជបណ្ឌិត គាន់ អូន ឯកទេសសម្ភព និងរោគស្ត្រី និងជាប្រធានមន្ទីរពហុព្យាបាល និងសម្ភពត្បូងពេជ្រ ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន […]

ថ្នាំបង្ការ

ហេតុអីបានជាក្មេងអាយុក្រោម១៨ឆ្នាំ មិនទាន់ទទួលបានវ៉ាក់សាំងកូវីដ-១៩?

មកដល់ថ្ងៃនេះ គ្នាយើងមួយចំនួនច្បាស់ជាបានទទួលវ៉ាក់សាំងកូវីដ-១៩ ដើម្បីបង្កើតអង់ទីករក្នុងរាងកាយ ប្រឆាំងនឹងវីរុសផ្លូវដង្ហើមសាហាវមួយនេះ។ យោងតាមក្រសួងសុខាភិបាល វ៉ាក់សាំងទាំង ៣ប្រភេទ ដែលមាននៅស្រុកខ្មែរយើង អាចចាក់បានតែមនុស្សអាយុចាប់ពី១៨ឆ្នាំឡើងទៅប៉ុណ្ណោះ អ៊ីចឹងមានន័យថា ក្មេងអាយុក្រោម១៨ មិនអាចទទួលបានវ៉ាក់សាំងការពារសុខភាពពីជំងឺកូវីដ-១៩ បានទេ។ ទាក់ទងនឹងបញ្ហានេះ Unicef កម្ពុជា បានឲ្យដឹងថា យើងមិនទាន់មានទិន្នន័យនៅឡើយអំពីការប្រើប្រាស់វ៉ាក់សាំងសម្រាប់កុមារអាយុក្រោម ១៦ ឆ្នាំ ដូច្នេះគេមិនទាន់ដឹងច្បាស់ទេថាតើវ៉ាក់សាំងទាំងនេះមានសុវត្ថិភាព និងប្រសិទ្ធភាពសម្រាប់ពួកគេនោះ។ នឹងមានការធ្វើបច្ចុប្បន្នភាពការណែនាំបន្ថែមទៀតនៅពេលដែលមានភស្តុតាងបញ្ជាក់ពីប្រសិទ្ធភាព និងសុវត្ថិភាពរបស់វ៉ាក់សាំងកូវីដ-១៩ សម្រាប់កុមារអាយុក្រោម ១៦ ឆ្នាំ។ វ៉ាក់សាំងមួយចំនួនត្រូវបានគេផ្ដល់អនុសាសន៍ថាត្រូវប្រើប្រាស់សម្រាប់មនុស្សពេញវ័យដែលមានអាយុចាប់ពី ១៨ ឆ្នាំឡើងទៅ។ ប្រសិនបើយើង ឬសមាជិកគ្រួសារមានអាយុ ១៦ ឬ ១៧ ឆ្នាំ សូមសាកសួរអ្នកផ្ដល់សេវាថែទាំសុខភាព មុនពេលចាក់វ៉ាក់សាំង។ ហេតុអ្វីបានជាក្មេងៗ មិនត្រូវបានរាប់បញ្ចូលពេលតេស្តសាកល្បងវ៉ាក់សាំងកូវីដ-១៩ លើកដំបូង? ដោយសារប្រព័ន្ធភាពស៊ាំរបស់ក្មេងៗ ខុសគ្នាឆ្ងាយពីមនុស្សពេញវ័យ ហើយប្រព័ន្ធភាពស៊ាំរបស់ក្មេងក៏ឆ្លើយនឹងការឆ្លង ការព្យាបាលខុសគ្នាអាស្រ័យទៅតាមអាយុរបស់ពួកគេ។ ខណៈ ពេលដែលក្មេងវ័យជំទង់ឆ្លើយនឹងការវ៉ាក់សាំងស្រដៀងគ្នានឹងមនុស្សពេញវ័យ ក៏ប៉ុន្តែ ក្មេងៗទើបចេះដើរ ឬទារកអាចមានប្រតិកម្មផ្សេងនឹងវ៉ាក់សាំងពីក្មេងវ័យជំទង់ និងមនុស្សពេញវ័យ។ ហេតុនេះហើយ ទើបវាសំខាន់ក្នុងការធ្វើតេស្ដសាកល្បងវ៉ាក់សាំងសម្រាប់កូនក្មេងផ្សេងពីមនុស្សធំ។ ហេតុនេះហើយ ម៉ាក់ប៉ា ឬអ្នកថែទាំកូនក្មេង គួរតែបន្តអនុវត្តតាមការណែនាំរបស់ក្រសួងសុខាភិបាល និងអង្គការសុខភាពពិភពលោក ដោយការលាងដៃសម្អាតជាមួយសាប៊ូ ជែល ឬអាល់កុលលាងដៃ […]

ថ្នាំបង្ការ

វ៉ាក់សាំងថ្នាក់ជាតិ ៧ លើក អាអូនទើបកើត ដល់អាយុ ១ឆ្នាំកន្លះត្រូវចាក់

ជាទូទៅ ក្រោយពីកើតភ្លាម ក្រសួងសុខាភិបាលតម្រូវឲ្យទារកគ្រប់រូបទទួលបានវ៉ាក់សាំងផ្សេងៗ ដើម្បីការពារសុខភាព និងជួយឲ្យអាអូនលូតលាស់បានល្អ បង្ការការកើតជំងឺផ្សេងៗ។ តើម៉ាក់ប៉ាមានធ្លាប់ឆ្ងល់ទេថា ក្រោយកើតចេញមកហើយ នៅអាយុប៉ុណ្ណេះ អាអូនត្រូវចាក់វ៉ាក់សាំងថ្នាក់ជាតិអ្វីខ្លះ? ទាក់ទងនឹងការចាក់វ៉ាក់សាំងនេះ លោកស្រីវេជ្ជបណ្ឌិត កុសល កណិការ បានឲ្យដឹងថា បន្ទាប់ពីសម្រាលចេញមកហើយនោះ ទារកទាំងអស់ត្រូវទទួលបានវ៉ាក់សាំងថ្នាក់ជាតិ ៧លើក ដែលគិតចាប់តាំងពីអាអូនទើបនឹងកើត រហូតដល់អាយុ១ឆ្នាំកន្លះ ដែលវ៉ាក់សាំងទាំងនោះមានវ៉ាក់សាំងការពារជំងឺដូចជា៖ លើកទី១៖ ទើបកើតមុន ២៤ម៉ោង ចាក់វ៉ាក់សាំងការពារ ជំងឺរលាកថ្លើមប្រភេទB និងជំងឺរបេង លើកទី២ ៣ និងទី៤ ៖ អាយុ ១ខែកន្លះ-៣ខែកន្លះ ចាក់វ៉ាក់សាំងការពារ ជំងឺគ្រុនស្វិតដៃជើង រលាកថ្លើមប្រភេទB ក្អកមាន់ ខាន់ស្លាក់ តេតាណូស រលាកសួត និងរលាកស្រោមខួរក្បាល លើកទី៥៖ អាយុ ៦ខែ អាអូនត្រូវចាក់វ៉ាក់សាំងការពារ ជំងឺកញ្ជ្រឹល និងជំងឺស្អូច លើកទី៦ និងទី៧៖ អាយុ ៩ខែ ដល់១៨ខែ ឬ១ឆ្នាំកន្លះ ចាក់វ៉ាក់សាំងការពារ ជំងឺកញ្ជ្រឹល ស្អូច […]

ថ្នាំបង្ការ

ក្មេងអាយុប៉ុន្មានទើបអាចចាក់វ៉ាក់សាំងផ្តាសាយបាន? ចាក់ប៉ុន្មានដង?

ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ! យើងដឹងហើយថា ក្មេងៗមានប្រព័ន្ធការពាររាងកាយខ្សោយ មិនអាចទប់ទល់នឹងការឆ្លងមេរោគបាន ម្ល៉ោះហើយឧស្សាហ៍កើតជំងឺផ្តាសាយណាស់ ងាកហៀរសម្បោរផ្តាសាយៗ។ បើតាមមជ្ឈមណ្ឌលគ្រប់គ្រង និងបង្ការជំងឺអាមេរិក (CDC) ក្មេងកើតផ្តាសាយធំមានគ្រោះថ្នាក់ជាងជំងឺផ្តាសាយធម្មតា ពិសេសក្មេងដែលមានអាយុតិចជាង ៥ឆ្នាំ។ វិធីល្អបំផុតក្នុងការពារកូនជាទីស្រលាញ់ពីជំងឺផ្តាសាយធំ គឺត្រូវចាក់វ៉ាក់សាំងការពារ ដែល CDC បានណែនាំឲ្យក្មេងអាយុចាប់ពី ៦ខែឡើងទៅត្រូវចាក់វ៉ាក់សាំងការពារជំងឺផ្តាសាយធំរៀងរាល់ឆ្នាំ។ ហេតុអីចាំបាច់ត្រូវវ៉ាក់សាំងផ្តាសាយធំរៀងរាល់ឆ្នាំ? ដោយហេតុថា មេរោគ ឬវីរុសផ្តាសាយមានច្រើនប្រភេទណាស់ ហើយវិវត្តខុសគ្នាពីមួយឆ្នាំទៅមួយឆ្នាំ បែបនេះហើយវ៉ាក់សាំងការពារជំងឺផ្តាសាយក៏ត្រូវតែផ្លាស់ប្តូរទៅតាមនោះដែរ។ ក្មេងអាយុចាប់ពី ៦ ខែ ទៅ ៨ឆ្នាំ ត្រូវចាក់វ៉ាក់សាំងផ្តាសាយ ចំនួន២ ដូស ហើយក្មេងអាយុ ៩ឆ្នាំឡើង តម្រូវឲ្យចាក់វ៉ាក់សាំងផ្តាសាយធំ តែ ១ដូសប៉ុណ្ណោះ។ ម៉ាក់ប៉ាត្រូវចាំថា វ៉ាក់សាំងការពារផ្ដាសាយដែលយើងចាក់ គឺវ៉ាក់សាំងការពារផ្ដាសាយធំ ដូចនេះមិនអាចការពារជំងឺផ្ដាសាយទាំងអស់ទេ ព្រោះវីរុសដែលបង្កឲ្យមានជំងឺផ្ដាសាយមានច្រើនប្រភេទណាស់។ ចំពោះផលរំខានរបស់វ៉ាក់សាំងការពារផ្ដាសាយក៏មិនសូវខុសពី វ៉ាក់សាំងដទៃទៀតដែរ អាចឈឺ ឬហើមកន្លែងចាក់ គ្រុនក្ដៅ ល្ហិតល្ហៃ ឈឺក្បាល។

ថ្នាំបង្ការ

វ៉ាក់សាំងរលាកស្រោមខួរមានប៉ុន្មានប្រភេទ? ត្រូវចាក់ឲ្យកូននៅអាយុប៉ុន្មានខ្លះ?

ជំងឺរលាកស្រោមខួរលើកុមារមានដល់ទៅ ៥ ប្រភេទ ក្នុងនោះរួមមានជំងឺរលាកស្រោមខួរបណ្តាលមកពីវីរុស បាក់តេរី មេរោគផ្សិត ប៉ារ៉ាស៊ីត និងជំងឺរលាកស្រោមខួរមិនមែនបណ្តាលមកពីមេរោគ។ ដ្បិតជំងឺរលាកស្រោមខួរក្បាលអាចព្យាបាលជាសះស្បើយ តែក៏អាចបង្កផលវិបាកធ្ងន់ធ្ងរដល់ក្មេងដែរ ហើយក្នុងនោះជំងឺរលាកស្រោមខួរក្បាលបណ្តាលមកពីបាក់តេរីខ្លះអាចការពារបានដោយការចាក់វ៉ាក់សាំងការពារ។ ត្រូវចាក់វ៉ាក់សាំងការពារជំងឺរលាកស្រោមខួរក្បាលនៅពេលណាខ្លះ? លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានឲ្យដឹងថា នៅក្នុងកម្មវិធីជាតិចាក់ថ្នាំបង្ការ នៃក្រសួងសុខាភិបាល មានផ្តល់វ៉ាក់សាំងបង្ការជំងឺរលាកស្រោមខួរក្បាលដោយឥតគិតថ្លៃដល់ទៅ ៣ មុខ ឯណោះ ។ ១. វ៉ាក់សាំងការពារមេរោគ ភ្នើម៉ូកូក (Streptococcus pneumoniae)៖ ចាក់នៅពេលទារកអាយុបាន ១ខែកន្លះ អាយុ ២ខែកន្លះ និងអាយុ ៣ខែកន្លះ។ ២. វ៉ាក់សាំងការពារមេរោគអេម៉ូហ្វីលីស (Hib)៖ ចាក់នៅពេលទារកអាយុបាន ១ខែកន្លះ អាយុ ២ខែកន្លះ និងអាយុ ៣ខែកន្លះ។ ៣. វ៉ាក់សាំងរលាកខួរក្បាល ជេអ៊ី៖ ចាក់នៅពេលទារកអាយុបាន ៩ ខែ។ ដោយឡែក ក្រោយពេលកូនតូចចាក់វ៉ាក់សាំងរួច អ្នកគ្រូពេទ្យ ពុំ ច័ន្ទ អនុប្រធានមណ្ឌលសុខភាព ទទួលបន្ទុកចាក់វ៉ាក់សាំង នៅមន្ទីរពេទ្យបង្អែកស្រុកខ្សាច់កណ្ដាល បានប្រាប់ពីវិធីថែទាំកន្លែងចាក់វ៉ាក់សាំងកូន ដើម្បីការពារកុំឲ្យហើម […]

សុខភាពម្ដាយ

ហេតុអ្វីស្ត្រីពពោះគួរចាក់វ៉ាក់សាំងផ្តាសាយ? មានប្រយោជន៍អីខ្លះ?

ចូលដល់រដូវត្រជាក់ មិនថាក្មេង ឬចាស់ទេ ងាយនឹងកើតផ្តាសាយ។ ចំពោះស្ត្រីមានផ្ទៃពោះ កាលណាបើកើតផ្តាសាយហើយ ច្បាស់ជាមានផលរំខានដល់ខ្លួនដែលកំពុងមានសុខភាពខ្សោយស្រាប់ ហើយបើធ្ងន់ធ្ងរអាចប៉ះពាល់ដល់កូនក្នុងផ្ទៃទៀត។ តើស្រ្តីពពោះគួរចាក់វ៉ាក់សាំងផ្តាសាយនៅពេលណាទើបល្អ? បើតាមអង្គការសុខភាពពិភពលោក (WHO) បានណែនាំឲ្យស្រីៗមានផ្ទៃពោះចាក់វ៉ាក់សាំងផ្តាសាយទោះក្នុងត្រីមាសណាដោយ។ ម្តាយដែលចាក់វ៉ាក់សាំងការពារជំងឺផ្តាសាយ អាចការពាខ្លួនពីជំងឺផ្តាសាយផង ថែមទាំងអាចបង្ការកូនពីជំងឺគ្រុនផ្តាសាយនៅ ២-៣ ខែប៉ុន្មានខែដំបូងនៃជីវិតរបស់ពួកគេ។ ហេតុអីស្ត្រីពពោះចាំបាច់ត្រូវចាក់វ៉ាក់សាំងផ្តាសាយ? CDC របស់អាមេរិកបានបញ្ជាក់ថា ផ្តាសាយងាយនឹងបង្កឲ្យមានជំងឺធ្ងន់ធ្ងរលើស្ត្រីពពោះ ជាងស្ត្រីធម្មតា។ ម្យ៉ាងវិញទៀតការផ្លាស់ប្តូរប្រព័ន្ធការពារ បេះដូង និងសួត អំឡុងពពោះ និង ២ សប្តាហ៍ក្រោយសម្រាល ងាយនឹងទទួលរងប៉ះពាល់ពីជំងឺផ្តាសាយ។ កើតជំងឺផ្តាសាយអំឡុងពពោះក៏អាចបង្កគ្រោះថ្នាក់ដល់ទារកក្នុងផ្ទៃផងដែរ ដោយរោគសញ្ញាជំងឺផ្តាសាយទូទៅគឺគ្រុនក្តៅដែលអាចត្រូវបានផ្សារភ្ជាប់ជាមួយនឹងពិការភាពបំពង់សរសៃប្រសាទ និងលទ្ធផលមិនល្អផ្សេងទៀតសម្រាប់ទារកដែលកំពុងលូតលាស់ក្នុងផ្ទៃ។

មហារីកមាត់ស្បូន

ស្ត្រីធ្លាប់រួមភេទ ឬរៀបការហើយ គួរចាក់វ៉ាក់សាំងការពារមហារីកមាត់ស្បូនទេ?

ការចាក់វ៉ាក់សាំងតាំងពីក្មេងទៅ មុនពេលប្រឡូកនឹងការរួមភេទ មានប្រសិទ្ធភាពអាចការពារជំងឺមហារីកមាត់ស្បូនបានស្ទើរតែ ១០០%។ ចុះចំពោះស្ត្រីដែលធ្លាប់រួមភេទ ឬរៀបការហើយ គួរចាក់វ៉ាក់សាំងមហារីកមាត់ស្បូនអត់? បើចាក់ តើមានប្រសិទ្ធភាពប៉ុន្មានភាគរយ? ប្រសិទ្ធភាពរបស់វ៉ាក់សាំងជំងឺមហារីកមាត់ស្បូន ចាក់មុនពេលរួមភេទ ចាប់ពីអាយុ៩ឆ្នាំ ដល់២៦ឆ្នាំ មានប្រសិទ្ធភាពពី ៧៥-៩០% នេះបើតាមការលើកឡើងរបស់លោកស្រីវេជ្ជបណ្ឌិត ថៃ សុវណ្ណរ៉ា បម្រើការងារផ្នែកខាងស្ត្រី នៅ Singapore Medical Center។ ចំពោះការចាក់វ៉ាក់សាំងការពារជំងឺមហារីកមាត់ស្បូនក្រោយពេលរៀបការ ឬរួមភេទហើយ លោកស្រីវេជ្ជបណ្ឌិតថា ប្រសិទ្ធភាពមានការថយចុះ មិនដូចការចាក់វ៉ាក់សាំងពេលនៅក្មេងនោះទេ។ បើសិនជាស្ត្រីអាយុចាប់ពី៤៥ឆ្នាំឡើងទៅ លោកស្រីវេជ្ជបណ្ឌិតមិនណែនាំឲ្យចាក់វ៉ាក់សាំងនោះទេ ដោយប្តូរមកពិនិត្យមើលកោសិកាមាត់ស្បូនជាប្រចាំល្អជាង។ ចំពោះមូលហេតុដែលលោកស្រីវេជ្ជបណ្ឌិតណែនាំមិនឲ្យចាក់វ៉ាក់សាំងការពារមហារីកមាត់ស្បូននោះ គឺការចាក់វ៉ាក់សាំងនៅពេលនេះ ប្រសិទ្ធភាពតិច មានប្រមាណជា១០% ប៉ុណ្ណោះ។ បើមិនចាក់វ៉ាក់សាំង តើយើងត្រូវពិនិត្យមើលកោសិកាមាត់ស្បូនប៉ុន្មានឆ្នាំម្តង? លោកស្រីវេជ្ជបណ្ឌិត ថៃ សុវណ្ណរ៉ា ថា អាស្រ័យទៅតាមលទ្ធផលនៃការពិនិត្យកោសិកាមាត់ស្បូន អាច២ឆ្នាំម្តង ឬ១ឆ្នាំម្តង។ “ស្ត្រីត្រូវពិនិត្យកោសិកាមាត់ស្បូនរៀងរាល់២ឆ្នាំម្តង បើសិនជាទទួលបានលទ្ធផលល្អ ផ្ទុយទៅវិញ បើសិនជាមាត់ស្បូនមិនល្អ មានមេរោគ អាចពិនិត្យ៦ខែ ឬ១ឆ្នាំម្តង”។ ការពិនិត្យមាត់ស្បូន មិនមែនធ្វើឡើងចំពោះស្ត្រីដែលមិនបានចាក់វ៉ាក់សាំងការពារជំងឺមហារីកមាត់ស្បូននោះទេ ស្ត្រីដែលបានចាក់វ៉ាក់សាំងរួច ក៏ត្រូវតែពិនិត្យមាត់ស្បូនដែរ ក្រោយពីមានការរួមភេទ ដោយពិនិត្យរៀងរាល់២ឆ្នាំម្តង ដើម្បីរកកោសិកាមហារីក ឬក៏មេរោគ […]

ព័ត៌មាន

ក្រោយចាក់វ៉ាក់សាំង ១-២ ឆ្នាំមុន តែឥឡូវត្រូវឆ្កែខាំទៀត គួរចាក់បន្ថែមអត់?

ពេលយើងត្រូវឆ្កែខាំ ឬសត្វដែលមានផ្ទុកវីរុសឆ្កែឆ្កួតខាំ ខ្វាច ឬក្រញៅ យើងមានហានិភ័យខ្ពស់ប្រឈមនឹងបញ្ហាឆ្លងវីរុសឆ្កែឆ្កួត អាចគ្រោះថ្នាក់ដល់់ជីវិត បើមិនបានព្យាបាលទាន់ពេល។ ស្របគ្នានេះដែរ មានគ្នាយើងមួយចំនួន ធ្លាប់បានចាក់វ៉ាក់សាំងជំងឺឆ្កែឆ្កួតរួចរាល់ហើយ តែបើមានឆ្កែខាំក្រោយពេលចាក់ យើងគួរតែចាក់បន្ថែមការពារទៀត ឬយ៉ាងណា? ពាក់ព័ន្ធនឹងរឿងឆ្កែខាំក្រោយចាក់វ៉ាក់សាំងបានយូរវិញ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានឲ្យដឹងថា ប្រសិនបើយើងធ្លាប់ចាក់វ៉ាក់សាំងជំងឺឆ្កែឆ្កួតយូរឆ្នាំមកហើយ តែបែរជាត្រូវសត្វមានផ្ទុកវីរុសឆ្កែឆ្កួតមកខាំ ខ្វាច ឬក្រញៅវិញ យើងចាំបាច់ត្រូវចាក់រំលឹកឡើងវិញ។ លោកបន្តថា អ្នកជំងឺត្រូវតែចាក់វ៉ាក់សាំងរំលឹក ដើម្បីការពារខ្លួនពីជំងឺឆ្កែឆ្កួត ចៀសវាងមានបញ្ហាជាយថាហេតុណាមួយ។ ដូចគ្នានេះ មិនមែនមានតែសត្វឆ្កែតែមួយទេដែលអាចចម្លងជំងឺឆ្កែឆ្កួតទៅឲ្យមនុស្សយើងបាន វីរុសនេះអាចចម្លងមកយើងដោយសត្វផ្សេងទៀតដូចជា៖ ឆ្មា ស្វា ប្រជៀវ សំពោច ឆ្កែព្រៃ។ល។ ក្រោយពេលខាំហើយ វីរុសឆ្កែឆ្កួតនឹងធ្វើដំណើរពីកន្លែងខាំ ឆ្ពោះទៅបង្ករោគនៅខួរក្បាល ដែលបណ្ដាលឲ្យរលាកខួរក្បាល ហើយបើចេញសញ្ញាឆ្កែឆ្កួតវាអាចហួសពេលនឹងជួយសង្គ្រោះអ្នកជំងឺ។ បើតាមទិន្នន័យពីវិទ្យាស្ថានប៉ាស្ទ័រកម្ពុជា បានប៉ាន់ប្រមាណថា ក្នុង១ឆ្នាំៗ មានកុមារ និងមនុស្សធំស្លាប់ដោយជំងឺឆ្កែឆ្កួតជាង ៨០០ នាក់។ បន្ថែមពីលើនេះ ក្រោយពេលឆ្កែ ឬឆ្មាខាំហើយ យើងមិនត្រូវដេរ ឬរុំបិទមុខរបួសដែលឆ្កែខាំនោះទេ។ យើងត្រូវដឹងពីរបៀបថែមុខក្រោយឆ្កែខាំដូចជា លាងដៃនឹងសាប៊ូឲ្យស្អាត រួចបង្ហូរទឹកលាងមុខរបួសពី ១០-១៥ នាទី ប្រើថ្នាំកម្ចាត់មេរោគ […]

ចំណេះដឹងទូទៅ

វ៉ាក់សាំងសំខាន់ៗគ្រប់គ្នាគួរដឹង បើអាចគួរចាក់ឲ្យគ្រប់

យើងដឹងហើយថា វ៉ាក់សាំងថ្នាក់ជាតិសម្រាប់ទារកទើបកើតរហូតដល់អាយុ ១ ខួបកន្លះមានដូចជា វ៉ាក់សាំងរលាកថ្លើម B របេង គ្រុនស្វិតដៃជើង ខាន់ស្លាក់ តេតាណូស រលាកសួត រលាកស្រោមខួរ កញ្រ្ជិល និងស្អួច។ ចុះវ៉ាក់សាំងសម្រាប់មនុស្សពេញវ័យ និងមនុស្សចាស់មានអ្វីខ្លះ? ត្រូវចាក់ប៉ុន្មានដង? ហើយមានប្រសិទ្ធិភាពយូរប៉ុនណា? លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងរោគកុមារបានឱ្យដឹងថា វ៉ាក់សាំងសំខាន់ៗសម្រាប់មនុស្សពេញវ័យ និងមនុស្សវ័យចំណាស់រួមមាន៖ ១. វ៉ាក់សាំងតេតាណូស ចំពោះវ៉ាក់សាំងតេតាណូស យើងត្រូវចាក់ ៥ ដង ហើយត្រូវចាក់រំលឹក ១០ ឆ្នាំម្តង។ ខាងក្រោមនេះជាកាលវិភាគនៃការវ៉ាក់សាំងតេតាណូស៖ ចាក់លើកទី ១៖ ចាប់ពីអាយុ ១៥ ឆ្នាំ ចាក់លើកទី ២៖ យ៉ាងតិច ១ ខែបន្ទាប់ពីចាក់លើកទី ១ ចាក់លើកទី ៣៖ យ៉ាងតិច ៦ ខែបន្ទាប់ពីចាក់លើកទី ២ ចាក់លើកទី ៤៖ យ៉ាងតិច ១ ឆ្នាំបន្ទាប់ពីចាក់លើកទី ៣ […]

ជំងឺថ្លើម

អ្នកខ្លះមិនបានចាក់វ៉ាក់សាំងទេ ម៉េចក៏មានអង់ទីករការពាររលាកថ្លើម B?

ជាធម្មតា ក្នុងខ្លួនយើងមានអង់ទីករការពាររលាកថ្លើម B លុះត្រាតែយើងចាក់វ៉ាក់សាំងបានគ្រប់ចំនួន ហើយមានដុះអង់ទីករ។ បើអង់ទីករដុះមិនពេញលេញ ឬមិនគ្រប់ទេ យើងត្រូវចាក់បន្ថែម។ ចុះហេតុអ្វីបានជាអ្នកខ្លះមានអង់ទីករការពាររលាកថ្លើម B ដោយមិនបានចាក់វ៉ាក់សាំងទៅវិញ? ទាក់ទងនឹងចម្ងល់នេះ លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងរោគកុមារបានបកស្រាយថា ដោយសារយើងធ្លាប់ឆ្លងមេរោគរលាកថ្លើម B ។ ជាទូទៅ មេរោគរលាកថ្លើម B អាចឆ្លងតាមរយៈការរួមភេទ ការប៉ះនឹងឈាម ឬទឹករងៃដែលមានផ្ទុកមេរោគ។ នៅពេលយើងឆ្លងមេរោគរលាកថ្លើម B ហើយជាទៅវិញដោយខ្លួនឯង នោះក្នុងខ្លួនយើងក៏ដុះអង់ទីករ មិនមែនមានអង់ទីករមកពីកំណើតទេ។ បើយើងកើតមកមានអង់ទីករការពាររលាកថ្លើម B ពីកំណើត លុះត្រាតែម្តាយយើងមានផ្ទុកមេរោគរលាកថ្លើម B។ ពេលយើងនៅក្នុងផ្ទៃ យើងឆ្លងមេរោគរលាកថ្លើម B ពីម្តាយ ហើយដល់ពេលជាសះស្បើយ យើងក៏ដុះអង់ទីករតែម្តង។ លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងរោគកុមារនៅបន្ទប់ពិគ្រោះនិងព្យាបាលជំងឺមេត្តា សំណង់ ១២ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! លោកបន្ថែមថា៖ «អ្នកដែលឆ្លងមេរោគរលាកថ្លើម B រួចដុះអង់ទីករគឺសំណាងណាស់ […]

វ៉ាក់សាំងសម្រាប់កុមារ

ថ្នាំបង្ការ

សញ្ញាទូទៅក្រោយចាក់វ៉ាក់សាំង ម៉ាក់ប៉ាមិនបាច់ភ័យពេកនោះទេ!

ជាទូទៅ ក្រោយចាក់វ៉ាក់សាំងឲ្យទារកតាមខែនីមួយៗ ប្រាកដជាមានអាការៈមួយចំនួន ដូចនេះបើម៉ាក់ៗសង្កេតឃើញកូនមានសញ្ញាទាំងនេះ មិនបាច់ព្រួយបារម្ភខ្លាំងពេកនោះទេ។ នេះជាការលើកឡើងរបស់អ្នកគ្រូពេទ្យ ពុំ ចន្ទ័ អនុប្រធានមណ្ឌលសុខភាពទទួលបន្ទុកចាក់វ៉ាក់សាំង នៅមន្ទីរពេទ្យបង្អែកស្រុកខ្សាច់កណ្ដាល។ ក្រោយចាក់វ៉ាក់សាំងដែលជាថ្នាំបង្ការ មានប្រសិទ្ធភាពការពារជំងឺ ហើយក៏មិនបណ្ដាលឲ្យមានផលប៉ះពាល់អ្វីនោះទេ បែបនោះយើងត្រូវយកកូនចាក់វ៉ាក់សាំងតាមកាលកំណត់របស់គ្រូពេទ្យ។ ខាងក្រោមនេះគឺជាអាការៈកូន ក្រោយចាក់ថ្នាំវ៉ាក់សាំងរួច៖ ឡើងក្រហម ហើម ឬឈឺចាប់នៅកន្លែងចាក់ថ្នាំ ក្ដៅខ្លួនស្ទីញៗ មានកន្ទួលក្រហមតិចតួច អាចមានដុំពកលើស្បែក ឈឺក្បាល ឬឈឺខ្លួន ស្រៀវស្រាញ មិនចង់បៅ យំរករឿង។ ភាគច្រើននៃផលប៉ះពាល់ទាំងនេះកើតឡើង ក្នុងរយៈពេលពី ១-៣ ថ្ងៃក្រោយការចាក់វ៉ាក់សាំងប៉ុណ្ណោះ ហើយខ្លះទៀតអាចរហូតដល់ ១ សប្ដាហ៍។ ក្រោយចាក់វ៉ាក់សាំង យើងត្រូវធ្វើតាមការណែនាំរបស់គ្រូពេទ្យ ដោយឲ្យលេបថ្នាំតាមវេជ្ជបញ្ជា ហើយបើមានបញ្ហាណាមួយមិនច្បាស់ត្រូវនាំកូនទៅជួបគ្រូពេទ្យម្ដងទៀត។ អត្ថបទពាក់ព័ន្ធ៖ ហេតុអ្វីបានត្រូវចាក់វ៉ាក់សាំង ការពារជំងឺផ្ដាសាយធំ? វ៉ាក់សាំងសំខាន់ តើផលអាក្រក់អ្វីខ្លះនៅពីក្រោយ ដឹងអត់? មកដឹងពីអាការៈផ្សេងៗរបស់ទារក ក្រោយចាក់វ៉ាក់សាំងរួច វិធីការពារកូនតូចៗពីជំងឺរលាកទងសួត និងរលាកបំពង់ក កូនៗមានសុវត្ថិភាពពីវីរុសកូរ៉ូណាថ្មី បើម៉ាក់ៗធ្វើតាម ៤ ចំណុចនេះ បកស្រាយចម្ងល់ ស្រីៗពពោះចាក់វ៉ាក់សាំងផ្ដាសាយ នៅតែឈឺដដែល ម៉ាក់ៗដឹងអត់ វ៉ាក់សាំងស្អូចចាក់ឲ្យកូនប៉ុន្មានដង? នៅពេលណាខ្លះ? ចម្ងល់ម៉ាក់ៗ ស្របពេលផ្ទុះ COVID-19 តើគួរយកកូនទៅចាក់វ៉ាក់សាំងអត់? ម៉ាក់ៗចាក់វ៉ាក់សាំងផ្ដាសាយពេលពពោះ អាចជួយការពារដល់កូនកើតបាន ៦ ខែ មកស្វែងយល់ពីស្នាមចាក់វ៉ាក់សាំងលើកដំបូងរបស់ទារក ម៉េចបានពេលខ្លះទៅជាខ្ទុះ? ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា […]

ថ្នាំបង្ការ

ដឹងអត់ថា ពន្យារពេល ឬអត់ចាក់វ៉ាក់សាំងឲ្យកូន ប៉ះពាល់អីខ្លះ?

ពន្យារពេលចាក់ ឬអត់ចាក់វ៉ាក់សាំង (ថ្នាំបង្ការ) អាចមានគ្រោះថ្នាក់ដល់កូនក្មេង។ មូលហេតុ គឺភ្លេច រវល់ ខ្លាចកូនយំ ឈឺ ឬក៏ជឿថាវ៉ាក់សាំងអាចធ្វើឲ្យកូនមានបញ្ហាខុសប្រក្រតី។ ក្មេងៗអត់ចាក់វ៉ាក់សាំងងាយឆ្លងជំងឺ ហើយអាចសម្លាប់កុមាររាប់លាននាក់។ ជំងឺស្រឡទែន ក្អកមាន់ កញ្ជ្រឹល អាចរើឡើងវិញគ្រប់ពេល ហើយធ្ងន់ធ្ងរជាងមុន បើក្មេងមិនបានចាក់វ៉ាក់សាំង។ ក្រៅពីនេះ ដឹងអត់ បើអត់ចាក់វ៉ាក់សាំងអាចមានបញ្ហាអីខ្លះ? ម៉ាក់ៗដឹងអត់ វ៉ាក់សាំងស្អូចចាក់ឲ្យកូនប៉ុន្មានដង? នៅពេលណាខ្លះ? ១- បញ្ហាវេជ្ជសាស្ត្រ បើក្មេងមានការព្យាបាលដោយថ្នាំ ប៉ាម៉ាក់ត្រូវប្រាប់ពេទ្យឲ្យដឹង ព្រោះក្មេងមិនដែលចាក់វ៉ាក់សាំងតាំងពីក្មេង ត្រូវព្យាបាលខុសពីគេ។ បើពេទ្យមិនដឹងស្ថានភាពច្បាស់ពីវ៉ាក់សាំងក្មេងទេ (អត់ដឹងថា ក្មេងអត់ចាក់វ៉ាក់សាំង) វាពិតជាប្រថុយខ្លាំង។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចំពោះស្ត្រីមានផ្ទៃពោះ មិនចាក់វ៉ាក់សាំងត្រឹមត្រូវ អាចងាយឆ្លងជំងឺ ធ្វើឲ្យមានបញ្ហាដល់កូនក្នុងពោះទៀត។ បើស្ត្រីមានផ្ទៃពោះមានជំងឺកញ្ជ្រឹលក្នុងត្រីមាសទីមួយ កូនក្នុងពោះក៏អាចកើតកញ្ជ្រឹលដែរ ហើយបើកូនឆ្លងកញ្ជ្រឹលតាំងក្នុងពោះ ធ្វើឲ្យមានបញ្ហាបេះដូង លូតលាស់ខុសប្រក្រតី ឬយឺត និងគថ្លង់។ បើមិនចាក់វ៉ាក់សាំងឲ្យកូន កូនអាចចម្លងជំងឺទៅអ្នកជុំវិញខ្លួនយើងបាន (ពេលកូនឈឺ) ពិសេសអ្នកមានបញ្ហាសុខភាពស្រាប់ ដែលពួកគេមិនអាចចាក់វ៉ាក់សាំងបាន (អ្នកកើតមហារីកគ្រាប់ឈាម ឬ មហារីកផ្សេងៗ)។ ២- កត្តាសង្គម បើកូនអត់ចាក់វ៉ាក់សាំង ពេលគេឈឺ […]

ថ្នាំបង្ការ

ក្រៅពីវ៉ាក់សាំងថ្នាក់ជាតិ ក្មេងៗអាចចាក់ថ្នាំទាំងនេះបាន

កូនកើតមកភ្លាមត្រូវទទួលបានវ៉ាក់សាំងថ្នាក់ជាតិតាមការកំណត់របស់ក្រសួងសុខាភិបាលរហូតដល់អាយុ ២ ឆ្នាំ។ តែក្រៅពីវ៉ាក់សាំងទាំង ១១ មុខនោះ ម៉ាក់ៗតែងមានចម្ងល់ថា តើអាចចាក់វ៉ាក់សាំងដទៃទៀតបានដែរ ឬទេ? លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យបង្អែកមិត្តភាព កម្ពុជាចិន-សែនសុខ បានឲ្យដឹងថា ក្រៅពីវ៉ាក់សាំងថ្នាក់ជាតិម៉ាក់ៗ ក៏អាចស្វែងរកវ៉ាក់សាំងមួយចំនួនទៀតដូចខាងក្រោម៖ វ៉ាក់សាំងការពារជំងឺរលាកថ្លើម A វ៉ាក់សាំងការពារជំងឺអុតស្វាយ វ៉ាក់សាំងការពារជំងឺផ្ដាសាយធំ វ៉ាក់សាំងរលាកស្រោមខួរ វ៉ាក់សាំងជំងឺគ្រុនពោះវៀន វ៉ាក់សាំងជំងឺស្រឡទែន វ៉ាក់សាំងរាក វ៉ាក់សាំងជំងឺមហារីកមាត់ស្បូន លោកវេជ្ជបណ្ឌិតបានបន្តទៀតថា ទោះជាចាក់វ៉ាក់សាំងហើយក៏ពិតមែន តែជំងឺខ្លះនៅតែអាចកើតមានដដែល តែស្ថិតនៅក្នុងកម្រិតទាប និងមិនបង្កហានិភ័យអ្វីខ្លាំងក្លា។ ដូចនេះវ៉ាក់សាំងថ្នាក់ជាតិមិនគួររំលងឡើយ ហើយបើមានលទ្ធភាព អាចចាក់បន្ថែមនូវវ៉ាក់សាំងផ្សេងៗទៀត។ អត្ថបទពាក់ព័ន្ធ៖ ហេតុអ្វីបានត្រូវចាក់វ៉ាក់សាំង ការពារជំងឺផ្ដាសាយធំ? វ៉ាក់សាំងសំខាន់ តើផលអាក្រក់អ្វីខ្លះនៅពីក្រោយ ដឹងអត់? មកដឹងពីអាការៈផ្សេងៗរបស់ទារក ក្រោយចាក់វ៉ាក់សាំងរួច វិធីការពារកូនតូចៗពីជំងឺរលាកទងសួត និងរលាកបំពង់ក កូនៗមានសុវត្ថិភាពពីវីរុសកូរ៉ូណាថ្មី បើម៉ាក់ៗធ្វើតាម ៤ ចំណុចនេះ បកស្រាយចម្ងល់ ស្រីៗពពោះចាក់វ៉ាក់សាំងផ្ដាសាយ នៅតែឈឺដដែល ម៉ាក់ៗដឹងអត់ វ៉ាក់សាំងស្អូចចាក់ឲ្យកូនប៉ុន្មានដង? នៅពេលណាខ្លះ? ចម្ងល់ម៉ាក់ៗ ស្របពេលផ្ទុះ COVID-19 តើគួរយកកូនទៅចាក់វ៉ាក់សាំងអត់? ម៉ាក់ៗចាក់វ៉ាក់សាំងផ្ដាសាយពេលពពោះ អាចជួយការពារដល់កូនកើតបាន ៦ ខែ មកស្វែងយល់ពីស្នាមចាក់វ៉ាក់សាំងលើកដំបូងរបស់ទារក ម៉េចបានពេលខ្លះទៅជាខ្ទុះ? ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ថ្នាំបង្ការ

ម៉ាក់ៗដឹងអត់ វ៉ាក់សាំងស្អូចចាក់ឲ្យកូនប៉ុន្មានដង? នៅពេលណាខ្លះ?

ម៉ាក់ៗតែងតែងចង់ការពារកូនមិនឲ្យកើតជំងឺស្អូច ដូចនេះត្រូវតែយកកូនទៅចាក់វ៉ាក់សាំង តាមការកំណត់របស់គ្រូពេទ្យ។ បើទោះជាការពារមិនបាន ១០០% ក៏វ៉ាក់សាំងស្អូចអាចការពារបានរហូតដល់ជាង ៩០ % ហើយបើទោះជាកើតមែន ក៏មិនមានសភាពធ្ងន់ធ្ងរដែរ។ នេះបើតាមការឲ្យដឹងពីអ្នកគ្រូពេទ្យ ពុំ ចន្ទ័ អនុប្រធានមណ្ឌលសុខភាពទទួលបន្ទុកចាក់វ៉ាក់សាំង នៅមន្ទីរពេទ្យបង្អែកស្រុកខ្សាច់កណ្ដាល។ ទារកត្រូវទទួលការចាក់វ៉ាក់សាំងស្អូច ៣ ដង ដើម្បីបង្ការកុំឲ្យកើតជំងឺនេះ និងប្រសិទ្ធភាពរបស់វាពិតជាខ្ពស់ អាចជួយកូនរបស់យើងបានមែន។ ចំពោះពេលវេលាត្រូវចាក់វិញ មាន ៣ ដង ដូចខាងក្រោម៖ លើកទី១ យកកូនទៅចាក់នៅអាយុ ៦ខែ ហៅថា MR០ លើកទី២ យកកូនទៅចាក់នៅអាយុ ៩ ខែ ហៅថា MR១ លើកទី៣ យកកូនទៅចាក់នៅអាយុ ១៨ ខែ ហៅថា MR២ អ្នកគ្រូពេទ្យបានបន្ថែមទៀតថា វ៉ាក់សាំងស្អូចនេះមិនត្រឹមស្អូចមួយមុខទេ គឺការពារទាំងកញ្ជ្រឹល ស្រឡទែន ដែលវាត្រូវបានបញ្ចូលក្នុងដបតែ១។ ចំពោះផលវិបាកនៃជំងឺស្អូច អាចបណ្ដាលឲ្យមានកន្ទួលក្រហម ក្ដៅខ្លួន ហើយប្រសិនបើអ្នកមានផ្ទៃពោះកើតជំងឺនេះ ទារកអាចកើតមកមានពិការភាពពីកំណើត។ ជំងឺកញ្ជ្រឹល អាចបណ្ដាលឲ្យកន្ទួលក្រហម ក្ដៅខ្លួន និងក្អក និងអាចមានបញ្ហារយៈពេលវែងនៅលើ សួត ត្រចៀក ឬខួរក្បាល។ […]

ថ្នាំបង្ការ

ក្មេងៗបានចាក់វ៉ាក់សាំងផ្ដាសាយ អាចគេចផុតពីវីរុសកូរ៉ូណាថ្មីទេ?

ខណៈវីរុសកូរ៉ូណាថ្មី និងវីរុស influenza (វីរុសផ្ដាសាយធំ) គឺស្ថិតក្នុងអម្បូរតែមួយ ទើបមានមតិជាច្រើនចោទសួរថា បើកូនបានចាក់វ៉ាក់សាំងការពារជំងឺផ្ដាសាយ តើអាចការពារបានទាំងកូរ៉ូណាថ្មីបានដែរឬទេ? វេជ្ជបណ្ឌិត ហ៊ាង រតនា ឯកទេសទូទៅ បានឲ្យដឹងថា ក្មេងដែលចាក់វ៉ាក់សាំងការពារផ្ដាសាយមានអត្រាឆ្លងវីរុសកូរ៉ូណាប្រភេទថ្មីទាបជាងក្មេងដែលមិនបានចាក់។ ព្រោះវ៉ាក់សាំងនេះអាចការពារក្មេងពីជំងឺផ្ដាសាយធំ ហើយវាក៏ជាកត្តាធ្វើឲ្យកូនមិនងាយឆ្លងវីរុសកូរ៉ូណាផងដែរ។ មួយវិញទៀត ប្រសិនបើឆ្លងហើយ វាជួយបន្ថយប៉ូតង់ស្យែ (អំណាច) នៃវីរុសកូរ៉ូណានេះផងដែរ ដូចនេះការចាក់វ៉ាក់សាំងការពារជំងឺផ្ដាសាយពិតជាល្អចំពោះក្មេងតូចៗ។ ប៉ុន្តែបើថា ចាក់វ៉ាក់សាំងការពារផ្ដាសាយ អាចការពារទាំងវីរុសកូរ៉ូណាថ្មី គឺមិនអាចទេ ហើយវ៉ាក់សាំងនេះការពារបានតែផ្ដាសាយធំប៉ុណ្ណោះ។ ប្រជាជនយើងអាចនៅមានការភាន់ច្រឡំថា ផ្ដាសាយមានតែមួយប្រភេទ តែតាមពិតវាមានច្រើនប្រភេទខ្លាំងណាស់ ដូចនេះចាក់តែមួយមុខមិនអាចការពារផ្ដាសាយគ្រប់ប្រភេទឡើយ។ លោកបញ្ជាក់ទៀតថា វីរុសកូរ៉ូណាថ្មីមិនទាន់មានវ៉ាក់សាំង និងមានថ្នាំព្យាបាលនៅឡើយទេ ដូចនេះហើយយើងត្រូវប្រកាន់ខ្ជាប់អនាម័យ ដោយលាងសម្អាតដៃជាមួយសាប៊ូ និងទឹកស្អាតឲ្យបានញឹកញាប់ ពេលមានជំងឺត្រូវពាក់ម៉ាស់ ដើម្បីការពារពីជំងឺទាំងពួង។ ចំណែកការចាក់វ៉ាក់សាំងការពារផ្ដាសាយវិញ មានប្រសិទ្ធិភាព ១ ឆ្នាំប៉ុណ្ណោះ ដល់កំណត់ត្រូវចាក់បន្តទៀត។ អត្ថបទពាក់ព័ន្ធ៖ វិធីការពារកូនតូចៗពីជំងឺរលាកទងសួត និងរលាកបំពង់ក កូនៗមានសុវត្ថិភាពពីវីរុសកូរ៉ូណាថ្មី បើម៉ាក់ៗធ្វើតាម ៤ ចំណុចនេះ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ថ្នាំបង្ការ

នេះជាផលវិបាកនៃជំងឺតេតាណូស ម៉ាក់ប៉ាត្រូវនាំកូនទៅចាក់វ៉ាក់សាំងការពារ

ជំងឺតេតាណូសបង្កឡើងដោយបាក់តេរីឈ្មោះ Clostrium tetani ដែលឆ្លងតាមរយៈមុខរបួស ឬស្នាមរបួសផ្នែកណាមួយ នៃរាងកាយ ដូចជាសត្វខាំ ឬខ្វាច ការមុតកាំបិត ឡាម ឈើ ឫស្សីមុតស្រួច បន្លាលួស អំបែង ដែកគោល ធូលីដី និងរបស់ផ្សេងៗ។ ចំពោះទារកទើបកើតអាចមាន មេរោគតេតាណូសចូលតាមផ្ទិតដោយសារតែការខ្វះអនាម័យ ការប្រើកាំបិត ឫស្សី ឬឡាម មិនស្អាត ទៅកាត់ទងផ្ចិត នេះបើតាមរៀបរាប់របស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។ ១- រោគសញ្ញាជំងឺតេតាណូស – រសាប់រសល់ – ឈឺក្បាល – ដំបៅហើម – រឹងថ្គាម – ខាំធ្មេញ – រឹងសាច់ដុំ រឹងក – បែកញើស – ដកដង្ហើមញាប់ – ប្រកាច់រឹងខ្លួន។ ២- ផលប៉ះពាល់នៃជំងឺតេតាណូស ជំងឺតេតាណូសប៉ះពាល់ដល់ប្រព័ន្ធសរសៃប្រសាទ និងនាំឱ្យសាច់ដុំកន្ត្រាក់ ហើយមានការឈឺចាប់ ជាពិសេសគឺសាច់ដុំថ្គាម និង ក ។ ជំងឺតេតាណូសអាចរំខានដល់សមត្ថភាពក្នុងការដកដង្ហើម អាចប្រកាច់ និងរាល់ពេលប្រកាច់ម្តងៗ ធ្វើឲ្យកម្រិតអុកសុីសែនមិនអាចទៅដល់ខួរក្បាលអាចបណ្តាលឲ្យស្លាប់ភ្លាមៗ។ អត្ថបទពាក់ព័ន្ធ៖ របៀបថែទាំផ្ចិតទារកទើបកើត ឲ្យឆាប់ជ្រុះ គ្មានដំបៅខ្ទុះ ៣- វិធីបង្ការជំងឺតេតាណូស ត្រូវចាក់វ៉ាក់សាំងបង្ការជំងឺតេតាណូសឲ្យបានគ្រប់គ្រាន់ និងចាក់រម្លឹកឡើងវិញ ក្នុងករណីមានរបួសដោយប្រការណាមួយ ត្រូវលាងសម្អាតមុខរបួសដោយទឹកស្អាត […]

ថ្នាំបង្ការ

៦ សំណួរពាក់ព័ន្ធការចាក់វ៉ាក់សាំងឲ្យកូននេះសំខាន់ណាស់ ហើយម៉ាក់ប៉ាសួរញឹកញាប់

វ៉ាក់សាំងសំខាន់ខ្លាំងណាស់ចំពោះក្មេងៗ គឺអាចការពារក្មេងៗពីជំងឺដែលប្រឈមគ្រោះថ្នាក់ដល់ជីវិតបាន។ ដោយហេតុថា វ៉ាក់សាំងមានច្រើនប្រភេទ ពេលវេលានៃការចាក់ក៏ខុសគ្នា ចាក់រួចក៏មានផលរំខានផ្សេងៗ បែបនេះហើយទើបម៉ាក់ប៉ាមួយចំនួននៅតែមានចម្ងល់ច្រើនជុំវិញការចាក់វ៉ាក់សាំងឲ្យកូន។ នៅក្នុងអត្ថបទថ្ងៃនេះ Hello គ្រូពេទ្យ សូមលើកយកនូវចម្ងល់ផ្សេងៗពាក់ព័ន្ធនឹងការចាក់វ៉ាក់សាំងឲ្យទារក និងកុមារ។ ១. ត្រូវចាក់វ៉ាក់សាំងឲ្យកូននៅពេលណាខ្លះ? ផ្អែកតាមគោលការណ៍ថ្នាក់ជាតិ របស់ក្រសួងសុខាភិបាល មានវ៉ាក់សាំងចំនួន ១១ មុខ ដែលត្រូវផ្តល់ឲ្យក្មេង ចាប់ពីពេលកើតភ្លាម រហូតដល់អាយុ ១៨ ខែ។ វ៉ាក់សាំងទាំងនោះផ្តល់ឲ្យដោយឥតគិតថ្លៃនៅតាមមណ្ឌលសុខភាព មន្ទីរពេទ្យរដ្ឋទូទាំងប្រទេស។ ក្រៅពីចាក់វ៉ាក់សាំងទាំង ១១ មុខ ទៅតាមគោលការណ៍ថ្នាក់ជាតិនេះ ម៉ាក់ប៉ាក៏អាចយកកូនទៅចាក់វ៉ាក់សាំងផ្សេងទៀតទៅតាមអាយុ និងលទ្ធភាពរបស់ខ្លួន។ ចុចនៅទីនេះ ដើម្បីដឹងពីកាលវិភាគនៃការចាក់វ៉ាក់សាំងទាំង ១១ មុខ តាមគោលការណ៍ថ្នាក់ជាតិ។ ២. ផលរំខានក្រោយចាក់វ៉ាក់សាំងមានអីខ្លះ? ផលរំខាននៃការចាក់វ៉ាក់សាំងអាចមានពីស្រាល ទៅធ្ងន់ធ្ងរ តែករណីធ្ងន់ធ្ងរមានតិចតួចបំផុត។ ផលរំខានស្រាល៖ ផលរំខានស្រាលក្រោយចាក់វ៉ាក់សាំងរួច រួមមាន ក្មេងអាចឈឺនៅកន្លែងចាក់ ហើមនៅកន្លែងចាក់ ក្មេងយំរករឿងខុសធម្មតា ឬក៏អាចក្តៅខ្លួន។ ផលរំខានធ្ងន់ធ្ងរ៖ ចំពោះផលរំខានធ្ងន់ធ្ងរក្រោយចាក់វ៉ាក់សាំង រួមមានក្មេងហើមបំពង់ខ្យល់ ពិបាកដកដង្ហើម ប្រកាច់ តែករណីនេះលោកស្រីវេជ្ជបណ្ឌិតថា កម្រកើតមានណាស់។ ៣. វ៉ាក់សាំងអាចចាក់មុន ឬក្រោយថ្ងៃកំណត់បានអត់? ការចាក់វ៉ាក់សាំងមុនថ្ងៃកំណត់នេះ លោកស្រីវេជ្ជបណ្ឌិត គុជ ឆោមដាលីន ឯកទេសកុមារ បានអះអាងផ្អែកទៅតាមមជ្ឈមណ្ឌលគ្រប់គ្រងជំងឺឆ្លងរបស់សហរដ្ឋអាមេរិក (CDC) […]

ថ្នាំបង្ការ

រលាកថ្លើមប្រភេទ B មិនទាន់មានថ្នាំព្យាបាលទេ ម៉ាក់ប៉ាត្រូវនាំកូនតូចទៅចាក់វ៉ាក់សាំងឲ្យគ្រប់ចំនួន

មកពេលនេះអ្នកវិទ្យាសាស្ត្រមិនទាន់រកឃើញថ្នាំព្យាបាលជំងឺរលាកថ្លើមប្រភេទ B នៅឡើយទេ តែទោះបែបនេះក្តី យើងអាចការពារបានដោយការចាក់វ៉ាក់សាំងការពារឲ្យកូនតូចទើបនឹងកើត។ នេះបើតាមការឲ្យដឹងពីសាស្ត្រាចារ្យមហាបរិញ្ញា អ៊ុង ចក្រាវុធ ឯកទេស ថ្លើម ក្រពះ ពោះវៀន។ លោកសាស្ត្រាចារ្យបានបន្តថា បច្ចុប្បន្នរដ្ឋាភិបាលបានបញ្ចូលការចាក់វ៉ាក់សាំងការពារជំងឺរលាកថ្លើមប្រភេទ B ទៅក្នុងកម្មវិធីជាតិ ចាក់ពេលកូនកើតមកភ្លាម ដែលនេះជាវិធីមួយមានប្រសិទ្ធភាពដើម្បីការពារជំងឺរលាកថ្លើមប្រភេទ B។ តាមគោលការណ៍ គឺត្រូវចាក់វ៉ាក់សាំងការពារជំងឺរលាកថ្លើមប្រភេទ B ឲ្យកូនតូច ចំនួន២លើក៖ លើកទី១៖ ពេលកូនកើតមកភ្លាម ឬ២៤ម៉ោងក្រោយពេលកើត លើកទី២៖ ពេលទារកអាយុបាន ១ខែ កន្លះ អត្ថបទពាក់ព័ន្ធ៖ វ៉ាក់សាំងសំខាន់ណាស់! កុំដឹងតែទៅចាក់ ហើយអត់ខ្វល់ រឿងពិតមួយចំនួនត្រូវដឹង វិធីសាស្ត្រការពារកុំឲ្យកើតរលាកថ្លើម B និង C ជំនឿតៗគ្នាមិនពិតជុំវិញជំងឺរលាកថ្លើមប្រភេទ B ចំពោះក្មេងធំ ដែលចង់ចាក់វ៉ាក់សាំងការពារជំងឺរលាកថ្លើមប្រភេទ B លុះណាតែធ្វើតេស្តឈាមជាមុនសិន បើសិនឆ្លងមេរោគប្រភេទនេះរួចហើយក្នុងខ្លួន ការចាក់វ៉ាក់សាំងមិនមានប្រសិទ្ធភាពនោះទេ។ ចំពោះក្មេងធំដែលមានអង់ទីករការពាររួចទៅហើយ ការចាក់វ៉ាក់សាំងក៏មិនមានប្រយោជន៍នោះដែរ។ “ បើសិនក្មេងធំ អាយុចាប់ពី៦-៧ឆ្នាំទៅ ខ្ញុំច្រើនតែឲ្យមើលឈាមសិន ព្រោះថ្ងៃកើតដល់អាយុ ៤-៥ឆ្នាំ ច្រើនឆ្លងនៅពេលហ្នឹង ជួនកាលគាត់អាយុ ៧ឆ្នាំ គាត់ឈឺរួចទៅហើយ ឬក៏មានអង់ទីករការពារពីធម្មជាតិរួចទៅហើយ ដែលយើងមិនចាំបាច់ចំណាយលុយធ្វើអីទៀត គាត់អាចខាតលុយ”។ វេជ្ជបណ្ឌិត អ៊ុង […]

ថ្នាំបង្ការ

ម៉េចចាំបាច់យកកូនទៅចាក់វ៉ាក់សាំងអុតស្វាយ បន្ថែមពីលើគោលការណ៍ក្រសួង?

វ៉ាក់សាំងអុតស្វាយ ជាថ្នាំដែលកុមារតូចៗពិតជាត្រូវការខ្លាំងណាស់ ដូចនេះម៉ាក់ប៉ាមិនគួររំលងវាឡើយ។ តើវាមានភាពចាំបាច់យ៉ាងម៉េច បានជាយើងត្រូវនាំកូនទៅចាក់វ៉ាក់សាំងប្រភេទនេះ? លោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានឲ្យដឹងថា បើទោះជាគ្មាននៅក្នុងសៀវភៅលឿងវ៉ាក់សាំងថ្នាក់ជាតិ តែយើងអាចស្វែងរកនៅតាមគ្លីនិកឯកជនបាន ហើយតម្លៃក៏អាចទទួលយកបានដែរ។ សម្រាប់អត្ថប្រយោជន៍នៃវ៉ាក់សាំងអុតស្វាយចំពោះកុមារ ពោលគឺអាចការពាររលាកខួរក្បាល និងស្រោមខួរក្បាល ព្រោះកោសិកាខួរក្បាលតែងប៉ះពាល់ ហើយវាមិនអាចមកដូចដើមបានទេ ក្រៅពីនោះវាបន្សល់ផលលំបាកដូចជា ពិការអវយវៈ ឬបញ្ញាស្មារតី។ វេជ្ជបណ្ឌិត ក៏បានបញ្ជាក់ដែរថា រលាកស្រោមខួរ អាចបណ្ដាលមកពីមេរោគជាច្រើនផ្សេងៗគ្នា វ៉ាក់សាំងដែលយើងយកកូនទៅចាក់តាមការកំណត់របស់រដ្ឋនោះ មិនមែនការពាររលាកស្រោមខួរ គ្រប់មុខនោះទេ។ លោកក៏បានណែនាំទៀតថា ម៉ាក់ប៉ាដែលមិនបានចាក់វ៉ាក់សាំង ហើយដល់ពេលកូនកើតបញ្ហានេះ អាចមានវិប្បដិសារី ដោយអុតស្វាយកើតឡើងសុះសាច់គ្មានចន្លោះ ហើយអាចកើតចំក្នុងច្រមុះ ភ្នែក ត្រចៀក ក្នុងមាត់ ហើយកម្ដៅខ្លួនកូនអាចឡើងរហូតដល់ ទៅ ៤០ អង្សារសេ ឬឈឺរយៈពេលវែងដល់ ១សប្ដាហ៍ ក្រោយជាក៏បន្សល់ស្លាកស្នាមខ្លាំងដល់ស្បែកទៀតផង។ ក្រោយចាក់ បើទោះជាកូនកើតអុតស្វាយទៀតក៏ពិតមែន តែស្ថិតក្នុងដំណាក់កាលស្រាល និងជួយការពារកូនពីជំងឺរើមទៀតផង។ ដូចនេះសូមម៉ាក់ៗកុំប្រហែស ដោយកូនមានអាយុចាប់ពី ១២ ខែឡើងទៅ បើកូនមិនទាន់កើតអុតស្វាយចន្លោះអាយុចាប់ពី ១-៣ ឆ្នាំ បន្ទាប់មកចាក់នៅអាយុ ៤-៦ ឆ្នាំម្ដងទៀត។ […]

រង្វាស់សុខភាពផ្សេងទៀត

ថ្នាំបង្ការមនុស្សពេញវ័យ

បញ្ហាគ្រោះថ្នាក់សរសៃឈាមខួរក្បាល

ជំងឺសរសៃឈាមបេះដូង

ការវាយតម្លៃវដ្តរដូវស្ត្រី

គណនារកចង្វាក់បេះដូងលោត

ជំងឺហឺត

ជំងឺកូវីដ-១៩

បញ្ហាលិង្គមិនឡើងរឹង

បញ្ហាប្រព័ន្ធរំលាយអាហារ

ជំងឺរលាកក្រពះពោះវៀនរ៉ាំរ៉ៃ

គណនាទម្ងន់ស្ត្រីពពោះ

បញ្ហាឆាប់ចេញទឹកកាម

សុខភាពក្រពេញប្រូស្តាត

សុខភាពឆ្អឹង

គ្រោះថ្នាក់សរសៃឈាមខួរក្បាល

ជំងឺទឹកដក់បាតភ្នែក

ជំងឺស្ទះដង្ហើមរ៉ាំរ៉ៃ

ជំងឺបម្រុងទឹកនោមផ្អែម

គណនាថ្ងៃសម្រាលកូន

គណនាថ្ងៃមេជីវិតញីទុំធ្លាក់

អត្ថន័យពណ៌ និងរូបរាងលាមកទារក

តារាងកាលវិភាគចាក់ថ្នាំបង្ការ(វ៉ាក់សាំង) ទារក

គណនា BMI

គណនា BMR

មើលទាំងអស់

គន្លឹះពីវ៉ាក់សាំង

ថ្នាំបង្ការ

តិចនិកងាយៗជួយបន្លប់កូនតូចពេលចាក់វ៉ាក់សាំង មិនឲ្យឈឺចាប់ស្រែកយំខ្លាំង

ក្មេងៗខ្លាចម្ជុល ត្រូវនឹងការចាក់វ៉ាក់សាំងធ្វើឲ្យឈឺចុកចាប់ជាងការចាក់ថ្នាំធម្មតាទៀតនោះ អូនតូចស្រែកយំ ចាប់មិនឈ្នះនោះទេពេលចាក់វ៉ាក់សាំងម្តងៗ។ មានវិធីសាស្ត្រមួយចំនួន អាចជួយសម្រួលដល់ដំណើការចាក់វ៉ាក់សាំង ថែមទាំងអាចបន្លប់ និងបន្ថយការឈឺចាប់បាន ដែលវិធីនេះណែនាំដោយអង្គការសុខភាពពិភពលោក។ ១- បី ឬឱបកូនតូចដាក់លើភ្លៅ បី ឬឱបកូនតូចដាក់លើភ្លៅ ដោយយកមុខមកផ្អិបនៅលើដើមទ្រូង តិចនិកមួយនេះផ្តល់ភាពកក់ក្តៅដល់កូនតូច កូនមិនសូវរើ និងជួយឲ្យពេទ្យចាក់ថ្នាំបានស្រួលជាងការដាក់ឲ្យកូនគេង។ ២-បំបៅដោះកូនពេលចាក់វ៉ាក់សាំង បើកូនតូចនៅបៅដោះនៅឡើយ ម៉ាក់ៗអាចបំបៅដោះកូនអំឡុង ឬមុនពេលចាក់វ៉ាក់សាំង នោះអាចបន្លប់កូនពីការឈឺចាប់បានមួយកម្រិត។ ៣-ច្រៀង ឬឲ្យកូនតូចកាន់តុក្កតាបន្លប់ ពេលទៅចាក់វ៉ាក់សាំង ម៉ាក់ៗមិនត្រូវភ្លេចយករបស់សំណព្វចិត្តកូន ដូចជាតុក្កតា កន្សែង សៀវភៅរូបភាពទៅជាមួយដើម្បីលួងកូននោះទេ ឬក៏ម៉ាក់ៗច្រៀងបទដែលកូនចូលចិត្ត។ អត្ថបទពាក់ព័ន្ធ៖ វ៉ាក់សាំងសំខាន់ណាស់! កុំដឹងតែទៅចាក់ ហើយអត់ខ្វល់ រឿងពិតមួយចំនួនត្រូវដឹង ពន្យារ ឬអត់ចាក់វ៉ាក់សាំងឲ្យកូន ដឹងថាប៉ះពាល់អីខ្លះអត់? ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ថ្នាំបង្ការ

មូលហេតុក្មេងចាក់វ៉ាក់សាំងរួចទៅជាអាប់សែ និងវិធីថែកន្លែងចាក់កុំឲ្យដំបៅខ្ទុះ

ក្រោយចាក់វ៉ាក់សាំងរួចមានផលរំខានពីតិចទៅច្រើន ដែលផលរំខាននោះមាន ឈឺនៅកន្លែងចាក់ថ្នាំ ហើម ឈឺ ធ្វើឲ្យក្មេងយំរករឿងខុសធម្មតា ឬក៏អាចក្តៅខ្លួន ឯផលរំខានធ្ងន់ធ្ងរ ធ្វើឲ្យហើមបំពង់ខ្យល់ ពិបាកដង្ហើម ប្រកាច់ជាដើម។ នេះជាការលើកឡើងរបស់លោកស្រីវេជ្ជបណ្ឌិត គុជ ឆោមដាលីន ឯកទេសរោគកុមារ។ ចំពោះករណីកន្លែងចាក់វ៉ាក់សាំងបង្កទៅជាអាប់សែនោះ លោកស្រីវេជ្ជបណ្ឌិតថា អាប់សែ ជាការបង្ករោគ រលាកស្បែក ដែលបញ្ហានេះអាចបណ្តាលមកពីការចាក់មិនបានត្រឹមត្រូវ ចាក់ដោយមិនបានជូតសម្អាតស្បែកក្មេង ចាក់រួចយករបស់មិនស្អាតមកបិទនៅមុខរបួស ឬក៏ក្មេងអាលែកហ៊្សីទៅនឹងសារធាតុក្នុងវ៉ាក់សាំង។ "កាលណាកន្លែងចាក់វ៉ាក់សាំងហើម ឱកាសមេរោគវាបង្ក ព្រោះអីនៅនឹងស្បែកយើងសុទ្ធតែមេរោគទាំងអស់ អ៊ីចឹងស្បែកបិទជិតចឹងការពារខ្លួនយើង តែបើរបស់ហ្នឹងហើប របស់ហ្នឹងហើម មេរោគនៅជិតហ្នឹងមានឱកាសបង្កទៅរលាក មានន័យថា កង្វះអនាម័យហើយ ដែលធ្វើឲ្យមានអាប់សែ"។ គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចំពោះវិធីថែកន្លែងចាក់វ៉ាក់សាំងកុំឲ្យក្លាយជាដំបៅខ្ទុះ ឬអាប់សែ អ្នកគ្រូពេទ្យ ពុំ ចន្ទ័ អនុប្រធានមណ្ឌលសុខភាព ទទួលបន្ទុកចាក់វ៉ាក់សាំង នៅមន្ទីរពេទ្យបង្អែកស្រុកខ្សាច់កណ្ដាលបានណែនាំនូវប៉ុន្មានវិធីខាងក្រោមនេះ។ ១- កុំឆាប់បកបង់បិទកន្លែងចាក់ថ្នាំ ព្រោះអាចបណ្ដាលឲ្យហូរឈាមបាន ហើយក៏មិនគួរទុកយូរពេកដែរ យ៉ាងយូរកន្លះម៉ោងក្រោយចាក់។ ២- កុំយកដៃទៅស្ទាបអង្អែលកន្លែងចាក់ថ្នាំ ព្រោះធ្វើឲ្យមុខរបួសកាន់តែហើម និងបង្កទៅជាឆ្លងមេរោគដោយសារដៃមិនស្អាត។ ៣- ហាមយកប្រេងកូឡាទៅលាបកន្លែងចាក់ថ្នាំ ព្រោះវាមានសារធាតុក្ដៅនាំឲ្យមុខរបួសទៅជាហើម។ ៤- ថ្ម បាយ ឬពងទាក្ដៅ ហាមយកទៅស្អំកន្លែងចាក់ថ្នាំ។ ៥- អាចយកកៅអៀកបញ្ចុះកម្ដៅបិទកន្លែងចាក់ថ្នាំបាន ដើម្បីកុំឲ្យមុខរបួសឡើងហើម ឬក្មេងយកដៃទៅប៉ះចុះឡើង។ ៦- បើកន្លែងចាក់ថ្នាំមានលេចចេញដូចពងបែក កុំច្របាច់ កុំជោះ ឬធ្វើអ្វីឲ្យបែកពងនោះឲ្យសោះ ព្រោះអាចឆ្លងមេរោគ។ ៧- ប្រសិនបើមានឆ្លងមេរោគក្លាយជាដំបៅហើយ […]

ថ្នាំបង្ការ

របៀបថែទាំកន្លែងចាក់វ៉ាក់សាំង កុំឲ្យក្លាយជាដំបៅ

ក្រោយពេលកូនតូចចាក់វ៉ាក់សាំងរួច ម៉ាក់ៗមួយចំនួនមិនបានដឹងពីវិធីថែទាំ រហូតបណ្ដាលឲ្យកន្លែងចាក់ទៅជាហើម ឬខ្លះបង្កទៅជាខ្ទុះដុំៗ។ ដើម្បីឲ្យកាន់តែជ្រាបច្បាស់ អ្នកគ្រូពេទ្យ ពុំ ចន្ទ័ អនុប្រធានមណ្ឌលសុខភាព ទទួលបន្ទុកចាក់វ៉ាក់សាំង នៅមន្ទីរពេទ្យបង្អែកស្រុកខ្សាច់កណ្ដាល នឹងរៀបរាប់ដូចខាងក្រោម៖ ១- កុំឆាប់បកបង់បិទកន្លែងចាក់ថ្នាំ ព្រោះអាចបណ្ដាលឲ្យហូរឈាមបាន ហើយក៏មិនគួរទុកយូរពេកដែរ យ៉ាងយូរកន្លះម៉ោងក្រោយចាក់។ ២- កុំយកដៃទៅស្ទាបអង្អែលកន្លែងចាក់ថ្នាំ ព្រោះធ្វើឲ្យមុខរបួសកាន់តែហើម និងបង្កទៅជាឆ្លងមេរោគដោយសារដៃមិនស្អាត។ ៣- ហាមយកប្រេងកូឡាទៅលាបកន្លែងចាក់ថ្នាំ ព្រោះវាមានសារធាតុក្ដៅនាំឲ្យមុខរបួសទៅជាហើម។ ៤- ថ្ម បាយ ឬពងទាក្ដៅ ហាមយកទៅស្អំកន្លែងចាក់ថ្នាំ។ ៥- អាចយកកៅអៀកបញ្ចុះកម្ដៅបិទកន្លែងចាក់ថ្នាំបាន ដើម្បីកុំឲ្យមុខរបួសឡើងហើម ឬក្មេងយកដៃទៅប៉ះចុះឡើង។ ៦- បើកន្លែងចាក់ថ្នាំមានលេចចេញដូចពងបែក កុំច្របាច់ កុំជោះ ឬធ្វើអ្វីឲ្យបែកពងនោះឲ្យសោះ ព្រោះអាចឆ្លងមេរោគ។ ៧- ប្រសិនបើមានឆ្លងមេរោគក្លាយជាដំបៅហើយ ត្រូវប្រញាប់នាំកូនតូចទៅជួបលោកគ្រូពេទ្យភ្លាម ដើម្បីព្យាបាលជាបន្ទាន់។ អត្ថបទពាក់ព័ន្ធ៖ មកដឹងពីអាការៈផ្សេងៗរបស់ទារក ក្រោយចាក់វ៉ាក់សាំងរួច បន្ថែមពីលើគោលការណ៍ថ្នាក់ជាតិ ម៉ាក់ប៉ាអាចនាំកូនទៅចាក់វ៉ាក់សាំងទាំងនេះ ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ថ្នាំបង្ការ

ម៉ាក់ប៉ាយកកូនទៅចាក់ថ្នាំហើយ កុំធ្វើរឿងទាំងនេះ

ជាធម្មតារាល់ពេលចាក់វ៉ាក់សាំងរួចទារក ឬកុមារតូចៗអាចមានអាការៈក្ដៅខ្លួន ក្រោយមានបញ្ហានេះម៉ាក់ប៉ាពិតជាមានក្ដីព្រួយបារម្ភ និងស្វែងរកថ្នាំ ដើម្បីឲ្យកូនត្រលប់មកសភាពដើមវិញ។ ក្នុងនោះលោកវេជ្ជបណ្ឌិត ចាន់ ស៊ីណេត ឯកទេសទូទៅបានឲ្យដឹងថា យើងមិនគួរឲ្យថ្នាំបញ្ចុះកម្ដៅមុនពេលចាក់ ឬពេលកម្ដៅខ្លួនមិនព្រមត្រជាក់យូរថ្ងៃនោះទេ ព្រោះវាអាចបណ្ដាលឲ្យពុលថ្លើមរបស់កូនតូចបាន។ រឿងដែលម៉ាក់ៗមិនគួរធ្វើបន្ទាប់មកទៀត គឺមិនត្រូវស្ទាបអង្អែលកន្លែងចាក់ លាបប្រេងកូឡា ឬយករបស់ក្ដៅនៅស្អំកន្លែងចាក់ ព្រោះនាំឲ្យកូនឆ្លងជំងឺផ្សេងៗតាមរយៈរបស់ទាំងនោះ និងបណ្ដាលឲ្យកន្លែងចាក់ថ្នាំក្រហម កន្ទួល ឬឡើងរឹង ហើយពេលខ្លះទៅជាខ្ទុះ។ មួយវិញទៀតសម្លីអាល់កុលដែលទុកជូតកន្លែងចាក់នោះ មិនបាច់ឈ្លី ឬទុកលើមុខរបួសនោះយូរពេកនោះទេ ព្រោះសម្លីនោះ ទុកឃាត់ឈាមតែមួយភ្លែតប៉ុណ្ណោះ។ លោកវេជ្ជបណ្ឌិតបានណែនាំថា ថ្នាំបញ្ចុះកម្ដៅប្រើនៅពេលដែលកូនមានកម្ដៅលើសពី ៣៨ អង្សារសេប៉ុណ្ណោះ ហើយការឲ្យថ្នាំកូនគឺចន្លោះ ៤-៦ ម៉ោងម្ដង និងទៅតាមទម្ងន់របស់កូន។ លោកក៏បានបញ្ជាក់ដែរថា កូនអាចចុះកម្ដៅទៅបាន អាស្រ័យលើការស្លៀកពាក់ទៀតផង ពោលគឺកូនត្រូវស្លៀកពាក់ស្ដើងៗ រលុងៗ និងដាក់កូនក្នុងបរិយាកាសត្រជាក់ ឬក៏ងូតទឹកត្រជាក់ឲ្យបានញឹកញាប់។ ចំណុចសំខាន់ដែលយើងត្រូវយកចិត្តទុកដាក់ គឺមិនគួរដាក់រុំខ្លួន ឬស្លៀកពាក់ជិតឈឹងឲ្យកូននោះទេ រឹតតែមិនគួរដាក់កូនក្នុងបន្ទប់ហប់ឈឹងទៀតផង ព្រោះនាំឲ្យកម្តៅកាន់តែកើនឡើង។ អត្ថបទពាក់ព័ន្ធ៖ ហេតុអ្វីបានត្រូវចាក់វ៉ាក់សាំង ការពារជំងឺផ្ដាសាយធំ? វ៉ាក់សាំងសំខាន់ តើផលអាក្រក់អ្វីខ្លះនៅពីក្រោយ ដឹងអត់? មកដឹងពីអាការៈផ្សេងៗរបស់ទារក ក្រោយចាក់វ៉ាក់សាំងរួច វិធីការពារកូនតូចៗពីជំងឺរលាកទងសួត និងរលាកបំពង់ក កូនៗមានសុវត្ថិភាពពីវីរុសកូរ៉ូណាថ្មី បើម៉ាក់ៗធ្វើតាម ៤ ចំណុចនេះ បកស្រាយចម្ងល់ ស្រីៗពពោះចាក់វ៉ាក់សាំងផ្ដាសាយ នៅតែឈឺដដែល ម៉ាក់ៗដឹងអត់ វ៉ាក់សាំងស្អូចចាក់ឲ្យកូនប៉ុន្មានដង? […]

វ៉ាក់សាំងជំងឺកូវីដ-១៩

វីរុសកូរ៉ូណា

រោគសញ្ញាថ្មីៗនៃវ៉ារ្យង់អូមីក្រុងXE គ្នាយើងគួរដឹង

យើងបានដឹងហើយថា វ៉ារ្យង់អូមីក្រុងមានការឆ្លងយ៉ាងឆាប់រហ័សជាងវ៉ារ្យង់កូវីដ-១៩មុនៗ។ ប៉ុន្តែ ថ្មីៗនេះ មន្ត្រីសុខាភិបាលនៃចក្រភពអង់គ្លេសបានរាយការណ៍អំពីវីរុសបំប្លែងថ្មីមួយប្រភេទទៀត គឺវីរុសកូវីដ-១៩ ប្រភេទXE ដែលមានអនុភាពឆ្លងកាន់តែខ្លាំងជាងមុនទៅទៀត។ វីរុសប្រភេទXEនេះ ជាការរួមបញ្ចូលគ្នានៃវ៉ារ្យង់អូមីក្រុងBA.1 និងBA.2។ អង្គការសុខភាពពិភពលោក បានឲ្យដឹងថា អត្រានៃការឆ្លងពីមនុស្សម្នាក់ទៅមនុស្សម្នាក់ទៀត គឺឆាប់រហ័សជាងវ៉ារ្យង់អូមីក្រុងBA.2ដល់ទៅ១០% ដែលធ្វើឲ្យវីរុសបំប្លែងថ្មីនេះ ក្លាយជាវីរុសដែលឆ្លងលឿនជាងគេបំផុតនៅពេលបច្ចុប្បន្ន។ គណនា BMI គណនា BMR កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ រោគសញ្ញាថ្មីនៃវីរុសកូវីដ-១៩ ខណៈពេលដែលវីរុសកូវីដ-១៩ បង្ហាញរោគសញ្ញាជាច្រើន សេវាសុខាភិបាលជាតិនៃចក្រភពអង់គ្លេសបានបន្ថែមរោគសញ្ញាមួយចំនួនទៀត ដែលយើងមិនគួរមើលរំលងឡើយ។ រោគសញ្ញាទាំងនេះរួមមាន៖ ដកដង្ហើមខ្លីៗ អស់កម្លាំងខ្លាំង ឈឺខ្លួនប្រាណ ឈឺបំពង់ក ឈឺក្បាលខ្លាំង ហៀរសំបោរ រាករូស មិនឃ្លានអាហារ មិនស្រួលខ្លួន រោគសញ្ញាទូទៅមួយចំនួនទៀតនៃវីរុសកូវីដ-១៩ មានដូចជា ក្ដៅខ្លួន ក្អកមិនបាត់ បាត់បង់ក្លិន និងរសជាតិ។ យ៉ាងណាមិញ ជាមួយនឹងវត្តមាននៃវីរុសបំប្លែងថ្មីៗជាបន្តបន្ទាប់ គ្នាយើងគួរយល់ដឹងឲ្យបានច្បាស់លាស់ពីរោគសញ្ញាថ្មីៗ ទើបជាការប្រសើរ។ អានបន្ត៖ វីរុសបំប្លែងថ្មី អូមីក្រុង ភាគច្រើនឆ្លងតែក្មេងជាងមនុស្សធំ? ដូសទី៤ ដុះអង់ទីករមែន តែមិនទាន់ខ្លាំងដល់កម្រិតការពារអូមីក្រុងបានទេ ស្ត្រីពពោះមិនទាន់ចាក់វ៉ាក់សាំងកូវីដ-១៩ បង្កជាក្ដីបារម្ភ ពេលអូមីក្រុងរាតត្បាត ដំណឹងល្អ! ថ្នាំគ្រាប់ព្យាបាលកូវីដ២ប្រភេទប្រកាសចេញតែស៊ីពេលផលិត អ្នកជាសះស្បើយពីអូមីក្រុង អាចជួបរោគសញ្ញាមួយនេះ ហេតុផល ៥យ៉ាង […]

វីរុសកូរ៉ូណា

ប្រការគួរធ្វើក្រោយចាក់វ៉ាក់សាំងដូសជំរុញ ដើម្បីកាត់បន្ថយផលរំខាន

ក្រោយចាក់វ៉ាក់សាំងបង្ការកូវីដ-១៩ ដូសជំរុញ យើងអាចមានផលរំខានមួយចំនួនដែលធ្វើឱ្យប៉ះពាល់ដល់ការងារប្រចាំថ្ងៃ។ អ៊ីចឹងបន្ទាប់ពីចាក់ដូសជំរុញហើយ យើងគួរថែទាំសុខភាពបែបណាដើម្បីកាត់បន្ថយផលរំខាន? ផលរំខានក្រោយចាក់វ៉ាក់សាំងដូសជំរុញអាចមានដូចជា៖ ឈឺចាប់នៅកន្លែងចាក់ថ្នាំ ហើយអាចឡើងក្រហម ឬហើម អស់កម្លាំង ឈឺសន្លាក់ ឬសាច់ដុំ គ្រុនក្តៅ ឬគ្រុនរងា ឈឺក្បាល ចង្អោរ ហើមកូនកណ្តុរ ដើម្បីកាត់បន្ថយផលរំខានបន្ទាប់ពីចាក់វ៉ាក់សាំងដូសជំរុញហើយ យើងគួរ៖ ១. ញុំាថ្នាំបំបាត់ការឈឺចាប់ យើងអាចញុំាថ្នាំប៉ារ៉ាសេតាម៉ុលដើម្បីបំបាត់ការឈឺចាប់ និងកាត់បន្ថយអាការៈគ្រុន ឬញាក់ បើចាំបាច់។ ២. ស្អំទឹកកក យើងអាចស្អំទឹកកកនៅកន្លែងចាក់ថ្នាំដើម្បីកាត់បន្ថយអាការៈឈឺ ឬហើម។ លើសពីនេះទៅទៀត យើងអាចធ្វើចលនាដៃខាងចាក់ថ្នាំដើម្បីជួយជំរុញរំហូរឈាម និងបន្ធូរការឈឺចាប់សាច់ដុំ។ ៣. ញុំាទឹកឱ្យបានច្រើន ការញុំាទឹកឱ្យបានច្រើនគ្រប់គ្រាន់អាចកាត់បន្ថយអាការៈក្តៅខ្លួន និងស្រេកទឹកក្រោយចាក់ដូសជំរុញ។ ការញុំាទឹកច្រើនមិនត្រឹមតែអាចជួយការពារយើងពីការឈឺចាប់ទេ ថែមទាំងជួយកាត់បន្ថយរយៈពេលរបស់ផលរំខានរបស់ដូសជំរុញទៀតផង។ ៤. ញុំាវីតាមីន C យើងគួរញុំាបន្លែបៃតង និងផ្លែឈើសម្បូរវីតាមីន C ដូចជា ផ្លែឈើអម្បូរក្រូច ល្ហុងជាដើមដើម្បីជួយពង្រឹងប្រព័ន្ធភាពសុំាក្នុងការប្រយុទ្ធប្រឆាំងនឹងផលរំខានរបស់វ៉ាក់សាំងដូសជំរុញ។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ៥. គេងឱ្យបានគ្រប់គ្រាន់ ក្រោយពេលចាក់ដូសជំរុញហើយ រាងកាយយើងពឹងផ្អែកលើការឆ្លើយតបរបស់ប្រព័ន្ធភាពស៊ាំដើម្បីបង្កើតប្រព័ន្ធការពារ។ ការគេងមិនបានគ្រប់គ្រាន់អាចបង្កឱ្យមានភាពតានតឹង ដែលធ្វើឱ្យប្រព័ន្ធភាពស៊ាំរបស់យើងចុះខ្សោយ ដូច្នេះយើងត្រូវគេងយ៉ាងហោចណាស់ ៧ ទៅ ៨ម៉ោងក្នុងមួយយប់។ ៦. ហាត់ប្រាណបែបស្រាលៗ ការហាត់ប្រាណបែបស្រាលៗដូចជា ដើរ យូហ្កា ឬពត់បត់បែនខ្លួនជាដើមអាចជួយឱ្យចរន្តឈាមយើងរត់បានល្អ […]

វីរុសកូរ៉ូណា

ការពារកុំឲ្យធ្លាក់ខ្លួនឈឺធ្ងន់ អ្នកអាយុ៦០ឆ្នាំឡើង គួរចាក់ដូសជំរុញទី៤

ពិតណាស់ វីរុសកូវីដ-១៩ អាចឆ្លងទៅកាត់មនុស្សគ្រប់វ័យ មិនថាប្រុស ឬស្រី ឬស្ថិតក្នុងលក្ខខណ្ឌបែបណាឡើយ។ ក្នុងរយៈពេលពីរឆ្នាំកន្លងមកនេះ ករណីអ្នកដែលធ្លាក់ខ្លួនឈឺធ្ងន់ធ្ងរដោយសារវីរុសកូវីដ-១៩នេះ ភាគច្រើនជាក្រុមមនុស្សដែលមានជំងឺរួមផ្សំមួយចំនួន ដូចជាជំងឺទឹកនោមផ្អែម ឬជំងឺលើសសម្ពាធឈាមជាដើម ហើយហានិភ័យនៃការវិវត្តទៅជារោគសញ្ញាធ្ងន់ធ្ងរបន្ទាប់ពីឆ្លងវីរុសកូវីដ-១៩ នឹងកាន់តែខ្ពស់ នៅពេលដែលយើងមានជំងឺរ៉ាំរ៉ៃទាំងនេះស្រាប់។ គណនា BMI គណនា BMR កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ ម៉េចបានអ្នកអាយុ៦០ឆ្នាំឡើង គួរចាក់ដូសជំរុញទី៤? ជាទូទៅ កត្តាអាយុអាចបង្កើនឱកាសនៃការកើតជំងឺរួមផ្សំមួយចំនួន ហេតុនេះហើយអ្នកដែលមានវ័យកាន់តែច្រើនគួរប្រុងប្រយ័ត្នឲ្យបានដិតដល់ ដើម្បីប្រឆាំងនឹងការឆ្លងវីរុសកូវីដ-១៩ ដ៏កាចសាហាវនេះ។ យ៉ាងណាមិញ យោងតាមការសិក្សាថ្មីមួយរបស់ក្រុមអ្នកស្រាវជ្រាវអ៊ីស្រាអែលបានបង្ហាញថា ដូសជំរុញទី៤ មានប្រសិទ្ធភាពការពារខ្ពស់ជាងមុនរហូតដល់៣ដង ប្រឆាំងនឹងជំងឺធ្ងន់ធ្ងរ ចំពោះអ្នកដែលមានអាយុចាប់ពី៦០ឆ្នាំឡើងទៅ។ ជាក់ស្ដែង វ៉ាក់សាំងដូសទី៤នេះ មិនត្រឹមតែមានគុណប្រយោជន៍ជួយកាត់បន្ថយអត្រានៃការវិវត្តជំងឺទៅជាធ្ងន់ធ្ងរប៉ុណ្ណោះទេ វាថែមទាំងជួយឲ្យប្រព័ន្ធភាពស៊ាំយើងនៅរឹងមាំក្រោយរយៈពេល៨សប្ដាហ៍ ក្រោយចាក់វ៉ាក់សាំងរួចថែមទៀតផង។ ទន្ទឹមនឹងនេះដែរ ការសិក្សាក៏បានបង្ហាញផងដែរថា អត្រាឆ្លងកូវីដ-១៩ នៃអ្នកដែលបានទទួលដូសជំរុញទី៤ មានចំនួនទាបជាងអ្នកដែលទទួលបានត្រឹមដូសជំរុញលើកទី៣ ដល់ទៅ២ដងឯណោះ។ ទោះជាយ៉ាងនេះក្ដី ការការពារប្រឆាំងនឹងការឆ្លងវីរុសកូវីដ-១៩ ហាក់ដូចជាមានរយៈពេលខ្លីប៉ុណ្ណោះ ដូចនេះហើយ យើងមិនត្រូវធ្វេសប្រហែសឡើយ និងចាំបាច់ត្រូវអនុវត្តវិធានការការពារបន្ថែមឲ្យបានខ្ជាប់ខ្ជួនជានិច្ច។ អានបន្ត៖ វីរុសបំប្លែងថ្មី អូមីក្រុង ភាគច្រើនឆ្លងតែក្មេងជាងមនុស្សធំ? ដូសទី៤ ដុះអង់ទីករមែន តែមិនទាន់ខ្លាំងដល់កម្រិតការពារអូមីក្រុងបានទេ ស្ត្រីពពោះមិនទាន់ចាក់វ៉ាក់សាំងកូវីដ-១៩ បង្កជាក្ដីបារម្ភ ពេលអូមីក្រុងរាតត្បាត ដំណឹងល្អ! ថ្នាំគ្រាប់ព្យាបាលកូវីដ២ប្រភេទប្រកាសចេញតែស៊ីពេលផលិត […]

វីរុសកូរ៉ូណា

ត្រៀមចាក់ដូសទី៣? វ៉ាក់សាំងកូវីដមួយៗផ្ដល់ផលរំខានម៉េចខ្លះ?

ជឿថា គ្នាយើងមួយចំនួនធំច្បាស់ទទួលបានវ៉ាក់សាំងកូវីដទាំង២ដូស និងកំពុងចាក់វ៉ាក់សាំងដូសជំរុញ ឬដូសទី៣ បណ្ដើរៗទៀតហើយ ដើម្បីការពារសុខភាពយើងពីជំងឺកូវីដ-១៩។ សម្រាប់មនុស្សភាគច្រើន វ៉ាក់សាំងដូសទី១ និងទី២ ជាវ៉ាក់សាំង Sinovac ឬ Sinopharm ចំណែកដូសទី៣ អាចជាវ៉ាក់សាំងដដែល ឬ AstraZeneca។ តើរវាងវ៉ាក់សាំងប្រភេទទាំង៣ នេះ ចាក់ហើយមួយណាផ្ដល់ផលរំខានជាង? កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ ផលរំខានទូទៅរបស់ វ៉ាក់សាំងកូវីដ Sinovac និង Sinopharm យោងតាមការរាយការណ៍របស់អ្នកចាក់វ៉ាក់សាំងកូវីដទាំងពីរប្រភេទនេះរួចមក ផលរំខានរបស់វ៉ាក់សាំង Sinovac ឬSinoparm ស្រដៀងនឹងជំងឺផ្ដាសាយដែលអាចបាត់ទៅវិញដោយឯកឯង ដោយមានរោគសញ្ញាដូចជា៖ – ឈឺដៃ – អស់កម្លាំង ងងុយគេង – ឈឺក្បាល – វិលមុខ – ឈឺសាច់ដុំ ផលរំខានទូទៅរបស់ វ៉ាក់សាំងកូវីដ AstraZeneca – អស់កម្លាំង – ជាំ ឈឺ ឬរមាស់ត្រង់មុខម្ជុល – ឈឺក្បាល – ឈឺសាច់ដុំ – ឈឺតាមសន្លាក់ – ចង្អោរ – ក្ដៅខ្លួន (៣៨ អង្សាសេ ឬលើសនេះ) បើតាមបទពិសោធន៍លោក វីរៈ សីហរាជ ជាបុគ្គលិកធនាគារមួយ ដែលបានចាក់ដូសទី១ និងទី២ […]

វីរុសកូរ៉ូណា

អ្នកចាក់វ៉ាក់សាំងគ្រប់ដូស ឆ្លងវីរុសអូមីក្រុង អាចមានរោគសញ្ញាទាំងនេះ

វីរុសកូវីដ-១៩បំប្លែងថ្មី ប្រភេទអូមីក្រុងមានអត្រាឆ្លងលឿនបំផុត ដែលយើងគ្រប់គ្នាមិនអាចធ្វេសប្រហែសបានឡើយ។ យ៉ាងណាមិញ ការយល់ដឹងពីរោគសញ្ញាបានឆាប់រហ័ស និងព្យាបាលទាន់ពេលវេលា គឺជារឿងដ៏សំខាន់។ យោងតាមអ្នកជំនាញសុខភាពបានឲ្យដឹងថា រោគសញ្ញាភាគច្រើននៃវីរុសបំប្លែងថ្មីមានលក្ខណៈដូចគ្នា ហើយក៏មានចំនួនអ្នកឆ្លងវីរុសបំប្លែងថ្មី អូមីក្រុងដែរ ទោះបីជាចាក់វ៉ាក់សាំងគ្រប់ដូសក៏ដោយ។ វីរុសកូវីដ-១៩ អូមីក្រុង អាចមានរោគសញ្ញាដូចជំងឺផ្ដាសាយកម្រិតស្រាល វ៉ារ្យ៉ង់ថ្មីនៃកូវីដ-១៩ អូមីក្រុង មានការឆ្លងកម្រិតស្រាល ហើយរោគសញ្ញាមួយចំនួនស្រដៀងនឹងជំងឺផ្ដាសាយធម្មតា។ រោគសញ្ញាទាំងនេះរួមមាន៖ គ្រុនក្ដៅ រមាស់ក ឈឺក ឈឺក្បាល ហៀរសំបោរ អស់កម្លាំង កណ្ដាស់ញឹកញាប់ រោគសញ្ញានៃវីរុសបំប្លែងថ្មី អូមីក្រុងដែលមានលក្ខណៈប្លែកពីវីរុសប្រភេទមុនៗ អ្នកជំនាញបានបង្ហាញថា អ្នកជំងឺមួយចំនួនដែលវិជ្ជមានវីរុសបំប្លែងថ្មី ប្រភេទអូមីក្រុង បានត្អូញត្អែរពីអាការៈបែកញើសខ្លាំងនៅពេលយប់ ដែលធ្វើឲ្យប្រឡាក់ពូក និងសំលៀកបំពាក់របស់ពួកគេថែមទៀតផង។ រោគសញ្ញានៃវីរុសបំប្លែងថ្មី អូមីក្រុងដែលកើតឡើងលើអ្នកចាក់វ៉ាក់សាំងគ្រប់ដូស ចង្អោរ ក្ដៅខ្លួនតិចតួច ឈឺក ឈឺក្បាល បាត់បង់ចំណង់អាហារ និង ក្អួត។

វីរុសកូរ៉ូណា

ដូសទី៤ ដុះអង់ទីករមែន តែមិនទាន់ខ្លាំងដល់កម្រិតការពារអូមីក្រុងបានទេ

ដូសទី៤ ឬដូសជំរុញដែលប្រទេសនានាជុំវិញពិភពលោកកំពុងញាប់ដៃញាប់ជើងស្រោចវ៉ាក់សាំងក្នុងកម្រិតអតិបរមាជូនពលរដ្ឋខ្លួនទាំងជួរមុខនិងពលរដ្ឋទូទៅតាមផែនការរបស់ក្រសួងសុខាភិបាល មុននេះបន្តិចប្រភពសុខាភិបាលអ៊ីស្រាអែល អះអាងថាមិនមានប្រសិទ្ធភាពគ្រប់គ្រាន់ប្រឆាំងទល់ការឆ្លងរាលដាលរបស់វីរុសបំប្លែងថ្មីអូមីក្រុងទេ។ ការបញ្ចេញព័ត៌មាននេះដែរ អគ្គនាយកអង្គភាពគ្រប់គ្រងនិងការពារជំងឺឆ្លងនៃមជ្ឈមណ្ឌលវេជ្ជសាស្ត្រ Sheba របស់អ៊ីស្រាអែលលោកស្រី វេជ្ជបណ្ឌិត Gili Regeb-Yochay សង្កត់ធ្ងន់លើវ៉ាក់សាំង២ប្រភេទគឺ Pfizer/BioNTech និង Moderna។ លោកស្រីវេជ្ជបណ្ឌិតបន្តពន្យល់ថា "ក្រុមការងារយើងយកចិត្តទុកដាក់តាមដានចំពោះដំណើរវិវត្ត Pfizer ក្រោយចាក់បញ្ចូលខ្លួន ២សប្ដាហ៍ហើយ ហើយ Moderna ទើបបាន ១សប្ដាហ៍ ជាលទ្ធផលឃើញថាបរិមាណអង់ទីករកើនឡើង សម្រាប់ដូសជំរុញទី៤នេះ បើធៀបនឹងដូសទី៣ ប៉ុន្តែកើនតិចតួច ឬអាចសន្មតថា ទំនងជាមិនទាន់គ្រប់គ្រាន់ទេក្នុងការការពារអូមីក្រុង"។ កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ ក្រោមការដឹកនាំរបស់លោកស្រី វេជ្ជបណ្ឌិត Gili Regeb-Yochay មជ្ឈមណ្ឌលខាងលើបានដឹឹកនាំការស្រាវជ្រាវមួយលើវ៉ាក់សាំងជំរុញ ឬដូសទី៤ លើកម្រិតគុណភាពនិងកត្តាគ្រោះថ្នាក់ ថាតើដូសទី៤ ជួយបានប៉ុណ្ណាបើចាក់ ជាពិសេសទល់នឹងវីរុសបំប្លែងថ្មី អូមីក្រុងដែលកំពុងអង្រួនពិភពលោកនាពេលបច្ចុប្បន្ន។ ការសិក្សានេះធ្វើឡើងលើបុគ្គលិកសុខាភិបាលចំនួន ១៥៤នាក់ចាក់ Pfizer/BioNTech និង Moderna ១២០នាក់ សរុប ២៧៤នាក់។ ទោះមិនបានពន្យល់លម្អិតតាមលក្ខណៈវិទ្យាសាស្ត្រឲ្យបានស៊ីជម្រៅជាងនេះ តែលោកថា ទាំងPfizer/BioNTech និង Moderna អត់ខុសគ្នាទេ ព្រោះកម្រិតបណ្ដុះបរិមាណអង់ទីករមាន […]

វីរុសកូរ៉ូណា

ក្រោយចាក់ដូសជំរុញ ហេតុអ្វីអ្នកខ្លះអត់ស្រួលខ្លួន តែខ្លះស្រស់ស្រាយធម្មតា?

ជាទូទៅ បន្ទាប់ពីចាក់វ៉ាក់សាំងហើយ គ្នាយើងច្បាស់ជាទទួលផលរំខានពីវ៉ាក់សាំង បណ្ដាលឲ្យយើងមិនស្រួលខ្លួន ខ្លះងើបខ្លួនមិនចង់រួចផងក៏មាន។ ចម្លែកអី មានគ្នាយើងខ្លះទៀតចាក់ដូសជំរុញដូចគ្នាដែរ តែមានអារម្មណ៍ធម្មតា មិនទ្រុឌទ្រោមដូចគេដូចឯងសោះ។ កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ ហេតុអ្វីបានជាក្រោយចាក់ដូសជំរុញ អ្នកខ្លះឈឺខ្លួន ហើយខ្លះទៀតអារម្មណ៍ស្រស់ស្រាយធម្មតា? វេជ្ជបណ្ឌិត Sunaina Suhag គ្រូពេទ្យគ្រួសារនៅគ្លីនិកក្នុងតំបន់ Austin រដ្ឋTexas សហរដ្ឋអាមេរិកបានឲ្យដឹងថា មនុស្សមួយចំនួនទទួលផលរំខានពីវ៉ាក់សាំង ចំណែកអ្នកខ្លះទៀតមិនមាន ក៏ព្រោះតែប្រព័ន្ធការពាររាងកាយរបស់យើងម្នាក់ៗមានលក្ខណៈខុសពីគ្នា។ ការឆ្លើយតបជារោគសញ្ញាចំពោះវ៉ាក់សាំងអាចអាស្រ័យទៅតាមអាយុ ភេទ និងប្រវត្តិជំងឺរបស់យើង។ យ៉ាងណា មិនបាច់បារម្ភទេ ក្រោយចាក់វ៉ាក់សាំងរួចរាងកាយរបស់យើងនឹងបង្កើតនូវប្រព័ន្ធការពារដែលយើងចង់បាន មិនថាយើងទទួលផលរំខាន ឈឺចុកចាប់ពេញរាងកាយ ឬក៏អត់ទេ។ រោគសញ្ញានៃផលរំខានក្រោយចាក់វ៉ាក់សាំងដូសជំរុញ តាមពិតទៅ ផលរំខានពីដូសជំរុញស្រដៀងនឹងអ្វីដែលយើងធ្លាប់ជួបប្រទះក្រោយចាក់វ៉ាក់សាំងដូសទី១ ឬទី២ អ៊ីចឹងដែរ។ នេះមានន័យថា យើងអាចនឹងមិនមានអារម្មណ៍ប្លែកអ្វីទាំងអស់ ឬអាចជួបបញ្ហាប៉ុន្មានខាងក្រោមដូចជា៖ ឈឺចាប់នៅកន្លែងចាក់ថ្នាំ គ្រុន ឬក្ដៅខ្លួន អស់កម្លាំង ឈឺក្បាល ញាក់ ឈឺសាច់ដុំ ចង្អោរ ក្អួត។ ទោះជាយ៉ាងណាក៏ដោយ យើងគ្រប់គ្នាគួរតែទទួលបានដូសជំរុញបន្ថែម ពិសេសអំឡុងពេលរាលដាលវីរុសបំប្លែងអូមីក្រុងនេះ។ ផ្ទុយទៅវិញ បើយើងចាក់វ៉ាក់សាំងហើយក្ដៅខ្លួន តែមិនបាត់ទៅវិញក្នុងរយៈពេល ៤៨ម៉ោង ឬលើសនេះ យើងគួរទាក់ទងទៅគ្រូពេទ្យ ដើម្បីសួរព័ត៌មាន និងប្រាប់ពីអាការៈដែលយើងមានក្រោយចាក់វ៉ាក់សាំងរួច។

វីរុសកូរ៉ូណា

ចាក់វ៉ាក់សាំងដូសទី៣ហើយ បើមានអាការៈមួយនេះ ប្រញាប់ទៅជួបពេទ្យបន្ទាន់

ការទូទៅការចាក់វ៉ាក់សាំងកូវីដ-១៩ តែងមានផលរំខានមួយចំនួន ដូចជា ក្តៅខ្លួន ឈឺក្បាល ឈឺសាច់ដុំ អស់កម្លាំង ក្អួត ចង្អោរ ជាដើម ដែលផលរំខានទាំងនោះនឹងបាត់ទៅវិញក្នុងរយៈពេល ១ទៅ៣ថ្ងៃ យ៉ាងយូរ។ ផ្ទុយទៅវិញ បើសិនជាយើងវ៉ាក់សាំងកូវីដ-១៩ ពិសេសចាក់ដូសទី៣ ដែលជាដូសជំរុញនេះ មានអាការៈថប់ដង្ហើម ឬដកដង្ហើមខ្លី ត្រូវប្រញាប់ទៅជួបគ្រូពេទ្យបន្ទាន់ កុំសំងំនៅផ្ទះ។ នេះបើតាមការលើកឡើងរបស់លោកជំទាវ ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស។ “វាអាចមានករណីខ្លះដោយសារយើងមានបញ្ហានៅក្នុងខ្លួនស្រាប់ នៅពេលយើងចាក់វ៉ាក់សាំង យើងអត់អីទេ គ្រូពេទ្យសួរនាំហើយ គាត់ថាមិនអីទេ អ៊ីចឹងយើងអាចចាក់បាន ប៉ុន្តែនៅពេលខ្លះ ពេលចាក់វ៉ាក់សាំងទៅ សរីរាង្គយើងបង្គាប់បញ្ជាទៅ បង្គាប់មិនត្រូវគ្នា វាអាចទៅធ្វើអីមួយ ក៏យើងអត់ដឹងដែរ"។ លោកជំទាវរៀបរាប់។ ទោះយ៉ាងណាលោកជំទាវរដ្ឋលេខាធិការ និងជាអ្នកនាំពាក្យក្រសួងសុខាភិបាលរូបនេះថា ករណីដែលអ្នកចាក់វ៉ាក់សាំងកូវីដ-១៩ ហើយមានអាការៈថប់ ឬពិបាកដង្ហើម មានតិចតួចបំផុត ដោយក្នុង១លាននាក់ មានប្រែហែលជា២-៣នាក់ប៉ុណ្ណោះ នេះជាករណីកម្រ តែយើងក៏ត្រូវប្រយ័ត្នប្រយែងដែរ។ មកទល់ពេលនេះ នៅមិនទាន់មានព័ត៌មានអំពីករណីពលរដ្ឋចាក់វ៉ាក់សាំងកូវីដ-១៩ ហើយមានអាការៈថប់ដង្ហើមនោះដែរ នេះបើការបញ្ជាក់របស់លោកជំទាវ ឱ វណ្ណឌីន។

វីរុសកូរ៉ូណា

សម្រួលអាការៈមិនស្រួលខ្លួនក្រោយចាក់វ៉ាក់សាំងកូវីដដូសទី៣ តាមវិធីទាំងនេះ

បន្ទាប់ពីចាក់វ៉ាក់សាំងរួច រាងកាយយើងនឹងបញ្ចេញអាការៈមួយចំនួនឆ្លើយតបទៅនឹងវ៉ាក់សាំងនោះ ហើយពេលយើងចាក់ វ៉ាក់សាំងដូសទី៣ (វ៉ាក់សាំង AstraZeneca) សង្កេតឃើញថាមានផលរំខានធ្ងន់ជាងវ៉ាក់សាំងមុនៗ បណ្ដាលឲ្យយើងមិនស្រួលខ្លួនខ្លាំង។ អស់កម្លាំង ជាំ ឈឺ ឬរមាស់ត្រង់មុខម្ជុល ឈឺក្បាល ឈឺសាច់ដុំ ឈឺតាមសន្លាក់ ចង្អោរ ក្ដៅខ្លួន (៣៨ អង្សាសេ ឬលើសនេះ) ជារោគសញ្ញាទូទៅនៃផលរំខានរបស់វ៉ាក់សាំងដូសទី៣ ដែលគ្នាយើងភាគច្រើនចាក់ហើយ មានអាការៈមិនស្រួលខ្លួនខ្លាំងជាងវ៉ាក់សាំងដូសទី១ និងទី២។ វិធីកាត់បន្ថយអាការៈឈឺចាប់មុខម្ជុល ឬដៃចាក់ ១. ស្អំកន្សែងសើម (ត្រូវប្រើកន្សែងស្អាត) លើកន្លែងឈឺចុកចាប់ ២. ប្រើដៃដែលឈឺនោះធ្វើចលនាតិចៗ ឬហាត់ប្រាណសម្រួលអាការៈមិនស្រួល វិធីកាត់បន្ថយអាការៈក្ដៅខ្លួនក្រោយចាក់វ៉ាក់សាំងដូសទី៣ ១. ញ៉ាំទឹកឲ្យបានច្រើន ២. ស្លៀកសម្លៀកបំពាក់ស្ដើងៗ ពិនិត្យគ្រោះថ្នាក់ជំងឺកូវីដ-១៩ អនឡាញ នៅទីនេះ ក្នុងករណីដែលគ្នាយើងចាក់វ៉ាក់សាំងដូសទី៣ ហើយមានអាការៈក្ដៅខ្លួន យើងអាចប្រើថ្នាំបញ្ចុះកម្តៅដោយគ្មានវេជ្ជបញ្ជាបាន តែត្រូវប្រាកដថា យើងធ្វើតាមការណែនាំដែលមានលើសំបកថ្នាំ ឬការណែនាំរបស់អ្នកជំនាញត្រឹមត្រូវ។ បើយើងសង្កេតឃើញថាមានសញ្ញាព្រមានក្រោយចាក់វ៉ាក់សាំងដូចជា កន្លែងចាក់ ឡើងក្រហម ឬរឹងខ្លាំង ឬមិនប្រក្រតីក្នុងរយៈពេល២៤ម៉ោង និងផលរំខានបង្កជាផលវិបាកដល់យើង ឬមិនធូរស្បើយក្រោយ ២-៣ថ្ងៃ បន្ទាប់ពីចាក់ថ្នាំ យើងគួររកគ្រូពេទ្យពិនិត្យ។

វីរុសកូរ៉ូណា

ម៉េចបានចាក់វ៉ាក់សាំងគ្រប់ដូសហើយ នៅឆ្លងកូវីដ១៩?

វ៉ាក់សាំងបង្ការកូវីដ១៩ ពិតជាមានប្រសិទ្ធភាព និងក៏ជាជាឧបករណ៍ចាំបាច់មួយក្នុងការជួយគ្រប់គ្រងស្ថានភាពវិបត្តិកូវីដ១៩ កំពុងកើតមាន។ នេះបើតាមការលើកឡើងរបស់ CDC អាមេរិក។ យ៉ាងណា វ៉ាក់សាំងមិនមានប្រសិទ្ធភាព១០០ភាគរយការពារអ្នកចាក់រួចរាល់មិនឲ្យធ្លាក់ខ្លួនឈឺនោះទេ។ CDC អាមេរិកថានៅមានភាគរយតិចតួច អាចធ្វើឲ្យអ្នកចាក់វ៉ាក់សាំងនៅតែអាចឆ្លងជំងឺកូវីដ១៩ ហើយខ្លះត្រូវទៅសម្រាកនៅមន្ទីរពេទ្យ ឬអាចស្លាប់ក៏មាន។ បើតាមប្រភពដែល អ្នកបានចាក់វ៉ាក់សាំងមួយចំនួនតូចនៅអាចមានឆ្លងវីរុសកូវីដ១៩ ដោយមិនចេញរោគសញ្ញា តែថាអ្នកចាក់វ៉ាក់សាំង ក៏មានភស្តុតាងបញ្ជាក់ថា អាចជួយការពារកុំឲ្យធ្លាក់ខ្លួនឈឺធ្ងន់ និងមិនត្រូវការព្យាបាលដោយប្រើឧបករណ៍ជំនួយដកដង្ហើមផងដែរ។ ចំណែកនៅខាងអឺរ៉ុបវិញ ក្រុមអ្នកជំនាញបញ្ជាក់ថា ការបានចាក់វ៉ាក់សាំងពេញលេញជារឿងល្អប្រសើរជាងការមិនបានចាក់។ អ្នកជំនាញនៅអឺរ៉ុបថាថ្វីបើវ៉ាក់សាំងមិនអាចមានប្រសិទ្ធភាពការពារវីរុសកូវីដ១៩ បាន១០០ភាគរយ តែថាវ៉ាក់សាំងពិតជាបានជួយអ្នកចាក់វ៉ាក់សាំងកុំឲ្យឈឺធ្ងន់ពេលឆ្លងជំងឺ និងមិនមានការគំរាមកំហែងដល់អាយុជីវិត។ ១. ហេតុអ្វីមានអ្នកចាក់វ៉ាក់សាំងហើយនៅតែស្លាប់ដោយសារកូវីដ១៩? មិនថានៅអាមេរិកទ ឬនៅប្រទេសអាល្លឺម៉ង់ទេ ក៏មានអ្នកស្លាប់ដោយសារកូវីដ១៩ ទោះបីជាបានចាក់វ៉ាក់សាំងរួចរាល់ក៏ដោយ។ មជ្ឈមណ្ឌលគ្រប់គ្រងជំងឺឆ្លងអាល្លឺម៉ង់បានលើកឡើងថា មូលហេតុដែលនាំឲ្យមនុស្សធ្លាក់ខ្លួនឈឺដោយសារកូវីដ១៩ទោះបីបានចាក់វ៉ាក់សាំង គឺអាចមានមូលហេតុពីរយ៉ាង។ មូលហេតុទី១ គឺអ្នកនោះបានឆ្លងរួចហើយមុនពេលចាក់វ៉ាក់សាំង និងមូលហេតុមួយទៀត គឺអ្នកចាក់វ៉ាក់សាំង បានឆ្លងវីរុសនោះភ្លាមៗក្រោយចាក់វ៉ាក់សាំង។ បើតាមអ្នកជំនាញអាល្លឺម៉ង់ រាងកាយយើងត្រូវការពេលប្រហែលជាពីរសប្ដាហ៍ ដើម្បីកសាងប្រព័ន្ធការពារមួយពេញលេងបន្ទាប់ពីចាក់វ៉ាក់សាំង។ មានន័យថា វ៉ាក់សាំងអាចការពារមនុស្សយើងបានពីរសប្ដាហ៍ក្រោយ បានចាក់វ៉ាក់សាំងគ្រប់ដូស។ ២. ចំណុចអ្នកចាក់វ៉ាក់សាំងគ្រប់ដូសត្រូវបន្តធ្វើ CDC អាមេរិកបានណែនាំថា ទោះបីជាបានចាក់វ៉ាក់សាំងពេញលេញហើយក៏ដោយ ក៏អ្នកដែលបានចាក់រួចត្រូវបន្តពាក់ម៉ាស រក្សាគម្លាត ពេលចេញក្រៅ និងលាងសម្អាតដៃ និងមិនគួរទៅកន្លែងមានមនុស្សច្រើននោះដែរ។ ជាពិសេសត្រូវបន្តតាមដានសុខភាពរបស់ខ្លួន ក្រែងមានរោគសញ្ញាកូវីដ១៩ ពិសេសបើយើងបានទៅតំបន់ ឬកន្លែងមានមនុស្សឈឺ។ ដូចគ្នាដែរ […]

វីរុសកូរ៉ូណា

វដ្ដរដូវអាចប្រែប្រួលរយៈពេលខ្លី ក្រោយស្រីៗចាក់វ៉ាក់សាំងកូវីដ-១៩

ការប្រែប្រួលតិចតួចលើវដ្ដរដូវ ក្រោយចាក់វ៉ាក់សាំងកូវីដ-១៩ រួច ជារឿងធម្មតាប៉ុណ្ណោះ ហើយវានឹងអាចត្រលប់មករកសភាពដើមវិញក្នុងរយៈពេលដ៏ខ្លី។ ដូច្នេះហើយ ស្រីៗយើងមិនចាំបាច់បារម្ភនោះឡើយ បើជួបការប្រែប្រួលនេះ។ ជាក់ស្ដែង ទីភ្នាក់ងារនិយតកម្មឱសថ និងផលិតផលថែទាំសុខភាពរបស់ចក្រភពអង់គ្លេស បានរាយការណ៍ថា មានស្ត្រីច្រើនជាង ៣៧ ០០០នាក់បានជួបប្រទះបញ្ហាមករដូវមិនទៀងទាត់ មករដូវច្រើនលើសពីធម្មតា និងមករដូវយឺតយ៉ាវ បន្ទាប់ពីចាក់វ៉ាក់សាំងបង្ការកូវីដ-១៩ រួច។ យ៉ាងណាមិញ ពុំមានភស្តុតាងបង្ហាញពីទំនាក់ទំនងរវាង វ៉ាក់សាំង និងការប្រែប្រួលនៃវដ្ដរដូវឡើយ ប៉ុន្តែអ្នកវិទ្យាសាស្ត្រត្រូវការស្រាវជ្រាវបន្ថែមទៀត ដើម្បីយល់ដឹងកាន់តែច្បាស់។ គណនា BMI គណនា BMR កម្មវិធីពិនិត្យជំងឺបម្រុងទឹកនោមផ្អែមអនឡាញ កម្មវិធីពិនិត្យបញ្ហាលិង្គមិនឡើងរឹងអនឡាញ បញ្ហាទូទៅកើតឡើងលើអ្នកចាក់វ៉ាក់សាំងចំនួន ២ដូស សម្រាប់អ្នកដែលចាក់វ៉ាក់សាំង២ដូសរួច អាចមករដូវយឺតយ៉ាវចំនួន២ថ្ងៃ ប៉ុន្តែក្រុមគ្រូពេទ្យបានឲ្យដឹងថា បញ្ហានេះមិនទំនងជាកើតឡើងចំពោះស្ត្រីដែលចាក់វ៉ាក់សាំងលើកទី២ យ៉ាងហោចណាស់នៅចន្លោះ៨សប្ដាហ៍ឡើយ។ រយៈពេលនៃវដ្ដរដូវស្ត្រីម្នាក់ក្នុងចំណោម ១០នាក់មានការប្រែប្រួលច្រើនជាង៨ថ្ងៃ បើធៀបនឹងស្ត្រីដែលមិនបានចាក់វ៉ាក់សាំង។ ទោះជាយ៉ាងនេះក្ដី វដ្ដរដូវនឹងត្រលប់មកសភាពធម្មតាវិញ ក្រោយវដ្ដរដូវលើកទីពីរ។ ទន្ទឹមនឹងនេះដែរ ការសិក្សាមួយផ្សេងទៀតលើមនុស្សចំនួន ៥ ៦០០នាក់នៅប្រទេសន័រវសបង្ហាញថាវដ្ដរដូវមានការប្រែប្រួលទៅតាមធម្មជាតិ។ យ៉ាងហោចណាស់ ស្ត្រីចំនួន ៤០% មានរដូវច្រើនជាងធម្មតា មុនពេលចាក់វ៉ាក់សាំងទៅទៀត ហើយក៏មានស្ត្រីមួយចំនួនមានការភ័ន្តច្រឡំថាវ៉ាក់សាំងកូវីដ-១៩ អាចបណ្ដាលឲ្យយើងគ្មានកូនផងដែរ។ ផ្ទុយទៅវិញ វីរុសកូវីដ-១៩ ទៅវិញទេ ដែលអាចធ្វើឲ្យបរិមាណ និងគុណភាពមេជីវិតឈ្មោលថយចុះ ជាហេតុនាំឲ្យប៉ះពាល់ដល់ការមានកូនរយៈពេលខ្លី។ វីរុសបំប្លែងថ្មី អូមីក្រុង ភាគច្រើនឆ្លងតែក្មេងជាងមនុស្សធំ? […]

វីរុសកូរ៉ូណា

សម្រាលកូនហើយប៉ុន្មានខែ ទើបអាចចាក់វ៉ាក់សាំងកូវីដ-១៩ បាន?

ម៉ាក់ៗដែលទើបសម្រាលកូនរួច ច្បាស់ជាមានចម្ងល់មិនខាន ថាតើម៉ាក់ៗអាចចាក់វ៉ាក់សាំងការពារជំងឺកូវីដ-១៩ បានអត់? និងគួរចាក់នៅពេលណាល្អ បើអាអូនបៅដោះ? ពិតណាស់ ស្រីៗយើងអាចចាក់វ៉ាក់សាំងបង្ការវីរុសកូវីដ-១៩ នៅគ្រប់ពេលទាំងអស់ មិនថានៅអំឡុងពេលមានគភ៌ ឬក្រោយពេលសម្រាលកូនឡើយ។ ការណែនាំពីមហាវិទ្យាល័យRoyalផ្នែកសម្ភព និងរោគស្ត្រី មហាវិទ្យាល័យRoyalផ្នែកសម្ភព និងរោគស្ត្រីបានណែនាំថា ស្ត្រីដែលទើបសម្រាលកូនហើយភ្លាមៗ គួរតែទៅចាក់វ៉ាក់សាំងដូចទៅនឹងគ្នាយើងទូទៅដែរ (ស្ត្រីដែលគ្មានផ្ទៃពោះ)។ បើយោងតាមសៀវភៅបៃតងនៃសុខភាពសាធារណៈប្រទេសអង់គ្លេស (PHE) បានផ្ដល់ព័ត៌មានចុងក្រោយបំផុតស្ដីពីការចាក់វ៉ាក់សាំងថាស្ត្រីដែលព្យាយាមយកកូន ឬក្រោយសម្រាលកូនរួចភ្លាម គប្បីទៅចាក់វ៉ាក់សាំងដែលស័ក្ដិសមទៅនឹងលក្ខខណ្ឌអាយុ និងហានិភ័យរបស់ខ្លួន។ ម៉ាក់សម្រាលកូនដោយវះកាត់ អាចចាក់វ៉ាក់សាំងបានអត់? ទន្ទឹមនឹងនេះដែរ សម្រាប់ស្ត្រីដែលសម្រាលកូនដោយវះកាត់ ក៏មិនមានភាពខុសប្លែកគ្នាដែរ គឺសុទ្ធតែអាចចាក់វ៉ាក់សាំងបានគ្រប់ពេល។ ជាក់ស្ដែង ហានិភ័យនៃវីរុសកូវីដ-១៩ កាន់តែកើនឡើងលើស្ត្រីពពោះ នៅត្រីមាសចុងក្រោយ។ ដូច្នេះហើយ ស្ត្រីពពោះគប្បីចាក់វ៉ាក់សាំងឲ្យបាន២ដូសមុនពេលសម្រាលកូន ឬមុនពេលចូលដល់ត្រីមាសទីបី។ ស្ត្រីបំបៅដោះកូនចាក់វ៉ាក់សាំងបានឬទេ? វ៉ាក់សាំងមានប្រសិទ្ធភាពក្នុងការការពារជំងឺកូវីដ-១៩ ដល់ស្ត្រីកំពុងពពោះ កំពុងព្យាយាមយកកូន ឬកំពុងតែបំបៅដោះកូនដូចគ្នា។ របាយការណ៍ថ្មីៗនេះបានបង្ហាញថា ស្ត្រីដែលកំពុងបំបៅដោះកូន អាចទទួលបានអង់ទីករនៅក្នុងទឹកដោះ ដែលមានសមត្ថភាពក្នុងការការពារអាអូនឲ្យជៀសផុតពីវីរុសមួយនេះ។ យ៉ាងណាមិញ យើងត្រូវការទិន្នន័យបន្ថែមទៀត ដើម្បីកំណត់ថាតើអង់ទីករទាំងនេះអាចការពារអាអូនបាននៅកម្រិតណា។

វីរុសកូរ៉ូណា

ផ្ញើសារស្ដាយក្រោយអត់បានចាក់វ៉ាក់សាំងកូវីដ១៩ មុនស្លាប់ ២ថ្ងៃ

អ្នកជំងឺកូវីដ១៩ វ័យ ៤០ឆ្នាំរស់នៅភាគខាងត្បូងរដ្ឋកាលីហ្វ័រញ៉ាបានផ្ញើសារទៅប្អូនប្រុសខ្លួនថា គេសោកស្ដាយខ្លាំងណាស់ដែលមិនបានចាក់វ៉ាក់សាំងមុនលោកលាចាកលោក ២ថ្ងៃ កាលពីចុងសប្ដាហ៍កន្លងទៅ។ “បងដកដង្ហើមអត់រួចទេ បងស្ដាយណាស់ដែលអត់បានចាក់វ៉ាក់សាំង បើអាចថយក្រោយបាន បងនឹងចាក់វ៉ាក់សាំងដើម្បីនៅមានដង្ហើមដក"។ នេះជាសាររបស់ Christian Cabrera ផ្ញើចេញមុនលោកស្លាប់។ កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ សារបន្ត "ជួយមើលកូនប្រុសអាយុ៣ឆ្នាំ បងផង"។ របាយការណ៍ពីសារព័ត៌មានអាមេរិកនានារាយការណ៍ថា Chris ស្លាប់កាលពី ថ្ងៃសៅរ៍ ដោយសារមេរោគរាលដាលសួតកម្រិតធ្ងន់ទៅហើយទើបមិនអាចសង្គ្រោះបាន។ ការចាក់វ៉ាក់សាំងការពារជំងឺកូវីដ១៩ ចាប់ពី២ ដូសគ្រប់គ្រាន់ អាចការពារហានិភ័យជាងអ្នកមិនចាក់ ប្រសិនបើគេឆ្លងកូវីដ១៩បម្លែងណាមួយ ឲ្យចូលសង្គ្រោះបន្ទាន់ រហូតដល់ទៅ ៦ដង។ អត្ថប្រយោជន៍អ្នកចាក់វ៉ាក់សាំង គេចផុតពីគ្រោះថ្នាក់ធ្ងន់ធ្ងរ ឆាប់ជា និងលក្ខខណ្ឌល្អប្រសើរជាងអ្នកមិនចាក់។ អាន៖ វីរុសបំប្លែងថ្មី អូមីក្រុង ភាគច្រើនឆ្លងតែក្មេងជាងមនុស្សធំ? ដូសទី៤ ដុះអង់ទីករមែន តែមិនទាន់ខ្លាំងដល់កម្រិតការពារអូមីក្រុងបានទេ ស្ត្រីពពោះមិនទាន់ចាក់វ៉ាក់សាំងកូវីដ-១៩ បង្កជាក្ដីបារម្ភ ពេលអូមីក្រុងរាតត្បាត ដំណឹងល្អ! ថ្នាំគ្រាប់ព្យាបាលកូវីដ២ប្រភេទប្រកាសចេញតែស៊ីពេលផលិត អ្នកជាសះស្បើយពីអូមីក្រុង អាចជួបរោគសញ្ញាមួយនេះ ហេតុផល ៥យ៉ាង ត្រូវព្យាយាមចៀសវាងការឆ្លងអូមីក្រុងឲ្យបាន វីរុសបំប្លែងថ្មី អូមីក្រុង អាចចេញរោគសញ្ញាមួយនេះលើក្មេងក្រោម ៥ ឆ្នាំ

លម្អិតពីវ៉ាក់សាំង

ថ្នាំបង្ការសំខាន់ៗ

គ្រូពេទ្យឯកទេស

ចង់ដឹងអ្វីពីថ្នាំវ៉ាក់សាំង?

លម្អិតពីវ៉ាក់សាំង

វ៉ាក់សាំងតាមអាយុ

វ៉ាក់សាំងសម្រាប់កុមារ

រង្វាស់​សុខភាព​ផ្សេង​ទៀត

មើល​ទាំង​អស់

គន្លឹះពីវ៉ាក់សាំង

វ៉ាក់សាំងជំងឺកូវីដ-១៩

រង្វាស់សុខភាពផ្សេងទៀត

មើលទាំងអស់