ប្រយោជន៍ចំពោះស្ត្រីគ្រប់រូប! គួរដឹងពីជំងឺមហារីកសុដន់ហើយ

ជំងឺមហារីកសុដន់

ជំងឺមហារីកក្រពេញអូវែ

គ្រូពេទ្យឯកទេស

វេជ្ជបណ្ឌិត រ៉ាវុឌ្ឍ សោភារចនា

សម្ភពនិងរោគស្រ្តី

សាស្ត្រាចារ្យវេជ្ជបណ្ឌិត គាន់ អូន

សម្ភពនិងរោគស្រ្តី

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី

សំណួរមួយចំនួនពីជំងឺមហារីកសុដន់

ជំងឺមហារីកសុដន់ជាអ្វី?

ជំងឺមហារីកសុដន់ ជាការរីកលូតលាស់កោសិកាខុសប្រក្រតី ឬយើងហៅថា កោសិកាជំងឺមហារីក ឬដុំសាច់កាច នៅក្នុងសុដន់។ ជាទូទៅជំងឺមហារីកសុដន់ កើតឡើងទាំងប្រុសទាំងស្រី ប៉ុន្តែចំពោះមនុស្សប្រុសដែលមានជំងឺមហារីកប្រភេទនេះ (មហារីកសុដន់) មានភាគរយតិចតួចបំផុត បើធៀបទៅនឹងមនុស្សស្រី។ នៅសហរដ្ឋអាមេរិក មហារីកសុដន់ជាមហារីកដ៏កាចសាហាវ និងឈរនៅលេខរៀងទី២ បន្ទាប់ពីជំងឺមហារីកស្បែក។

ស្វែងយល់បន្ថែម:

Breast Cancer (ជំងឺមហារីកសុដន់)

អ្នកណាខ្លះប្រឈមនឹងជំងឺមហារីកសុដន់ខ្ពស់បំផុត?

អាយុកាន់តែច្រើនប្រឈមនឹងហានិភ័យជំងឺមហារីកដុសន់ក៏កាន់តែខ្ពស់ទៅតាមហ្នឹងដូចគ្នាដែរ ពិសេសចំពោះស្ត្រីដែលមានវ័យលើស ៥០ឆ្នាំឡើង ឬស្ត្រីដែលដល់អាយុអស់រដូវ។ ករណីជំងឺមហារីកសុដន់កើតឡើងចន្លោះពី ៨% ទៅ ១០% ជាស្ត្រីអាយុលើស ៥០ឆ្នាំ។

ស្វែងយល់បន្ថែម:

ស្រ្តីវ័យក្មេង អាចកើតជំងឺមហារីកសុដន់ដែរឬអត់?

ហានិភ័យនៃការកកើតជាជំងឺមហារីកសុដន់បណ្ដាលមកពីកត្តាអ្វីខ្លះ?

កត្តាប្រឈមកាន់តែខ្ពស់នៃការវិវត្តន៍ទៅជាជំងឺមហារីកសុដន់មានដូចជា អាយុកាន់តែច្រើន ប្រវត្តិគ្រួសារដែលសមាជិកជាមនុស្សស្រីធ្លាប់មានជំងឺមហារីកសុដន់ឬក្រពេញអូវែ កត្តាប្រែប្រួលហ្សែន ធ្លាប់ទទួលការព្យាបាលដោយប្រើកាំរស្មី និងកត្តាមួយចំនួនទៀត។

ស្វែងយល់បន្ថែម:

ស្រីៗ បើកើតជំងឺទឹកនោមផ្អែម ងាយប្រឈមជំងឺមហារីកសុដន់

តើជំងឺមហារីកសុដន់អាចការពារបានឬអត់? បើបានដោយវិធីណាខ្លះ?

មិនធានាបាន ១០០% ថាការពារមិនឲ្យកោសិកាមហារីកកើតបានទេ ប៉ុន្តែយើងអាចបន្ថយមហានិភ័យបានពិសេសចំពោះស្ត្រីដែលធ្លាប់មានប្រវត្តិគ្រួសារមានសមាជិកមានជំងឺមហារីក ឬកត្តាហ្សែនមហារីកជាដើម។ ដើម្បីបន្ថយកម្រិតគ្រោះថ្នាក់ពីជំងឺមហារីក អ្នកគួរតែ រក្សាទម្ងន់ដែលសុខភាពល្អឲ្យឋេរ ហាត់ប្រាណឲ្យបានទៀងទាត់ កុំសេពគ្រឿងស្រវឹង ញ៉ាំអាហារសុខភាព បន្លែផ្លែឈើឲ្យច្រើន កុំជក់បារី បើមានកូន គួរបំបៅកូនដោយទឹកដោះ ដឹងច្បាស់ពីប្រវត្តិគ្រួសារថាតើធ្លាប់មានសមាជិកណាម្នាក់មានជំងឺមហារីកឬអត់ ធ្វើតេស្ដពិនិត្យឆ្លុះសុដន់ឲ្យបានត្រឹមត្រូវនិងទៀងទាត់។ល។

ស្វែងយល់បន្ថែម:

៤ ចំណុច គួរដឹងពីជំងឺមហារីកសុដន់ កុំឲ្យចេះតែបារម្ភ!

ដុំសាច់ក្នុងសុដន់ជាអ្វី? វាមានសភាពទន់ឬរឹង?

បើជាដុំសាច់កាច(ដុំសាច់មហារីក) ជាធម្មតាវាមានទំហំធំ រឹង អត់បង្កការឈឺចាប់ទេពេលប៉ះពាល់វា ហើយសុខៗវាក៏លេចឡើងឯកឯងតែម្ដង។ ទំហំដុំសាច់នឹងបន្តរីកលូតលាស់កាន់តែធំហើយលឿនពីមួយសប្ដាហ៍ទៅមួយសប្ដាហ៍ ពីមួយខែទៅមួយខែ។ ដុំសាច់មហារីក អាចកើតឡើងនៅក្រៅរាងកាយដូចជា សុដន់ ពងស្វាស ក ឬដៃជើង។

ស្វែងយល់បន្ថែម:

ស្រីៗ បើកើតជំងឺទឹកនោមផ្អែម ងាយប្រឈមជំងឺមហារីកសុដន់

ដុំសាច់ក្នុងសុដន់មានទំហំប៉ុណ្ណា ហើយប៉ុណ្ណាបានចាត់ទុកថាធំ?

តាមវេជ្ជសាស្ត្របញ្ជាក់ថាសម្រាប់អ្នកជំងឺស្ថិតនៅដំណាក់កាលដំបូង (EGC) ទំហំដុំសាច់ដែលមានទំហំតូចជាង ៣សម គ្រូពេទ្យចាត់ទុកថាជាទំហំតូច តែបើធំជាង ៣សម គឺជាដុំសាច់កាចដែលមានទំហំធំ។ ដោយឡែកសម្រាប់អ្នកជំងឺមហារីកដំណាក់កាលចុងក្រោយ ឬយើងហៅថាដំណាក់កាលទី៤ (AGC) បើដុំសាច់វិវត្តមិនទាន់លើស ៦សមទេ នោះគេចាត់ទុកថាជាទំហំតូច បើលើស ៦សម គឺពេទ្យចាត់ទុកថាទំហំធំ។

ស្វែងយល់បន្ថែម:

ដំណឹងល្អ! ការព្យាបាលដោយវីរុសអាចសម្លាប់កោសិកាមហារីកបាន

គ្រប់ដុំសាច់ក្នុងសុដន់សុទ្ធតែជាដុំសាច់កាច ឬដុំសាច់មហារីកមែនអត់?

ដុំសាច់ក្នុងសុដន់អាចមាន ហើយក្នុងនោះយើងអត់អាចដឹងដោយស្ទាប ឬឆ្លុះអេកូធម្មតាដឹងទេ លុះត្រាណាតែគ្រូពេទ្យពិនិត្យដោយល្អិតល្អន់ ដូចជាច្រឹបសាច់ទៅពិនិត្យជាដើម ទើបដឹងជាក់ច្បាស់។ ដុំសាច់(ស្លូត) វាលូតលាស់ខុសប្រក្រតី និងបន្តលូតលាស់ធម្មតាក្នុងសុដន់ តែវាមិនលោត មិនរាលដានក្រៅរង្វង់បរិវេណសុដន់ស្ត្រីទេ។ ដុំសាច់(ស្លូត) មិនបង្កហានិភ័យឬវិវត្តជាដុំសាច់កាច ឬដុំសាច់មហារីកទេ។ ផ្ទុយទៅវិញករណីមានដុំសាច់ក្នុងសុដន់ តែជាដុំសាច់កាច ឬយើងហៅថា ដុំសាច់មហារីកដែលអាចបង្កហានិភ័យនិងគ្រោះថ្នាក់ដល់អាយុជីវិតអ្នកជំងឺបាន។

ស្វែងយល់បន្ថែម:

ដំណឹងល្អ! ការព្យាបាលដោយវីរុសអាចសម្លាប់កោសិកាមហារីកបាន

តើដុំសាច់ក្នុងសុដន់លូតលាស់លឿនរហ័សប៉ុណ្ណាដែរ?

កម្រិតឬអត្រានៃការលូតលាស់ដុំសាច់(កាច)ក្នុងសុដន់ អាចអាស្រ័យលើកត្តាច្រើនយ៉ាងរបស់អ្នកជំងឺម្នាក់ៗ ប៉ុន្តែទំហំដុំសាច់ដែលអាចលូតលាស់កាន់តែធំ អត់មានអីខុសពីរាប់សិបទស្សវត្សរ៍មុនទេ។ ជាមធ្យមដុំសាច់អាចលូតលាស់ធំមួយគុណជាពីរក្នុងរង្វង់ ១៨០ថ្ងៃ ឬប្រមាណរៀងរាល់ ៦ខែ។ ដូច្នេះហើយបានជាគ្រូពេទ្យណែនាំ ឲ្យតាមដាននិងពិនិត្យសុខភាព ពិសេសរកកោសិកាជំងឺមហារីកឲ្យបានញឹកញាប់ ចាប់ពី ៦ខែម្ដង ឬ ១២ឆ្នាំម្ដង។

ស្វែងយល់បន្ថែម:

ដំណឹងល្អ! ការព្យាបាលដោយវីរុសអាចសម្លាប់កោសិកាមហារីកបាន

តើជំងឺមហារីកសុដន់អាចព្យាបាលបានទេ? ជា ១០០% អត់?

គោលបំណងនៃការព្យាបាលត្រឹមត្រូវរួចរាល់បានសេចក្ដីថា កុំឲ្យការរីកលូតលាស់សាច់កាចខុសប្រក្រតីនេះត្រឡប់មកវិញ។ តែទោះជាយ៉ាងណា វាមិនប្រាកដ ១០០% ទេថាក្រោយទទួលការព្យាបាលជំងឺមហារីក អ្នកជំងឺមិនរើឡើងវិញទាល់តែសោះនោះ។ ជាក់ស្ដែងការព្យាបាលអ្នកជំងឺមហារីកសុដន់ មានភាគរយជោគជ័យខ្ពស់សម្រាប់អ្នកជំងឺភាគច្រើន ឯអត្រាដែលជំងឺរើឡើងវិញមានដែរ តែអាត្រាភាគរយតិចតួចបំផុត បើអ្នកជំងឺទទួលការព្យាបាលទាន់ពេលវេលានិងត្រឹមត្រូវតាមបច្ចេកទេស។

ស្វែងយល់បន្ថែម:

ចម្ងល់សំខាន់ៗ ៦ ចាំបាច់ត្រូវដឹងក្រោយព្យាបាលមហារីកសុដន់

ជាទូទៅគ្រូពេទ្យប្រើមធ្យោបាយណាសម្រាប់ព្យាបាលជំងឺមហារីកសុដន់?

គឺព្យាបាលដោយគីមី។ ការប្រើប្រាស់ថ្នាំពិសេសដើម្បីទៅបង្រួមឬទៅសម្លាប់កោសិកាមហារីកនៅទីតាំងដែលកើតដើម្បីកុំឲ្យវារាលដាល។ ជម្រើសនៃការព្យាបាលនេះអាចប្រើថ្នាំលេប ឬថ្នាំចាក់ចូលសរសៃ ឬពេលខ្លះគ្រូពេទ្យប្រើប្រាស់ទាំង២ ក៏មាន។

ស្វែងយល់បន្ថែម:

ស្វែងយល់លម្អិតពីការព្យាបាលមហារីកសុដន់ដោយប្រើអ័រម៉ូន

លម្អិតពីជំងឺមហារីកសុដន់

គ្រូពេទ្យឯកទេស

សំណួរមួយចំនួនពីជំងឺមហារីកសុដន់

លម្អិតពីជំងឺមហារីកសុដន់

ហានិភ័យនិងការការពារ

រោគសញ្ញានិងរោគវិនិច្ឆ័យ

រង្វាស់​សុខភាព​ផ្សេង​ទៀត

មើល​ទាំង​អស់

ការព្យាបាលនិងការគ្រប់គ្រង

រង្វាស់សុខភាពផ្សេងទៀត

មើលទាំងអស់